الصيادلة في ايرلندا: تفاصيل التسجيل وفرص العمل - د. مجاهد البدري مازن عبد المطلب

[0:02]بسم الله الرحمن الرحيم، الحمد لله والصلاة والسلام على رسول الله، مرحب بكم أيها الإخوة والأطباء والصيادلة في الحلقة الثانية والأخيرة إن شاء الله في السلسلة.

[0:12]عشان نوري الناس يعني بس الخطوات شنو والأوبشنز الموجودة وكدا وإذا حبيتو إن شاء الله تراجعوا الفيديوهات بتاعت ليجند ولنفهم شنو.

[0:24]هي يعني فيها حلقات بتوضح الحياة العامة في إيرلندا وطبيعة البلد ويعني، هي بتخص الناس اللي عندهم أطفال مثلا، موضوع التوفير والسكن والإشكاليات دي كلها يعني، كلها موجودة إن شاء الله في الحلقات بتاعت الليجند والفاهم شنو.

[0:44]نواصل مع أخونا مازن عبد المطلب لتوضيح زي ما الناس سألت في الظرف شنو زي ما بيقولوا، فهييوضح إن شاء الله المكونات بتاعت الظروف الثلاثة اللي قال إنها بتترسل.

[0:58]من ضمن الإجراءات الأولية عشان تسجل أنت في أيرلندا أول حاجة وقبل الامتحانات بتاعت المعادلة وكدا وبعدها إن شاء الله، وبعد ذاك حيتناول موضوع فرص العمل والوظائف والوظائف كدا إن شاء الله تعجبكم الحلقة.

[1:13]وإذا عجبتكم الحلقة إن شاء الله، تعملوا لايك للحلقة، وتشيروها يعني وتوزعوها على زملائكم والناس بتكون عندها معلومة وخلفية على الحاجات عشان تقدر تتخذ القرارات.

[1:26]والحلقات دي كلها الحقيقة الهدف منها إنه الناس تتخذ قرار على علم وبصيرة يعني الناس تكون عارفة الأوبشنز اتليست.

[1:33]طيب نأسف على رداءة الصوت في المقدمة، ولكن إن شاء الله نواصل مع أخونا مازن تفاصيل الظروف الثلاثة والخطوات بتاعت التسجيل لغاية ما نوصلكم إن شاء الله للامتحان وبعد ذاك.

[1:46]بإذن الله تعالى نتناول موضوع الوظائف وفرص العمل والمجالات المختلفة للإخوة الزملاء الصيدلة في أيرلندا.

[1:56]الصيدلة في أيرلندا مقسمة لقسمين: قسم كلينيكال ممكن تقول عليه، زي جهاز التعبير، وقسم أنداستريال.

[2:08]البروسس دي للناس اللي بتعين الكلينيكال، اللي هو ممكن يشتغلوا في المستشفيات في الصيدليات، يعني أي حاجة أنت بيكون عندك علاقة كونتاكت مع عيان لازم تكون مسجل في بي.أس.أي.

[2:22]بالنسبة للناس اللي بيقدموا لشغل الكلينيكال، ودايرين يخشوا في الباس وي بتاع الامتحان، الورق سهل، الورق مقسم زي ما قلت لك قبيل لثلاثة ظروف.

[2:35]طبعا هنا في السودان أنت بترسل الورق كله أنت، لكن بتكتب المرسل الجهة المفروض ترسلها.

[2:44]الجهة الأولى اللي هو الظرف بتاع ناس المجلس الطبي، المفروض يكون فيه شهادة بتاعت حسن سير وسلوك جديدة، شهادة بتاعت تسجيل دائم جديدة.

[3:01]ديل بتشيلهم بترسلهم عن طريق الدي.اتش.أل وبتكتب المرسل المجلس الطبي السوداني كويس وبتكتب المرسل الجامعة.

[3:11]الظرف الثاني بيكون فيه الجامعة، الجامعة بتكتب فيها بيكون فيها الشهادة بتاعت الجامعة ذاتها، شهادة التفاصيل، المنهج اللي أنت درسته.

[3:26]ونحن قاعدين نضيف دائما عموما إن أنت الشهادة بتاعت الإنجليزي أنا قريت المنهج كله بالإنجليزي كويس.

[3:34]فدي أربعة شهادات أو أربعة متطلبات بتكون قاعدة في الظرف بتاع الجامعة برضه بتعمل له سيل وبترسله عبر الدي.اتش.ال وبتكتب المرسل الجامعة كويس.

[3:48]الظرف الأخير اللي هو ده ظرفك أنت، بيكون فيه أبلكيشن فورم وصور وصورة من الباسبورت صورة من الشهادة الميلاد، صورة من الشهادة الجامعة اللي أنت رسلتها، صورة من الشهادة التسجيل الدائم اللي أنت رسلته.

[4:02]ورقة بتاعت الشاهد بسموه ويتنس سيرتيفيكيت. ورقة حقة القروش إذا أنت قدرت ترسل القروش هنا ولا عندك زول بعد ذاك بيرسل ليك في هناك في المتصل الورق ده أيرلندا، وعندك خيارين.

[4:17]ممكن ترسل تاخد القروش مع الظرف ذاته، أو ترسل الظرف بعد ذاك هم بيضربوا لك يا إما يرسلوا لك عن طريق الإيميل بيقول لك يا أخي نحن القروش ما وصلتنا حتوصل لنا القروش كيف؟

[4:31]إذا عندك زول بره بيدفع عليك والبتاع هم ما عندهم مشكلة، في أي لحظة بيقبلوا القروش من أي جهة ما عندهم مشكلة، كان عملت ماستر دبلوم عملت كورسات عملت الحاجات دي كلها.

[4:46]بتجيب منها صور، كذلك إذا عملت تريننج، إذا عملت شغل والسيفي بتاعتك، فدي كلها بتاخد منها صور وبترسلها كلها في الفورم في الظرف بتاعك الشخصي وبترسله عن طريق الدي.اتش.ال.

[5:00]أول ما توصل الملفات دي بعد أسبوع ماكسيموم كدا ما أكثر من أسبوع بيرسلوا لك إذا أنت استلمت كويس، أو أنهم استلموا الفايلات واستلموا الحاجات دي كلها.

[5:15]بعد ذاك بيتواصلوا معك، دائما إذا كان في حاجة ناقصة بعد أسبوع ثاني أو 10 يوم بيكونوا رسلوا لك إذا احتاجوا لـ.

[5:24]ورقة زيادة مثلا. بياخدوا فترة بتاعت زي شهر كدا لشهر ونص بيدخلوه زي ما قلت لك اللجنة بعد ذاك بيبدوا يتواصلوا معك أنه أنت يور ليجابل بيرسلوا لك زي خطاب أنك أنت.

[5:41]مؤهل أنك أنت تجي تمتحن الامتحان الأول اللي قلت لك عليه ده.

[5:48]فترة بتاعت الشهر ونص دي ما بتكون دائما في أي كونتاكت، حتى اللي أنت رسلته، بيقول لك يا أخي نحن في البروسس الفلاني، أنت يو جاست ويت.

[6:00]بعد ذاك الامتحان ده بيكون في دائما امتحانين في السنة: واحد شهري اثنين ثلاثة أو أربعة في الرينج ده، وواحد في نهاية السنة من 8 9 10.

[6:12]طيب بالنسبة للشغل بتاع التصنيع الدوائي، زي ما أنت قلت يعني البروسس كانت بتاعت الناس اللي هم جايين يشتغلوا كلينيكال.

[6:20]بالنسبة للناس بتاعت التصنيع الدوائي هل عندهم تسجيل معين ولا بيقدموا للوظائف كيف؟ يعني هل بيسجلوا في حتة معينة أول حاجة، وبعد ذاك بيتحصلوا على وظائف كيف؟

[6:33]بالنسبة للناس بتاعت الأندستريال ديل ما عندهم علاقة بالبي.أس.آي، يعني أنت لو أنت صيدلي وتخصصك مثلا تخصص بتاع فارماسيوتكس كويس.

[6:47]يعني الشغل بتاع التصنيع دوائي، فورميوليشن، أناليسز، دراج ديفولوبمنت، فورميوليشن ديفولوبمنت، أي شيء عنده علاقة بالتصنيع، ده ما عنده علاقة بالبي.أس.آي.

[7:00]ده بتجيب شهاداتك وحاجاتك بتقدم طوالي في الإيجن. الحاجة دي بالمناسبة الناس كتير جدا بتغفل عنها، وفي ناس كتيرين جدا في السودان هنا بيشتغلوا وبيعرفوها كويس جدا يعني وعندهم ناس يعني في ناس كتيرين جدا في السودان هنا قروها وما عارفين يطبقوها وين وين ويشتغلوا فيها وين.

[7:37]فأيرلندا من الدول الخات الكلاسفيكيشن بتاع الأندستريال فارماسيست أعلى حاجة من بيسموهم الليستة إيه.

[7:47]ديل بيكونوا عندهم أهم حاجة مرغوبين جدا جدا بتحصل على فيزا سريعة جدا جدا، إذا أخذت عمل ممكن تجيب أهلك وزوجتك كلهم معاك هناك في الطيارة معاك.

[8:00]بيتوك يعني بيدوك أنت أولوية، فبيشجعوك جدا جدا يعني من الناس التوب الأندستريال فارماسست أكثر من الفارماسست الفارماسست العاديين بياخدوهم في الليستة بي، لكن ديل في الليستة إيه كويس.

[8:18]يعني ديل الهايلي سكيل خااتينهم من الناس الطوب اللي دايرينهم.

[8:23]أي زول داير يشتغل شغل بتاع أندستريال ده ما بيحتاج للبي.أس.آي، ده بيقدم طوالي للإيجن. بيعملوا له طوالي في معايين مع شركات وانترفيو وكدا بيكون دائما يعني فرص واسعة.

[8:37]طيب في ناس برضه بتسأل عن الحاجات الأكاديمية مثلا الزول عايز يعمل ماستر عامل يعمل عايز يعمل أي يحضر مثلا ويعمل أي كورسات بعد التخرج من الجامعة وكدا.

[8:49]ديل بيحتاجوا برضه يسجلوا ولا ولا بيقدموا مثلا لجامعات وهل في جامعات معينة بتدرس وشنو الحاجات غالب الحاجات مثلا الكورسات اللي هم بيدرسوها؟

[8:59]الناس اللي بتخش في المجال الأكاديمي ديل خلاص ديل ممكن برضه زي ما ممكن تقول على الجزء الثالث ده ممكن تخش عن طريق الماسترات والدكتوراة والحاجات دي عندهم كمية بتاعت معاهد.

[9:14]كل الآي.تي الانستيتيوت دي أي، قاعدات في كل مدينة: جولواي، في ترالي، في كورك، في دبلن، في في في دونيغال في كمية من حتات، في ووترفورد.

[9:29]ديل كلهم عندهم أي، في عندهم انستيتيوت بتاعت التكنولوجي، فيها فيها كورسات بتاعت صيدلة وكل شغلها دائما الشغل بتاعها شغل بتاع أندستريال.

[9:41]معظم الشغل، لأنه إيرلندا فيها شغل بتاع تصنيع دوائي كبير جدا جدا.

[9:47]طيب نرجع ثاني للقسم بتاع الكلينيكال والسريري اللي هو في المستشفيات والصيدليات إذا كانت كيونتي شوب فارماسيز ولا كمست شوب زي ما أنت قلت ولا يعني برايفت هوسبتالز ولا برايفت فارماسيز.

[10:05]يلا دايرين إنك أنت تدينا إن شاء الله فكرة عن مرتباتهم طبيعة الشغل، ساعات الشغل وكدا والميزات بتاعت كل واحدة فيهم.

[10:14]كلينيكال، فارماسي شوب ولا في المستشفى، المستشفى طبعا ده في مستشفيات خاصة وفي مستشفيات حكومية.

[10:23]المستشفيات الحكومية طبعا زيه وزي باقي القطاع الحكومي دائما بيكون السلاري بتاعه ما أحسن شيئ.

[10:33]لكن الناس بتحبه لأنه فيه تطوير للمهارات بتاعتك، وفيه بوسيبيليتي إنك أنت تمشي لقدام شوية علميا وتدريبيا وكدا يعني.

[10:45]طبعا الناس هناك بيحبوا، طبعا الحاجات هنا، تفكيرهم شوية ممكن يكون مختلف، يقول لك يا أخي أنت بتكون أنت شغال في الحكومة وبتكون عندك تقاعد وبتكون عندك يعني في ميزات إنك أنت تكون شغال في الحكومة.

[11:00]لكن قروشهم أقل من الصراحة من القطاع الخاص، أقل كتير.

[11:05]كويس؟ القطاع الخاص الساعة تقريبا بتطلع معاك بـ من 30 لـ 35 يورو بير آور.

[11:14]كويس؟ ودي قروش كويسة يعني أنت إذا اشتغلت تسع ساعات أو 10 ساعات، ديبين على الصيدلية اللي شغال فيها، بتطلع لك قروش كويسة يعني.

[11:27]كويس؟ ده الرينج بتاع الساعات بره في الصيدليات.

[11:33]كويس؟ غير كدا الناس بتشتغل دائما بعد ذاك بتكون في لوكم تشتغل في الأيام الإجازات دي بيكون الريد بتاعه عالي شوية.

[11:42]فالقروش بالنسبة للصيادلة بره في الصيدليات والشوبس زي ما بيقولوا الكميست شوب ديل قروشهم أحسن وأقوى كويس.

[11:53]ومن أحسن السلارز الموجودة هناك كويس، يعني حتى أقوى من الدكاترة بعض المرات في بتفوتهم عديل في حتات كتيرة جدا جدا كويس.

[12:08]كذلك المستشفيات الخاصة برضه القروش بتاعتهم أقوى من القطاع الحكومي، ففي الناس بالذات الناس البادين حياتهم وجداد في أيرلندا هناك بيحبوا إنهم يشتغلوا في الخاص.

[12:21]حتى بعد ذاك ممكن سنة سنتين يبدوا يخشوا في الحكومي.

[12:25]دي باختصار كدا أمبريف تقريبا الحاجات الأساسية كيف إنك أنت تقدم والحياة هناك كيف والقروش والمتطلبات بتاعت إنك أنت توصل هناك والحاجات دي.

[12:41]طيب في الأخير بنسأل يعني ليه الفرص بتاعت الصيادلة في رندا ممكن تكون متوفرة، والعوامل شنو يعني هل هم خريجينهم بسيطين يعني ولا مستشفياتهم كتيرة؟

[12:53]ولاقدام يعني هل في فرص للناس وكدا؟ الصيدلة صراحة كانت من المجالات اللي كانوا شوية ما قاعد يستقطبون الناس.

[13:06]يعني حتى في الشغل في أيرلندا هناك كان في زي ما بقول لك ركود، لكن الناس بتسافر.

[13:14]أيرلندا ديل معظمهم أولادهم ما قاعد يقعدوا في أيرلندا ذاته، بيسافروا يو.كي بيسافروا أستراليا، بيسافروا أمريكا، بيسافروا كندا يعني عموما يعني كويس.

[13:27]فبيكون دائما فيه نقص هم دايرين.

[13:31]فلكن في الفترة يعني آخر ثلاث سنين ديل بدوا القطاع الحكومي استقطب، لأنه كان في ديفيكت كبير جدا جدا.

[13:40]يعني إذا جيت قارنت عدد المستشفيات وعدد الصيادلة الموجودين فيها ومدى كبرها كويس، ففي ديفيكت كبير جدا جدا حتى كان في زي المنظمة كدا معنية بالكواليتي بتاعت المستشفيات.

[13:55]فكانت رفعت فيري باد ريبورت على النقطة دي، فبدوا يعني زي ما بقولوا الحكومة تستقطب الصيادلة وتشغلهم.

[14:07]كويس، فده ذاته خلق نوع من أنواع الديماند على الصيادلة في في القطاع الخاص لأنه الناس بدت تمشي القطاع الحكومي، فبعد ذاك خلقت خلقت كمية بتاعت فجوات في القطاع الخاص.

[14:24]كويس، فدي في حـ بقت في حركة في السوق بتاع الصيادلة وكدا. كويس، فدي في حـ بقت في حركة في السوق بتاع الصيادلة وكدا.

[14:31]وبعد ذاك في أيرلندا في ثلاثة كليات بتاعت صيدلة بتخرج 150 طالب فقط كويس، عندهم طلبة بيجوا من اليو.كي.

[14:42]الناس اللي ما بيوفقوا يكونوا يقراوا مثلا في في أيرلندا ذاته، في ناس بيسافروا يو.كي، لكن كثير ما بيجوا راجعين كتار.

[14:50]يعني ممكن يسجلوا ولا كدا لكن ما بيجوا راجعين كتار يشتغلوا في أيرلندا ذاته، في ناس بيشتغلوا ذاته في في بريطانيا باعتبار انهم بلد واحد يعني ما قاعد يمسكوا معاهم شيئ.

[15:02]فقلت لك حتى لو ده جاء راجع ما بيقعد يعني بطبيعتهم ما بيكونوا قاعدين هنا تلقاهم سافروا ومشوا كندا، أستراليا، أمريكا زي ما شرحت لك.

[15:15]فالسوق داير، ويعني والناس فعلا محتاجة لصيادلة هناك.

[15:20]طيب مشكور أخونا مازن وضحت كل الخطوات بتاعت التسجيل وفرص العمل بالنسبة للزملاء الأطباء الصيادلة.

[15:28]ونتمنى أنه تكون حلقة كانت مفيدة، ما تنسوا الإعجاب بالحلقة إذا عجبتكم طبعا، وأسئلتكم تكون على اليوتيوب فقط لأنه بتتيح فرصة للناس كلها إنها تعرف الإجابات وتعم الفائدة يعني.

[15:43]بالنسبة للتخصصات الثانية والمهن الصحية الأخرى بإذن الله تعالى حنواصل في الحلقات وإن شاء الله نقدر يعني نصل لأكبر عدد من التخصصات.

[15:56]التمريض، المختبرات، الأسنان، الأشعة وبرضه في المجالات الطبية حنواصل برضه في التخصصات المختلفة وحنعمل مقارنات بين الدول المختلفة.

[16:09]ممارسة للطب والمهن الصحية الأخرى والسكن والإعاشة وكدا يعني.

[16:17]ولحد ما نشوفكم ثاني إن شاء الله نخليكم في أمان الله والسلام عليكم ورحمة الله وبركاته.