ضربة في دماغه حولته لعبقري بقدرات مستحيل تتخيلها!🌌🤯

[0:00]حالات غريبة ونادرة جدا، وبتحصل لكل واحد في المليون. اكتشفوا إني بدأت أستخدم أجزاء في المخ إحنا غالبًا ما بنوصلهاش في وعينا الطبيعي. هاليه هاليه، ده هو جيسون باتجيت، شخص عادي جدًا بس كان اتعرض لهجوم في بار سنة 2002. ولكنه بعد ما خرج من المستشفى ما بقاش عادي. لإن طريقته في رؤية العالم اتغيرت تمامًا. الحاجات اللي كانت شكلها ناعم وسلس بقى بيشوفها بأشكال مختلفة زي خطوط وأشكال هندسية، وكأنها بتتهز أو مش ثابتة. وبدأ يرسم اللي بيشوفه زي نسيج الزمكان والثقوب السوداء الكونيه وأي شكل يقدر يرسمه علشان يعبر عن رؤيته الجديدة. وفي يوم كان بيرسم في مول، وجاله شخص لاحظ مستوى الرياضيات اللي هو بيرسمها، وشجعه يدخل كورس في الرياضيات. وبعد كده اتشخص بحالة نادرة اسمها Savant Syndrome أو متلازمة الموهوب المكتسبة. ودي حالة نادرة جدا بتطور عند الشخص مهارات عبقرية في مجال معين وغالبًا بتحصل بعد إصابة في المخ أو حادث عصبي قوي. جيسون بيقول إن اللي حصل في الليلة دي يغير حياته بالكامل وإن المفروض إن إحنا كلنا نمشي مندهشين إن الواقع ده أصلًا موجود. سلام