[0:04]Alhamdulillah hi rabbil alamin Al-Rahman al-Rahim, tamaam taareefein us Allah ke liye jo tamaam aalam ka Rab hai. Bada Rahman hai aur Raheem hai, Reham karne wala hai. Toh isme tauheed daakhil hai. Ke ek Allah ki ibaadat karne ki taraf bulaya ja raha hai, ek Allah ki tareef karne ki taraf bulaya ja raha hai. Toh pure Quran mein jahan tauheed ki tafseel maujood hai, Suratul Fatiha mein uska nichhod maujood hai. Pehli aayat mein tauheed ki dawat di ja rahi hai. Tauheed kise kehte hain? Ek Allah ko manna. Allah ki zaat mein bhi kisi ko shareek nahi thehrana. Allah ki sifaat mein bhi kisi ko shareek nahi thehrana. Ibaadat ke layak bhi sirf Allah hai. Dua bhi agar kisi se mangi jayegi sirf Allah se mangi jayegi. Ibaadat bhi kisi ke samne ki jayegi toh sirf Allah se ki jayegi. Jaisa ki yahan pe hai: 'Iyyaka na'budu wa iyyaka nasta'in'. Ismein ahkamaat ka bhi bayan hai ke hum aapki hi ibaadat karte hain aur aap se hi madad chahte hain. Toh madad kis se chahenge? Sirf Allah Rabbul Alameen se. Sawal kis se karenge? Allah Rabbul Alameen se. Rizq dene wala Allah hai. Rozi dene wala Allah hai. Aulaad dene wala Allah hai. Nematein ko dene wala bhi Allah hai, nematein ko wapas lene wala bhi Allah hai. Toh sawal kis se hoga? Sirf Allah Rabbul Alameen se. Toh sawal bhi Allah se hoga aur ibaadat bhi Allah ki hogi, sirf Allah ki. Aur ibaadat ki jo khaas alamatein hoti hain, masalan ruku karna, masalan sajda karna, ye saari ibaadat ke signs hain. Ibaadat ki alamatein hain. Toh ibaadat ki alamatein bhi Allah ke saath khaas hain. Agar koi aap diwaar ke samne sajda kare, yani diwaar ko sajda kare, kisi darakht ko sajda kare, darakht ke samne ruku kare, kisi insan ke samne aap ruku kare, sajda kare, toh ye bilkul jaaiz nahi hai. Kyunki ruku karna, sajda karna, ye ek ibaadat ki alamat hai. Aur ibaadat aur ibaadat ki tamaam alamatein Allah ke saath khaas hain. Toh ruku, sajda, namaz, roza, zikr aur saari cheezein sirf Allah ke liye ki jayengi. Wa iyyaka nasta'in. Aur hum madad bhi aap se hi mangte hain. Sawal, madad Allah se mangi jayegi. Barahraast Allah se mangna humein seekhna hoga. Chhoti cheezo ko bhi Allah se mangiye. Aap Allah se baat kijiye jis tarah aap baat karte hain. Apne aap se bhi baaz log baat karte hain. Toh apne aap se baat karne ke bajaye Allah se baat kijiye. Ye aap zehn mein rakhiye Allah maujood hai, Allah dekh raha hai, Allah mujhse qareeb hai. Allah ne farmaya 'wa iza sa'alaka ibadi anni fa inni qareeb', doosre pare ki aayat hai, iski tashreeh inshallah kal karunga main ek nuqta bataunga. Allah ne chaha toh. Ke jab mere bande aap se mere bare mein poochein toh aap bata dein ke hum un se qareeb hain. Toh Allah hum se keh rahe hain ke hum tum se qareeb hain. Toh phir humein door jaane ki zaroorat nahi hai na? Hum jab Allah qareeb hain toh Allah se baat karenge. Saare insan door hain. Saari makhlooqat dhoka deti hain. Saari makhlooqat aisi hain jo aapka saath chhod dene wali hain. Lekin Allah ki zaat ek aisi wahid zaat hai jo har waqt aapka saath dene wali hai. Allah ki zaat ek aisi zaat hai jo aapko iman ki taraf bula rahi hai. Jannat ki taraf bula rahi hai. Duniya aur duniyadaari toh dozakh ki taraf bulati hai. Toh humein Allah ki taraf jaana hai, Allah se mangna hai. Toh dua bhi Allah se, sawal bhi Allah se. Uske ilawa 'sirat allazina an'amta 'alayhim'. Is mein un logo ka zikr hai ke jin ke saath humein shareek hona hai. Humein kin logon ko follow karna hai aur kinhein follow nahi karna hai. Surah Fatiha mein hi bata diya gaya. Khulasa. Briefly. Tafseel toh poore Quran mein maujood hai. Follow karna hai humein 'sirat allazina an'amta 'alayhim', un logon ka rasta follow karna hai jin par Allah ne in'am kiya. Ab woh kaun se log hain? Ise doosri jagah Allah ne farmaya, ma'an nabiyyin wa-siddiqin wa-shuhada'i wa-saliheen. Ke nabi hain, anbiya ko follow karna hai, prophets ko follow karna hai jo maasoom hote hain. Gunaah un se ho nahi sakte. Woh anbiya alaihimus salaatu was salaam hain, unhein follow karna hai. Wa-siddiqin, aur Siddiqin ko follow karna hai. Aur Sahaba-e-Kiram ko follow karna hai. Wa-shuhada', aur jo shaheed ho gaye Allah ke raste mein iman aur amaal-e-saliha ke saath, Allah ke liye ladte hue shaheed hue, un shuhada ko follow karna hai. Wa-saliheen, aur nek logon ko follow karna hai. Acche logon ko follow karna hai. Salaf-e-Saliheen ko follow karna hai. Ke un hazraat woh woh hazraat hain jo kitab-o-sunnat ke mutabiq amal karte hain, hum inhi hazraat ke raste ki hidaayat ki taraf hidaayat ki dua Allah se har namaz mein mangte hain. Sirat allazina an'amta 'alayhim. Aur kin logon ke saath nahi hona hai? 'Ghairil maghdubi alayhim walad-dallin'. Un logon ka rasta na dikhaiye, ya Allah. Humein un logon ko follow nahi karna hai jo maghdub hain, maghdubi alayhim. Maghdubi alayhim ka kya matlab hota hai? Jin par Allah ka ghazab nazil hua. Jin par Allah ka ghussa nazil hua. Ye kaun log hain? Mufassireen ne bataya ki Yahood hain. Toh Yahood kaise ho gaye maghdubi alayhim? Unke paas ilm maujood tha. Taurat ka ilm tha. Taurat mein mazkoor tha ke Mohammadur Rasulullah Sallallahu alayhi wa sallam aakhri Nabi aayenge. Lekin unhone reject kar diya. Ilm hone ke baad bhi amal nahi kiya. Toh ae jo log ilm hone ke baa-wujood Allah ki naafarmani karte hain, amal nahi karte hain, woh maghdubi alayhim hain. Un par Allah ka ghazab nazil hota hai, toh hum sab panah chahte hain. Aise afraad mein hum daakhil na ho. Aur 'walad-dallin', aur na hi hum dallin mein hona chahte hain. Dallin kaun hain? Jo log gumrah hain, seedhe raste se bhatke hue hain. Ye woh log hain jin ke paas ilm hi nahi hai, ilm ke bagair amal karte hain. Aur zahir hai jab ilm ke bagair amal kiya jayega toh phir bid'aat daakhil ho jayengi, khurafat daakhil ho jayengi. Aur aap idhar udhar bhatakne lagenge, seedhe raste se hat jayenge. Toh ye dallin hain. Jin mein Nasaara ko mufassireen ne zikr kiya hai. Toh na humein aisa banna hai ke ilm hone ke baa-wujood hum amal na karein, aur na aisa karna hai ke hum andhi taqleed karein. Blindly follow karein kisi ko bhi, ilm nahi hai bas jo jo kar raha hai hum bhi karne lag jayen, ye bhi nahi. Humein kitab-o-sunnat aur Salaf-e-Saliheen ko thaame rakhna hai.
[6:23]Beharhal, Suratul Fatiha, ye bahut ahem surat hai, iska khulasa mukhtasaran maine bata diya. Uske baad Suratul Fatiha ke baad jis surat ki ibteda hoti hai, use Suratul Baqarah kehte hain. Ab Baqarah ka matlab kya hua? Humne sab suna hai Suratul Baqarah, Suratul Baqarah. Baqarah ka matlab kya hota hai? Dekhein Baqarah gaye ko kehte hain. Baqarah gaye ko kehte hain. Toh is surat ko gaye ki surat kyun kaha jata hai? Gaye wali surat kyun kaha jata hai? Kyun? Kyunki is surat mein Bani Israil ka ek khaas waqia zikr kiya gaya hai. Jis waqie ka gaaye se ta'alluq hai, Baqarah se ta'alluq hai. Toh us munasibat se is surat ko Suratul Baqarah kaha jata hai. Ab woh waqia kya hai? Isi pare mein hai. Woh ye hai ke Hazrat Musa alaihissalaam ke daur mein, Bani Israil mein ek shakhs ka qatl kar diya jata hai. Yani ek shakhs ko qatl kar diya jata hai. Aur kisne qatl kiya? Qatil kaun hota hai, ye maloom nahi chalta hai. Toh Bani Israil ke log aate hain, Allah Allah ke Nabi Hazrat Musa alaihissalaam ke paas. Aur aakar arz karte hain ke, ae Musa alaihissalaam, humein iske qatil ka pata hi nahi chal raha hai, ke kisne ise qatl kar diya hai. Aap Allah Rabbul Alameen se dua karein ke humein qatil ka pata bata dein. Toh Hazrat Musa alaihissalaatu was salaam dua karte hain. Dua karne ke baad Allah Rabbul Alameen ki taraf se hukm hota hai ke inse kaho ke ek gaaye ko zaba karein. Aur phir zaba karne ke baad usi gaaye ke ek hisse se us maqtool ko, yani jo mar chuka hai, jiska qatl kiya gaya hai, uske body mein touch karein. Toh is se hoga ye ke woh insan dobara zinda hoga aur ye bata dega ke qatil kaun hai. Mujhe kisne mara? Aur bata kar phir mar jayega. Toh ye ek mo'jiza tha jise Hazrat Musa alaihissalaatu was salaam ke zariye sadir karwana tha Allah Rabbul Alameen ko. Toh aisa hi hua, phir poori tafseelat hain, kyunki ye mujhe khulasa bayan karna hai toh main zyada detail mein nahi jaunga. Bade aasani se aisa nahi hua unhone zaba kiya, jo Bani Israil ki aadat hai, woh aadat kya thi main abhi batata hoon aapko. Toh hua ye ke zaba kiya un logon ne aakhir mein. Aur phir us gaaye ke ek hisse se us maqtool ko touch kiya. Aur woh maqtool zinda hua aur qatil ka pata bata diya. Toh ye karwane ka ek, ye jo mo'jiza tha, iska ek khaas maqsad bhi tha Allah Rabbul Alameen ka. Ek maqsad toh bahut bada ye tha ke bahut se log Bani Israil mein aise the jo ba'th bil ba'd al-maut ke qa'il nahi the. Ya'ni maut ke baad hum dobara zinda honge aakhirat ke liye, iska aqiida nahi tha unke yahan. Toh Allah Rabbul Alameen ne is mo'jize ke zariye unhein dikhaya ke dekho, jis tarah is gaaye ko tumne zaba kar diya tha, ye gaaye mar chuki thi. Lekin uske baad Allah ne ise dobara zinda kiya. Toh isi tarah tumko bhi zinda kar dena ye koi badi baat nahi hai Allah Rabbul Alameen ke liye. Allah badi aasani se aisa kar sakta hai. Iske ilawa Bani Israil kyunki bahut aisi qaum thi jo Allah ke Allah ki ne'maton ki naashukri kiya karti thi. Har jagah Allah Rabbul Alameen ne aur is pare mein, pehle pare mein, Bani Israil ka hi zikr hai. Woh unki sabse badi kharabi ye thi ke Allah ki ne'maton ki naashukri kiya karte the. Da'wa toh tha ke hum Musa ke manne wale hain. Theek hamare tarah, hum aur aap jaise aaj hain, waise hi the woh. Hum da'wa karte hain ke hum Mohammadur Rasulullah ke followers hain. Lekin jab amal karne ka time aata hai toh Rasulullah ki mukhalifat karte hain. Rasulullah ki sunnaton ko hi tark karte hain. Hum hum jaise karte hain waise hi woh karte the. Woh mante the Hazrat Musa ko samne kehte the theek hai. Aapke saath hum chal rahe hain. Firaun ke paas se bach kar bhaag rahe hain ye log Hazrat Musa alaihissalaatu was salaam ke paas. Ke saath, aage samandar hai, peechhe uska lashkar maujood hai Firaun ka. Toh ab Hazrat Musa ko keh rahe hain, 'Bhai kya hua? Khaama kha humko lekar aa gaye. Achha tha hum gulami hi kar rahe the, wahin sahi tha. Ab aage samandar hai, hum kaise jayenge? Toh jab apna matlab unhein nazar aata, toh Hazrat Musa ki ittiba karte. Lekin jahan ab thodi si farakhi aa jati aur dekhte hain ke bhai ab toh masla nahi hai, toh Hazrat Musa ki hi naafarmani karne lag jate the. Allah Ta'ala ne in par kitni ne'matein keen. Firaun se bachaya, samandar ko phaad kar beech se rasta nikala, aasman se mann aur salwa nazil kiya. Tarha-tarha ki cheezein ne'matein inko di, lekin baar-baar gumrahi mein jate the, apni marzi se jate the. Yahi hua ke jab Hazrat Musa alaihissalaatu was salaam Hazrat Firaun ke paas, Hazrat Firaun nahi, woh Firaun ke paas se jo hai, bach kar nikal aaye, Allah ne unhein nijaat de di. Toh hua ye ke Bani Israil ek qaum ke paas se guzri. Guzarne ke baad, woh qaum aisi thi jo ek buton ki ibaadat karti thi. Toh inhe dekh kar maza aaya ke 'Arey Musa alaihissalaam, ye qaum toh jo hai, ibaadat kar rahi hai buton ki'. Toh aap bhi ek Khuda bana ke dijiye na? Aap bhi ek but humein bana kar dijiye jiski hum ibaadat karein. Toh Hazrat, ab kya, ye aayat hai: 'Ij'al lana ilahan kama lahum aaliha'. Beharhal, toh hua ye ke Hazrat Musa alaihissalaatu was salaam ko Allah Rabbul Alameen ne Taurat dene ke liye Koh-e-Tur par bulaya tha 40 raaton ke liye. Iski tafseel guzregi jab main inshallah bataunga. Toh un dinon mein hua ye ke ye jo qaum thi Bani Israil, Hazrat Musa kyunki maujood nahi the wahan pe, toh inhone kya kiya ke inhone ek bachhda bana liya. Ya'ni ek bachhde ko Ma'bood bana liya apna. Ek putla tha bachhde ka, uski ibaadat karne lag gaye. Toh inke andar gaaye ki azmat, taqaddus kahin na kahin inke dil mein chhupi hui thi. Toh Allah Rabbul Alameen ne maqtool ko ke qatil ko pata lagwane ke liye gaaye ko zaba karne ka hukm jo diya, us mein jahan bahut saari hikmatein theen, un mein ek ye bhi hikmat thi ke jis ki azmat, taqaddus jiska inke andar baith chuka hai, jinhein woh Khuda se milate hain, Toh unhein ehsaas ho ke jab woh zaba kar rahe hain toh ye Khuda, ye cheez Khuda ya ye janwar Khuda nahi ho sakta. Allah Rabbul Alameen hi ek wahid zaat hai, wahid Khuda hai. Aur bhi kayi hikmatein ulama ne bayan keen. Toh isi munasibat se is surat ko kya kaha jata hai? Suratul Baqarah. Achha, ibteda hoti hai surat ki Alif Laam Meem se. Alif Laam Meem ki haroof-e-muqatta'at mein se hai. Haroof-e-Muqatta'at kise kehte hain? Aapne Quran ki bahut si suraton mein dekha hoga Alif Laam Meem, Alif Laam Ra, Haa Meem, Noon, Qaf, Kaf Haa Yaa Ayn Sad. Ye saari, ye saare aapne padhe honge, haroof ko. Toh in haroof ko Haroof-e-Muqatta'at kehte hain. Muqatta'at ka matlab kya hota hai? Jo alag alag ho, alag alag. Toh Alif Laam Meem, Kaf Haa Yaa Ayn Sad, ye alag alag harf hain. Is wajah se inhe Haroof-e-Muqatta'at kehte hain. Achha, iski meaning kya hai? Ye iska jo sahi ilm hai, woh sirf Allah Rabbul Alameen ke paas hai. Sirf Allah Rabbul Alameen ke paas hai. Lekin isko Allah ne zikr kiya kyun? Iske peechhe bahut si hikmatein ulama-e-Kiram ne bayan keen. Jin mein se ek bahut badi hikmat ye bhi hai, meaning nahi, hikmat. Meaning toh Allah ko maloom hai. Hikmat ek bahut badi ye bhi hai ke, kyunki Quran ne challenge diya kuffar ko. Ke agar aap Allah ke Nabi ko saccha Nabi nahi maan rahe hain, aur aap is kalam ko Kalamullah nahi maan rahe hain, toh aap is jaisi kitab lakar dikhaiye. Jab aap is kitab ka inkar kar rahe hain aur keh rahe hain ke ye Mohammad ka apna kalam hai, Allah hum subhanallah. Mohammadur Rasulullah Sallallahu alayhi wa sallam ka apna kalam hai, aapka ye da'wa hai, toh aap is jaisa kalam lakar dikhaiye. Ek surat is jaisa lakar dikhaiye aap.
[16:05]Toh Alif Laam Meem, Kaf Haa Yaa Ayn Sad, in Haroof-e-Muqatta'at ke zariye ek hikmat iske peeche ye bhi hai ke Allah Rabbul Alameen ne ye bhi paigham diya. Ke dekho ye wahi haroof hain, Alif se lekar Yaa tak, wahi haroof hain, Alif Laam Meem, Kaf Haa Yaa Ayn Sad. Ye alphabets mein se hi hai, Arabic alphabets mein se hi hai. Ye wahi haroof hain jin ko istemal karke tum bhi baat karte ho. Jin ko istemal karke tum bhi apna kalam banate ho. Toh Quran-e-Kareem bhi inhi haroof mein hai. Koi alag se haroof istemal nahi kiye gaye, yahi Alif se lekar Yaa tak ko istemal kiya gaya. Inhi haroof ko istemal karne ke baa-wujood Quran-e-Kareem fasahat aur balaghat mein, aur apne kalam ke aitbaar se, apne ma'ani ke aitbaar se itne buland maqam par hai, ke is jaisa kalam koi pesh nahi kar sakta. Toh tum bhi toh inhi haroof ko istemal karte ho na? Agar tum kehte ho ke ye Quran Allah ka kalam nahi hai, toh is jaisi surat istemal kar ke lao, bana kar lao inhi haroof ko istemal kar ke. Toh ye bhi ek bahut badi hikmat hai in Haroof-e-Muqatta'at ki. Beharhal.
[17:34]Suratul Baqarah ki ibteda hoti hai toh shuru mein insano ki teen qismein bayan ki gayin. Pehli qism insano ki hai mo'mineen ki. Teen giroh hain, teen groups hain, unka zikr hai. Pehla giroh hai mo'mineen ka. Aur doosra giroh hai kafireen ka. Aur teesra giroh hai munafiqeen ka. Toh pehle mo'mineen ka zikr hota hai, phir kuffar ka zikr hota hai, phir munafiqeen ka. Mo'mineen ki khaas sifaat ko ginaya Allah ne. 'Allazina yu'minuna bil-ghaib'. Mo'mineen woh hain, muttaqeen woh hain jo ghaib par iman late hain. Ghaib par iman laane ka kya matlab? Ghaib kise kehte hain? Ghaib har us cheez ko kehte hain jo aap apne sense organs ke zariye aur apni aql, mahaz aql ke zariye us cheez ka knowledge hasil nahi kar sakte. Masalan Aakhirat, masalan Jannat, masalan Jahannam, ye saari aisi cheezein hain. Ya zindagi ke baad, maut ke baad dobara zindagi, ye saari aisi cheezein hain jo ghaib hain, ghaib ki cheez hain. Jinhe hum apne sense organs ke zariye toh nahi chhoo sakte, dekh sakte ke bhai yahan Jannat dikh rahi ho mujhe. Toh Allah Rabbul Alameen ne Mohammadur Rasulullah Sallallahu alayhi wa sallam ke zariye insaniyat ko ghaib ki cheezon ke mutalliq jo bhi khabrein di hain, un par iman lana, bagair dekhe iman lana, ye iman ki shart hai. Mo'mineen woh hain ke Allah ke Nabi ne kaha hai, bas hum iman late hain. Rasulullah ki sahi ka sahi qaal, sahi hadees maujood hai. Aapne ghaib ke mutalliq ye khabar di hai, toh ab meri aql bazahir mujhe lag raha ho ke meri aql ko samajh mein nahi aa raha hai. Ye baat samajh mein aa nahi rahi hai, aql ko, meri aql ko. Toh humein ye nahi karna hai ke, 'bhai Allah ke Nabi Sallallahu alayhi wa sallam ne kaha hai toh pata nahi sahi bhi kaha ya nahi bhi kaha'. Toh ye imaan hi kaisa? Ya'ni imaan toh ye tha ke aapne Mohammadur Rasulullah Sallallahu alayhi wa sallam ko saccha Nabi tasleem kiya hai. Toh Rasulullah Sallallahu alayhi wa sallam ko jab saccha Nabi aapne tasleem kar liya hai toh har har cheez par iman lana hai. Uske ilawa namaz qayem karte hain. Namaz qayem karte hain. Namaz ada karna nahi kaha, balki kaha namaz qayem karte hain woh mo'mineen. Qayem karne ka matlab kya hota hai? Ke namaz ko tamaam aadab, fara'iz, wajibaat, sunnan-o-mustahabbaat, khushu-khuzoo, tamaam cheezon ka lihaaz rakh kar jab namaz ada ki jaye toh isko iqamatus-salah kehte hain. Toh ye mo'mineen woh hain jo namaz ko qayem karte hain. Teesri cheez, Zakat ada karte hain. Apne maal se kharch karte hain Allah ke raste mein. Ghareebon par kharch karte hain. Toh ye woh ausaf hain jin par jo hai ek mo'min ko kya hai muttasif hona chahiye. Aur pichhli kitabon par bhi iman late hain, Quran par bhi iman late hain aur Aakhirat par bhi iman rakhte hain. Uske baad kuffar ka zikr hota hai ke bhai jo kuffar hain woh toh hat-dharmi mein inkar kar rahe hain, woh toh maan hi nahi rahe hain. Toh phir Allah Rabbul Alameen ne Allah ke Nabi ko bata diya Sallallahu alayhi wa sallam ke aap inke peechhe jitni koshish kar rahe hain, aap Sallallahu alayhi wa sallam pareshan hote the, ke kuffar bhi iman le aayein, woh bhi bach jayen, woh bhi Jannat mein jayen, woh Jahannam ki aag se bach jayen. Aapko fikr thi, aap bahut pareshan hote the. Toh Allah ne farmaya 'Sawa'un 'alayhim'. 'Anzartahum am lam tunzirhum la yu'minun', ke ye unke liye barabar hai, aap unko Allah ke azaab se darayein ya na darayein, woh iman nahi laane wale hain. Allah woh iman nahi laane wale hain. Toh unke bad-amalio ke nateeje mein, unke galat aqa'id aur galat kirdar aur galat harkaton ke nateeje mein, unko dunyawi saza hi ye mili hai ke unke dilon par, unke kaanon par mohar lag chuki hai. Aur aankhon par parda pad chuka hai. Toh haq ko woh qubool nahi kar sakte. Apni aankhon se dikh toh raha hai, haq baat sun toh rahe hain.
[22:24]Lekin haq ko woh qubool nahi karenge. Toh ye kuffar ka hai, toh unke liye Allah ne azaab ka wada kiya hai. Uske baad phir munafiqeen ka zikr hota hai aur kasrat se unke bure ausaf ko, unki sifaat ko bayan kiya jata hai. Munafiq kise kehte hain? Munafiq woh shakhs hota hai jo apne dil mein kufr ko chhupa raha ho. Andar se hai kafir, andar se Allah aur uske Rasool par iman nahi rakhta, andar se Musalman nahi hai. Lekin Musalmano ke samne woh Musalman banta hai ke 'bhai hum toh hum bhi Musalman hain, hum bhi Allah ko mante hain, Allah ke Rasool ko mante hain'. Saazish karne ki buniyad pe taaki saazish kare aur Musalmano ke samne apna bane, aur phir kuffar ke samne peeche ja kar saazish kare. Toh unke bure a'mal ka aur unke buri harkaton aur buri sifaat ka zikr kiya gaya. Dhoka dete hain, jhoot bolte hain, zameen mein fasaad phailate hain, qalbi, dili beemario mein mubtala. Hasad, keena, takabbur. Allah ke ahkamaat aur Deen ka mazak udate hain. Kitne aaj bhi log hain? Allah ke Rasool ka Allah hum subhanallah mazak udate hain. Musalmano ka mazak udate hain. Arey Musalman saare backward hain, aur Musalman ye hai toh woh hai. Toh humein ghabrane ki zaroorat nahi hai, mayoos nahi hona hai. Humein is duniya mein sabr karna hai. Aakhirat hamare liye hai. Wa sa ya'lamul kuffaru liman 'uqbad-dar. Kuffar an-qareeb jaan jayenge ke Aakhirat ka achha anjam kin ka hai. Duniya mein toh mazak udate aaye Musalmano ka, lekin ab jab maut aayegi toh samajh mein aa jayega ke Mo'mineen haq par the aur unko achha anjam unka hone wala hai ya in kuffar ka hone wala hai. Beharhal, mazak udaya karte hain, tamaskhur karte hain aur Allah ke ahkamaat ko bhi uski tardeed karte hain. Uske baad is surat mein, is pare mein Hazrat Adam alaihissalaatu was salaam ki takhleeq ka zikr hai. Ab mukhtasar sa main zikr karunga, inshallah ab isko khatm karna hai. Hazrat Adam ki takhleeq ka bhi zikr hai ke Hazrat Adam ko Allah Rabbul Alameen ne banaya is zameen mein khilafat ke liye. Apna khalifa banaya. 'Wa iz qala rabbuka lil-mala'ikati inni ja'ilun fil-ardhi khalifa'. Khalifa ka kaam kya hai ke is duniya mein Allah Rabbul Alameen ke ahkamaat ko woh naafiz kare. Allah Rabbul Alameen ke ahkamaat ke mutabiq logon ko bataye ke Allah ke ahkamaat kya hain. Un par amal karein aur use zameen mein naafiz karein. Toh Hazrat Ibrahim Hazrat Adam ko Allah Ta'ala ne paida kiya. Aur jo mashhoor waqia hai, sab jante hain ke Hazrat Adam aur Hawwa alaihimaus salaatu was salaam ko kis tarah Jannat mein roka gaya. Aur phir shaitan ne kis tarah unhein lalaj di, phir wahan Jannat se nikala gaya aur phir is duniya mein bheja gaya. Toh ye jo hai aap hazraat is waqiye se achhi tarah waqif hi honge, bahut mashhoor waqia hai. Isliye main bahut zyada detail mein ismein nahi jaunga. Toh uske baad phir is pare mein Bani Israil ka kasrat se jo hai, zikr hai. Unki jo buraiyan hain woh bayan ki ja rahi hain ke Allah ne kitni ne'matein tumhe di hain. Achha, Bani Israil hai kaun? Bani Israil Hazrat Yaqoob ki aulaad se hain. Dekhein Hazrat Ismail, Hazrat Ibrahim ke bete the, Hazrat Ishaq bhi Hazrat Ibrahim ke bete the. Toh ek nasal chalti hai Hazrat Ismail se, Hazrat Ibrahim ki ek nasal Hazrat Ismail se chalti hai. Aur Hazrat Ibrahim ki doosri nasal Hazrat Ishaq se chalti hai, theek hai. Toh Hazrat Ishaq ke baad jo unke bete hain Hazrat Yaqoob hain. Unki kunniyat thi Israil, yani Allah ka banda, Israil. Toh Hazrat Ishaq ki jaanib se jo nasal chali hai, Hazrat Yaqoob, phir aulaad-e-Yaqoob. Toh is nasal mein jitne log aaye, unhein Bani Israil kaha jata hai. Toh isi mein tamaam Ambiya aaye, aate rahe kasrat ke saath. Achha, Hazrat Ibrahim ke baad jo Hazrat Ismail hain, unki jo nasal chali, toh Hazrat Ismail ke baad aur koi Nabi nahi aaye. Aakhir mein direct Mohammadur Rasulullah Sallallahu alayhi wa sallam aaye. Toh Mohammadur Rasulullah Sallallahu alayhi wa sallam Hazrat Ismail ki nasal se the. Toh ye Hazrat Ishaq ki jo nasal chali, Hazrat Ishaq, phir Yaqoob, aur phir neeche jo nasal chali, inhe Bani Israil kehte hain. Toh in par kasrat se Allah Ta'ala ne Ambiya ko bheja hai. Toh in par itni ne'matein keen. Uske baa-wujood Allah ki naafarmani karte, kayi Ambiya ko Bani Israil ne qatl kiya. Aur da'wa hota tha ke 'bhai hum toh Ambiya ki aulaad mein se hain, hum toh Bani Israil hain, hum toh Hazrat Ibrahim aur Yaqoob aur Ishaq ki aulaad mein se hain, hum mein Ambiya paida hote hain'. 'Toh hum toh Allah ke mehboob hain'. Toh Allah Ta'ala ne unhein jo hai, theek kiya ke 'bhai Allah ka wahi hoga jo amal durust karega'. Mahaz kisi khaandaan mein, Nabi ke khaandaan mein ho jana ye kafi nahi hai nijaat ke liye. Nijaat toh usi waqt milegi jab aqa'id bhi durust honge, amaal-e-saliha bhi durust honge. Ambiya ki ittiba bhi karoge. Toh Bani Israil ne kasrat se jo hai, khilaaf-warzi ki aur naafarmani ki. Baar-baar inki tanqeen ki ja rahi hai, inko tanqeen ki ja rahi hai ke seedhe raste pe aao. Hazrat Musa pareshan ho jaya karte the. Chand toh hote the afraad aise jo bilkul itaat karte the, lekin ek badi ta'daad aisi hoti thi jo waqti taur par itaat karti aur phir naafarmani karne lag jati, jo hum aur aap jaisa ke aaj kar rahe hain. Toh inko bhi bahut Allah Rabbul Alameen ne inke mutalliq bahut si batein sunai hain. Uske baad ek bahut hi ahem baat, kyunki inki inka ek bahut bada jurm ye bhi tha ke ye tehreef karte the. Tehreef kise kehte hain? Ke tabdeel kar dena. Allah ki kitab mein Taurat mein inhone tabdeeli ki. Allah ne aayat nazil ki hai kuch aur ye bayan kar rahe hain kuch ke 'bhai yahan Taurat mein ye likha hai', halanke aisa nahi likha. Toh Quran ko bhi baaz logon ne badalne ki koshish ki, toh tehreef karne ki koshish ki, lekin Quran alhamdulillah kyunki Allah ne iski hifazat ka wada le rakha hai, aaj tak mehfooz hai. Pichhli kitabon ki hifazat ka wada Allah ne nahi le rakha tha, toh usmein tehreef ho gayi, tabdeeli ho gayi. Toh tehreef ki bhi do shaklein hoti theen. Ek ye ke aayat toh ek hi hai. Taurat mein ek verse, ek aayat nazil hui, uski aayat wahi hai, alfaaz mein koi changing nahi ki, lekin jis matlab mein nazil hui uske ilawa apne taraf se matlab banate the. 'Nahi iska ye nahi, iska ye matlab hai'. Toh ye bhi tehreef hai. Aur doosri cheez ye hai ke woh alfaaz ko bhi badal diya karte the. Toh aaj jo hamare paas Taurat maujood hai, Injeel maujood hai, Bible maujood hai, toh woh apni asli surat mein nahi hai, usmein tabdeeliyan aa chuki hain. Toh ye tehreef bhi bahut bada jurm tha. Toh ye bhi woh kiya karte the.
[30:46]Uske baad phir wahi uska zikr hai Baqarah ka jo maine pehle hi bata diya. Uske baad Haaroot aur Maaroot ka zikr hai. Haaroot aur Maaroot do achha Yahoodiyon mein ek bahut bada jurm seher ka bhi tha. Seher kiya karte the ye, aur aaj bhi bahut zyada hain un mein. Ke seher karte aur seher ke zariye Miyan Biwi ke darmiyan tafreeq paida karte. Seher karke logon ko takleef pahunchate. Toh seher karna kufr hai. Itna bada jurm hai. Uske baa-wujood Yahood kiya karte the. Toh Allah Rabbul Alameen ne jo aayat nazil ki 'wa ma unzila 'ala-l-malakaini bi-Babila Haruta wa Maruta'. Toh Allah Rabbul Alameen ne Haroot aur Maaroot naami do farishton ko inke yahan bheja, inke paas utara. Aur seher ka ilm sikha kar bheja. Inka kaam ye tha ke unke paas jate aur unhein batate the ke bhai seher ka ye bhi amal hai, aisa bhi seher hota hai, waise bhi seher hota hai. Ye tamaam cheezein kufr hain, inse bache rehna. Warna tum is Deen se phir jaoge. In cheezon mein ikhtiyar na karna, seher na karna aur na karwana. Lekin iske baa-wujood un logon ne woh kya karte the? Haroot Maaroot ke paas jate aur seekh lete the ke bhai yahan aapko kya maloom hai, bataye kaun kaun si cheezein hain, kis tarah seher kiya jata hai, kaun kaun sa amal hai. Toh woh batane se pehle bhi bol dete the ke dekho ye kufr hai karna. Main tumhe samjha de raha hoon ke ye bhi tareeqa hai, ye bhi tareeqa hai, ke in tamaam tareeqon se tum bache raho. Isliye samjhaya ja raha hai. Lekin woh log jate the unke samne ke 'Haan haan aap samjhaiye', aur samjhane ke baad seekh lete the naye naye tareeqe aur phir seher karte doosron ke upar. Lekin Allah ne farmaya 'wa ma hum bi-darrin bihi min ahadin illa bi-iznillah'. Ye jaan lo ke woh seher karne wale kisi ko bhi Allah ke hukm ke bagair nuqsan nahi pahuncha sakte. Bahut se log pareshan hote hain, seher ho raha hai. Ek toh waham bhi bahut zyada hai logon mein. Har chhoti moti cheez mein seher hi kisi ko ho jata hai. Seher hai, jaadu hai, nazar lag gayi hai toh ye ho gaya hai. Toh sabse pehla pehli cheez Allah par tawakkal. Ke Allah ke hukm ke bagair koi cheez aapko nuqsan nahi pahuncha sakti. Allah Rabbul Alameen agar aapke saath hai toh tamaam insaniyat mil kar bhi aapko nuqsan nahi pahuncha sakti. Allah aapke saath nahi hai toh tamaam insaniyat mil kar bhi aapko fayda nahi pahuncha sakti. Toh Allah Rabbul Alameen se iste'anat. Doosri cheez Suratul Baqarah jo jiske mutalliq abhi hum log baat kar rahe hain aur khusoosan aaj sirf pehle pare ka khulasa hoga. Toh Suratul Baqarah ke mutalliq bhi Allah Ta'ala ne Allah ke Nabi ne farmaya ke isse padha karo. 'Fa inna akhazaha barakah wa tarkaha hasrah wa la tastati'uha-l-batalah'. Ke ye ek aisi surat hai jisko kasrat se padho, samjho, amal karo. Kyunki isko padhna, isko lena, is surat ko apna, apne ya'ni aadi ban jana is surat ko padhne ka, ye aisa hoga ke ye barkat ki cheez hogi. Aap har cheez se mehfooz rahenge. Wa tarkaha hasrah aur jo shakhs is surat ko nahi padhta hai, Surah Baqarah ko, woh bechara hasrat-o-nadamat mein mubtala ho jayega. Uske liye khasara hai, nuqsan hai, woh fayda chhod de raha hai. Wala tastati'uha-l-batalah.
[34:57]Ya al-batalatu as-seharah. Au kama qala alaihissalaatu was salaam. Aur ye ek aisi surat hai jiska muqabla seher jaadu karne wale nahi kar sakte. Toh seher karne wale, jaadu karne wale, jitne bhi shayateen ki madad le lein aur jo kuch kar lein, is surat ka muqabla koi zaahir nahi kar sakta. Isliye Ahadees mein aata hai ke jo jis shakhs ne raat mein apne ghar mein Surah Baqarah ki tilawat ki, toh teen din tak us ghar mein shayateen, jinnat daakhil nahi hote. Toh is tarah ye hifazat ka bhi zariya hai. Isse iski pabandi ho. Uske ilawa, ek do teen points aur bata kar main aaj end karta hoon. Yahood shararat kiya karte the. Allah ke Nabi Sallallahu alayhi wa sallam ke paas aate aur kehte 'Ra'ina'. Ra'ina jo ek, ek Ibrani lafz hai. Iska jo hai matlab hota hai ke hamari ri'ayat kijiye, Ra'ina. Lekin isi tarah Arabi mein ek lafz hai, isi ko 'Ra'ina'. Ra'ina, toh ek hai Ra'ina, ek hai Ra'ina, dono mein farq hai. Ra'ina ka matlab hua ke hamari ri'ayat kijiye. Toh yani, aap hamari taraf mutawajje ho jayi'ye, mere sawal ka jawab dijiye. Toh log aakar Musalman jab Musalmano ne bhi Yahoodiyon ko dekha ke ye keh rahe hain Ra'ina Allah ke Nabi ko, toh Musalman bhi kehte the Allah ke Rasool Sallallahu alayhi wa sallam ko 'Ya Rasoolullah Ra'ina'. Ae Allah ke Rasool, hamari bhi ri'ayat karein, meri baat bhi sun lein, mera bhi jawab de dein. Toh Yahood kitne badmash the ye khusoosan munafiqeen. Ye Allah ke Nabi ki is tarah tauheen karte the ke woh Ra'ina ke bajaye kheench kar bolte the, Ra'ina. Ra'ina, toh Ra'ina ka matlab hota hai ke hamare charwahe jo janwaron ko charwata hai, usko charwaha kehte hain. Toh hamare charwahe ko kehte hain Ra'ina. Toh woh Allah ke Nabi ki tauheen ki qasd se Ra'ina ke bajaye Ra'ina kehte the. Toh Sahaba ka ki tawajjoh udhar nahi gayi, unko lagta tha ke ye bhi Ra'ina hi bol rahe hain. Toh lekin woh Allah ko toh maloom tha ke bhai ye kis maqsad se keh rahe hain. Toh Allah Ta'ala ne ye aayat nazil ki 'Ya ayyuhallazina aamanu la taqulu Ra'ina'. Ae Iman walo, tum Ra'ina mat kaha karo. 'Wa qulunzuruna', balki kaho 'unzuruna'. Ke Allah ke Rasool, hamari taraf nazr-e-karam farma dein. Ae Allah ke Rasool Sallallahu alayhi wa sallam, hamari taraf dekh lein. Unzuruna kaho, Ra'ina mat kaho. Aur baat suno, kuffar ke liye dardnak azaab hai. Toh is ayat se hamein kya maloom hua ke aise bado ke samne, ulama ke samne, khusoosan Ambiya, Salaf-e-Saliheen aur hamare jo bade hain, adab ka taqaza ye hai ke aise alfaaz bhi na istemal kiye jayen. Jin mein ek se acche ma'ani ka bhi ehtimal ho, aur bure ma'ani ki bhi possibility ho. Toh Ra'ina mein acche ma'ani ki bhi possibility thi. Aur bure ma'ani ki bhi possibility thi. Toh woh log Ra'ina ko kheench kar bure ma'ani ke liye bolte the Yahood. Mo'mineen acche niyyat se bolte the. Lekin Allah ne hukm diya ke bolo hi nahi, Ra'ina mat bolo. Unzuruna kaho. Unzuruna mein koi galat ma'ani ki possibility nahi hai, ehtimal hi nahi hai.
[38:51]Uske ilawa, aayiye 'wa lillahi-l-mashriqu wal-maghrib fa-aynama tuwallu fathamma wajhullah'. Is mein inshallah kal jab doosre pare ka khulasa pesh karenge toh us mein kuch tehveel-e-qibla ki baat hogi. Beharhal is pare mein ek important aayat ye bhi hai 'afa-tu'minuna bi-ba'di-l-kitabi wa takfuruna bi-ba'd'. Ke ae logo, tum kitab ke baaz hisson par iman laate ho aur baaz hisson par iman nahi late ho. 'Fa ma jazaa'ul kafireen', 'fa ma jaza'u may yaf'alu zalika minkum illa khizyun fil-hayatid-dunya'. Toh aisa jo bhi karega uski saza sirf yahi hai ke is duniya mein bhi use zaleel-o-ruswa kiya jayega aur Aakhirat mein dardnak azaab diya jayega use. Toh humein sabaq le lena chahiye ke Yahood ki tarah humein nahi karna hai. Yahood bhi aise hi karte the, Taurat ke aadhe hisson par iman laaye aur baaz woh hisse jo unki khwahishaat ke khilaaf hai, unka inkar karte the. Toh aaj bhi Musalman Quran par jab iman laye toh mukammal Quran par iman laye, mukammal Quran par amal kare. Aisa na ho ke baaz un aayaton par toh amal kar raha hai jispe uski uski marzi hai, aur un aayaton ki khilaaf-warzi kar raha hai jo samajhta hai ke uski khwahishaat se woh aayatein takrati hain. Unke uske desires se woh aayatein takrati hain. Toh phir aap kaise mo'min hain? Aur aadha iman aur aadha kufr ye Allah ke nazdeek qabil-e-qubool nahi hai. Iman, kamil iman, mukammal iman mein daakhil hona zaroori hai.
[40:43]Phir is pare ke aakhir mein aakhri dhai safhaat mein Hazrat Ibrahim ka zikr hai. Hazrat Ibrahim alaihissalaatu was salaam 'wa iz ibtala Ibrahima Rabbuhu bi-kalimatin fa atamahunna'. Yaad karo us waqt ko ke jab Ibrahim alaihissalaatu was salaam ka uski unke Rab ne unka imtihan liya aur us un imtihanat mein woh poore utre. Hazrat Ibrahim alaihissalaatu was salaam bahut bade Nabi guzre hain. Aur aise Nabi hain jinko Christians bhi mante hain, Yahood bhi mante hain, Musalman bhi mante hain. Sab mante hain unko Nabi. Aisi shakhsiyat hai. Toh Yahood aur zyada fakhr karte the kyunki unke yahan khandani asbiyat bahut zyada hai Yahoodiyon ke yahan, Bani Israil ke yahan. Maine bataya, ke 'hum kyunki Ambiya ke khaandan se paida hue hain, toh ab hum jo bhi kar lein, Jannat toh hamare liye hi hai'. Unka ye da'wa tha. Toh woh Hazrat Ibrahim ki taraf apne aap ko mansoob karne ko kya hai, fakhr samajhte the. Toh Allah Ta'ala ne Bani Israil ka zikr karte karte Hazrat Ibrahim ka bhi zikr kiya. Woh isliye kiya ke taaki unki yaad-dehani kare, unko tanbeeh, unki tanbeeh kare, ke bhai jab tum Hazrat Ibrahim ki taraf apne aap ko mansoob karte ho, aur tum kehte ho ke hum Hazrat Ibrahim ke manne wale hain, toh Hazrat Ibrahim ko jab mante ho toh aisa ho nahi sakta ke tum Mohammadur Rasulullah ka inkar karo. Kyunki Hazrat Ibrahim ki dua ka hi nateeja tha ke Hazrat Mohammadur Rasulullah ki bi'sat hui hai Sallallahu alayhi wa sallam. Allah ke Rasool bhi farmate the ke 'Ana da'watu Ibrahima wa bushra 'Isa'. Ke 'hum Hazrat Ibrahim ki dua hain, main Hazrat Ibrahim ki dua hoon, aur Hazrat Isa ki basharat hoon'.
