القصة ومافيها | الموسم ٦ ح ٨٩ | هيكل سليمان .. حقيقة ولا خيال ؟ #القصة_وما_فيها_ #ريهام_عياد

[0:00]انا عايزة اعترفلكوا اعتراف طول عمري من وانا عيلة صغيرة حلوة كده وانا فاكرة ان هيكل سليمان اللي اليهود بيدوروا عليه تحت المسجد الأقصى ده يبقى هيكل سيدنا سليمان. الجثمان بتاعه يعني وما كنتش قادرة افهم ليه اليهود مهتمين اوي كده بالهيكل العظمي بتاع سيدنا سليمان من غير تنمر لو سمحتو. عيلة ومش فاهمة بس هي المشكلة ان انا فضلت كده حبة حلوين لحد ما الفضول قتلني وقررت اعرف إيه هو هيكل سليمان ده وليه اليهود بيروحوا يعيطوا عند حيطة. لا ده مسمينها حائط المبكى فعلًا اسرار ومفاجئات صدمتني انا شخصيًا فأهلًا بكم في عالم هيكل سليمان في القصة وما فيها مع ريهام عياد. سيدنا موسى لما بدأ رحلة الخروج من مصر مع قومه عشان يروحوا أرض كنعان اللي هي فلسطين دلوقتي. الرحلة طولت جدًا لأن ربنا قال (فَإِنَّهَا مُحَرَّمَةٌ عَلَيْهِمْ أَرْبَعِينَ سَنَةً يَتِيهُونَ فِي الأَرْضِ فَلا تَأْسَ عَلَى الْقَوْمِ الْفَاسِقِينَ) وفعلًا فضلوا تايهين ٤٠ سنة صحرة تشيلهم وصحرة تحطهم لحد ما وصلوا جنوب سينا. وسيدنا موسى ساب قومه ٤٠ يوم وطلع عالجبل وساعتها ربنا نزل عليه الألواح المقدسة. اللي فيها الوصايا العشر اللي ربنا كاتبها بنفسه يعني حاجة عظيمة ومقدسة جدًا. وسيدنا موسى وقومه حطوا الألواح دي في تابوت اسمه تابوت العهد وحطوا التابوت في خيمة اسمها خيمة الإجتماع وبقت دي قبلتهم بقى. اي مكان يروحوا يحطوا الخيمة ويصلوا ناحيتها لكن سيدنا موسى مات قبل ما يوصلوا الأرض المقدسة على طول. يعني عاش ٤٠ سنة تايه مع قومه ومات قبل ما يوصل الأرض اللي كان بيحلم يدخلها بخطوات. فيوشع بن نون قاد قومه من بعده ودخل بيهم ارض كنعان لحد هنا احنا كويسين وكلنا متفقين. نكمل بقى الحادوتة يوشع حط خيمة الإجتماع على جبل موريا اللي هو جبل بيت المقدس. وفضلت الخيمة عليه يجي ٢٠٠ سنة والملك طالوت جه وأسس مملكة اسرائيل. ومن بعده جه الملك داوود وعمل دولة قوية وغنية وحاجة اخر عظمة. قصر الحكم كان اسطوري فداوود قال داوود حاف كده يا ريهام اصبر وخد بالك أنا مش مسئول عن اي معلومة هتاخدها لو ما كملتش الحلقة دي للأخر عشان نبقى متفقين آه. فداوود قال انا ازاي ابقى عايش في القبهة دي كلها وتابوت العهد محطوط في حتة خيمة انا لازم اعمل مكان يليق بقيمة الالواح دي. ووقف قال للشعب اليهودي انا هبني بيت الرب اللي ترجمته في الكنعانية هيكلوا عشان نحط فيه ألواح ربنا. بس ربنا قالهم لا مش داوود اللي هيبنيه لإن إيده ملوطخة بالدماء إبنه سليمان هو اللي يبنيه. وفعلًا بعد ما مات الملك داوود إتولى الملك سليمان سنة ٩٧٠ قبل الميلاد. وبعد ٤ سنين بدأ يبني الهيكل في نفس مكان الخيمة فوق جبل موريا. والراجل قالك اصرف وكلف بقى ما يهمكش ده بيت ربنا. وجاب ١٨٠ ألف عامل من بني اسرائيل ٣٠ ألف يروحوا لبنان يقطعوا شجر الأرز. و٨٠ ألف يقطعوا الحجارة ويبنوا الهيكل و٧٠ ألف شيال و٣٣٠٠ مشرف دول هيبنوا برج خليفة بقى. وفضلوا يبنوا فيه ٧ سنين بحالهم عشان يعملوا إيه بقى ٣ اوض. أوضة يصلوا فيها وأوضة المذبح اللي بيقدموا فيها القرابين وأوضة قدس الأقداس اللي فيها تابوت العهد والصخرة المقدسة اللي اليهود نصبوا عليها الخيمة. وكل أرضيات وحيطان الهيكل كانت متغطية بالدهب ١٠٠ ألف وزنة ذهب يعني ١٦٠٠ كيلو ذهب. و١٦ طن فضة وكميات مهولة من النحاس المبنى إتكلف تكاليف مهولة. لدرجة إن الملك سليمان إتداين لصاحبه ملك صور وكل ده موجود في سفر الملوك. لكن لما مات الملك سليمان سنة ٩٣١ قبل الميلاد إبنه رحبعام مسك مكانه بس ما كانش ملك قوي كده وملى مركزه. فالبلد اتقسمت نصين حبة خدوا الشمال وعملوا مملكة اسرائيل وحبة قعدوا في الجنوب مع رحبعام وعملوا مملكة يهوذا. وهي دي اللي كان فيها الهيكل وفضلوا على كده يجي ٢٠٠ سنة لحد ما جه ملك الأشوريين سرجون الثاني سنة ٧٢١ قبل الميلاد. وراح واخد مملكة اسرائيل غسيل ومكوة دمرها على الأخر وطرد الشعب كمان. طب لسة الجنوب موجود لا ما هو نبوخذ نصر ملك بابل راح جاي سنة ٦٠٦ قبل الميلاد. وده كان راجل جبار وهل بعد إذن الأشوريين كده شوية البلد دي تلزمني. وراح واخد الشمال والجنوب ولما مملكة يهوذا فكرت تبق معاه شالها من على وش الأرض خالص. حرقوا البلد كلها باللي فيها بما فيها الهيكل طبعًا بيت الرب حرقوه وسرقوا كل اللي جواه وسووه بالأرض. وكل ده موجود في سفر الأخبار وسفر الملوك وإختفى التابوت بالألواح. اليهود شافوا المنظر ولقوا نفسهم اتأسروا عند البابليين وبقوا عبيد هم وحخاماتهم راحوا خارجين عن الملة على طول. وقالوا لك احنا كنا عايشين في وهم ما هو لو ده بيت الرب فعلًا ما كانش هيسمح لحد إنه يهده أبدًا. وكان هيطربق السما على دماغهم فالحخامات قالوا لهم لا دي كبوة ولكل جواد كبوة واحنا هنقوم تاني وهنرجع وهنبني الهيكل من جديد. وفضلوا عايشين على حلم الرجوع ده ٥٠ سنة لحد ما الملك كوش الكبير ملك فارس هزم ملك بابل. وقال لليهود يلا يا ولاد ارجعوا بلدكوا وابنوا هيكلكوا فدار بابل لم يهود ورجع أورشليم وبنى هيكل تاني فعل. بس المرادي من غير تابوت ولا ألواح أهو مكان مقدس يلمهم ويصلوا فيه وخلاص. والملك هيرودوس سنة ٢٠ قبل الميلاد وسع لهم الهيكل وجدده وكاساه من برا بالدهب لدرجة إنه كان بيعكس اشعة الشمس على أورشليم كلها. وبنى حواليه سور كبير وحاجة أخر عظمة لكن سنة ٦٦ ميلادية اليهود عملوا ثورة على الامبراطورية الرومانية اللي كانوا تحت حكمها. والثورة كانت جامدة حبتين فالرومان قالوا لهم لا ان شاء الله ما فيش يهود ولا حاجة ودخلوا أورشليم سووها بالأرض. تاني ودبحوا في اليهود وطردوهم ومنعوهم من دخول القدس للأبد. وطبعًا كالعادة هدموا الهيكل كله الا حيطة واحدة من السور اللي حواليه. اللي هي الحيطة اللي بيروحوا يعيطوا عندها دلوقتي كل يوم ٩ اغسطس يروحوا يعيطوا بذكرى هدم الهيكل. واتشتت اليهود بقى في كل بقاع الأرض وبعدها اتحولت أورشليم للمسيحية واتبنت كنيسة القيامة. وفضلت الدنيا على كده لحد سنة ٦٣٨ ميلادية لما جه سيدنا عمر بن الخطاب وإستلم مفاتيح القدس وإدى الأمان للمسيحيين. بس برضه ما رضيش يرجع اليهود وساب البلد كلها وراح رايح على جبل الهيكل وبنى المسجد الأقصى. وبقى حائط المبكى جزء من المسجد ومن يومها بقى واليهود بيصوتوا ويهللوا في العالم كله. إن المسجد الأقصى ده إتبنى بالظلم والقهر على أطلال أقدس مكان لليهود. واحنا من حقنا نهده عشان نبني الهيكل بتاعنا تاني ونرجع بقى الحق لأصحابه. الهيكل اللي بن جوريون مؤسس اسرائيل قال عليه لا معنى لإسرائيل بدون القدس ولا معنى للقدس بدون الهيكل. يا حبايبي دول طلعوا مظلومين خالص بس شايفين بقى القصة المؤثرة العظيمة اللي تخليك تتعاطف معاهم دي كلها هري في هري. ومن نسج خيالهم وتعالوا بقى نمسكها حتة حتة ونفصصها مع بعض أصل احنا ما وراناش حاجة. أولًا كده التوراة قالت ان عدد عمال بنا الهيكل ١٨٠ ألف عامل في ٧ سنين. دول هيطلعوا حاجة بقى ولا الهرم الأكبر لا أكبر لإن عمال الهرم كانوا ٢٠ ألف بس. فاحنا بنتكلم عن حاجة اكيد أكبر وأضخم بكتير حاجة كده نشوفها واحنا واقفين في البلكونة في الصين اساسًا. مبنى عملاق ملوش اول من اخر امال ال١٨٠ ألف دول كانوا بيعملوا ايه السنين دي كلها. بس التوراة نفسها قالت في سفر الملوك إن الهيكل كان طوله ٦٠ ذراع يعني 27.5 متر وعرضه ٢٠ ذراع يعني ٩ متر والحوش ٩ في ١٠. يعني الهيكل كله على بعضه شاكب راكب بالبروز بالمناور ٣٠٠ متر الشقة في الهرم. وارتفاعه ١٤ متر يعني ما عداش أربع خمس ادوار يعني البرج الأيقوني في العاصمة ناطحة سحاب بالنسبة له. لا ده ال١٨٠ ألف كانوا بيروحوا يقوروا كوسة بقى ثانيًا بقى وده الأهم إن اليهود بيقولوا ان قصة الهيكل دي كلها. جت في سفر الملوك الأول والثاني والسفرين دول اللي كتبهم النبي ارميا. والحاجات دي حصلت بعد ارميا بسنين اساسًا فأيه الراجل كان بيتنبا بالمستقبل ليلى عبد اللطيف هو. لا طبعًا ده التحريف في التوراة والتلمود اللي شال قصص وحط قصص على مزاج الحخامات. لإن مفيش ولا مصدر تاريخي ولا أثري ولا رحالة ولا حتى حتة ورقة واحدة تقول إن سيدنا سليمان بنى هيكل فوق جبل المقدس أصلًا. وحتى اليهود نفسهم مختلفين على مكانه لإن يهود الجنوب قالوا إن الهيكل اتأبنى على جبل بيت المقدس. إنما يهود الشمال قالوا لا ده اتبنى فوق جبل جروزيم في نابلس يعني كل واحد بيقول إن الهيكل اتأبنى في الحتة بتاعته. وأصلا الملك كوش لما رجع اليهود فلسطين تاني وبنوا هيكل جديد الحخامات كانوا عارفين إن ده مش مكان هيكل سليمان الأصلي. عشان كده سموه هيكل زربابل لإنه هو اللي بناه وبعدين في تفصيلة مهمة أوي معرفش إزاي بتعدي علينا. الرسول صلى الله عليه وسلم قال لأبي ذر في حديث شريف إن اول مسجد وضع في الأرض كان المسجد الحرام وتاني مسجد المسجد الأقصى. وإن الفرق بينهم ٤٠ سنة والمسجد الحرام بناه سيدنا ابراهيم وبعدها ب٤٠ سنة حفيده سيدنا يعقوب بنى المسجد الأقصى عند الصخرة المقدسة فوق جبل بيت المقدس. وطبعًا سيدنا يعقوب قبل سيدنا موسى وسيدنا سليمان بمئات السنين. يعني اصلًا كان في مسجد موجود فوق جبل بيت المقدس قبل ما يبقى في حاجة اسمها يهود في الحياة أساسًا. يعني احنا اولى بالحتة دي لا مؤاخذة وسيدنا عمر لما راح القدس بعد ما زار كنيسة القيامة قالهم إن الرسول وصف لهم شكل ومكان صخرة بيت المقدس اللي اتربط فيها البراق في رحلة الإسراء والمعراج. وقعدوا يدوروا على المكان فعلًا لحد ما لقوه وعلى وصف الرحالة اللي كانوا موجودين وقتها انها كانت منطقة خربة خرابة فاضية. لا كان فيها حيطة ولا طوبة حتى فده لو كان فعلًا مكان هيكل قديم حتى ولو كان مهدود. اكيد كانت هتبقى منطقة معروفة وفيها حتى ولو شوية هدم يعني ولا ليه مكان هيبقى فيها الحيطة اللي بيعيطوا عندها دلوقتي مش حتة فاضية. كل اللي فيها الصخرة اللي سيدنا محمد وصفها بالظبط وفعلًا كانت مخرومة زي ما هو قال. والأهم بقى إن سيدنا عمر ما بناش مسجد ولا حاجة وكل اللي عملوه انهم نظفوا الحتة اللي جنب الصخرة. وحطوا ضلة صغيرة كده والناس بقت بتصلي هناك يعني لا في بنا ولا هدم ولا حيطة من أساسه. وأصلًا كل الناس اللي زارت بيت المقدس لحد القرن ال١٦ ما حدش فيهم جاب سيرة حيطة ولا بقايا هيكل لا أولاني ولا تاني. والمؤرخ اليهودي نحمنديس عمل وصف بالصنتي لمدينة القدس في القرن ال١٣ وما جابش سيرة الحيطة دي نهائي. لإنها طبعًا ما كانتش موجودة أصل ما فيش حيطة بتستخبى يعني والحيطة اللي مموتين نفسهم من العياط عليها دي يا حبايبي لا هي من بقايا الهيكل ولا نيل. لا خدوا الصدمة دي بقى السلطان سليمان سنة ١٥٤١ جاله الرسول في المنام. وقاله ابني سور كبير حوالين القدس عشان تحميها من الأعداء وطبعًا الراجل ما كذبش خبر. وبنى سور ضخم حاط بيه القدس كلها وعشان يكسر اليهود قال لهم ارجعوا القدس تاني وخدوا الحائط الغربي بتاع السور وصلوا عن. بس كده يعني الراجل عمل لهم حتة معينة يصلوا فيها براحتهم بعيد عن المسلمين والمسيحيين. هم بقى قفشوا في الحيطة دي وبقت كل حياتهم يصلوا عندها ويعملوا طقوسهم وأفراحهم. بس زي أي حاجة في الدنيا تبدأ باتنين تلاتة بيصلوا عندها عشان مع الوقت تتحول لأسطورة وتبقى مقدسة زي المقامات عندنا كده. ومدد يا ستي برغوتي مدد مين برغوتة ده؟ أهو الحخامات عملوا كده بالظبط ضحكوا على اليهود وقالوا لهم. دي الحتة المقدسة اللي باقية من الهيكل يلا عيطوا طب جبتوا الكلام ده منين. ده الحاخام الأكبر اسحاق لوريا الماكدلي إن الحائط الغربي ده مقدس آخر حاجة وإن الله لا يفارقه أبداً. بس يا جماعة الحاخام لوريا ده أصلًا اتولد في القرن ال١٦ فجاب الكلام ده منين. هو انتوا كل الناس عندكوا كده بتتنبا بالمستقبل وبعدين ثانية واحدة احنا في حاجات كتير أوي فايتانا. ما القرآن حكى قصة سيدنا داوود وسيدنا سليمان بالتفصيل وخصوصًا سيدنا سليمان. وقصته مع الهدهد والجن والنمل ومملكة سبأ وما جابش سيرة نهائي عن موضوع الهيكل ده. وبعدين ده ربنا كان مسخر لسيدنا سليمان الجن والرياح والدواب والأرض. فمعقول لما يعوز يبني هيكل ٣ اوض وصالة هيجيب ١٨٠ ألف عامل ويقعد ٧ سنين ويستلف ويتداين كمان. طب ما الجن موجودين ما كان أمرهم يبنوه في لمح البصر وده زي ما القرآن قال. إن الجن كان بيبني محاريب لسيدنا سليمان يعني أماكن للصلاة فهم لو كانوا بنوا مكان مقدس وفيها ألواح ربنا. كان القرآن اتكلم عنها طبعًا وبعدين على حسب التوراة بقى الفترة اللي اتأبنى فيها الهيكل دي. سيدنا سليمان كان في اليمن عند الملكة بلقيس والأجزاء الأولانية للتوراة قالت إن سيدنا سليمان بنى بيت الرب على الجبل. بس ما حددش إنهي جبل في انهي حتة ما يمكن بناه في اليمن وهو كان هناك وقتها فعلًا. وبعدين بالعقل كده برضه ملك سليمان ما كانش بيضم جبل بيت المقدس أصلًا. فإيه يخليه يبني هيكل مقدس وعظيم كده برا حدود دولته اللي أخرها كان حارة اليهود في القدس. ما من باب اولى كان يبنيها عنده ده هم خطوتين يعني مش بعيد فهو سيدنا سليمان بنى هيكل آه بس فين ما نعرفش. إنما اللي قال إنه في أورشليم فوق جبل بيت المقدس دي اجزاء التوراة المحرفة اللي اتكتبت بالإيد على المزاج كده. وهنروح بعيد ليه ما الحاخام يهورام مزور أمين سر اللجنة اليهودية التقدمية نفسه قال. إن كل الدراسات التاريخية بتأكد إن ده مش مكان الهيكل الأصلي والحيطة دي مالهاش أي قدسية. والأحسن انهم يدوروا على مكان تاني يصلوا فيه بدل المشاكل دي وإن اللي دعم قوي حوار الحيطة دي هي الصهيونية. ومعروف طبعًا ليه امال يسرقوا الأرض إزاي مش لازم يقولوا انهم لهم دل هنا. حتى ارنست مارتن أستاذ اللاهوت الأمريكي قال إن حائط المبكى الموجود دلوقتي مالوش علاقة خالص بالهيكل الأصلي. وإن الحائط ده مزور وبعدين يا يهود كان سيدنا داوود وسيدنا سليمان مجرد ملوك. وكمان سيدنا داوود إيده ملوطخة بالدماء يا فجر ده انتوا لو عرفتوا كمان قصة ايده ملوطخة بالدماء دي هيجيلكوا هلع. يعني ما عداش عليكوا خالص يا يهود انهم انبياء وبعدين هو مش ربنا عندكوا منع سيدنا داوود أو ديفيد إنه يبني الهيكل عشان ايده ملوطخة بالدماء. طب وانتوا بقى هتبنوه إزاي وانتوا ايديكوا مش بس ملوطخة دي بتشر وتخر وتهر دماء من كل شكل ولون. انا عايزة أفهم حاجة دلوقتي هي المشكلة فين بالظبط مكان الهيكل الأصلي فين. طب ما هو الظابط الانجليزي تشارلز وان سأل نفس السؤال ده سنة ١٨٦٧. لا ده الراجل كمان حفر فعلًا جنب حيط العياط على أساس إنها باقية من الهيكل وكده. واكيد هيلاقي جنبها حاجة والراجل فضل يحفر ويغوط ويتوغل وينتشر ويدور بس ملاقاش ولا حتة طوبة حتى. ولما القدس راحت مننا خالص بعد النكسة سنة ٦٧ وهزيمة الدولة العثمانية. الانجليز فضلوا يبعتوا في بعثات بالهبل عشان تحفر وتلاقي الهيكل وكل بعثة كانت بتحفر في حتة شكل. لدرجة انهم خرجوا برا أسوار المدينة القديمة خالص بس برضه ما لقوش حاجة. مع انهم كانوا بيلاقوا عملات رومانية واسلامية وأحجار قديمة عليها نقوش بالعربي والعبري بس مالهاش علاقة خالص بالهيكل. ولما القدس راحت مننا خالص بعد النكسة سنة ٦٧ اليهود قالك أحفر براحتك بقى يا ولد. احنا لسه منتصرين على العرب كلهم وما حدش هيعرف يقف قدامنا وبقوا يحفروا بجنون. دول حفروا في القدس كلها لدرجة انهم حفروا جوه المسجد الأقصى نفسه بس البعثة قالت لهم بالنص لا توجد في مدينة القدس أي اثار لهيكل سليمان. قالوا لها اخرسي اطلعي برا احنا هنلاقيه بطريقتنا ما هم لو ما لقوهوش هيبقى مسخة قدام العالم كله. فبقوا يعملوا أنفاق دودية تحت المسجد الأقصى من هيدوروا على المسباح السحري قصدي الهيكل اللي ملوش أثر ده. ده منها يهدموا اساسات المسجد عشان يبقى واقف على الهوا ويقع لوحده بقى. لا دول من فجرهم كمان عملوا كنيس يهودي تحت المسجد وبرضه بعد حفر سنين. طلع التقرير من دايرة الأثار الاسرائيلية نفسها سنة ٩٨ إن داوود التوراني لا علاقة له بهذا المكان. وعالم الأثار روني ريك قال لهم أنا أسف إن السيد داوود والسيد سليمان لم يظهروا في هذه القصة. وعالم الأثار الكبير بتاعهم اسرائيل فينكلشتاين قال لهم لا يوجد أي شاهد أثري يدل على ان هيكل سليمان كان موجود بالفعل. اخي ورفاييل جرينبيرج المحاضر في جامعة تل أبيب قال لهم كان المفروض ان اسرائيل تلاقي حاجة لو حفرت ٦ أسابيع بس إنما احنا بقى لنا سنين بنحفر. ويوسي مزراحي قال إن انا لم نعثر حتى على لوحة تقول مرحبًا بكم في قصر داوود. إيه الإحراج ده بس يا إخواننا بس هم بقى لسه مكملين ومش عشان الهيكل خالص لإنهم متأكدين إنه مش موجود أصلًا. ده غير إن أغلبهم دلوقتي علمانيين أصلًا ولا يفرق معاهم هيكل ولا يفرق معاهم سليمان نفسه. إنما اللي يفرق معاهم ان المسجد الأقصى ما يبقاش موجود عشان المسلمين يحسوا إن ما بقاش ليهم حاجة هنا وكده تبقى المنطقة خالصة مخلصة ليهم. لدرجة ان يوسي مزراحي قال لهم إن اسرائيل ممكن تستغل حرب ايران دي وتضرب المسجد الأقصى بصاروخ. وتقول ان ايران هي اللي ضربته وكده نبقى لبسنا السنة في الشيعة وخلصنا منهم هم الأثنين ونبني احنا بقى الهيكل بتاعنا براحتنا خالص. وانا كل اللي عايزة أقوله إن هيكل سليمان اه اتأبنى فعلًا لكن فين الله أعلم. وحتى لما زربابل دخل القدس تاني وبنى واحد جديد برضه ما حدش يعرف فين. والأكيد إنه ما كانش مكانه الأصلي وسيدنا المسيح اللي اتولد في عهد الهيكل التاني. قال الحق أقول لكم إنه لا يترك ها هنا حجر على حجر لا ينقض يعني الهيكل ده هيتهد كله ومش هيتبقى منه حجر واحد. يعني حتى الهيكل التاني مالوش أثر برضه فبتدوروا على إيه بقى وبعدين طالما الهياكل ممكن تتبني في أي حتة. يبقى ما حكتش الحتة دي ولكل قصة حكاية وانا هقول لكوا على اللي فيها كنت معاكم ريهام عياد.