[0:00]مرحبا. غزل بتطبق مع طفلي الحوار اللي أنت بتقولي عليه بس نادرا كتير لحتى يسمع مني أو يرد علي. غالبا بيكون ردي على هي الرسالة إنه في مشكلة بطريقة الحوار وبطريقة إيصال الفكرة. لهيك اليوم أنا هون لحتى أخبركم الطريقة الصحيحة لإيصال الفكرة للطفل وطريقة الحوار الصحيحة مع الطفل. النقطة الأولى اللي لازم دائما نعرفها إنه لحتى نبدا حديث ويطلع ناجح مع الطفل لازم نكون على مستوى الطفل. تخيلي أنت إنه في حدا كتير أطول منك عم يحاكيكي أنت تحت وهو فوق وأنت عم تطلعي لفوق. رح يكون الحوار مانو معتدل، رح تحسي نوعا ما بالخوف أو بسيطر هذا الشخص عليكي. لهيك مهم كتير لما تبدئي بدك تحاكي طفلك تقعدي على الأرض. تقعدي بحيث يكونوا عيونك بنفس تماما مستوى عيون طفلك. فمهم كتير نكون على نفس المستوى، نقطة التانية المهم كتير يكون في تواصل بصري. يعني ما بيصير توجهي لطفلك ملاحظة وأنت عم تطبخي وهو وراكي أو هو عم يلعب. لازم تكوني قاعدة على مستوى طفلك وعينك بعين طفلك. لانه التواصل البصري هو النقطة الأساسية بأي حوار بدنا نعمله مع أي شخص. النقطة الثالثة، لحتى توصلي الفكرة لطفلك معك تقريبا 3 لـ 5 ثواني فقط. بـ 5 ثواني فقط بدك تكوني قلتي اللي بدك إياه لطفلك، لأنه طفلك ما رح يركز أكتر من هيك وما رح يسمعك أكتر من هيك. يعني لنفرض إنه الطفل أو خلي المثال لآخر شي. النقطة الثانية إييي معناته النقطة الثالثة هي إنه يكون كتير سريع، كتير مختصر. يعني بدك تعايري إنه أنتِ خمس خمس ثواني ست ثواني وخلصت مدة الحوار، لازم تكوني لحقتي بتوصلي الفكرة. النقطة الرابعة إنه تكون اللغة بسيطة واضحة وإيجابية، بسيطة واضحة وإيجابية. حأرجع أعيد صار عندنا 1 نفس المستوى الجسدي، 2 التواصل البصري، 3 السرعة، ف لازم تكون إي المدة خمس ثواني كحد أقصى، 4 لازم تكون اللغة بسيطة واضحة وإيجابية. 5 لازم تقدمي لطفلك السلوك الصحيح، لأنه في حال أنت نبهتي طفلك على سلوك خاطئ فهو أوكي ماشي ماما أنا عرفت إنه هذا خطأ بس شو يعمل؟ شو شو البديل؟ هو ما بيعرف شو البديل إذا أنتِ ما قدمتيه. كل هي النقاط رح تصير واضحة بـ بس لأشرحها هلا بمثال. المثال، لنفرض إنه طفلك ماشية أنتِ وياه بالـ بالطريق، فطفلك عم يحب إنه يطلع على الشارع. ففي فرق بين ما تقولي له ماما عم تمشي بين السيارات، ما بيصير تطلع على السيارات. أوكي هو حس إنه في شي خطأ عم يصير بس ما فهم شو عم يصير. في فرق بين لما تقعدي تنزلي تقرفصي على الأرض، توقفي بمستوى طفلك، بصوت هي نقطة كمان كتير مهمة، الصوت بده يكون كتير منخفض، كتير منخفض في نقاط تانية هلا كمان حوضحها بالمثال، الصوت بده يكون كتير منخفض، يعني ما بدك تعيطي وبنفس الوقت ما بدك تحكي بصوت واطي غير مسموع. بده يكون الصوت الطبيعي الوسط اللي بتحكي فيه مع أي شخص لما بتكوني عم تحكي بهدوء. حبتنزلي على مستوى نظر طفلك بالشارع، رح تحطي تواصل بصري رح يكون في تواصل بصري، رح يكون في لغة بسيطة وواضحة، ماما حبيبي امشي على الرصيف. ماما امشي على الرصيف، إيجابية، وضحت السلوك الخطأ، أعطتك السلوك الصح. بنفس الوقت حتقولي: السيارات بتمشي بالشارع، لكن نحن بنمشي على الرصيف. خلصت بـ 5 ثواني، وضحت الخطأ اللي صار إنه مكان الشارع للسيارات، وضحت السلوك الجيد اللي هو إنه نحن بنمشي على الرصيف، فهيك أنت بتكوني وصلتي الفكرة بسرعة، بطريقة واضحة بسيطة وسهلة. وبنفس الوقت كتير مهم بآخر كل حوار إنك تقولي لطفلك بحبك وتحضنيه. لحتى يعرف الطفل إنه إي قيامه بهذا الفعل لا لا ما حيقوم فيه لأنه أنت حتحبيه أكتر، وإذا ما قام بالفعل أنتِ ما رح تبطلي تحبيه، لازم يعرف إنه حبك إله مو مشروط. وإنه الحوار وتأنيبه وتوجيه ملاحظات إله هذا لا يعني إنك أنت ما بتحبيه. الحب موجود دائما وأبدا بدون أي شرط، فمهم كتير بآخر كل حوار إنك تحضني طفلك لحتى تبرهني له إنه ماما أنا بحبك شو ما عملت وشو ما صار. مثال آخر طفلك عم يكب المي على الأرض وأنت عم تعطيه المي لحتى يشربها. هلا في نقطة كتير مهمة إنه حاولي توضحي الفكرة قبل ما يقوم طفلك بالفعل الخطأ. يعني أنتِ بتعرفي إنه طفلك بحب يكب المي على الأرض لما تعطيه كاسة المي، فلما تعطيه كاسة المي لا تذكريه بالفعل الخطأ تبع ماما لا تكب المي على الأرض، لا لأنه هو حيكب المي على الأرض خاصة إذا كان نسيان وأنتِ ذكرتيه. الحل إنك تعطيه السلوك الإيجابي. أعطيه كاسة المي، قولي له ماما حبيبي هي المي لحتى نشربها، لأنه نحن بنحب نشرب مي. هي المي لحتى نشربها جملة سريعة واضحة ومباشرة. لا تلفي وتدوري، لا تشرحي بطرق هيك إيه أعطيه فورا شو شو شو شو اللي بدك إياه منه، شو الـ الـ الـ الموضوع اللي بدك تحكي فيه. جملة هيك واضحة وصريحة وأربع خمس كلمات وخلص. فماما هي المي لحتى نشربها، اتفقنا؟ طبعا رح تحكي وأنت على تواصل بصري، بصوت واطي إيه بنفس المستوى تبع طفلك، بـ هي الطريقة الإيجابية والواضحة ورح تحضني طفلك بآخر الملاحظة، طيب. كب طفلك المي على الأرض، شو رح تعملي؟ نفس الشي، رح ترجعي تعدي، دائما دائما دائما خذيها قاعدة. لا تبدئي بالحوار أثناء بعد وقوع الخطأ فورا، يعني كب طفلك المي على الأرض هلا لا تعملي حوار. أنتِ متوترة وطفلك متوتر، فما رح يطلع حوار ناجح.
[6:31]غالبا أنا هلا بهذا العمر بخلي كنز تجيب إيه الشقفة هي وتمسح المي من على الأرض أو بجيب أنا الشقفة وبمسح المي من على الأرض بدون ولا أي حرف. مسحنا الأرض، راح الأثر، شاف الطفل هذا الأثر خاصة إذا مسحه بإيده. شافه لهذا الأثر بعينه الطفل، طيب هلا نحن الاتنين روقنا، صار فيك تعدي على الأرض، تحطي عينك بعين طفلك، تعملي تواصل بصري وتخبري طفلك إنه ماما المي لحتى نشربها. إذا حابب إنك تكب مي على الأرض فممكن نحن نفوت على الحمام نعبي البانيو مي ونلعب بالماء إذا أنت بتحب اللعب بالمي. جملة مباشرة واضحة وصريحة بصوت واطي ورح تحضنيه لحتى يعرف إنه هو حتى لو كب المي على الأرض هذا لا يعني إنك بطلتي تحبيه. طيب، غزل عملت كل هي القصص اللي قلتِ عليها ومع ذلك طفلي لسا بيعمل الفعل الخطأ. مين قال اليوم إنه الطفل روبوت؟ مين قال اليوم إنه رجل آلي؟ ما أنا وإياكِ كمان في كتير أشياء بنعرف إنها غلط لكن ما عم نقدر إنه نتراجع عنها أو نبطل إنه نعملها، صح؟ طيب لأنه نحن اليوم إنسان والإنسان دائما أوقات بيعمل خطأ رغم إنه بيعرف إنه هو خطأ. الطفل نواياه مختلفة، الطفل بيعمل الخطأ رغم إنه هو بيعرف إنه هو خطأ، بس بيعملوا لأنه لسا فضوله ما ارتوى. يعني لسا عنده فضول لسا في نقطة ما اكتشفها بهذا الفعل، فهو حيضل عم يعمل هذا الفعل ليكتشفها. كنز واللي متابع ستوري الانستغرام بيعرف إنه كتير عذبتني وهي عم تكب المي على الأرض. وفعليا كل يوم كل يوم كل يوم في كاسة عم نكبها. فـ أول شي اللي أنا عملته من طرفي إنه لما أعطيها الكاسة أعطيها الملاحظة الإيجابية وبنفس الوقت خلي كمية المي بالكاسة كتير قليلة، فبحيث حتى أنا بعرف إنه هي حتجبها بس ما تكون المي مزعجة ومسحة صعب. فظلت عم تكب رغم كل محاولات الحوار وهي بتعرف إنه غلط فبعد ما تكب بتقولي لي ما بنكب المي على الأرض وتمسحها، لكن هي ما عم تقدر تقاوم الفضول. وهلا ما بتكب المي على الأرض إلا نادرا، خلص الفضول ارتوى. اصبروا عليهم اصبروا على اكتشافاتهم، ووجهوا دائما رسائلكم بشكل واضح بسيط وصريح ومليان حب. العلاقة بيناتنا حب مشترك ومتبادل، مانك عدوته، مالك متسلطة عليه، مالك الطرف الأقوى أبدا. أنتوا الاثنين بتحبوا بعض، دائما خلي رسالة فيها مودة وحب مباشرة وصريحة بصوت واطي. بتمنى إنه أكون فدتكم بالطرق الصحيحة والنقاط الأساسية لحوار ناجح ومثمر مع كل الأطفال. بحبكم كتير، شاركوني بتعليقاتكم وإذا كان في عندكم نقطة سلبية بالحوار اكتشفتوها هلا كمان اكتبوها بالتعليقات واكتبوا لي شو عندكم كمان نقاط إيجابية ممكن إنه نضيفها على الحوار. وتذكروا تابعوني على حساب الانستغرام حتلاقوا رابطه بالتعليق الأول وتذكروا إنكم تشاركوا هذا الفيديو مع كل رفقاتكم ومبروك المليون علي وعليكم.
