[0:00]بسم الاب والابن والروح القدس الاله الواحد امين. الاصحاح الثاني. ما زلنا في رؤى اشعياء ابن عاموس من جهه المملكه الجنوبيه يهوذا وعاصمتها اورشليم. هيكون في اخر الايام نقصد في العهد الجديد ان جبل بيت الرب هيكون ثابت في راس كل الجبال. وهيرتفع فوق كل التلال وهيجري اليه مش بس اليهود لا كمان الامم. وطبعا ده لغز في العهد القديم ازاي ربنا هيقبل الامم لكن احنا عارفين ان ده يقصد به العهد الجديد. وهتسير شعوب كثيره وهيقولوا يلا نصعد لجبل الرب لبيت اله يعقوب عشان يعلمنا طرقه ونسلك في سبله. لان من صهيون هتخرج شريعه العهد الجديد ومن اورشليم كلمه الرب. طبعا ده كلام خاص بالعهد الجديد 100% لان الشريعه لما اخذها موسى اخذها على جبل سينا في مصر. لكن لما نقول ان في جبل هيطلع منه شريعه العهد الجديد وهيكون الكلام ده في صهيون. نقصد شريعه ربنا يسوع المسيح من على جبل الموعظه على جبل او جبال العهد الجديد. هيقضي ربنا بين الامم وهينصف لشعوب كثير فبدل ما يكون عندهم سيوف لا هيحولوها الات للزرع. وبدل ما كان عندهم رماح عشان يحاربوا اعدائهم هيحولوا الرماح لمناجل لانهم هيعيشوا في سلام. فمش هترفع امه على امه سيف ولا هيتعلموا الحرب فيما بعد. يلا يا بيت يعقوب اسلكوا في نور ربنا. انت يا رب رفضت شعبك بيت يعقوب لانهم امتلوا افكار من المشرق الوثني وتعلموا التفاؤل من الفلسطينيين وبيصافحوا اولاد الاجانب وكلها شغل اوثان. احنا عارفين انك شايف ارضهم اتملت فضه وذهب ما فيش نهايه لكنوزهم. امتلات ارضهم خيل وما فيش نهايه لمكباتهم مع ان انت قلت لنا بلاش تقتنوا خيول ولا مركبات لاني انا اللي هدافع عنكم. وما تحوشوش فضه ولا ذهب احنا مش عايزين حاجه من الامم انت قلت لنا كده على ايد موسى في تثنيه 17 واحنا ما سمعناش واتكلنا على ذراع البشر. ارضنا امتلت اوثان كل اولادك يا رب بقوا بيسجدوا لعمل ايديك للي هم صنعوه باصابعهم. الانسان تدنى جدا في قيمته وبقى الانسان والرجل بينطرح ارضا من الخطيه فانت مش عارف تغفر له. لكن انصحك يا شعب ربنا. ادخلوا للصخره المسيح واختبئوا في التراب تواضعه امام هيبه الرب من بهاء عظمته. خلي عينيك المتشمخه يا انسان تبص للارض وتتضع وتنخفض رفعه الانسان. ربنا وحده اللي يسمو في ذلك اليوم يعني في العهد الجديد ربنا هيدينا مفتاح السماء ان احنا نتضع عشان يغفر لنا. لان ربنا ليه يوم على كل انسان متكبر ومتعظم وعالي وعلى كل مرتفع ربنا هيخليه يتضع. كل انسان مليان شيطان الكبرياء وعامل نفسه زي ارز لبنان العالي او زي بلوط بشان الكل هينخفض. كل الجبال العاليه وكل التلال المرتفعه كل برج عالي وكل سور منيع كل سفن ترشيش اسبانيا العظيمه وكل الاعلام اللي مليانه بهجه. ربنا هيخف تشمخ الانسان وهيوضع رفعه الانسان ربنا وحده اللي يستحق يسمو في ذلك اليوم. في اليوم ده هتزول الاوثان بتمامها. في اليوم ده الكل هيتعلم الاتضاع امام ربنا لان عظمته هتبقى كبيره. الناس هتستخبى في مغاير الصخور وفي حفائر التراب قدام هيبه ربنا ومن بهاء عظمته لما هيقوم علشان يرعب الارض. في اليوم ده الانسان هيطرح كل الاوثان الفضيه اللي في حياته واوثانه الذهبيه اللي عملها عشان يسجد لها ويعبدها. ده الانسان بيعمل اوثان للفيران وللخفافيش عشان يسجد لها ويعبدها. هيتعلم الانسان يحتمي في ربنا في نقر الصخور وينزل في الشقوق مكان الناس اللي بيحصروه عشان يعتقلوه ينزل بالاتضاع امام هيبه الرب ومن بهاء عظمته. لان ربنا هيقوم ويرعب كل الارض. كفايه تعبدوا الانسان وتعظموه ده الانسان عباره عن نفخه نسمه من ربنا ليه بتحسبوه عظيم وتعبدوا ليه. وبكده يبقى ربنا في الاصحاح ده بيكلم شعب اسرائيل على لسان اشعياء علشان يقربوا لربنا بالاتضاع ويبعدوا عن الاوثان والعظمه وكبرياء الانسان. مفتاح الاصحاح هو الاتضاع. بسم الاب والابن والروح القدس الاله الواحد امين. اتمنى ان نكون بعد الاصحاح الاولاني فعلا فتشنا في قلبنا ووجدنا خطيه او طبع او عاده او سلوك نفسنا نقلع عنه.
[6:12]لانه هو سبب عدم سلامنا مع الله. يا ريت نكون اكتشفناه.
[6:20]طيب احنا جينا للاصحاح الثاني او السلمه الثانيه في طريقنا في الصيام الكبير مع اشعياء النبي. يا ترى السلمه الثانيه هي ايه؟ واضح من قرايتنا للاصحاح الثاني ان عنوانه الكبير هو الاتضاع امام الله. يعني ايه اتضع امام الله؟ يعني الانسان بعد ما يدرك ان في شيء معين محتاج ان هو ينزعه من حياته. الخطوه اللي بعد كده ياخد هذا الامر وبعد ما يكون خد قرار جدي وحقيقي فعلا يقول لربنا انا محتاج معونتك. انا ضعيف انا محتاج قوه خارجيه نعمه برايا هي اللي تساعدني. واحنا عارفين ان المتضعين هم اللي بيجدوا نعمه. طب يعني ايه اتضع امام الله؟ ده احساس قلبي داخلي ان انا ضعيف ومحتاج جدا ربنا زي احساس الطفل ما هو محتاج ابوه وهو حاسس ان في خطر.
[7:41]ممكن الانسان بيعبر عنه بدموع بقرع للصدر بانيات باحساس داخلي فعلا بالاشتياق ناحيه ربنا والاحتياج لقوته هو ونعمته. يعني ببساطه الانسان بيدرك انه ضعيف انه يقدر يقلع عن طبع بقاله فتره او سلوك متعود عليه او افكار مش عارف يسيطر عليها بقاله فتره. طب ازاي يقدر يتخلص منها بسرعه محتاج نعمه ربنا ونعمه ربنا تيجي للانسان المتواضع. انا محتاجك يا رب انا محتاج قوه من عندك عشان كده تعالوا ناخد تدريب عملي. ايه رايكم نتعود من هنا لغايه اخر الصيام نعمل ان شاء الله مطنيه واحده كل يوم مطنيه واحده يوميا من اجل الحاجه اللي نفسنا نقلع عنها او ننزعها من حياتنا. يلا يبقى تدريب النهارده مطنيه واحده. نقول لربنا فيها ارحمني يا رب فاني ضعيف وكلنا ثقه زي الاصحاح الثاني بتاع اشعياء ان دي الطريقه اللي تخلي الانسان يرتفع امام الله. ويجد نعمه في عينين ربنا. لاني في السجود او المطنيه صحيح بسجد واتضع امام الله لكن زي ما يكون ربنا بيمد ايده وبيرفعني ويوقفني تاني.
