علاج متكامل للوسواس القهري ونوبات الهلع وتحرير الخوف

[0:00]الوسواس القهري ما كيبداش بفكره قويه ولكن كيبدا برده فعل خاطئه على فكره عابره. الاصل في الفكره الوسواسيه هي فكره طبيعيه عاديه ولكن الخطا تعامل معها كتهديد حقيقي. فكدخل معها في صراع، تحليل، مقاومه، نقاش. فبلا ما كتحس كتوري للدماغ بان هذه الفكره خطيره وكتستحق انه يبدا يعاودها لك وينتبه منها. فكل ما جات الفكره وتكرت كتجيب قوه وقوه اكبر. انت را ما محتاجش انك تقنع راسك بان هذه الفكره خاطئه، انت محتاج انك تدرب الجهاز العصبي ديالك انه ما يبقاش يستجب لهذه الفكره. بالتقبل والتجاهل واعاده التركيز. كل طمانه هي بمثابه غذاء دسم للفكره الوسواسيه باش تبقى معك مده اكبر. التعامل مع الوسواس القهري ماشي بالمقاومه او معركه فكريه خاصك دير اعاده برمجه سلوكيه عصبيه. البرمجه كالتالي تكرار قبول الفكره ويتجلى التقبل هو نوافق على الفكره انها تجي بلا ما نعارض عليها. وعدم التفاعل معها يعني ما تناقش معها ولا نحاول نبين بانها العكس. مجرد كتجي الفكره كنتب ليها بالعقل ديالي بان اللاواعي صيفط لي واحد الانذار كاذب. من بعد كندير اعاده التركيز في ذاك الشيء اللي كندير في هذه اللحظه هذه ولا ما كنت كندير والو شنو كنسمع ولا اشنو كنشوف لواحد المده ديال 30 ثانيه. من بعد ما كندير اعاده التركيز للفكر كنحس بواحد الخوف هذا الخوف نخليه كيف ما هو ولكن نحاول انني نركز في التفاصيل اشنو كيدير. الخوف في الاطراف ديالي يعني في يدي اشنو كيدير في الصدر ديالي اشنو كيدير في رجلي ونركز عليه منين كنركز عليه بلا ما كنخاف منه كيبدا يفقد القوه دياله. وهنا كنحيد الخوف المتراكم لانني شهور وسنوات انني كنخاف فكين فين كيتخزن لي هذا الخوف كيتخزن لي في الجسد ديالي. بعض المرات كتلقى العنق ديالك ولا الكتاف ديالك مشدودين عليك واخا كتمشي عند الكلينيك يقول لك الحمد لله راه ما عندك والو. ولكن انت عندك شعور مخزن خاصك تحرره بهذه الطريقه هو نسمح للخوف بالتواجد ويدوز المده دياله بلا ما نقاومه بلا ما نقلب على شي حاجه اللي تطمئني. نخليه يدوز المده دياله كامله منين بدا حتى يسالي هذا هو التحرر ديال الخوف والفكره كتفقد القيمه ديالها لانها كتاخذ القوه ديالها من الخوف. باختصار هذو هما التقنيات ديال العلاج المعرفي السلوكي وهذا هو العلاج وجوهر العلاج ديال الوسواس القهري. كيف ما كانت هذه الفكره فكره موت فكره مرض فكره عقيده فكره جنون حتى نوبه الهلع هذاك الخوف اللي كتحس به في نوبه الهلع الخوف بغاك تهرب. حاول انك تستسلم لنوبه الهلع خلي الخوف يطلع حتى لاقصى ما كاين وغادي ينزل في 11 دقيقه الماكسيموم. من بعد منين كدوز هذه المرحله الجهاز العصبي ديالك مابقاش يخاف فمابقاش يصيفط لك نوبه الهلع. ديما ذكر راسك نوبه الهلع لا تسبب الوفاه نوبه الهلع لا تسبب سكته قلبيه نوبه الهلع لا تسبب الاغماء. مجرد احساس غريب انت كتفسر على اساس بانك تحضر مع انك عمرك ما جربتي الاحتضار. اذا التفسير ديالك لنوبه الهلع هي الفكره المشوهه اللي كتسيطر عليك. حاول انك من تجيك نوبه الهلع او القلق الشديد او الخوف الشديد خليه يمر استسلم له بدون مقاومه خليه يدوز المده دياله كامله باش يعرف الجهاز العصبي ديالك بان ماكين حتى شي خطر. هنا الفكره غ تبدا تفقد القيمه ديالها والخوف غيبدا يفقد القيمه دياله شكون اللي غيفقد القيمه هو الجهاز العصبي ديالك الى دربتيه على هذا التمرين. وهذا التمرين ما يتانسط في الجهاز العصبي ديالك حتى تكرر وتكرر وتكرر باش يتبرمج الجهاز العصبي ديالك ويفقد القيمه كيف ما قلنا من الفكره ومن الخوف. العلاج المعرفي السلوكي هو الجوهر هو العلاج ديال الوسواس القهري كيف ما كان النوع دياله.