[0:05]Hello.
[0:16]That is not a fucking person.
[0:32]في سنة 2020 الأغلبية ديال الناس اللي كانوا كيستعملوا مواقع التواصل الإجتماعية بحال الإنستغرام، تيك توك، فيسبوك وحتى يوتيوب كانوا كيتشكاو وكيسنياليو واحد التصاور. واحد التصاور اللي انتشروا بزاف، واحد التصاور اللي حتى واحد ما عرف منين جايين وشكون خداهم. واحد التصاور اللي أي واحد كيشوفهم كيحس براسو ماشي هو هداك. بحيث أن بزاف ديال الناس فاش شافوا هاد التصاور قالوا بأنهم فايت ليهم شافوا هاد البلاصة في الواقع، فايت ليهم كانوا تما. بحال إلا هما اللي واقفين في بلاصة الكاميرا، هاد التصاور هما هادو.
[1:28]باش كتحسوا؟ حتى نتوما كيبان ليكم بحال إلا عرفتوا هاد البلايص هادو؟ بحال إلا في صغركم كنتوا كتلعبوا فيهم ولا كدوروا فيهم، من بعد ما انتشروا هاد التصاور هادو. الكونط الأصلي اللي حطهم غادي يدير واحد لابوبليكاسيون، واحد لابوبليكاسيون اللي غيشرح فيها شنو هما هاد التصاور هادو ومنين جايين. وهاد لابوبليكاسيون غادي تخلق واحد من أكبر لي ميستير اللي عرفاتو أنترنيت. إلا كنتو ما رادينش البال ونو كليبيتو خارج الواقع في المكان الغلط، غاتساليوا فلي باكروم، لي باكروم اللي ما فيهم غير الريحة الخايبة ديال الزرابي فازكين. الضو صفر على كاع الحيوطة، الصداع ديال البولات اللي لاصقين في السقف، تلقاوا راسكم محبوسين في مليار و 553 مليون كيلومتر مربع ديال الغرف الفارغة محطوطين بطريقة عشوائية. إيلا لقيتوا راسكم تما الله يحفظ إلا سمعتوا شي حاجة كتنفس ولا كتمشى حداكم حيت كونوا متأكدين بلي هاديك الحاجة حتى هي سمعاتكم. هاد الشخص اللي كتب هاد لابوبليكاسيون اللي بوبليا هادوك التصاور اللي حتى واحد ما عرفوا شكون هو، استعمل فهاد لابوبليكاسيون مصطلح نو كليب. ومصطلح نو كليب كيستعمل بزاف في اللعاب وكيعني أن شي بعض المرات كتكون واقف ولا كتمشى وكدوز من الحيط باش كتمشي لغرفة أخرى. وهو كيهضر على أننا ممكن نديروا هاد النو كليب ولكن في الواقع، وممكن أننا نتحداو الواقع باش نطيحوا فهاد الغرف هادو. الناس بداوا كيضحكوا، هادشي باين ماشي هو هداك، هادشي باين كذوب وماشي حقيقة ياكو. تسد الموضوع واخا بقاوا هادوك التصاور كيتبارجاوا وكيتبوبلياوا ولكن ما بقاتش عندهم شي أهمية كبيرة. واخا باقي الناس فاش كيشوفوا هادوك التصاور كيحسوا بشي حاجة ماشي هي هاديك ما ما تيقوش داكشي اللي قال هاداك السيد. حتى لواحد النهار سنوات من بعد غادي تخرج واحد لافيديو في يوتيوب، واحد لافيديو فين كنشوفوا واحد الرباعة ديال الطلبة كيصوروا واحد الفيلم. ما عرفناهمش اشنو كيديروا بالضبط، غالبا غادي يكونوا طلبة ديال السينما ولا ديال اوديوفييزويل كيديروا شي ستاج ومصورين فيلم. حتى فجأة
[3:28]Hello?
[3:31]Hello?
[3:36]Hey guys. هاد لافيديو وبزاف ديال لي فيديوهات آخرين فين غادي نشوفوا ناس كيستكشفوا لي باكروم، فين غادي نفهموا كيفاش تصنعوا هاد لي باكروم. وفين غادي نشوفوا شنو كاين فهاد لي باكروم وشنو الخطورة ديالهم. بعد هاد لي فيديوهات بزاف ديال الناس وعاوا أن لي باكروم بصح كاينين. داكشي علاش فهاد السلسلة ديال ثلاثة ديال الحلقات غادي نكتشفوا، غادي نانيزيو وغادي نحللوا بتفصيل كاع لي فيديوهات اللي تحطوا على لي باكروم باش نعرفوا واش لي باكروم كاينين بصح. هاد لي فيديوهات اللي غاتشوفوا خداوا مني بزاف ديال الوقت وبزاف ديال الخدمة رغم القراية ورغم الخدمة ديالي قررت أنني ندير ليكم هاد لي فيديوهات حيتاش طلبتوني عليهم. وداكشي علاش حتى أنا غانطلبكم، غانطلبكم أنكم تابوناو وتخليو لايك. وإلى هاد لافيديو وصلت ل 10000 لايك قبل غدا، غدا إن شاء الله غادي نحط ليكم الجزء الثاني ديال لافيديو. وإلا حتى هي وصلت ل 10000 لايك قبل بعد غدا، بعد غدا الأحد 30 أكتوبر غادي نحط ليكم الجزء الثالث ديال لافيديو. وهكا غانقدر نشوف واش كيعجبوكم بحال هاد لي فيديوهات ونزيد منهم ونبقى كنديرهم ديما أولا نحبس. يلا بلا ما نكثروا الهضرة سيروا ديروا ليكم شي كاس ديال اتاي وشدوا الصمطة ديالكم مزيان حيتاش غانهبطوا لأعماق ديال لي باكرومز.
[4:47]Janvier 2022 واحد لاشين يوتيوب سميتها كاين بيكسلز غادي تحط واحد لافيديو. هاد لافيديو سميتها دباكرومز فاوند فوتدج. وهاد لافيديو غادي تدير واحد الضجة كبيرة وكبيرة بزاف. غادي تخلع بزاف ديال الناس وغادي تعاود تحيي لا ليجوند ديال لي باكرومز. اشنو فهاد لافيديو؟ فهاد لافيديو كنقدروا نشوفوا أن واحد الفيلم كيتصور. وكاينة فلاديسكريبسيون ديال الفيديو التاريخ فاش كيتصور هاد الفيلم اللي هو 23 سبتمبر 1996. كتسالي لا بريز وكيتدخل المخرج ديال هاد الفيلم كيقول الكاميرامان بلي غانعاود نصوروا من واحد البلاصة أخرى ومن بعد صافي سالينا. الكاميرامان ماكيطفيش الكاميرا، كيبقى كيشجل حتى فجأة الكاميرامان كيدوز من الواقع لهاد البلاصة، هاد البلاصة اللي كتشبه بزاف لي باكرومز. وكلما كيدوز الوقت كلما كنكتشفوا بلي هاد البلاصة مطابقة تماما لهاديك التصويرة وهاديك لاديسكريبسيون اللي عطانا داك السيد على لي باكرومز.
[5:58]كيبدا كيحاول يعيط كيغوت كيشوف واش كاين شي واحد وكيكتشف بلي ماكين حتى شي واحد هو بوحدو كيتمشى باش يحاول يفهم فين كاين هو وكيفاش يقدر يخرج من تما. وكيكتشف بلي هاديك البلاصة اللي فيها هو فيها بزاف ديال الخصائص معمارية اللي غريبة بزاف. كولوارات كبار وطوال بزاف، بحال مثلا هنا فاش كيطل من هاد الثقبة هادي كيبان ليه كولوار كبير. كيحس براسو كيدور في نفس البلاصة ولكن كل مرة الغرفة كتكون مصاوبة بشكل. حتى لواحد الوقيتة غادي يلقى السلوم كيدي لواحد الثقبة، غادي يطلع فوق داك السلوم وغادي يتخشى فهداك التونيل. وغادي يكتشف بلي فالاخر ديال هداك التونيل كاينة عاوتاني نفس الحاجة. غادي يبقى كيتمشى حتى غايلقى واحد السهم، وغادي يقول مع راسو بلي هادي هي الطريق باش يخرج.
[6:58]غادي يبقى تابع هادوك الأسهم حتى غايطيح فهادشي.
[7:04]كيبان لينا واحد الوجه مرسوم وبزاف ديال الحوايج مكتوبين دايرين بهداك الوجه ولكن أول حاجة غادي تير الانتباه ديالو كان مكتوب تما ما تحركش وبقى في بلاصتك. ومباشرة من بعد غيطرا هادشي.
[7:56]وغادي يلقى راسو فهاد البلاصة وهاد البلاصة هادي كتشبه بزاف لهاد التصويرة هادي اللي كانت كتبارجا مع هادوك التصاور الآخرين ديال لي باكرومز قبل ما يطرا هادشي كامل.
[8:10]غادي يبدا كيتمشى وغيكمل الطريق ديالو وكلما غادي يزيد كلما غادي يزيد يكتشف أماكن جديدة فلي باكرومز.
[8:22]بلايص غراب باردين ما فيهم حتى شي منطق وشي مرات كاع ما خاضعينش للجاذبية. بحال مثلا هاد الحيط اللا متناهي اللي فيه بزاف ديال الدخلات وكل دخلة فيها كولوار لا متناهي حتى هو.
[8:52]كيبقى كيقلب حتى كيلقى واحد الباب فين كيطلع وغا يعاود يرجع ليطاج الفوقاني.
[9:02]غادي يعاود يبدا كيتمشى فيه حتى فجأة.
[9:19]هاد المرة غادي يقرر أنه ما يهربش وغادي يبدا كيتمشى بشوية باش هاداك الكائن كاع ما يسمعوش.
[9:51]لافيديو كتسالى هنا ما عرفناش شكون الكاميرامان اللي كان هز هاديك الكاميرا، ما عرفناش اشنو طراليا بالضبط. داز من لي باكروم للواقع عاوتاني ولكن في السمع. اجيو دابا نهضروا شوية على هاد الكائن اللي كاين هنايا، هاد الكائن وقتما كان كيشوف الكاميرا كان كيتبعو وكيجري وكيغوت بهاد الصوت هذا. ولكن هاد الكائن كيبان بزاف ديال المرات في لافيديو كيبان كيتسلت حاضيه مخبيه بحال إلا كيحللوا. هاد لافيديو غادي تدير أكثر من 30 مليون فيو في قل من خمس شهور اللي غادي يخلي مول هاد القناة هادي مشهور بزاف. وغادي يخلي الناس يطلبوه أنه يزيد يقلب على فيديوهات آخرين حيتاش الناس حسوا بلي هاد السيد اللي مور هاد القناة هادي عارف شي حاجة. عارف شي حاجة اللي حتى واحد ما عارف وفعلا انطلاقا من هاد اللحظة هادي. هاد لاشين هادي غادي تلونسي وحدة من أكبر لي سيغي ديال لي فيديوهات في يوتيوب فين كيعاود على القصة ديال لي باكرومز. كيفاش تصنعوا لي باكرومز فين كيوري وثائق كيوري ناس كيوري تجارب دارو على لي باكرومز وكيوري شكون اللي مورا هاد لي باكرومز. من بعد ما كاين بيكسلز حط هاد لافيديو شوية من بعد غادي يحط فيديوا خرى.
[11:05]هاد لافيديو الأخرى سميتها مار 1190 أرشيف. على حسب ما كنفهموا من العنوان هاد لافيديو غادي نشوفوا فيها لاشيف ديال شي حاجة. هاد لاشيف التاريخ ديالها هو 11 مارس 1990. ما عندنا حتى معلومة بخصوص ديال من هاد لاشيف ولا فيديوا كتبدا بواحد الجملة داتا نوت أكسيسبل. وهادشي كيعني أن هاد لاشيف هادي ممنوع أن شي واحد يشوفها ولا أنه يدخل ليها. ومن بعد هاد الجملة كنشوفوا ريفورماتينغ يعني أنهم كيعاودوا يفرمطيوا لاشيف لافيرسيون ديالها الأصلية باش يقدروا يحلوها. كيفما قلت ما عرفناش نهائيا ديال من هاد لاشيف ولا شكون صاوبها ولكن اللي عارفين هو أن هادشي اللي فهاد لاشيف ما عمره ما كان خاصو يتعرف ولا يخرج بحال هكا في يوتيوب. ما عمر كان خاص شي واحد يشوفه، لاشيف كتبدا بواحد التصويرة فين كنشوفوا واحد البلاصة كتشبه لي باكرومز. من بعد هادشي كنشوفوا هاد لو شيما سينوبتيك، واحد لو شيما اللي الهدف ديالو أنه يبين لينا كيفاش كتخدم شي ماشين والكابلاج اللي خصها تستعمل. بزاف ديال الناس عندهم دراية بالموضوع واللي خدمتهم هادي قالوا بلي عمرهم ما شافوا شي شيما بحال هكا. وبلي لاماشين اللي كتخدم بهاد الشيما هادي باقي لحد الآن ما كايناش في الواقع حيتاش معقدة بزاف. من بعد هادشي كنشوفوا هاد التصويرة وكنشوفوا شخص اللي مدرقين ليه وجهه قدام هاديك الآلة باش كانوا كيكتبوا. من بعد كنشوفوا شخص آخر واقف قدام واحد الآلة حتى هو مدرقين ليه وجهه.
[12:38]بعد هادشي كتبان لينا هاد لانستالاسيون اليكتريك اللي ما عرفناهاش ديالاش. من مور هادشي كنشوفوا شخص آخر جالس قدام اورديناتور ولكن هاداك لورديناتور ما افشي تصويرة ديال لي باكرومز. بحال إلى كان كيراقب هادوك لي باكرومز، هاد السيد هذا كيشوف من واحد الشرجم اللي كيطل مباشرة على لي باكرومز. التصويرة اللي موراها كتبين لينا واحد لازون اللي وسط لي باكرومز اللي سموها زون نول اللي شارحينها بواحد التفسير اللي ما مفهومش نهائيا. ولكن فين كاين بزاف ديال الجمل وديال المصطلحات فيهم المات والفيزيك و لافيديو كتسالى بهاد التصويرة فين كيبان لينا لداخل ديال شي ماكينة اللي فهاد لافيديو ما عرفناش اشنو هي. كنستنجوا من هاد لافيديو الثانية أن كاينة واحد المنظمة. هاد المنظمة ما عرفناهاش شكون هي، ما عرفناهاش اشنو هي القوة ديالها ولا شنو هما لي مويان ديالها. ولكن كاينين جوج ديال الاحتمالات يا إما هاد المنظمة لقات لي باكروم وتحاول تدير عليها أبحاث باش تفهم كيفاش لي باكروم دايرين، شنو هما لي باكروم ومنين جايين. أولا بزاف ديال الناس فاش شافوا هاديك التصويرة اللخرة قالوا بأن هاد المنظمة هادي هي اللي صنعت لي باكروم لهدف ما ما عرفناش فهاد لافيديو هادي. وكتحاول تدير عليهم أبحاث وتزيد تطورهم باقي ما عرفناش علاش ولكن دغيا دغيا غادي نعرفوا علاش.
[14:02]هاد لافيديو غادي تعطينا بزاف ديال الأجوبة على الأسئلة اللي طرحناهم فاش شفنا لافيديو اللي قبل من هادي. هاد لافيديو تاريخيا تخدات قبل من لافيديو ديال لاشيف. فهاد لافيديو كنسمعوا واحد الشخص كيهضر وبخلاصة كنفهموا من الهضرة ديال هاد الشخص أن المنظمة اللي مور هادشي كامل سميتها ايسينك. وبلي هاد المنظمة هادي خدامة فواحد البروجي اللي مولاه الحكومة الأمريكية والهدف ديال هاد البروجي هذا هو أنه يتحل بصفة نهائية المشاكل ديال السطوكاج وديال السكن. ما عرفناش اشنو بغا يعنيوا بهادشي بالضبط ولكن إلا بغيتي تهني العرض من المشاكل ديال السطوكاج والمشاكل ديال السكن بحال إلا بغيتي تصنع شي فضاء جديد. شي فضاء لا متناهي ولكن في اللخر ديال لافيديو كيبان لينا هادشي. التجربة فشلات ولكن فهاد لافيديو لقينا بزاف ديال الأجوبة ولكن كلما غادي يتزادوا لي فيديوهات كلما غادي نلقاوا شي أجوبة وغادي يتزادوا بزاف ديال الأسئلة.
[15:15]وهنا فين غادي يبداوا المشاكل من بعد ما غادي يتحلوا هاد لي باكرومز هادو بزاف ديال الناس غادي يبداوا كيختفيوا.
[19:41]وفهاد لافيديو كنشوفوا بزاف ديال ليزافيش اللي معلقين في الزنقة فين الناس كيقلبوا على الأقرباء ديالهم. بحال مثلا هادي ديال نيكولا بولتون، مارغاريت واتسون، شي واحد ما عارفينش حتى السمية ديالو وليد صغير في عمره عامين سميتو إليس وايت، جينيس سكوت وجيمس إيزولد. ومن مورا هادشي كيوريونا واحد المبيان اللي كيبين العدد ديال الناس اللي كيختفيوا على مرور السنين. وكانلاحظوا بلي انطلاقا من 1989 اللي هو التاريخ ديال الصناعة ديال لي باكرومز ارتفع هاد العدد واحد الارتفاع خيالي.
[20:17]من بعد هادشي غادي نشوفوا ثلاثة ديال الباحثين داخلين لي باكرومز. هاد الباحثين كانوا لابسين دي كوبينيزون فين مرسوم لوغو ديال ايسينك وجارين معاهم واحد السلك غليض غالبا باش ما يتلفوش وسط لي باكرومز.
[20:33]وهم كيتساراو في لي باكرومز غادي يطيحوا فواحد الجثة.
[20:40]جثة اللي كتشبه بزاف لواحد لافيش شفناها في الأول ديال لافيديو ديال نيكولا بولتون، هذاك السيد اللي اختفى. ولكن فاش غادي يكتشفوا الجسد غادي يكتشفوا بلي داير بيه بحال شي حاجة كتنتشر بحال شي شامبينيون ولا شي باكتيريا كطلع في الحيط. ومن مورا هادشي غادي يبانوا لنا ثلاثة ديال التصاور غادي يدوزوا دغيا في لافيديو. تصاور فين كاين التحليل ديال شي شامبينيون ولا شي مرض واقيلا. ومن بعد هادي كنشوفوا هاد الجملة: إلا خاصكم تلوموا شي واحد لوموه هو. ما عرفناش بالضبط علاش كيدوي، واش كيدويوا على هاد المرض ولا على هاد الشامبينيون اللي ما عرفناش اشنو هو أصلا ولا كيدويوا على شي حاجة أخرى. وفهاد لافيديو كنستنتجوا بأن بزاف ديال الحوايج طراوا في الصناعة ديال لي باكروم من طرف ايسينك ما كانوش منتظرينها. وبلي المنظمة ديال ايسينك والحكومة الأمريكية يديهم ما مقياس 100% وغادي نحبسوا الحلقة هنايا. كيف ما قلت ليكم إلا قبل من غدا وصلتوا هاد لافيديو ل 10000 لايك غادي نحط ليكم الجزء الثاني غدا. بطبيعة الحال خليولي كومونتير فين كتقولوا لي اشنو بان لكم واشنو نظركم غايوقع من بعد واش لي باكرومز حقيقيين ولا غير اختراع. نتمنى أننا نتلاقاو غدا إن شاء الله، حظيوا ريوسكم.
