[0:00]Welcome dear rockers. Kaise hain aap sabhi? To aaj hum lekar aa chuke hain 2013 ki Bengali language mini series Gobhir Joler Maach season 2 ki story. Toh abhi tak humne dekha doston ki Reema ki maut jis andaaz mein hui thi, usi andaaz mein Suresh ki maut bhi ho gayi thi, woh bhi apne hi room mein. Yaani use bhi slow poisoning se mara gaya tha taaki Reema ki maut ki asal sachchai sabhi ke samne nahi aa paye. Aur ab jo hum dekhte hain wo bada interesting hai. Aage dekhta hoon toh Beena ke fish bowl mein se char fish jo thi na, usme se ab do hi zinda bachi hoti hai. Jisse Beena bahut darr jati hai ki mar jayenge, dheere-dheere hum sabhi mare jayenge. Toh uska husband Dhruv kehta hai ki tum har baat ko itna negative kyu le rahi ho? Itna dar kyu rahi ho? Jis pe Beena bhadak jati hai aur kehti hai ki daro nahi toh kya karu? Tum meri jagah hote toh kya karte? Pehle Reema, phir Suresh aur abhi Deeti ki maut ho chuki hai. Ab agli bari kya pata meri ho. Yeh sab bakte-bakte woh apne husband ko push karti hai jisse galti se woh fish bowl se takra jata hai aur fish bowl toot jati hai. Jiske baad toh do zinda bachi fish bhi tadap-tadap kar mar jati hai doston. Aur tab Dhruv kehta hai ki dekho, dekho, tumhari darr ki vajah se yeh bhi mare gaye. Iske baad toh Beena rote hue kehti hai ki theek isi tarah main aur Aarti bhi mare jayenge. Ab aage doston hum kuch aur chaukane wali baat dekhte hain ki yeh game asal mein Reema ne nahi, balki Reema ke husband Teerth ke dwara shuru kiya gaya tha. Kamaal hai yaar. Dar asal charon ki wife unplanned trip pe Goa gayi hui thi. Halanki woh pehle bhi apni mahila mandali ke sath trips pe ja chuki thi, magar woh planned trip tha doston. Par is baar unka man tha adventure karne ka, isi liye unhone ek dusre ke patiyon ke samne hath jod kar unse permission dilwai thi apni friend ko. Matlab pehle teen ek ke ghar pe gayi hongi, uske pati ko bola hoga, bhej do isko ghumane ke liye. Phir teen dusre ke ghar pe gayi hongi toh aise-aise karke ek dusre ki madad kari sabhi ne. Par unke jaane ke baad doston Sumit ko unki badi fikr ho rahi thi. Halanki baaki pati apni biwiyon ki roz-roz ki chich-kich se thoda break par bade khush the ki chalo theek hai. Ab aage charo ke pati bahar ek restaurant mein drink karne ke liye aa jate hain, par Sumit ka yahan pe bhi yahi kehna hota hai ki pata nahi mahila mandali sahi se Goa pahunchi bhi hogi ya nahi. Unhe room mila bhi hoga ya nahi, unka phone bhi nahi lag raha hai. Toh is pe Teerth mazaak karta hai ki tumhe apni biwi ki kitni chinta genuinely sata rahi hai ya phir tumhe lag raha hai ki Goa mein kahi woh kisi aur ke sath behak na jaye? Ab is se Sumit ho jata hai doston offend aur kehne lag jata hai ki nahi-nahi, meri biwi toh kabhi behak nahi sakti. Toh tab Teerth kehta hai ki tumhara kya matlab hai ki humari biwiya behak jayengi? Sumit kehta hai ki mujhe kya pata tumhari biwiyon ke bare mein? Main toh sirf apni biwi ki guarantee le sakta hoon. Ab is tarah doston dheere-dheere Teerth baaki patiyon ko bhadkata hai ki tum log kuch keh kyu nahi rahe ho, kya ho gaya? Kya tumhe apni biwi pe yakeen hai ya nahi hai? Toh woh log bhi kuch kehne lag jate hain ki hum apni biwi pe aankh band karke bharosa kar sakte hain. Woh mujhse obsessed hai, har koi yahi bolta hai. Toh Teerth kehta hai ki jab sabko apni biwi pe itna bharosa hai toh kyu na unki loyalty test ki jaye. Hum unhe cheat karne ka mauka denge, agar phir bhi woh loyal nikli, tabhi jaakar unki loyalty mani jayegi. Aur sare pati sharab ke nashe mein the doston. Is baat ko woh ego mein lekar loyalty test ke liye raazi ho jate hain aur kehte hain ki agar humari biwiya loyal nikli phir toh hum jo kahenge woh Teerth ko karna hoga, kyu ki yahi humko challenge de raha hai. Iske baad aa jayiye doston present mein aur isi test ke bare mein Arun akele baith ke soch raha hota hai. Magar uski wife hyper ho jati hai aur kehne lag jati hai ki mujhe sab samaj aa raha hai Arun ki tum kiske khayalon mein doobe hue ho. Mujhe bedroom mein akela chhod kar tum yahan pe baithe hue ho. Agar mere bhi kaan-naak se khoon nikalne lagi aur main bhi Dithi ki tarah mar gayi toh kya hoga, haan? Tum toh mere samne bhi nahi rahe, mujhe bachana pade toh bachayega kaun? Arun apni wife ko calm down karwate hue kehta hai ki meri baatein suno, pareshan mat ho jao. Main toh bas yahan inspector ke call ka wait kar raha tha. Jis pe Aarti kehti hai are haan, aaj toh tum logon ka saliva test ki report aane wali hai. Arun, kya lagta hai Suresh ke ghar pe jo cigarette butts mile the, us se tumhara saliva match kar jayega kya ya nahi? Arun kehta hai kaisi baatein kar rahi ho? Main kabhi Suresh ke room pe gaya hi nahi toh yeh kya faltu ki baatein kar rahi ho? Dusri aur hum Sumit ke ghar pe Teerth ko aate hue dekhte hain. Jo Sumit ko ek chaukane wali khabar deta hai ki tum teeno ka saliva match kar gaya. Inspector ne mujhe call karke yeh bataya toh socha tumse khud milkar puch lu ki tum log Suresh ke ghar pe kab gaye the, kyu ki phone toh tum utha nahi rahe ho. Ab usi waqt inspector ka call Arun aur Dhruv ko aata hai aur saliva match karne wali baat sunkar dono ke dono hairan ho jate hain. Well, ek cheez aap se puchna chahunga, aapko pata nahi hai na vaise ki Dithi ki maut kaise hui? Toh aaiye dekhte hain. Dithi ki maut bhi Reema aur Suresh ki tarah achaanak muh se, naak se khoon nikalne ke karan hui thi. Aur uski body ki jab antim kriya ki taiyari ki ja rahi thi tab Dithi ki family aur friends use akhiri baar dekhne ke liye aaye the. Beena, Dhruv aur Aarti, Arun, yeh bhi yahan pe aaye hue the. Par dono hi jaldi se apne patiyon ko wapas ghar chalne ke liye kehne lagti hain. Wahi inspector Teerth se kehta hai ki aapki biwi ki tarah Dithi ki maut bhi lagbhag waisi hui hai. Aisa lagta hai ki charo saheliyon ko ek-ek karke koi marna chahta hai. Jis pe phir Teerth yaad dilata hai ki is mein toh koi pattern bhi nazar nahi aa raha. Kyu ki Suresh ki maut bhi aise hui hai. Agar woh charo ko hi marna chahta tha toh phir Suresh ko kyu mara? Iske baad doston scene aata hai present mein shift aur hum dekhte hain ki Arun apne bachchon aur biwi ko Beena ke ghar pe chhod kar police station jate hain inquiry ke liye. Tabhi Dhruv ready hokar aata hai aur Arun se kehta hai ki chalo Arun, meri gadi se police station chalte hain. Toh tabhi Beena Dhruv se kehti hai ki agar tum log sach mein Suresh ke ghar nahi gaye the toh inspector se wahi kehna jo sach hai, pehle hi bata diya tumhe. Kyu ki ab pani sar ke upar chala gaya hai, jhooth bolkar bachna bahut hi mushkil hai. Ab yahan Dhruv apne man mein sochta hai ki kaun sa sach bataunga main. Total itne sare khel chal rahe the ki ab toh game aur reality mein fark karna bahut hi mushkil ho gaya hai. Phir Dhruv aur Arun ke jaane ke baad Beena Aarti se kehti hai ki kahi tune toh Dithi ko nahi mara? Kyu ki tera pati us se pyar karne lag gaya tha. Aur fauran Aarti bhi keh deti hai, kahi Reema ko tune toh nahi mara? Marne ki vajah tere paas bhi thi. Dekha dosto, kya maza aa raha hai game mein. Dusri aur Teerth apni anniversary ki agli subah yaad karta hai apne aur Reema ke sath jo pal the bitaye usne unko. Kyu ki us din kya hua tha, Reema ro rahi thi apne ghar pe ki aaj main apne friend se milkar kya hi kahungi ki mere pati ne mujhe divorce manga. Toh us time Teerth ke man mein ek khayal aata hai ki loyalty test wali baat ko ek hafta guzar gaya, humari wife Goa se wapas aa chuki hai. Par humari loyalty test wali game mein toh koi progress ho hi nahi raha. Toh kyu na jo kaam main nahi karwa paya, woh kaam main apni biwi se karwata hoon. Yeh baatein doston abhi bhi woh apne dimag mein soch raha hai, theek hai, kisi se keh nahi raha. Phir woh apne dimag mein sochta hai ki are maine kal raat jaanboojhkar toh reports wali baat chhedi thi taaki kuch waisi situation create ho jaye. Ab aage hum dekhte hain ki Teerth Reema ke samne ek condition rakhta hai ki tum apni friends ke chehre se agar loyal wife ka mukhda utarwa dogi, toh main tumhe divorce nahi dunga. Jis pe Reema kehti hai ki nahi, main apni friends ke sath aisa kaise kar sakti hoon? Teerth kehta hai theek hai phir soch lo, tumhe apni dosti bachani hai ya shallow friendship. Iske baad Reema jati hai apni friend se milne jahan woh unke sath apna dukh batane ki koshish karti hai. Magar iske baad jo hota hai na doston, uska andaaza Reema ko nahi tha. Woh abhi tak jinhe apna sabse achcha dost samajhti bhi aayi thi, woh toh ulta Reema ko hi uski situation ke liye blame kar jati hai. Yaad hoga aapko, woh Reema mein hi lakh kamiya nikalti hai ki tum aisi ho tabhi toh tumhara pati tumhe chhodne ke liye keh raha hai. Jisse Reema ka is fake friendship se bharosa uth jata hai aur woh inke sath us khatarnaak game ko khelne ke liye ho jati hai taiyar. Woh inhe phir ek dusre ke patiyon ke sath affair karne ke liye uksati hai aur aakhir mein inko raazi karke hi manti hai woh. Aur ab present mein Arun aur Dhruv inspector se kehte hain ki sir, aap khud hi sochiye na agar humara katal mein koi involvement hota toh kya hum apni kabar khodne ke liye apne cigarette butts Suresh ke ghar pe chhod aate? Nahi na, sir baat ko samajhne ki koshish kariye, koi humein phasane ki koshish kar raha hai. Yeh sara khel Teerth ka hai, usne hi hume apni wives ki loyalty test karne ke liye uksaya tha. Hame apni biwi pe bharosa tha isi liye hum bhi maan gaye the. Magar us waqt Teerth ke paas koi proper plan nahi tha. Kuch dinon ke baad usne phir se humein milne ke liye bulaya aur bataya ki maine apni wife ke samne ek condition rakhi ki woh ya toh mujhe divorce de de ya phir apni friends ko uksaye ki woh apni jawani se rijha kar dikhaye ki unmein abhi bhi woh baat hai ki nahi. Matlab woh abhi bhi ladkon ko apni or attract kar sakti hai ki nahi. Yeh sari baatein Teerth ne humse kahi thi aur sir wahi hum aapse bata rahe hain. Sath hi Teerth ne humse yeh bhi kaha tha ki meri wife toh aaj tumhari biwiyon ko cheat karne ke liye uksane wali hai. Ab dekho yeh baatein tumhari wife tumhe batati hai ki nahi. Samaj aa gaya doston aapko, aisa scene hua tha. Ab iske baad Arun, Dhruv aur Sumit apne-apne ghar chale jate hain aur apni biwi ka badi besabri se intezar karne mein lage hote hain. Woh jab aati hai toh yeh log puchte hain ki aaj kya-kya hua? Toh woh sari baatein batati hai siwaye woh game wali baat ko chhod kar. Jisse patiyon ko lagta hai ki shayad Reema ne inse game ki baat kari hi nahi. Toh yeh khushi-khushi agli raat Teerth se milne chale jate hain jahan Teerth kehta hai ki zyada khush mat ho beta. Kyu ki kal puri raat Reema ghar aayi hi nahi thi. Nashe mein usne apni friends ke restaurant se jane ke baad mujhe call kiya tha aur kaha ki main tumhara mohra nahi banungi. Agar kisi condition ko puri karne par tum mere sath rehne wale ho toh main khud tumhare sath rehne ke liye mari nahi ja rahi. Mujhe kisi ki zaroorat nahi hai, na pyar mein, na game mein aur na crime mein. Ab usne mujhe itni sari baatein boli toh mujhe iska matlab samaj mein nahi aaya, par woh pakka kuch bada plan kar rahi thi. Toh dekha doston aapne, aisa scene hua tha. Aur present mein yeh sari baatein jankar inspector ko badi hairani hoti hai ki batao Reema bhi kya aurat thi. Uski saheliya sacchi sabit nahi hui toh usne batao unhe game mein kheench liya aur unke pati ne un pe shart lagayi thi. Toh unhe bhi apne game ka mohra bana diya batao yaar. Tabhi ek aurat god mein baccha lekar aati hai rote hue aur kehti hai ki sir aap logon ne mere pati ka antim sanskar kar diya aur humein abhi tak khabar nahi di. Toh inspector puchte hain ki kaun tha tumhara pati? Tab woh kehti hai ki Suresh. Ab yeh jankar sabhi ki halat kharab matlab hairan ho jate hain ki Suresh ne toh khud ko gay bataya tha. Phir uski biwi bacche kaise ho sakte hain? Aur idhar Beena aur Aarti kafi dari hui hain doston. Beena kehti hai agar marna hi hai na toh humein kam se kam apne qatil ka pata lagane ki koshish toh karni chahiye. Hum aise hath pe hath rakhe toh baith nahi sakte. Toh Beena apne dono bacche aur Aarti ki beti matlab teeno ko apni maid ke sath park mein bhej kar khud Aarti ke sath jati hai Teerth ke office. Aur Aarti Beena se puchti bhi hai ki tujhe Teerth jiju ke office ka address kaise pata hai? Toh Beena jhoot bol deti hai ki woh ek baar Reema mujhe lekar aayi thi bas tabhi mujhe pata hai. Lekin doston, hum ek flashback mein dekh paate hain ki Teerth ne ek baar Beena ko tease kiya tha ki kya tum mujhe kisi public place mein kiss kar sakti ho kya? Toh ek din Beena, bina bataye Teerth ke office ke bahar aa gayi thi. Usne call karke Teerth ko office ke bahar aane ko kaha aur yahi pe use kiss karne ki koshish karne lagi. Magar Teerth ne usko yeh kehkar rok diya tha ki main toh are bas mazaak kar raha tha, tumne toh seriously le liya. Is se pehle ki meri girlfriend Brinda humein sath mein dekh le, chalo yahan se chalte hain. Tumhe toh pata hai na us boring Brinda ke sath mujhe pyar ka jhootha natak karna pad raha hai. Taaki jab bhi Reema ko mere affair ka pata chale toh main Brinda ka naam le lu aur tum pe koi shak na kare. Dekha doston, yeh scene tha. Aur ab present mein inspector Sumit, Dhruv aur Arun ko bahar bhejkar akele mein Suresh ki wife se baat chit karte hain. Woh usse kehte hain ki Suresh ne toh kaha tha ki uske aage peeche koi nahi hai aur use auraton mein koi dilchaspi bhi nahi hai. Toh woh lady kehti hai kaisi baatein kar rahe hain sir aap? Humara baccha ek safal shadi ki nishani hai. Woh humare liye hi toh shehar mein paisa kamane aaye the. Har mahine woh humein paisa bheja karte the. Unke sath mein kaam karne wale Vishnu bhaiya ne mujhe unki maut ki khabar di, warna mujhe toh pata hi nahi chalta. Idhar doston Beena aur Aarti ko Teerth apne office mein dekhkar kehta hai ki tumhe agar koi bhi baat karni thi toh ghar aa jati, office aane ki kya zaroorat thi? Toh Beena kehti hai woh kehh na, hum raat tak ka wait nahi kar sakte the. Woh kehna ki humare paas kitna time bacha hai humein khud nahi pata. Isi liye humein yahan pe aana pada aur phir Aarti puchti hai ki Teerth jiju, jis raat Reema ka khoon hua, aap pure din kahan the batao? Toh Teerth kehta hai main office ke kaam se Jamshedpur gaya hua tha. Toh Beena turant puchti hai ki aap sach mein wahan the iska koi saboot hai? Aur aap wapas kab laute the? Toh Teerth kehta hai ki tum log aisi kya detective banke baatein kar rahi ho? Kya mujh pe bharosa nahi hai? Toh Aarti kehti hai ki nahi, humein apne pati tak pe bharosa nahi raha toh aap pe kaise hoga? Aur yeh sunke Teerth kehta hai ki yaani tumhare patiyon ne tumhe shart wali baat bata di hai kya? Toh yeh chauk jati hain aur puchti hain kaun si shart wali baat? Toh tab Teerth kehta hai ki jab unhone nahi bataya toh main kyu batau? Par tabhi cabin mein Brinda aa jati hai aur Teerth se kehti hai ki kya tum busy ho Teerth? Main khane ke liye tumhara wait kar rahi hoon. Jisse Beena jealousy ho jati hai aur Brinda se uska naam puchkar gusse mein chali jati hai doston wahan se. Yeh sari cheeze Aarti bhi notice karti hai aur raste mein Beena se kehti hai ki toh yahi hai woh Brinda jiski wajah se Teerth jiju Reema ko divorce dena chahte the. Hain na? Vaise manna padega ladki toh unhone bahut hi khoobsurat aur smart choose kari hai. Toh gusse mein Beena badbadati hai ki mujh se toh Teerth ne kaha tha ki Brinda bahut hi ugly aur daal chawal type ki hai. Jhootha kahi ka. Phir man mein Beena sochti hai, isi liye usne mujhe last time office ke bahar se hi bhaga diya tha. Taaki main uski mast setting ko na dekh paun, achha. Yeh Brinda toh mujhse bhi zyada sundar hai toh kahi woh Brinda ko use karne ke bajaye mujhe sach mein bewakoof toh nahi bana raha. Lagta hai ek sath do-do naav pe paon rakha hua hai. Aur phir Beena gusse mein apne pati ko call karti hai aur kehti hai ki tum aaj ghar aa jao, sara hisab kitab aaj hi hoga. Tumne humse shart ki baatein chhipa kar achcha nahi kiya. Idhar Teerth toh soch raha tha doston ki Brinda ne aaj jo Beena ke samne kiya is se toh Beena aag babula hokar pakka dimag kharab ho gaya hoga uska. Ab woh meri kisi bhi baat pe yakeen nahi karegi. Magar main usse yakeen kaise dilaun ki jab main apne fayde ke liye Brinda ke sath affair ka natak kar raha tha us samay toh bilkul behan type thi. Par breakup ke baad achaanak se kawwa mor ban gaya, yaani Brinda ka glow up ho gaya. Aur Brinda ne toh mere sath pata nahi kab last time lunch kiya tha. Magar Beena ke samne usne aisa pretend kiya jaisa mera abhi bhi uske sath kuch chal raha hai. Is tarah doston yeh apne dimag mein sochta hai aur tabhi Beena Teerth ko call karke keh deti hai ki yeh mat sochna ki maine Brinda ke bare mein puchne ke liye call kiya. Tumhe jo karna hai karo magar ek baat jaan lo ki police station mein Suresh waiter tha na uski wife aur baby aaye hue hain. Yaani Suresh waiter gay nahi tha aur tumhari biwi uske sath raat bhar koi jagrata nahi karti thi, balki woh bhi tumhe cheat kar rahi thi. Yeh janne ke baad Teerth ko us raat ka flashback aata hai jis raat Reema ghar nahi lauti thi. Na hi woh apne mayke gayi thi. Teerth ko bhi thodi si chinta ho gayi thi uski kyu ki aaj se pehle aisa kabhi hua nahi tha. Woh jab Reema ko call laga raha tha toh lag nahi raha tha. Toh wahi PNPC restaurant mein jab usne call kiya toh sirf ring ho rahi thi, pick nahi ho raha tha. Jisse Teerth samajh gaya ki zaroor restaurant band ho gaya hoga. Teerth ko samajh nahi aa raha tha ki jab sabki biwi apne ghar laut chuki hai toh Reema kahan gayi, kahan dhundhu usko? Kuch hi der mein doorbell bajti hai, use lagta hai Reema aa gayi. Magar aaya hua tha Suresh waiter. Woh sari baat Teerth ko batata hai ki sir aapki wife akele restaurant mein pee ke bhand ho chuki hai. Maine unki help karni chahi par woh apna address batane ko ready hi nahi thi. Aakhir mein mujhe unki safety ko dhyan mein rakhte hue apne room pe leke jana pada. Unke so jane ke baad maine unka bag check kiya jisme kuch documents the, us se mujhe yahan ka address mila. Ab yeh sari baatein sunkar Teerth bhadak jata hai. Woh Suresh ko marne-peetne lagta hai ki tumhari himmat kaise hui meri biwi pe hath uthane ki galat fayda uthane ki. Aur tab khud ko bachane ke liye Suresh ko kehna pad jata hai ki sir, aap jaisa soch rahe hain waisa nahi hai. Main toh gay hoon, mujhe ladkiyon mein interest nahi hai. Suresh ki shakal bilkul good boy jaisi thi toh Teerth ko us pe yakeen ho gaya aur usne Suresh se hath mila liya. Woh kuch paison ke badle Suresh se Reema aur uski saheliyon pe nazar rakhwata tha. Unke beech mein kya khichdi pak rahi hai, yeh janne ke liye Teerth ne aisa kiya doston. Present mein Dhruv, Sumit aur Arun ke sath apne ghar pe pahunchta hai. Sath hi usne Teerth ko bhi call karke aane ko keh diya hota hai. Kyu ki sara kuch toh Teerth ki wajah se hi ho raha tha. Halanki Teerth abhi tak aaya nahi hota hai doston aur Beena apne pati ko acche se phatkar bhi lagati hai. Ki humne jo bhi khel khela us din inspector se milne se pehle tumne sab sach bata diya tha. Aur tum logon ne humse abhi tak woh shart wali baat chhipa ke rakhi hai. Jo kuch bhi hua hai uski zimmedar sirf tum log ho. Agar tum shart ke liye haan nahi karte toh Teerth Reema se kehkar humein is game mein nahi phasa pata. Jis pe Dhruv kehta hai ki achcha aisa hai. Agar Reema ne game ke liye uksaya toh tum log raazi kyu hui thi? Dusre mardon ko phasaane ka lalach control nahi kar payi ya Sumit pe pehle se hi tumhari gandi nazar thi? Tab Arun kehta hai ki yeh time hyper hone ka nahi hai. Kab aur kis tarah hum is deadly game mein phase, yeh samajhne ka time hai. Tab Dhruv bhi thoda shant hota hai aur apni wife Beena se kehta hai ki ab waqt aa gaya hai ki jo bhi secret hain hum ek dusre ko bata dein. Toh is pe Beena jhat se kehti main kya batau? Mera koi secret hai hi nahi. Jis pe Aarti kehti hai ki haan, haan, hai, main batau? Tabhi wahan pe Teerth aa jata hai doston aur woh sari baat bata deta hai in logon ko. Yaani Suresh ke sath usne jo contract karke rakha hua tha uske bare mein. Aur yahan baton hi baton mein Aarti baar-baar sabke samne Teerth aur Beena ke affair ke bare mein batana chah rahi thi. Magar Beena uski baat ko hamesha kat rahi thi. Par aakhir mein Teerth khud hi bata deta hai ki ab mamla kafi aage badh chuka hai. Aur main khud janna chahta hoon ki Reema ko kisne mara. Isi liye ab humein aapas mein koi bhi secret nahi chhipana. Haan main Kabul karta hoon ki Beena ke sath ek saal se zyada se mera affair chal raha hai. Aur yeh sunte hi Beena ko Dhruv ek thappad lagata hai doston. Aur puchta hai ki tumne aur kitne aadmiyon ko phasa ke rakha hua hai? Pehle Sumit aur ab Teerth. Sumit ka toh tum excuse de chuki ho ki woh game ka ek part tha magar Teerth ke bare mein kya kahogi, kaun si majburi thi tumhari? Par Beena ko doston jaise saamp sungh gaya ho, kuch nahi bol pati. Udhar inspector jate hain restaurant aur Vishnu ko pakad kar usse puchtaach karte hain. Ki jab Suresh gay tha toh uski biwi bacche kahan se aa gaye? Vishnu kehta hai ki nahi sir, agar woh gay hota toh phir uska Reema madam ke sath kya chal raha tha? Ek din toh Reema madam ke husband bahut gusse mein aaye bhi the aur Suresh ke sath maarpeet kari thi. Sath hi Suresh ka ek aur ladki ke sath chakkar tha. Woh jab aati thi toh Suresh ko 2000 ki tip dekar jati thi. Doston ab yeh sari baatein jankar inspector ko lagta hai ki tab toh aisa ho sakta hai ki Teerth ne Reema ko Suresh ke affair ki wajah se mar diya hoga. Aur phir Suresh ko bhi maar diya. Inspector apne assistant se puchte hain ki jis din Reema ka khoon hua, bayan ke mutabik Teerth kaam ke silsile mein Jamshedpur gaya hua tha, kya tumne cross check kiya? Toh havaldar kehta hai ki haan sir, hotel ke record ke anusar Teerth us din Jamshedpur ke hotel mein hi tha aur agle din checkout kiya usne. Magar hotel mein koi CCTV bhi nahi hai toh keh nahi sakte ki woh us raat apne room mein tha ya nahi. Idhar Teerth sabhi ko kehta hai ki mujhe itna toh samajh aa gaya tha ki Reema zaroor koi khel khel rahi hai hum sabhi ke sath. Kyu ki mujhe pehle Suresh ne bata diya tha ki nashe mein Reema kisi game ke bare mein badbadati thi. Aur agli raat woh apna saman pack karke dusre room mein sone ja rahi thi. Toh jab maine usko roka aur kaha ki mujhe baby chahiye. Toh woh keh rahi thi ki main is baby ko abort kar dungi, mujhe tum jaise ghatiya aadmi ka baccha nahi chahiye, yeh kaha usne mujhe. Wahi dusre din usne apni friend ke husband se rote gidgidaate hue help mangi ki please mere pati ke sar se divorce ka bhoot utar dijiye, yaani woh mere liye keh rahi thi. Jo ki usi raat mujhe in logon ne restaurant mein milkar bataya. Mera toh dimag kharab ho raha tha. Iske baad doston Arun kehta hai, aage ki baat hum batayenge kyu ki yeh sari baat hone ke baad toh Teerth washroom chala gaya tha. Aur tab maine Sumit aur Dhruv ne milkar yeh faisla kiya ki yeh dono pati-patni toh pagal ho gaye hain. Aise mein humein loyal rehna hoga aur jo kuch bhi aage hoga, hum ek dusre se share karenge. Isi liye jab tum teeno ne humein apna target banakar zaroori baatein discuss karne ke liye raat mein milne ko kaha toh humne call karke yeh sari baatein ek dusre ko bata di thi. Aur iske baad jo kuch bhi hua, hath pakda, gift dena yeh sari baatein bhi humne ek dusre ko batai. Yaani tum ladies ko lag raha tha ki tum bahut hoshiyar ho aur tum apne husn ke jaal mein humein phasa rahi ho. Par hum phasne ka natak kar rahe the taaki hum dekh sakein ki tum log kitna neeche gir sakti ho yeh game jeetne ke liye. Dekha doston, kahani kahan se kahan chali gayi. Ab is tarah se pardafash hone ke baad toh Beena ko itni zyada sharmindgi mehsoos hoti hai na ki kya hi bataaye. Woh sochti hai ki yeh din dekhne se pehle main mar kyu nahi gayi.
[21:09]Iske baad sabhi apne ghar chale jate hain kyu ki raat bahut ho jati hai. Udhar police station mein havaldar kehta hai, ek lady milne aayi hai. Toh inspector thoda irritate hote hue kehta hai ki ek aur lady. In ladies se toh mujhe ab darr lagne lag gaya hai. Par ab kya hi kar sakte the doston. Toh woh lady koi aur nahi balki Brinda hai jo kehti hai ki Reema ji ka khoon Teerth sir ne kiya hai. Aap unko arrest kyu nahi kar rahe? Toh ab inspector usko sab kuch explain karne ko kehta hai. Tab woh kehti hai ki woh jo dusri lady thi jiske liye Suresh kaam karta tha, woh main hi thi. Aur jis raat Reema ki maut hui, usi subah main gayi thi Suresh ke restaurant mein. Jahan usne tissue paper par yeh likhkar diya tha ki Reema ko building ke top pe leke jao. Ab yeh jo instructions the shayad Teerth ne hi Suresh ko diye the. Aur ek baat batani zaroori hai sir ki us building mein mere uncle ka flat hai, woh videsh mein rehte hain. Isi liye us flat ki chabi mere paas hi rehti hai. Us flat mein kabhi-kabhar main aur Teerth mil chuke the, isi liye Teerth ne socha hoga ki agar wahan se girkar Reema ki maut hoti hai toh blame mere pe aayega. Matlab logon ki nazar mein yeh jata ki Brinda ka breakup ho gaya tha, woh pagal ho gayi, usne Reema ko mar diya. Yeh chaal chali Teerth ne. Par inspector kehte hain ki police ne toh aap pe koi shak nahi kiya. Toh Brinda kehti hai ki haan par main chahti hoon ki Reema ke qatil ko saza mile. Kyu ki main aur Reema friends ban gaye the. Yeh sunkar inspector hairan ho jata hai ki yeh kab kaise ho gaya. Aur idhar doston late night Aarti aur Beena call pe sari situation discuss kar rahe hote hain. Magar tabhi Arun washroom se Aarti ko awaz dete hue aata hai aur uske samne girkar mar jata hai doston. Yaani Arun ko bhi slow poisoning ke dwara mar diya gaya hai. Ab agle din hota hai Arun ka funeral jahan bahut sare log aaye hote hain. Aarti ka toh ro-ro kar bada bura hal hota hai, usko samajh nahi aata ki khatra toh mere upar tha na. Phir Arun ki maut kaise ho gayi? Aur ab Aarti Beena se kehti hai ki Dhruv ko sambhal kar rakh, main kabhi bhi us pe nazar nahi dalungi. Aur tabhi inspector bhi aa jate hain body ko postmortem ke liye bhejne ke liye. Toh jab Dhruv aur Beena apni car se ghar ja rahe hote hain toh Dhruv toh abhi bhi Beena se gussa hone ki wajah se baat nahi kar raha hota hai. Par Beena samne se kehti hai ki maine aur Aarti ne faisla kar liya hai ki qatil tak pahunch ke rahenge. Toh tabhi Dhruv kehta hai ki shayad humein pata hi na chale ki qatil kaun hai. Last tak jo zinda bach jayega, qatil wahi hoga. Aur main toh kehta hoon bachchon ko apne mayke bhej do, main nahi chahta ki hum mein se kisi ki maut humare bacche ki aankhon ke samne ho aur unhein zindagi bhar uska trauma mile. Idhar Teerth ko inspector apne sath police station leke jata hai jahan woh usse seedha yahi sawal karta hai ki aapne Suresh ko kehkar apni biwi ko marwane ke liye building pe bulaya tha na, batayiye? Toh woh jawab deta hai ki nahi sir, maine sirf Suresh ko paise diye the Reema aur uski doston pe nazar rakhne ke liye. Maine kabhi bhi Reema ko kahi nahi bulaya. In fact, us building mein Brinda ke uncle ka flat hai. Main wahan Reema ko kuch bhi karne ke liye kyu bulaunga? Brinda ke bare mein agar logon ko pata chalega toh samaj mein meri kitni badnami hogi. Toh inspector puchte hain kya aapko pata hai aapki biwi aur Brinda bahut hi acche friends the? Toh Teerth chauk jata hai aur ek flashback se humein pata chalta hai ki ek din Reema ne Brinda ko ghar pe bulaya aur bade hi aaram se baat chit karke unki affair ke bare mein sara kuch pata kar liya tha. Usse pata chal gaya tha ki Teerth ne Brinda se 6 mahine tak jhoot kaha ki meri biwi mentally stable nahi hai. Isi liye main uske sath physical nahi ho pata aur sath hi woh mujhe divorce dene ko bhi taiyar hai. Yeh sari baatein Teerth ne Brinda se kahi thi. Par phir pata nahi achaanak kya hua, Teerth ne Brinda se breakup kar liya. Tab Reema Brinda ko batati ki aisa nahi hai, bholi ladki. Main bilkul fit and fine hoon. In fact, main pregnant bhi hoon. Teerth ne tumhe bas use kiya hai aur tum ho ki roye ja rahi ho. Is se kuch nahi hone wala. Tumhe karna hoga apna makeover, tumhe sedi nahi bedi banna hoga. Taaki Teerth ko samajh aaye ki usne kya cheez khoi hai. Yeh jankar Teerth inspector se puchta hai ki yeh sab aapko Brinda ne toh nahi bataya? Toh woh kehta hai inspector nahi-nahi, mujhe Reema ki aatma aayi thi batane ke liye. Tabhi inspector ko Arun ki bhabhi call karke kehti hai mujhe aapko kuch batana hai milkar. Iske baad inspector wapas Teerth se puchtaach karta hai ki aapko PNPC ke bahar Suresh ke sath maarpeet karte hue dekha gaya tha. Us bare mein kuch kehna hai kya aapko? Toh Teerth batata hai ki darasal Suresh ne mujhse paise toh liye the Reema par nazar rakhne ke liye. Par woh mera phone tak nahi utha raha tha. Isi liye main gusse mein tha. Par usne mujhe bataya ki jab main use call kar raha tha toh samne Reema thi aur isi liye call nahi uthaya. Usne yeh bhi kaha ki maine aapka number save nahi kiya tha. Toh mujhe bada gussa aaya us Suresh pe ki isne mera number save hi nahi kiya batao. Toh tab inspector kehte hain ki tumhe nahi pata us din Suresh ke phone pe Reema ne aapka number dekh liya tha. Aur usne Brinda se hath mila liya tha. Usne Brinda se kaha Suresh pe nazar rakho pehle. Kitna ghumavdar story ho rahi hai doston yeh. Iske baad hum Beena ko dekhte hain jo ki apne bachchon ko hug karke bada ro rahi hai kyu ki use apne bachchon ko apne mayke bhejna pad raha hai unki safety ke liye. Udhar Aarti ki jethani call karke inspector ko bulati hai aur use ek chaukane wala sach batati hai. Ki jis din Reema ki maut hui thi us din Arun ghar pe nahi tha sir. Aarti ne kaha uski bhi tabiyat kuch theek nahi hai toh uski beti ko main apne sath sula lu. Toh us samay main maan gayi thi par aadhi raat tak mujhe neend nahi aayi toh maine socha Aarti se jaakar neend ki dawa maang lu. Par woh toh room mein hi nahi thi. Balcony se maine dekha ki woh kisi mard ke sath baat kar rahi hai. Toh main chhipkar unki baatein sunne chali gayi jahan maine suna ki woh us aadmi ko Dhruv jiju kehkar baatein kar rahi thi. Aur keh rahi thi ki main aapka gift accept nahi kar sakti Dhruv jiju. Aap bahut hi acche hain, aapko mujhse sach mein pyar ho gaya hai aur mujhe bhi aapse. Magar is pyar ki shuruaat bahut hi galat tarike se hui hai. Darasal Reema ne shart rakhi thi ki main aapko apne pyar ke jaal mein phasaun par mujhe bhi pata nahi chala kab main sach mein aapse pyar karne lagi. Toh Dhruv use gale lagakar kehta hai tum mujhe sab pata hai, tumhe kuch bhi explain karne ki zaroorat nahi hai. Aur tab Aarti kehti hai par aapki life mein Beena hai aur meri life mein Arun hai. Aise mein hum kabhi bhi ek nahi ho payenge. Toh Dhruv kehta hai ki tension mat lo, koi na koi tarika nikal lunga main. Doston, ab Aarti ki jethani ko lag raha tha ki zaroor in dono ne milkar mere devar Arun ko apne raste se hata diya hai aur ab kahi Dhruv bhi aisa hi na karde apni wife ke sath. Isi liye woh police ko inform kar rahi hai kyu ki pehle woh is mamle ki gambhirta samajh nahi payi thi. Udhar Beena apne husband se puchti hai ki game mein participate toh maine bhi kiya aur Aarti ne bhi. Magar abhi bhi tumhare dil mein Aarti ke liye soft corner kyu hai? Tab woh bata deta hai ki jis raat main use gift dene gaya tha, usi raat Aarti ne sari sachchai mujhe bata di thi. Woh tumhari jaisi nahi hai. Ab is se Beena chid jati hai ki achcha toh Aarti ne agar pehle sari baatein bata di thi toh woh mahan ban gayi kya? Toh Dhruv kehta hai ki haan. Iske baad inspector Aarti ke room mein jate hain jahan usse milne ke liye Sumit aaya hua tha. Dono ek dusre ka dukh baant rahe the. Magar inspector Aarti ke jale pe namak chhidakne ka kaam karte hain aur sari baatein usse bata dete hain. Ki us raat aapki jethani ne aapki aur Dhruv ki mulakat dekh li thi. Aap freedom pane ki baatein kar rahi thi, apne pati ko maarkar pa liya na aapne freedom. Jis pe Aarti kehti hai freedom pane ka matlab divorce hota hai inspector, khoon nahi. Aur vaise bhi us din humne jo baatein ki thi woh emotions mein behke ki thi, uska reality se koi lena dena nahi hai. Toh inspector kehte hain ki chaliye yeh baat bhi maan lete hain, magar ek baat mein aap log khud phans jayenge. Suniye, aapne pehle toh kaha tha ki Reema ke qatl wali raat aap teeno saheliyan ek dusre ke pati ke sath thi. Puri raat, magar aapki jethani ke mutabik pyar ke kasme wade khane ke baad toh Dhruv ji chale gaye the. Par woh apne ghar toh nahi gaye honge na, kyu ki aap logon ke mutabik us waqt Beena ke sath Sumit night spend kar raha tha. Sahi hai na? Toh chaliye Sumit ji se chalte hain police station puchne ke liye. Toh chaliye Sumit ji police station jahan aap sachchai batayenge ki us raat apni lover se milne ke baad agar aap pati log apne ghar nahi gaye the toh kahan gaye the? Police ke Sumit ko apne sath le jane ke baad doston Aarti call karke Beena ko bata deti hai ki inspector ko pata chal chuka hai ki us raat humne apne pati nahi badle the. Toh Beena apne husband ko yeh baat batati hai aur sacchai puchti hai. Tab Dhruv us raat ki asli sacchai Beena ko batata hai ki main, Arun aur Sumit teeno tum logon ko gift dekar wapas Reema ke ghar ki or ja rahe the. Aur aapas mein call pe apni disappointment share kar rahe the ki hum haar gaye, humari wives loyal nahi nikli. Reema jeet gayi. Humari toh himmat nahi ho rahi thi Reema ko face karne ki aur na hi ghar jaakar apni biwiyon ka chehra dekhne ka man tha. Isi liye hum teeno ne faisla kiya ki hum Reema ke ghar ke bahar wait karenge ek dusre ka. Aur phir teeno sath mein jayenge Reema ke paas. Sabse pehle Sumit pahuncha, phir Arun apni car se aur phir main bhi apni car se. Hum teeno ne gadi thodi door hi park kari thi main gate se aur phir aapas mein discuss karne lage ki aakhir hum Reema ke samne apni haar kaise accept kare, kya tarika dhoondhe? Toh tabhi humne dekha ki Reema jaldbazi mein apne ghar se nikalti hai aur car mein baithkar wahan se chali jati hai. Toh humne uska peecha kiya us building tak. Par phir humein laga ki humein Reema ke ghar pe jaakar hi uske lautne ka intezar karna chahiye. Doston yeh baatein janne ke baad Beena bhadak jati hai aur kehti hai ki itni sari baatein tum logon ne abhi tak humse chhipaye rakhi. Aur police toh tumhari baaton pe kabhi yakeen nahi karegi ki tum log Reema ko follow karne ke baad wapas Reema ke ghar ki taraf uska wait karne chale gaye. Udhar police station mein doston, yeh sari baat Sumit inspector ko bata deta hai. Par Beena ne sahi kaha tha, inspector ko uski baaton par yakeen nahi hota. Aur tab Sumit kehta hai ki aap Dhruv ko alag kamre mein baithakar bhi puchoge na toh woh bhi yahi batayega kyu ki yahi sacchai hai. Inspector ka call Dhruv ko bhi aa chuka hota hai. Isi liye Dhruv police station jata hai. Aur uske jate hi Beena lagati hai call Aarti ko aur Dhruv ne use jo-jo bataya abhi woh sab bata deti hai. Jis pe Aarti Beena se kehti hai kasam kha jo kahenge jhoot kahenge, sirf jhoot ke siwa kuch nahi kahenge. Yaani doston, abhi bhi kuch aisa hai jo Beena aur Aarti chhipa rahi hai. Yahan police station mein Dhruv se inspector akele mein sawal jawab karte hain aur woh bhi same Sumit wali baat repeat kar deta hai. Jiske baad inspector dono ko sath mein baithakar kehte hain ki aap logon ne toh achchi story banake rakhi hui hai aur acche se rat bhi rakhi hai. Jis pe Dhruv kehta hai ki agar aapko humari baaton pe yakeen nahi hai toh us building ke CCTV footages check kar lijiye. Pata chal jayega aapko ki hum building ke andar gaye the ki nahi. Jis pe inspector kehte hain bas isi baat ka afsos hai. Darasal baat yeh hai na us building mein CCTV mein kharabi chal rahi thi kafi samay se. Bas isi liye nahi hai kuch hath mein humare. Toh yeh dono kehte hain ki is bare mein tab toh use hi pata hoga jo wahan rehta hoga. Ya jiska wahan pe aana jana hoga. Aur tabhi scene past mein shift ho jata hai aur hum dekhte hain ki Brinda Reema ke kehne pe Suresh ke room pe jati hai. Us waqt Suresh toh restaurant mein tha. Brinda yahan batati Reema ko ki woh Suresh toh bada bikau nikla. Pehle maine usse Teerth ki khabar maangi paison ke badle toh usne de di. Phir jab maine aapki details maangi toh usne mujhe aapki bhi sari baatein bata di. Woh kisi ka saga nahi hai. Kal ko toh us se mere bare mein koi information mangega toh woh zara bhi nahi hichkichayega, bata dega. Ab Reema puchti hai ki Suresh ne Teerth ke bare mein kya bataya? Toh woh kehti hai ki usne bataya Teerth sir ka kisi aur ke sath bhi affair hai. Aaj raat shayad woh person aapke ghar pe aane wali hai. Isi liye Teerth sir ne Suresh se kaha ki kisi bhi hal mein aapko aaj raat ghar na aane de. Wahi rok ke rakhe matlab jahan pe Suresh hoga. Toh doston, ab Reema bhi dekhna chahti thi ki aakhir Suresh aaj raat mujhe apne ghar pe jane se kaise rokega? Matlab woh aisa kya kare ki main ghar pe na aaun? Toh woh raat mein Suresh se jhoot kehti hai ki aaj main doctor ke paas gayi thi apna baby check karwane. Aur mujhse bardasht nahi ho raha hai, main Teerth ke sath time spend karna chahti hoon. Toh samne se Suresh use fauran ghar jane ko keh deta hai. Matlab woh ek bar bhi Reema ko rokne ki koshish nahi karta. Ki woh bahut kamina tha doston, woh chahta tha khud hi ki Reema ka dil toote. Woh apne pati ko range hatho pakde jisse inke beech mein drama ho jaye aur phir mujhe Reema par nazar rakhne ke aur paise mile. Yeh thi Suresh ki chaal. Yahan inspector phir Brinda ko bulakar usse puchtaach karte hain. Toh Brinda kehti hai ki seriously sir, aapko lagta hai ki maine Reema ko mara? Agar main samne se aakar cheeze nahi batati toh aap mujh tak pahunch bhi nahi pate. Agar Teerth sir qatil nahi hain toh mujhe us insan pe shak hai jo Reema ji pe nazar rakhwa raha tha. Maine ek bar directly Suresh se us person ka naam bhi pucha tha, par usne mana kar diya ki main apne client ka naam reveal nahi karta. Aur Suresh ne mujhe tissue paper pe likhkar diya tha ki Reema ko aaj building ke top pe leke jao. Ho sakta hai woh Teerth sir ne nahi balki usi third person ne kaha ho. Aur jab usne is bare mein mujhe bataya toh Teerth sir ko bhi bataya hoga. Idhar jab Dhruv aur Sumit wapas ghar jane lag jate hain toh Sumit batata hai ki maine itne dinon se kaha nahi par us din jab hum building se wapas aa rahe the toh maine Aarti aur Beena ko us building ki or jate hue dekha tha. Aaiye doston flashback mein. Pata chalta hai doston ki Reema ne jis raat urgently message karke apni teeno saheliyon se kaha tha na ki agar sacchi saheli ho toh aakar building ke top pe mujhse milo. Aur jab in teeno ne call karke aapas mein yeh baatein share kari toh Dithi ne keh diya tha main toh itni raat ko uske kisi drama mein shamil nahi hone wali. Kal bol dungi ki main so gayi thi aur maine message nahi dekha. Isi liye sirf Beena aur Aarti hi taxi lekar wahan ja rahi thi aur Sumit ne ek jhalak ke liye dekh liya tha. Ab agle din Dhruv, Beena aur Aarti ko sath mein baithakar us raat ki haqiqat janne ki koshish karta hai. Ki jab tum dono building ke top par gayi toh wahan pe kya hua, tumne kya dekha? Dusri aur inspector Teerth ke ghar pe pahunche hote hain. Wahan unhone Brinda ko bhi bulaya hota hai. Ab inspector ki sakhtai se puchtaach karne par Teerth maan leta hai ki haan, mujhe Suresh ne call karke bataya tha ki aaj raat Reema ko kisi ne building ke top pe bulaya hai aur woh wahan pe jane wali hai. Toh Brinda kehti hai ki haan, maine toh Reema ji ko mana bhi kiya tha ki woh akele wahan na jaye. Par unhone mujhe kaha ki tumhara kaam sirf khabar pahunchane ka hai, tum ismein zyada involvement mat lo. Main bhi dekhna chahti hoon ki aakhir kaun hai mera janne wala jo aadhi raat ke baad mujhe building ke top pe milna chahta hai. Aage Teerth batata hai ki jaise hi main lift mein gaya toh shock ho gaya kyu ki wahan pehle se Beena aur Aarti maujood the. Unhone kaha ki humein Reema ne message karke urgently bulaya tha toh humein laga sach mein usko humari zaroorat hogi isi liye hum chale aaye. Aur ab aage Teerth batata hai, phir hum teeno upar pahunche top pe aur dekha ki Reema ka muh naak se khoon nikal raha hai aur woh chhat pe giri padi hai. Khoon dekhkar toh main hamesha behosh ho jata hoon, us din bhi ho gaya. Dusri or Beena aur Aarti Dhruv ko batati hai ki Teerth jiju ke behosh hone ke baad hum teeno bahut hi darr gaye the. Hum Reema ko hospital leke jana chahte the par woh kafi heavy thi. Woh hum se uth nahi rahi thi phir bhi humne haar nahi maani aur use uthakar kisi tarah chhat ki railing ki unchai pe leke aa gaye. Hum use neeche leke jate, us se pehle hi Teerth jiju ko hosh aa gaya aur unhone achaanak se kaha are sambhal ke usko girana mat. Hum darr gaye aur humare hathon se galti se Reema chhat se neeche girkar usi waqt neeche Dithi bhi aayi aur usne chhat pe humein aur neeche Reema ki lash ko dekha. Puchne pe pata chala ki Dithi ka man ghabra raha tha toh woh bhi phir Reema ke message ka maan rakhne ke liye aane ke liye maan gayi. Doston, yeh jankar toh inspector ka dimag kharab ho jata hai ki is mein se kaun hai phir Reema ka qatil aur kaun nahi. Toh phir aakhir kisne mara usko? Aur tabhi achaanak se Brinda ka gala ghutne lag jata hai aur uske bhi muh naak se khoon aata hai, mar jati hai wahi pe. Isi ke sath doston series ka second season khatam ho jata hai aur abhi tak batao yaar Reema ka qatil ka pata hi nahi chala. Kya khatarnaak writing kari hai inhone. Baaki milte hain doston agle season mein, dhyan rakhiye apna, thanks for watching.
