[0:00]أهلاً بكم اعزائي المتابعين، معاكم الدكتور تامر. كنت عملت فيديو قبل كده زمان عن الاختناق اللي ممكن يحصل أثناء الاستحمام، لما واحد يجي ياخد دش بسخان غاز.
[0:10]فممكن يحصله اختناق بغاز أول أكسيد الكربون، وممكن الموضوع ده لا قدر الله يؤدي إلى الوفاة. وغاز أول أكسيد الكربون ده غاز ملوش لا طعم ولا لون ولا ريحة.
[0:23]وبينتج من الاحتراق الغير كامل للمواد أو الوقود العضوي، يعني أي مادة عضوية بنزين، غاز، فحم، أي حاجة عضوية بتحترق في مكان الأكسجين فيه قليل، بيحصلها احتراق غير كامل، وممكن ينتج عنها غاز أول أكسيد الكربون ده اللي هو غاز سام جداً وممكن يؤدي إلى الوفاة.
[0:45]والتسمم بالغاز ده اللي هو غاز أول أكسيد الكربون ممكن يحصل زي ما قلنا أثناء الاستحمام بسخان الغاز لفترات طويلة زي ما قلنا في الفيديو هناك تقدر تشوفه وهسيب لك الرابط بتاعه تحت.
[0:58]أو مثلاً لو ناس بتشوي على فحم في مكان مغلق، ممكن تلاقي الناس كلها بدأت تصدع وبدأت ترجع كلهم مع بعض فده تسمم بغاز أول أكسيد الكربون.
[1:13]أو في الحرائق حريق في شقة مثلاً أو حريق في مصنع أو الناس اللي بتشغل العربيات في الجراج في مكان مغلق أو يشغلوا التكييف أو مولدات الكهرباء اللي بتشتغل بالبنزين مثلاً أو بالجاز.
[1:28]فأنا عملت الفيديو اللي فات كان فيديو للناس كلها عشان نحذرهم من الموضوع ده وتقريباً في بداية كل شتاء بنشره من جديد.
[1:37]لكن قررت أعمل فيديو جديد بتفاصيل أكثر شوية وجزء خاص للأطباء إزاي بنتعامل مع الحالات دي في الطوارئ. وما تنساش في البداية اعمل لي لايك للفيديو.
[1:52]النقطة الأولى اللي حابب أوضحها هو إن لما نقول عيان حصله تسمم بغاز أول أكسيد الكربون وهو بيستحمى بسخان الغاز مش معناها إن في تسريب غاز عنده في الشقة.
[2:04]لو جبنا فني أو سباك بعد كده يشوف الغاز هيقول لك يا بيه الوصلات كلها سليمة. إحنا مش بنقول تسريب غاز، إحنا بنقول الغاز ده بيحترق في مكان سيء التهوية مفيش فيه أكسجين كتير
[2:18]فينتج غاز ثاني اللي هو أول أكسيد الكربون اللي لا له طعم ولا لون ولا ريحة، فإحنا مش نقصد الغاز الطبيعي أو الغاز اللي في الأنبوبة.
[2:29]النقطة الثانية هي إن لو أنت دكتور وجالك في الاستقبال عيان أنت شاكك إنه عنده تسمم بغاز أول أكسيد الكربون.
[2:39]طبعاً التاريخ المرضي هيفيدك كتير يقول لك مثلاً كان بيستحمى وبعدين أغمى عليه وهو بيستحمى أو كان مولع خشب ودخله معاه الأوضة عشان يتدفى ونام وساب الخشب أو ساب الفحم ده وهو مولع.
[2:51]فبالتاريخ المرضي أنت شاكك في تسمم بأول أكسيد الكربون في الحالة دي تديله أكسجين فوراً ولا تعتمد على البلس أكسيميتري.
[2:59]يعني الجهاز اللي بيقيس الأكسجين ده هيديك قرايات طبيعية لأنه مش بيفرق بين الهيموجلوبين اللي عليه أكسجين والهيموجلوبين اللي عليه أول أكسيد الكربون بنقول عليه في الوقت ده كاربوكسيلتد هيموجلوبين.
[3:15]الجهاز ده البلس أوكسيمتري ده مش هيفرق وهيديك إن الأكسجين طبيعي في العيان ده على الرغم من إنه عنده سيللار هايبوكسيا عنيفة يعني عنده نقص أكسجين على مستوى الخلايا بشكل عنيف.
[3:28]فلو أنت شاكك أدي أكسجين فوراً زي ما هنقول في العلاج وما نعتمدش على البلس أوكسيمتري.
[3:38]لو جينا نتكلم عن أضرار غاز أول أكسيد الكربون، فمبدئياً الغاز ده لما الإنسان بيستنشقه ممكن يسبب ضرر أو تلف في الرئة مباشرة.
[3:49]النقطة الثانية إنه بيعبر إلى الدم وبيرتبط بالهيموجلوبين وبالمناسبة هو ارتباطه بالهيموجلوبين أقوى حوالي 250 مرة من الأكسجين العادي.
[4:02]فبالتالي بيقوي بنفسه بقوة شديدة جداً جداً وبيسبب نقص أكسجين لأجهزة وخلايا كتير في الجسم خصوصاً الجهاز العصبي المركزي والقلب.
[4:11]يعتبر دول أكثر جهازين بيتأثروا بسرعة بالتسمم بأول أكسيد الكربون.
[4:18]ولما نيجي نتكلم عن العلامات، الأعراض العيان هيجيلك بإيه أو الكلينيكال بيكتشر بتاع العيان ده. مبدئياً العيان ممكن يموت بدون ما يشعر بأي أعراض تحذيرية.
[4:29]ممكن العيان يجيلك بكوما يعني يجيلك في غيبوبة لكن في ناس تانية حظها أحسن شوية ممكن يحسوا بصداع غثيان، قيء ممكن يحسوا بدوخة أو دوار وممكن يحسوا بضعف عام في جسمهم.
[4:45]وبالتالي ده بيبقى مؤشر ليهم أو إنذار إنهم يخرجوا من المكان ده ويروحوا لمكان جيد التهوية ويروحوا للمستشفى.
[4:53]في ناس تانية ممكن يجي لها تشست بين أو ألم في الصدر زي ما قلنا هو بيأثر على القلب وممكن يعمل اسكيميا أو قصور في الدورة الدموية اللي رايحة للقلب.
[5:04]كمان ممكن يعمل أريزميا أو اختلال في ضربات القلب، العيان يحصل له بالبيتشن. ممكن واحد ضغطه ينخفض، ممكن واحد تاني يبقى عنده ريتينال هيموريدج أو احمرار في عينه أو مشاكل تانية في العين.
[5:15]ممكن واحد يجيله انكونتنينس يعمل حمام بول على نفسه، ممكن واحد يحصل له بلايندنس ممكن واحد يحصل له أتاكسيا يعني واحد يحصل له عمى أو واحد يحصل له مشاكل في المشي، حاجات زي كده.
[5:27]لكن الأشهر هو الصداع والقيء والغثيان زي ما قلنا.
[5:30]وكان في علامة كده بيقولوا عليها شيري ريد نيل بيدز أو شيري ريد ميوكس ممبرين أو سكين.
[5:38]ويقصدوا بيها إن العيان بيبقى لونه أحمر مزنهر كده يبقى جسمه أحمر، بس دي علامة نادرة جداً وغالباً بتشخص بعد الوفاة يعني في الحالات الشديدة وفي مثل كده بيقول وان يو ار شيري ريد يو ار ديد.
[5:56]لو جينا نتكلم على البروجنوزيس، بروجنوزيس يعني تطور الحالة بتاع العيان، العيان ده سكته هتروح فين؟ هيخف ولا هيموت ولا هيجرا له إيه؟
[6:06]مبدئياً ممكن عيان يجيلك المستشفى وهو ميت أصلاً فده الموضوع انتهى طبعاً هتشتغل عليه CPR وتديله أكسجين بس ما اقصد ممكن يجي وهو في حالة وفاة.
[6:15]ممكن عيان تاني يجي المستشفى وياخد علاجه ويتم شفاؤه بالكامل ويخرج وهو كويس الحمد لله.
[6:23]عيان تالت ممكن يجي المستشفى ويتم علاجه بشكل كويس لكن تبقى آثار عصبية ممكن تستمر معاه مشاكل عصبية لفترات طويلة جداً وممكن تبقى مزمنة.
[6:38]يعني ممكن عيان يبقى معاه آثار بعد كده عصبية زي ديمينشيا الجنون، إمبيرد انتليكتشوال فانكشنز يعني مشاكل في التركيز والذكاء والحاجات دي، سبيتش ديس أوردرز ممكن عيان يبقى عنده مشاكل في الكلام.
[6:50]عيان يحصل له اضطرابات نفسية، عيان يحصل له اكتئاب، عيان يحصل له عمى، عيان يحصل له باركينسونز وهكذا، مشاكل عصبية قد تستمر لفترات طويلة بسبب طبعاً تأثير غاز أول أكسيد الكربون ده على المخ والأعصاب.
[7:07]ودلوقتي بقى نتكلم عن الفحوصات اللي بنطلبها للعيان ده، وفي ملحوظة كده إن إحنا الفحوصات اللي أنا هقولها دلوقتي مش بنطلبها لكل العيانين.
[7:16]يعني في عيان جه بدري وحالته بسيطة وخد الأكسجين وبقى كويس وروح خلاص الموضوع تمام، لكن التحاليل أو الفحوصات اللي هقولها بتبقى على حسب شدة كل واحد وهو جاي.
[7:27]يعني مش لازم كل اللي أنا هقوله ده نعمله لكل مريض، لكن مبدئياً أول تحليل اللي هنعمله هو قياس نسبة كاربوكسيلتد هيموجلوبين يعني الهيموجلوبين اللي مرتبط بغاز أول أكسيد الكربون.
[7:40]وده ليه جهاز خاص أو طريقة خاصة في المعمل سواء كانت العينة أرتريال أو فينوس عينة شريانية أو عينة وريدية. ولو طلعت النسبة من 3 ل 4% في الشخص اللي مش بيدخن يبقى معناها إن الراجل ده اتعرض لغاز أول أكسيد الكربون.
[7:58]أما لو كان بيدخن فلازم تكون النسبة أكثر من 10% وده لأن السجاير نفسها بتحتوي على غاز أول أكسيد الكربون وبتسبب زيادة غاز أول أكسيد الكربون في جسم المريض المدخن.
[8:11]وزي ما قلنا إن غاز أول أكسيد الكربون ده غاز سام وبيسبب مشاكل عصبية فياريت محدش يدخن لأن نسبة أول أكسيد الكربون في جسمكم بتكون عالية.
[8:22]لكن لو النسبة طلعت أكثر من 20% فدي معناها سيفيكنت انتوكسيكيشن يعني كمية كبيرة من غاز أول أكسيد الكربون.
[8:30]وبرضه في ملحوظة إن إحنا مش بنعتمد على نتيجة التحليل في التعامل مع الحالة، ممكن عيان تبقى النسبة قليلة لكن الأعراض شديدة إحنا بنهتم بالكلينيكال أكثر حالة العيان إيه.
[8:43]وزي ما قلنا البلس أوكسيمتري هنا مش هيفيدنا لأنه مش بيفرق بين الكربوكسيلتد هيموجلوبين يعني الهيموجلوبين اللي ماسك فيه أول أكسيد الكربون وبين الأوكسي هيموجلوبين اللي هو هيموجلوبين ماسك فيه أكسجين.
[8:57]هو مش هيفرق فهيديك قراية طبيعية فمش بنعتمد عليه. كمان حتى ال ABG قياس الغازات الشريانية ده برضه مش هيفيدنا لأنه هيقرأ ال PAO2 هيقرأه طبيعي ومش هنقدر نعتمد عليه في الوقت ده.
[9:11]لكن ال ABG أو تحليل غازات الدم الشريانية ممكن يفيدنا في حاجات تانية زي لو في أسيدوزيز مثلاً واللي ممكن يحصل. ونيجي هنا لنقطة إن ال PAO2 اللي هو البارشيال بريشر أوف أكسجين بيكون طبيعي.
[9:27]عشان كده المخ مابياخدش إنذار إن في نقص في الأكسجين. فالعيان لو نايم وساب فحم مولع جنبه وبدأ يطلع غاز أول أكسيد الكربون والعيان ده بدأ جسمه يتسمم بغاز أول أكسيد الكربون.
[9:42]فالمخ بيقرأ إن ال PAO2 كويس فمش بيصحي العيان وبيتركه يموت في سلام. عشان كده بنقول عليه برضه القاتل الصامت مش بيدي إنذار للمريض عشان يصحى.
[9:54]كمان من الفحوصات اللي ممكن نعملها تحليل صورة دم كاملة، ممكن إلكتروليتس وجلوكوز أحياناً بيبقى في هايبوكاليميا انخفاض نسبة البوتاسيوم أحياناً يبقى في هايبرجلايسيميا زيادة نسبة السكر أو الجلوكوز في الدم.
[10:09]وده بيكون في الحالات الشديدة أكثر، ممكن نقيس نسبة اللاكتيت عشان لو في أسيدوزيز بنلاقيها زيادة في الحالات الشديدة برضه.
[10:17]كمان ممكن نحتاج نقيس نسبة سيانايد في الدم وده غاز برضه ممكن المريض يتسمم بيه مثلاً لو في حريق في مصنع.
[10:29]فممكن الناس تختنق بكذا غاز في نفس الوقت، ممكن يطلع غاز أول أكسيد الكربون ويطلع سيانايد ويطلع غازات تانية فممكن الشخص يتسمم بكذا نوع فانت لو شاكك إن في تسمم بالسيانايد اعمل تحليل سيانايد ليفل.
[10:41]ممكن نعمل وظائف كلى BUN كرياتينين وممكن نعمل كرياتين كاينيز لأنه ممكن يحصل مع بعض الحالات حاجة اسمها أتراوماتيك رابدومايولايسيز اللي هو تكسير في العضلات.
[10:54]واللي ممكن يأثر على وظائف الكلى ويعمل فشل كلوي حاد أو أكيوت كيدني إنجري. ممكن نحتاج نعمل العيان بي تي وبي تي تي واي ان ار.
[11:03]ممكن نحتاج نعمل العيان شيست اكس راي أشعة عادية على الصدر في معظم الحالات بيبقى طبيعي مافيهاش حاجة لكن في الحالات العنيفة ممكن نلاقي جراوند جلاس أوباسيتيز ممكن نلاقي بري هايلر هيزنس ممكن نلاقي بري برونكيال كافنج وغيرها.
[11:20]كمان بعض المرضى ممكن نحتاج نعمل لهم سي تي برين سي تي أشعة مقطعية على المخ طبعاً لو كان العيان فيه مشكلة في الوعي بتاعه أو عيان في كوما أو عيان عنده مشاكل عصبية في الأطراف أي مشكلة عصبية من اللي إحنا اتكلمنا عليها.
[11:33]ممكن نلاقي سيريبرال إيديما ارتشاح على المخ ممكن نلاقي فوكال ليجنز وغالباً بتبقى في البيزال جانجليا وممكن العيان يحتاج يعيد السي تي بعد كده للمتابعة وطبعاً ده بيكون مع طبيب المخ والأعصاب.
[11:46]كمان الرنين المغناطيسي أو ال MRI ده أحسن وأقوى بيوريك تفاصيل أدق من ال CT لكن غالباً غالباً بنحتاجه في المتابعة مش في الطوارئ.
[12:00]ودلوقتي نتكلم عن العلاج عيان جالك الاستقبال وأنت شايف أو شاكك أو معاك تاريخ مرضي إنه ممكن يكون عنده تسمم بغاز أول أكسيد الكربون هتتعامل معاه إزاي؟
[12:12]أول حاجة أي عيان طوارئ خلاص حفظناها ABC IV line، أيرواي نشوف الايرواي بتاعه مفتوح ولا بال ع لسانه نعمل له هيد ثلت تشين ليفت ولا لأ.
[12:25]نركب له إيرواي هل هو في كوما فيحتاج نركب له تيوب انتيوبيشن عشان نحمي الإيرواي ولا الإيرواي كويس تمام؟ بريثينج بيتنفس كويس ولا لأ سيركوليشن فيه بلص ولا لأ عشان العيان لو ارست نشتغل CPR فوراً.
[12:39]وطبعاً ال CPR هنا لازم وإحنا شغالين فيه لو كان العيان ارست لازم نحط العيان على أكسجين 100% لأنه السبب هنا الهايبوكسيا.
[12:49]ونركب للعيان بتاعنا IV لاين الكانيولا بتاعتك. بعد كده العيان بتاعنا بنحطه على أكسجين فوراً ودي أهم نقطة في العلاج.
[12:59]نحطه على أكسجين باستخدام نون ريبريثينج ماسك القناع اللي بنقول عليه بالعربي باجي بالمصري كده بنقول عليه باجي لكن اسمه نون ريبريثينج ماسك اللي هو فيه صمامات.
[13:12]وأنا كنت عملت فيديو عن أنواع الماسكات أو الأقنعة دي، تقدر تشوفه عشان تعرف يعني إيه نون ريبريثينج ماسك عشان ده بيدي 100% أكسجين للمريض.
[13:24]ولو نقدر في نفس اللحظة نسحب للعيان المعامل بتاعته يا ريت عشان المعامل ممكن تتأثر شوية بعد كده بالأكسجين اللي إحنا بنديه.
[13:34]لكن طبعاً لا نؤخر إعطاء الأكسجين بأي حال من الأحوال، الأكسجين رقم واحد. كمان ما نحركش المريض كتير عشان نقلل احتياج الأنسجة بتاعته للأكسجين.
[13:48]نخلي المريض نايم ما نحركوش كتير. الأكسجين اللي إحنا بنديه ده بتركيز 100% ده يقلل متوسط عمر أو الهاف لايف بتاع الكربوكسيلتد هيموجلوبين أو الهيموجلوبين اللي ماسك فيه أول أكسيد الكربون.
[14:00]بدل 4 ساعات أو أكثر بيقلله إلى من 30 ل 90 دقيقة. وطبعاً دي حاجة كويسة عشان نقلل تأثير أول أكسيد الكربون على المخ وعلى القلب.
[14:11]لكن في بعض الحالات الشديدة بنحتاج هايبربيريك أكسجين ثيرابي اللي هو أكسجين تحت ضغط عالي وهنتكلم عنه بعد شوية وده بيقلل متوسط عمر الكربوكسيلتد هيموجلوبين إلى من 15 ل 23 دقيقة فقط وده في الحالات الشديدة.
[14:29]فإحنا بندي للمريض بتاعنا الأكسجين اللي هو بتركيز 100% ده لحد العيان ما يبقى اسيمتوماتيك ما عندوش أي أعراض وقياس الكربوكسيلتد هيموجلوبين عنده يكون أقل من 10% يستمر على الأكسجين لحد كده.
[14:45]وفي بعض الأطباء أو بعض الآراء كانت بتقول إن إحنا ممكن نستخدم سيباب لهذا الغرض، إن إحنا نستخدم جهاز السيباب ده بتاع التنفس الصناعي نون انفيسيف ب FO100% لهذا الغرض.
[15:02]وقالوا إن ممكن يدي نتائج أفضل شوية لكن في العموم الشائع هو استخدام الأكسجين 100% بالماسك اللي إحنا قلنا عليه نون ريبريثينج ماسك. لكن زي ما قلنا في الحالات الشديدة هنحتاج العيان يتحول فوراً عشان ياخد العلاج اللي هو هايبرباريك أكسجين ثيرابي.
[15:20]والعلاج بالأكسجين تحت ضغط عالي ده مش موجود في كل مكان فلازم لو العيان حالته شديدة نتصل بالطوارئ ونسأل المكان الموجود فين ونسق معاه فوراً عشان ننقل المريض بتاعنا إليه.
[15:33]وطبعاً المريض هيتنقل بالأكسجين برضه. مثلاً على سبيل المثال في مصر الهايبربيريك أكسجين ثيرابي موجود في جامعة عين شمس، معهد الطيران، مستشفى معهد ناصر، المستشفى الجوي وغيرها.
[15:45]وده بيبقى مكان فيه زي حجرة كده زجاجية بتكفي لشخص واحد وأحياناً ممكن تبقى حجرة أكبر تكفي لأكثر من شخص بيتم فيها إعطاء الأكسجين تحت ضغط عالي.
[15:57]والأكسجين تحت ضغط عالي ده بيستخدم لأسباب أو لأمراض كتير جداً لكن من ضمنها التسمم بأول أكسيد الكربون اللي هو موضوع حلقتنا النهار ده. طب مين هم العيانين اللي أنا هحولهم عشان ياخدوا علاج هايبربيريك أكسجين ثيرابي ده؟
[16:13]لو العيان طبعاً عنده كوما أو ديستربد ليفل أوف كونشينس العيان في غيبوبة مش راضي يفوق على الأكسجين اللي أنا بديه أو اضطراب في الوعي. عيان حصله MI جلطة في القلب أو اسكيميك ECG تشينجز أو حصله اريزميا زي ال VF وعلى فكرة ده أكثر سبب تبع القلب بيؤدي إلى الوفاة هي الفنتريكولار فيبريلاشين الرجفان البطيني.
[16:35]فلو حصل أي حاجة من الحاجات دي برضه العيان يتحول فوراً بعد ما نتعامل معاه طبعاً لو حصل فوكال نيورولوجيك ديفيسيت عيان حصل له زي جلطة إيد ورجل مثلاً ما تحركوش أي مشاكل زي كده.
[16:48]أو لو دكتور المخ والأعصاب شاف الحالة ولقى إن في أب نورمال نيوروسايكاتريك تست ريزالتس يعني عمل الفحوصات بتاعته أو عمل الإكزامينيشن بتاعه لقى في مشاكل عصبية فده برضه يتحول.
[17:01]أو لو من الأساس قيمة الكربوكسي هيموجلوبين التحليل اللي عملناه وطلع كان أكثر من 40% فالحالات دي أول ما يجيلك هتحطه على أكسجين 100% وتنسق فوراً عشان تنقله لمكان فيه هايبربيريك أكسجين ثيرابي.
[17:16]جلسة العلاج في الهايبربيريك أكسجين ثيرابي بتكون حوالي من ساعة ونص لساعتين والمانع الوحيد إن إحنا ما نديش للعيان هايبربيريك أكسجين ثيرابي لو كان عنده أن تريتيد نيموثوركس.
[17:28]يعني عنده تجمع هواء حول الرئة ولم يعالج. ودلوقتي نقول شوية نقط كده هامة للجميع.
[17:39]العيان لو ما تحسنسيش على الهايبربيريك أكسجين ثيرابي فيا إما هو جه متأخر من الأساس يا إما هو معاه مشكلة تانية لازم ندور عليها بالإضافة للتسمم بغاز أول أكسيد الكربون زي ما قلنا مثلاً لو متسمم بغاز السيانايد مثلاً أو يكون معاه ثيرمال إنجري إصابة حرارية أو أي مشكلة تانية موجودة مع العيان.
[18:01]كمان كل ما كانت الحالة سيئة فالعيان ده بيحتاج إلى مونيتورنج و ICU يتحجز عناية مركزة ويبقى تحت مراقبة القلب والدورة الدموية بشكل مستمر.
[18:14]وقد نستدعي طبيب القلب عشان نعالج أي أريزميا موجودة أو أي اسكيميك تشينجز موجودة، وبرضه ممكن نستدعي طبيب المخ والأعصاب لو في مشكلة عصبية موجودة بجانب العلاج بالأكسجين.
[18:28]يعني العيان لو عنده سيريبرال إيديما مثلاً نعمل هيد إليفيشن نرفع رأسه ما يبقاش نايم فلات ممكن ندي له مانتيول وممكن نعمل مودريت هايبرفنتيشن.
[18:38]كمان نقطة مهمة في العلاج إن لو في أسيدوزيز أو حامضية ما نعالجهاش بعنف لأن علاج الأسيدوزيز في الوقت ده ليه تأثير سلبي وكمان تحسين الأكسجين لوحده ممكن يصلح الأسيدوزيز.
[18:51]نقطة مهمة كمان إن لو واحدة حامل فإحنا بنحولها مبكراً إلى الهايبربيريك أكسجين ثيرابي مش نستنى العلامات دي كلها.
[19:00]لأن غاز أول أكسيد الكربون بيعبر إلى الطفل إلى البيبي الجنين في بطنها وممكن يسبب له مشاكل كبيرة قبل الأم بفترات كبيرة فلو واحدة حامل لازم نهتم بيها أكثر ونحولها مبكراً إلى الهايبربيريك أكسجين ثيرابي وما ننتظرش لحدوث كوما أو إن الليفل أو مستوى الكربوكسيلتد هيموجلوبين يبقى أكثر من 40% والحاجات دي.
[19:24]نقطة مهمة كمان إن المريض بتاعنا لو بقى كويس لكن لسه في آثار عصبية فطبعاً لازم يتابعها باستمرار مع طبيب المخ والأعصاب بتاعه. وفي النهاية أحب أشكركم ما تنساش اشترك في القناة واعمل لايك وشير وشكراً لحضراتكم.
