[0:08]Maqbooliyat aur mahbubiyat ke liye jin sifaat ka hona zaruri hai, unmein se chauthi sifat hai, ilm aur burdbari. Bardasht karne ki sifat hona aur darguzar karne ka insaan ke andar jazba hona. Darguzar karne ka to isse pehle aa gaya maaf kar dena. Iske aage ki sifat jo zikr kar rahe hain, bardasht kar lena. Bardasht kar lene ka matlab hai ke badla lene ki koshish nahi karna. Ijtemai zindagi mein insaan jahan bhi rehta hai, aapas mein, jaise hum madarse mein rehte hain, class mein rehte hain, gharon mein rehte hain, to zahir si baat hai ek doosre ko kabhi pair lag jata, kabhi haath lag jata, kabhi aadmi kuch bol deta, kabhi kuch saaman kisi ka nuqsaan pahunch jata, kuch na kuch ek doosre ko ek doosre se takleef ho hi jati hai. Is mauqe par insaan ki insaniyat aur uski sharafat ye hai ke aadmi bardasht kar le. Hum jahan aapas mein rehte hain to aisa ho hi nahi sakta ke mere se kisi ko takleef na pahunche aur kisi ko mujhse takleef na pahunche. Hota hi hai insaan se. Jab ek jagah par rehte hain, chand bartanein ek jagah par rahenge to uthate rakhte mein awaazein aati hain aur ek doosre se khanak paida ho jati hai. Lekin bardasht karne ki sifat insaan mein hona chahiye. Jo shaks bardasht karne ki sifat aur maadda nahi rakhta hai, wo society aur samaj mein rehne ke qabil bhi nahi hota hai. Warna hum society mein reh rahe hon, yahan par humko takleef dene ke liye saamp, bichhu aur keede makode, janwar, sher, cheeta, ye to nahi aayenge. Aaj tak kisko saamp ne kaata? Kisko bichhu ne kaata? Kisko bhediye ne kaata? Kisko gadhe ne laat mara?
[2:00]Kuch bhi nahi hua, kisko kutta kaata aaj tak? Lekin aapasi samaj mein jahan hum rehte hain, ek doosre se ek doosre ko takleef ho hi jati hai.
[2:09]To janwaron se hume takleef nahi hui, insaano se hui. To janwaron ki takleef bardasht karna koi badi baat nahi hai, kyunke wo nadir uqu hai, bahut kam pesh aata kisi janwar se kisi insaan ko takleef pahunch jana. Haan insaan se insaan ko takleef pahunch jana, ye kasir uqu hai. To is waaste tahammul insaan ki takleef mein hona chahiye. Janwar ki takleef mein tahammul hua to bhi kya? Misaal taur par agar aapko kutta kaat liya to aap jo hai, kaise kaata bolke aap bhi pichhe padke use kaatne daudenge thodi? Aisa to nahi karenge. Wahan to tahammul hi tahammul hai. Bhai kutta kaata to bardasht karna hi karna hai aapko. Aap palat ke use kaat nahi sakte. Wahan tahammul istiraari tahammul hai wo. Jo samaj insaani samaj mein jo tahammul hai, wo ikhtiyari tahammul hai. Ke bhai yahan par bardasht karna hamari ikhtiyar ka kaam hai ye. Aap alaihis salam farmate hain ke aadmi apne ilm aur burdbari ke zariye se, jiske andar tahammul hota hai, din ke roze aur raat ki ibadat karne wale ke darje ko pahunch jata hai. Yaani raaton mein raat bhar nafilein padhne wala aur din mein roze rakhne wala, jis maqam ko Allah ke nazdeek vilayat ke jis maqam ko pata hai, us maqam ko logon ki takleef bardasht karne wala pa leta hai.
[3:23]Hazrat Nabi-e-Kareem Sallallahu Alaihi Wasallam ki khidmat mein 8 hijri mein Abde Qais ka wafa Yamana se aaya. Unke sardar Munzir bin Aaiz Radiallahu Ta'ala Anhu jo Ashaj Abdul Qais ke laqab se mashhur the, aapke bare mein, yaani in sahabi ke bare mein, aap alaihis salam ne unko dekh ke farmaya ke aap mein do aisi aadatein hain jo Allah aur uske Rasool ko pasand hain. Yaani is qafile ke sardar ya is qafile ke jo bade the, Hazrat Munzir bin Aaiz Radiallahu Ta'ala Anhu, unki sifaat aap alaihis salam ne zikr farmayin ke aap mein do achhi baatein hain. Ek kya hai? Ilm aur burdbari, bardasht karna. Doosri achhi sifat kya hai? Door andeshi. Jhat se faisla le lena, jazbaat mein aa jana, nuqsaan utha lena, aisa nahi, aap bahut soch samajh ke faisla karte hain. Ye do baatein Rasulullah ki zuban se aap alaihis salam farmate hain ke aap mein bahut achhi baatein hain. Ab zahir si baat hai ke ye do baatein aaj bhi kisi insaan ke andar paayi jayen, to goya ke zaban-e-haal se yun samajh lena chahiye ke wo bhi Rasulullah ki nazar mein ek achha insaan hai, jiski aap alaihis salam ne tareef farmayi hai, in do sifaat ki wajah se. Hazrat Anas Radiallahu Ta'ala Anhu farmate hain ke main ek martaba aap alaihis salam ke saath ja raha tha, to aap ne ek Najrani chadar zeb-e-tan farma rakhi thi. Najran ki aayi hui chadar aap pehne hue the, jiske kinare bahut sakht the. Achanak ek gaon dehaat ke rehne wale sahab aaye aur aapki chadar ko zor se pakad kar khincha. Hazrat Anas farmate hain, maine us waqt aap alaihis salam ki gardan ke zahiri hisse ko dekha, ke jis par sakhti se chadar khinchne ki wajah se nishanaat gardan par pad gaye the. To ab zahir si baat hai kitna tez usne khincha hoga. Us ye to khinchna khud ek takleef de amal hai, jise aap alaihis salam ne bardasht kiya. Phir uske baad doosra takleef de amal kya hai? Wo ye hai ke us deha us dehaat ke rehne wale sahabi ne aap alaihis salam se farmaya ke ae Muhammad, mujhe maal dijiye. Mujhe us maal mein se ata karne ka, ae Muhammad, mujhe is maal mein se ata karne ka hukm kijiye jo aapke paas hai. Yaani Bait-ul-Mal mein jo maal rakha hua hai, usme se mujhe bhi kuch do bolo, aapke sahaba ko. Ye maangne ka tareeqa hai un sahabi ka. To us shaks ki sakhti aur gustaakhi ke bawajood bhi aap alaihis salam uski taraf mutawajje ho kar muskuraya aur phir use maal dene ka hukm farmaya. Ye tahammul hua aap alaihis salam ka. To bardasht kar lena. Aise hi teesra waqiya hai Ghazwa-e-Hunain ke mauqe ka waqiya, ke aap alaihis salam maal-e-ghanimat taqseem farma rahe the aur shariat ke maslehaton ke peshe nazar, us mauqe par aap alaihis salam ne talif-e-qalb ke liye, ghair muslimon ko naram karne ke liye, qareeb karne ke liye, jo nau muslim sardar the, abhi naye-naye Musalman hue the, qabile ke bade the, unko thoda hissa zyada diya, aam logon ke muqable mein. Halanke purane Musalman jo hain unko zyada milna chahiye bazahir. Jo naye-naye Musalman hue hain, wo bazahir darje mein chhote nazar aate hain. To is taqseem mein aap alaihis salam ki maslihat thi ke bhai ye jam jayen Islam par, abhi taza Musalman hue hain, ghurbat se aaye hain, jab inko daulat milegi to ye samjhenge ke bhai Islam mein aane se humko ek to hamara aqeeda aur aakhirat durust ho hi rahi hai, saath mein hume duniya bhi mil rahi hai. To aadmi ko isse jamne mein fayda hota hai. Jaise aaj bhi agar dekh lo ke agar hum faarigh hone ke baad kisi aisi masjid mein ya aisi jagah par jam jayen jahan par aamdani achhi ho, to aadmi ye sochega ke bhai khidmat ke saath-saath hume tankha bhi achhi mil rahi hai to kyun bilawajeh ke apne pair pe kulhadi marein, kyun hum ulajh jayen, kyun tanav paida kar lein, to aadmi saath le ke chalne ki koshish karta hai. Jahan par zahiri aamdani dushwar ho jaye to wahan par wo khidmat-e-deen ko bhi chhod jata hai. To zahiri asbab baaz martaba insaan ko deen par jamate hain. To ye maslihat thi aap alaihis salam ki. To ek shaks ne aapke tarz-e-amal par tabseera karte hue kaha, ye taqseem jo aap kar rahe hain, ye insaaf wali taqseem nahi hai. Isko farma rahe hain. Rasulullah Sallallahu Alaihi Wasallam ko, aap insaaf nahi kar rahe. Adilana taqseem nahi hai ye jo kar rahe hain aap. Jab uska ye tabseera aap alaihis salam tak pahuncha to aapne sirf ye irshaad farma kar khamosh aapne sirf ye irshaad farmaya, agar Allah aur uska Rasool hi insaaf na kare to duniya mein aur kaun insaaf karne wala baaqi rahega. Bas itna jumla bole. Baaqi us par aur zyada nahi. Phir aur Allah aur Allah Ta'ala Hazrat Musa alaihis salam par raham farmayein ke unko isse zyada unki qaum ne takleefein pahunchayin magar unhone bardasht se kaam liya. To matlab kya hai? Tumhari is jumle se takleef hui, humne bardasht se kaam liya. Aur aise hi Nabiyon ko sataya gaya, jin mein se Hazrat Musa alaihis salam hain, unhein bhi unki qaum ne sataya, unhone bhi bardasht kiya. To matlab kya samjhaya ke Ummat ki taraf se pesh aane wale aziyat pahunchane wale maamlaat ko Nabi akhlaqan bardasht karte hain aur jo waris-e-Nabi hain unko bhi ye sifat chahiye ke awaam ki taraf se pesh aane wali aziyatnaak baaton ko bardasht karna chahiye. Fauraan palat kar jawab de dena, comment kar dena. Arre tu re bol dena, gaaliyan de dena. Ye sab cheezein ek aalim ki shaan nahi hoti hain. Aur jaisa Nabi alaihis salam ka maqam hai, aapke adab ka bhi utna hi zyada ehtemaam hona chahiye. Hamara maqam, hamari haisiyat kya hai? Aur Nabi alaihis salam ka maqam kitna buland hai? Jab aapke maqam ke hisaab se is tarah bolna bhi badi baat hai. Yaani aaj yun samajh lijiye ke agar koi nazim ke bare mein, kisi ustaad ke bare mein shagird ye bole ke aapne insaaf nahi kiya, to zahir si baat hai nazim aur ustaad ko takleef hoti. Wo Rasulullah ko bole to kitni badi takleef hogi? Phir bhi maqam ke lihaaz se aapne jab itna buland itne buland maqam pe reh ke bardasht kiya hai to hamara to koi maqam hi nahi hai, koi haisiyat hi nahi hai to hum kyun bardasht nahi kar sakte in baaton ko? To agar koi muqtadi hai, koi aam musalli hai, koi jalse ka koi shareek hai, wo bol raha hai bhai ye Maulvi aise rehte, ye khatib aise rehte, ye Imam aise rehte, koi masla nahi hai. Apne ko isse zyada bola gaya hai Ambiya ko. Hamara kya masla hai? Jawab dene ke dar pe nahi padna. Is waaste ke wo jitna neeche gir sakta hai, utna neeche aap nahi gir sakte. Yaani matlab wo baat karte-karte maa-behan pe aa gaya, to ek aalim to nahi aa sakta wahan tak, bazari zaban pe aa gaya. Wahan tak ek aalim to nahi aa sakta. Aa gaya to phir ye aalim nahi rahega phir. Agar ye bhi gandi zubaan ikhtiyaar kar le, to phir is aalim aur jahil mein farq kya rahega? To jab is line mein aap muqabla kar hi nahi sakte, yaani gaaliyon ki line mein, zuba badzubani ki line mein, ladayi jhagde ki line mein, bazari zubaan ki line mein, aap muqabla nahi kar sakte, to behtar ye hai ki aap maidaan mein aao nahi usmein. Aap door hi raho, ke bolo main us maidaan ka aadmi nahi hoon sahab. Main ismein nahi baat karunga aapse. Arre samjhe nahi samjhe? To hamara haal ye hai ke agar koi humein comment kare, hamare bare mein koi tabseera kare. Aap dekh lo, sathiyon mein, mere bare mein aisa bole, mujhe aisa chidaye, mujhe aisa bole, uski wajah se aapas mein lad padte hain. To bardasht karne ki sifat hi nahi hai to vilayat kahan se milegi? Imam Abu Hanifa Rahmatullahi Alaihi Fiqh-e-Islami ke buniyadi sutoon hain, jinka faiz aaj duniya ke chappe-chappe mein jari hai, aapki maqbuliyat aur be-misl mahbubiyat jo aapko mili hai, usmein ek bada hissa aapki burdbari aur bardasht ka tha. Aap khud farmate hain, maine kabhi kisi ki burayi par badla nahi liya aur na maine kisi ko gaali di aur na kabhi kisi Musalman ya zimmi par maine zulm kiya aur na kabhi kisi ke saath khayanat aur dhoke ka maamla kiya. Kabhi maine kisi ke saath aisi harkatein nahi ki. Aur zahir si baat hai, aap aise nahi ki hamare jaise mehaz jhoothi tareef kar lete ho apni, dikhawa kar lete hain. Aap to tabeiin mein se hain, sahaba ko jinhone dekha hai. Aap ek badi maslak ke Imam hain, to aisi baatein apne bare mein nahi bolenge, mehaz tareef ke taur pe. Jo bolenge wo haqeeqat bayani hai. Ek martaba munazare ke dauran fareeq-e-mukhalif ne aapko zindeeq kaha aur bid'ati kaha. Imam Abu Hanifa, aap zindeeq hain aur bid'ati hain aap. Imam Abu Hanifa Rahmatullahi Alaihi ne nihayat hi sanjeedgi se jawab diya, bhai Allah tumhe maaf farmaye. Tumne mere bare mein jo raye qaayim ki hai, wo mere bare mein mere Allah ko isse iske bar-khilaf ilm hai. Tum bid'ati aur zindeeq bol rahe ho na, Allah ko jo ilm hai mere bare mein wo iske bar-khilaf hai. Matlab main zindeeq nahi hoon. Ye Allah jaanta hai. Main bid'ati nahi hoon, balki sunnat ka paband hoon. Ye Allah jaanta hai. Itna hi jawab diya bas. Aaj koi Musalman humein is tarah ki baat kar de to.
[12:13]To be-bardasht ki jo cheez hai na, wo insaan ko tanazzuli pe le jati hai. Isi waaste dekho aaj jitne hamare Barelvi bhai hain, unmein bardasht ki taaqat hi nahi hoti. Is waaste Deobandiyon se jab bhi guftugu ka mauqa aata, wo be-bardasht ho jaate bichare, jab tabseera karna ho, falaan ho to seedhe kafir hai, jahannami hai, falaan hai, is pe aa jaate. Yaani zaban ki salikhamandi nahi rehti becharon ke andar. To be-bardasht jitna aadmi rehta, utna ghatiya hote jata, utna girte jata.
[12:45]Hazrat khud farmate hain ke maine Allah ki maarifat hasil karne ke baad, uske alawa kabhi kisi ko nigaah utha kar bhi nahi dekha. Jab mujhe ye maloom ho gaya ke Allah kya cheez hain, kaisi badi zaat hai. Uske alawa mujhe koi meri nazar mein koi raha hi nahi ke bhai kaun kya bolega, kaun kya comment karega, kaun kya tabseera karega. Sabse badi zaat jisko dekhna hai main usko dekh raha hoon bas. Mujhe uski rahmat ke siwa kisi se ummeed nahi hai aur uski saza ke alawa kisi se mujhe khauf bhi nahi hai. Saza ka zikr aata aap alaihe aap Rahmatullahi Alaihi ke saamne Imam Abu Hanifa ke saamne to bahut sakht rona girya taari ho jata. Baaz martaba behosh ho ke gir jaate Imam Abu Hanifa Rahmatullahi Alaihi. Jab hosh aata to usi bura kehne wale saza ka zikr aaya to gir gaye aur usi bura kehne wale shakhs ne maafi ki darkhast ki to aapne farmaya, jahilon mein se jo shaks mere bare mein galat baat kahe, wo to maaf hai. Jahilon mein se, yaani mujhe nahi jaanta koi shaks. Mere ilm se waqif nahi hai, mere maidan se waqif nahi hai. To wo mujhe kuch comment kar raha hai aur zindeeq, bid'ati, falaan bol raha hai to theek hai wo bechara jaanta hi nahi, jahil hai, anpadh hai, to wo wo to maaf hai. Lekin ahle ilm mein se jo shaks mujh par ilzam lagaye to maaf nahi hai. Ek bahut bada gur aur usool de diya gaya. Yaani ek aalim, aalim ke bare mein jaante hue galat comment kar raha hai ke ye falaan aalim aise hain, falaan Mufti sahab aise hain, falaan aise hain. Aap jaan kar bhi aise comment kar rahe hain, mehaz hasad ki wajah se. Mehaz mu'asarana chashmak ki wajah se. Phir wo maaf nahi hoga. Isliye ke kitni nuqte ki baat farmayi dekho. Isliye ke ulama ki bayan kardah ghibat unke marne ke baad bhi kitabon mein baaqi reh jati hai. Chunanche aaj bhi Imam Abu Hanifa ke bare mein jo-jo log galat comment kiye hain, wo kitabon mein likha hua maujood hai. To Imam Abu Hanifa Rahmatullahi Alaihi us waqt farma diye ke jo aalim agar mere bare mein galat bolega, wo maaf nahi kiya jayega. Tumhara bola hua public ke liye ek hujjat ho jata hai. Falaan Maulana sahab unke bare mein bol rahe hain aisa hai bolke. Ab wo bolne wala Maulana kis darje ka hai, kis khat ka hai, kya haisiyat ka hai, uska koi masla nahi hai. Maulvi hone ka jo label laga hai, jo sticker chipka hai, us sticker ki wajah se kya ho jata hai, doosre ulama ki haisiyat ghatna shuru ho jati hai. Ab wo Maulvi wo do ghante mein bana ho, teen ghante mein bana ho, online mein bana ho ya aise hi kisi ke bayan sun ke ban gaya ho ya saal mein ban gaya ho. Kaise bhi ho gaya ho, balki ab to saal char mahine Mufti bhi ban ja rahe hain. Ab Two-in-One bhi ho ja raha hai. Ek hi saal mein aalim bhi ban ja rahe hain, Mufti bhi ban ja rahe hain, daura-e-hadees bhi ho ja raha hai. Char mahine mein Mufti ban ke aa ja rahe hain. To ulama ka tabseera ulama par ye hujjat ban jata hai awaam ke liye. Imam Abu Hanifa Rahmatullahi Alaihi ka jo malfooz hai, khas taur par ulama ko bahut zyada isse tambeeh hui ke umuman ulama ki baatein log ehtemaam se sunte hain. Unhein note bhi karte hain. Hatta ke baaz martaba unka tabseera aur unke comment kisi ke bare mein jo hote hain, wo kitabon mein likhe jate hain. Agar kisi shakhs ke bare mein be-ehtiyaati par mabni koi raye kisi aalim ne qaayim kar li, to baad mein wo kitabon mein likha reh jata hai, log kehte hain ke falaan ke bare mein to falaan ne aisa likha hai. Isse mu'ashare mein fasaad failna shuru ho jata. Kyunke har aalim ke koi na koi maqsoos janne wale rehte, manne wale rehte, mutaqid rehte. Aur aapne unke bare mein aisa comment kar diya to aapke mukhalif ho sakte hain. Jahil kuch bhi bol le. Bhai bekar hai, usko kya maloom, bolte rehta bol. Imam Abu Hanifa Rahmatullahi Alaihi isliye kisi ke bare mein aalim zubaan khole ya qalam chalaye, to bahut mohaataat tareeqe se hona chahiye. Aam taur se hota kya hai? Hum Maulviyon mein ghaflat jo hoti hai, wo jiske bare mein hum bolte hain, wo hamare saamne nahi rehta na. To bindas bol lete hain. Jab saamne aata na, bol nahi sakte. To ye ye jo distance rehta, doori. Ye doori insaan ko jari bana deti hai, be-adab bana deti hai. Aur jab ye doori khatam ho kar wo banda saamne aana shuru ho jaye, to phir aadmi sharminda ho jata hai, bhai main chup to comment kiya iske bare mein, chup to bola is bare mein. Bilkhusus jo video par rehte hain to unko to bahut mohaataat hona chahiye. Baaz martaba jiske bare mein comment kar liya unse saamna-saamna ho gaya. Jiske bare mein bol liye, tabseera kar liye, unka unke saamne ab bolo bhai kya bol rahe the mere bare mein? Ab aadmi ke liye mushkil hota hai. Saamne bolna mushkil hota hai. Imam Abu Hanifa Rahmatullahi Alaihi ke bardasht aur tahammul ke bare mein likha hai. Masjid-e-Khaif mein aapke saath chand log baithe hue the, shagirdon ka majma bhi tha. Isi dauran Basra ke rehne wale ek shakhs ne aapse koi masla poocha. To aapne jawab diya. To sail ne jarah kar ki ke is masle mein Hazrat Hasan Basri ki raye to ye hai aur aapki raye unke khilaf hai. To Imam Abu Hanifa Rahmatullahi Alaihi ne farmaya ke Hasan Basri se is masle mein galati ho gayi hai. Imam Abu Hanifa ne farmaya. Ye jawab sunna tha ke Hasan Basri se galati hui hai, to us shakhs ka chehra wo shakhs jis sun kar ek shakhs jiska chehra dhaka hua tha, wo utha aur Imam sahib se gustaakhana kalimaat kehte hue ye khitab kiya, ae zania ke bachche. Ye Imam Abu Hanifa se keh raha hai us majme mein. Ye kya kehta hai ke Hasan Basri ne galati ki hai. To kitni badi baat hai. Masjid-e-Khaif mein Hajj ka mausam hai. Aur log baithe hue hain aur Imam sahab jo masla bata rahe hain, unko bol raha hai ek aadmi. Kitni badi baat ho jayegi. Is gustaakhi ko dekh kar logon ne shor machaya. Haazireen ne use saza dene ka irada kiya. Ab zahir si baat hai Imam Abu Hanifa ke manne wale bhi to hain na usi zamane mein. To haath pair tod denge jab aise jumle sunenge to aas-paas wale. Imam sahab ne sabko khamosh kiya aur phir kuch der sar jhukaye rehne ke baad bahut sanjeedgi se farmaya, haan bhai, Hasan Basri se galati hui, jabke Hazrat Ibn Masood is masle mein Rasulullah se jo naql farmate hain, wo baat sahi hai aur barhaq hai. Yaani mauzoo se nahi hate, masle ki baat chal rahi hai, is masle mein raye hai, yahi raye sahi hai. Ab ye jo ye jo kuch bol raha hai, wo zaatiyat pe aa raha hai. Aur wo galat bayani hai, wo bazari zubaan hai. Ispe nahi ja sakte hum. Jo masla chal raha hai, jo baat chal rahi hai, wo baat pe baat karo bas. Ab dekhein kis qadar ye burdbari aur ilm aur bardasht karna hai. Aaj hum mein se koi nalayaq bewaqoof agar ustaad bol de dantte hue, khada kar de, tambeeh kar de, to taalib-e-ilm bardasht nahi kar raha ustaad ki baat. Aur yahan par Imam Abu Hanifa Rahmatullahi Alaihi ek aam aadmi ki is gustaakhi aur sakht kalmi ko bardasht kar rahe hain. Aasim bin Yusuf farmate hain ke ek martaba masjid mein Imam Abu Hanifa Rahmatullahi Alaihi dars de rahe the. Masjid ke kone mein ek shakhs aapko musalsal baithe gaaliyan de raha tha. Aur aapka sabak chal raha hai. Imam sahab apne kaam mein mashghool rahe. Na uski taraf mutawajje hue na jawab diya. Aap apne shagirdon ko bhi uski guftugu sunne se mana kiye ke bhai aap meri baat suno, uski kyun sun rahe ho? Dars khatam hua, aap wahan se apne ghar jaane ke liye uthe, to wo shakhs bhi aapke pichhe ho liya aur bura kehte hue ja raha pichhe se. Imam sahab jab apne ghar pe pahunche to darwaze par khade ho kar us gaali dene wale shakhs se kaha ke bhai ab mera ghar aa gaya hai. Agar tum apni baat poori karna chaho to kuch der aur khade ho jata hoon. Agar tumhari baat aur guftugu abhi baaqi hai, to kuch der aur khade ho jata hoon. Taaki tumhare dil ko sukoon mil jaye. Aur jab tum sab kuch keh lo to shauq se keh lo. Uske baad main apni baat apne ghar chale jata hoon. To itna tahammul aur sabr jab us bande ne bhi dekha to sharminda hua aur wahan se wapas laut gaya. Tab ismein dekho ke bhai aadmi apni taraf apne kaam ki taraf mutawajje rehna. To ab ismein wo gaaliyan dene wala kaun tha, uska naam kya tha, uska khaandan kya tha, wo taareekh bhool gayi. Lekin uske gaaliyon ki badle mein Imam Abu Hanifa ka jo tahammul aur bardasht raha, aaj unki zindagi mein qabil-e-tareef sifat ban kar zikr kiya ja raha hai. Arre samjhe nahi samjhe? To taang khinchne wale kab ke duniya se chale jate aur kaam karne wale wo hamesha zinda reh jate. Shah Ismail Shaheed Rahmatullahi Alaihi, aapke bare mein likha hai ke aap jab bayan farma rahe the, to ek aadmi khada hua aur kehne laga, Maulvi sahab, humne suna hai ke tum haraami ho. Arre kisko bol rahe hain? Shah Ismail Shaheed Rahmatullahi Alaihi ko. Bayan ke dauran uth ke bol raha hai. Aaj hamare bayan ke dauran koi bole, Maulana band karo bas bayan, bas khatam hai. Kyun pareshan kar rahe ho, kyun itna lamba khinch rahe ho, kyun aisa bol rahe ho? Koi bhi aisa uth ke khade ho ke bole, to hamare andar utna tahammul nahi hai jitna in buzurgon ke andar tha. To Shah sahab ne nihayat matanat ke saath jawab diya, Miyan, tumne galat suna hai ke main haraami hoon. Mere baap ke nikah ke gawah Budhana mein, Khulat mein aur khud Dilli mein maujood hain. Tum unse raabta kar sakte ho ke mere walid ka nikah hua ke nahi hua tha. Arre samjhe nahi samjhe? Kitni sanjeedgi aur kitna bardasht kiya hoga dekh lo. Ab apna-apna jaiza le lo ke hum sathiyon ki baatein kitna bardasht karte hain, asaatiza ki daant kitna bardasht karte hain. Maa baap ki tambeeh kitna bardasht karte hain, palat kar kitna jawab dete hain. To kahan se in ghatiya sifaat ke saath hum Allah ki vilayat pa sakte hain? Jo baap ki tambeeh bardasht na kar sake, ustaad ki daant bardasht na kar sake, sathiyon ke ek doosre ke jumlon ko bardasht na kar sake. Aur phir apne aapko nek samajhte hain. Shaikh-ul-Islam Hussain Ahmad Madani Rahmatullahi Alaihi ek martaba dars de rahe the, kisi gustaakh ne ek chitti bheji. Kya bheja? Aap apne baap se aap apne baap se paida nahi hue hain. Kisko? Hussain Ahmad Madani Rahmatullahi Alaihi ko. Ke aap apne baap se paida nahi hue hain. Jab aapne parcha padha padh kar sunaya, majme mein sunaya padh kar, to saare majme mein zahir si baat hai khalbalee machh gayi. Hazireen ko gussa aaya, talaba gusse mein aa gaye. To aapne nihayat bardasht ke saath farmaya ke khabardar kisi ko gussa karne ki zarurat nahi hai. Mera haq hai ye. Mere ko bol raha na, main use main use tasalli kar dunga. Koi mere baap se nahi hoon bol raha na wo shakhs. Main use bata deta hoon ke main mere baap se hoon, bhai aur se nahi hoon. Itna hi jawab kaafi hai bas khatam. Phir farmaya ke bhai main zila Faizabad qasba Tanda, falaan mohalle ka rehne wala hoon. Is waqt bhi mere walidain ke nikah ke gawah maujood hain. Khat bhej kar wahan se samajh lo ke main unki aulaad se paida hua hoon ke nahi hoon. Arre samjhe nahi samjhe? Jab Tahreek-e-Reshmi Rumal aur jo aazadi ke jo Tahreekat chal rahi theen, Muslim League waghaira. To us qadar farmaya us zamane mein Hazrat Madani ko bahut takleefein pahunchayi gayin, gustaakhi ki gayi. Bahut gustaakhi ka daur guzra hai, lekin aapne bahut bardasht kiya us zamane mein. Aap aapke khilaf mukhalifeen ne tohheen aur takheer mein ashaar bhi kahe.
[23:28]Aapne akhbar mein shaya bhi karaya baaz logon ne mukhalifeen ne hiju ke ashaar. To aapne ye sab sun kar farmaya ke bhai mere saath jisne jo kuch bhi kiya hai ya aainda jo kuch bhi mere saath kuch bhi karega, sabko main maaf kar chuka hoon. Meri wajah se kisi ko bura bhala na kahein aur na kisi ke liye baddua karein. Apne mureedon se aur apne shagirdon se farmaya. To Hazrat farmate hain ke in Akabir ke kirdaar ki roshni mein agar hum apne tarz-e-amal ka jaiza lenge, to humein samajh mein aayega ke in hazrat ne kis qadar takleefein bardasht ki hain aur uske baad kitna sabr se kaam liya hai. Aur aaj hum kitna apne mukhalifeen ko bardasht karte hain ya apne muwafiqeen ko bardasht karte hain. Jab tak insaan ke andar bardasht ki sifat paida nahi hogi, wo ijtemai zimmedariyan nibha nahi sakta hai. Jab aap bade banenge, jaise aaj bhi dekh lo, mohtamimon ke bare mein kitna likhte log. Balki jo 10-10 saal kisi madarse mein padha kar nikla hua bhi kya karta? Mohtamim ke khilaf likhta unhein. 10 saal jahan wo khaya, piya aur guzara kiya aur apne shagird uske bane. To jahan ke ehsanaat tale insaan kuch salahiyat bana leta hai, jahan se alag hua, fauran uski buraiyan shuru kar deta. Isse koshish karni chahiye ke aadmi aadmi bane. Bardasht karne ki sifat aaye, intiqami jazbe uske andar na ho. Tab ja ke Allah ki mahbubiyat aur maqbuliyat bande ko naseeb hoti hai. Allah se dua hai ke Allah ye sifat hummein naseeb farmaye.
