[0:00]بسم الله والصلاه والسلام على رسول الله، اهلا بكم في المحاضرة. اللي هنتكلم فيها عن دراسه الجدوى التفصيليه، ايه الأهداف الرئيسية من المحاضره؟ هنعرّف إيه هي دراسة الجدوى التفصيلية، وهنعرف إيه هي مراحل دراسة الجدوى التفصيلية، وهنعرف أساسيات دراسة الجدوى التفصيلية، ومشكلات دراسة الجدوى التفصيلية، وإيه هي الأخلاقيات اللي يجب اتباعها عند القيام بدراسة الجدوى التفصيلية، طيب. دراسة الجدوى التفصيلية، هي بتقدّم الأسس التسويقية، والفنية، والتنظيمية، والمالية لقرار الخاص بمشروع الاستثمار، إذ تُجرى هذه الدراسة على مشاريع تم اختيارها عن طريق دراسة الجدوى المبدئية وأثبتت جدواها المبدئية. يعني بنجيب المشاريع، دراسة الجدوى المبدئية خلصت قالت والله المشروع ده كويس، نقدر نكمل فيه، بنبتدي نعمل دراسات الجدوى التفصيلية، وهي بتقدّملي أسس تسويقية وفنية وتنظيمية ومالية. على للمشروع اللي أنا هقوم بيه، طيب، إيه هي مراحلها؟ أربع مراحل لدراسة الجدوى التفصيلية. دراسة الجدوى التسويقية، دراسة الجدوى الفنية والهندسية، دراسة الجدوى الإدارية والتنظيمية، ودراسة الجدوى المالية والاقتصادية، وتقدير الربحية التجارية الخاصة. يبقى دلوقتي دول الأربع مراحل اللي أنا ناخدهم بالتفصيل في الحلقات الجاية، أو في المحاضرات الجاية، طيب، في أساسيات، في 13 مجموعة من الأساسيات عن دراسة الجدوى، أولها، نمرة واحد، أولًا، دراسة الجدوى هي دراسة شاملة بتخلي موضوع الاستثمار جاهز للتنفيذ. يعني احنا بنعمل دراسة شاملة، زي ما قولنا، تسويقية وفنية وإدارية ومالية، دراسة شاملة، عشان نخلي المشروع جاهز للتنفيذ، يعني المفروض بعد دراسة الجدوى ديت بنبتدي ننفذ إيه؟ المشروع، ولازم نعرف إن إحنا مش بنقوم بدراسة الجدوى عشان إحنا عايزين نقوم بدراسة جدوى، إحنا بنعملها وسيلة عشان ناخد بقرار موافق على المشروع أو رفضه أو تعديله. خلي بالك إن إحنا عملنا دراسة جدوى مبدئية، قالت أوكي كمّل، ممكن بعد دراسة الجدوى النهائية المشروع ما ينفعش. أو محتاج تعديل، نعدله تاني، فلازم نكون عارفين يا إما هنوافق يا إما هنرفض يا إما هنعدّل المشروع. تاني حاجة، مهما كان حجم المشروع صغير أو كبير لازمًا يكون فيه دراسة دراسات جدوى اللي إحنا قولنا عليها اللي قبل موضوع الإنشاء. بس بيختلف حجم الدراسة وتكلفتها واللي هيعملها بناءً على حجم المشروع. وعلى حجم الاستثمارات، يعني ما ينفعش أكون هعمل كوفي شوب صغير هيكلفني 500,000 جنيه، وأروح أعمل دراسة جدوى تكلفني 50,000 جنيه. فاهم؟ أروح لمكتب استشاري، لكن أنا راجل عايز أعمل مشروع كبير. وعايز أخد فلوس من بنوك أو فلوس من مستثمرين، فلازم أروح لمكتب استشاري كبير يكون موثوق، عشان لما يديني النتائج الناس دي تصدقها. تمام؟ في اختلافات بين مراحل بين بين الهيئات الدولية وبين الناس اللي بتطلب على مراحل إعداد الجدوى. بس إن هي عملية إقامة المشروع في مرحلتين، مبدئية دراسة جدوى مبدئية، ودراسة جدوى إيه؟ تفصيلية. يبقى في اختلافات جوة، آه، ممكن تلاقي اختلافات، بس اختلافات في المسميات، البروسيس أو العملية نفس العملية، بس اختلاف في المسميات. لكن هي مرحلتين، دراسة جدوى مبدئية، ودراسة جدوى إيه؟ تفصيلية. رابعًا بعض دراسات الجدوى النهائية مش مطلوب بصورة حتمية عند اتخاذ قرار بشأن مشاريع الاستثمار، في مشاريع مش محتاجة كل المجهود ده في دراسة الجدوى. يعني زي ما قلت لك، أنت هتبيع سلع استهلاكية زي الرز والسكر والزيت، أنت محتاج تعمل دراسة مبسطة أوي عن دراسة الجدوى اللي إحنا هنعرضها دلوقتي. وممكن ما تمشيش بنفس الترتيب، ليه؟ أنت مش محتاج تدرس السوق عامل إزاي؟ السوق فيه طلب واللي العرض والطلب معروفين مثلًا، فاهم قصدي؟ محتاج تدرس الإنتاج هيكون إزاي؟ يعني أنت هتدرس السوق بس بصورة قليلة، لكن هتركّز على الإنتاج عشان تكاليف الإنتاج عندك تقل عشان تعرف تنافس السوق. لإن الحاجة الأساسية اللي بتنافس عليها ده الجودة مع الإنتاج. اللي هي اللي بيقولوا عليها القيمة. تمام؟ خامس حاجة. المراحل الفرعية لدراسات الجدوى غالبًا ما تتداخل وتتكامل مع بعضها البعض، سادسا: إن دراسات الجدوى لا تمثل مظهر لسيطرة الدولة أو تحكم المصارف، كما أنها لا تشكل ترفًا إداريًا. يعني ممكن وأنت بتدرس الجدوى التسويقية، أو بتدرس الجدوى الفنية، لازم يكون في مدخلات من الجدوى من عناصر الجدوى التسويقية، هتلاقي مدخلات، وأنت بتدرس الجدوى الإدارية لازم تلاقي مدخلات من من دراسة الجدوى الفنية والهندسية.
[5:05]فهم متداخلين مع بعض ومتكاملين في نفس الوقت. سادس حاجة، دراسة الجدوى مش مش ليست مظهر لسيطرة الدولة أو تحكم المصارف، أنت مش بتعملها غصب عنك، أنت لازم تعمل دراسة جدوى لو عايز تمشي صح، ومشروعك بإذن الله ينجح أو نسبة نجاحه تبقى عالية جدًا.
[5:30]فمشروع دراسة الجدوى ما هياش متطلبات من الدولة أو تحكم من البنك اللي أنت رايح تاخد منه قرض أو تاخد أو من الشخص اللي أنت ما هوش تحكم أو فرض رأي، هو ضرورة لازم تقوم لازم تقوم بيها وتعملها لما تيجي تعمل مشروع.
[5:50]سابع حاجة، لنجاح دراسات الجدوى يتطلب توافر تخصصات على درجة عالية من الخبرة العلمية والعملية.
[6:00]أنا أنا رأيي إن الموضوع له جناحين، جناح علمي وجناح عملي، مفيش حد يقدر يطير بجناح واحد. لازم يكون اللي بيعمل دراسة الجدوى فيها الجناحين الجناح العلمي والجناح العملي. ممكن تجيب ناس يعني الشركة الشركة المتخصصة بتجيب ناس كده وناس كده. فاهمني؟ طب لو في شخص عنده الخبرة ودرس، ده أحسن واحد يعمل دراسة الجدوى. خبرة 20 سنة في المجال، تمام؟ و عملنا MBA، تمام؟ ودرسنا المشروعات، وإدارة المشاريع، وخدنا كورسات، و و، ده أحسن واحد يقدر يعمل لك دراسة الجدوى. ثامنا: أن تمتد دراسات الجدوى بمسألة ومستمرة وطوال جميع مراحل دورة حياة مشروع الاستثمار. مش مش مش وأنا بنشئ وبأسس بس، لا وأثناء التشغيل، أنت وأنت بتعمل حملة دعائية لازم تعمل لها دراسة جدوى، وأنت بتشتري مكنة جديدة لازم تعمل لها دراسة جدوى. وأنت بتبيع مكنة وبتكهنها لازم تعمل دراسة جدوى، فدراسة الجدوى دي مكملة معايا طول ما المشروع شغال. تاسعًا: أن تصنف دراسات الجدوى وظيفيًا إلى دراسات جدوى تسويقية ومالية، ويمكن تصنيفها أو طبقًا إلى دراسة هدف الوصول أو لدراسة هدف الوصول إلى نتائج محددة سلفا من قبل العملاء. يبقى في دراسة جدوى على المستوى القومي مفهوم الربحية الاجتماعية، إيه اللي المجتمع هيستفيدوا من الحاجات ديت؟ وممكن تكون بشكل رسمي أو غير رسمي، وده بيتوقف على حجم المشروع والأموال اللي هتستثمر فيه، أنا قصدي إن المشاريع الكبيرة أوي بيكون ليها أهداف اجتماعية. ممكن يكون ليها أهداف اقتصادية تتماشى مع رؤية الدولة، أنا بتكلم عن المشاريع الكبيرة أو العملاقة. يعني مشروع زي مشروع الطاقة الشمسية اللي بيتعمل دلوقتي في أسوان وبيتعمل، ده مشروع بيأثر على مشروع خاص، عامله ناس أفراد، تمام؟ بس بيأثر على توجه الدولة وتوفير الطاقة والطاقة النظيفة والكلام ده كله، يبقى دوت مشروع كمان أبعد من الربحية الخاصة أو الربحية المالية، في ربحية اجتماعية، عشان كده الدولة ممكن تديك سبورت، تديك دعم. تديك أرض ببلاش عشان تعمل فيها خلايا الطاقة الشمسية أو تديها لك بسعر قليل، فاهم قصدي؟ ففي مساعدة بتبقى من الدولة لو المشروع فيه ربحية اجتماعية وهيعود على المجتمع بالنفع. عاشر حاجة، عامل الوقت في دراسة الجدوى المبدئية والتفصيلية، الفرص الفرص الاستثمارية ممكن تكون أنت على بال ما تعمل دراسة تكون الفرصة راحت منك، أو المحل اللي أنت عايزه عشان تعمل فيه المشروع بتاعك اتآخد.
[9:07]هتدور على محل تاني، طب ما هو محل تاني لازم دراسة جدوى تانية، لإن دراسة السوق هتختلف نوع الكاستومر هيختلف، في حاجات كتير ممكن تختلف، ممكن أضطر أعيد دراسة الجدوى تاني. فالفرص الاستثمارية ممكن تضيع مني لو أنا قضيت وقت كتير في دراسة الجدوى، 11. دراسة الجدوى يا جماعة مش مش مش للمشروعات الخاصة بس، حتى مشروع عام المشاريع العامة ومشاريع الحكومية لازمًا يكون ليها دراسات جدوى. لإن ده استثمار، يعني الحكومة كمان لما بتيجي تعمل مشروع حتى رصف الطرق والكباري، لازمًا يكون ليها دراسات جدوى، المدن الجديدة، كل الكلام ده لازم يتعمل له دراسة جدوى. طبعًا على مستويات أعلى بس حتى المشاريع العملاقة والمشاريع اللي بتعملها الدولة لازم يكون ليها دراسة جدوى. في ناس بتبص لدراسة الجدوى على إن هو بيضيع وقت وجهد وفلوس. لكن لو حصلت صح بتوفر عليه حاجات كتير جدًا بعد كده. يعني أنت أنت لما بتيجي داخل على مشروع وتعمل الدراسات والمشروع يكون فيزبل وينفع يتنفذ. أنت صرفت آه 10، 20، 15 زي ما صرفت، بس وفرت مئات الآلاف أو الملايين اللي كنت ممكن تصرفها وتخسرها. فدراسة الجدوى مش مش ما بتضيعش وقت وفلوس. لا، أنا بتأكد إن أنا بحط فلوسي في المكان الصح، وده مهم جدًا للمستثمرين. 13، دراسات الجدوى فرع من فروع المعرفة الإدارية والاقتصادية الحديثة نسبيًا، يعني دي حاجات حديثة نسبيًا، كانت بتتعمل من زمان بس بصورة مختلفة.
[10:57]اتطوّرت الصورة اللي بيتعمل بيها عملية دراسة الجدوى وبقى في إدارة تسويق، في بحوث تسويق، في إدارة إنتاج، في إدارة مالية، في تنظيم، في إدارة موارد بشرية، في تكاليف، في إحصا، في اقتصاد، كل دي علوم بتشارك في عملية دراسة الجدوى، وكلها علوم بتتطور بسرعة، وفي منها علوم حديثة، فدراسة الجدوى معرفة، واحد من العلوم الحديثة في المجال الإدارة. طيب، هنتكلم دلوقتي عن إيه هي مشكلات دراسة الجدوى وأخلاقياتها؟ أهم المشاكل اللي بتتعرض ليها دراسة الجدوى، انخفاض مهارة الناس اللي بيعملوا دراسة الجدوى، وعدم التزامهم بالأدوار الأخلاقية لدراسة الجدوى في كثير من الأحيان. دراسة الجدوى بتحتاج مهارات وكفاءة معينة، مش أي حد يقدر يقوم بيها، ممكن يكون واحد شاطر جدًا في مجاله، بس ما يقدرش يعمل دراسة جدوى، ما يعرفش يعمل دراسة سوق، ما يعرفش يعمل دراسة فنية وهندسية، ما يعرفش. فلازم نجيب ناس ذوي مهارة وكفاءة، يقدروا يعملوا، خلي بالك، أنت بتصرف في حاجة هتوفر لك فلوس ومجهود بعد كده. حتى لو المشروع فيزبل، و، يعني لو لو عملت دراسة جدوى كويسة، وجيدة جدًا، وغير جيدة، وجيت قلت والله لا الدراستين ادوني نفس النتيجة، آه ادوك نفس النتيجة إن أنت تكمل في المشروع. لكن التفاصيل بتاعت دراسة الجدوى الجيدة هتوفر عليك عطلة في الأول، قالت لك المعدات اللي أنت محتاجها إيه؟ وشكلها إيه؟ وقدرتها إيه؟ وهتتحط إزاي؟ وهتترص إزاي؟ في الفنية والهندسية، قالت لك في التسويقية، أنواع الزبائن أنواع العملاء بتوعك إيه؟ وبيفضلوا إيه؟ وبيحبوا إيه؟ وما بيحبوش إيه؟ وإيه الفجوة اللي موجودة في السوق؟ اداك تفاصيل وأنت بتنفذ المشروع هتعرف قيمة دراسة الجدوى لو اتعملت بطريقة صح وبكفاءة كويسة. تاني مشكلة بتواجهنا في دراسة الجدوى، قلة البيانات والمعلومات اللي إحنا هنلاقيها. يا إما عدم توافرها أو عدم توافرها بشكل دقيق، أو معلومات قديمة أو معلومات غير موضوعية. طيب، إزاي نجيب المعلومات؟ دي شغلانة، في ناس شغلانتها تلم بيانات. وفي طرق مختلفة إن إحنا نجمع بها البيانات. يعني مثلًا، أنت عايز تفتح مطعم، وعايز تعرف المطعم اللي جنبك بيبيع كام. هقول لك سر لطيف أوي. هتروح تاخد لو مطعم بقى أنت بتفتح مثلًا مطعم كافيه بتاع، عنده كاشير، روح اطلب طلب وخد الأوردر بتاع الكاشير الصبح. الصبح بدري الساعة 9 مثلًا أول ما يفتح، وهو بيقفل، روح اطلب طلب تاني، وخد الرسيت، هتلاقي في أرقام على الرسيت تقدر تحدد منهم كام عميل دخل له. كم عميل دخل له، وأنت شايف شكل المطعم، والله ده تقريبًا تقريبًا كده، كل متوسط العميل بيصرف هنا 100 جنيه. ودخل له 200 عميل، يبقى بيعمل 20,000 جنيه في اليوم تقريبًا، هتلاقيها في الرينج ده، تمام؟ فأنت تقدر تروح بأساليب مبتكرة يعرفها كل مهنة فيها أسرار الناس بتوعها يعرفوها، إزاي تجيب مبيعات ده؟ أو إزاي تتنبأ بعدد الزباين اللي هيجوا هنا؟ ثالث حاجة، صعوبة التنبؤ بالكثير من المتغيرات التسويقية والفنية والمالية التي تؤثر على قرارات الاستثمار أو إهمال بعضها. في حاجات أنا بتنبأ، أنا بقول والله أنا هبيع بقد كده في اليوم، بقد كده في الشهر، بقد كده في السنة، الكلام ده مش سهل إن أنا أتنبا به، محتاج ناس متخصصين عشان يتنبأوا به. أعرف المتغيرات اللي في السوق، أعرف يعني احنا كان بيحصل معانا دايما دايما لما كنت شغال في سلسلة كبيرة، كان منافس من المنافسين كل سنة يقولوا المنافس داخل السوق. وهيفتح، يبتدوا إيه؟ يزودوا مرتباتنا، كنا إحنا بنستفيد، يزودوا المرتبات عشان لما يجي المنافس الجديد دوت ما ما ياخدش الموظفين اللي اللي موجودين عندنا، وما يخش السوق. السنة اللي بعدها نفس القصة، السنة اللي بعدها نفس القصة، قعد أربع أو خمس سنين لحد بعد كده فتح في مصر، فكان دايمًا بيأثر على القرارات، أنت بتلاقي منافسك داخل، فبتحاول تعمل خطوات استباقية، تعمل خطوات استباقية عشان ما يأثرش عليك. رابع حاجة، ارتفاع تكاليف دراسات الجدوى المتكاملة، دراسة الجدوى المتكاملة للمشروعات الفوق متوسطة والمتوسطة. وحتى المشروعات الصغيرة اللي هي في نهاية المشروعات الصغيرة، بتكون مكلفة بالنسبة لما تيجي تست تشوفها نسبة من من الاستثمار، تلاقيها مكلفة جدًا. لكن مفيدة جدًا، ما أقدرش أستغنى عنها، إذا كنت هتعمل المشروع لازم تعمل دراسة جدوى، سؤال واحد صغير اسأله لنفسك. أنا هعمل مشروع هيتكلف مليون جنيه، دراسة الجدوى هتكلّفني 50,000 جنيه، أعمل دراسة جدوى، وأخش بداتا ومعلومات وبيانات مضبوطة، وأقدر أكمل بها في الشغل؟ ولا أحط المليون جنيه وأخسر منهم 20% ولا 30% ولا أخسرهم كلهم؟ أنت أحسبها بعقلك. ال 50% هتوفر عليك خسارة كبيرة، ال 50% حتى لو المشروع ناجح، هتوفر عليك في بند الآلات والمعدات، تعرف أنت تجيب إيه ولا ما تجيبش إيه؟ توفر عليك في بند التسويق، تعرف أنت التارجت كاستمر بتاعك إيه؟ هتعلمك حاجات كتير هتوفر عليك في المستقبل مصاريف أكثر. خامس حاجة، اعتقاد بعض المستثمرين أن الخبرة وحدها أساس اتخاذ قرارات الاستثمار. في ناس مستثمرين وخصوصًا أصحاب الخبرة في المجال، يعني اللي هيفتح في مجاله، بيفتكر إن الخبرة لوحدها هي أساس اتخاذ القرار، وما بيهتمش بدراسة الجدوى. ودي مشكلة كبيرة بيقع فيها حتى أصحاب الخبرة في المجال، يقول لك يا عم أنا بقالي 20 سنة شغال في المجال ده، دراسة جدوى إيه؟ ما أنا عارف كل حاجة. طب ما تعمل دراسة الجدوى، اعملها بنفسك، يعني ما توديهاش لمكتب وتكلفك، اعملها بنفسك. عشان تتأكد أنت عايز إيه؟ بتخطط، دراسة الجدوى دي نوع من أنواع التخطيط المهم جدًا وأنت بتبتدي المشروع، وزي ما قلنا دراسة الجدوى مش محددة في بداية المشروع، أنت بقية عمر المشروع كله، كله دراسات جدوى. الحملة الإعلانية بتعملها دراسة جدوى، معدة جديدة بتعملها دراسة جدوى، موظف بتعملها، بتصرفها، لازم تعملها دراسة جدوى. سادس حاجة، تأخر الحصول على الموافقات من قبل بعض الجهات. إن أنت بتعمل دراسة جدوى عشان تروح لبنك عشان تاخد بيها تمويل، الموافقات بتتاخر أحيانًا، فتؤدي إن دراسة الجدوى بقت قديمة. أو ما بقتش فعالة، أو الظروف اتغيرت فما بقتش واقعية، أو المحل زي ما قلت اللي أنت كنت عايزه وعملت عليه دراسة جدوى اتآخد وأصبحت دراسة الجدوى غير معنية. ديت أهم مشكلات دراسة الجدوى. طيب، أخلاقيات دراسات الجدوى، كل حاجة ليها مبادئ أخلاقية. الطب، والدكتور عنده مبادئ أخلاقية عارفها ومذاكرها وبيقسم عليها، المحامي عنده مبادئ أخلاقية، المحاسب كمان عنده مبادئ أخلاقية، المبادئ واللي بيعمل دراسة جدوى، كل حاجة ليها مبادئ أخلاقية. يعني مثلًا، في مبادئ أخلاقية لمهنة المحاسبة، يعني بيجي واحد مثلًا يعمل قوائم مالية، لازمًا يقول لك إيه القواعد الأساسية والمبادئ اللي بنى عليها؟ المبادئ الأخلاقية اللي بنى عليها القوائم المالية دي للشركات المساهمة، بتلاقيها منشورة في الجرايد في 30/6، بتلاقي الجرايد كلها ناشرة الميزانيات بتاعت الشركات الكبيرة، يقول لك المبادئ المحاسبية العامة اللي أنا اعتمدت عليها، ففي مبادئ أخلاقية. أولًا: ألا يتم حجب بيانات تم تجميعها مكتبيًا أو ميدانيًا. ممنوع أحجب أي ما بيانات جمعتها بغرض إن أنا أعمل دراسة جدوى في اتجاه معين، يعني ممنوع أحجب بيانات، البيانات اللي أنا جمعتها ميدانيًا أو مكتبيًا لصالح الجهة دي ممنوع أحجبها عنها. ديت أول أخلاقية من أخلاقيات، يبقى البيانات اللي أنا جمعتها لصالح جهة معينة لازم اديها لها كلها، ممنوع أحجب بيانات لأي غرض. تاني حاجة: لا تقوم بيوت الخبرة المتخصصة في هذا الشأن بدراسات جدوى لشركات متنافسة في آن واحد. ما ينفعش بيوت الخبرة المتخصصة أو الشركات الكبيرة اللي بتعمل، ما ينفعش تعمل في نفس الوقت دراسات جدوى لعملاء متنافسين. في نفس الوقت، يعني أنا جاء لي عميل عايز يفتح كوفي شوب وعملت له دراسة جدوى واديتها له. ما ينفعش اعمل اللي في نفس الوقت للراجل فاتح جنبيه، هيفتح باب في باب جنبيه وأعمل له دراسة جدوى. ما ينفعش، أعمل لواحد في منطقة تانية بعيدة ماشي، أعمل لواحد لازق فيه، بس بعد ما أخلص دراسة الجدوى دي، تمام؟ ثالث حاجة: لا تقوم بيوت الخبرة المتخصصة في دراسات الجدوى بتبني نتائج الدراسات التي تقوم بها. اللي اللي بيعمل دراسة جدوى ما ينفعش ينشرها أو يستفيد بيها أو يديها لحد تاني يستفيد بيها بدون موافقة صاحبها، أنا عامل دراسة الجدوى دي خصيصًا لشركة بيزنس هب. ما ينفعش تجيني شركة اكس وأديها نفس دراسة الجدوى لإن هي بتعمل نفس المشروع أو آخد ال أو أو أديهم أو يستفيدوا منها بأي شكل من الأشكال. ما ينفعش. رابعًا: أن يتم الوصول إلى النتائج بغير عدم توافق مع البيانات التي تم تجميعها وتحليلها. إن أنا أوصل نتائج غير متوافقة مع المعطيات، يعني أنا بدي معطيات وفي الآخر أقول لك نتائج مختلفة عن المعطيات اللي جاءت لي، ده لا يجوز، ما ينفعش. خامسًا: أن تمد بيوت الخبرة المتخصصة في دراسات الجدوى عن قبول أي دراسة تهدف الوصول إلى نتائج محددة سلفا من قبل العملاء. ما ينفعش، واحد يجي يقول لي اعمل لي دراسة جدوى بنتائج محددة سلفًا لا يجوز، ما ينفعش. ما ينفعش أعمل دراسة جدوى بنتائج مسبقة، يجي العميل يقول لي والله أنا عايز دراسة جدوى تطلّع لي المشروع ده 100 100، ما ينفعش. سادسًا: ألا يتم الاعتماد على الرشاوي أو الأساليب الملتوية للحصول على البيانات المطلوبة.
[21:22]ما ينفعش، في أي حاجة ما ينفعش أعتمد على الرشاوي وأساليب غير سليمة، إن أنا أجيب البيانات اللي هستخدمها. سابعًا: في حالة الاعتماد على مفاهيم أو أساليب حديثة استعملت أو طُبّقت لأول مرة في إحدى الدراسات والتي قام بها هذا المركز، أبلغ هذا المركز، لا يجب أن يستعين بهذه المفاهيم أو الأساليب إلا بموافقته قبل هذا العمل. لما أكون في دراسة جديدة وأنا بطبقها، لما يكون في أسلوب جديد أو مفاهيم جديدة أو حاجة جديدة هطبقها على دراسة الجدوى دي لازم أبلغ اللي أنا بعمل له دراسة الجدوى إن أنا بطبق مفهوم جديد أو هطبق أسلوب جديد في دراسة الجدوى، يقبل أو يرفض. ما ينفعش إن أنا أطبق أسلوب جديد ويبقى العميل اللي أنا بعمله دراسة الجدوى محل تجربة. فلازم أقول له، أقول له والله في أسلوب جديد في دراسة الجدوى بيعمل كذا كذا، تحب أطبقه لك؟ نتائجه مثبتة وبتاع ولا نتائجه مشكوك فيها؟ على حسب بقى رأي العميل، العميل ورايه، تمام؟ تامنًا: ألا يتم تغيير مكونات الدراسة بعد إجرائها. إن أنا ما أغيرش دراسة الجدوى خلصت واتعملت وطلعت نتائج. ما ينفعش أجي والله إيه أنا كنت متوقع المبيعات للمحل ده 300,000 في الشهر، لقيتها خسرانة، طب بس لو بقت 350,000 المبيعات هتكسب، يبقى أعملها 350,000، ما ينفعش. أنا عملت الدراسة على أساس يبقى لازم الدراسة تطلع وتطلع نتيجتها على نفس الأساس اللي أنت اديت الدراسة عليه ونفس التوقعات، مش هعدل توقعاتي عشان أخلي الموضوع مربح أو مكسب. شكرًا لكم، أشوفكم في الحلقة الجاية، السلام عليكم ورحمة الله وبركاته.
