[0:00]Coding kaise sikhna hai 2026 mein? Is video mein main jobs par focus karunga aur aap logon ko is POV se bataunga ki jobs ke liye 2026 mein agar aap logon ko coding sikhna hai to kaise sikhoge?
[0:12]2026 mein AI domination dekho aagaya ye aapko baat meri manni padegi. To strategies mein kya change karna hoga ye bataunga aur aap logon se request karunga ki agar aap log ke paas agle 10 minute nahi hai to is video ko mat hi dekhna kyunki half knowledge is very very dangerous.
[0:25]Kuch personal Nobel prompts aap logon ko bataunga jo ki maine develop kiye hain aap logon ke liye. Spoiler alert, main is video mein ye bhi bolunga ki Android nahi karni hai aur is bare mein main discuss karunga kyun nahi karni hai aur bahut sare log mujhe is baat ke liye bash bhi karenge ki yaar ye kya bol rahe ho, lekin yaar dekho, aap log aate ho mere paas sunne ke liye reality, theek hai?
[0:41]Aur main aap logon ko kuch bhi fake nahi batana chahta. Main aap logon ko bookish nahi batana chahta. Jo log kitab mein nahi likh pate hain, jo log chaap nahi pate hain, wo main aap logon ko bataunga yahan par, bilkul ground reality.
[0:50]Ek aisi cheez bhi aap logon ko bataunga jo ki agar aap logon ne apne resume mein daal di to aapki job lagne se aapko koi nahi rok sakta.
[0:56]I can't wait to start this video, let's get started.
[1:03]Main start karna chahunga ye discuss karne se ki coding dead ho chuki hai kya? Coding is not dead. Yes, coding is not dead.
[1:09]Log kehte hain ki coding to ab koi kar hi nahi raha hai AI kar raha hai coding. Bade bade CEOs aake kehte hain ki bhai AI coding karega coding to yaar dead ho chuki hai. Hamari organization mein AI coding karega. Wo software developers bhi hire karte hain. Job posting bhi nikalte hain software developers ki on a daily basis wo ek alag cheez hai. Aise logon ko aapko apna product bechna hai.
[1:28]Claud kabhi nahi kahega Nvidia kabhi nahi kahega aapse ki coding dead nahi hui hai. Wo kahenge coding dead ho chuki hai. Hamare GPU kharido coding karvao. Claud kahega Claud ka subscription le lo coding karvao. Even Open AI bhi yahi kahega ki bhai hamara Code X kharid lo coders ko mat hire karo us paise se hamara Code X kharid lo, hume de do paise.
[1:44]To samjh rahe ho aap log swarth juda hua hai in logon ka tab aapko bol rahe hain jhoot. Yahan par main aap logon ko reality batane aaya hun.
[1:48]2010 mein India mein 1 se 1.5 million developers hote the. Ye number 2023 mein 4 se 7.5 million tak pahuncha. 2025 mein 10 million aur yahi 2030 mein projected hai to reach 15 million.
[2:00]To matlab developers ki sankhya badhti ja rahi hai aur code jitna chahiye is duniya ko uski demand bhi badhti ja rahi hai aur acche code ki hum yahan pe baat kar rahe hain hum log wo AI slob ki baat nahi kar rahe hain.
[2:09]Main yahan par AI ki burai nahi kar raha hun uske bare mein main baat karunga end mein bas main aap logon ko reality bata raha hun ki hype kitni hai reality kitni hai.
[2:14]India mein to coding ka craze badhta hi ja raha hai. India is now the fastest growing open source community on GitHub and largest open source hub globally.
[2:22]Even India is projected to overtake US in the global developer population.
[2:26]Global software development industry abhi billions of dollars ki hai aur ye aane wale time mein trillions of dollars ki ho jayegi 2030 tak. Yes you heard that right, T for Trillions.
[2:35]To coding dead ho chuki hai ye to apne dimag se ekdam nikal do. Ab baat karte hain what exactly is coding? Agar aap ek beginner ho aapne kabhi coding nahi kari hai main aap logon ko batata hun coding hoti kya hai isse achieve kya hota hai.
[2:44]Coding at the end of the day computer se baat karne ka tarika hai. Jaise agar mujhe aapse kuch kehna hai to main aapse Hindi mein kahunga, English mein kahunga, aapko Spanish aati hai to Spanish mein kahunga, Tamil mein kahunga, Telugu mein kahunga. Ye languages ka main prayog karunga.
[2:54]Lekin jab baat aati hai computers ki, computers bhasha samajhte hain numbers ki aur uske liye hume programming languages sikhni padti hain taki hum computer ko exactly precisely bata sakein ki bhai sahab mujhe ye kaam karvana hai.
[3:05]Computer se directly kisi bhi form mein hum ye nahi keh sakte ki yaar mujhe ye chahiye, mujhe wo chahiye. Computer requirement nahi samajh sakta.
[3:11]Ha hamare paas AI models hote hain abhi bahut sari cheeze ho jati hain but again wo itna perfect nahi hota hai jitna use aapko dikhaya jata hai.
[3:17]Ha bahut sari cheeze aisi hoti hain jo ki AI easy kar deta hai, AI help karta hai. AI is definitely a thing. Aane wale time mein rehne wala hai aur ek bahut accha tool banne wala hai logon ke liye. But computer se directly baat karne ke liye aapko programming language sikhni padegi aur yahi hai coding, programming language sikhna, programming languages likhna taki computer se vartalap kiya ja sake, matlab computer ko bataya ja sake ki use kya karna hai.
[3:38]Ab yahan par bahut sare logon ka sawal hota hai ki yaar mere paas to computer science ki degree nahi hai to main kaise coding karunga aur main is cheez ko address karna chahta hun.
[3:44]Degree is useful ha bilkul agar aap IIT se hain, NIT se hain. Main personally IIT se hun aur main kai cheeze sirf isliye kar paya kyunki main IIT se hun.
[3:51]Ab main yahan par ye nahi keh raha hun ki agar aap IIT se nahi hai to bekar hain. Main bas aapko ye batana chahta hun ki degree kisi bhi level pe, chahe aap Tier 2 se hon, Tier 3 se hon, IIT se hon, NIT se hon, kisi bhi college se hon aapki degree aapko help zarur karegi. But having said that, agar aapke paas degree nahi hai iska matlab ye nahi ki aap bekar hain. Aap apni skill se definitely cover up kar sakte hain.
[4:08]Aur cover up bhi mujhe word use nahi karna chahiye kyunki aap log definitely bahut accha kar sakte hain.
[4:13]Now speaking of degrees and skills yahan par main aap logon ko Peter Steinberger ka example dena chahta hun. Unhone Open Claw ko banaya.
[4:19]Aur yaar Open Claw ko banane ke baad wo itna popular ho gaya ki unko Open AI ne hire kar liya.
[4:25]Sutron ke anusar wo ek bahut hi normal se developer the lekin unko 1.5 million dollars se bhi zyada compensation mil sakta hai Open AI mein.
[4:33]Ab main personally Open Claw ko bahut zyada admire karta hun aur main isko use kar raha tha aur iske liye maine liya tha Bluehost ka VPS.
[4:39]I would like to thank Bluehost for sponsoring this video aur agar aap log ek VPS personally rakhna chahte hain jo ki in my opinion aap logon ko zarur rakhna chahiye then you can go with Bluehost.
[4:49]Kyunki ek VPS rakh kar aap log experimentation kar sakte hain aur bhi aisi bahut sari cheeze aap log kar sakte hain ek VPS ke andar. Basically cloud pe ye aapka ek computer hai, ek server hai jo ki aapke personal computer se alag hai. Yani ki aap ispe experiment vagerah kar sakte hain.
[5:02]Main apne VPS pe Open Claw run karta hun aur ek nahi multiple VPS run karta hun jisme main alag alag cheeze kar raha hota hun.
[5:07]Kuch do week pehle mujhe ek self hosted full stack application deploy karni thi aur uske liye maine Bluehost ka VPS liya tha and the performance was amazing.
[5:16]Ab VPS ki ek sabse badi khasiyat ye hoti hai ki ye shared hosting ki tarah jugaad wala bilkul bhi system nahi hai. Yahan par aap logon ko ek pure physical server ka full control milta hai.
[5:25]Ye apne aap mein ek self managed infrastructure hota hai aur resources aap logon ko allocate hoti hain. Bluehost ki services kafi badhiya hain.
[5:32]Aur ye top notch VPS up time ke saath aata hai. Ek aur sabse badi khasiyat Bluehost ki VPS ki ye hai ki jaise jaise aapka workload badhta jata hai, aapki application scale karti jati hai aap bahut hi seamlessly and easily apne same server ko upgrade kar sakte hain.
[5:43]Agar aap log backend services, automation systems ya fir scalable technical projects karna chahte hain, Bluehost is highly recommended.
[5:50]Main description mein aap logon ke liye Bluehost ki details daal dunga aur aap log Bluehost ko check out zarur karna.
[5:56]Ab wapas aate hain apne degree wale mudde par. Bahut sare log jo degree kar rahe hote hain jaise civil engineering ki, mechanical engineering ki, unko computer science mein interest hota hai. Wo kehte hain yaar hum dropout kar denge. Bill Gates ne bhi to kara tha.
[6:04]But aapko aisa nahi sochna hai. Dekho, aap exceptions ko dekh kar decision mat lo. Aapko outliers ko dekh ke decision nahi lena hai. Aap apne scenario mein dekho ki aap kya kar sakte ho, kya nahi kar sakte ho, kya karke kya hoga, kya aapki position mein outcomes honge?
[6:16]Aapke parents ne shayad bahut sara paisa kharch karke aapko college bheja hai, unka dil tutega, aap mentally kafi disturb ho jaoge dropout karne ke baad, pressure badhega, aap jo startup soch rahe ho shayad wo chale na chale, shayad coding aap kar pao na kar pao.
[6:27]Aaj aapko lag raha hai aap kar paoge, do saal baad kya pata cheeze change ho jayein. To hamesha agar aap log college mein ho to main by default ye advice deta hun ki degree to complete karo bhai apni.
[6:35]Itna hi aap logon ko coding sikhna hai to college ke dauran aap coding karo. Maine itne sare videos bana rakhe hain aap logon ke liye unko dekho. Wo definitely help karega aapko.
[6:43]Ab baat karta hun freelancing ki. Jab main yahan tak aaya hun to freelancing ki baat bhi karunga. Bahut sare log kehte hain ki yaar hum freelancing karke paise kama lenge. Main un logon ko bhi ye advice karta hun ki aap log agar CS degree kar rahe ho apni degree poori karo. Agar aap koi doosri degree kar rahe ho apni degree poori karo uske baad hi ek accha skill set lene ke baad job market mein utarna ya main kahunga ki paise kamane ke liye utarna.
[7:01]Zara socho aap 4-400 rupay ki jo hai Fiverr gigs kar rahe ho. 400 rupay mein aaj kal kya hota hai? 500 rupay mein kya hota hai? 2000 mein bhi kuch nahi hota hai. Nahi hota hai. Main yahan par koi rich talks nahi kar raha hun. 2000 mein kuch nahi hota hai aaj ki tarikh mein. Aap itna time waste karke apna wo time jo ki shayad aap kuch acchi skills sikhne mein laga sakte the waste karke agar aap log jaakar Fiverr mein 2000 rupay chase karoge, 400 rupay chase karoge to jo aapka bada target hai wo shayad achieve na ho paye. Isliye freelancing bhi main early mana karta hun.
[7:25]Shayad aapki 20 lakh per annum wali naukri aapko na mil paye just because aapne freelancing kari. To kul mila ke kehne ka matlab ye hai short term thinking mat rakho, long term thinking rakho.
[7:33]Ab start kahan se karna hai? Ye bahut bada sawal hai logon ke dimag mein. Sabse pehle pick a programming language.
[7:38]Agar aap log college ke first year mein hain, apki CC++ Java jo bhi padhai ja rahi hai is good enough. Python bhi padhai ja rahi hai, it's good enough.
[7:43]Varna aap Python choose karo agar aap log let's say working hain, aap ek civil engineer hain, aap transition karna chahte hain ek aisi job mein jo ki aapko software aur tech ki taraf lekar jaye to aap log choose karo Python kyunki ye simple hai. Main aap logon ko direct language ka naam bata raha hun. Maine videos bana rakhe hain Python ke.
[7:59]Aap mera Python ka video check out kar sakte ho. Nahi to main aap logon ke liye description mein aur resources dal dunga Python sikhne ke liye. Aap bahut acchi tarah se Python sikh sakte ho.
[8:08]Ab agar aap log web development mein bahut zyada interested ho to Python nahi JavaScript choose karna. Kyunki JavaScript is a language jo ki aap logon ko web development ki taraf lekar jayegi.
[8:16]Agar aap log AI, machine learning, data science ki taraf jana chahte hain to main kahunga Python is good. Wo aapko machine learning, AI aur data science ki taraf lekar jayegi.
[8:25]Even agar aap data analytics ki profile par bhi jana chahte hain, yani ki aap logon ko data se insights nikalna pasand hai to aap log definitely Python ka istemal kar sakte hain.
[8:32]Aaj ki tarikh mein agar aapko thoda bahut bhi Python aata hai, main ye nahi keh raha hun ki aapko thoda bahut sikhna hai, main ye keh raha hun agar aapko thoda bahut bhi Python aata hai AI ki madad se aap log kafi kuch cheeze kar sakte ho.
[8:40]Main kahunga thoda bahut Python aana is much much much much much better than Python bilkul nahi aana aur ye aap logon ko pata chalega jab aap thodi si Python sikh loge to.
[8:47]Maine personally apne data analytics course mein Python cover kiya hai aur maine wahan par bola hai ki bhai ye AI powered Python hai. Main aap logon ko jo hai shuru se nahi bataunga bahut zyada concepts nahi bataunga bas itna bataunga ki aap data analysis kar pao and people are loving it.
[8:58]Ab ek bar aapne basic programming language seekh li. Maine aap logon ko bola ki JavaScript bhi seekh sakte ho, Python bhi seekh sakte ho. Bilkul confuse ho to Python pakadna. Agar aapke college mein CC++ Java sikhayi ja rahi hai to wo aap log pakad sakte ho.
[9:08]But the thing is ki ek bar aapne programming language seekh li to ab aap apna jo set path hai wo chun lo.
[9:14]Main aap logon ko at a very high level batata hun ki kaun kaun se paths aap chun sakte ho. Sabse pehla hai web developer. Aap ek web developer ban sakte ho.
[9:21]Aur un logon ki baton mein bilkul mat aao jo kehte hain ki web development is dead, front end is dead, back end is dead. Nothing is dead. Humans karenge sari cheeze AI tools ko use karke. AI ko as a leverage use karoge aap log aur bahut acche acche websites banaoge. Basic websites AI bana deta hai.
[9:35]But jahan baat aati hai ek scalable system banane ki, ek accha design banane ki, cut to cut cheeze karne ki jo ki aapka client bol raha hai ki bhai mujhe ye cheez aisi chahiye. Kya aap bana sakte ho? Aapko banana padega as a human. AI directly nahi bana payega.
[9:47]To web development aap log chun sakte ho, future bahut accha hai. Doosre path pe aata hun. Python, Data Science, AI. Agar aap logon ne Python seekha hai, Data Science aur AI ki taraf aap log move kar sakte ho.
[9:55]Ye path web developer wale path se ekdam alag hai. Teesre path ki baat karta hun. Teesa path hai C, C++, Java seekh kar aap log DSA ki taraf ja sakte ho aur ye aap logon ko help karega to crack companies like Google, Facebook jahan par DSA pucha jata hai.
[10:10]Aur agar aapse koi kehta hai ki yaar DSA nahi hai ab accha AI aagaya hai, they don't know what they are talking about. Seriously they don't know what they are talking about. DSA aapko sikhaya jata hai aapki thinking ability, aapki analytical ability, aap kaisa soch sakte ho, kitna efficient program likh sakte ho ye sab judge karne ke liye, aapko judge karne ke liye.
[10:26]DSA aapse isliye nahi pucha jata hai ki aapse exactly wahi algorithms likhwaye jayenge, wo algorithms to shayad AI bhi likh dega, but aapki ability ko check karne ke liye aapse pucha jata hai.
[10:34]Jis tarah se JEE mein pucha jata hai physics, chemistry, maths, kuch cheeze aisi bhi puchi jati hain jo ki yaad karni padti hain aapko. Kyun puchi jati hain? Aapki ability ko check karne ke liye.
[10:44]To ye ho gaya hamara teesra path jahan par hum log prepare karenge CC++ Java along with DSA. Ab chautha wala path jo hai wo bahut interesting hai.
[10:50]Aur ye hai AI powered developer wala path. Now meri baat ko bahut dhyaan se sunna aur agar aap log is path pe ja rahe ho to aap log first three paths ko sabse pehle zarur consider karna.
[11:00]Main aap logon ko ek bahut badi warning de raha hun. Agar aap log coding karte karte ek aisi stage mein aa jate ho and genuinely ek aisi stage mein aa jate ho jahan par aapko lagta hai ki mujhse coding nahi ho pa rahi hai, mujhse kuch ho nahi pa raha hai, mujhe ab ye field chhodni padegi. Chhodne se accha aap ye wala path pakad lo.
[11:13]Ab ye cheez aapko koi nahi batata hai. Dekho, aap yahan par meri brutally honest advice sunne ke liye aate ho isliye main aap logon ko ye advices bhi de raha hun. Agar shayad koi book likhe ya fir safe khelna chahe to ye advice dega bhi nahi. But main aapka bhala chahta hun isliye aapko ye advice de raha hun.
[11:25]Chautha wala jo maine yahan par aap logon ko path bataya wo hai AI powered developer ka path. Yani ki thodi bahut Python jo aapne sikhi hai usko use karke aap data analytics sikho, Excel sikho. Excel is really simple.
[11:34]SQL sikho. SQL is really simple agar aap log AI ka istemal karo to SQL bahut simple hai. Aur isliye maine aap logon ke liye ek data analytics course bhi banaya hai jisme maine exactly ye cheez batayi hai. Kaise aap log apni SQL ki knowledge ko amplify kar sakte ho using AI. Excel maine yahan par bahut acche se padhaya hai. Python maine sirf itna padhaya hai jitna aap logon ko AI ke through leverage lekar dhamal machane ke liye istemal hoga.
[11:53]And then we have also covered a lot of other things. So usko aap log description mein check out kar sakte ho. But again, is wale path ko agar aap log choose kar rahe ho to aapko bahut zyada careful hona hai.
[12:02]Ab main ye nahi keh raha hun ki aap data analytics sikho agar aap logon se kuch nahi ho raha hai. Main ye nahi keh raha hun, data analytics ek bahut accha path hai. Main ye keh raha hun ki agar aapse pehle teen path ho hi nahi pa rahe hain to aap is chauthe wale path par move kar sakte ho and cheeze aapko bahut acchi feel hongi.
[12:15]Ab main aap logon ko batata hun ki Android development ka naam maine yahan par kyun nahi liya. Dekho, main Android development bhi aap logon ko bol sakta hun. Main aap logon ko bataunga agar aapko bahut zyada interest hai to aap kar sakte ho aisa main nahi keh raha hun ki nahi karna hai.
[12:25]But most of the people I know jinhone Android development kiya early stage mein ya to wo us level par pahunch nahi paye jis level par wo pahunchna chahte the. Main yahan par most of the people ki baat kar raha hun. Bahut controversial statement de raha hun aur bahut sare logon ko shayad accha bhi na lage, log shayad comment mein bhi likhne aa jayein ki yaar ye kya bata rahe ho yaar ye kya bata rahe ho.
[12:40]Main aapko reality bata raha hun aapka time bachane ke liye. Agar aap college mein ho, Android development tabhi karna jab aap usko bahut acche se seekh pao.
[12:47]Agar aap paanch che apps nahi bana sakte, utna patience nahi hai aapke andar, matlab aap itna Android development nahi seekh sakte ki aap paanch che aath apps bana lo, acchi wali apps ki baat ho rahi hai yahan par. Hawa mein main apps ki baat nahi kar raha hun ki yaar aapne ek button bana diya hai jo ki ek toast dikhata hai hello aur aapne taali baja di ki wow maine to app bana li.
[13:03]Wo wali apps ki baat nahi kar raha hun main, main useful acche design wali apps ki baat kar raha hun. Agar aap wo nahi kar sakte, utna patience nahi hai, aap utne dedicated nahi ho to aapka time hone wala hai waste. Main aap logon ko bahut hi brutally honest advice yahan par de raha hun.
[13:14]Agar aapko Android development pura shuru se akhir tak nahi karna to aap mat karo. Aisa mat karna ki morning web dev kar rahe ho fir DSA kar liya, thoda sa Android dekh liya ki bhai apps to badi acchi lagti hain sabko banana ki bhai meri app hogi, main Play Store pe dalunga, ye karunga.
[13:28]Ye to kuch negative cheeze bol di maine Android development ke bare mein. Ab kuch positive cheeze bhi bolta hun. Agar aap really interested ho to Android development ek accha career bhi option ho sakta hai aap logon ke liye. Kyun? Kyunki ek aisi cheez hai jo ki rare skill hai.
[13:39]But rare skill isliye hai kyunki isko sikhna thoda sa, matlab main depth mein keh raha hun ki sikhna thoda sa mushkil ho jata hai.
[13:44]And companies hire karti hain aise developers ko hi jo ki bahut acchi tarah se Android development jante hain. To aapke hire hone ke chances kam honge agar aapne thoda bahut basic level ka seekha hai to.
[13:54]Here and there outliers aapko zarur dekhne ko mil jayenge ki bhai internship kari kisi company mein fir usne wahan par sikhna shuru kar diya aur fir wahan par wo Android developer ban gaya. But again, success rate maine personally bahut kam dekha hai Android developers ka. Isliye aap logon ko ye baat bata raha hun. But that doesn't mean ki aap Android development nahi kar sakte. Android development definitely ek bahut acchi skill hai.
[14:12]And demand bhi hai is cheez ki and aap log AI ke through bhi Android development karoge to aap kafi aage ja sakte ho. But agar aap college mein ho, you want jobs, you want good salary, you want sure shot salary, aapko apna time waste nahi karna hai to main shayad isko ek last option ke rup mein rakhunga.
[14:30]Brutally honest advice meri taraf se. Aur ek aur advice aap logon ko ye dena chahunga ki aap log short term ki planning karo. Dekho, long term planning aap logon ko bahut log batate hain, main kahunga short term ki planning karo.
[14:37]Ye mat socho ki yaar main ye karunga, main ek bahut bada founder ban jaunga, main karodon rupay kamaunga, ye sab mat socho. Aap ye socho ki agle ek ghante mein kya karoge aap us goal ko achieve karne ke liye. Wo to goal hai. Ek ghante mein kya karoge aap? Agle do din mein kya karoge? Kal ka kya plan hai? Kal kya karna hai aapko? Ghoomne jaoge? Nahi.
[14:51]Aap main ye nahi keh raha hun ghoomne nahi jana hai by the way. Main bas aapse ye keh raha hun ki apna jo short term ka plan hai usko bahut clear rakho ki yaar is week mujhe ye ye ye ye cheeze done karni hai. Ghoom bhi sakte ho, enjoy bhi kar sakte ho thoda bahut. Main bas ye keh raha hun ki short term plans banao taki aapke long term goals acche se hit ho payein.
[15:06]Ab baat karte hain AI ki. Dekho AI ka simple sa funda ye hai ki AI ek auto complete on steroids hai. Aapko bahut sari cheeze aisi mil jayengi dekhne ko jo ki aapko AI cut to cut generate karke de dega aur aapko lagega wow ye to yaar bahut hi acchi cheez hai.
[15:19]Lekin bahut sare log jo galti karte hain wo ye hai ki wo overuse karte hain AI ko aur prompt hell mein fas jate hain. Prompt hell ka matlab ye hai ki wo prompt karte jate hain, kehte hain ye fix karo, ye fix karo, ye fix karo, ye fix karo.
[15:28]Expect ye karte hain ki AI kar de sara kaam hum to bas prompt likhenge, ye galat thinking hai. AI ko ek leverage ki tarah istemal karo, replacement of thinking ki tarah istemal mat karo. Aapka dimag aapka dimag hai, uski sochne ki capability bahut zyada hai. AI kabhi replace nahi kar sakta aapki sochne ki ability ko.
[15:43]Ab aap log AI ko learning ke liye istemal kar sakte ho aur main personally kuch in prompts ka istemal karta hun jo ki aap log screen par dekh sakte ho. Screenshot kar lo inko and aap AI ki hi madad se inko likhwa bhi sakte ho dubara, matlab aap screenshot lo aur screenshot AI ko do, bolo is prompt ko likh kar do aur us prompt ko aap log use kar sakte ho.
[16:00]To ye kuch prompts hain jo ki personal learning mein main istemal karta hun and bahut acche kaam karte hain mere liye. Ab baat karenge Git aur GitHub ki. Aapka Git and GitHub aisa hona chahiye ki dekh kar samne wale ko lage wow.
[16:09]Aapki repositories kuch aisi repositories honi chahiye jinhone kuch real world problems ko solve kiya hai na ki simple to do list, e-commerce app. Ha, e-commerce app bhi agar aapne khud se nahi banayi hai, ek badi problem solve karke nahi banayi hai to main usko nahi manta ek accha project hai wo.
[16:22]Interview ko yehi lagega ki yaar isne AI se generate kiya hai ya dhire dhire AI se generate karke banaya hai aur wahan par shayad aap logon ko utna zyada importance na diya jaye.
[16:30]Ab main seedha mudde par aaunga ki paise kaise kamane hain. Aap log eventually paison ke liye hi, matlab isme kuch galat nahi hai yaar. Paiso ke liye hi bahut sari cheeze karte ho, matlab paisa is one of the reasons ki aap coding seekh rahe ho taki aap kaam karo aapki life acchi ho aapka lifestyle accha ho, thode paise aap kamaoge to accha hi lagega aapko aur shayad tabhi aap log isko continue bhi rakh paoge.
[16:49]To paise kamane ka sabse pehla tarika hai job. Jee haan, traditional job aur bahut acchi tarah se aap log market mein apne aap ko utar sakte ho with some good skills aur aapko definitely job milegi.
[17:00]Iske liye aapko sabse pehle apna LinkedIn bahut acchi tarah se banana hai. LinkedIn aajkal har koi check karta hai. Aapko apna ek accha resume banana hai jo ki dekh kar hi pata chale ki aapne definitely kuch accha kaam kiya hai.
[17:10]Aapka resume chillla chilla kar ye bole ki aap ek problem solver ho, aapne problem ko solve kiya hai. Fir chahe aap AI ka use karte ho, kitna use karte ho, darna nahi hai interviewer ko batane mein ki yaar main AI use karta hun. Aap AI use karte ho usko sunkar accha hi lagega.
[17:23]Ek acchi job pane ke liye aapka resume, GitHub aur LinkedIn ye teenon bahut acche hone chahiye aur chilla chilla kar ye teenon ek hi baat bolein ki aap ek problem solver ho. Agar aapne past mein koi problem solve kari hai aur aap wo apne resume ke through, GitHub ke through ya fir LinkedIn ke through dikha pao, isse acchi koi baat hi nahi hai.
[17:38]Ab kuch aur tarikon ki baat karte hain jisse ki aap log paise kama sakte ho. Ek tarika hai freelancing. Aur is cheez ko bahut sare log misunderstand karte hain.
[17:48]Sabse pehle aap logon ko batana chahunga ki agar aap log freelancing kar rahe ho to you have to be sure it should be worth it. Agar aap log 200, 400, 800 rupay kama rahe ho main use freelancing nahi manta. That's not something you should be doing.
[17:57]Aap agar apne college ka time waste karke skill kharab karke freelancing kar rahe ho that is not something I recommend. Lekin ha aapko definitely acche clients milenge through GitHub, maybe through Reddit, matlab aisi aisi atrangi jagah se client mujhe mile hain main aapko bata nahi sakta.
[18:08]Aapko Facebook groups se mil jayenge clients. Aapko referral se mil jayenge clients, jaise ki aap approach kar sakte ho logon ko ki yaar main aapki ye problem solve karunga. Ab again ye sunne mein bahut fancy lagta hai. It's really really difficult to get clients this way. Main aapko bata raha hun pehle hi. But aapko try zarur karna chahiye, dekho try karne mein kuch nahi jata hai.
[18:24]Approach people, approach businesses. Shayad aapko wahan se aapki ek bahut badi freelancing gig mil jaye. Fir iske baad ek aur tarika hai paise kamane ka, build problem solving tools.
[18:33]Websites ho sakti hain, apps ho sakti hain and kitni bhi simple ho sakti hain, simple se simple app ho sakti hai. Ha jitni simple hogi utni jaldi copy hogi. But again aap log market mein apne aap ko pehle utar sakte ho.
[18:42]Try building some good app, try building some good websites na ki isliye ki aap log paise kamao. But usko end to end karo. Agar ek app bana rahe ho to aap usko Play Store tak lekar jao. Agar aap ek website bana rahe ho to usko aap log host karo, uska link bahut acchi tarah se share karo jagah jagah aur bahut acchi tarah se uske home page vagerah ko setup karo. It should be working. It should be a great product overall.
[19:01]To ye tha mera quick advice aap logon ke liye agar aap log coding sikhna chahte ho. Maine is channel par bahut sare videos aap logon ke liye bana rakhe hain aur agar aap log mujhe nahi jante hain to definitely aapko is channel ko check out karna chahiye aur mere kuch aur videos dekhne chahiye. I hope aaj ka video aap logon ko accha laga. Thank you so much guys for watching this video and I will see you next time.
