مقدمة لـ كورس الـ Media Buying | ابدأ طريقك كميديا باير | دليلك الكامل لاحتراف شراء الإعلانات

[0:00]سلام عليكم، اهلا بكم انا اسلام وده فيديو مقدمه للميديا باير.

[0:06]في الفيديو ده هنتكلم فيه عن محورين رئيسيين، المحور الاول هنتعرف فيه على الكورس والتفاصيل بتاعته، ازاي هناخد الكورس، التقسيمات بتاعته، الليفلز اللي هتكون موجوده فيه، وخلافه. المحور الثاني هنتكلم فيه عن الميديا باينج، النشأة بتاعتها، المفهوم، التطور بتاعها، ازاي وصلت للمرحلة اللي احنا فيها حاليا، وازاي نبدا فيها، والمؤهلات اللي انا محتاجها علشان اكون ميديا باير شاطر. وخلينا نرجع للمحور الاول، هنتكلم فيه عن الكورس والتفاصيل بتاعته. الكورس هو في الاساس متقسم لجزئين، جزء نظري، والجزء الثاني هو جزء عملي. الجزء النظري هيكون عبارة عن شورت فيديو، فيديوهات صغيرة ما بين 40 و 50 ثانية، كل فيديو مركز على معلومة واحدة بس. ليه احنا خلينا الجزء النظري في شكل فيديوهات صغيرة أو شورتس فيديو، لأن بكل بساطة الفيديوهات الطويلة مع النظري بيكون فيها نوع من الملل، وخصوصاً في العصر اللي احنا فيه وعصر التشتت. عشان كده قررنا إن الفيديوهات المتعلقة بالجزء النظري هتكون عبارة عن شورتس فيديو، هيكون عندنا بمشيئة الله فيديو واحد بينزل كل يوم، فيديو صغير في معلومة واحدة مركز عليها. الجزء الثاني ألا وهو الجزء العملي. الجزء العملي عندنا هيكون متقسم لـ 3 ليفلز أو ثلاث مراحل مختلفة. في تنويه بسيط بس قبل ما نكمل في الفيديو أو الكورس عموما، المصطلحات الإنجليزية اللي موجودة داخل الكورس أنا بكون متعمد إن أنا أقولها. ليه بتعمد إني أقول لك مصطلحات إنجليزية لسببين، السبب الأول إن في بعض المصطلحات ما بيكونش ليها ترجمة، ما بنبقاش عارفين حقيقي إن احنا ندي لها الترجمة العربي بتاعتها. السبب الثاني إن أنت محتاج تعرف المصطلحات دي باللغة الإنجليزية، مش لازم تقولها بس على الأقل لو سمعتها في أي كورس أو أي مكان، انترفيو ميتينج أو غيره، تكون فاهم المصطلح ده بيعبر عن ايه. وخلينا نرجع مرة ثانية إلى الكورس بتاعنا. الجزء العملي أو الكورس عمومًا، خلينا نقول هيكون متقسم لـ 3 ليفلز أو ثلاث مراحل رئيسية. المرحلة الأولانية هتكون للمبتدئين أو البيجنرز، ودي الهدف منها هو إن احنا نفهم أو نتعرف على مصطلح الميديا باينج وهو النشأة والتطور وإزاي وصل المرحلة اللي احنا فيها، ونعرف إزاي نبدا فيها والمؤهلات وخلافه. نفهم مع بعض بعض الأساسيات أو المصطلحات المتعلقة بمجال الماركتينج نفسه، والديجيتال ماركتينج والكونتنت والديزاينز وخلافه. وبعد كده ننتقل إلى الجزء المتعلق بالـ ادز نفسه أو الادفرتايزنج أو الإعلانات، فهنعرف مع بعض إزاي بنعمل حسابات أعمال على المنصات الإعلانية. وإزاي بنعمل حساب إعلاني داخل حساب الأعمال والفرق اللي موجود ما بيناتهم، وإزاي بنعمل صفحة أعمال ولي شيء مختلف عن حساب الأعمال والحساب الإعلاني. إزاي بنربط وسائل الدفع بتاعتنا، الحساب الإعلاني نفسه بيكون عبارة عن ايه، الرولز أو الأدوار اللي موجودة، إزاي نضيف حد أو نخلي حد يضيفنا. نفهم مع بعض أداة الحملات الإعلانية بتاعتنا ونبدا ننشئ حملة إعلانية سهلة وبسيطة. المرحلة اللي بعد كده هتكون هي مرحلة الإنتروميديت أو المتوسطة، ودي تقريبًا المرحلة الأكبر في الكورس بتاعنا، ولأن هي فيها الجزء الأكبر من التفاصيل. فبعد ما خلاص عملنا الحساب الإعلاني بتاعنا وحساب الأعمال والصفحة بتاعتنا وفهمنا الحاجات دي بتشتغل إزاي والألغوريزم وخلافه، هنا أصبح بقى محتاجين نفهم مع بعض أهداف الحملات الإعلانية بشكل أكثر تفصيلًا. إزاي نعمل إعلان وفقًا لكل هدف، إمتى أصلاً بنختار أهداف الحملات الإعلانية دي، محتاجين نفهم أكثر ما يتعلق بالـ تارجيتنج والريتارجيتنج. ونعرف ايه هو الكاستم أودينس واللوكال لايك أودينس، يعني محتاجين نعرف إزاي نستهدف العميل، إزاي نعمل إعادة استهداف، وهو الجمهور المخصص، الجمهور المحفوظ، والبريفايد أودينس والجمهور المفتوح وخلافه. ومحتاجين نفهم بردك إزاي بندخل الـ AI أو الذكاء الصناعي، أو إزاي الذكاء الصناعي أصلاً دخل في جزئية الاستهداف على معظم المنصات بتاعتنا. والمرحلة اللي بعد كده هي هتكون مرحلة الـ أدفانس، خلينا نقول هي الـ بري أدفانس حقيقة مرحلة ما قبل الـ أدفانس، ودي المرحلة اللي هنتكلم فيها عن إزاي بنقرا الأرقام على الداش بورد بتاعتنا. وهنتعرف فيها على البكسل إزاي بنعمل البكسل سيت أب أصلاً، وإزاي بنربطه بالموقع الإلكتروني بتاعنا، وإزاي بنعمل سيت أب لـ أو تسطيب للأحداث أو الايفنتس اللي هي زي البيرشيز والأتو كارد والتشيك أوت والساين أب والبيج فيو وخلافه.

[4:06]كمان هنعرف إزاي بنعمل ده من خلال أدوات زي جوجل تاج مانجر، وإزاي بنقرا الداتا دي في الـ GA4. ولكن إحنا مش هنخش بشكل تعمقي في ما يتعلق بالـ GTM أو جوجل تاج مانجر والـ GA4، لأن بمشيئة الله بعد ما نخلص كورس الادفرتايزنج والميديا باير أو كورس الميديا باينج. هنعمل كورس متخصص للـ GTM وكورس ثاني متخصص للـ GA4، جوجل تاج مانجر وجوجل أناليتكس 4. وهيكون عندنا بعض الأدوات أو التولز اللي بتساعدنا في الموضوع ده زي مايكروسوفت كلاريتي، ودي أداة بتساعدك تشوف بصوت وصورة العميل بتاعك بيعمل إيه على الموقع الإلكتروني بتاعك وحاجة زي هوتجار وخلافه من الأدوات اللي بتساعدنا في النقطة دي. ده كده بكل بساطة الكورس. طيب هل الجزء النظري والجزء العملي هيكون آخدين شكل تراتبي ولا متوازيين ولا آلية بتاعتهم هتكون ماشية إزاي؟ الجزء النظري والجزء العملي هيكونوا ماشيين مع بعض بشكل متوازي، يعني هنكون شغالين في الجزء النظري بنشرح فيه كل يوم عندنا شورت فيديو صغير بينزل بيتكلم عن معلومة صغيرة. طيب إيه الحاجات النظرية هتكون زي إيه؟ زي مثلا أقول لك CPA، CPL، CPC، CTR، CR، كونفرجن ريت، المصطلحات دي أنت محتاج تكون فاهمها. محتاج تكون فاهم إن الـ CPC هو كوست بير كليك، CPL كوست بير ليد، محتاج تكون فاهم الكونفرجن، محتاج تكون فاهم الـ CPA كونفرجن أكويزيشن وهكذا، الحاجات دي أنت محتاج تكون فاهمها. عشان وإحنا بنشرح على الداش بورد، تلاقي قدامك مصطلح زي الـ CPA، CPC، CTR، المصطلحات دي لو أنت ما حضرتش الجزء النظري وما كانتش عندك أصلاً المعلومة، هيكون في صعوبة أثناء الجزء العملي إن أنت تكون فاهم الموضوع ده عبارة عن ايه. فهما متوازيين مع بعض شغالين في الجزء النظري والجزء العملي. وعلى التوالي، هيكون موجود معانا تاني لإن إحنا عندنا الكورس بيكون عبارة عن ثلاث نقاط: جزء نظري، جزء عملي، وجزء تفاعلي. الجزء التفاعلي ده بيشمل نقطتين، إحنا بالفعل موجود عندنا جروب بنتابع فيه مع بعض الكورس. أي حلقة بتنزل بنبعتها على الجروب، والناس بتتفرج على الحلقة لو حد عنده سؤال أو أي حاجة بيسألها. طيب هيكون عندنا كل أسبوع إن شاء الله أو كل ما نخلص جزء معين هيكون عندنا سيشن أو هيكون عندنا لايف سيشن، أو يعني محاضرة أونلاين هتكون موجودة. هتكون الناس كلها هتكون موجودة فيها، ده هيكون فيها جزئين، هيكون فيها جزء ريكاب، يعني هنعمل ريكاب أو هنراجع على اللي إحنا أخدناه في الجزء ده. والجزء الثاني هو الجزء الأكبر هيكون متعلق بالأسئلة، أي حد عنده أي سؤال متعلق بالجزئية دي هيقدر إن هو يسأل السؤال وهنبدأ إن إحنا نشرح للناس أو نجاوب على أسئلة الناس داخل المحاضرة دي. فده كده التراتبية بتاعت الكورس. كده أنت عرفت الكورس بتاعنا هيكون عبارة عن إيه، باقي آخر نقطة هي المنصات اللي إحنا أصلاً هنشتغل عليها داخل الكورس. إحنا هنشتغل على منصات ميتا، فيسبوك، انستجرام، سناب شات، تيك توك، وجوجل، ولو لقينا إن الناس عندها اهتمام بمنصة زي اكس تويتر سابقًا أو لينك دين فهنتكلم عنهم. وفي منصتين واحدة زي ياندكس ومنصة ثانية اسمها فيكي، دول منصات روسية، ليهم استخدامات بطريقة ما للناس خصوصًا اللي شغالة في الإمارات أو الناس اللي هي في الريال استيت عموما وعايزة تستهدف الروس علشان يجوا يستثمروا في الدول بتاعتهم فده بردك متاح ممكن نعمله. بس الأربع منصات دول سواء الاكس أو لينك دين أو المنصتين ياندكس وفيكي لو في اهتمام من الناس بس اكتب لي في التعليقات اسم المنصة اللي أنت مهتم بيه علشان خاطر نحضر للحاجات دي ويبدأ ننزلها ضمن الكورس بمشيئة الله. كده أول جزء أو المحور الأول من الفيديو خلص وهو متعلق بالكورس والتفاصيل بتاعته. هل الكورس مدفوع؟ لا الكورس مجاني بشكل تمامًا، هيكون موجود على قناة اليوتيوب بتاعتنا، الجزء النظري هيكون موجود على قناة اليوتيوب في شكل الشورتس فيديو أو هيكون موجود في شكل ريلز أو فيديوهات صغيرة على الانستجرام أو التيك توك. المنصة اللي أنت حابب تتابعنا عليها، تقدر تتابعنا عليها وهتلاقي الروابط بتاعها موجودة في وصف الفيديو. وبكده هنكون عرفنا الكورس بتاعنا والتفاصيل بتاعته وخلافه. طيب لو أنت عندك أي سؤال، في عندك نقطتين، إما إن أنت تكتب لنا السؤال في التعليقات أو اكتب في التعليقات هبعت لك رابط للجروب اللي إحنا موجودين عليه وإحنا بنتابع عليه الكورس عشان لو عندك أي سؤال تسألنا هنا. خلينا ننتقل بعد كده للمحور رقم اثنين ألا وهو المحور المتعلق بالميديا باينج. إحنا محتاجين نفهم إيه هو مصطلح الميديا باينج وإيه الفرق ما بين مصطلح الميديا باينج والميديا باير. والمصطلح ده أصلاً جه منين، نشأ إزاي، اتطور لحد ما وصل للحالة اللي إحنا فيها إزاي، هو أصلاً موجود فين في موضوع الماركتينج، يعني هو تحت أي قسم أو أي جزء في الماركتينج. وإيه الحاجات اللي محتاج أعرفها علشان خاطر أقدر أحقق نتائج كويسة متعلقة بحتة البرفورمانس أو الميديا باينج. حالياً إحنا هنروح على الشاشة بتاعت الكمبيوتر أو التاب علشان نشرح الموضوع ده بشكل تفصيلي ونفهم تفصيلياً كل نقطة من النقاط ديت هي عبارة عن إيه، ونفهم السيركل كلها، ونتعرف على مصطلح الميديا باينج. اهلا بكم في المحور الثاني من الفيديو ده. الجزء ده احنا هنتعرف على مفهوم الميديا باينج، هنعرف ايه هو الميديا باينج، النشأة بتاعته، والتطور واخره. اول نقطة بس خلينا نرجع شوية كده ونفهم كلمة ميديا باينج اصلا جاية منين. كلمة ميديا باينج هي كلمة إنجليزية مقسومة لجزئين، مقسومة لكلمة ميديا ومقسومة لكلمة باينج. الميديا ديت كلمة معناها بالعربي الوسائط. كلمة باينج هي كلمة متخدة من كلمة باي، باي اللي هو تو باي سامثينج، الشراء. والكلمة هنا مقسومة لجزئين، مقسومة للباينج والباير. ومحتاج تكون فاهم الفرق ما بين الاثنين. لما اقول لك مصطلح الميديا باينج ده المقصود بيها الوظيفة أو الشغلانة، أما لما اقول لك مصطلح الميديا باير فده الشخص. زي بالظبط ما اجي اقول لك المحاسب والمحاسبة، الفرق ما بين الاثنين إن المحاسبة هي الآلية أو العملية نفسها، أما المحاسب فهو الشخص اللي بيقوم بعملية المحاسبة. كذلك الأمر مصطلح ميديا باير المقصود بيها الشخص اللي شغال، يعني أنت بتشتغل إيه؟ والله انا بشتغل ميديا باير. طب أنت اسم الشغلانة بتاعتك إيه؟ اسمها الميديا باينج. ده كده اول نقطة موجودة عندنا، يبقى الميديا باينج هي الوظيفة أو الشغلانة. طيب الكلمة ديت بالعربي معناها إيه؟ احنا قلنا كلمة باينج هو عملية الشراء، فهي المقصود بيها عملية شراء الوسائط، او ممكن نقول عملية شراء المساحات الإعلانية. فأنت كده أصبح عندك ميديا باينج هي عملية شراء المساحات الإعلانية أو الوسائط الإعلانية. لو جينا نمسك مصطلح الميديا باينج كده عشان نفهم اصلا هو جه منين. زمان وقت ما كان في الجرائد أو النيوز بيبر، وقت ما كان في الماجازينز أو اللي هي المجلات، أو البيلبورد أو اللي احنا بنسميها اللي هي اليفط أو الصور اللي انت بتشوفها على الدائري مثلا أو بتشوفها في الشوارع الكبيرة، دي ما تسمى بالبيلبورد. زمان لما كان في الثلاث نقط دول كان الشخص بيروح للشركة المسئولة عن مثلا الماجازين أو المجلة أو مثلا الشركة اللي هي مسئولة عن الجريدة مثلا أو الشركة اللي هي شاريه مساحة إعلانية مثلا شاريه وليكن مثلا صورة كبيرة موجودة على منطقة زي الدائري أو موجودة على كوبري من الكباري الجديدة أو بناية أو خلافه. وبيقول لهم والله انا عايز اشتري مساحة منكم قد كذا لمدة زمنية قد كذا، دي تكلفتها قد ايه؟ والله مثلا تكلفتها وليكن 100 دولار مثلا في الشهر. تمام؟ ده كده قديماً كان الموضوع ماشي بالهيكلة دي. لما ظهر بعد كده عندنا الراديو بقى الميديا باينج نفسه تحول من فكرة ان انا ببقى بشتري مساحة إلى ان انا بشتري وقت، فبقت مثلا باخد خمس ثواني 10 ثواني مثلا 15 ثانية 40 ثانية في برنامج راديو معين او ما بين كل برنامج والتاني. لما ظهر بعد كده عندنا موضوع التليفزيون أو الـ TV فالموضوع اتطور وبقت باخد مساحة إعلانية داخل برنامج أو باخد مساحة إعلانية ما بين البرنامج والتاني. وبعد كده ظهر عندنا حاجة تانية ان اصبح في برنامج كامل برعاية علامة معينة. ولما بعد كده دخل بقى موضوع المباريات مثلا اللي هي الكورة أو البرامج الرياضية، بقى يعني أصبح في شركات بتعمل عملية رعاية مثلا للموضوع ده وبقى جزء من الاتفاق والله إن العلامة التجارية بتاعتنا تكون مثلا ظاهرة داخل البيلبوردس أو داخله أو ظاهرة في نقاط محددة. بعد كده ظهر عندنا عصر الديجيتال، واللي هو هنا المتعلق بموضوع الإنترنت. لما ظهر عندنا عصر الديجيتال أو عصر الإنترنت، ظهر عندنا ما تسمى زمان المنتديات والمدونات. زمان كان موضوع المنتديات والمدونات منتشر جدا، فأنت كنت بتروح للمنتدى أو المدونة وبتيجي حاجز عنده مساحة معينة بتحط فيها بانر أو صورة خاصة بيك للبراند بتاعك. ودي بتكون لمدة زمنية معينة، وده بينطبق على المدونة أو المنتدى. بعد كده ظهر عندنا مصطلح جديد تمامًا، هو مصطلح السوشيال ميديا. لما ظهر عندنا مصطلح السوشيال ميديا، حصل تغيير جذري في حتة الميديا باينج، والمفهوم بتاعه، وآلية الحساب، وخلافه. فأنا الأول كنت بتعامل على اني أنا باخد مساحة لمدة زمنية معينة، وبدفع رقم معين. الموضوع في عصر السوشيال ميديا اتطور فيه لإن أنا بقت باخد الموضوع بناءً على ما تسمى بحاجة اسمها الامبريشن، أو الريتش، أو الوصول، وخلافه. ومع حاجات زي السيرش إنجن زي جوجل مثلا، وبينج وياندكس وخلافه، أصبح الموضوع بيكون عبارة عن الكليكس. التطور اللي حصل مع ظهور عصر الديجيتال، وانطلاقاً بعد كده لعصر السوشيال ميديا، عمل تغيير بشكل كبير، لإن انا قديماً لو انا عندي مجلة مثلا. والمجلة دي أخدت انا فيها مساحة إعلانية معينة، فكل الناس اللي بتشتري المجلة بتشوف الإعلان بتاعي، الشخص ده ممكن يكون مهتم او ممكن ما يكونش مهتم. لكن مع السوشيال ميديا انا بطلت اعمل الموضوع ده، بقى في عندي حاجة اسمها استهداف، بقيت بروح للناس بناء على الإنتتي بتاعتهم، النية بتاعتهم، على الانتريست أو الاهتمامات بتاعتهم. بحيث إن الإعلان بتاعي يظهر بشكل أكثر دقة للجمهور اللي انا عايزه. لو جينا نبص على موضوع الميديا باينج في عصر الديجيتال، هنلاقي ان هو عندنا رايح لمحورين، محور متعلق بالسوشيال ميديا، ومحور تاني متعلق بالسيرش إنجن. السوشيال ميديا زي فيسبوك، تيك توك، سناب شات، لينك دين، وهكذا. اما السيرش إنجن، دي حاجات متعلقة بجوجل، متعلقة ببينج، متعلقة بياندكس، وهكذا. الفرق ما بين الاثنين هو الفرق مش كبير بس في اختلاف جوهري، إن أنت عندك منصة زي جوجل مثلا، هتلاقيها بتحاسبك على الكليك. المعظم السوشيال ميديا بتروح لحتة الامبريشن، فده اختلاف في طريقة الحساب. الإعلانات على السيرش إنجن مختلفة شوية، لأن هي بتكون بناء على عمليات البحث، اما في السوشيال ميديا فانت بتتصفح وهي بتظهر لك. فده اختلاف موجود ما بين المصطلحين. احنا كده عرفنا مصطلح الميديا باينج معنى ايه، وجا منين، والتطور بتاعه. وعرفنا ان الفرق ما بين الميديا باينج والميديا باير. النقطة الثانية اللي أنت محتاج تكون عارفها وملم بيها هي الحاجات المتتمحورة حول مصطلح الميديا باينج. الحاجات دي زي إيه؟ انت كميديا باينج مش بتبقى شخص شغال لحالك، أو لما أنت بتاخد التسك مش بتبقى شغال لحالك، أنت محتاج تشتغل مع تيم. التيم ده بدايةً من الناس بتوع الكونتنت، الناس بتوع الجرافيك ديزاين، الناس بتوع الفيديو ايديتينج، الناس بتوع الكودينج أو البرمجة.

[15:05]الناس دي أنت محتاج تكون شغال معاهم وفاهم، لأن أنت دلوقتي جا لك اوردر والله إنت إحنا محتاجين نطلع بكامبين لبرودكت معين. وليكن مثلا البرودكت ده هو عبارة عن ايه؟ عبارة عن الازازة اللي احنا شايفينها قدامنا دي. طيب أنت علشان خاطر تعمل إعلان للبرودكت ده محتاج إن أنت يكون عندك فيجوال. الفيجوال ده ممكن يكون موجود في شكل صورة أو ممكن يكون موجود في شكل فيديو. طيب الحاجات دي مين اللي هيعملها؟ الحاجات دي غالباً اللي هيعملها إما الجرافيك ديزاين اللي شغال عندك أو الفيديو ايديتينج الموجود عندك. فأنت محتاج تكون فاهم أبعاد البرودكت اللي أنت شغال عليه عشان خاطر تعرف تدي بريف واضح للشخصين دول. ومحتاج يكون عندك النقاط الأساسية اللي أنت هتركز عليها في البرودكت بتاعك. ده معناه إن أنت محتاج تفهم أصلاً المنتج بتاعك عبارة عن إيه، بيشتغل إزاي، إيه الـ USPs أو اليونيك سيلينج بوينت اللي هي الميزة التنافسية الموجودة في المنتج بتاعك. المنتج بتاعك محتاج تكون عارف الجمهور بتاعك هيكون رجال، إناث، الفئة العمرية بتاعتهم، وده اللي احنا بنسميه بمصطلح الباير بيرسونا. الباير بيرسونا محتاج إن أنت تكون عاملها وعارفها ومقسمها وعاطي لها التقسيمة بتاعتك عشان أصلاً تكون فاهم أنت رايح فين. فلما تيجي تدي بريف للكونتنت أو الفيديو جرافر أو الديزاين، تكون فاهم أنت بتعمل إيه. الكونتنت، الشخص أصلاً اللي هيجيب لك الايديز، أنت بنيه بتدي له توجيه عام. الكونتنت ممكن يديك ايديز مختلفة، محتاج أصلا وأنت بتدي للشخص بتاع الكونتنت تدي له بريف كامل. الـ USPs اللي هو محتاج يركز عليها، النقاط الأساسية اللي أنت عايز تركز عليها في المنتج بتاعك، وهكذا. عشان خاطر هو بيكتب الكونتنت بتاعه، اللي هو هيتحول فيما بعد لـ ديزاين، أو هيتحول مع بعض فيما بعد مثلا لـ فيديو، يكون بيكتبه بشكل متناسق مع الفيديو اللي هيطلع، أو مع الصورة اللي هتطلع. فالنقاط دي كلها محتاجة تكون موجودة، فأنت هنا شخص مش بيشتغل لحاله، أنت كميديا باير شخص بيشتغل مع مجموعة ناس. بتشتغل مع الجرافيك ديزاين، بتشتغل مع الفيديو ايديتينج، بتشتغل مع الكونتنت، وبتشتغل مع الناس بتوع الكودينج أو البرمجة. محتاج ان انت تكون ملم بالنقاط ديت، محتاج تعمل رقم واحد باير بيرسونا علشان تفهم العميل بتاعك. بعد كده تحدد الـ USPs أو اليونيك سيلينج بوينت أو الميزات التنافسية الموجودة في المنتج بتاعك أو الخدمة اللي أنت بتقدمها. ومحتاج تعرف ازاي تدي بريف واضح. البريف هو المقصود بيه إيه؟ البريف هو النبذة المختصرة عن الحاجة اللي أنت عايز تعملها. دي كده النقاط الأساسية بتاعتك. طيب، ولنفترض إن أنت دلوقتي أصبح عندك فول فيجن، رؤية كاملة للمنتج اللي أنت هتسوق له، حددت الـ USPs، حددت الباير بيرسونا وكل حاجة أصبحت واضحة بالنسبة لك. محتاج تبدأ تدي بريف للناس دي، سواء أنت اللي هتكتب الكونتنت أو عندك كونتنت رايتر أو أنت اللي هتعمل الديزاين أو عندك حاجة جرافيك ديزاين أو فيديو أو خلافه. علشان خاطر تتعامل مع الناس أنت محتاج يكون عندك بعض البيزيكس أو الأساسيات بتاعت بعض الحاجات. رقم واحد فيما يتعلق بموضوع الكونتنت، محتاج تكون فاهم الفرق ما بين الكونتنت رايتر والكوبي رايتر، الشخص المسؤول عن محتوى تفاعلي، محتوى بيعي. محتاج تكون فاهم الفرق ما بين الشخص اللي بيعمل سكريبت والشخص اللي بيكتب كونتنت عادي. محتاج تكون فاهم ان السكريبت له تقسيمات أو توزيعات معينة. محتاج تكون فاهم الجزء المتعلق بالبراندينج علشان التوجيه بتاعك يكون صح. دي نقاط أنت محتاج تكون عارفها. هل أنا محتاج أكون متخصص؟ لا مش محتاج تكون متخصص في الحاجات دي. كل المطلوب منك حاليا إن أنت تكون عندك البيزيك أو فاهم الحاجات دي عبارة عن إيه، فاهم هو الكونتنت، فاهم الكونتنت رايتر والكوبي رايت، فاهم السكريبت، عندك فهم عام عن الحاجات دي. عشان خاطر وأنت بتدي بريف للكونتنت، تكون فاهم أنت بتدي له بريف عبارة عن إيه بتتكلم معاه إزاي. في حاجة في عالم الأعمال مقولة حلوة جدا باللغة الإنجليزية اسمها Let's speak the same language. هتيجي تسأل سؤال: يعني ايه Let's speak the same language؟ احنا الإتنين بنتكلم اللغة العربية. حبيبي لا، الموضوع مش متعلق باللغة العربية، الموضوع متعلق بلغة الحوار اللي موجودة ما بيناتكم. أوقات بيكون بينك وبين أخواتك في البيت سين، بينك وبين والدك أو والدتك سين، بينك وبين أصحابك سين. شايف الـ سين ده إحنا بنسميه اللانغويج، اللي هو أحيانا كده بتلاقي لك إيه؟ لغة الأعمال، لغة البزنس، لغة الماركيتر، لغة الناس اللي هم شغالين في حتة الكودينج. محتاج تكون بتعرف تتكلم اللغة دي عشان تعرف تدي بريف بشكل واضح للشخص اللي أنت شغال معاه. فلو انت مثلا بتتعامل مع الشخص اللي شغال في حتة الجرافيك ديزاين، او خلينا نتكلم في حتة الديزاين مثلا. لو أنت بتتعامل مع الجرافيك ديزاين للسوشيال ميديا حاجة، ولو أنت بتتعامل مع حد شغال في مجال اليو اي واليو اكس دي حاجة تانية. في اليو اي واليو اكس ده محتاج تكون فاهم يوزر اكسبيرينس ويوزر انترفيس، عندك النولدج بتاعت الموضوع عشان تعرف تبني اللاندينج بيدج بشكل صحيح، اللي هي ما تسمى صفحة هبوط. محتاج تعرف الحاجات اللي أنت محتاج تركز عليها عشان خاطر هو يعرف يشتغل بعديك بشكل صحيح. محتاج تكون عارف ان في تول زي مثلا فيجما الناس دي بتشتغل عليها، محتاج تكون عارف ان في تولز تانية مثلا تبع شركة ادوبي اكس دي الناس ديت بيشتغلوا عليها. الحاجات دي أنت محتاج يكون عندك نوليدج مش معرفة كاملة بيها، مش محتاج تكون بتعرف تشتغل على فيجما أو أنت تعرف تشتغل على ادوبي اكس دي أو خلافه، ولكن طبعا كويس ان تكون بتعرف تشتغل على الحاجات دي، ولكن أنت مش مطالب بحاجة زي كده. بس فاهم حاجة زي كده، لو أنت بتشتغل مع حاجة جرافيك ديزاين محتاج تكون فاهم إن هو بيشتغل على برامج زي فوتوشوب، زي الاستريتور، ان ديزاين، وخلافه. ليه؟ عشان خاطر وأنت بتتكلم معاه تكون فاهم الديزاين أصلا الحاجة اللي أنت بتطلبها منه ينفع تطلب ولا لا. ما تجيش مثلا تقول له والله انا عايز اعمل فكرة هي كذا كذا كذا، الفكرة دي غير قابلة للتطبيق. أو الشخص مثلا اللي شغال معاك هو بس بيعرف يشتغل جرافيك ديزاين، أو بس بيعرف يشتغل استريتور. فمحتاج تكون فاهم التيم اللي شغال معاك، أو الشخص اللي شغال معاك، الكاباسيتي بتاعته، أو المعلومات اللي عنده، البرامج اللي بيستخدمها، عشان وأنت بتأساين تاسك، تكون بتعرف تدي تاسك بشكل صحيح. دي نقطة مهمة خلي بالك، عشان أنت لو مش فاهم الكلام ده كله هتيجي تدي التاسك أو هتدي بريف للناس، هتلاقي الناس بتعمل معاك كده. محدش فاهم أنت بتقول إيه، عشان أنت مش بتتكلم اللغة بتاعتهم. محتاج كمان تكون فاهم موضوع الألوان، إن البراند هو مبني بيكون مبني على واحد أو اثنين لون، في برايمري، في سكندري كلر. عشان خاطر ما تجيش يكون هو ماشي على براند جايدلاين معين واخده من مثلا المانجر بتاعه او من الأولنر أو خلافه، وتجي والله تقول له أنا عايز اعمل فكرة مثلا الألوان البراند عندك أصفر وأخضر، وأنت مثلا تقول له أنا عايزه أعمل واحد أبيض وأسود. فلا ده مش ماشي مع الفيجوال ومش ماشي مع الترتيب بتاع البراند جايدلاينز اللي احنا شغالين عليه. دي تفاصيل محتاج تكون فاهمها ومدرك بيها. لو أنا بتعامل مع مثلا الشخص اللي شغال في موضوع الفيديو، في موضوع الفيديو أنت محتاج تكون فاهم البرامج اللي هم بيشتغلوا عليها. هل الشخص ده شغال بدا فنشي، هل الشخص ده مثلا شغال ببرامج الادوبي، شغال كاب كت شغال ايه بالظبط عشان خاطر وأنت بتاساين تاسك تكون فاهم الشخص ده بيشتغل على ايه او بيعمل ايه وإيه القدرة والقابلية بتاعت الشخص ان هو يطلع لك شغل معين. محتاج تكون عارف إزاي تدي له الانجلز اللي هيشتغل عليها، وليكن أنا عندي مثلا حاجة زي الكتاب ده، تمام؟ الكتاب ده انا عايز اعمله ماركتينج، فوالله الكتاب ده محتاج انا هسوقه من انجل واحد اثنين ثلاثة. الانجلز ديت يا فيديوجرافر يعني الشخص ده بتصور أنا محتاجك تظهر لي واحد اثنين ثلاثة أربعة في الفيديو بتاعي. عشان خاطر أنا هدفي إن أنا اتارجت واحد اثنين ثلاثة أربعة، فهمك للحاجات دي بيساعدك في ان انت تاساين التاسك بتاعك بشكل صحيح للشخص اللي أنت شغال معاه.

[22:35]طيب انا دلوقتي شغال مع الشخص بتاع الكودينج أو اللي هو الويب ديفيلبر مثلا. إيه الحاجات اللي انا محتاج اكون فاهمها؟ والله محتاج اكون فاهم ان في حاجة اسمها لغات برمجة، محتاج اكون فاهم ان في بعض الادوات أو التولز او الحاجات اللي هو بيكون شغال عليها. محتاج اكون فاهم أو اعرف أصلا الموقع اللي احنا شغالين عليه هل هو ووردبريس؟ هل هو شوبيفاي؟ هل هو سلة؟ هل هو زد؟ هل هو معمول كاستوم مثلا؟ معمول بشكل يدوي؟ طب ليه انا محتاج اعرف الحاجات دي؟ والله محتاج اكون فاهم الموقع بتاعي اصلا مبني على ايه؟ مبني على لغة PHP؟ مبني على Java؟ مبني لا الحاجات دي انا محتاج اعرفها. ممكن أقول لك إن في المرحلة الأولى والثانية مرحلة ان انت تكون مبتدئ أو مرحلة الـ ان أنت تكون متوسط، الحاجات دي ممكن ما تكونش محتاجها أوي. بس لما بتيجي تخش للمرحلة رقم ثلاثة وهي مرحلة الادفانس، وإن أنت بقى محتاج تنقل من حتة ان أنت حاجة بيشتغل كامبين لحاجة بيشتغل بيرفورمانس. هنا هتواجهت مشاكل كتيرة، ليه؟ أنت محتاج تعمل سيت اب لحاجة اسمها البكسل، البكسل ده أصلاً عبارة عن إيه؟ هو عبارة عن كود برمجي. متكون من إيه؟ مبني على إيه؟ مبني على لغة اسمها HTML، له بداية، له نهاية، والله التقسيمة بتاعته لحاجة زي التشيك أوت كذا، زي البيرشيز كذا، زي البيج فيو كذا. لو أنا مش فاهم الكلام ده كله، هتيجي تتكلم مع المبرمج، هتلاقي نفسكم انتوا الإتنين عاملين كده، انت بتقول إيه؟ أنا مش فاهم اللي أنت بتقوله، مش عارف أتكلم الكلام اللي أنت بتتكلمه. ده يجي يقول لك والله ده في ده مبني بلغة الـ HTML، إحنا عندنا كذا كذا كذا، طب ايه ده؟ فهمك للحاجات دي بيسهل عليك الدنيا. لما تيجي بعد كده تشتغل على جوجل تاج مانجر، تمام؟ محتاج يكون في عندك سكريبتات مثلا بتتكتب. محتاج وأنت بتعمل سيت أب للبكسل تكون فاهم، والله لو أنا بستخدم سلة، فاستخدام السلة ده معناه ان انا مش محتاج اكون محتاج كود. ليه؟ لأن في سلة فيها بلاجين، أنا بحط حاجة اسمها البكسل اي دي، وبعد كده بطلع حاجة متعلقة بالكود ما يسمى بالتوكن. الجزء ده بحطهم في سلة، بيعمل لي سيت أب للبكسل والكونفرجن، وخلاص خلص الموضوع على كده. طب لو أنا بستخدم حاجة زي الووردبريس مثلا؟ لا، الووردبريس موضوع مختلف. الووردبريس أنا محتاج ان انا إما اعمل سيت أب للكود نفسه في الموقع أو استخدم بلاجين متعلقة بالـ GTM. طيب، والله الموقع بتاعي معمول بشكل كاستوم، هنا انت أطلت، يعني معمول بشكل كاستوم انت محتاج يكون في تدخل منك في موضوع الكود، لأن الشخص اللي ممكن يكون شغال في حتة الكودينج أو البرمجة اصلا مش فاهم الجزئية المتعلقة بالتراكنج. فمحتاج ان انت تكون فاهم، والله أنا هستخدم البكسل بشكل مباشر، فممكن مثلا أستخدم الفيسبوك بكسل، وأرجع أحط تيك توك بكسل، اقول له لا لا لا ستوب. كل اللي أنا محتاجه منك، تاخد لي الكود بتاع الـ GTM ده، تحطه لي في الموقع بتاعي، فين يا عم الحاج؟ في منطقة اسمها الهيد، ومنطقة اسمها البودي، وشكرا ليك انا كده مش محتاج منك أي حاجة، وأنا هتعامل بعد كده. هبدأ انا بقى اخش على الـ GTM ده. وابدأ اعمل سيت أب لحاجة اسمها الايفنتس أو الاحداث، محتاج ابقى فاهم الفلو بتاع العميل بتاعي. هيبدأ بـ فيو كونتنت ثم تو كارت ثم التشيك أوت ثم عملية البيرشيز، ممكن يقف في أي مرحلة من المراحل ديت، محتاج يكون عندي مسطب حاجة زي هوتجار مثلا أو حاجة زي مايكروسوفت كلاريتي، ليه؟ عشان خاطر اشوف العميل واقف فين. محتاج يكون عندي الـ GA4 عشان خاطر أتابع الفلو بتاعة الكلاينت بتاعي. كل المعلومات والتفاصيل ديت لو أنت مش فاهمها، هتلاقي نفسك واقف مش عارف أنت رايح فين. علشان كده شغلانتك كـ حد شغال في حتة الميديا باينج أنت مش شخص ثابت، مش شخص بتعمل واحد زائد واحد يساوي اثنين، أنت شخص مرن بشكل كبير جدا. شخص محتاج يكون عنده سكيل كتيرة جدا، محتاج يكون عنده سكيل متعلقة بالديزاين، سكيل تانية متعلقة بموضوع الكودينج، سكيل ثالثة متعلقة بموضوع الفيديو، سكيل رابعة متعلقة بموضوع الكونتنت. سكيل متعلقة بحتة اليو اي واليو اكس، خصوصا لو أنت هتشتغل على حاجة زي جوجل أو هتشتغل على برودكتس معينة، على صفحة على صفحات. محتاج تكون بتعرف تقرا الارقام، الأرقام ثم الأرقام ثم الأرقام، حط تحتيها مليون خط. عدم فهمك وعدم قدرتك على ان انت تقرا الارقام ده بيخليك مش قادر ان انت تعمل اي حاجة. انت عملت الحملة الأولانية بتاعتك، الحملة اشتغلت، بتجيب مبيعات بس انت مش فاهم ايه اللي بيحصل، مش عارف الحملة بتاعتك جابت كام مبيعة، مش عارف تحسب الـ CTR بتاعك، مش عارف تحسب الكونفرجن ريت، مش عارف تحسب الـ ROAS. الحاجات دي كلها انت مش عارف تحسبها، فبالتالي انت واقف. والله أنا شايف إن في منصة، وليكن مثلا اديلك مثال، أنا دلوقتي عندي إعلان على المنتج ده. شغال على تيك توك، وشغال على سناب شات. هنا المنصة جابت لي 10 مبيعات، هنا المنصة جابت لي سبع مبيعات. من وجهة نظرك أيهما أفضل؟ والله أنا من وجهة نظري ان الأفضل تيك توك. ده إجابة خاطئة، ليه؟ لأن أنا في تيك توك ممكن تكون عندي اصلاً المنصة نفسها جايبالي مبيعات، بس المبيعات اللي جاية هم جايين 10 مبيعات، وأنا عندي مثلا الـ ريتيرن أدفيرتايز سبند وليكن هو اثنين أو ثلاثة. نسبة المرتجع هنا عالي جدا، لكن لما اجي ابص على منصة زي سناب شات الاقي مثلا ان الـ ROAS بتاعي وليكن مثلا خمسة، المرتجع هنا اقل. إذا عندي الكواليتي ليد هنا اعلى من الكواليتي ليد هنا أو الكواليتي المبيعات اللي بتيجي هنا اعلى من الكواليتي المبيعات اللي بتيجي هنا. طيب في الحالة دي هعمل إيه؟ في الحالة دي أنا محتاج ان انا أشوف ايه المنصة الإعلانية، ممكن الاقي هنا مثلا ان الكوست بتاعي 10 دولار، الكوست بتاعي هنا وليكن 7 دولار. أه لا أنا خلاص هكمل مع تيك توك، في حال اصلا ان منصة السناب شات بتجيب لك اكتر، ليه؟ لأن عندك الرو اس بتاعها يعني انا كل دولار بصرفه بيرجع لي عليه 5 دولار و 7 دولار. فهنا هنا العائد أعلى من هنا. طيب، أنهي أفضل؟ هنا مش أفضل انت حضرتك محتاج تقعد مع البزنس اونر او الشخص المسؤول وتقول له والله انت تركيزك على المبيعات ولا تركيزك على العائد من المبيعات. أنت عايز تركز على ايه؟ يقول لك والله أنا عايز أركز على حجم المبيعات أنا عايز أبيع كتير. حلو، واحد يقول لك لا أنا عايز أركز لي على العائد، عايز المكسب يكون أكبر. إذا هنا محتاج تشوف المنصة اللي انت هتشتغل معاها وهكذا. ففهمك لكل التفاصيل اللي أنا قلت لك عليها ديت، بتخليك في النهاية حد يعني بص من الاخر الحاجات اللي انا قلتها لك دي دي الحاجات اللي بتفرق ميديا باير عن ميديا باير. ده اللي بيخليك الماركت بتاعك السعر بتاعك بدل ما انت بتشتغل وبتاخد 1000 جنيه لا بتشتغل وبتاخد 10000 جنيه. التفاصيل الصغيرة والفاهريز والحاجات ديت هي دي الأساس، الحاجات اللي احنا هنعرفها داخل الكورس والتيبس والتريكس اللي احنا هنشتغل عليها أو هنتعرف عليها داخل الكورس، دي الآلية اللي أنت محتاج تفهمها. دي الحاجات اللي بتنقل لك، دي الحاجات اللي هتخليك تتميز في حتة الميديا باينج. المعرفة سطحية مش مفيدة، محتاج تكون فاهم، متخصص، عارف الدنيا بتاعتك رايحة فين وجاية منين. وده كده كان نظرة عامة أو سريعة على مصطلح الميديا باينج. كده أنت فهمت ايه هي الميديا باينج، عرفت النشأة بتاعتها، عرفت جت منين، وعرفت ايه الحاجات اللي أنت محتاجها تكون موجودة عندك عشان خاطر تعرف تتعلم الميديا باينج وتخش في مجال الميديا باينج. السؤال بقى المهم هنا هل أنا محتاج أكون متخصص في كل الحاجات ديت؟ دي إجابة خاطئة، أنت مش محتاج تكون متخصص في كل الحاجات دي. قلت لك أنت محتاج يكون عندك بس معلومة عن الحاجات دي، يعني إيه معلومة؟ يعني محتاج تقرا، محتاج تاخد لك كورس بسيط، تفهم الحاجات ديت، محتاج تفهم الكونتنت، البراندينج، فهم عام عشان تبقى فاهم أنا البراندينج بتاعي ماشي إزاي. محتاج تفهم الألوان، تفهم الفونتس اللي بتستخدم، تعرف أصلا الناس دي بتشتغل إزاي، كذلك الأمر في حتة الكودينج، كذلك الأمر في حتة الفيديو ايديتينج، كذلك الأمر في حتة الموشن. بس عندك معلومة عامة عشان وأنت بتدي تاسك أو بتأسين التاسك للشخص ده، يكون عندك القدرة والقابلية إن أنت تأسين أو تدي تاسك بشكل صحيح. تدي بريف واضح عشان خاطر تحقق النتيجة اللي أنت عايزها، وبكده نكون خلصنا المحور الثاني. وفي نهاية المحور ده أنت كده أخذت المحورين الرئيسيين الموجودين في الفيديو، في ما يتعلق بالكورس والتفاصيل بتاعته هنمشي إزاي، والجزء المتعلق بالميديا باينج. بداية من الفيديو الجاي إن شاء الله، هيكون في الجزء العملي اللي هنتكلم فيه، وهنشرح فيه الحاجات دي بشكل أكثر تفصيلا. وبكده أنت عرفت ايه هو الميديا باينج والنشأة بتاعته والتطور بتاعه، وعرفت المؤهلات اللي محتاج تكون عندك عشان خاطر تشتغل في مجال الميديا باينج وتبقى ميديا باير شاطر، وتعرفت على تفاصيل الكورس والآلية اللي احنا هنتابعها. بكده احنا خلصنا الفيديو بس قبل ما الفيديو بتاعنا، لو أنت بتتفرج على الفيديو ده من اليوتيوب بشكل مباشر مش موجودة معانا على الجروب، فقول لي في التعليقات هبعت لك لينك الجروب اللي احنا بنتابع عليه الكورس عشان خاطر تكون موجود معانا وتحضر السيشنز خصوصا هي بتكون اونلاين عشان لو عندك أي سؤال أو أي حاجة. وبكده نكون وصلنا لنهاية الفيديو، بس قبل ما ننهي الفيديو بتاعنا ما تنساش تعمل لايك للفيديو ولو أنت مش مشترك على القناة اشترك على القناة وفعل زر الجرس. وعايزك تبعت الفيديو ده لواحد من أصحابك اللي مهتم بمجال الميديا باينج أو حابب يتعلم الميديا باينج، وما تنساش إن الدال على الخير كفاعله، أشوفك في الكورس والسلام عليكم.