[Arabic] Fundamentals Of Programming With C++ #001 - Important Introduction About The Course

[0:11]السلام عليكم بسم الله الرحمن الرحيم والصلاه والسلام على اشرف المرسلين سيدنا محمد اخوكم اسامه من قناه الزيرو ويب سكول هنبدا مع بعض ان شاء الله كورس في تعلم اساسات البرمجه باستخدام لغه سي بلس بلس. بناء على الخبرات اللي اخذتها في السنين اللي فاتت يعني مع الناس اللي تتعلم طلعت لك بعض النقط محتاجين نتناقش فيها قبل بدايه الرحله باذن الله. اول حاجه عندنا المفاهيم اللي لسه ما جاش وقتها للشرح بعض المفاهيم البرمجيه اللي احنا بنشرحها كده في البدايه بنحتاج نستخدم حاجات لسه مش هتتشرح دلوقتي هتتشرح بعدين في الكورس فلو سمحت لو في حاجه قلت لك عليها سيبها لوقتها يا ريت تسيبها لوقتها. ليه بقول لك كده في بعض الناس لما بنجيب سيره حاجه لسه هتتقال في المستقبل بيروح يدور عليها وعايز يتعلمها دلوقتي واحيانا كتير في بعض الحاجات ده بيكون غلط. التوقيت اللي انت تعرف فيه الحاجه ده غلط هيلخبطك وهيضيع وقتك في بعض المفاهيم لو كنت ملم بيها هتلاقي ان الحاجه دي جايه في وقتها مع معرفتك بالمفاهيم دي فهتفهمها بشكل سليم وفي التوقيت السليم. فلو طلبت منك حاجه تسيبها لوقتها هنتكلم عنها باذن الله مش هنسيبها وفي وقتها. طيب لما تتعلم اي حاجه من الكورس لو سمحت يا ريت تروح تبحث عنها في جوجل وتزود معلوماتك. في حاجات كتير لو حاولت تغطيها في فيديو واحد هتبدا تلاقي ان الفيديو وقته بقى طويل جدا وانت مش هتتقبل الكلام ده. طيب نيجي بقى للحاجات اللي احنا فعلا شرحناها لو جيت عند حاجه وانا شرحتها لك خلاص وانت ما فهمتهاش ما تحاولش تسكب وتروح للي بعدها لا. هنا انا شرحتها لك خلاص لكن من شويه كنت بكلمك عن حاجات لسه مش هنشرحها دلوقتي طب انا ما فهمتش اعمل ايه تبدا اول خطوه تعيد الفيديو. عدت الفيديو مره واثنين وما فهمتش وده ان شاء الله مش هيحصل تبدا تكتب في التعليقات. بعد ما تكتب في التعليقات هقدر انا اجاوبك على الحاجه دي او اقدر اوضحها لك واضيفها في الملاحظات الموجوده على الموقع كل فيديو من فيديوهات الكورس له صفحه على الموقع بتاعنا الزيرو دوت اورج. هيكون فيها ملاحظات الكود السلايد الحاجات الموجوده في الفيديو مشاكل هنحلها تشالنج معين كله هيكون موجود في الصفحه دي فباذن الله هتبدا تلاقي اللي انت عايزه وباذن الله هتفهم كل حاجه. ولو انت متابع الفيديوهات اول باول كده في وقتها هبدا كمان اشوف التعليقات واجاوب عليها في الفيديوهات اللي بعدها يعني هجيب سيره الحاجه دي في الفيديوهات اللي بعدها. فنطمن ان انت كده فهمت كل حاجه طب هل هو طبيعي ان الحاجه ما افهمهاش من اول مره جدا طبيعي 100% وانت شخص عادي جدا. دي مفاهيم برمجيه جديده كليا عليك في بعض الناس هتفهمها من اول مره عادي وممكن يكونوا كتير وفي بعض الناس لازم مش هتفهمها من اول مره وهيحتاج يعيدها مره واتنين وتلاته والله ما فيها اي حاجه حاجات جديده كليا عليك. طيب لو الانستراكتور اداك نصيحه وطلب منك تشوف فيديو معين هو مش دايما يعني عايز يزود المشاهدات هو عايز يوصلك انك تفهم كل حاجه. فبيطلب منك تشوف فيديو معين لو ده حصل بعد اذنك لازم تسمع كلامه كتير من الناس كان يجي في نص الكورس يسال على حاجات كانت اتقالت في اول كم فيديو بس هو ما شافهمش عشان هو شايف ان دي فيديوهات مقدمه فيديوهات حشو مالهاش لازمه. كبر دماغك تلات دقايق مش هيفيدوني في حاجه وبعدين يضيع بعد كده عشان كل اللي جاي كان مبني على الاساس الموجود في الثلاث دقائق او في الخمس دقائق اللي في الفيديو ده. فلو حد قال لك اتفرج على ده اي حد عموما مش انا لو سمحت اسمع كلامه ما دام وثقت في الانستراكتور ده وعايز تكمل معاه يبقى تسمع كلامه للاخر. طيب اهم نقطه بقى في الموضوع بعد النقط النقاش النظري اللي فات ده ان انت داخل تتعلم برمجه وليس سي بلس بلس. السي بلس بلس عباره عن تول لانجوتش هنتعلم بيها اساسات البرمجه وفي تولز كتيره جدا ثانيه ممكن نتعلم بها اساسات البرمجه اخترت لكم سي بلس بلس ليه هنتكلم عن القصه دي في فيديو كامل. يبقى انت بس لازم تركز وانت بتتعلم انك بتتعلم مفاهيم برمجه مش بتتعلم لغه سي بلس بلس عشان تشتغل بيها بعد كده. وانا هوجهك ما تقلقش انا هنا بس بطمنك وبقول لك تبقى مركز على ايه مش اكتر لكن انا هاخد بايدك ان شاء الله وكل حاجه انا هعملها لك. طيب في نوعين من الناس بتتعلم النوع الاول هو الشخص اللي بيحفظ الكود اللي قدامه ويقلدك ويبقى مستني حاجه انت تعملها عشان يعملها وراك. ده النوع اللي احنا مش عايزينه النوع الثاني هو الشخص المحترف المبتكر الشخص المبرمج اللي اي فكره تخطر على باله يعملها النوع الثاني ده بقى طبعا الحياه عنده بتبقى اصعب شويه. هنقابل تحديات هنقابل بروبلمز هنحلها ده اللي بيخليك النوع الثاني اللي انا عايزك تبقى هو النوع بتاع الشخص المبرمج المحترف اللي بتخطر على باله فكره يعملها اللي باذن الله ربنا هيكرمه ويتنقل لمستوى ثاني. ده ليه تمن الثمن انك هتتعب وفي تحديات هتقابلك ومحتاجه منك صبر. طيب لغه سي بلس بلس ممكن يتعمل بيها ايه حاجات كتير جدا كتبت لك تلات اربع حاجات لان كل ده ما يهمكش في المسار التعليمي بتاع تعلم اساسات البرمجه. ممكن تعمل بالسي بلس بلس جيمنج ممكن تدير سيرفرز ممكن تعمل ديسك توب ابلكيشن اوبريتنج سيستم ويب براوزرز برامج تتحكم في الداتابيز كل ما تتخيله ممكن تعمله بالسي بلس بلس كل ده ليا لا. انت هتتعلم اساسات البرمجه ليه بقول لك كده والله جايز انت اخترت كورس بتاع شخص تاني تكمل فيه براحتك انا عايزك تتعلم مش مهم كورس الزيرو خالص. بس لما تدخل تختار الكورس تختار كورس موجه لان انت تتعلم فاندمنتالز اساسات البرمجه. ما تروحش لاي حد بيقول لك ليرن سي بلس بلس ما هو ممكن بيعلمك سي بلس بلس بس الكورس موجه للجيمنج انك تعمل جيم او ويب براوزر او ديسك توب ابلكيشن. فلازم تبقى فاهم النقطه دي عشان تفهم الكورس موجه ليك ولا لا. طيب الكورس بتاعنا هيكون عباره عن اساسات البرمجه باستخدام السي بلس بلس هنتعلم الاوبجكت اورينتد بروجرامنج وده عباره عن باردايم او ستايل لكتابه الكود وهنتكلم عنه بالتفصيل. هنتعلم الجورزم وديتا ستراكشر وهنحل مسائل كتير كل المواد دي بيدرسوها في كليه حاسبات ولينا قاعده طبعا مع الكلام ده باذن الله. طيب اهم حاجه بقى عندنا انا دلوقتي عايز ابدا بسم الله كده اتعلم برمجه محتاج ايه اول حاجه محتاج اريزون تو ستارت. انا عايز هدف سبب يخليني اتعلم برمجه ايه ده هو لازم سبب ما ينفعش ادخل اتعلم وخلاص ادخل اتعلم وخلاص بس انا جاي لك من المستقبل وبقول لك. لو ما عندكش هدف عند اول مطبه هيقابلك وانت بتتعلم على طول لقيت حاجه صعبه هتسيبها وتمشي ليه اصل انا ما عنديش هدف. لكن لو عندي هدف مهما كان تافه يا عم الهدف اهيف ما يكون بس اسمه هدف هيخليك تكمل اول ما تواجه حاجه صعبه هتحاول تتخطاها وتكمل. مفيش هدف مفيش تكمله ببساطه شديده جدا. طيب عندنا قائمه عباره عن بلاي ليست فيها مجموعه فيديوهات اسمها ما قبل البرمجه موجوده في القناه عندنا وهنسيب القائمه دي في وصف كل الفيديوهات باذن الله. القائمه دي فيها فيديوهات دردشه ومهم جدا ان انت تتعلمها فيديوهات تعليميه بس عباره عن دردشه مش كود ولا كتابه ولا الكلام ده. الفيديوهات دي الكورس ده هيبقى مبني عليها مبني عليها ليه يعني خلينا نقول ان هم بيدعموا بعض. يعني ايه بيدعموا بعض انا جيت عايز اشرح لك مفهوم جديد وليكن حاجه اسمها متغيرات هشرحه لك وهتكلم عنه وهكتب الكود بتاعه وافهمك الدنيا. بس قبله هيبقى في فيديو في بلاي ليست ما قبل البرمجه اسمه المتغيرات يعني ايه المتغيرات هكلمك عنها بقى بالعاميه وبامثله كده من الحياه عشان اوريك المفهوم العام للمتغيرات. هتفهمه وهتعرف يعني ايه كونسبت اوف يعني فبلز او متغيرات بعد كده تدخل هنا تبدا تشوف الكود والاستخدام الخاص بالمتغيرات في اللغه هنا بقى الموضوع هيفرق معاك عشان عندك كده نولج قبلها معلومات عن اللي بيحصل فهتبدا تلاقي العمليه سهله وبتدخل مخك بسهوله. فلو سمحت تتابع البلاي ليست دي تشوف كل اللي فيها قبل الكورس واي فيديو ينزل فيها زيه زي سي بلس بلس لازم تشوفه. عايز تتعلم برمجه تابع السي بلس بلس والبلاي ليست دي بس مالكش دعوه بحاجه ثانيه في القناه. طيب الكورس بتاعنا ده سي بلس بلس طلبه حاسبات اللي هم ما شاء الله تبارك الله عليهم ناس يعني مجاميع عاليه وناس دماغهم كويسه جدا بيتعلموه في سنه. انا مش هقول لك لازم يا عم نقعد سنه هطلب منك بس تصبر خليك هادي وخليك صبور عشان تتعلم. مهنه البرمجه بتجيب مرتبات عاليه جدا للناس اللي بتديها حقها انا ممكن اقول لك ان هي بتجيب الاف الدولارات وبعد كده انسى اجيب لك الجزء المهم انك محتاج تتعب لا انا لازم اقول لك الاتنين. عشان تجيب الاف الدولارات وتشتغل في وظيفه محترمه جدا وتنقل حياتك للنيكست ليفل لازم تتعب انا بقى عايزك تتعب وتبقى صبور وهادي علشان توصل. طب لو انا عايز اجاملك واقول لك البرمجه سهله وسي بلس بلس سهله ايه اللي هيحصل بعد المجامله دي فكر معايا ولو مش مقتنع بكلامي اسكيب الجمله دي وكاني ما قلتهاش وكمل. اول ما اقول لك السي بلس بلس سهله والبرمجه سهله تيجي حضرتك تتعلم مفهوم جديد في البرمجه دخلت على حاجه اسمها بوينترز مثلا وبتتعلمها لقيتها صعبه مش قادر تفهمها يمين شمال مش عايزه تدخل مخك وعملت النصائح بتاعتك وعدت الفيديو 15 مره. ورحت سالت 100 واحد ورحت شفت 100 كورس وما فهمتهاش ايه اللي هتقوله لنفسك هتقف قدام المرايه تقول انا غبي بس. علشان انت اتقال لك ان اللغه سهله وانت جيت تشوف السهوله ما لقيتهاش فانا مش هقول لك سهله ولا هقول لك صعبه انا هقول لك خليك صبور والحاجه تعيدها مره واثنين وثلاثه لحد ما تفهمها عشان ربنا يكرمك بس ده اللي انا طالبه منك. على مدار الكورس بتاعنا باذن الله هتلاقينا بنضيف اكستنشنز او اضافات على الايديتورز بتاعتنا طول كده تساعدنا موقع فيه حاجه كل ده ليه مش عايز اكوم لك كل الكلام ده في اول فيديو لان ممكن ببساطه في اول فيديو لو كل الكلام ده جه قدامك تغلط في حاجه فيهم او مش عارف تعملها فما تكملش لا انا عايزك تكمل.

[10:26]عايزك تشوف اكبر عدد من الفيديوهات عشان يشجعك تكمل يعني مثلا لو عديت اول خمس ست سبع فيديوهات الامور مشيت تمام هيقف معاك مشكله فباذن الله تسيبها ثاني يوم ثالث يوم لحد ما تحلها وتكمل لكن لو كومت كل حاجه عليك في فيديو واحد وجاء لك خمس ست مشاكل هتحل الاولى ولا الثانيه ولا الثالثه هتتعقد وتحبط وهتقف فانا بحاول اقسم لك الدنيا يعني نسيت اب حياتنا كده ستب باي ستب. كل فيديو نضيف حاجه عشان نبقى كده ايه الايند مع الموضوع نمشي بشكل سليم والدنيا تبقى تمام معانا. يا رب يا جماعه المقدمه تكون وضحت لكم كل حاجه مطلوبه منكم مش مطلوب منك غير بس اتاكد ان انت هتكون صبور وهادي واكتب في التعليقات انا الحمد لله متحمس وعايز ابدا اتعلم برمجه عشان ابدا اشوف كم واحد محتاج فعلا ده وكم واحد ما عندوش مشكله في التحديات والحاجات اللي هتقابله باذن الله. نشوفكم ان شاء الله مع فيديو جديد والسلام عليكم.