[0:01]بسبب دري صغير فكوبا مئات الالاف غادي يموتو فالعراق وفالعالم كامل
[0:08]اليوم خدات اهم قرار في حياتها من بعد زواجها من خوان ميجيل لي ما صدقش ولي صراحة تكرفصات فيه عندها معاه ولد واحد سميتو اليان لي بان الحياة كاملين تسدو فوجهها اصلا في 99 الوضعية في كوبا ماكانتش ماكانتش زوينة واليوم قررات تحرق المايامي في مريكان مريكان دريم لاند بالزربة جمعت الحوايج الباطو ما بقاليه والو ويخرج الباطو صغير من الالومنيوم كيتسناهم في البرد واخا عارفين بلي حياتهم في خطر ركبات اليزابيث هي وولدها اليان لي داتو بلا خبار باه
[0:52]ما كانش خاصهم يحرقوا داك النهار الطبيعة ما كترحمش ما تسوقتش راسها حاولت غير ولدها يبقى حي ندمت ندمت ندمت ندمت ندمت
[1:05]حل عينيه اليان كيشوف واش هذه هي الجنة اللي كيسمع في القصة ديال جده لكن البرودة ديال البحر فيقاته كلشي مات بقى غير هو باطو مريكان ديال الصيد شافه من بعيد
[1:24]تعتق اليان وقدروا يوصلوه عند عائلة مو لي كاينه في ميامي الصحافة ساقت لخبار لهاد الولد لي تصوف كلشي ولى كيدوي عليه و ولى اليان رمز عند الجالية الكوبية في مريكان رمز ضد النظام السياسي الحاكم تما رمز ضد فيديل كاسترو بابات اليان بغا يرجع حق في حضانة ديال ولده لي يلاه عنده غير ست سنين ولا سبع سنين ووقف معاه فيديل كاسترو بنفسه في هاد القضية خرجوا مظاهرات هنا ولهيه شي باغي الولد يرجع لكوبا عند باه شي باغي يبقى مع فاميلته في مريكان والدري اصلا باقي مصدوم من المنظر ديال مو اللي مات قدام عينيه القضية زادت كبرت ولات سياسية بيل كلينتون الرئيس ديال مريكان ديك الوقيته دوى عليها وكان مع الولد انه خاصه يرجع لعند باه ما فيه ما يزيد في التوتر اللي كاين ما بين مريكان وكوبا والاعلام الفخ القصه كثر حتى وصلت للمحكمة لي حكمت لصالح باه من بعد شهور ديال قضيه حضانه خدات طابع دولي طبعا عائله اليان في ميامي رفضات هاد الحكم لي تنفذ بزز في منظر عمر الجاليه الكوبيه نساه اليان عناصر مسلحه ديال شرطه الحدود دخلوا للدار عند العائله وخرجوا اليان صحه من الماريون في هاد التصويرة اللي دارت بومب في مريكان والقصه ما وقفاتش هنا هاد الاحداث كانوا كيطراو في عام 2000 عام انتخابات رئاسية في مريكان بيل كلينتون كان في الاخر ديال الحكم ديالو من بعد جوج فترات رئاسيه كانوا فيهم فضائح كبار بحال مونيكا وغيرها النائب دياله الغور هاد العام مرشح للرئاسة على الحزب الديمقراطي قدام مرشح الحزب الجمهوري جورج بوش الابن نظام الانتخابات الرئاسية في مريكان نظام في شكل ماشي تصويت شعبي مباشر اللي كياخذ اكبر عدد الاصوات الناس هو اللي كيربح لا وانما اختيار غير مباشر كيدوز من واحد المجمع الانتخابي اللي كيربح اكبر عدد ديال المقاعد المجمع هو اللي كيولي رئيس ديال مريكان المجمع الانتخابي هو واحد المجلس متكون من 538 مقعد كيمثلوا مريكان كاملة مقسمين على 50 ولايه قد ما كانت عدد سكان الولاية كبير قد ما كتاخد عدد مقاعد اكبر اللي كيربح في التصويت الشعبي ديال شي ولاية ولو غير بصوت واحد كيربح المقاعد المخصصه للولايه كاملة في عام 2000 كانت نتائج الانتخابات متقاربه ما بين المرشحين زال فرز الاصوات في كل الولايات والنتيجه مازال ما تحسمت شكون اللي غادي يكون رئيس ديال مريكان جديد بقات ولايه فلوريدا هي اللي غادي تحدد مصير العالم الامور تعطلات على المعتاد الاصوات كانت متقاربه بيناتهم بزاف في هذه الولايه من اصل تقريبا 6 مليون ناخب بوش غادي يتفوق على الغور ب 537 صوت فقط وغادي ياخد كل مقاعد المجلس المخصصة للولاية وغادي يربح الانتخابات الرئاسيه داك العام المحللين ديك الوقت قالوا بلي دوك 537 صوت هما من الجاليه الكوبيه اللي دارت سويه عقابي على الفعيل اللي دار بن كلينتون مع اليان الغور وبيل كلينتون نفس الحزب بوش ربح الانتخابات شوف الزهر وهنا العالم غادي ياخد منحى اخر
[4:25]في 2001 كلشي عارف بوم تفرعوا التوينز 11 سبتمبر تما سياسه بوش غاتبدا في ما يسمى بالحرب على الارهاب هاد السياسه اللي الغور كان ضدها 100% من بعد الحرب على افغانستان بوش في 2003 غادي يدخل للعراق بحجه اسلحه الدمار الشامل اللي كيمتلك صدام واللي تبين من بعد انها من اكبر الكذبات في التاريخ الحديث الدمار والبؤس قتل الاطفال والنساء والشيوخ اللي خلفت الحرب على العراق غادي تتسبب في حقد كبير عند مجموعه من الناس اللي غادي يكونوا هما النواه الاولى لما يسمى داعش احداث الربيع العربي دخلت على الخط سوريا تنتفض القمع القتل الترهيب خلات الاوضاع تصوت في المنطقة داعش كبرت ولات الدولة الاسلامية قصف هنا ولهيه مهاجرين كثار هربانين من الحرب الحصون العالم كامل تغير
[5:23]هذه الظاهرة كتسمى تاثير جناح الفراشة باتر فلاي ايفكت يعني احداث صغيرة تقدر تكون عندها نتائج كبيرة كون اليزابيث كانت عايشة مع راجلها في كوبا بخير كون كاع ما حرقت كون الصياد اللي اعتقد اليان كاع ما خرج داك النهار كون ما تصورش ذيك التصويره العنيفة ديال اليان كيخرج من الماريون كون كان عالم اخر رد بالك افعالك اقوالك مهما كانت صغيرة اكيد عندها تاثير في العالم خسر مزيان التاثير ديالك
