[0:00]pH درجة الحموضه والقلويه الاس الهيدروجيني تحت سبعه حمضي سبعه متعادل فوق سبعه قلوي. لكل عينه في جسمنا درجه بي اتش، الدم له بي اتش، البول له بي اتش، والبراز له بي اتش. نعم البراز له بي اتش بس البراز مش سائل، ده غير ان البراز ما هو الا طعام له رحله طويله. بتمر باعضاء كثيره وكل عضو له بي اتش بيشتغل فيها، هي ترى البراز هياخد انهي بي اتش من كل دول؟ بحبك وانت فاهم ومركز كده، شطور امور عسول. الجهاز الهضمي يا صديقي بيعمل وظيفتين الهضم والامتصاص. الجزء اللي فوق فم ومعده شغلتهم الهضم تكسير الاكل لابسط جزيئات ممكنه. والجزء اللي تحت امعاء دقيقه وغليظه شغلتهم الامتصاص يمتص اللي انت محتاجه والباقي يكمل طريقه لبرا وهو ده البراز. لذلك مش هيفرق معايا البي اتش بتاعه كل الاعضاء دي، يهمني الاعضاء المرتبطه بتكوين وتشكيل البراز وهي الامعاء الغليظه. القولون وهنا بيتكون البي اتش للبراز بي اتش ممكن تساعدني في تشخيص امراض كثيره متعلقه بالجهاز الهضمي. يلا بينا نعرف الحكايه.
[1:33]حضرتك بتاكل مواد غذائيه زي السكريات والبروتينات والدهون. هما دول اللي لما يوصلوا للقولون هنحدد بناء عليهم درجه البي اتش. بس معلش شيل الدهون مش بتحدد البي اتش قوي، دول اللي بيحددوا البي اتش قوي واللي هي غالبا بتكون ما بين 6 ل 7 ونص يعني حمض خفيف لمتعادل لقلوي خفيف. تعالى احكي لك قصتين، القصه الاولى في الحاله الطبيعيه لما هتاكل سكريات كربوهيدرات يعني زي اللاكتوز. هييجي انزيم زي اللاكتيز يكسر اللاكتوز ويحوله الى جلوكوز وجلاكتوز. الله حلوين قوي على طول يتم امتصاصهم للدم والنتيجه ما فيش سكريات وصلت للقولون والنتيجه البي اتش طبيعي جدا. طيب في حاله سوء الامتصاص العيان ما طلعش انزيم اللاكتيز يكسر اللاكتوز او طلعه بنسبه قليله بيسموها لاكتوزنس. هنا مصيبه الكربوهيدرات هتفضل غير مهضومه والمصيبه الاكبر انها هتوصل للقولون والقولون فيه ايه؟ شاطر بكتيريا القولون عندنا مستعمرات من البكتيريا مجتمع ضخم جدا من الجات ميكروبيوتا اشهرهم الايكولاي والكوليستريديوم فجاه داخل عليهم سكر. على طول البكتيريا تبدا تشتغل عليه هتعمل للسكريات ما يعرف به التخمر فيتيشن وهينتج عن التخمر ده احماض زي اللاكتيك اسيد والاسيتيك اسيد. كل دي احماض يا خبر كده البراز هيبقى حمضي البي اتش هتقل وعلشان كده تلاقي البي اتش اقل من سته ده دليل على سوء امتصاص الكربوهيدرات. ايه رايك في القصه الحلوه دي وهتلاقي اعراض على العيان بقى ما هو الاحماض بتسحب الميه العيان يجي له اسهال وعمليه التخمر بينتج عنها غازات فتلاقي انتفاخ ومغص. عايزك ذكي في تحليل ممكن ياكد معاك الكلام ده وهو الريديوس فيول لو الاثنين ايجابي يقوي جدا التشخيص انه سوء امتصاص كربوهيدرات. انا قلت لك اشهر الاسباب وهو سوء امتصاص الكربوهيدرات زي اللاكتوز في اسباب ثانيه زي الاسهال خصوصا الاسهال الاسموزي. في سرعه في مرور الاكل في الامعاء الكربوهيدرات ما تلحقش تتحلل وتمتص فتتخمر وتعمل حموضه. وممكن العدوى البكتيريه زي بعض انواع الاشيشيا كولاي والروتا فيروس خصوصا في الاطفال بتسبب تلف في الخلايا المعويه وبالتالي تقلل الامتصاص فيحصل تخمر وحموضه.
[4:25]يا رب نكون فهمنا القصه الاولى. نيجي للقصه الثانيه في الحاله الطبيعيه لما بتاكل بروتينات تيجي المعده وتفرز انزيم البيبسين واللي بيهضم ويكسر البروتينات وتتحول الى احماض امينيه وهنا بيتم امتصاصها للدم يعني النتيجه ما فيش بروتين هيوصل للقولون. طيب لو حصل سوء هضم للبروتين او سوء امتصاص للبروتين اوبا كده جزء من البروتينات هيوصل للقولون والقولون فيه ايه؟ برافو بكتيريا تقوم بكتيريا القولون تبدا بتكسير البروتينات دي بعمليه اسمها باترفاكشن التعفن وينتج عن تعفن البروتينات دي مواد قلويه زي الامونيا. المواد دي بقى بترفع البي اتش وتخلي الوسط قلوي اذا البي اتش فوق سبعه ونص بتشير الى تعفن البروتينات. وعارف ليه بتلاقي البراز في الحاله دي بيبقى ريحته وحشه؟ بسبب المواد دي الكبريت والامينات علشان كده بنسميه احيانا باترفاكتيف اودر. قلت لك بنشوف البراز القلوي ده مع سوء هضم وامتصاص البروتينات ومع زياده تناول البروتينات اللي بياكلوا اكل غني بالبروتينات لحوم وبيض البروتين بيوصل للقولون يتحلل بواسطه البكتيريا ينتج عنه مواد قلويه. وفي الامساك بقاء البراز فتره اطول في القولون بيقابله زياده نشاط البكتيريا التعفنيه فيحصل تعفن ثم قلويه. ولو في نزيف بالجهاز الهضمي الدم مصدر بروتين بيتحلل في القولون ينتج امونيا قلويه. واخيرا زياده البكتيريا الضاره هتزود نشاطها هتزود عمليه التعفن فتزود القلويه. ايه رايك في القصه الثانيه؟ الخلاصه درجه البي اتش بتاعه البراز بتعكس التوازن ما بين عمليات زي الهضم والامتصاص بتاع الكربوهيدرات والبروتينات بالاضافه ل نشاط البكتيريا. فمش دايما عمليه واحده بس اللي شغاله في الحقيقه كلهم مع بعض هم اللي بيحددوا درجه البي اتش واللي بيغلب هو اللي بيحدد البي اتش النهائيه. تعالى اعمل لك مقارنه سريعه مشاكل الكربوهيدرات البكتيريا هتعمل تخمر هينتج عنها احماض تقلل البي اتش. مشاكل البروتينات البكتيريا هتعمل تعفن هينتج عنها قلويات هتزود البي اتش. التخمر خلى البراز ريحته حمضيه التعفن خلى ريحته معفنه. البراز الحمضي غالبا مايل لللين او الاسهال البراز القلوي غالبا مايل للمتماسك او للصلب. البراز الحمضي غالبا معاه انتفاخ غازات اسهال مغص البراز القلوي غالبا معاه امساك. البراز الحمضي غالبا معاه سكريات مختزله ايجابي البراز القلوي غالبا السكريات المختزله سلبي. البراز الحمضي غالبا بيصاحبه سوء هضم سكريات فتلاقي نشا البراز القلوي غالبا بيصاحبه سوء هضم في البروتينات فتلاقي الياف عضليه. البراز الحمضي مشهور في الاطفال، البراز القلوي مشهور في الكبار. والله التحاليل له مسميات كتير مش شرط عينه صباحيه ينفع اي عينه خلال اليوم المهم فعلا تكون العينه فريش. الافضل تتحلل خلال من نص ساعه لساعه من نزولها لان البكتيريا شغاله حتى بعد خروج العينه فممكن تغير البي اتش. ولو غيرته غالبا بتخليه اكثر حمضيه ومهم جدا ما يحصلش تلوث ابعد عن البول الميه المطهرات كل ده بيغير النتيجه. طيب لو هتتاخر عن ساعه العينه تتحط في الثلاجه لكن الافضل دايما فريش سمبل. اما بالنسبه للنظام الغذائي مش شرط صيام ولكن بنقول ان العيان يستمر على نمطه الغذائي اللي ماشي عليه قبل التحليل بثلاث ايام. نيجي لطرق القياس بقى اولا في عندي الطرق قديمه زي ورقه عباد الشمس.
[8:14]دي ورقه بيتغير لونها حسب الحمضيه والقلويه بتحط جزء صغير من البراز مع نقطه ميه تلمس الورقه بالخليط وتشوف اللون احمر حمضي ازرق قلوي. للاسف طريقه غير دقيقه وكيفيه وما فيش فيها رقم للبي اتش وبتتاثر بلون البراز. الطريقه الثانيه ورقه البي اتش انديكيتور زي الليتس كده لكن ادق شويه فيها تدريج. نفس الفكره البراز مع محلول تحط الورق وتقارن بالالوان ويديك رقم تقريبي. مثلا 5 6 7 مشكلتها ان دقتها محدوده وسبجكتف حسب عين الشخص اللي بيحلل. الطريقه الثالثه الانديكيتورز الكيميائيه محاليل صبغيه زي الفينولفثالين والميثيل اورنج. كل انديكيتور بيتغير لونه عند بي اتش معينه هو عيبه انه مش عملي قوي مع البراز ومحتاج خبره وتقريبا ما حدش بيشتغل بيها حاليا. الطرق الحديثه البي اتش ميتر ده الكتروني ادق بيعتمد على البي اتش ميجرمنت قياس تركيزات ايونات الهيدروجين في المحلول. بتحضر سسبنشن جزء من البراز مع الميه وتقلب كويس وتدخل الالكترود في العينه ويقرا لك قراءه مباشره. دقه عاليه جدا بيعطي رقم حقيقي لكن للاسف محتاج كبريشن باستمرار والالكترود بتاعه بيتلوث بسهوله بالبراز وتكلفته عاليه. الطريقه الثانيه البي اتش ستريبس شرايط تب ستيك حديثه شريط فيه انديكيتورز متعدده. بنغمس الشريط في العينه او السسبنشن وبنقرا اللون خلال ثواني سريع رخيص سهل لكن اقل دقه من البي اتش ميتر وبرده سبجكتيف معتمد على عينين اللي شغال. بس خلاص يا سيدي انا خلصت حلقه النهارده اضغط لايك لو عجبك المحتوى وشارك المحتوى لغيرك علشان تفيده واشترك في القناه لو مش مشترك ايها الساده سلام.
