[0:01]بسم الله الرحمن الرحيم يا اهلا وسهلا بحضراتكم. الحلقة الرابعة من سلسلة شرح نظام الاثبات السعودي الجديد. هل دائما البينه على من ادعى ولا هناك استثناءات على هذه القاعده؟ تعالوا في الحلقه دي نشوف الموضوع دوت بتفاصيله. قبل ما ندخل في الموضوع ما تنساش تشترك في القناه. ويلا بينا.
[0:43]طيب. الماده الثانيه فقره واحد من نظام الاثبات تقول لك على المدعي ان يثبت ما يدعيه من حق. وللمدعي عليه نفيه. الماده الثالثه فقره واحد يعني دي الماده الثانيه فقره واحد. الماده الثالثه فقره واحد تقول لك ايه؟ اليمين على من ادعى والبينه البينه على من ادعى واليمين على من انكر.
[1:09]هل في تعارض بالاثنين ولا لا؟ لا هم الاثنين بيكملوا بعض. بصوا يا جماعه. القاعده ان البينه على من ادعى. هو مين المدعي؟ الخصومه القضائيه معناها ايه؟ مش ان انا وانت مختلفين لا. الخصومه القضائيه معناها ان انا بدات ارفع هذا الخلاف الى ساحات القضاء. تبدا الخصومه القضائيه برفع الدعوه وتنعقد بالتبليغ وتنتهي بصدور الحكم. ده المعنى القانوني للخصومه القضائيه. يبقى الخصومه القضائيه مع رفع الدعوه الاعلان بها صدور الحكم ده النطاق الزمني للخصومه القضائيه. اللي بيرفع الدعوه اسمه المدعي. اللي بيترفع عليه الدعوه اسمه المدعي عليه ده الاصل. اللي بيقدم الطلبات الاصليه يبقى الخصومه القضائيه فيها ايه؟ فيها طلبات اصليه هي التي يفتتح بها الدعوه. يبقى اول ما تفتح الخصومه القضائيه بتقدم طلباتك اسمها الطلبات الاصليه. اي طلبات تيجي بعد كده اسمها الطلبات العارضه اي طلبات تيجي بعد كده اسمها الطلبات العارضه. ليه اسمها الطلبات العارضه لانها بتعترض سير الخصومه عندك خصومه ماشيه جات طلبات في النص اعترضتها. الطلبات العارضه اللي بتيجي في النص دي بعد افتتاح الخصومه ممكن تيجي من الاثنين يعني ممكن تيجي من المدعي ويبقى اسمها طلبات اضافيه لانه بيضيفها على الطلب الاصلي بتاعه. وممكن تيجي من المدعي عليه تبقى اسمها طلبات مقابله. اللي يطلب حاجه عليه اثباتها. يبقى الاثبات يقع على ماذا؟ على الطلبات. بس؟ لا ويقع على الدفوع ايضا. ويقع على الدفوع ايضا هو ايه الفرق بين الطلبات والدفوع؟ الطلبات هو كل ما يطلب من المحكمه بغرض الحكم ليك. الدفوع هو كل ما يبدا امام المحكمه بغرض عدم الحكم عليك. يعني لما تيجي تقول لي انا عايز منك مليون دولار قيمه قطعه الارض ده اسمه طلب. لما ترد عليا تقول لي انا سبق ودفعت لك المليون دولار بقيمه المخالصه المؤرخه في كذا ده اسمه دفع. يبقى الطلبات سواء جايه من المدعي لابد من اثباتها. والطلبات لو جايه من المدعي عليه لان المدعي عليه من حقه يقدم طلبات مقابله ده برضه عليه اثباتها. يبقى البينه على من ادعى مش المقصود من ادعى المركز القانوني في الخصومه اللي هو المدعي في الخصومه القضائيه لا. المقصود بيها ان اللي يدعي طلب اللي يطلب من المحكمه بحاجه عاوز يتحكم يتحكم له بيها عليه اثبات هذا الشيء. عليه اثبات هذا الطلب. خلاص يبقى البينه على من ادعى المدعي هنا مش هو المركز القانوني في الخصومه المدعي هنا هو المركز القانوني هو المدعي بالطلب. هو اللي عاوز يتحكم له بشيء الحاجه اللي انت عايز يتحكم لك بها اثبتها. ومش كده وبس اللي يدعي الدفع عليه اثباته. اللي يدعي الدفع عليه اثباته. هناخذ هنتكلم فيها دلوقتي. طيب. لو انا اثبت الطلب. لو انا اثبت الطلب جيت قلت انت عليك مليون ريال قيمه قطعه الارض وقدمت عقد البيع تمام؟ انت عايز تدفع بايه؟ ببراءه ذمتك من المليون ريال. فع عليك ما ينفعش تقول لي اقوال مرسله كده ان انا لا انا ذمتي بريئه من المليون ريال وخلاص لا. عليك اثبات دفعك ببراءه الذمه ليه اسمه دفع؟ لان انت الغرض من طرح براءه الذمه هنا هو عدم الحكم عليك بالمليون ريال. يبقى انت واجب عليك انك تثبت هذا الدفع. واجب عليك انك تثبت هذا الدفع يبقى اللي بيطلب حاجه يثبتها واللي بيدفع بحاجه برضه عليه يثبتها. بصوا بقى دي بنسميها ادله الاثبات التي تقدم بناء على اثبات طلبات بنسميها ادله اثبات. والذي يقدم سندا لدفوع بنسميها ادله نفي. يبقى ما يقدم سندا لطلبات اسمها ادله اثبات وما يقدم سندا لدفوع اسمها ادله نفي. خلاص كده عرفنا يعني ايه البينه على من ادعى وعرفنا مين هو المدعي وفهمنا ان هو اللي بيقدم طلب او اللي عاوز يتحكم له بشيء. وفهمنا ان هو اللي عليه عبء الاثبات وفهمنا ان اللي بيقدم الدفع عليه عبء الاثبات. بس يا جماعه القاعده دي. دايما بنشوف المحاكم العليا تقول لك ايه؟ على الدائن اثبات الالتزامه وعلى المدين اثبات التخلص منه. الاثنين عليهم عبء الاثبات الدائن لازم يثبت الدين والمدين عليه التخلص منه. ومن ثم فان المدعي هو كل من يدعي على خصمه. لا فرق في ذلك بين من رفع الدعوه او من رفعت عليه الدعوه. يعني العبره مش مش بمركزك القانوني ايه في الخصومه لا. ما انت ممكن تكون رفعت الدعوه فانت اسمك مدعي ورفعت عليك الدعوه فانت اسمك مدعي عليه. اللي يطلب حاجه هو اللي يثبتها سواء جاء الطلب ده من المدعي وهو الطلب الاصلي او من المدعي عليه وهو الطلب المقابل. القاعده دي مش على مش على اطلاقها كده القاعده دي عليها استثناءات عليها استثناءات. ايه اول استثناء من مبدا البينه على من ادعى؟
[6:17]انه البينه على من يدعي خلاف الاصل ان الاصول لا تحتاج الى اثبات. ما هو ثابت اصلا لا يحتاج الى اثبات. يبقى انت لو عندك مركز قانوني ثابت اصلا ما تحتاجش تثبته. زي ايه؟ تعال نشوف امثله للثابت اصلا في الحقوق الشخصيه وامثله للثابت اصلا في الحقوق العينيه. ايه الفرق بين الحق الشخصي والحق العيني؟ الحق الشخصي هي الحقوق التي تحمي التزام بين شخصين علاقه بين شخصين زي عقد البيع كده. لما تيجي ترفع دعوه على واحد تقول للقاضي ده الراجل ده اشترى مني حاجه وما دفعش ثمنها. القاضي اول كلمه هيقولها لك ايه؟ فين عقد البيع؟ ايه مصدر الالتزام اللي بينك وبينه؟ لولا توقيعه على عقد البيع تدخله بشخصه بتوقيعه على عقد البيع لما قام الالتزام. يبقى القاضي هنا بيحمي ايه؟ علاقه بين شخصين احترام التزام بين شخصين فنسميها دعوه شخصيه. طيب عندك قطعه ارض دي عين ليه عين لانها مقدره بالمال اي شيء يقدر بالمال اسميه عينيات اسميه عين. عندك قطعه ارض وجه واحد اغتصبها وقعد فيها وحرمك من سلطات الاستعمال واستغلاله والتصرف فبترفع عليه دعوه طرد للغصب. اول كلمه القاضي يقولها لك ايه؟ اثبت لي ان الارض دي ملكك وانا اطردهولك. يبقى القاضي بيحمي ايه؟ علاقه شخص بعين فتسمى دعوه عينيه. تعالى نشوف في مجال الحقوق الشخصيه ايه امثله للحاجات الثابته اصلا التي لا تحتاج الى اثبات. لا تحتاج الى انك تثبتها براءه الذمه. الاصل هو براءه الذمه. الانسان بيولد مبرئ يا جماعه الانسان بيولد براءه مبرئ. يبقى ما ينفعش ارفع عليك القضيه واقول لك ذمتك مشغوله دون بينه. وانت اللي عليك انك تثبت براءه ذمتك كلام ده ما ينفعش. الاصل ان ذمتك بريئه الاصل ان ذمتك بريئه. لازم انا اثبت هو انشغال الذمه. امتى انت عليك تثبت بقى ان ذمتك بريئه؟ لو انا اثبت انها مشغله. لكن لو انا ما عرفتش كممدعي اثبت ان ذمتك مشغوله انت مش ملزم باثبات براءه ذمتك. ليه؟ لان الاصل ان ذمتك بريئه تعال نشوف المحكمه العليا السعوديه في المدونه بتاعتها اللي هي اصدرتها والمدونه دي ملزمه للمحاكم. مدونه مبادئ المحكمه العليا طبقا للماده الاولى هي ملزمه للمحاكم وايضا في في في مثلا في النقد امام المحاكم التجاريه يقول لك من اسباب النقد مخالفه مبادئ المحكمه العليا. وأيضا في القضاء الاداري ديوان المظالم يقول لك من اسباب الطعن امام المحكمه الاداريه العليا مخالفه مخالفه الانظمه وما الى ذلك ومخالفه مبادئ المحكمه الاداريه العليا. فمدونه المبادئ دي هي ملزمه يا جماعه. طيب تعال نشوف مدونه المبادئ تقول ايه في الموضوع ده؟ الاصل براءه ذمه المدعي عليه من المطالبات الماليه ولا يجوز شغلها الا بدليل جلي لا يتطرق اليه احتمال الرد مبدا 2162 صفحه 536. يقول لك القول قول الغارم الغارم اللي هو المدين يعني اذا لم يكن هناك بينه تثبت الدعوه لان الاصل براءه ذمه المدعي عليه مبدا 2181.
[9:29]القول مبدا تاني القول قول الغارم مع يمينه اذا لم يكن للمدعي بينه اي دعواه 2184. طيب تعال نشوف يبقى لو انت ذمتك بريئه انت مش محتاج تثبت ان ذمتك بريئه لان ده مثبت. اذا ما انا شغلت ذمتك بدليل عليك تثبت بقى ان ذمتك مش مشغوله بالقدر اللي انا اثبته. واضح كده؟ طيب في نطاق الحقوق الشخصيه الاصل هو احترام الشيء الظاهر يعني ايه؟ الحيازه سند الملكيه مبدا 2182 ص 539 ده المحكمه العليا.
[10:09]كمان المحكمه العليا تقول لك ايه؟ الاصل ان من ان من تحتازه شيء فهو له مبدا 2170. تقول لك اليد معتبره فيما تحتها حتى يثبت خلافه بموجب مرافعه شرعيه مبدا 2129 وضع اليد المحترمه لا يسوغ رفعها الا بقيام بينه قادره على رفع تلك اليد. مبدا 2134 و2145 و2147 ايضا يقول لك ايه؟ وضع اليد لمده الطويله معتبره. والاصل بقاء ما كان على ما كان مبدا 2137 يبقى اذا اذا كمان يقول لك اذا تعارض الاصل والظاهر قدم الظاهر مبدا 2174. افهم من كده ايه؟ ان الشيء الظاهر في مجال الحقوق الشخصيه معتبر ولا بد ان يؤخذ به. يبقى الاصول ما هو ثابت اصلا لا يحتاج الى بينه لا يحتاج الى اثبات انت غير مكلف باثباته. ما هو ثابت ظاهرا انت غير مكلف باثباته ما هو ثابت فرضا انت غير مكلف باثباته. يعني ايه الثابت ده الاستثناء الثالث بقى؟ يبقى الاستثناء الاول ما هو ثابت اصلا. الاستثناء الثاني ما هو ثابت ظاهرا الاستثناء الثالث الثالث اللي انت مش محتاج تثبته ما هو ثابت فرضا. يعني ايه ما هو ثابت فرضا؟ احيانا يجي المنظم او المشرع يجي يقول لك في مسائل كده قرينه قانونيه. اذا اذا دي توفرت فانت مش محتاج تثبتها. يعني ايه؟ مثلا مثلا اديك مثال في مجال حمايه القاصر او الحمايه التابع. او حمايه الالات الالات في مساله رقابه القاصر المسؤول عن رقابه القاصر لو جه واحد قاصر اقل من سن الرشد. وارتكب خطا سبب للغير ضرر تمام؟ والغير ده اضر خلاص انت كواحد مضار مضرور يعني. فبتروح ترفع دعوه بتختصم مين؟ بتختصمش القاصر لانه قاصر ما ينفعش تختصمه. بتختصم المسؤول عن رقابته ولي امره او الوصي او القيم المسؤول عن رقابته تمام؟ فانت لما بتختصم المسؤول عن رقابته والولد فعلا ارتكب الطفل دوت ارتكب فعلا الخطا. ما طالما الطفل ارتكب الخطا المسؤول عن رقابته هو هو مسؤول عن تعويضك دون الحاجه لان تثبت انت كمضرور دون الحاجه لان تثبت انت كمضرور تقصير متولي الرقابه.
[12:46]لا طالما الولد غلط يبقى هو قصر في رقابته.
[12:53]فهمت كده؟ يبقى انت لما تيجي ترفع قضيه التعويض ديت هتقول للقاضي ايه؟ هتثبت الخطا مش هتثبت هتثبت ان في خطا حصل واصابك بضرر. مش محتاج تثبت ان متولي الرقابه قصر ليه؟ لانه مجرد وقوع الخطا دليل على التقصير. مجرد وقوع الخطا من القاصر هو دليل على تقصير متولي الرقابه يبقى ده بنسميه الثابت ايه؟ الثابت فرضا بنسميه الثابت فرضا. طيب زي ايه مثلا؟ زي يقول لك ايه؟ سداد مثلا في بعض الدول يقول لك ايه؟ قرينه سداد القيمه الايجاريه الاخيره دليل على سداد ما قبلها. يعني لو انت مثلا عندك 10 شهور ايجار متاخرين ومعاك ايصال الشهر رقم 11 دليل على انك مسدد ال10 شهور الاولانيين. ليه؟ لان ايه اللي يخليك تاخد اخر شهر وانت لسه ما خدتش الشهور اللي قبليها؟ واضح؟ يبقى ده قرينه على ان ذمته الراجل ده ذمته بريئه من ايه؟ من الايصالات اللي قبل كده. طيب يبقى دي الاستثناء الثالث. الاستثناء الرابع البينه على من يدعي خلاف ما هو ثابت فعلا. يبقى قلنا الثابت اصلا مش محتاج تثبته الثابت ظاهرا مش محتاج تثبته. الثابت فرضا مش محتاج تثبته الثابت فعلا حقيقه او ضمنا مش محتاج تثبته. يعني ايه الثابت فعلا؟ الحاجه اللي خصمك يثبتها بقى بالادله. يعني انا لو اثبت انك مديون خلاص بقى كده انا مش محتاج اثبت تاني خلاص انتهينا. انت اللي عليك التخلص من ذلك انت اللي عليك ايه؟ التخلص من ذلك.
[14:34]او الثابت حقيقه او الثابت ضمنا. الثابت حقيقه ضمنا يعني ايه الثابت حقيقه ضمنا؟ بص انا جرفع عليك قضيه واقول لك انك انت ذمتك مشغوله بمليون ريال. تمام؟ وما قدمتش دليل انا كممدعي لم اقدم دليل. تقوم انت كممدعي عليه ترد عليا تقول لي ايه؟ اعمل مقصه بين المليون ريال دول وما بين الفلوس اللي انا عايزها منك. انا عايز منك انا كمان عايز منك المدعي اللي بيرد عليا بيقول لي انا كمان عايز منك 2 مليون. اعمل مقصه ما بين المليون ده والمليون ده ورجع لي مليون يبقى طلب المقصه ده اقرار ضمني بثبوت الدين اللي انا بدعيه. يبقى ده اسمه الثابت ايه؟ الثابت فعلا ضمنا يبقى انا كده كممدعي تم اعفائي من اثبات المبلغ اللي انا بدعي بيه. ليه؟ لان خصمي دفع بالمقصه والدفع بالمقصه هو اقرار بوجود دينين متساويين في المركز القانوني وقد لا يكونوا متساويين في القيمه.
[15:43]بس متساويين في المركز اللي هم حل الاداء وواجب السداد يعني. تمام؟ افهم من كده الخلاصه ان البينه على من ادعى نعم. ولكن المدعي هو اللي اللي بيطلب انه يتحكم له بحاجه ولا يوجد بينه على من يدعي الاصل انه اصل لا يوجد بينه على من يدعي الظاهر انه ظاهر. لا يوجد بينه على من يدعي الثابت فرضا لا يوجد بينه من يدعي الثابت حقيقه او ضمنا. هل يجوز نقل عبء الاثبات؟ نعم نعم. ينفع ينفع تنقل عبء الاثبات مش الاصل انا البينه على من ادعى؟ ينفع نتفق ان البينه على المدعي عليه مش على المدعي. ينفع نتفق على ده؟ اه ينفع اولا في مجال القانون الاداري دي موجوده من غير اتفاق. في مبدا من المحكمه الاداريه العليا في السعوديه يقول لك ان عبء الاثبات يقع على عاتق جهه الاداره. وبما ان المدعى عليها اللي هي جهه الاداره لم تثبت خلاف ما يدعيه المدعي وما وبما ان الاصل ان عبء الاثبات يقع على عاتق المدعي الى ان الاخذ بهذا الاصل على اطلاقه في مجال المنازعات الاداريه لا يستقيم. مع واقع الحال بالنظر الى احتفاظ الاداره في غالب الامر بالوثائق والملفات ذات الاثر الحاسم في المنازعات. مما يتعذر معه على الافراد تحديد مضمونها تحديدا دقيقا. لذلك فانه من المبادئ المستقره في المجال الاداري ان الاداره تلتزم بتقديم سائر الاوراق والمستندات المتعلقه بموضوع النزاع المنتجه في اثباته. ايجابا ايجابا ونفيا من طلب متى طلب منها ذلك متى طلب منها ذلك. فاذا نكلت عن تقديم الاوراق يعني المدعي عليه اللي هي جهه الاداره اذا نكلت يعني امتنعت عن تقديم الاوراق المتعلقه بموضوع النزاع فان ذلك يقيم قرينه لصالح المدعي. تلقي عبء الاثبات على عاتق جهه الاداره. شفت بقى لو جهه الاداره ما قدمتش المستندات التي تثبت او تنفي احقيه المدعي ده نقل عبء الاثبات عليها. وقرينه على صحه اقوال مين؟ المدعي كما هو الحال في هذه الدعوه المثله مجموعه الاحكام والمبادئ الاداريه العام 1435 هيئه اثنين على 650. تمام؟ يبقى ده مبدا مستقر. في في نظام المحاكم التجاريه اللي شرحناها قبل كده كان في ماده في الباب بتاع الاثبات ماده 38 على خمسه بتقول لك فيما لم يرد فيه نص خاص يجوز الاتفاق على نقل عبء الاثبات. دي كانت ماده موجوده في نظام المحاكم التجاريه في الباب المتعلق بالاثبات والباب ده كله اتلغى دلوقتي. بس نظام الاثبات اجازه الاتفاق على قواعد معينه في الاثبات منها عبء الاثبات منها عبء الاثبات. يعني ينفع نتفق على ان عبء الاثبات يبقى على طرف دون طرف طرف دون طرف زي ايه مثلا؟ اديك مثال. الاصل ان امين النقل في شركات النقل زي خطوط الطيران وشركات الشحن وما الى ذلك. ده اسمه امين النقل انه يوصل الاشخاص والبضائع لمكان الوصول سليمه دون اي ضرر. تمام؟ دي المسؤوليه العقديه بتاعته اذا حصل اي ضرر فهو خلاص مسؤول تمام؟ ينفع يتفقوا في عقد النقل ان امين النقل مش مسؤول لو حصل ضرر هو مش مسؤول. تمام؟ الا اذا اثبت المدعي عليه ان امين النقل تم او قصر في اداء عمله. يعني مثلا انا متفق مع شركه شحن انها توصلني من البلد دي للبلد دي او توصل لي البضاعه من البلد دي للبلد دي. لو البضاعه وصلت تالفه هي مسؤوله قولا واحدا مش محتاج اثبت انها قصرت. هي مسؤوله لانها العقد بتاعي معاها ايه؟ انها توصل لي البضائع سليمه البضائع ما وصلتش سليمه هتتحمل المسؤوليه وتدفع لي التعويض. ينفع يتفقوا في العقد ده على ايه؟ ان لا انت كممدعي عليه انت كشخص ناقل مش ناقل بقى. كشخص منقول له اللي هو المستلم تمام؟ ما ترجعش على الناقل ده ما تقولهوش اديني تعويض لو البضاعه وصلت لك تلفه. ما تقولهوش اديني تعويض الا لما تثبت انه قصر في عمله لكن لو ما قصرش في عمله مش هيديك تعويض. لو ما قصرش في عمله مش هيديك تعويض ده موجود في في حاجات كتيره حالات كتيره من شركات الطيران. تعال ناخد مثال للخطوط الجواز السعوديه هتلاقي على الموقع بتاعهم عقد النقل شروط عقد النقل هتلاقي في الماده خمسه تقول لك مع مراعاه ما تقدم. لا تكون المسؤ لا تكون الخطوط الجويه السعوديه مسؤوله عن الضرر الحاصل للراكب او للامتعه غير المعاينه. الامتعه يا جماعه غير المعاينه دي اللي هي الحقائب بتاعتك اللي ما بتاخدش عليها التكت الليبل دوت الصغير اللي بيلزقولك على البوردنج. مش انت لما بتحط الحقائب على السير بيلفها بليبل كده بلزق كده اللي هو التذكره ديت. وبيقطع منها حته يديها لك عليها رقم مطابق للرقم دوت تمام؟ دي الامتعه المعاينه. لكن احيانا بيبقى معاك شنط او حقائب صغيره ما بيحط لكش عليها الايه؟ ما بيحط لكش عليها الليبلز ديت فبالتالي انت دي اسمها الامتعه غير المعاينه. فهو بيقول لك ان خطوط الجويه السعوديه هنا غير مسؤوله عن الضرر الحاصل للراكب. يعني انت كراكب حصل لك ضرر خطوط الجويه غير مسؤوله وبرضه مش مسؤوله عن الضرر اللي يحصل لهذه الامتعه اللي هي غير المعاينه. تمام؟ الا اذا كان سبب ذلك الضرر راجعا الى اهمال الخطوط الجويه السعوديه. يبقى انت ما تقدرش كهو كناقل ما تقدرش تحمله المسؤوليه الا اذا اثبت انه قصر انه اهمل في عمله. عارف يعني ايه الاهمال؟ الاهمال هو هو تصرف بما لا يتفق مع الحيطه ومقتضيات ظروف العمل العاديه ده الاهمال العادي. انها ان الشركه الناقله لم تتصرف وفقا لمقتضيات الحيطه ومقتضيات وظروف العمل العاديه. الاهمال الجسيم هو الانحراف بهذه المقتضيات تمام؟ يبقى مجرد الضرر اللي يحصل لك ما تعرفش تتعوض عنه الا اذا كل خطوط الطيران بتكتب النص ده الا اذا اثبت الاهمال. لو عرفت تثبت اهمال عليهم هتاخد تعويض ما عرفتش تثبت اهمال عليهم مش هتاخد تعويض. هو هنا نقل عبء الاثبات هو هنا عمل ايه؟ نقل عبء الاثبات عليك تمام؟ طيب يجي يقول لك ايه؟ في الفقره اربعه من الماده خمسه دي يجي يقول لك ايه؟ تحدد مسؤوليه الخطوط السعوديه فيما يتعلق بنقل الركاب وفقا للانظمه المعموله ماشي المبدأ اربعه الفقره اربعه من الماده خمسه. لك من العقد ده لا تتجاوز مسؤوليه الخطوط السعوديه باي حال مقدار الخساره الحقيقيه التي تكبدها الراكب. يبقى هو كده انت اعفيته من الكسب الفائت. يقول لك الفقره خمسه تقول لك تكون جميع المطالبات خاضعه لاثبات قيمه الخساره. يبقى اذا ما اصبت بضرر انت الضرر عندك حاجتين خساره محققه وكسب فائت خساره محققه اللي هي الفلوس اللي طلعت من جيبك. الفلوس اللي هتطلع من جيبك فعلا بناء على الضرر اللي حصل لك وكسب فائت فلوس كانت هتتدخل وما دخلتش. الكسب الفائت ده نوعين كسب فائت عادي وكسب فائت منعقد الاسباب. الكسب الفائت منعقد الاسباب شرعا يجوز التعويض عنه. الغير منعقد الاسباب هو الذي لا يجوز شرعا التعويض عنه. المنعقد الاسباب زي ايه؟ يعني هناك سبب حقيقي وفعلي حصل زي ايه مثلا؟ زي لما تتفق مع مقاول يبني لك عماره وتاخر عنك وانت كنت عامل عقد مع شركه كبيره هتاجر عنك هتاجر عندك من شهر واحد لشهر سته. فهو سلمك في شهر سبعه راحوا فسخين العقد الست شهور دول ايه؟ هم فسخوا العقد بيه. يبقى ده كسب فائت منعقد الاسباب لو كان سلمك في ميعاده في شهر 12 كنت هتاجرها من واحد لسته. لولا التاخير اللي حصل ما كانش عقد الايجار ده اتفسخ ده اسمه كسب فائت منعقد الاسباب ده يجوز شرعا لايه؟ التعويض عنه. هنا بقى شركه النقل بتقول لك الكسب الفائت ده غير خاضع للاثبات. امال ايه اللي خاضع للاثبات؟ الخساره المحققه هي فقط الخاضعه للاثبات. يبقى احنا كده اتفقنا على معايير ايه؟ اثبات واتفقنا على عبء من اعباء الاثبات. يبقى كده خلصنا الحلقه الرابعه ان شاء الله نشوفكم في الحلقه الخامسه بس عايز انوه ان شاء الله الاسبوع القادم مش هيكون عندنا حلقات هنسيبك عشان العيد كل سنه وحضراتكم طيبين.
[25:59]هنسيبكم اسبوع العيد وبعدين على طول هنرجع تاني اثنين وخميس لشرح نظام الاثبات وهناخد ان شاء الله ان شاء الله اسبوعين يومين كمان في الاسبوع طبعا.
[26:17]لشرح نظام الشركات الجديد بقى نظام الشركات الجديد في تفاصيل خطيره جدا وغير حاجات كتيره قوي فلازم نتكلم عنها. هيبقى اثنين وخميس ان شاء الله لنظام الاثبات وهنشوف يومين تاني يمكن سبت وثلاثه او حد واربعه هنرتب الامر ده بعد العيد مباشره الاسبوع القادم ان شاء الله لشرح نظام الشركات ما تنساش الاشتراك في القناه ده شرف ليا واشكرك عليه ونشوفكم الحلقه الجايه ان شاء الله شكرا.
