المشروع الذي صدم شارك تانك! عجلات ذكية تغير صناعة السيارات ـ لماذا رفضها المستثمرون؟

[0:00]شوف مهما كانت فكرتك مره عظيمه، اذا ما عرفت تسوق لها صح غالبا ما راح تستفيد منها ابدا. هذول الاثنين اخترعوا اختراع مره رهيب. شايف هذه الكفرات هي الكفرات العاديه واللي احنا نعرفها. لكن هم قاموا اخترعوا كفرات ذكيه. استخدموا في هذه الكفرات ماده مره نادره ما يحتاج انك تعبي حتى الكفرات هواء. في البدايه انبهروا المستثمرين من الاختراع بشكل عجيب. لكن الصدمه كانت من سالوهم بكم تبيعوا هذه الكفرات. قالوا لهم نبيع الطقم ب 3500 دولار. يعني بالسعودي تقريبا اكثر من 13,000 ريال. هنا واحد من المستثمرين قال لهم اسمع ترى انتم من يوم ما دخلتوا تقولوا كلام مو مفهوم. وقتها حسيت انه منتجكم هذا سعره مره غالي. فانا من الحين برا. الثاني قال لهم فكرتكم مره ذكيه لكن عرضكم للفكره وتسويقكم لها مع كامل الاسف جدا فاشل. الثالث قال لهم اسمع ايش رايكم تبيعوا اختراعكم هذا اي شركه كفرات بدل وجع الراس. المهم هذول الاثنين اتجلدوا من كل مكان. وطلعوا برا البرنامج. في ناس غالبا لو جاتهم هذه الانتقادات يدمروا تماما. وفي ناس مهما جاتهم انتقادات يا جبل ما يهزك ريح. بالعكس هي انتقادات تعلمهم وتقويهم. متخيلين ان هذول الاثنين في خلال سنتين بس شركتهم صارت تقدر قيمتها باكثر من 54 مليون دولار. انا متاكد ان في ناس كثير توصل لنص الطريق وتوقف بس بسبب الانتقادات اللي تجي. يعني هذول كانوا في نص الطريق ورغم الانتقادات كملوا وهذه كانت نتائج تكملتهم.