هدا العبقري صنع جهاز حماية ليغير طبيعة كراء المنازل في العالم ، لكن...

[0:00]هذا الشخص دخل وقف قدام المستثمرين قال لهم ترى أنا جاي اليوم أخذ منكم بس 500,000 دولار وأطلع. واحد من المستثمرين يطالع فيه يقول له اهدأ، ليش أنت أصلاً كم تبيع في السنة عشان تطلب هذا المبلغ؟ هذا كان رده. Zero. Zero. قبل كل شيء خلونا نتفق أن هذا الشخص مدرسة في الإقناع. أنا قلت مدرسة؟ هذا جامعة في الإقناع. يا جماعة متخيلين أن هذا الشخص أقنع المستثمرين أنهم يستثمروا في فكرته وهو ما فتح شركته أساساً؟ قال لهم اسمعوا، أنا عندي هذا الاختراع وعلى فكرة ترى ما أخذ عليه براءة اختراع. عبارة عن قفل ذكي داخله مفتاح البيت. أنت كصاحب عقار راح تحتاج لهذا القفل. مثلاً لو جاء شخص يبغى يشوف البيت، سواء يبغى يستأجره أو يشتريه، مو بالضرورة يكون صاحب العقار أو الوكيل موجود عشان يفتح له الباب. ترى كله بالجوال عن طريق تطبيق في كود ويتجدد هذا الكود تلقائي بعد استخدامه. بعد ما يشاركه صاحب العقار للشخص اللي جاي يشوف البيت. تدخل الكود وراح يفتح معك القفل وتاخذ المفتاح ويحدد لك وقت تشوف فيه البيت. خلاص خلصت؟ يرجع المفتاح ويرجع يتقفل القفل مرة ثانية. هذه هي فكرة الاختراع باختصار. أنا جاي اليوم أبغى منكم 500,000 دولار بالمقابل راح أعطيكم بس 10%. هنا سألوه، قالوا له كم تبيع قفل في السنة؟ قال لهم ما أبيع ولا شيء أنا أساساً ما فتحت الشركة لسه. لكن قبل فترة بسيطة أنا أتممت صفقة مع شركة بأكثر من 100,000 دولار. هذا لسه أنا ما فتحت الشركة، أجل لو فتحتها ايش راح يصير؟ المستثمرين بصراحة عجبتهم الفكرة ما عدا واحد. كان عنده بعد نظر مو طبيعي، قال لهم منتجك جيد لكن ترى في منتجات ثانية في السوق مميزة أكثر منك. وأنت لسه بتدخل السوق ما في أي شيء يميزك عن غيره، فاعذرني ما راح استثمر في منتج. متخيلين أن المستثمرين كلهم اللي حول هذا المستثمر انصدموا من كلامه لدرجة أنه كلهم انتقدوه وأنه ما يفهم أي شيء. هذا المستثمر قال له اسمع أنا معاك في هذه الفكرة وراح استثمر فيها. وراح أعطيك عرض أقوى من اللي أنت طلبته. متخيلين قال له راح أعطيك 200,000 دولار وهذه ال200 أنا راح أخذ منها 10%. وراح أعطيك 300,000 دولار فوقها إذا احتجت أي شيء خذ من ال300,000. يعني كأنه عندك 300,000 دولار بين يدك. ترى عرض مرة قوي ولا ينفع يضيعه. فقال له تم أنا موافق، يعني فعلاً خرج من البرنامج وهو معاه 500,000 دولار. اليوم هذا المنتج توقف تماماً عن البيع وفشل فشل ذريع وأغلقت الشركة تماماً. تتذكروا المستثمر اللي قلت لكم عنده بعد نظر؟ طلع كلامه صح، لذلك فشلت الشركة وأغلقت نهائياً.