[0:00]Aap logon ke hisaab se Bharat ka sabse corrupt aur incompetent department kaun sa hai? Iska jawab aap mujhe comment mein batao. Aur uske pehle main aapko iska jawab bataun, aap pehle yeh video dekho. Momos ab factories mein bante hain, jahan hygiene ka abhav hai. Haal hi mein Mohali ki ek factory mein chape ke dauran ek kutte ka shav mila. Aise hi aapko ice cream mein semen mil jaayega aur kahin pani puri mein urine aur baal. Aur aisi headlines hamari international beizzati karwati hain. Yeh dekho kis tarah se sabziyon ko colour kiya jaa raha hai. Fruits aur sabziyon ko steroid wale injection laga ke pakaya jaata hai. Kuch annadaata sabziyon mein oxytocin ke injection lagate hain taaki woh size mein badi, fresh aur green dikhai dein. Sabse shocking baat yeh hai ki bade-bade brands bachhon ke khaane tak mein milawat kar de rahe hain. Packet ke front mein toh aapko khoob bade-bade fruits waghera dikhai de jayenge lekin packet ke piche yeh likh dete hain for marketing purpose only. Abhi bahut recently ek raid mein Eno tak ki fake factory pakdi gayi thi. Haal hi mein Gujarat ke andar 1500 kilo aur UP ke andar 2500 kilogram fake paneer pakda gaya tha. Bharat mein aapko har ek cheez milawati aur fake mil jaayegi, chahe woh doodh ho, paneer ho, butter ho, ghee ho ya paani mein bhi yahan tak milawat milti hai. Aur kai saare brands ke duplicate version aapko dikh jaate hain. Jin Indian masalon ko US, Europe aur Hong Kong mein cancer causing pesticide ke liye ban kiya hua hai, woh hamare desh mein khule aam bik rahe hain. ORS wali news toh aap sabne sun li hogi. Yeh company ORS ki jagah cheeni ka ghol bech rahi thi. Socho logon ki health ke saath kis tarah se khule aam khela jaa raha hai. Are videshon ke kutte jin cheezon ko nahi khate waisi cheezein Bharat mein safe bolkar bech di jaati hain. Yeh sab cheezein dekh ke aapko gussa toh zaroor aaya hoga, mujhe toh definitely aaya tha. Aur jis department ko in sab pe nazar rakhni chahiye, strict action lena chahiye, woh soya pada hua hai. Main baat kar raha hoon FSSAI ki, jise Bharatiyon ki health ki ratti bhar bhi chinta nahi hai. Aisa lagta hai inhein hum logon ki jaan kisi cockroach ki jaan ke barabar dikhai deti hai. Aur hamare kuch mahaan Bharatiya nagarik is tarah ke videos internet par share kar-karke international beizzati karwate rehte hain. Toh Bharat mein food safety ke naam pe kya mazaak chal raha hai? Aur hum bhagwan bharose rehne ki bajaaye individual level par apne aap ko safe kaise rakh sakte hain? Aaj ki video mein isi pe baat karenge. Aaiye dekhte hain.
[2:17]FSSAI ki full form hai Food Safety And Standards Authority Of India. Yeh authority Ministry of Health and Family Welfare ke under aati hai aur iske current minister hain J. P. Nadda. FSSAI ko 2008 mein banaya gaya tha aur tab se brands ki licensing se lekar food ke regulation banana, quality maintain karna, yeh sab ka kaam inhin ke under aata hai. Aap koi bhi packaged food item utha ke dekh lo uske piche iska logo aapko laga hua dikh jaayega. Iske alawa dairy products, fish, meat, in sab ke standard set karne ka kaam bhi yahi karte hain. Lekin shayad pure Bharat mein koi bhi aisa department aapko nahi milega jo inse zyada incompetent nikal ke aaye. Aaj ke time par aap pure confidence se ek bhi food item ka naam nahi le sakte jo market mein ekdum pure bina kisi milawat ke becha jaa raha ho. Aaye din hazaron kilo fake paneer pakda jaa raha hai. Analogue Paneer bhi kuch hota hai yeh bhi logon ko kuch time pehle hi pata chala hai. Jabki analogue paneer bhi FSSAI marked hota hai. Analogue paneer ka matlab woh paneer jo traditional way mein nahi banaya jaata, jisme vegetable oil aur starch aur milk solid use karke banaya jaa raha hai aur yeh bechna by the way FSSAI ki taraf se legal bhi hai. Isi liye toh aapko gali-gali mein ₹30 ke paneer momo khaane ko mil jaate hain. Kyunki woh saare log analogue paneer use karte hain. In fact Food Phanner ne Bharat mein milne wale top brand ke paneer aur roadside food mein milne wale paneer ka jab test kiya toh pata chala ki sirf kuch packaged brands hain jinka paneer real tha baki sab fake nikal gaya. Dairy shop pe milne wala khula paneer aur thele pe milne wale Chilli Paneer aur Paneer Tikka jaise item mein fake paneer use kiya gaya tha. Aur main yeh confidence ke saath keh sakta hoon ki Bharat mein 99% thele wale fake paneer use karte hain. Bharat mein log street food ke deewane hain aur young log toh ghar ke khaane se zyada bahar ka khaana prefer karte hain. Unfortunately jo khaana hum sochte hain ki healthy hoga woh bhi healthy nahi hota hai. Yeh dekho soya chaap ko kis tarah se banaya jaa raha hai. Maine dekha hai bahut saare log gym se seedha chaap khaane pahunch jaate hain yeh sochkar ki isse unko protein mil jaayega. Ab protein ka toh pata nahi lekin diarrhoea milne ke 100% chance hain. Lekin kya ek saal pehle tak bhi aapko knowledge thi ki real paneer aur analogue paneer do alag-alag cheezein hoti hain? Mere hisaab se toh analogue paneer ke packet pe bada-bada yeh likha hona chahiye, special marking honi chahiye jisse pata chal sake ki kaunsa paneer analogue hai aur kaunsi dish mein fake paneer use kiya gaya hai. Restaurant thele walon ko yeh mandatory hona chahiye ki woh menu mein likhein ki ismein real wala nahi balki analogue wala paneer dala jaa raha hai. Lekin issue yeh hai ki problem sirf paneer mein nahi hai, paneer toh bas ek example ho gaya. Yeh dekh lo, isi saal UP mein 500 liter fake milk pakda gaya hai. Aur yahan paani mile hue doodh ki baat nahi ho rahi hai, fake milk ki baat ho rahi hai jo chemical daal ke banaya jaata hai. Yeh businessman 20 saalon se chemical se bana hua doodh aur paneer dhadalle se bech raha tha. Aur yeh dekh lo Jharkhand ke andar pura ka pura tanker bhara hua milawati doodh pakda gaya hai. Yeh Diwali se sirf teen din pehle UP mein 3000 quintal milawati saman pakda gaya hai, jisme khoye se lekar soybean oil aur mithaiyan bhi adulterated thi. 3000 quintal pata hai kitna hota hai? 3 lakh kilo. Aur yeh toh sirf UP ki baat hai. Socho pure desh mein kya haal chal raha hoga. Market mein fake cold drinks, daalein, shehad, cooking oil aur Bisleri ki bottle tak fake bik rahi hain. Socho ki isse hamari health aur hamara system kis level pe compromised hai. Aur yeh toh nakli products hain. Hamare desh mein bade-bade brands ke aise product bhi aate hain, jisme cheeni ke alawa kuch hota hi nahi hai aur un products ko health supplement, ORS aur energy drink ke naam pe khule aam becha jaa raha hai. Fake ORS wala case maine aapko bata diya ki kaise ek doctor ne 8 saal tak isko ban karwane ke liye ladai ladi, jiske baad FSSAI ne ispe ban laga diya lekin hamare milords ne is ban ko hold pe daal diya kyunki company ka karodon ka stock kharab ho jaata. Aur company yahi argument de rahi hai, FSSAI ne pehle toh isse permission di hui thi toh ab ban kyun kar rahe hain? Aise hi kuch Maggi wale case mein hua tha jab 2015 mein FSSAI ne ispe ban lagaya tha kyunki isme led ki matra safe limit se zyada paayi gayi thi lekin baad mein Supreme Court ne Nestle ke favour mein rule kar diya tha. MDH aur Everest jo Bharat ke do sabse bade masale brands hain, inke kai saare products Singapore, Hong Kong aur Nepal mein banned hain. Australia aur New Zealand mein bhi inpe investigation chal rahi hai. Jabki wahi same masale Bharat mein best selling ki categories mein aate hain aur saare log apni sabziyon mein daal ke usko khate hain. Isi tarah se Patanjali ka bhi red chilli powder bhi unsafe paya gaya tha jiske baad FSSAI ne is powder ke pure batch ko recall karne ke liye kaha tha. Patanjali ka pure cow ghee bhi safety test mein fail ho gaya tha. Hamare yahan breakfast mein mostly doodh ya chai ke saath biscuit chalte hain. Cream biscuit toh bachhon ka favourite hota hai lekin reality yeh hai ki in biscuits mein cheeni bhari hoti hai. In biscuits mein aise color aur chemical ko use kiya jaata hai jisse heart disease, diabetes aur obesity hone ke chances kafi badh jaate hain. Nakli cream biscuit mein trans fat hota hai jo aamtaur par vanaspati ya dalda mein paya jaata hai. Trans fat ya hydrogenikrit vasa sharir mein kharab cholesterol badhate hain aur achha cholesterol ghatate hain. Isse dil ki bimariyon ka khatra badh jaata hai. Nakli cream khaane se dil ki bimari aur strokes aane ke khatre ke saath hi isse motapa aur vazan badhne ka khatra bhi hota hai. In fact bahut saare cream wale biscuit mein aap dekhna cream ki spelling hoti hai C. R. E. M. E. yaani creme, kyunki yeh log asli cream nahi use karke oil wali cream banate hain aur aapko lagta hai ki aap cream wala biscuit kha rahe hain, kitni healthy cheez hai. Kai baar toh fake products is tarah se banaye jaate hain ki fake aur original mein differentiate karna mushkil ho jaata hai. Noida mein ek gang Amul ke fake butter aur ghee bech raha tha. Khud brands is tarah ke product sell karte hain ki aam aadmi ko pata hi nahi chalta ki woh kya kha rahe hain. Amul ka makkhan, kitne mein chalta rahega ji? Yeh toh Delicious ka makkhan hai uncle. Nahi hum arre padho ji, Delicious hai hi nahi. Dekho Amul Lite. Bara sarkar padho ji, Bara sarkar likha nahi kya? Bara sarkar toh likha lekin makkhan Delicious ka hai uncle. Pakde gaye bhaiya, Amul butter bolke Amul ka Delicious spread khila rahe hain. Fat spread hota hai. Butter ke mukable bahut sasta hota hai. 100 gram sirf ₹22 ka padta hai inko. Aur shocking baat aapke liye yeh hai ki yeh banta hai palm oil se jo aapke health ke liye bahut dangerous hai. Shahron mein toh log food order karke bhi bahut mangwate hain jisme bahut se bar aapko lagega ki aap kisi restaurant se order kar rahe ho jabki actual mein woh cloud kitchen hoga. Aur in cloud kitchen ki kya halat hoti hai yeh aap khud hi dekh lo. Yeh picture ek user ne anonymously Reddit pe share ki thi jiske khaane mein cockroach nikla tha. Aur khaana aap tak 10 minute mein deliver ho raha hai toh woh fresh toh nahi ho sakta hai. Lekin soochne wali baat yeh hai ki woh kitna purana ho sakta hai? Dimaag laga ke sochoge toh shayad aap bahar se khaana order karna band hi kar doge. Patiala mein ek case hua tha jisme ek family ne kisi restaurant se cake order kiya tha. Aur us cake ke khaane ke baad uski 10 saal ki beti ki death ho gayi. Baad mein investigation mein pata chala ki yeh cake kisi restaurant se nahi balki ek cloud kitchen se aaya tha. Aur yeh sab cheezein jab khule aam chal rahi hain toh hamari authorities kya kar rahi hain? Hamare Bharat mein logon ki life ki keemat kisi cockroach se zyada inki nazaron mein nahi reh gayi hai. Aap sochoge ki ghar ki bani daal roti kha ke main kaam chala loonga toh yeh dekho daalon ko bhi aise colour kiya jaa raha hai. Sabziyon aur fruit mein injection laga ke unko fulaya jaa raha hai, hari-bhari banaya jaa raha hai. Calcium carbide jaise chemical daal ke falon ko jaldi pakaya jaa raha hai aur yeh toh kuch nahi, hamare desh mein kitne genius log hain yeh main aapko dikhata hoon. Sabse pehle aap mujhe batao ki JCB ka use kahan-kahan ho sakta hai? Aap agar pure din bhi sochte rahoge na tab bhi yeh guess nahi kar paoge ki ek JCB ko aap cooking ke liye bhi use kar sakte ho. Main mazaak nahi kar raha hoon, aap khud hi dekh lo. Is reel par 51 million views hain. Socho kis-kis ne dekhi hogi, kitne foreigners ne dekhi hogi. Isse bhi ajeeb baat yeh hai ki is user ka account dekhoge toh isne is reel ko multiple times dala hua hai aur har bar hazaron likes aaye hain, millions of views aaye hain. Aur is mahaashe ko yeh tak nahi pata hai ki yeh cheez kitni unhygienic hai. Ab inko reel banane ki bimari toh hai hi lekin iske alawa yeh socho ki ek toh khaana milawati hai. Upar se bulldozer se usko mix kiya jaa raha hai yaani usmein kitni tarah ki gande-gande bacteria ghus rahe honge. Aur use yeh aadmi proudly show kar raha hai toh isse milawati khaane se kya hi fark padega? Aise hi thodi na hamara desh cancer capital of the world banta jaa raha hai. Aise hi thodi na hum diabetes capital of the world ban chuke hain. Lekin iske bawajood bhi food safety ko lekar sarkar bilkul bhi serious nahi dikhti hai. Products tab tak ban nahi hote jab tak koi controversy na ho jaay. Raids bhi sirf Holi aur Diwali mein maari jaati hain baki time dhadalle se yeh saari cheezein chalti rehti hain. Khud hamara parliamentary panel bhi yeh keh chuka hai ki FSSAI apne funds ko utilize hi nahi kar raha hai aur Bharat mein food safety ke standard ko neglected kiya jaa raha hai. Waise jab yeh safety inspector kahin raid marne jaate hain toh dekho seized kiye hue item kahan par dispose kar rahe hain. Are bhaiya aapne adulterated saman pakad liya hai toh usse nadi ko kyun pollute kar rahe ho? Aap dekh ke samajh sakte ho ki inhein kitne acche se training di gayi hai ki seized item ko kaise dispose karna hai. In sab cases mein jitni accountability FSSAI ki banti hai, utni hi states ke food safety department ki bhi banti hai jo equally corrupt aur incompetent hain. Hamare desh mein jaan se zyada important paise hain. Tabhi toh yeh badi-badi companies major controversies ke baad bhi apne product market mein bechti rehti hain. ORSPL ka case dekh lo, matlab yeh prove ho chuka hai ki ORS ke naam par sugary drink bech rahe the. Ab isme safe limit se aath guna zyada sugar hai lekin iske bawajood ban ko hold par dal diya gaya hai jabki 5 saal se choti umar mein 13% death diarrhoea ki wajah se hoti hai. Aur diarrhoea mein agar aapko asli wala ORS na mile toh ORS pilane ka koi faayda nahi reh jaata hai. 2019 mein FSSAI ne school canteens mein junk food ban karne ka order diya tha jise enforce karne ki zimmedari bhi inki banti hai lekin aaj tak iska implementation nahi ho paya hai. Ministry of I&B ki report ke hisaab se FSSAI food ke around jo misleading ads hain, unhein identify hi nahi kar paati hai toh enforcement kahan se karenge? Yaani hamara food department aur hamari sarkar in issues ko lekar bilkul serious nahi hai. Food safety aur standard ko kaise seriously liya jaata hai yeh humein Japan se seekhna chahiye. Japan mein pata hai kya kanoon hai ki koi bhi khaane ka product uske packet par jo photo chhapi hogi us item se color, size aur shape mein exactly same hona chahiye. Yaani packet pe jaisi photo dikhegi andar exactly waisa item aapko milega.
[11:09]Only juices that use real fruits are allowed to show fruit slices on their packaging because in Japan they believe that you deserve to see exactly what you're getting. Yeh hota hai serious desh. Hamari tarah nahi ki packet par advertisement ke liye kuch bhi likh diya aur niche chhota-chhota likh dete hain that actual content may differ from the picture we are showing on the packet. Aur 0.1% fruit essence use karne ke baad bade-bade usme fruits ke photo laga dete hain taaki logon ko psychologically lage ki main toh koi fruit ki drink pee raha hoon. Upar se hamare logon ko itna sasta internet mil gaya hai ki har roz food aur hygiene se related aisi reels viral hoti hain jisse Bharatiyon ke against racism aur zyada badhta hai. Lekin jab hum logon mein civic sense jaisi basic cheezon ki kami hai toh yeh expect karna ki social media pe Bharat ki image kaisi ban rahi hogi, log iske bare mein kya sochenge, yeh toh kafi unrealistic expectations ho jaati hai. Aur unfortunately is bimari ka short-term mein koi solution bhi nahi hai. Rahi baat food safety aur hygiene ki toh humein sabse pehle toh FSSAI ko call out karna hoga. Yeh jitni bhi videos viral hoti hain inpe FSSAI aur State Food Department ko tag karke inse accountability mangni hogi. Concerned minister ko tag karna hoga. Central level pe FSSAI jis ministry ke under aati hai uske minister hain J. P. Nadda. Toh unhein tag karke pucho ki hamari health ke saath woh yeh khilwad kyun hone de rahe hain. Bahut saare cases mein hum dekh chuke hain ki social media outrage work karta hai. Name and shame karne se farak padta hai. Isi liye yeh website ka link main aapko de raha hoon. Jahan par aap concerned officer kaun hai aur unki contact details kya hain yeh aap pata kar sakte ho, sab kuch publicly available hai. Individual level par mujhe lagta hai ki hum logon ke paas kafi limited option hai. Lekin yeh ensure karna ki hum jo kuch kha rahe hain woh safe hai ismein sabse pehla step hoga ki aap jitna ho sake bahar ka khaana kam kar do. Fir chahe woh kisi acche restaurant mein bana ho ya fir kisi roadside thele par. Fast food, junk food aur processed food ke item ko jitna ho sake avoid karo. Seasonal fruit aur sabziyan khao aur locally kharidne ki koshish karo. Koi bhi packaged item kharido toh ek bar uska packet palat ke uske content ko zaroor padho ki exactly usme kya cheezein padi hui hain. Yeh jo front pe photo bani rehti hai uske chakkar mein mat phaso taaki aapko exactly pata ho ki aap apne sharir mein kya daal rahe ho aur jo bade-bade brands karodon rupay kharch karte hain marketing mein usse mislead hone se aap apne aap ko bacha sakte ho. Agar yeh wala video aapko achha laga toh agla video aapko aur achha lagega. Screen pe laga diya hai. Click karo aur abhi dekh dalo.
