[0:00]Hello guys and welcome back to SRP stories, jahan main aapke saath hue creepy incident sunata hoon and we are finally back to horror stories. Panch videos mysterious word of urban legend pe nikalne ke baad, aaj ki jo story hai, wo mujhe kahi saare logo ne recommend kari thi. And mujhe ye cheez bhi pata hai ki mujhe pahado se Himachal se bahut saare log dekhte hain. So ye story bhi unhi logo ne mujhe recommend kari hai. Ke paas ek jagah Mussoorie ki hai. Jahan par kaafi zyada horror sightings hui hain. So let's not waste any more time and let's learn ki aakhir Mussoorie ke is hotel mein Savoy Hotel mein hua kya tha. And maybe tum log ye cheez bhul gaye honge to main wapas yaad dila deta hoon, agar tum log ko apni creepy stories mujhe submit karni hai to description mein maine ek Gmail id di hai. Jahan par aap ye format use karke apni stories mujhe bhej sakte hain. Now let's start with the video.
[0:51]Mussoorie, the Queen of Hills. Garhwal ke pahado ke beech behat khoobsurat jagah hai ye, jahan har saal duniya se lakhon tourists ise explore karne aate hain. Camel's Back Road, Kempty Fall, Gun Hill Mussoorie ke kuch sabse famous tourist spots hain. Family vacation ho ya honeymoon spot ya sirf city life ke shor gul se dur aana ho. In sabhi cheezo ke liye Mussoorie aksar logo ke list mein number one par rehta hai. Dehradun city se sirf 35 kilometre dur is behat khoobsurat jagah ko apna name Mansoor naam ke paudhe se mila, jo ki yahan bhari matra mein ugta hai. Aur isi wajah se kaafi Indians Mussoorie ko Mansoori naam se bhi bulaate hain. Agar yahan ki history ki baat kari jaye to Mussoorie ka Indian rulers se British rulers tak kaafi bada itihas raha hai. 1827 tak kaafi British military officers ne Lucknow aur Delhi jaisi jagahon ki dhul aur garmi ko chhodkar Mussoorie mein shift karna start kar diya tha. Unhone yahan ball parties, polo matches aur kaafi social events apne entertainment ke liye arrange karne shuru kare. Jisse unhe aisa feel hota tha ki wo abhi bhi apne hometown mein hi hain. Jis wajah se Mussoorie ko Britishers ka pleasure capital bhi bulaya jane laga. 1900 mein Mussoorie ki population bahut hi zyada badh rahi thi aur aas paas ki cities mein bhi roads, malls, dukane ye sab kuch banna shuru ho gaya tha. Jis ki wajah se connected road ki wajah se Dehradun and in turn Mussoorie aana easy tha. India ke high society people, royal families aur kahi elite personalities Mussoorie ko frequently visit karne lage. And India ke bahar se kaafi royal families yahan aaya karte the. Indian politicians jaise Jawaharlal Nehru aur unki family aksar yahan summer vacations ke liye aate the. And one of their favourite place to stay in was Savoy. Savoy Hotel 1902 mein bana aur 11 acres mein faila hua ek luxury hotel hai, jo ki puri tarah se English Gothic architecture se inspired hokar banaya gaya tha. Ye architecture form normally churches ya religious building mein bhi use hota tha, jo ki sabse pehle France mein introduce hua tha. Badi badi stained glass windows, carved walls aur pointed ceiling is style ke kuch main features hain. Lucknow ke Irish barrister, Cecil D Lincoln ne around 1985 mein khali pade Mussoorie ke Rev Maddox School ko transform karke is hotel ko banaya tha. Jise banane aur public ke liye open hone mein almost saal lag gaye the. Is hotel mein 121 rooms, India ka sabse bada ball room, luxury park, garden, ek tennis aur race code. Ek billiard room aur Britishers ke liye ek personal post office bhi banaya gaya tha. Hotel mein almost har din parties and events hote rehte the, jismein puri duniya se Royal families shamil rehti thi. Savoy Hotel apne alishar interiors aur aisharam ke liye puri duniya mein jana jata tha. Lekin ek aur aisi baat thi jiske liye Savoy Hotel jana jata tha, jo ki in sabhi reasons se bilkul alag thi, its horror sighting. Savoy Hotel ki khoobsurti ki wajah se iske interior ki wajah se, iske Gothic architecture ki wajah se yahan pe kai saare logo ki nazar thi. Jin mein se bahut saare the filmmaker aur authors, jo ki yahan aate the apni movie shoot karne ke liye ya fir book ki inspiration lene ke liye. Aur aise hi ek silsile mein June 2003 ko ek writer aur director Anand Jha apni suspense film ki shooting apni puri team ke sath Savoy Hotel rehne aaye the. Savoy unki film ki main location thi, jahan unhe apni puri film ke almost har ek short ko film karna tha. Aur wahan aane ke agle hi din wo log dopahar mein hotel ke ek tour par nikal gaye. Aur jo jagah unhone sabse pehle dekhi thi wo tha Savoy Hotel ka ball room. Kyunki Anand Jha ne har jagah uski khoobsurti ke bare mein suna tha, itna padha tha ki wo bahut excited the ise dekhne ke liye. Ball room mein enter karte hi unhe aisa laga jaise wo past mein wapas chale gaye hoon. Room ki safed diwarein, wooden furniture aur kone mein rakha ek bada sa piano Anand Jha ke liye unke atit ke panno ko dohara raha tha. Jahan ka bhi ek samay par ye jagah parties, dance aur logo se bhara rehta tha. Wahan aaj ek ajeeb si khamoshi thi. Kuch samay wahan khade rehne ke baad Anand ek gate se hokar corridor mein aa gaye. Jahan deewar par mani badi badi glass windows se occasionally thandi hawa aur barish ki kuch boondein andar aati rehti thi. Wahan se hokar wo dusre room mein jane hi wale the aur tabhi sare jhoomar tez tez hilne lage. Ye jaani pehchani aawaz sunkar Anand Jha jahan khade the wo wahin ruk gaye. Unhone bahut himmat jutakar piche dekha aur thoda dhyaan se sunne ke baad unhe ye pata chala ki piche se jo awaz aa rahi thi, wo aur kisi ki nahi balki unke team ke ek member ki hi thi. Jiska naam tha Arjun. Anand Arjun se Delhi mein mile the aur wahin se Anand ke sath wo Savoy Hotel aa gaya tha. Arjun Nepal ka rehne wala tha aur Anand ke sath wo chhote mote kaam karta tha. Uska ek strong Nepali accent tha, jiski wajah se uski awaz sunte hi Anand ne use pehchan liya tha. Arjun ki personality bahut hi happy go lucky thi, jise baat karna bahut pasand tha. Aur wo Savoy ke kuch guest ke paas khada hokar unhe bata raha tha ki uske sath raat mein kya hua tha. Toh out of curiosity Anand bhi us group ke paas khade ho gaye aur Arjun ki story sunne lage. Arjun ne bataya ki wo raat ko jab Anand ke liye pani lene ja raha tha, tab ballroom se guzarte samay achanak sare jhoomar hilne lage aur khidkiyan zor-zor se band ho gayi thi. Usne bataya ki haan, raat mein halki hawa chal rahi thi, but itni tez nahi ki wo itne force se khidkiyon ko band kar de aur jhoomar ko hila de. Arjun ne hall mein lage ek bade se jhoomar ki taraf ishara karte hue kaha ki main raat mein exactly yahan khada tha. Wo wahan se hilna to chahta tha par uske pair wahin jam chuke the, jaise mano kisi unseen cheez ne use wahan pakad liya ho. Arjun ne ek gehri saans li aur apni story continue kari. Usne kaha ki bahut himmat jutakar usne apne pair zor se zameen par mare aur chillakar kaha, "O Bhoot! Ja yahan se!" Arjun ki storytelling skills dekhkar wahan khade sabhi log hasne lage. Haan, jaise wo bhoot tumhare command ka hi intezar kar raha tha na, Arjun. Anand ne apni hassi control karte hue Arjun se kaha, lekin Arjun ke face par koi hassi nahi thi. Wo itna seriously ye sari baatein kar raha tha ki Anand ko bhi laga shayad ye baat jhoot nahi ho sakti. Aur kuch samay shant khade rehne ke baad Arjun ne bola ki Nepal mein aise incident kaafi normal hain. Aur aksar log apne experience batate hain, jiski wajah se use raat ko us samay dar nahi laga tha. Par usne aise chillakar bhoot ko isliye kaha. Ye kehne ke baad Arjun khud par hi thoda sa hasa, lekin tabhi achanak Anand ke chehre se sari hassi gayab ho gayi thi. Unke hath pair thande ho gaye the aur unhone Arjun ki taraf dekha, jaise achanak se unhe kuch yaad aa gaya ho. Wo apne room ki taraf bhage, corridor se hokar ball room mein aur fir billiard room se wo ek-ek karke sabhi kamro se hokar bahar garden ki taraf pahunche. Piche se unka naam kahin baar pukara logo ne, par wo har awaz ko nazar andaaz karte rahe. Wo sirf apne room tak pahunchna chahte the. Unka room second floor par tha aur wooden floor par unke joote ki awaz Savoy ki shanti mein gunj rahi thi. Unhone jaldi se apne room ki chabiyan nikalkar room unlock kiya aur idhar-udhar kuch dekhne lage. Kuch der tak dekhne ke baad unhe apne bed ke kinare par finally ek book mili, jiske liye wo yahan bhag kar aaye the. Aur is book ka naam tha A Mussoorie's Mystery by Ruskin Bond. Unhone us book ko khola aur kuch der tak panne paltaane ke baad unhe finally wo paragraph mil gaya jise wo dhund rahe the. Aur apne hathon mein us book ko rakh ke unhone ekdam thaki hui awaz se us paragraph ko padha. Jismein ye likha tha ki 1900 se hi Savoy Hotel ke halls and corridors haunted hain. Yahan kaafi logo ne ek lady ghost ko side kiya tha. Aksar Savoy ke guest complain karte the ki unhe khidkiyan band hone ki awaz aati thi. Aur kai logo ne waisa same experience kiya tha, jaisa Arjun ne kal raat ko experience kiya tha. Ye padhte hi Anand Jha ke hath thande pad gaye aur unhone apne man mein socha ki Arjun ki story koi jhooti kahani nahi thi. Aur na hi wo cheeze imagine kar raha tha. Us raat Arjun encountered no one else but the ghost of Lady Garnet Orme. Us raat ke baad Anand ya unki team mein kisi ke sath bhi kuch supernatural nahi hua. Unhone apni film ki shooting ki aur wo Delhi wapas laut gaye, lekin ek sawal tha jiska jawab unhe kabhi nahi mila. Kya Arjun ne jo experience kara tha ya fir sach mein us raat wahan Lady Orme ka bhoot maujood tha? Lady Garnet Orme 49 saal ki ek spiritualist thi, jinka aisa manna tha ki wo mare hue logo ki spirits se baatein kar sakti thi. Aur unki spirits ki duniya mein ja sakti thi aur Orme unhe apni duniya mein bula bhi sakti thi. Wo mind reading, crystal ball mein dekhkar bhavishya batana aur tantar mantar jaisa kaam karti thi. Unka manna tha ki ek medium hai jiske through spiritual world hamare world se connect hota hai. 1911 mein Lady Orme apne ek fellow spiritualist Miss Eva ke sath Savoy Hotel mein rukne ke liye aayi thi. Unhone us raat bhi kuch mantar jaap karke spirits se connect karna tha aur agli hi subah Miss Eva ko Lucknow ke liye nikalna tha. Miss Eva ke jane ke baad Lady Orme apne room se do din tak bahar nahi aayi aur unka room bhi andar se locked tha. Tab wahan ke kai staff ne pareshan hokar police ko bulaya aur police ne Lady Orme ke room mein jo dekha use dekhkar wo sunn reh gaye. Unke kamre mein kaafi ajeeb si cheeze rakhi hui thi. Floor par weird patterns bane hue the. Candles lagayi gayi thi aur aas paas crystal ball aur kaafi books padi hui thi. Pura room bikhra hua tha and it all looked like some black magic. Aur thoda aur andar jane ke baad police walon ko Lady unke bed par padi hui mili, but she was dead. Police se ye pata chala ki unki maut kuch din pehle hi ek bahut hi zyada poison se hydrogen cyanide se hui thi. Aur Lady Orme ke room mein ek bottle ke andar police ko ye cyanide mila tha. Hairat ki baat ye thi ki marne ke do din baad bhi Lady Orme ki body full preserved thi. Aur unhe dekhkar bas aisa lag raha tha ki mano wo bas soyi hui hain. Was she involved in some black magic ritual? Nobody knew. Unka room andar se band tha jiski wajah se police ko ye suicide case bhi laga. Par fir police ko Miss Eva par shak hua, par investigation ke baad bhi unhe Miss Eva ke khilaf koi bhi saboot nahi mila to police ne unhe innocent sabit kar diya. Yahan tak sab ek normal hadse ki tarah ho raha tha, lekin Lady Orme ki story ne ek alag mod le liya. Unki maut ke kuch din baad jis doctor ne Lady Orme ki autopsy kari thi, unki bhi kuch time baad mysterious way mein maut ho gayi. Aur police ko investigation karne ke baad ye pata chala ki unki maut bhi poison se hydrogen cyanide se hui thi. Doctor ki maut par bhi kaafi investigation hui, par kuch bhi saboot nahi mila police ko aur case wahin drop kar diya gaya. Lady Orme ko apni painting banwane ka kaafi shauk tha aur jis painter ne Lady Orme ki yahan painting banayi thi, uski bhi same manner mein maut ho gayi thi. Aur same doctor ki tarah uske liye bhi koi proof nahi mila. To sab log Mussoorie mein ye kehne lage ki Lady Orme ne hi in logo ko mara hai, apna badla lene ke liye. Police ne jab Lady Orme ke past ke bare mein investigate kara to unhe pata chala ki unke husband ek British army officer the. Aur shaadi ke kuch time baad hi unki bhi mysterious way mein maut ho gayi thi. Aur illness ka bahana banakar unki death par parda dal diya gaya tha. Kaafi logo ka kehna tha ki Lady Orme psychopath thi aur pehle se hi wo black magic jaisi cheezo mein involve rehti thi. Jiski wajah se unke husband ki maut ho gayi thi. Lady Orme ki death ke baad hotel mein kaafi ajeeb cheeze hone lagi. Aadhi raat hote hi kamro ke darwazo par tez awaz aane lagti thi, jaise ki koi bahut force lagakar door pe lagatar mar raha ho. Aur jab guest door kholkar bahar dekhne jaate to pure corridor mein koi nahi hota tha. First floor par aksar logo ki aisi awazein aati thi jaisi ki unke room mein kuch bhari saman drag ho raha ho. Hotel staff se complain karne ke baad bhi ye cheeze resolve nahi hoti thi. Kabhi kabhi to yahan se kisi lady ki chillane ki awaz bhi aati thi to kabhi kisi ladki ki rone ki. Some people also claim this thing ki unhe ek lady ko safed kapde pehenkar stairs se niche utarte hue dekha tha, jise dekhne ke baad hotel ke ek bade se hall mein khade hone ke bavajood bhi unhe aisa lagta tha ki mano diwarein paas aa gayi ho aur ye jagah chhoti ho gayi ho. Wo apni jagah se hil nahi pate the aur unke liye saans lena bhi mushkil ho jata tha. Locals ke according kai baar hotel se chillane ki awazein aati thi aur kafi log jo is hotel mein rukne aaye the, jo hotel mein jaate to jarur the, but kabhi wapas nahi aaye the. Aur na hi unka kabhi pata chala tha aur is wajah se hi aas paas har jagah ye baat fail gayi thi ki Lady Garnet Orme ke bhoot ne hotel ko gher liya hai. Aur Hotel Savoy Lady Orme ke bhoot se cursed ho chuka hai. Sabhi log ab is hotel mein jaane se darte the. Aur jo pehle se guest us hotel mein unke sath rehne aaye the, wo dusre hotels mein shift ho rahe the. Koi bhi ab Savoy Hotel mein rukna nahi chahta tha, jiski wajah se hotel ko bahut bhari loss hone laga. Jis hotel mein har sham ko parties aur logo ke chahal pehal rehta tha, ab wahan bilkul khamoshi thi. Aur Hotel Savoy ki haunted stories ab har jagah famous hone lagi thi. Savoy Hotel puri tarah se British officers ki ayashi ka thikana ban chuka tha. Jahan kaafi high profile officers apna time bitane aate the. Kaafi logo ke according is hotel mein ab gandi cheeze hona shuru ho chuka tha, jaise ki drug dealing, prostitutes ka aana, even killing. Kaafi logo ki stories ke according ye bhi kaha jata hai ki Savoy Hotel ka malik ek serial killer tha, jisne paiso ke liye apni wife ka murder Savoy Hotel mein hi kara tha. Aur uski wife ki aatma bhi yahan maujood hai. Jo bhi hotel ki char diwariyon ke andar hota tha wo kabhi bhi bahar nahi aa sakta tha. Puri sachchai pata hone ke baad bhi kisi mein itni himmat nahi thi ki wo andar ki baat bahar bata sake, kyunki logo ko dar rehta tha. Ki unhone agar ye baat bahar reveal ki to they will also get cursed by the ghost of Lady Orme. Ye bhi kaha jata hai ki ek famous mind reader ne ye pata lagaya tha ki kisne Lady Orme ko mara tha, par unki baato ka koi solid proof na hone ki wajah se unhe kabhi bhi seriously nahi liya gaya. Aur Lady Orme ka murder case ab ek horror story mein ban chuka tha. Lady Orme ki death ke baad Hotel Savoy cursed ho chuka tha. Cecil D Lincoln ke baad bhi kahi saare logo ne is hotel ko kharida, bari bari se, par unfortunately ye hotel chala nahi. Na to yahan se koi paisa kama paya, na hi yahan se kisi ko marginal profit hua. 9 saal baad jab log sari baatein bhul kar aage badh rahe the, tab ek bar fir ye hotel apne most popular phase mein wapas aaya. Kaafi bade bade chehre wapas is hotel mein rukne ke liye aaye the. Indian politicians se lekar bahar ke famous writer sabhi yahan rukna chahte the. Aur to aur Lady Orme ke case se inspired hokar Agatha Christie ne ek book bhi publish kari thi, The Mysterious Affairs at Style. Lady Orme ka case books aur movie mein to solve hua tha, par unfortunately real life mein nahi. Hotel se related itni stories bahar aayi thi ki ye decide kar pana mushkil tha, kya sach hai kya jhoot. Hotel mein jo bhi hua uske baad andhera hone se pehle wahan ek bell ring kari jati hai, jisse guest ko ye inform ho jata hai ki is time ke baad wo apne room se bahar na aaye. Aur ye ek strict order tha yahan rehne wale logo ke liye. Jinhone bhi bell ring hone ke baad apne room se bahar nikalne ki galti kari, wo kahan gaye aur unke sath kya hua ye kisi ko nahi pata. 1920 se lekar 2009 tak Hotel Savoy ke kaafi owners change hue. Aaj ye hotel India ke sabse bade hotel chain ITC Hotels ke andar run hota hai. But almost 100 salo ke baad bhi jo guest yahan reh rahe the, wo apne ghost sightings ki story sunate hain ki unhone aaj bhi halls mein ghost ko ghumte hue dekha hai. Aaj ke samay mein bhi Lady Orme ki story bahut famous hai aur usually wahan ke har staff se unke experience aur story sunne ke liye mil jati hai. Hotel mein jahan ek time par 121 room hua karte the, wahan aaj sirf 50 rooms available hain. Aur un baki rooms ko band kar diya gaya hai tak ki kisi ke sath bhi koi aur ghatna na ho. Lady Orme ko kisne mara? Kya aaj bhi unka bhoot Savoy Hotel mein hi hai? Aise kai saalon ka aaj bhi hamare paas jawab nahi hai. Kaafi log aaj bhi Lady Orme ke case ko sirf ek murder mystery mante hain. Par bhoot aur paranormal activities mein believe karne wale logo ko Lady Orme ki presence is hotel mein feel hoti hai, aaj bhi. So what are your thoughts on Savoy Hotel and usse bhi zyada important Lady Orme ke bare mein aapka kya khayal hai? And agar aap Mussoorie se dekh rahe ho ya fir Dehradun se dekh rahe ho to do let me know ki kya aapne is hotel ke bare mein pehle suna tha ya nahi. Well that's it for this video, we are back on reciting the horror story, so apni stories aap mujhe submit karna mat bhulna. And with that, I hope that you guys are healthy and I will see you next week.
