[0:00]تعالى بقى نتكلم على الكاستم ماسك دلوقتي احنا هنعمل ماسك يتناسب مع 1000 جهاز طيب مبدئيا كده لازم اعرف ازاي كارت الشبكه بيحول الايبيهات لاصفار وحايد والعكس يعني من ديسيمال لباينري ومن باينري لديسيمال في قاعده ثابته في كل كروت الشبكه او عمليه ثابته محفوظه كده في البرمجه الخاصه بالاي سي او البايس الخاص بكارت الشبكه ايه هي العمليه دي عباره عن ان كارت الشبكه بيبدا يكون او يرص كده ارقام من 128 في اول عمود من الشمال ويفضل يكتب نص الرقم في العمود اللي بعده وهكذا يعني بيبدا هنا ب 128 العمود اللي بعده 64 اللي هو نص الرقم اللي قبلها والعمود ده نص الرقم اللي قبله 32 ونص الرقم اللي قبله وهكذا لغايه اما بنوصل في النهايه لواحد هتلاحظ ان كل رقم هو نص الرقم اللي قبله دي عمليه ثابته قبل ما نحول اي ايبيهات من اي نوع العمليه دي لو انت جمعت الاعمده دي كلها هتلاقي عددهم الاجمالي 255 اللي هو الحد الاقصى للاوبت الواحد لو جمعت 128 + 64 + 32 للاخر هيديك 255 تعالى بقى نحول الاي بي اللي معانا ايه هو الاي بي اللي معانا اي اي بي كل اللي احنا هنقوله ينطبق على اي اي بي طبعا اي اي بي مراعي فيه الشروط بتاعتنا ان الاوكتت الواحد يبقى فيه ارقام من زيرو ل 255 يبقى لو انا عندي اي بي مثلا 192 168 57 80 كل اوكتت بيتحول لوحده خلي بالك احنا قلنا ان الخانه الواحده اسمها اوكتت واوكتت يعني سماني يعني بتتحول ل 8 بتس لوحدها دلوقتي هنحول الاوكتت الاول وبعد كده الاوكتت التاني الاوكتت التالت الاوكتت الرابع كل اوكتت بيتحول لوحده اي اوكتت من زيرو ل 255 اي رقم لازم يكون حاصل جمع مجموعه معينه من الاعمده دي هي اللي هنحط قصادها وحايد والباقي اصفار الموضوع سهل يبقى تشوف ال 192 بتساوي حاصل جمع ايه زائد ايه؟ هما دول اللي يتحطوا قصادهم وحايد والباقي اصفار ولازم الارقام من زيرو ل 255 اي رقم لازم هيكون حاصل جمع مجموعه معينه من الاعمده لا يمكن تتغير يعني اللي لا يمكن تلاقي 12 بتساوي حاجه تانيه غير 8 + 4 مش هينفع تيجي معاك حاجه تاني اي رقم من زيرو ل 255 كده طيب يلا بقى شوف لي حاصل جمع ال 192 هتلاقيها بتساوي 128 و64 والباقي اصفار جميل كده حولنا ال 192 وحدين ست اصفار طب ال 168 هتلاقيها حاصل جمع ال 128 زائد ال 32 كده 160 زائد 8 يبقى 168 الموضوع محتاج منك تكون معدي سنه ثالثه ابتدائي بنجاح لو معدي ثالثه ابتدائي بنجاح ان شاء الله نسبه فهمك للدرس ده هتبقى كبيره جدا 57 57 حاصل جمعها طبعا اكيد لا 128 ولا 64 معايا هبدا ب 32 و16 هيبقى 48 48 فاضل كام على ال 57 فاضل 9 يعني هتساوي حاصل جمع 8 زائد 1
[3:49]جميل كده طب جميل اللي بعده ال 80 حاصل جمع ايه زائد ايه؟ موضوع بسيط 64 زائد 16 ادي التحويل بتاع الاي بي اللي قدامنا 32 صفر وواحد بيمشوا ورا بعض كده في كارت الشبكه عباره عن نبضات خلي بالك والنبضات دي بين كل نبضه والتانيه توقيت ثابت علشان كارت الشبكه يعرف ان دي نبضه او زيرو يعني واحد او زيرو حصل نبضه او حصل باور يبقى واحد الباور توقف ما فيش نبض يبقى زيرو بيقدر يترجم الارقام دي طبعا الرساله او الايميل اللي انا ببعته مثلا بيبقى مرفق بالاي بي اللي هو ده وحايد والاصفار كابل الشبكه بيمشي فيه وحايد واصفار يستلم الرساله الجهاز المستقبل عايز يعرف الرساله دي جايه له من اي بي كام عنده نفس الاعمده هياخد الوحايد بس ويتجاهل الاصفار وبالتالي هياخد ال 128 زائد 64 وال 128 + 32 + 8 وال 32 + 8 وال 64 + 16 كده خلاص كل اللي عليه يجمع عشان يعرف الايبيهات كام هيبقى 192 168 لا هنا في رقم احنا نسيناه زائد 32 128 زائد 32 زائد 8
[5:39]لا احنا اتلخبطنا هنا ده اللي فوق الخانه اللي تحت 32 زائد 16 زائد 8 زائد 1 كده 57 زائد 80 يبقى كده عرف ان الرساله جايه له من 192 168 57 80 كده خلاص عرف الرساله جايه له من مين ادي التحويل بمنتهى البساطه تقدر تحول اي اي بي بنفس الصوره في ارقام طبعا نقدر نحولها بالنظر من ديسيمال لباينري ومن باينري ل ديسيمال يعني ال 255 قلنا حاصل جمعها كل الاعمده يبقى كله وحايد يبقى ال 255 بتساوي 8 وحايد الصفر 8 اصفار الصفر بالديسيمال بيتحول ل 8 صفر بالباينري دي كده طريقه التحويل السريعه ده هنستخدمه في ايه بقى هنستخدمه مع المعادله التاليه 2 اس اتش ناقص 2 2 اس هوست ناقص 2 بيساوي الماسك اللي يتناسب مع اي عدد من الاجهزه ازاي ويعني ايه 2 اس اتش اولا انسى دلوقتي ناقص 2 دي ما تشغلكش خالص هنقولها قدام شويه وهي مبدئيا مش هتهمني في حاجه دلوقتي يبقى احنا عايزين نجيب 2 اس اتش ايه 2 اس اتش انت عندك عدد الاجهزه كام عايزهم يشوفوا بعض 1000 جهاز يبقى 2 اس كام بيساوي 1000 الموضوع سهل لو بدات ب2 اس 2 باربعه المضاعفات بقى يعني 2 اس 3 ب 8 2 اس 4 16 2 اس 5 32 وهكذا 2 اس كام بيساوي 1000 لازم يكون بيساوي الرقم او اكبر بيساوي عدد الاجهزه او اكبر اكبر ولو بواحد طبعا هتقعد تجرب بقى من 2 اس 2 صعبه بالممارسه هتعرفها لكن مبدئيا ممكن تستخدم الاله الحاسبه لو قلنا له كده كلك ورحنا للاله الحاسبه هتلاقي في نظام عندك هنا بدل الاستاندرد الاله الحاسبه العاديه عندك في نظام اسمه الساينتفك عندك هنا حاجه اسمها اكس واي هي راحت فين اكس واي اهي يبقى 2 اس 7 بيساوي 128 اكيد 2 اس 8 ب 256 2 اس 8 256 وهكذا عايزين 2 اس كام بيساوي 1000 2 اس 9 512 طب 2 اس 10 1024 اه جميل قوي ده و2 اس 11 تنفع برضه بس احنا قلنا عايزين نضيق الشبكه قدر الامكان يبقى هنا 2 اس 10 بتساوي 1024 بتساوي 1000 ده الرقم اللي احنا عايزينه يبقى اتش بتساوي كام؟ اتش بتساوي 10 هنعمل بيهم ايه ال 10 دول هنزلهم في الماسك اللي يتناسب مع 1000 جهاز من اليمين اصفار يبقى هنزل 10 اصفار من اليمين وبقيه الماسك وحايد بقيه الماسك اللي هو كام احنا عندنا 32 صفر وواحد جبنا منهم اصفار اللي هما 10 الباقي وحايد باقي ال 32 يبقى 1 2 3 4 5 6 7 8 9 10 وعندي 10 من 32 يعني اتفضل 22 واحد 1 2 3 4 5 6 7 8 9 10 1 2 نصغر بقى شويه كده عشان يبقوا في سطر واحد تمام ادي الماسك اللي يتناسب مع كام جهاز ما تقوليش بقى 1000 قول 2 اس 10 وريح دماغك يطلعوا 1024 1000 زي ما يطلعوا المهم 2 اس 10 جهاز طيب طبعا لازم يتقسموا تمانيات بين كل 8 1 صفر وواحد يتحط دوت فهنيجي هنا كده 1 2 3 4 5 6 7 8 دوت 1 2 3 4 5 6 7 8 دوت 1 2 3 4 5 6 7 8 دوت طبعا في ارقام زي ما قلنا نقدر نحولها بالنظر نرجعها لاصلها بقى بالديسيمال لان احنا جايبينهم باينري 8 وحايد دول 255 طب وال 8 وحايد التانيين 255 طيب الست وحايد صفرين دول يتحولوا ازاي اقول لك انا طبعا عندك الاله ودي سهله جدا ومش هنستخدم الاله هنشغل دماغنا بص بقى لو هما هنا كلهم وحايد هيساوي كام؟ هيساوي 255 طيب بس انا في العمود الاولاني خالص والتاني مش معايا ايه الاعمده دي؟ خلي بالك كل عمود من دول او كل واحد بيمثل عمود من دول يعني الواحد الاخير ده او العمود الاخير ده بيمثل الرقم واحد والعمود اللي بعده بيمثل الرقم 2 والعمود اللي بعده بيمثل الرقم 4 طيب لما يبقوا كلهم وحايد بس نشيل منهم العمود اللي بيمثل 1 + 2، 1 + 2 بيساوي كام؟ 3 255 - 3 يديني 252
[11:24]تمام كده؟ ماشي كده جبنا الماسك بنفس الطريقه تجيب اي ماسك لاي عدد من الاجهزه اي ماسك لاي عدد من الاجهزه في العالم عايز حتى تستخدم الطريقه دي مع ال 254 جهاز اللي هي الماسكات الديفولت برضه براحتك اللي هو كلاس ايه وبي وسي براحتك فهي الطريقه دي هتاكد لك ان الكلاس ايه وبي وسي انسب ماسك ليهم اللي احنا قلناهم فدي كده الطريقه اللي بنجيب بيها الكاستم ماسك الماسك ده بقى حضرتك تروح على كارت الشبكه في خانه اي بي ادرس وفي خانه سبنت ماسك هتيجي هنا كده في خانه الماسك وتكتبه 255 255 252 0 في كل الاجهزه ال 1000 جهاز وخلي بالك انت كده لسه فاضل لك اجهزه ثانيه تقدر توصلها على نفس الماسك لانه بيسمح لك انك توصل 2 اس 10 جهاز مش 1000 جهاز ده انت اللي عندك 1000 جهاز لكن انت تقدر الماسك ده يخليك توصل كام جهاز؟ 2 اس 10 تمام كده كده خلصنا من خانه الماسك بنجاح نخش بقى على خانه الاي بي ادرس اللي هو رقم لازم يختلف من جهاز لجهاز ركز معايا في حاجه مهمه ان الماسك غير الاي بي الماسك دايما بيبقى وحايد على الشمال واصفار على اليمين الاي بي ممكن يبقى كوكتيل خلي بالك الاي بي ممكن يبقى حاجه تانيه زي ما انت شايف كده ادي الاي بي اهو حولناه طلع وحايد واصفار في النص ما فيش اي مشاكل لكن دايما الماسك بيبقى وحايد على الشمال واصفار على اليمين تعالى بقى نشوف ازاي هنحول او هنجيب الايبيهات اللي تتناسب وتتكتب متسلسله كده في 1000 جهاز او في 2 اس 10 جهاز علشان تبدا ترقم الاجهزه اللي عندك لازم تختار اي بي تشتغل عليه اي بي عشوائي هو اللي هنبني عليه المساله بتاعتنا اي اي بي اه اللي احنا هنقوله ده ينطبق على اي اي بي تجيبه من دماغك اي اي بي طبعا مراعاه للشروط بتاعتنا ان الاوكتت الواحد يتكتب فيه ارقام من زيرو ل 255 اللي هنقوله ده لو طبقته على اي اي بي هيشتغل معاك بنفس الصوره طب احنا فعلا في الشغل بنختار اي اي بي بنختار ايبيهات بتبدا بارقام معينه اشمعنى الارقام دي؟ لا لسه شويه هنعرف في درس متقدم اشمعنى الايبيهات دي بس خلي بالك انا بقول لك تاني ده ريكومانديد يعني يفضل لكن عايز تعمل مسالتك على اي ايبيهات شغال كل اللي هنقوله ده ينطبق على اي اي بي لكن دايما الافضل لما تيجي تختار اي بي عشوائي ترقم بيه الشبكه الداخليه عندك او تعمل بيه مساله الايبيهات لازم او يفضل تختار ايبيهات بتبدا ب 10 دوت اي حاجه او 172.16 دوت اي حاجه او 192.168 دوت اي حاجه زي ما قلنا قدام شويه في درس متقدم هنعرف اشمعنى الايبيهات دي فتعالى بقى نبني المساله بتاعتنا على ايبيهات بتبدا ب 10 مثلا طيب نختار اي اي بي اختار لي كده اي اي بي اي اي بي لو قلنا مثلا 10 دوت 50 دوت 88 دوت 99 ادي اي بي عشوائي اهو هو اللي هنبني عليه المساله بتاعتنا طيب اللي هنعمله دلوقتي ايه؟ ان احنا هنرجع الاي بي ده لباينري ونحطه تحت الماسك المتحول حول لي باينري كده طبعا خلاص فهمنا بقى الاعمده بتاعتنا اللي هي دي اللي بتساوي حاصل جمعها الرقم بتاعنا هي اللي اتحط قصادها وحايد والباقي اصفار يعني نقدر نحول ال 10 بسهوله دلوقتي ال 10 بتساوي حاصل جمع 8 + 2 يعني كل دول كده اصفار وادي 8 وادي 2 بس كده ادي ال 10 طب ال 50 حاصل جمع 32 + 16 بيساوي 48 + 2 سهله اهي
[15:18]طب ال 88 ارجوك ما تستخدمش الاله ركز معايا في الطريقه دي وحاول تتمرس فيها 88 حاصل جمعها ايه؟ 64 64 + 32 ما ينفعش يبقى 96 كده اكتر يبقى 0 64 + 16 بيساوي 80 تمام معانا فاضل كام على ال 88 فاضل 8 اللي بعدها والباقي اصفار طب ال 99 ال 99 بتساوي حاصل جمع 64 + 32 96 اتفضل كام على ال 99 فاضل 3 اللي هو 1 + 2 ادي التحويل بتاعنا بسيط جدا حولنا الاي بي العشوائي نحطه تحت الماسك المتحول يلا بقى امل لي الجدول ده ايه الجدول ده؟ الجدول ده مكون من اربع اعمده المفروض الايبيهات الفعليه اللي هتطلع لي واقدر اكتبها في ال 1000 جهاز او بمعنى اخر في ال 2 اس 10 جهاز هي الايبيهات اللي هتبقى واقعه في الخانه من فيرست لااست دي الايبيهات الفاليد اللي تقدر تكتبها في كروت الشبكه في ال 1000 جهاز وتكتب معاهم الماسك ده امال ايه خانه سبنت وبرودكاست؟ لو جبت الاي بي اللي اسمه سبنت وزودت عليه واحد هيجيب لك اول اي بي ينفع يتكتب في كارت الشبكه اللي هو الفيرست فاليد اي بي ولو جبت البرودكاست وطرحت منه واحد هيجيب لك اللاست فاليد اي بي اخر اي بي ينفع يتكتب في كروت الشبكه في الرينج بتاعي يبقى كده هيطلع عندي رينج ايبيهات من فيرست لاست ابتدي وزعهم بقى في جهاز جهاز من ال 1000 بتوعك يبقى الايبيهين سبنت وبرودكاست بالرغم ان هم من ضمن السلسله بتاعتي الا انهم مش هينفع يتكتبوا في كروت شبكه دول هيستخدموا للاستدلال فقط عشان نوصل بيهم للفيرست واللاست فقط لكن ما ينفعش يتكتبوا في كروت شبكه بالرغم ان هتلاقيهم ارقام شبيهه جدا بارقام الايبيهات اللي هتطلع لي من اول فيرست لاست الا انهم ما ينفعش يتكتبوا في كروت شبكه سبنت دي ما تلخبطكش مش ده سبنت ماسك عشان كده قلت لك في الاول خانه الماسك يفضل نقول عليها ماسك بلاش نقول عليها سبنت ماسك واياك تقول عليها سبنت بس لان في فرق كبير بين سبنت ماسك وخانه السبنت دي لو قلت على الماسك سبنت بس وسكت يبقى انت كده مش دارس شبكات يبقى الافضل تقول على الماسك ماسك بس او تقول سبنت ماسك اما خانه السبنت بس دي حاجه تانيه اللي هي الخانه اللي قدامي دي واللي هي قلنا هنجيبها علشان نزود عليها واحد يجيب لي اول اي بي ينفع يتكتب في كارت شبكه يبقى خانه سبنت هنا علشان نجيبها هنعمل ايه؟ هنجمع الرقمين دول الماسك والاي بي العشوائي طب دول هيتجمعوا ازاي احنا كنا في الجمع بتاع ثالثه رابع بتاع ثالثه ابتدائي كنا بنقول مثلا 1 + 1 ينزل 2 بيساوي 2 هنا ما عنديش غير باينري والباينري لازم الناتج يبقى يا اما واحد يا اما زيرو بس طريقه الجمع الباينري سهله جدا كل اللي عليك تعمله انك تشوف لو 1 + 1 ينزل 1 اي حاجه تانيه تنزل 0 1 + 0 تنزل 0 0 + 0 تنزل 0 الحاله الوحيده اللي تنزل 1 لو 1 + 1 يلا اجمع كده هتلاقيها 0000 1010.00110010.01011000.00000000 طلع لك رقم جديد الرقم ده هو السبنت يلا حوله واكتبه لي هنا كده هتلاقيه طلع معاك 10 دوت طبعا الرقم ده هو هو الرقم ده اللي هو اصلا كام؟ 10 فالموضوع مش محتاج حرفانه يعني والرقم اللي بعده نفس الكلام 10 دوت 50 دوت الرقم ده بيساوي كام؟ 10 دوت 50 دوت 88 ده هو نفس الرقم اللي فوقه على فكره
[19:10]بالظبط دوت 0 كده جبنا خانه السبنت اللي هو بدايه التوزيع في الشبكه بتاعتي خلي بالك الشبكه بتاعتي كلها اللي هتطلع لي دلوقتي ممكن نقول عليها سبنت ممكن نقول عليها لان ممكن نقول عليها نت وورك دي كده السطر كله بكل ايبيهاته بنقول عليه سبنت او نت وورك يفضل نقول عليه سبنت طيب الفيرست فاليد اي بي طبعا خلاص ما دام جبنا السبنت سهل جدا تجيب الفيرست بتزود واحد على اخر اوكتت طبعا بنبدا نزود من اخر اوكتت يعني اول اي بي هيبقى 88.1 بعد كده 88 2 88 3 لغايه 88 255 بعد كده 89 0 89 1 89 2 وهكذا يبقى هنا هنكتب كام في الفيرست 10 50 88 1 ادي اول اي بي هيتكتب تحت الماسك بتاعنا طب اخر اي بي مش هينفع يتجاب كده لازم نجيب البرودكاست ونطرح منه واحد البرودكاست بيجاب ازاي طريقه تانيه خالص خلاص طريقه الجمع دي جبنا بيها السبنت الطريقه بنجيب بيها البرودكاست ركز معايا فاكر لما قلت لك ان الماسك عباره عن وحايد على الشمال واصفار على اليمين خليك ماشي مع الوحايد كده واول ما الوحايد تخلص وتقف اقف انت كمان وخد حاجز يعني هنا هناخد حاجز كده بين مش الوحايد وقفت هنا خد حاجز بينها كده وبين الايبيهات اللي قدامها في الاي بي العشوائي جميل قوي في ارقام بره الحاجز خلي بالك في الاي بي العشوائي مالكش دعوه بالماسك الماسك ده سيد الشبكه ما بنجيش جنبه الاي بي العشوائي اي ارقام بره الحاجز دالتها وحولها لوحايد كله وحايد جميل طلع لي رقم جديد اهو شيل بقى الحاجز ده طلع لي رقم جديد هو ده البرودكاست اي بي اكتبه لي هنا في خانه برودكاست اي بي 10 دوت 50 دوت كام بقى؟ الرقم ده بيساوي كام؟ كان 88 وزودنا عليه 1 + 2 يعني زودنا عليه 3 88 + 3 بيساوي كام؟
[21:22]في ناس شاطره في الجمع بيساوي 91.255 صح كده؟
[21:31]اطرح بقى منه واحد واكتبه لي في خانه اللاست فاليد 10 50 91 254 خلصت المساله طلع عندي شبكه كامله اهي ده اسمه سبنت بفضل اعدي على جهاز جهاز بقى واكتب فيه من اول 10 50 88 1 ل 10 50 91 254 دول بالظبط كام اي بي؟ الرينج كله او السلسله كلها 2 اس اتش 2 اس 10 يعني 1024 اي بي بس بما ان فيهم ايبيهين ما ينفعش يتكتبوا في كارت الشبكه وبيستخدموا للاستدلال فقط فهم دول اللي بنطرحهم اللي هم ناقص 2 فبيطلع لي بالظبط 1022 فاليد اي بي وده كده اسمه سبنت او نتورك او لان طبعا اي اي بي واقع في النص خلي بالك يعني لو جيت هنا مثلا واخترنا الاي بي 10 50 90 99 مش ده اي بي من الايبيهات اللي واقعه في النص في الرينج من 88 1 ل 91 254 بص كده لو مثلا حولناه يعني خليناه 90.99 طبعا ال 90 هنا هيبقى تحويلها ايه؟ تحويلها ان احنا هنضيف 2 بس يبقى نفس الارقام دي اللي هي كانت بتساوي 88 + 2 بقت 90 تعالى نجمع كده عشان نشوف السبنت هيساوي كام؟ يا ترى هيطلع لي سبنت جديد؟ لا مش اي بي طالع من نفس الرينج من وسطهم اكيد له نفس السبنت تعالى نتاكد كده اجمع يلا اهو 0000 1010.00110010.01011000.00000000 طلع لي نفس السبنت هو هو بالظبط يبقى السبنت ده هو السبنت الموحد للايبيهات كلها من 88 1 ل 91 254 علشان كده انا اقدر اختصر الشبكه دي كلها للسبنت ده 10.50.88.0 على 255.255.252.0 شفت بقى البساطه شبكه كلها لو انا قلت لك انت الشبكه عندك في الشركه شغاله ايبيهات كام؟ تقول لي 10 50 88 0 على 255 255 252 0 بس كده خلاص انت ادتني كده الخلاصه اي اي بي واقع في النص بما فيهم خلي بالك السبنت والبرودكاست لو حولته وحطيته تحت الماسك المتحول هيديك نفس السبنت نفس السبنت كده تعرف ان دول شبكه واحده ويشوفوا بعض ايبيهات تشوف بعض وخلي بالك كمان الماسك ده تقدر تختصره نختصره ازاي؟ تقدر تقول لي الشبكه بتاعتي شغاله 10 50 88 0 على على كام بقى؟ 22 ايه 22 بس كده اه بس كده 22 ده اللي هو عدد الوحايد في الماسك بس خلي بالك ده على الورق بس ما ينفعش في كارت الشبكه تروح خانه الماسك وتكتب 22 ده رقم مختصر كده بدل ما تقعد تكتب على الورق 255 255 وهكذا الرقم ده اسمه السي اي دي ار كلاس لس انتر دومين راوتنج زي ما تقول كده ماسك بصوره مختصره هو طبعا السي اي دي ار ده بيرمز لحاجه تانيه او لحاجه اكثر تفصيلا من كده بس احنا بنقول عليه السي اي دي ار ده رقم السي اي دي ار وهو بيرمز لحاجه اضافيه يعني جزء منه ان انت تكتب الماسك مختصر لكن سي اي دي ار ده بي بيرمز لحاجه ثانيه هنوضحها في وقتها ادي الشبكه بتاعتك كلها وكده المساله بتاعتنا خلصت وتقدر ترقم اي شبكه على ظهر الكوكب بنفس الطريقه وما فيش حاجه ناقصك خلي بالك الطريقه دي مطوله ده احنا لسه هنقول بقى الطريقه السريعه اللي لو احترفتها خلاص انت مش محتاج حاجه ثانيه في الايبيهات وهتبقى طريقه لذيذه جدا بس احنا بنعرف الاصل ايه انت كده جبت سبنت واحد ايه سبنت واحد ده مش هو السبنت اللي عندنا لا طبعا نفترض ان انت جالك 2000 جهاز جداد ولا 1000 جهاز جداد لا 1000 جهاز عايز توصلهم هتعمل ايه؟ واحد هيقول لي نحط ال 1000 جهاز الجداد على ال 1000 جهاز القدام ونعمل مساله جديده بايبيهات جديده على 2000 اقول لك لا طبعا
[25:47]الاجهزه القديمه والشبكه القديمه تسيبها شغاله بايبيهاتها زي ما هي ضم ال 1000 جهاز جداد ووصلهم عادي واكتب لهم ايبيهات من سبنت جديد يعني اعمل مساله جديده ولا ايه؟ لا كمل اكمل ايه حضرتك؟ حضرتك السبنت اللي انت جبته ده سبنت واحد من كذا سبنت تحت الماسك بتاعك الماسك ده في تحته عده سبنتس ده ازاي ده؟ اخر اي بي انت وصلته كام؟ اخر اي بي اللي هو البرودكاست في في السبنت اللي انت جبته 10 50 91 255 كمل بقى افتتح الشبكه الجديده اول اي بي بعد البرودكاست ده هو السبنت بتاع الشبكه الجديده 10 50 92 0 ده السبنت بتاع الشبكه الجديده معقوله بالبساطه دي؟ اه بالبساطه دي زود عليه واحد هتجيب اول اي بي في الشبكه الجديده 10 50 92 1 طب وهنجيب الحاجز بقى وكده عشان نجيب اللاست فاليد بتاع السبنت التاني لا ولا حاجز ولا حاجه الموضوع اسهل من كده الحاجز ده بيتجاب لاول سبنت بس ما ينفعش اجيب بقى باقي السبنتس امال هجيب اللاست والبرودكاست ازاي؟ بص معايا كده الايبيهين اللي احنا جبناهم الجداد وبص اللي فوقهم هتلاقيهم شبه اللي فوقهم بالظبط ما عدا اوكتت واحد هو اللي عمال يتغير اللي هو الاوكتت التالت خلي بالك احنا بنبدا من الشمال يعني ده الاوكتت 1 وده الاوكتت 2 وده الاوكتت 3 الاوكتت 4 هتلاقيهم شبه بعض بالظبط في اوكتت واحد عمال يتغير وتقدر تعرف برضه قبل ما نكتب حتى الايبيهات ان هو ده الاوكتت اللي هيبقى فيه شغل او هيبقى فيه تغييرات من الماسك الاوكتت اللي هو وحايد ولا هو اصفار تعرف ان الاوكتت ده هو اللي هيبقى فيه الشغل كله اللي هو الاوكتت التالت الاوكتت التالت كان كام وبقى كام؟ كان 88 وبقى 92 جميل اطرحهم من بعض كده 92 ناقص 8 هيديك 4 اهو ده رقم اسمه البلوك سايز البلوك سايز هو الرقم اللي اتحول فيه الاوكتت اللي فيه شغل من رقم لرقم الفرق بينهم يعني 92 كانت 88 يبقى نطرحهم من بعض يديني 4 وهنا برضه 88 بقت 92 الفرق بينهم 4 زود لي بقى بالبلوك سايز ده في الاوكتت التالت في كل الخانات وثبت لي بقى الاوكتت هتلاقي نفسك بتجيب كل الخانات يعني هنا ال 10 تنزل زي ما هي نفس اللي فوقها بالظبط و50 تنزل زي ما هي نيجي للاوكتت التالت زود بالبلوك سايز 91 + 4 95 254 تنزل زي ما هي هنا ال 10 زي ما هي ال 50 زي ما هي 91 + 4 95.255
[28:26]ده الموضوع سهل قوي ايه ده هو في سبنت تالت وسبنت رابع وسبنت خامس وسادس طب لغايه امتى؟ لغايه اما اخر برودكاست خالص او اخر اي بي عندك اللي هو برودكاست في في اخر سبنت الاوكتت اللي فيه شغل واللي بعده يتقفلوا 255 يعني كده عمياني كده تقدر تعرف ان اخر اي بي لازم يبقى 10 50 255 255 جميل كل دي هتبقى سبنتس وكل سبنت فيه 2 اس 10 جهاز اه يعني السبنت الواحد او السطر الواحد ده فيه 2 اس 10 جهاز تقدر توصله بس خلي بالك كل سبنت فيهم ما يشوفش التاني كل سبنت فيهم لان منفصله بالرغم ان هما شبه بعض في الارقام وقريبين من بعض الا ان كل سبنت ما يشوفش التاني علشان يشوفوا بعض ايه بقى محتاجين جهاز معانا اسمه راوتر لان لغايه دلوقتي كده احنا مقتصرين على لان اللي هي مكونه من جهاز كمبيوتر وسويتش وكابل موصلهم علشان بقى نخلي السبنتس المختلفه تشوف بعض محتاجين راوتر واحد هيقول لي الله طب ما دام محتاجين راوتر يا عم طب ما كنا ال 1000 جهاز الجداد دول نعمل لهم مساله جديده بارقام جديده هقول لك لا ده احنا مستقبلا هنحتاج الشبكات المختلفه اللي عندي هنحتاج ان هما يتشابهوا في الاوكتت الاول على الاقل ليه يا عم؟ في خاصيه جميله قوي اسمها السامرايزيشن هنحتاجها وهنتكلم عنها في وقتها مش هاعقدكوا بيها دلوقتي ايه هي السامرايزيشن بصوره مختصره؟ السامرايزيشن ان يبقى عندي كذا شبكه بس متشابهين في الاوكتت الاول صحيح هما مش شايفين بعض بس حته ان هما يتشابهوا في الاوكتت الاول على الاقل دي هتنفعني في اني اوفر شغل كبير قوي على الراوتر وعلى الباندوتس على سرعه نقل البيانات يعني بمعنى اصح على الريسورسز بتاعت الشبكه انما لو عملت مساله جديده مثلا على ايبيهات 192168 ينفع واخليهم يشوفوا بعض بالراوتر وكل حاجه بس هاخسر ميزه السامرايزيشن اللي بتحتاج مني ان الاجهزه تبقى متشابهه في الاوكتت الاول على الاقل طب احنا ما نقدرش نعرف كده المفروض هيطلع لي كام سبنت تحت الماسك ده؟ اه تقدر تعرف طبعا احنا عرفنا عدد الاجهزه اللي تحت الماسك ده من ايه؟ مش من الاصفار؟ 10 اصفار اهم يعني 2 اس 10 يبقى السبنت الواحد فيه 2 اس 10 جهاز كمبيوتر ماشي طب فيه كام سبنت بقى؟ فيه 2 اس عدد الوحايد اللي هي المعادله بتقول 2 اس ان ان دي اختصار لنت وورك من غير ناقص 2 بقى 2 اس عدد الوحايد خلي بالك مش عدد الوحايد كلهم لا عدد الوحايد في الاوكتت اللي فيه شغل بس اللي هو الاوكتت التالت عندي كام واحد 6 2 اس 6 يعني عندي 64 سبنت كل سبنت فيه 2 اس 10 هوست او 10 جهاز بس خلي بالك كل سبنت فيهم ما يشوفش التاني كل سبنت فيهم لان منفصله بالرغم ان هم شبه بعض في الارقام وقريبين من بعض الا ان كل سبنت ما يشوفش التاني
[31:51]علشان كده الماسك ده اقدر اقول عليه في ال اس ام فاريابل لينث سبنت ماسك ايه الفي ال اس ام؟ الماسك المرن
[32:13]يعني ايه؟ يعني بص كده ممكن 10 50 88 0 او بلاش هجيب لك سبنت سهل 10 0 0 0 والماسك مثلا 255 255 252 0 الماسك ده ده كده يعني 2 اس 10 جهاز تحت السبنت ده
[32:48]وممكن اجيب لك نفس السبنت 10 0 0 0 لو انا غيرت الماسك يقول لي هنا اخرك تخلي 2 اس 10 جهاز وهنا اخرك تخلي 2 اس 13 جهاز يعني الماسك ده لو اتغير مع ثبات السبنت الشبكه بقى تزيد او تنقص اه ده اسمه الفي ال اس ام
[33:40]الماسك لما بيتغير بالرغم ان ممكن يبقى نفس السبنت تجيب اجهزه يطلع لك نفس السبنت ما تجيش تقول لي دول يشوفوا بعض لا الماسك مختلف خلي بالك انت تتكلم على شبكه الماسك فيها موحد الماسك هنا يقول لك ان انت تقدر تخلي 2 اس 10 جهاز يشوفوا بعض يعني 1024 جهاز طبعا لما نطرح منهم 2 يبقى 1022
[34:17]لكن هنا بيقول لك 8192 جهاز فلا في فرق الماسك هو اللي بيحدد لي السبنت ده اقدر اعد فيه وازود فيه لغايه كام وقف ده اسمه الفي ال اس ام كده اقدر اقول لك مبروك مساله الايبيهات خلصت والايبيهات عامه خلصت بس طبعا الكلام ده كله لو انت هتستخدمه في الشغل هيبقى تهريج طبعا وتضييع وقت مش عشان كلام غلط لا ده هو اصل الحكايه لكن طريقه بطيئه وطريقه قديمه قوي هي بتعرفك اه الدنيا ماشيه ازاي من البدايه خالص لكن مش هو ده اللي احنا بنمارسه في الشغل الشغل محتاج منك انك مجرد ما عينك تقع على اي بي معين بالماسك بتاعه تجيب السبنت على طول
[35:10]الشغل بيقول لك ان انا لو جبت لك ايبيهين ليهم نفس الماسك تقول لي الايبيهين دول يشوفوا بعض ولا لا ده بالنظره على طول طبعا بالنظره كده لو السبنت بتاع الاي بي الاولاني هو نفس السبنت بتاع الاي بي التاني يبقى شبكه واحده ده كله محتاجين نجيبه بالنظر ما فيش حاجه اسمها نقعد نحول ونطرح ونجمع ونحاجز والكلام ده كله بس كان مهم ان احنا نعرف المعلومات دي عشان نعرف اصل الحكايه ونعرف الطريقه السريعه اللي هنقولها دلوقتي
[37:37]الطريقه السريعه دي انت لو فهمتها انسى بقى كل اللي قلناه ده خالص ركز لي فيها وكويس انها مسجله في فيديو علشان تعيده اكتر من مره فتفهمها فتنسى بقى كل الرغي اللي احنا قلناه ده
