استنكار الكلام الطيب!

[0:00]لكن تقول لي يا عم خالد انا عايز امشي واسيبك، اه اقعد. يعني انا بشوف صفحات السوشيال ميديا دي حاجة كده قذرة، ادنى ما يقال عنها انها قذرة. بس اديني بقى من وقتك، اديني من عمرك عشان اعلمك واحنا معاك باذن الله معاك بحاجتين بكثره التدريب والدعوات والكلمات الطيبه اللي تثبتك في الوقت ده لان احنا عارفين ان انتم حاليا بتكونوا في بعض الاحيان نفسيتكم مش افضل شيء فمحتاجين حد ان هو يحفزكم او يقول لكم كلام طيب وعلى فكره يا جماعه، الكلام الطيب ليس بخساره انا بحس ان بعض الناس غير اسوياء في الحته دي والله. لما تيجي تقول لواحد كلام طيب يحس يحسسك انك ليه بتقول له كده؟ انتم بتقولوا ايه يا جماعه؟ يعني انا بشوف صفحات السوشيال ميديا دي حاجة كده قذرة، ادنى ما يقال عنها انها قذرة. نادرا ما تلاقي حد بيقول لحد كلام طيب نادرا فئه قليله جدا يا راجل يا طيب ده الكلمه الطيبه صدقه صدقه. تتصدق بيها ما تعرفش ربنا سبحانه وتعالى هينقذك بيها من ايه فقولها يا اخي قولها. قولها كلمه طيبه ايه ايه المانع يعني؟ ايه المانع ان انا النهارده شفت واحد صاحبي في حاله يعني مش احسن حاجه او حتى يا عم في احسن حاله ومع ذلك برضو قلت له كلام طيب عشان افرحه اكتر انا شايفه فرحان وعايز افرحه اكتر. طب انا شايفه زعلان بواسيه وبفرحه، ايه يا عم في ايه؟ ما المانع ما المانع ان تكون دي اخلاقنا؟ لكن نيجي نقول للناس نقول للناس كلام طيب يقول لك يا عم ده بيخضرهم، يا عم لا. لا ما فيش تخدير بالعكس احنا لما بنشوفك مقصر في حاجه بنديك على وشك وده دور ولي الامر برضه انك يلاقي ابنه مقصر خد يلا على وشك طب يلاقي ابنه مثلا محتاج منه دعم نفسي لا يا عم دعمه دعم نفسي ادعم ابنك انا بالنسبه لي انتوا زي زي زي اولادي بالظبط تعال يا عم ادعمك ايه ما ادعمكش ليه لازم اقول لك واكلمك كويس واقول لك كلام طيب بس اديني بقى من وقتك اديني من عمرك عشان اعلمك. لكن تقول لي يا عم خالد انا عايز امشي واسيبك اه اقعد اقعد خليها نحقق شيء طيب ونطلع من السنه دي بذكرى طيبه حسنه هتمر الاوقات ويبقى الاثر الاثر اللي احنا بنزرعه فيك ده هو باذن الله اللي هيمتد نسال ربنا سبحانه وتعالى ان يرزقنا واياكم دوما العمر المديد والعمل الصالح الرشيد نسال ربنا سبحانه وتعالى لنا ولكم دوما السداد والتوفيق والقبول نراكم دوما على خير والسلام عليكم ورحمه الله وبركاته