[0:00]السلام عليكم مرحبا بكم في حلقه جديده من برنامج مختصر الحلقه تاع اليوم حلقه جد مهمه وين راح نتناولو فيها ظروف اندلاع الثوره الجزائريه استراتيجيه الثوره الجزائريه للقضاء على المستعمر
[0:13]هذه العناصر عناصر متوقعه ووارده جدا جدا في البكالوريا، هذو لازم نركزوا عليهم بزاف بصفه كبيره لانهم يطيحوا في المقال في البكالوريا.
[0:28]راح نبداو الان باول عنصر اللي هو ظروف اندلاع الثوره الجزائريه، السؤال في البكالوريا كيفاش يجي؟ يقول لك اعطيني ظروف ولا قادر يقول لك اعطيني اوضاع ولا قادر يقول لك اعطيني احداث اندلاع الثوره، هذه الصيغ الغير مباشره اللي ترد في السؤال تاع الظروف.
[0:46]الثوره الجزائريه عدات على ثلاث ظروف باش قدرت انها تندلع، عندنا ظروف داخليه يعني في الجزائر، وعندنا ظروف اقليميه الدول المجاوره لنا، وكذلك عندنا الظروف الخارجيه، يعني خارج الجزائر او ما تسمى بالعالميه.
[1:02]راح نبداو اولا بالظروف الداخليه اللي خلات الثوره الجزائريه تندلع، اول ظرف اللي هو مجازر 8 ماي 1945.
[1:10]والمخلفات اللي خلفتها هذه المجازر اللي هي اكثر من 45 الف شهيد، الظرف الثاني في الجزائر اكتشاف فرنسا امر المنظمه الخاصه من طرف الاستعمار الفرنسي، لازم نبدلوا الخطه.
[1:22]كذلك عندنا ازمه حركه انتصار الحريات الديمقراطيه اللي صرات بين المصاليون والمركزون، وكان كل واحد فيهم حاكم في الراي تاعو، هذا الشيء ولد ازمه تعرف بازمه حركه انتصار الحريات الديمقراطيه.
[1:36]قانون العفو الشامل اللي دارته فرنسا واللي من خلاله حبت انها تهدى الجزائريين بعد المجازر، احنا ما قنعناش قلنا لازم نديروا ثوره في الجزائر.
[1:45]واخيرا السياسات التعسفيه الفرنسيه، كما على بالنا بلي فرنسا ما تعاملتش مع الجزائريين باسلوب اللطف والحوار والمعامله الجيده، العكس تعاملت معنا باسلوب تعسفي، وين مارست التقتيل والمجازر والقمع الدموي في الجزائر.
[2:01]بالنسبه للظروف الاقليميه عندنا اولا اندلاع الكفاح المسلح في تونس والمغرب، هذا الكفاح اللي اندلع في تونس والمغرب عطانا دفعه كبيره باش نديرو ثوره اقليميا.
[2:12]كذلك نجاح الثوره المصريه عام 1952، لما وصل جمال عبد الناصر الى السلطه راهو قدم الدعم لحركات التحرر ومن بينها القضيه الجزائريه والفلسطينيه، والدعم هذا اللي عطاتهولنا مصر عطانا دفعه كبيره باش نوضوا ثوره سواء في الجزائر او خارج الجزائر.
[2:29]واخيرا تاسيس الجامعه العربيه 22 مارس 1945، الجامعه هذه الهدف تاعها توحيد وتعزيز التعاون بين الدول العربيه، وهذا الشيء عطانا دافع باش نتحدوا مع بعض.
[2:42]الان راح نروح نشوف الظروف الخارجيه والعالميه اللي خلات الثوره الجزائريه تندلع، اول ظروف خارجيه الاستقلال المبكر للدول، ما معنى هذا؟
[2:52]انه كاين هناك دول استقلت دفعه واحده في وقت مبكر مقارنه بالدول الاخرى، ثانيا انهزام فرنسا في معركه ديان بيان فو بالهند الصينيه، هذه المعركه وقعت في الفيتنام انتهت بسقوط الجيش الفرنسي.
[3:07]وهذا الشيء عطانا دفعه بلي احنا نقدروا نهزموا فرنسا كيما انهزمت في معركه ديان بيان فو اللي هي معركه صغيره، كذلك عندنا دعم السوفيات لحركات التحرر، الاتحاد السوفيتي قدم الدعم لحركات التحرر.
[3:19]هذا الشيء عطانا تشجيع ونصر ودعم كبير من طرف الاتحاد وبالتالي نقدروا نخوضوا في معركه وين نقدروا نهزموا فرنسا، كذلك عندنا ظهور هيئه الامم المتحده التي تقر بحق الشعوب في تقرير المصير.
[3:32]يعني هذه الهيئه لو كان راح نوصلولها ونثروا على الراي العام راح تدعمنا، علاش؟ لانها اصلا هي الهدف تاعها في العالم نشر الامن والسلم في العالم وتقرب حق الشعوب في تقرير المصير، وانه كل دوله عندها الحق في تقرير المصير واسترجاع السياده الوطنيه تاعها.
[3:48]واخيرا تراجع الاستعمار التقليدي بعد الحرب العالميه الثانيه اللي هي فرنسا وبريطانيا تراجعت مكانتهم وهذا الشيء خلى ان المريكان تحكم بلاصه فرنسا وبريطانيا وبالتالي اهتزاز مكانه فرنسا وهذا الشيء راح ياخذوا صالح الجزائريين.
[4:02]والان نروح الى اهم عنصر في الثوره الجزائريه اللي هو استراتيجيه تفجير الثوره الجزائريه، في الاستراتيجيه احنا عندنا داخليا وخارجيا.
[4:12]داخليا عندنا سياسيا وعسكريا وخارجيا عندنا كذلك سياسيا عسكريا، راحين نبداو اولا بالمخططات والوسائل والاستراتيجيات اللي فجرتها الثوره في الجزائر عسكريا.
[4:24]اولا تفجير الثوره الجزائريه في 1 نوفمبر 1945، ينطلقت اول رصاصه في الاوراس على 12 تاع الليل، ثانيا تقسيم التراب الوطني الى خمس مناطق عسكريه.
[4:37]وكل منطقه كان عندها قائد عسكري، هذا القاده مجموعه في كلمه مدكرع، مصطفى بن بولعيد، ديدوش مراد، كريم بلقاسم، رابح بيطاط، العربي بن مهيدي، كل واحد فيهم كان حاكم منطقه في الجزائر.
[4:50]مصطفى كان حاكم الاوراس، ديدوش مراد الشمال القسنطيني، كريم بلقاسم القبائل، رابح بيطاط العاصمه، واخرين العربي بن مهيدي منطقه وهران.
[5:00]ثالثا اعتماد حرب العصابات اللي هي الكر والفر، في 54 ما كناش نمتلك السلاح والجيوش اللازمه باش نواجهوا فرنسا مباشره.
[5:09]كان لازم علينا نعتمدوا على هذا الاسلوب الحربي اللي هو الكر والفر، بمعنى نتجنبوا مواجهه العدو مباشره، يعني اضرب وهرب.
[5:19]وكذلك تكثيف العمليات الفدائيه، اللي هما الناس اللي ضحوا في سبيل الوطن، الفدائيون، المجاهدون اللي يكونوا في الجبل، يعني اللي ضحيوا في سبيل الوطن واللي ما عندهمش خوف في مواجهه الاستعمار الفرنسي.
[5:32]اخر شيء عسكريا هجومات الشمال القسنطيني اللي كانت في 20 اوت 1955 في المنطقه الثانيه قسنطينه.
[5:40]هذه الهجومات عندها اسباب اللي خلاتها تجي اولا نفكوا الحصار على الاوراس، فرنسا لما سمعت انه الثوره اندلعت في الاوراس ما بقاتش ساكته.
[5:49]واش راح دارت؟ راح حاصرت الاوراس وجعلتها منطقه محرمه، يعني حرمت الاوراس على الجزائريين، ممنوع نسكنوا فيها ولا نعبروا على القرى تاعها ولا نعيشوا فيها.
[6:00]لما حاصرت فرنسا الاوراس، الجزائريين ما بقاوش يشوفوا، واش راحوا داروا؟ راحوا نقلوا الثوره من الاوراس الى المدينه، والمدينه اللي استهدفوها هي مدينه قسنطينه.
[6:11]وشنو هي السبه اللي خلاتنا نديروا هجومات شمال قسنطيني؟ نفكوا الحصار على الاوراس ونشتوا العدو ما يلقاش روحه، يروح للاوراس ولا يروح لقسنطينه، اثنين التاكيد على شموليه واستمراريه الثوره.
[6:23]انه الثوره ما هيش غير في الاوراس، راهي شامله جميع ربع الوطن من بينها قسنطينه ودرك تروح للقبائل ومن بعد تروح العاصمه وتزيد تروح لوهران وفي مؤتمر الصمامات تزيد تروح للصحراء، يعني ناكدوا في الهجومات انه الثوره شامله وكذلك نضمنوا استمراريتها وجودها.
[6:40]لانه فرنسا في البيان واش قالت؟ بلي الثوره ست شهور وتموت، جاء هجومات الشمال القسنطيني عام 1955 بعد عام من اندلاع الثوره يثبت لفرنسا انه الثوره مازالت قائمه ومستمره.
[6:52]كذلك من بين الاهداف والاسباب هجومات الشمال تدويل القضيه الجزائريه في المحافل الدوليه، معناها الاعتراف بالقضيه الجزائريه في المحافل الدوليه.
[7:00]اقناع المترددين بالالتحاق بالثوره، واخيرا نقل الثوره من الريف الى المدينه، من الجبل الى مدينه قسنطينه.
[7:09]كيفاش كانت نتائج هجومات شمال قسنطيني؟ كانت نتائج ايجابيه بامتياز والدليل انه كذبنا ادعاءات فرنسا.
[7:17]كذلك خسائر ماديه وبشريه في صفوف الجيش الفرنسي، تخفيف الصراع على الاوراس وهذا اهم شيء ركزنا عليه وكذلك رد الاستعمار الفرنسي بكل وحشيه على الشعب الجزائري.
[7:30]هنا الاستعمار الفرنسي شحن بزاف على الجزائريين كي شافهم داروا هذه الهجومات من جهه احنا استفدنا منه ولكن بالمقابل الحاجه الوحيده اللي تضررنا منها انه الاستعمار الفرنسي هنا دار مجزره كبيره في ملعب سكيكده.
[7:45]والان راحين نروح نشوف استراتيجيه تفجير الثوره الجزائريه سياسيا، سياسيا اولا عندنا التعبئه الشعبيه، واش معناها التعبئه الشعبيه؟
[7:54]معناها نعبوا الشعب ونسمعوه بلي كاينه ثوره، الان باش نسمعوا الشعب بلي كاينه ثوره كاينه مواقع التواصل الاجتماعي، الانترنت، الفيسبوك، انستغرام، التلفاز الى غير ذلك.
[8:08]لكن في 54 ما كانتش عندنا هذه الادوات اللازمه باش نسمعوا الشعب بلي كاينه ثوره، واش درنا؟ اعتمدنا على الجرائد والصحف والمجلات.
[8:18]اعتمدنا على بيان اول نوفمبر اللي هو عباره عن وثيقه رسميه قانونيه ثوريه، كذلك اعتمدنا على الاذاعه وكانت اول اذاعه طلقت بلي كاينه ثوره هي اذاعه صوت العرب اللي جايه في مصر بالضبط بالقاهره.
[8:33]كذلك عن طريق الكتابات الحائطيه والتوعيه في المساجد، كل هذه الطرق الاعلاميه كانت كفيله انه الشعب يسمع بلي كاينه ثوره باش يلتحق بها.
[8:42]اثنين تنظيم الجماهير وتاطيرها، يعني اطرنا ونظمنا كل جمهور وحده، العمال وحدهم، الطلبه وحدهم واتحاد التجار وحدهم، يعني نظمنا وطرنا الجمهور.
[8:54]وثاني تنظيم مظاهرات واضرابات، كما على بالنا المظاهرات هي عباره عن مسيرات شعبيه نضغطوا بها على المستعمر، واهم المظاهرات اللي ضغطنا بها على المستعمر وقدرنا ناثروا على الراي العام هي مظاهرات 11 ديسمبر 1960.
[9:08]واخير شيء سياسيا مؤتمر الصومام اللي كان في 20 اوت 1956، اللي جاء بعد الهجومات الشمال القسنطيني بعام، وهذا المؤتمر تندار بوادي الصومام ب بجايه بقريه افري في المنطقه الثالثه.
[9:23]ومن بين اهم العوامل اللي خلته ينعقد اولا يقيم المرحله الاولى من الثوره، من 54 56 ينظمها ويشوف من خلال الاخفاقات النجاحات تاعها.
[9:33]اثنين ضمان استمراريه الثوره، يعني الثوره مازالت قائمه ومستمره، اقناع المترددين بالالتحاق بالثوره، واخيرا هيكله معناها تنظيم جيش التحرير الوطني.
[9:44]واشنو هي القرارات اللي جاء بها مؤتمر الصومام؟ كاينه قرارات سياسيه وكاينه قرارات عسكريه، نبداو اولا بالقرارات العسكريه اللي جاء بها مؤتمر الصومام.
[9:53]اعاده تقسيم الوطن الى ست ولايات عسكريه، زدنا الولايه السادسه اللي هي الصحراء واللي كانت بقياده سي الحواس، تنظيم جيش التحرير الوطني وتصنيف الجيش الى ثلاثه.
[10:05]مسبلون فدائيون مجاهدون، اما بالنسبه للقرارات السياسيه اللي جاء بها مؤتمر الصومام اولا صدور ميثاق الصومام باعتباره الوثيقه الثانيه للثوره.
[10:14]اقرار مبدا القياده الجماعيه، بمعنى انه راي الاغلبيه هو الصح وهو اللي نمشي به، اقرار مبدا الداخل على الخارج، يعني اولويه السياسي على العسكري.
[10:24]وكذلك تاسيس المجلس الوطني للثوره ولجنه التنسيق والتنفيذ، واش معناها المجلس الوطني للثوره؟
[10:30]هو عباره عن مؤسسه تشريعيه تشرع وتصدر القوانين، اما لجنه التنسيق والتنفيذ عباره عن مؤسسه تنفيذيه تنفذ القرارات الصادره من المجلس الوطني للثوره.
[10:42]هذه هي قرارات مؤتمر الصومام السياسيه والعسكريه، والان رايحين نروحوا الى استراتيجيه تنفيذ الثوره خارجيا.
[10:50]كما على بالنا بلي خارجيا عندنا سياسيا وعسكريا ثاني، رايحين نبداو عسكريا، العمل على تامين مصادر السلاح لتموين الثوره.
[10:57]واش معناها؟ معناها كنا نحوسوا على لي سوس منين نجيبوا سلاح من الخارج باش ندعموا الثوره وكنا نجيبوا سلاح من تونس، المغرب، مصر، ليبيا الى غير ذلك.
[11:08]تكوين جيش الحدود بهدف القيام بعمليات العسكريه باش نتجاوزوا خط شال وموريس، خط شال وموريس هي خطوط مكهربه.
[11:17]دارتها فرنسا في الحدود التونسيه والمغربيه باش تعزلنا عن الخارج وما نجيبوش سلاح منه، فكان لازم نديروا عمليات عسكريه باش نتجاوزوا هذا الخط تاع شال وموريس.
[11:28]واخر شيء نقل العمليات العسكريه للتراب الفرنسي الولايه رقم سبعه، فرنسا سميناها ولايه رقم سبعه، قلنا اليها العمل المسلح.
[11:38]بالنسبه لخارجيا سياسيا او ما تسمى بدبلوماسيا، واش معناها دبلوماسيا؟ هي مجموعه من الجهود اللي دارتها الثوره في مختلف العواصم وفي المحافل الدوليه باش نكسبوا الدعم من الخارج.
[11:49]اذا سياسيا خارجيا معناها دبلوماسيا، اولا تاسيس الوفد الخارجي المتمثل في احمد بن بله، حسين ايت احمد، محمد خيضر، هذا الوفد الخارجي بعثناه من الخارج باش يمثلوا الثوره الجزائريه.
[12:02]اثنين التعريف بالقضيه الجزائريه في المحافل الدوليه، كدوله كوجود وباش نسترجعوا السياده الوطنيه، ثلاثه فضح الجرائم الفرنسيه وسياستها التعسفيه في الجزائر.
[12:13]تاسيس الحكومه الجزائريه المؤقته اللي كانت في 19 سبتمبر 1958، واللي كانت بقياده فرحات عباس، هذه الحكومه تندارت في مصر وبالضبط بالقاهره والهدف تاعها التفاوض مع الاستعمار وتمثيل الثوره في مصر، يعني في الخارج.
[12:28]واخيرا اقامه وتنظيم مظاهرات خارج الجزائر لتمثيل الثوره الجزائريه في الخارج، في الحصه الجايه ان شاء الله راح نتعرفوا على استراتيجيه الاستعمار الفرنسي للقضاء على الثوره.
[12:41]الى هنا ينتهي لقائي بكم استودعكم الله.
