قصة استعادة الرياض على يد المؤسس الملك عبدالعزيز - رحمه الله

[0:00]تخيل انك تضطر تترك مدينتك وانت شاب، تطلع مع اهلك وقلبك مكسور على مدينتك، تمر السنين وما تنساها. ترجع مو اي رجعه، ترجع وفي بالك هدف واحد يا تنتصر يا تموت. الملك عبد العزيز الله يرحمه، صبر وخطط، انتظر وما رجع لوراء وبشجاعه ما يعرف لا الخوف طريق. جمع رجال امنوا فيه وكتب التاريخ بسيفه وحنكته واستعاد العاصمه. وبدت معها قصه قائد بنى دوله وغير مجرى الجزيره، كمل طريق رجال سطروا المجد من الدوله السعوديه الاولى للثانيه. قصه رجل وبدايه وطن وايش صار وكيف انقلبت الموازين. بسنه 1309 اضطر الامام عبد الرحمن ال سعود يجمع اهل بيته ويغادر الرياض. المشهد كان ثقيل والقرار صعب، تغادر المدينه اللي ولدت وتعلقت فيها. وكان بينهم شاب عمره 15 اسمه عبد العزيز، يشوف مدينته اللي ولد فيها تترك خلفه وكانها تنتزع من روحه. بذيك الليله شال عبد العزيز وعد انه بيرجع يوم مهما طال الزمان. كانوا على اطراف الربع الخالي مكان قاسي وصعب، الزاد قليل والالم كبير لكن الامل كان اكبر. عبد العزيز بعمر ال 15 يتحضر للعوده وباكسى الظروف تشكلت عزمته وتكونت ملامح رجل بيغير وجه الجزيره. كان الامام عبد الرحمن يحاول يجمع القبائل ويعقد تحالفات جديده. الامام وجه ابنه عبد العزيز لامير البحرين واستاذنه يستقبل النساء. وفعلا على طول توجه للبحرين ووافق اميرها. بعدها رجع عبد العزيز واستقر مع والده وكان يشوف والده مع القبائل ويتعلم ويراقب الكبار. يسمع ويخطط ويحفظ وبعدها انتقلت اسره الامام عبد الرحمن الى الكويت. من بدايه الرحله كان عبد العزيز يسال عن كل قريه يمرون فيها وعن كل مورد يوقفون عنده. وكانه يرسم خريطه بذهنه ويتاامل الرمال وهي تبعد عن الرياض وتقرب من الكويت. استقبله امير الكويت، هناك عاش عبد العزيز سنواته الاولى. سنين المنفى ما كسرت عزمته بالعكس زادت قلبه صلابه وعقله حكمه. عرف ان المجد ما يجي بيوم وليله وان الحلم الكبير يبي له صبر ورجال يصدقونك حتى لو كانوا قله. كان يتامل اخبار نجد ويجلس مع رجال القبائل يسمع قصص الشجاعه والحروب ويتعلم اسرار السياسه والحكمه. بين حزن الفراق وحلم العوده، في كل ليله يرجع بخياله للرياض والمصمك ورايه ال سعود ترفرف من جديد. ما فقد الامل يوم، صارت عزمته تهز جبال، رغم صغر سنه كان حديثه مختلف. فيه ثقه قائد وحلم ما يتزحزح، حتى الكبار كانوا يشوفون فيه شيء مختلف. الامام عبد الرحمن كان له اثر كبير في توجيه ابنه عبد العزيز. درس عبد العزيز وزاد تعلم القران. سنينه بالكويت ما كانت غربه وانتظار كانت مدرسه تعلم فنون الفروسيه وكيف يقود رجال حتى لو كانوا اكبر منه سن. كان يجلس مع الرجال الكبار يسمعهم يتكلمون عن قبائل نجد وعن ال رشيد وعن صراعات الكبار. كل معلومه كان يحفظها كانها سلاح بيستخدمه بيوم من الايام. وجمع حوله رجال امنوا فيه كانوا قليل لكن ولاءهم ما له مثيل. شافوا فيه شيء مختلف شاب من صغره بعزيمه رجال وكلمه مستحيل ما هي في باله. وكل ليله يعيد نفس الحلم يرجع الرياض ومعه ربعه ويرفع رايه ال سعود من جديد. وبسنه 1318 صارت معركه الصريف بين مبارك بن صباح وبن رشيد عبد العزيز المتعب. الملك عبد العزيز قال انتم بتحاربون ابن رشيد انا بنفصل وافتح جبهه ثانيه بالرياض. وراه لقت تاييد قوي وبالفعل انفصل الملك عبد العزيز عن جيش مبارك وكان معه الف مقاتل. اتجه معهم للرياض بعد سنين من الغربه بالكويت كبر حلم عبد العزيز وصار تحدي. كان عمره 26 توجه للرياض الحلم اللي ما نام في صدره ولا ليله. ولما وصل حاول يتصدى له رئيس حاميه ابن رشيد بالرياض وقتها كان عبد الرحمن بن ضبعان. لكن الملك عبد العزيز قاتلهم واضطرهم يرجعون يدخلون المصمك. حاصر الملك عبد العزيز المصمك 40 يوم تخللها قتال بين الطرفين. الملك عبد العزيز كان مصر على اقتحام المصمك وقرر يحفر خندق وبالفعل بداوا فيه لكن الخطه ما كتب لها النجاح. جت الاخبار من الشمال ان ال رشيد انتصروا في المعركه على ال صباح وحلفائهم. هزيمه قلبت الموازين عبد العزيز عرف ان الخصم صار اقوى بكثير وان اي خطوه زياده ممكن تكلفه حياته وحياه ربعه. فك الحصار ورجع للكويت رجع براس مرفوع لانه جرب وما استسلم واختار يحمي ربعه بدل ما يرميهم في معركه خاسره. المحاوله الاولى وصفت بحسن التخطيط وكادت تنجح وساهمت بالتعرف على وضع المدينه عسكريا. وبعدها فكر الملك عبد العزيز يعيد الكره المحاوله هذه ما كتبت اسم عبد العزيز بالرياض لكنها كتبت في قلبه درس. ان الحلم يحتاج صبر اطول وخطه اذكى وساعها انها تجي لو تاخرت. وبين طرق العوده للكويت كان يعرف في نفسه انها ما راحت وبيجي لها يوم. بعد رجعته من محاولته الاولى صعب بكل جد ان يذل والده الامام عبد الرحمن في محاوله ثانيه. الامام كان متردد لكن اصرار عبد العزيز مثل الصخر ما يلين. وافق الامام وبدت المغامره الثانيه الملك عبد العزيز ما كان معه جيش ولا سلاح يكفي المعركه الطويله. كان معه 40 رجال بينهم اخوياه رجال عرفهم عن قرب يعرف شجاعتهم قبل وجيههم. تحركوا من الكويت وقطعوا البر يوم ورا يوم لين وصلوا الوادي شمال غرب الاحساء. وبدا الملك عبد العزيز يحاول يكسب دعم القبائل وبالفعل التفوا حوله رجال من القبائل وجمعوا قرابه 1400 مقاتل. وقتها بن رشيد عبد العزيز بن متعب جت اخبار ان الملك عبد العزيز شن غارات ويجمع مقاتلين. تضايق وبدا يحرك حامياته في مناطق مختلفه وبوضع استعداد للمعاركه لان الملك عبد العزيز بيجي. الحاميه هي قوه عسكريه مجموعه من الجنود يتمركزون في مكان معين للحمايه والسيطره عليه. دورهم الدفاع وتنفيذ اوامر الحاكم، بعدها بن رشيد بدا يطلب ويراسل قاسم بن ثاني والدوله العثمانيه عن طريق واليها بالبصره. وقال لهم لازم توقفون تحركات الملك عبد العزيز لانه بيتجه للرياض. وبالفعل السلطات بدات تضغط وتهدد القبائل اللي شاركت. ووقتها القبائل بدات تنسحب يوم ورا الثاني وبايام بسيطه تبخر العدد الكبير. ما بقى مع الملك عبد العزيز الا 63 رجال بس وهنا تظهر شخصيه الملك الحقيقيه. ما رجع ولا تردد اما استعاده الرياض او الموت دونها. ورغم التعب والحر وقله العدد والسلاح قرر يكمل يتوجه للرياض وهو عارف ان المخاطر تحيط فيه من كل جهه. الامام عبد الرحمن ارسل مرسول لابنه طلب يوقف ويرجع الكويت. الملك عبد العزيز جمع رجاله والمرسول يشوف قرا عليهم خطاب والده. قال لا ازيدكم علم بما نحن فيه، وهذا كتاب والدي يدعونا للعوده للكويت. وانتم احرار فيما تتخذوه لانفسكم. اللي يبي يرجع عند اهله يجي على يساري هذا مرسول الامام وهذه الكويت. واللي يبي معي يجي على يميني خيرهم بين صحبته والعوده وكل الرجال اللي معه اختاروا صحبته. بعدها قال للمرسول انقل اللي شفته للامام. عبد العزيز بدا الرحله وهو عازم ان هذه مو مجرد رحله هذه صفحه جديده في تاريخ الجزيره. بكتبها ومعه رجال ما كانوا كثير بس قلوبهم بهجمه وطن. بعد ما قرر يكمل رغم قله العدد 63 رجل لكن كل واحد فيهم يساوي كتيبه. ورغم تعب السفر ما كانوا بس يمشون كانوا يتخفون يراقبون ويدرسون كل حركه وكل ظل. قرر الملك عبد العزيز يغير الخطه جلسوا 50 يوم غرب الاحساء متخفين عن الانظار. ومروا بفتره صعبه خلال تخفيهم كان يبي الانظار تنصرف عنه وعن مهمته. الوضع ما يسمح بقتال مباشر فكر ورسم خريطه كيف يدخل الرياض ومتى وبدون ما ينكشف. قرر ينتظر يتخفى ويراقب الوضع من بعيد واقام باماكن متفرقه. يشوف ايش قاعد يصير داخل الرياض كم عدد الحاميه وش اخبار بن عجلان اللي صار رئيس الحاميه بالرياض وقتها. الايام تمر وبالتدريج بدا يسمع الاخبار اللي كان ينتظرها. الانظار بدات تنصرف عن مهمته خاصه وان العدد قليل. وابن رشيد سحب بعض حامياته والرياض مو محصنه زي قبل. الناس هناك متضايقه من الاداره والحاميه بدا عليها الضعف. جمع ربعه اللي امنوا فيه من اول واللي عاشوا معه سنين المنفى. محمد بن عبد الرحمن اخوه اللي ما فارقه خطوه وعبد الله بن جلوي وغيرهم من اللي تربطهم معه محبه وقصه واحده. وبدا يخطط للعمليه الاخيره. الملك عبد العزيز كان يعرف انهم يحتاجون خطه اكثر من حاجتهم للسلاح. جلس معهم شرح لهم الخطه خطوه بخطوه، متى يمشون ووين يوقفون وكيف يدخلون. بهدوء قبل لا يدري خصمهم والاهم من الخطه كان الكلام اللي قاله لهم. كلام ما كان خطبه حماس وبس كان حقيقه نابعه منه كانوا يشوفون في عيونه انه مستعد يكون اول من يموت. كانوا بيتحركون قبل العيد بعشره ايام. قال لرجاله البسوا احسن ثيابكم، ثوبك يا بيصير لك كفن يا بتعيد فيه بالرياض. تسليحهم كان بدائي ولا مدد ولا وعود من احد بس معهم شيء اغلى. ثقه في قائدهم وحلم عاش معهم ليل ونهار. بدوا بالتحرك ووصلوا لمورد ابو جفان بيوم العيد وبثالث العيد كملوا تحرك لضلع الشقيب. وهناك خلى الملك عبد العزيز 23 من ال 63 اللي معه عند الابل والممتعه. يحرسون الحلال ويكونون مدد وعون اذا احتاجهم زودهم بالتعليمات ومن ضمنها ان طلعت الشمس وما جاكم خبر منا ارجعوا للكويت. واذا اكرمنا الله بالنصر برسل لكم فارس يلوح بثوبه وكمل مع 40 رجال. كمل تقدم وقبل دخوله طلب من اخوه محمد و33 رجال يبقون برا. ثم دخلوا سبعه الملك عبد العزيز واخوه سعد وعبد الله بن جلوي واخوه فهد بن جلوي وعبد العزيز بن مساعد والمعشوق سبعان. كانت الخطه مهاجمه عجلان بمنزله بدون ما يتعرض اهالي لاي اذى. وبالفعل وصل البيت لكن تفاجا الملك عبد العزيز ان عجلان من بعد ما سمع بجمع المقاتلين وهو ينام بالمصمك ويرجع بيته الصباح. وقتها ارسل الملك عبد العزيز لاخوه محمد واللي معه يجون. دخلوا بيت عجلان وتشاوروا على خطه للهجوم على المصمك كان الليل باول والساعه 9:30. يقول الملك عبد العزيز قهوينا وكلينا من تمر معنا. وارتحنا وصلينا الفجر بعدها جلسوا بغرفه يشوفون منها باب القصر. انفتح باب المصمك الصباح طلعوا العساكر والخدم بعدها طلع عجلان ومعه عشره وتسكر باب المصمك. الملك عبد العزيز بقى اربعه بالبواريد قال لهم اذا هجمنا اطلقوا على اللي عند الباب. وبالفعل بدا الهجوم وفوجئ عجلان بالملك عبد العزيز معه بارود رماه واصابه بيده. الحرس اللي مع عجلان ما ثبتوا كلهم دخلوا من فتحه الباب. حتى عجلان راح بيدخل منها وجماعته بداوا يرمون من على السور. وبالوقت اللي عجلان يحاول يدخل من الفتحه رمى فهد بن جلوي رمح وحط جنب فتحه الباب. ولازال اثر الرمح موجود الى اليوم، دخل عبد الله بن جلوي لحق عجلان ورماه ودخلوا رجال الملك عبد العزيز وفتحوا الباب. دخل الملك عبد العزيز ورجاله وبداوا القتال وتبادلوا الرمي مع حاميه بالقصر. الحاميه عددهم تقريبا 150 بعد القتال وموت عجلان بقى عدد قليل من الحاميه بالجهه الغربيه. حاصروهم واعطاهم الملك عبد العزيز الامان وطلعوا هنا تم استعاده الرياض ب 40 رجل وقائد قلبه ما يعرف كلمه مستحيل. رجع عبد العزيز المجد لال سعود وفتح كتاب التاريخ من جديد. هذه كانت ليله المصمك ليله حلم عاش في صدر شاب عمره 15 سنه وما انطفى لين صار واقع بعد 11 سنه. اهل الرياض باقي ما هم عارفين وش صاير يسمعون صوت المعركه لكن ما يدرون انه الملك عبد العزيز. لين سمعوا المنادي ينادي الحكم لله ثم لعبد العزيز. انتشر الخبر بسرعه من اسوار المصمك، الركاب والرسل يبشرون قبائل نجد واهالي القرى. الرياض صارت بيد عبد العزيز بن عبد الرحمن ال سعود. الخبر كان اسرع من الخيل، اهل نجد اللي تعبوا من الحاميه حسوا في فجر جديد طالع. فجر يقوده شاب قلبه من حديد وحلمه من ذهب، اهل الرياض فرحانين عيدوا وبداوا يبايعون. الملك عبد العزيز استدعى رجالها 23، وبعد واحده من اعظم المغامرات البطوليه في تاريخ الجزيره. الخطوه الجايه واضحه، يبشر والده الامام عبد الرحمن بالنصر ويطلب منه العوده للحكم. راسل الطلب لوالده وبالفعل لما قرب الامام من الرياض طلع الملك عبد العزيز واستقبل والده وقد قال له رجعت لامامتك وانا جندي في خدمتك. رفض الامام عبد الرحمن لثقته بابنه وكفائته. وبدت المحاولات بينهم الملك عبد العزيز يبي يعطيها الامام عبد الرحمن والامام يشوف ان لعبد العزيز الاحق. لين دخلوا علماء الرياض وكبارها وحاولوا يقنعون الامام والملك عبد العزيز. اجتمعوا العلماء ودار بينهم حديث طويل واخيرا ايدوا قرار الامام. وافق الملك عبد العزيز بشرط ان كلمه الامام تكون فوق الجميع. ومن يومها اعلن الملك للملك عبد العزيز. عرف الملك عبد العزيز ان النصر الحقيقي ما وقف هنا. الرياض رجعت بس خصمه ما بيرضى بيرد ويرجع يحاصر الرياض. الملك عبد العزيز شاب بقلب قائد يعرف ان الانتصار مو بس لحظه حماس. رسم وخطط للدفاع واعطى اوامر واضحه بدا يجهز دفاعاته وب 40 يوم واعيد بناء سور الرياض. حصن الاسوار وراجع عده رجاله. عرف ان الرياض تحتاج اكثر من سور تحتاج قلوب اهلها اللي جاي يرجع حقهم ويحميهم. صارت قلوب الناس سور ثاني حول حكمه وصار معه مقاتلين اكثر. ابن رشيد بيجي معه جيش وعده صار يخطط كم عددهم وين بينزلون وش خطتهم. ما عاش لحظه النصر بغفله، ترك 1000 رجال مع الامام داخل الرياض وتوجه لجنوبها ومعه 2000. وهناك زرع رجاله بمناطق مختلفه وكان عارف ان بن رشيد بيحاصر الرياض. ابن رشيد جاء وحاصر الرياض فتره بسيطه وقرر يلحق الملك عبد العزيز بالجنوب. وهناك تفاجا بتخطيط وتوزيع وضربات سريعه ما يدري متى ومن وين كل ضربه كانت تسبب له خسائر وكل مناوشه تنهك جيشه. وبعد ما استمرت تقريبا 40 يوم انسحب جيش بن رشيد وطلع خبر انه متوجه للكويت يقاتل بن صباح. مقصد من الخبر اخراج الملك عبد العزيز للكويت بنيه الوقوف مع بن صباح وهو يبقى يحاصر الرياض. وبالفعل حاصر الرياض والملك عبد العزيز متوجه للكويت لكن الملك عرف وهو باقي قريب فرجع. وبعدها انسحب بن رشيد لانه بيكون بين مقاتلين الملك والمقاتلين اللي بالرياض. وهنا بدا الملك عبد العزيز يضم مناطق شمال الرياض مناطق فيها حاميات لابن رشيد اللي يحاول يسيطر في الشمال. لكنه عرف ان الامر محسوم والسيطره مستحيله حتى الناس هنا كلهم مع الملك عبد العزيز. شمس الرياض في ذاك اليوم ضواها ضو مجد انتظرتها سنين اللحظه ذي ما كانت بس استرداد مدينه كانت شراره اولى لدوله بتكبر وتضم القصيم والاحساء والحجاز وغيرهم لحد ما تصير المملكه العربيه السعوديه. الملك عبد العزيز ورجال اللي معه كتبوا فصل جديد في تاريخ الامه. بشجاعتهم وايمانهم المستحيل ينكسر قدام اراده صادقه. هذه كانت بدايه لرحله طويله فيها حروب وتحالفات وتوحيد مدن وقبائل لين صار الحلم القديم اللي تبناه شاب امتداد لدوله عظيمه اسمها المملكه العربيه السعوديه. كانت الرياض شراره شراره ولعت في قلب نجد بدات بقائد و 60 رجل امنوا بحلمه. بعد الرياض باقي دروب طويله ومعارك اكبر هذه اول صفحه وباقي صفحات خطط لقائد قلبه ما عرف الياس ابدا. اللهم اجزي الملك عبد العزيز ووالده ورجاله وكل من ساهم في التوحيد خير الجزاء. وانفع درجاتهم واحفظ وطننا وولاه امرنا يا كريم. مصادر القصه كتب داره الملك عبد العزيز، كتاب الرواد، الملك عبد العزيز ورجاله والبلاد العربيه السعوديه. يعطيكم العافيه على المشاهده نشوفكم على خير في امان الله.