[0:02]السلام عليكم ورحمه الله وبركاته، كيف الحال يا شباب؟ عساكم طيبين مش شوي عن حالكم، انا ماني ساحبه يا شباب، اللي ضايفني بسناب ونزلت مقطع باليوتيوب قبل وحذفته قلت مقطع راح ينحذف. قلت لكم انه راح ننتقل من بيت لبيت، والحمد لله انتقلنا واستقرينا. نسمع الصوت يا شباب، هذا صوت المطر دقيقه بس خلني اصور لكم تعال تعال تعال انت وياي تعال تعال
[0:28]أوكي، حلو يا شباب نرجع لمقطعنا. وكنا قاعدين ننتقل يا شباب من بيت لبيت ثاني، واللي ما يعرفني أنا واحد كسلان، فكنت نايم بالبيت. أمي تجيني، حسن، اسمي حسن ها، اللي ما يعرفني. يا حسن، أكيد ما راح ينادوني بالبيت أبو فلة. يا حسن، منو؟ يا حسن، قم، قم بننتقل البيت، قم. طيب طيب إن شاء الله، إن شاء الله. حسن، قم، والله راح أنادي أبوك. إي إن شاء الله خله يجي. يا كلب، أعوذ بالله من الشيطان الرجيم، وانتقلنا، رحنا البيت الجديد، والله كنت كسلان يا شباب ما لي خلق، حتى بالمشي كنت، فيني نوم فيني نوم، المشكلة منتقلين وقت غلط صباح الله ست الصبح، وأنا نومي خربان أنام 3 الفجر. المهم والله كريم، لما رحت للبيت أنا أول شيء سويته أول ما دشيت البيت قلت وين الغرفة؟ فلازم يكون في منطقة مثل المنطقة هذه، الجميلة هذه، أصور فيها الصق فيها صور هنا واضبط المكان عرفت حركات وأسوي ست أب، لازم. فقلت بشوف الغرفة، بسم الله، فتحت باب الغرفة، ما شاء الله تبارك الرحمن، ما شاء الله تبارك الرحمن. فجأة أتذكر، قلت يا أخي، إيش السالفة؟ في شيء في شيء في شيء ناقص. أوكي حسن، أنت، قمت من النوم، الوالدة جت ما قمت، الوالد جاء قمت مثل الـ، رحت البيت الجديد، في شيء ناقص. وين السوني؟ وين اليد؟ وين الأشرطة؟ والله يا شباب في هاللحظة هذه أنا خفت، والله كنت خايف يا شباب، لو أقول لكم الخوف اللي كان فيه، رحت عند أمي. يمة، وين السوني؟ شنو؟ وين السوني؟ هل الجهاز اللي تلعب فيه؟ إيه إيه، أشوفه عند خوالك. ها؟ اشوفه عند خوالك ما تسمع؟ اللي ما يعرف خوالي هذولا، هذولا أي جهاز يوصل لهم والله ما يقعد يوم واحد. أقسم بالله يوم واحد اللي ينكسر، قسم بالله يا شباب إني فكيت سبرنت، وصلت عند بيت خوالي، كانوا قريبين عندنا يا شباب نفس الحارة. أحمد! أكبرهم أكبرهم كلهم ورعان، ست ورعان أكبرهم اسمه أحمد. أحمد! هو عاقلهم شوي. أحمد! محمد! اللي أصغر منه شوي، اسمع صوتهم بالديوانية قاعد يصارخون. قسم بالله يا شباب إني سمعت صوتهم إني قلت خلاص، ماسكين بالسوني قاعد يضربون على الأرض، خلاص كافي، مستانسين قاعد يكسرون السوني. افتح الباب. أمي عطتهم بلاي ستيشن 2، مو الـ 4، رجعت عند أمي. يما أنتِ عطيتيهم السوني 2، وين سوني 4؟ روح عند أبوك روح عند أبوك، أنا أبوي لا تجي عنده، أبوي ما يعرف إيش اسمه السوني، هخخ خرابيط هذه ما يعرف. يبا، شفت الجهاز اللي هذه كله ألعب فيه، اللي، إيه الجهاز اللي مأخذ عقلك، لا صلاة لا عبادة لا روحة لا أكل ولا شرب ما تطلع من البيت. جعله يروح ويضيع يا رب العالمين. حبيبي والله، كني ما جيتك أوكي، كني ما جيتك، سلام عليكم، سلام. على أخوي، يا أخوي، يا أخوي السوني ضاع يا أخوي، يا أخوي السوني ضاع تكفى يا أخوي، يا أخوي السوني ضاع، والله ما لي خلق اشتري سوني، أبوي ما راح يشتري لي، أنا مطفر، يلا يلا اشتريت كول اوف ديوتي الجديد، والمتابعين يبون تكفى يا أخوي، وين السوني؟ تكفى قول لي إني أعطيته واحد من ربعي، تكفى يا أخ، تكفى، تكفى، تكفى والله ببكي والله، والله برجع ارجع لهم ونزل لهم مقاطع، أحين إيش أقول لهم تكفى، أقول لهم السوني انكسر، أطلع لهم. والله اسمع يا حسن، أنا ما أعرف مكان السوني، أول ما قال كذا أنا قلبي خلاص طاح ببطني، لكن ارجع للبيت القديم دور. دخلت البيت، رحت للديوانية اللي كنت ألعب فيها، يمين يسار، بعد بعد اللحظة هذه يا شباب أنا فقدت الأمل، أعطيته وضعية.
[4:08]المهم فقدت الأمل يا شباب خلاص ما في، بس راح نسحب على اليوتيوب تقريباً شهر ثاني عشان لين أجمع أو إن أخلي أبوي يشتري لي. والله يا شباب إني كرهت نفسي، والله ما أكذب لكم، مو عشان السوني مع أن السوني شيء عزيز علي وكل يوم ألعب فيه. وألعب فوت تشامبيون وألعب كول اوف ديوتي، تخيلوا أسبوع واحد أدخل فوت تشامبيون ألعب 40 مباراة ألعب فيفا ألعب بلاك أوبس ألعب باتل فيلد، أصور مقاطع، هذا كله. يومي كلها رايح مع أني مع كل هذا مستمتع إني قاعد أنزل لكم مقاطع وإني قاعد أستمتع لأني قاعد ألعب سوني. مع كل هذا أنا ما زعلت على نفسي لأني خلاص بنقطع عن السوني، لا زعلت عليكم والله يا شباب، شوفوا كيف، فاضي. المهم في هاللحظة هذه وأنا خلاص فاقد الأمل اللي يجيني اتصال.
[4:56]هلا والله، معاك أحمد، هلا أحمد والله مو وقتك يا أحمد لو لو تسكر الجوال وتروح أحسن، مو فاضي لك والله. وراك مخلي سوييتك عندنا وعشرتك؟ تعال خذها يا حبيبي الدنيا حلوة وخلنا نعيش العمر رايح افرح وامرح تزعل ليش.
[5:26]وبس يا شباب يعطيكم ألف عافية، أنا مرات أمشي يا شباب أقعد أدور تليفوني، أقعد أدور تليفوني يا شباب وأخيرا ألقاه بجيبي، والله يا شباب اللي مثلي، اللي مثلي ينسى كثير يكتب في التعليقات يا شباب، تكتبوا لي قصصكم إيش صار. المهم يا شباب ما أطول عليكم، إن شاء الله المقطع الجاي راح يكون باتل فيلد يا شباب، التصويت اللي صار باتل فيلد راح أحط الصورة هنا، تقريباً 1500 واحد مصوت على سلاح مارتن هنري، أبشروا بالمقطع مارتن هنري يا شباب مارتن هنري. بس يا شباب يعطيكم ألف ألف عافية، يا حبايب قلبي، يا شباب أنا حبايبي قسم بالله إني مستانس إني رجعت، والله مستانس إني رجعت يا شباب، إن شاء الله تكونوا مستانسين بعد، وأشوف أحلى دعم، يا بعد قلبي، وإن شاء الله 100 ألف يا رب، يلا مع السلامة.
