[0:00]سنه 1980 واحده ما بتخلفش اسمها عزيزه، الناس بدات تعايرها في المنطقه بتاعتها وهي كانت ساكنه في اسكندريه. كله فضل يقول لها وانت ما بتخلفيش، طب انت هتجيبي طفل امتى؟ بقالك كتير متجوزه وبعدين. عزيزه فضلت مكتئبه ومش عارفه تعمل ايه لحد ما جه في دماغها اكتر فكره شيطانيه ممكن تيجي في بالك. طب مين عزيزه وايه قصتها؟ القصه الحقيقيه لحكايه نرجس. اهلا بيك في حكاوي الطماوي.
[0:35]السلام عليكم كلنا اكيد شفنا حكايه نرجس المسلسل اللي بتقدمه ريهام عبد الغفور. المسلسل ده عمل حاله كبيره جدا في الشارع المصري، لكن الناس كلها فضلت تسال هي دي قصه حقيقيه. الحقيقه اه القصه دي لقصه عزيزه السعدوي محمد. بنت عندها 17 سنه من مواليد اسكندريه وكانت ساكنه في شارع الجواهر. البدايه سنه 1980 كانت عزيزه متجوزه وكان عندها 17 سنه. الحقيقه ان عزيزه جوزها ده كان كل شويه بيشتكي منها ويقول لها يا عزيزه احنا لحد دلوقتي ما خلفناش. هي ترمي اللوم عليه ان العيب منه وهو يرمي عليها اللوم ان العيب منها. الا ان لحد دلوقتي محدش عارف العيب من مين ومن فيهم اللي ما بيخلفش. وعزيزه كانت بنت صغيره الا ان حماتها كل شويه تقول لها في ايه بقى انت مش ناوي تجيب لنا حاجه. حتى اخت جوزها عماله تلوم فيها وكان عزيزه هي اللي مزاجها عايزه تخلف او لا. فضلوا يعايروها سواء اهل جوزها او حتى الجيران لدرجه ان اهل عزيزه نفسهم كانوا بيعايروها. وده خلى عزيزه في ضغط كبير كانت كل شويه تبكي وما بتنامش ومش عارفه تعمل ايه. لحد ما جوزها هنا جاب اخره كان فات ثلاث سنين على جوازهم وقرر ان هم يعملوا تحاليل. اخذ عزيزه وراح عمل التحاليل اللي تبين مين فيهم اللي عنده العيب وهنا كانت الصدمه بالنسبه لعزيزه. الدكتور اول ما قابلهم قال لها يا عزيزه للاسف العيب من عندك انتي. قالت له طب ما فيش اي علاج ما فيش اي عمليه قال لها للاسف اللي عندك ده تشوه في الرحم. فللاسف انتي اصلا غير مؤهله ان الرحم بتاعك يستوعب طفل. روحت عزيزه وكانت في حاله انهيار طب هتعمل ايه مع الناس اللي كل شويه تلومها. طب والامل اللي كان عندها ان هي كان ممكن يعني تخلف وتسكت كل الناس دول بما فيهم حماتها. فهنا كانت صدمه كبيره لعزيزه، راحت اتكلمت مع جوزها اتفاجئت ان جوزها هنا قالب عليها. وطبعا كان واخد جرعه كلام من امه وكان الموضوع خلاص واصل لحته سد. فجوزها هنا قرر ان هو يطلق عزيزه، طبعا الدنيا اتقلبت المنطقه كلها عرفت ان عزيزه اطلقت لانها ما بتخلفش. بمعنى اصح كده زي ما بيقولوا في الحتت اللي هي يعني الكلام صعب فيها ان هي ما عيوبه. عزيزه كانت في صدمه مش عارفه تعمل ايه يا ترى مين اصلا هيبص لي تاني. كل ده وهي بنت صغيره وكانك كده دمرت البنت بكلامك. فما كان من اهل عزيزه ان هم قرروا ان هم يروحوا منطقه ثانيه. قالوا لان احنا لو فضلنا قاعدين هنا في الحته دي عزيزه مش هتجوز وخلاص سمعتها بقت مضروبه في المنطقه. وبالفعل راحوا سكنوا في حته ثانيه وهناك عزيزه اتعرفت على راجل اسمه سعيد. سعيد ده كان يسمع عن عزيزه لكن ما يعرفش ايه التفاصيل اللي كانت في حياتهم. لكن كان كل اللي يسمع عنه ان عزيزه اطلقت من جوزها علشان ما بتخلفش ودي ما كانتش مشكله بالنسبه لسعيد. وبالفعل سعيد هنا اتعرف على عزيزه واتجوزها وكل ده هو بيعند مع جوزها لان كان يقال ان في خلافات ما بينه وما بين جوزها القديم اللي هي اطلقت منه. الا ان سعيد هنا جت له فكره شيطانيه قال لها بقول لك ايه يا عزيزه انا مش طايق طليقك. قالت له ولا انا حسبي الله ونعم الوكيل فيه ده سوا سمعتي في المناطق كلها. قال لها طب انت ايه شايفه ايه الحل؟ قالت له هو ده حاجه بايدي. الحل الوحيد اني اخلف، قال لها طب واللي يخليكي تخلفي؟ قالت له ازاي؟ قال لها بسيطه اعملي انك حامل والباقي نبقى نفكر فيه. وبالفعل عزيزه عجبتها الفكره دي جدا بدات تحط هدوم تحت الهدوم بتاعتها وكل شهر تحاول تكبر في بطنها اكتر. كل ده عشان توهم الناس ان هي فعلا حامل كل لما الشهر يعدي تحط هدوم اكتر وتكبر في حجم بطنها اكتر. وفي الفتره دي عزيزه كانت متعمده ان هي تعدي من قدام الورش بتاعه جوزها واهل جوزها وهنا علشان تكيدهم وتثبت لهم ان العيب كان من طليقها مش منها هي. فهنا كانت صدمه بالنسبه لهم الله طب ازاي؟ اذا كان طليقها قايل لنا ومورينا التحاليل ان هي ما بتخلفش. وان هي عندها تشوه في الرحم، طب ازاي بقى خلفت؟ كل ده واهل جوزها برده مش مستوعبين ان الكلام ده حقيقي وكانوا فاكرين ان جوزها يعني او طليقها بيكدب على اهله. لحد ما قربت من ايام الولاده وعزيزه هنا كانت مش عارفه تعمل ايه. قعدت مع سعيد قالت له يا سعيد احنا قربنا على الشهر التاسع ايه الحل الا ان هم فكروا في فكره شيطانيه. قال لها بقول لك ايه عارفه مستشفى الشاطبي بتاعه الولاده؟ قالت له ايوه، قال لها احنا هنروح ونجيب عيل من هناك. قالت له هنعرف؟ قال لها سهله ما تقلقيش، الا ان عزيزه كان عندها افكار شيطانيه وكمان مستوعبه ومكمله في ده. وفي اليوم اللي هي المفروض هتولد فيه بدات تصوت وتملى البيت كله صوات علشان تثبت للناس انها بتولد. مين بقى اللي جه وقتها؟ اخت جوزها جت وقعدت تصوت قدام الناس واخت جوزها بتزغرط. كل ده عشان يدو ايحاء للناس ان عزيزه بتولد وجابت معاها هدايا قدام الناس انها طلعت تولد عزيزه. طبعا بعد ما سعيد واخوه ادوا للدايه دي فلوس علشان تقول قدام الناس انها طلع تولد عزيزه. طلعت فوق وبعد كميه صوات والكلام ده كله كانوا مستنيين ان هم يقربوا من الساعه 12 منتصف الليل. ونزلوا بيها قدام الناس عزيزه مش هتقدر تولد في البيت لازم تروح تولد في مستشفى الشاطبي. وبالفعل راحوا وصلوا عزيزه للمستشفى والدايه ادت لعزيزه بلطو ابيض زي بتاع الممرضه بالظبط. دخلت عزيزه المستشفى وبدات تدور على شكل عيل صغير يكون لسه حديث الولاده. كل ده وهي لابسه البالطو، وبالفعل لمحت طفل كده صغير عمره في الاربعينات يعني عنده 40 يوم 30 يوم. راحت لوالدته قالت لها انت جايبه ابنك ليه؟ قالت لها والله حضرتك ده ابني بدا يعني يتعب شويه وانا لسه مخلفانه بقاليش 40 يوم. فجيت اكشف عليه، قالت لها انا كبرت الممرضات هنا واسمي ايمان ما تقلقيش انت شكلك تعبان اقعدي انت لازم ترتاحي من تعب الولاده. هاتيه وانا هخش الف لك بيه على الدكاتره كلهم، قالت لها ربنا يخليك وفضلت تدعي لعزيزه وعزيزه بالفعل اخدت الطفل. دخلت اول مكتب بتاع الدكتور ودخلت الثاني كل ده وهي بتوحي للدكاتره انها بتسال على حاجه. راحت تاني للام قالت لها ناكشفت لك هنا وبيقولوا لي تمام، هنزل الدور اللي تحت هووديه لباقي الدكاتره ويقولوا لي ايه الدنيا. قالت لها ربنا يخليكي وشكرا، فعلا عزيزه خلت الطفل ونزلت بيه لكن هربت بيه من المستشفى. كان مستنيها بره سعيد جوزها واخت جوزها والكلام ده كان قرب الفجر. والولد فعلا كانت حرارته مرتفعه جدا وده السبب اللي خلى والدته تنزل في وقت زي ده. اخذوا الطفل وبداوا ان هم يروحوا على البيت بتاع عزيزه وقت الفجر زغاريط واحتفالات وكل ده عشان اللي نايم يبدا يسمع الصوت. ان عزيزه ولدت وجايه معاها الطفل، طبعا في الوقت ده لا في كاميرات ولا في اي حاجه انت بتتكلم الكلام ده في الثمانينات. الناس جت وفضلت تبارك لعزيزه ويباركوا لجوزها والطفل عمال يبكي وده بسبب ان هو مش شامن ريحه امه. عشان يكملوا في فكرتهم الشيطانيه، جم ثاني يوم اخذوا الطفل وراحوا على الوحده الصحيه علشان يسجلوه. الراجل اللي على الشباك قال لهم هتسموه ايه؟ قالوا له اسلام، واسلام ده هو بطل من ابطال قصه عزيزه اللي اصلا وصلت لنا لحد النهارده. المهم اسلام قعد مع عزيزه حوالي ثلاث سنين ورجعت الناس تعاير فيهم ثاني. هو انتوا ايه انتوا جبتوا عيل بس يعني انتوا مش هتخوا بقى اسلام حتى اهل جوزها بداوا يلسنوا. يقولوا 100% الواد ده مش ابن عزيزه اكيد عزيزه واخداه من حد وعزيزه رجعت لها ثاني حاله الياس. تعمل ايه؟ تفكر انها هتقرر نفس السيناريو، قعدت مع جوزها وقالت له بقول لك ايه احنا لازم نجيب عيل ثاني. طب يا عزيزه ما خلاص ما احنا خلاص اثبتنا للناس وكدنا جوزك، لا انا عايزه طفل ثاني. جوزها قال لها بس بصي احنا مش هينفع نرجع المستشفى ثاني لو رحنا هناك هيمسكنا. قالت له لا ما تقلقش مش هنروح المستشفى، بداوا يعيدوا نفس السيناريو تحط لبس تحت الهدوم يعدي شهر اثنين وكل شهر بطنها تكبر. وتيجي عزيزه قبل ولادتها بايام تنزل على السوق وتبدا تدور على طفل صغير امه تكون شايلاه. لحد ما لقت طفل شكله عمره ايام، راحت تكلم والدته قالت لها بقول لك ايه انتي شكلك كده عماله تجيبي في حاجات يعني على القد. فالست غلبانه قالت لها والله يا ظروف مش احسن حاجه وانا لسه شايله العيل ده ما بليش يعني 20 يوم. قالت طبطب عليها قالت لها ما تقلقيش انا موظفه في الشؤون الاجتماعيه وكده كده انا هجيب لك اللي انت عايزاه كله وهعمل لك معاش. قالت لها قولي لي بس عنوانك، اديتها العنوان وبالفعل عزيزه راحت ثاني يوم وهي جايب لها سلع تموينيه كتير. سمنه وشكر وزيت الست بقت فرحانه ومش مصدقه، عزيزه قالت لها اديني بس البيانات. قعدت تملا في البيانات وتحور عليها وجت ثاني يوم وهي معاها ظرف وفي مبلغ مالي. الست خدته وعماله تدعي لعزيزه لدرجه ان هي اتصاحبت عليها وكانت شايفاها صاحبه كويسه دي عملت لي معاش وكمان جابت لي اكل. عزيزه بقى راحت بعدها بحوالي كام يوم وهنا كانت خلاص عزيزه في التاسع وقربت المفروض تولد. قالت للست ده هم في الشؤون الاجتماعيه عايزين يزودوا لك المعاش بس لازم تيجي معايا عشان تمضي على الورق. الست طبعا واثقه فيها ماشي موافقه انا معاكي قالت لها خلاص خشي البسي وانا ماسكه لك اهو الولد عقبال ما تلبسي ايه وننزل مع بعض. الست دخلت تلبس طلعت بره ما لقتش عزيزه عزيزه خلت الولد وهربت خلت عزيزه الولد وقرروا نفس السيناريو ان هم نزلوا بالليل ورجعوا برده معاهم الطفل الثاني. زغاريط واحتفالات وكل حاجه وراحوا ثاني يوم يسجلوا الطفل في الصحه هتسموه ايه؟ قالوا لهم هشام. وهشام ده كان الطفل الثاني لعزيزه جوزها هنا قال لها بقول لك ايه يا عزيزه انا شامع ان في بلاغات ياما وكمان الست اللي انت خدتي منها العيل بيقولوا انها بتدور. قالت له طب والحل؟ قال لها احنا نبيع البيت ونمشي من هنا. وافقت عزيزه واقتنعت وبالفعل باعوا البيت لواحده اسمها شمعه، شمعه اشترت منهم البيت وخدوا المبلغ المالي ده وراحوا رايحين على العريش. اشتروا بيت في العريش وقرروا ان هم يعيشوا هناك، هم عندهم ولدين اسلام وهشام. عزيزه تسكت؟ اقول لك برده لا عزيزه فكرت في الطفل الثالث، طب ليه؟ علشان لما ترجع اسكندريه ثاني يبان ان هي خلفت ثاني في العريش يبقى الموضوع هنا مش مقتصر على خلفاتها في اسكندريه وان في حاجه حصلت هناك. وبالفعل نزلت عزيزه وراحت على مستشفى العريش، قعدت تدور على طفل تعمل معا نفس الموضوع. وبرده عملت بطنها كبيره بنفس الطريقه، تلاقي مين؟ تلاقي واحده شايله طفل. وقررت نفس السيناريو ان هي من الممرضات وهتاخد الولد تكشف عليه، خدت الولد وهربت بيه وراحت الصحه تسجله باسم محمد. لكن ام محمد قت ما سكتتش، قلبت الدنيا وقلبت العريش كلها، عملوا محضر في كل حته وبداوا هم كمان البدو هناك والعرب يسالوا في كل حته ويدوروا الا ان عزيزه هنا كانت بتفكر تخطف بنت. قالت له عشان لما نرجع اسكندريه يقولوا معانا ثلاث اولاد وبنت، فكده عزيزه اصبح معاها ثلاث اولاد محمد وهشام واسلام. وفي الوقت ده ام محمد برده قلب على الدنيا، والداخليه عملوا فريق بحث وتشكل وعمالين يدوروا على عزيزه. وشمع هنا زقت برده من عيشه في اسكندريه، تعمل ايه؟ تاخد بعضها وتطلع على العريش، تشتري بيت جنب بيت عزيزه بالظبط. الا ان شمعه وهي كل شويه بتبص للاطفال حاسه في حاجه غلط العيال كلهم مش شبهها. ولا واحد شبه عزيزه فالست هنا قالت تتكلم مع عزيزه قالت لها بقول لك ايه يا عزيزه ده ولا عيل منهم شبهك. ده في عيال عينهم ملونه، ولا انت عينك ملونه ولا جوزك عين وملونه، ازاي ومش ازاي عزيزه قعدت تحور عليها وتقول لها لا ده خالتي عندها وخالي عنده عيوني ملونه عند اهل جوزي الا ان شمعه بالها مرتاحش راحت على اسم الشرطه وبلغت. قالت لهم انا شكه ان عزيزه واخده العيال دي من حد وبالفعل وزاره الداخليه هنا بداوا يقولوا لها طب قولي لنا مواصفات عزيزه. بدات تقول المواصفات وفي رسام من الداخليه اخذوا الصوره وطبقوا البلاغ اللي جه من ام محمد. قالوا لها تعالي انت فاكره عزيزه دي قولي مواصفاتها، قعدت تقول كذا وكذا وكذا لقوا ان الكلام ده متشبه مع الصوره. وبالفعل وروا الصوره لام محمد فضلت تعيط وتصرخ تقول لهم هي دي اللي عملت عليا الممرضه. وبالفعل راحوا هناك اقتحموا البيت بتاع عزيزه وقبضوا عليها اول ما مسكوها قالوا لها العيال دي عيال مين؟ قالت لهم الاثنين دول مش عيالي. على هشام وعلى محمد وبالفعل ام محمد جت وكانت هقتتل عزيزه وفي ساعتها عزيزه اديت لها الطفل. راحوا عملوا لعزيزه محضر وبداوا ان هم ينشروا صور العيال دي في الجرايد عشان اهل هشام يفضلوا يبصوا على الجرائد يلاقوا صوره لطفل يحسوا ان هو ده ابنهم. وبالفعل راحوا الاسم العريش عملوا التحليل بتاع الدي ان ايه وتطابق التحليل وطلع هشام ابنهم. وكده ما بقاش غير اسلام وده عزيزه كانت مصممه ان ده يبقى ابنها كل ما يقولوا لها يا عزيزه انتي جايباه منين؟ تقول لهم لا ده ابني. طب ازاي والتحاليل بتقول انك ما بتخلفيش؟ لا ده ابني. المهم اتحكم على عزيزه بست سنين وعلى سعيد واخته بخمس سنين. جه شخص قال ان اسلام ده ابنه، الشخص ده كان اسمه جمعه واسلام كان بدا يكبر شويه فسال عزيزه قال لها وجمعه ده يبقى ابويا؟ قالت له اه يبقى ابوك. وبرده قالت كده في التحقيق واسلام عاش مع جمعه 22 سنه وجمعه حب اسلام جدا. بنى له بيت وجوزه وكمان خلف وبقى عنده اسره الا ان مع الوقت جمعه بدا يشك ان اسلام مش ابنه وكان حاسس بكده. لحد ما معامله جمعه اتغيرت وبقت جافه جدا مع اسلام، فجيه يوم جمعه واسلام اتخانقوا خناقه كبيره فقرر ان هو يطرد اسلام من البيت. اسلام هنا مراته حست ان هو مش هيقدر يصرف والدنيا بدات تبوظ فللاسف اتطلقت منه. واسلام بعدها اتجوز ثاني وخلف ولدين وده بعد ما سافر الاليوبيه لان هو حس باحراج من المنطقه اللي كان ساكن فيها وان الناس هتعاير. اسلام بدا يعمل صفحه على النت ويسال ويكتب على قصته علشان اهله يعني يدوروا عليه او يوصلوا له. عمل 54 تحليل دي ان ايه وللاسف كلهم كانوا مش متطابقين لحد ما اسلام هنا قرر ان هو يدور على عزيزه ثاني. راح لقى عزيزه ست كبيره وعايشه وما لهاش حد، قعد يقول لها ما تقولي لي مين ابويا؟ قالت له جمعه يبقى ابوك، قال لها عملت تحليل مع جمعه وطلع برده مش ابويا. فضلت تصرخ وتصوت وتلطم، حتى طلعت في برامج ياما وبرده مصممه ان جمعه ده يبقى هو ابو اسلام. لحد ما راح لها اسلام ثاني وقعد معاها يقول لها علشان خاطر ربنا قولي لي مين؟ يا شيخه بحق كل لقمه اكلنا مع بعض، قعدت تصرخ ودخلت في حاله ذهول، قالت له هقول لك مين بس سيبني اقعد مع نفسي كده شويه. قال لها حاضر طلع قعد بره في الصاله وهي دخلت جوه وفجاه سمع صوت حاجه اتهبتت. دخل الاوضه يشوف في ايه؟ لقى عزيزه نطت من البلكونه من الدور الثاني. نزل تحت وهو مصدوم هي عملت كده ليه؟ كانت خلاص بتطلع في الروح، قال لها قولي لي مين هو ابويا؟ انت كده كده هتموتي، اساسا عزيزه كان عندها كانسر وبرده رفضت انها تقول له رغم انها كانت عارفه ان ايامها معدوده. وفضل يتحال عليها وهي بتموت يقول لها خلي نهايتك قدام ربنا كويسه، قالت له محمد فرج الله لكن ما قالتش ده ابو ولا ده مين. وفضل اسلام يدور على اهله ويعمل صفحات في كل حته ويطلع في برامج الا انه لحد دلوقتي مش عارف فين ابوه. ودي كانت نهايه عزيزه، ما تعرفش انك يعني تصعب عليك ولا انت تعمل ايه مش عارف. وهل الناس كانت هي السبب في ان عزيزه توصل لكده؟ الحقيقه برده مش عارف. هسيب لك انت السؤال ده وبرده الاجابه، ربنا يرحم الجميع رغم ان عزيزه اتقال انها كانت من ضمن عصابه في خطف الاطفال اساسا وكانت بتبيع الطفل ب 5000. لكن لحد دلوقتي ده مش اكيد، استنوا حلقه جديده من حكاوي الطماوي ويا رب الحلقه تكون عجبتكم، السلام عليكم.
