Imam Mahdi Akar Sab Se Pehla Kaam Kiya Karenge ? | Maulana Salman Husaini Nadwi

[0:00]Mehdi, sabse pehle Ali ke dushmano, Ali ki aulaad ke dushmano, Nabi ke jigar goshon ke dushmano, Nabi ke ghar ke logon ka khoon bahane walon ka khatma karenge. Aur kyunki unki muhim ka asal hissa ye hoga, isliye udhar to Dajjal hoga, jiska khatma Isa Masih Lud ke darwaze par karenge. Aur idhar Mehdi se muqable ke liye duniya ki koi taqat nahi uthegi. Hadise padh lo, muta'addid hadison mein ye farmaya gaya ki Sufyani ka lashkar Sham se uthega. Sufyani ka lashkar, yani phir Bani Umayya ke khandaan aur Abu Sufyan ke khandaan ka hi ek fard, Hazrat Mehdi yani Ali ke aakhri farzand ke khilaf bhi uthega to Sham se uthega. Jo log Sham ki fazilaten bayan karte hain, aksar gadhe hain, aksar gadhe hain. Wo hadise aksar ghadi hui hain, mauzu hain, jhoothi hain, unko sahi banaya gaya hai, kyunki unko gadhne wale wo hain jo pehle se muqaddas maan liye gaye. Ab jab Saint Paul muqaddas ho gaya, to wo suar ko halal kare to halal, aur wo sharab ko halal kare to halal. Yehi suratehal yahan hui jinko pehle muqaddas banwaya gaya. Aur unke hathon khoon Ahle Bayt ka bahaya gaya. Unhone pure is Deen ke nizam ko tabah kiya. Aur uske baad, pehle daur mein wo Sham ki fauj thi jisne Nabi ke khandaan ka khatma kiya. Wo Sham ki fauj thi jisne pure Madina Munawwarah par ye alghar karke Madina Munawwarah ki nasalkushi ki aur Masjid-e-Nabvi ko ganda kiya. Aur Nabi ke sath be'izzat ki akhri darje ki ki, aur 10,000 sahaba aur tabein ko Madina Munawwarah mein shahid kiya. Aur phir yehi Sham ki fauj thi jisne Makke par hamla kiya, Kabe par hamla kiya, aag ke gole barsaaye. Ye Sham wale the. Jo hadise bayan karte hain, kunjale kasayi, jhoothe, makkar, khabees. Ye Huzoor ne farmaya, Sham jao. Sham jao isi kaam ke liye ke mere khandan ko zabah karo aur mere Madine ko tabah karo, mere Makke ko tabah karo, koi hurmat baaki na reh jaaye, isliye Sham jao. Wo khabees aur mardood, wo andhe aur behre, ye nahi jaante ke Hazrat Isa Masih ke nuzul ke waqt Sham ki barkaten saamne aayengi. Uss waqt Sham ka lashkar unke sath hoga aur Dajjal ka khatma hoga. Lekin Hazrat Mehdi ka muqabla karne ke liye wohi Sham jisne pehle Ahle Bayt ke khoon mein haath dhoye the. Aur rangin ki thi zamin Ahle Bayt ke khoon se, phir Hazrat Mehdi ke khilaf jo lashkar uthega, saari hadise padh lo, saari hadise padh lo. Kahin se nahi uthega, ta'eed ka lashkar Khorasan se aayega, Iran se aayega, aur Afghanistan se aayega. Lekin mukhalifat ka lashkar Sham se aayega. Sahi hadis mein farmaya gaya Sufyani ka lashkar uthega. Aur wo Mehdi ke khilaf uthega yani jaise pehle Ahle Bayt ke ye dushman the, ye mardood, ye shaqi, ye badbakht, aakhri bhi inhi khandaan ka hi ek fard hoga jo Sufyani kehlayega. Aur wo inhi ko, yani badmashon ko, yani Bani Umayya ke log aur jo unki tarif karne wale hain, unka saath dene wale, unka kalma padhne wale hain, ye sab Mehdi se muqable ke liye uthenge. Aur Nabi Pak Alayhi Salam ka ye farmaya hai ke Sham se lekar Madina Munawwarah ke raste mein jo bada sa ek sehra hai, wahan par Allah unko dhansa dega. Pure lashkar ko dhansa diya jayega. Allah ne pehle to unhe mauqa diya ab wo ladte rahe, jang karte rahe, Nabi ke jigar se, Nabi ke khilaf jang bhadkate rahe. Aur Masjidon mein Nabi ko gaali dete rahe, aur Nabi ke khandan ke tukde karte rahe. Ye badbakht, ye badbakht, ye shaqi, ye mujrim, dobara Mehdi se ladne ke liye bhi Sham se nikalenge. Aur zaahir hai ke kyunki Mehdi ka yahi mission hoga, sabse pehla mission ke jo bhi Ali ke dushman the. Jinhone Ali se jang ki, jinhone Ali ke khilaf zubaan kholi, jinhone Ali par laan taan kiya. Wo aur jo unka saath dene wale mujrim, khabees, badbakht, jo unka naam lete, unki tarif karne se nahi thakte. Ye sab ke sab dar haqeeqat uss Sufyani lashkar ka hissa honge aur ye Mehdi ke dushman honge dobara, jaise pehle Mehdi ke dushman the ye. Vaise hi dobara ye dushmani ke liye nikalenge, lekin pehle Allah ne mohlat di to unhone zabah kar diya. Hazrat Zaid ko bhi zabah kiya, Hazrat Hussain ko kiya, Hazrat Hasan ko kiya, aur Zu'n-Nafs-e-Zakiyya ko kiya, aur Hazrat Yahiya ko kiya, aur yahi kaam karte rahe, unka asal mission tha. Ahle Bayt ka khatma, unke saathiyon ka khatma, aur isi maqsad ki khaatir Sham se Sufyani ka lashkar chalega. Saare muhaddiseen is hadis ko mante hain. Aur usko Allah Ta'ala beech sehra mein dhansa dega. Kyunki ye Allah ki taraf se zaahir hoga ke jinke khilaf tum logon ne muhim chalaayi thi, jin par tumne la'nat taan kiya tha, jinko tumne muqaddas banaya tha. Ab tumhe bata rahe hain, usi khandan ke ek fard Mehdi, ke wo haq par the, aur unhi ka daman thaamna tha. Lekin tum chor aur dakeit aur badbakht ho, tum unse muqable ke liye phir nikle ho. Lehaza Mehdi se muqable ke liye Sufyani. Yani Sufyan hi ki aulaad mein, Bani Umayya ke afrad qiyadat kar rahe honge, aur jo bhi unke sath ye jubbe aur molvi wale, dadhi wale, ye sab kutte jo, jo hamesha unki tarif karte rahe, jo qatil hain. Sahaba ke qatil, Tabain ke qatil, Ahle Bayt ke qatil, jo unki taawilen karte hain, ye sab badbakht, ye manhoos qism ke log uss waqt Mehdi ke khilaf honge. Aur Mehdi jab zuhur payenge to sabse pehle inka khatma karenge, is najasat ko ummat se dur karenge. Taki ummat paak ho jaaye, kyunki ummat paak hogi to duniya paak hogi, aur puri duniya is laayak hogi ke ab wo haq ko ghalib kare. Udhar Hazrat Isa, Isaiyon aur Yahudiyon se nimat rahe honge, aur idhar Mehdi is ummat ke nasibiyon se, Ahle Bayt ke qatilon se nimat rahe honge. Aur phir inko qatl karne ke liye Sham se hi lashkar chalega, aur wo lashkar bhi Sufyani hoga. Yani Abu Sufyan ki hi aulaad aur uske manane wale, uske chele chapaate honge, wo nikalenge, aur Allah uss lashkar ko dhansa dega. Tab aap andaza lagayiye ke pal pal ki khabren chal rahi hongi, har taraf logon ke kaan lage honge, aankhen dekh rahi hongi screen par. Aur puri duniya ke broadcasting system se bas do khabren chal rahi hongi, ek taraf Mehdi ki khabar ke wo ab kahan hai, ab kahan hai, ab kahan hai. Aur kahan kahan wo ab amal kar rahe hain, aur jo dushman Ahle Bayt ke rahe unka safaya kar rahe hain, khatma kar rahe hain. Aur reh gaye wo jo Hazrat Ali ke ghulu mein kahin unko Khuda bana baithe aur kahin Nabi bana baithe. Unse Hazrat Mehdi kahenge ke tauba karo, tumne hamari mohabbat mein ghulu kiya. Jaise Hazrat Isa Isaiyon se kahenge tumne hamari mohabbat mein ghulu kiya. Saleeben saleeben tod do, suar ka khatma karo, aur meri baat mano, Ummat-e-Muhammadiyah ka mein ek fard hu. Jaise Hazrat Mehdi kahenge ghulu khatam karo, qabr ki puja band karo, aur Allah ki ibadat karo, Masjidien aabad karo, tauba karo. To wo apne un logon ko jinhone ghulu kiya samjhayenge aur fauran tauba karenge. Wo zaahir hai ke Mehdi ke intezar mein hai aur jaante hain ke wo Muhammad ke gharane ka ek fard hoga. Ali ka ek farzand hoga, wo uske intezar mein hai, jis waqt uska zuhur hoga aur zuhur aise nahi ke achanak khufiya taur par kahin bil se nikal aayega. Wo inhi tayyariyon ke sath hoga, Khorasan ka lashkar uske sath shamil hoga, aur wo uska, uske, uska difaa karega, uski himayat karega. Aur jo bhi mukhalifeen honge un sab ka khatma kiya jaata rahega, jo tauba karega so tauba karega. To saari raafizi duniya tauba karegi, aur sab elaan karenge ke hum Musalman hain, hum Allah wale hain, hum Nabi ki manne wale hain. Hum Nabi hi ki mohabbat mein aur Ali ki mohabbat mein hadd se aage badh gaye, hume sahi taleem nahi di gayi, hamare darmiyan jhoote qism ke zakir aur waiz aur molly aa gaye. Jinhone Deen ki tasveer bigad di, jinhone Quran ki ghalat taawilen ki, jinhone hadis ko kya se kya banaya, inhone hume dhokha diya. Aye Allah Ta'ala, aaj humko apni bandagi ke liye qubool farma le, mere Allah saccha Islam humko naseeb farma. To aksariyat jo Shia hain jo mohabbat karne wale hi the aur unhone ghulu kiya, wo taaib ho jayenge, jaise puri Isai duniya Hazrat Isa ke haath par taaib ho jayegi. Aur jab Isai duniya taaib hogi aur Dajjal ka khatma hoga, to jo mushrik hain, mulhid hain, dairiye hain, sab kyunki duniya ke aalimi nizam ke maatheth hai. Aalimi nizam jaise hi tootega, puri duniya toot jayegi, yani sab ke sab ke sar Islam ke samne jhuk jayenge. Aur Hazrat Isa ki ek taqrir tehalka barpa kar degi. Idhar Hazrat Musa, Hazrat Mehdi ka zuhur iska natija hoga ke jitne bhi nasibiyat zada mujrim shaqi badbakht the. Agar wo tauba nahi karenge to unka khatma kar diya jayega, aur akhir mein khatma is tarah Sufyani lashkar ka hoga ke usko zamin mein dhansa diya jayega. Khoob yaad rakhen, Musalmano, jo sacchaiyan hain unhe maan lo. Firqa wariat khatam kar do, koi Shia hai na Sunni hai, fuzool bakwas band karo, sab Musalman hain. Allah ne jab ye keh diya huwassammakumul muslimeen, Allah ne tumhe Muslim kaha hai, Muslim kaha hai, Muslim kaha hai. Innaddeenaindallahi al-Islam, deen Allah ke nazdeek sirf al-Islam hai. Aur Nabi ne tumhe wasiyat ki thi ke man kuntum maula fa Ali-un maula, main jiska maula hu, main jiska zimmedar hu, main jiski jaan-o-maal se zyada azeez hu, mere baad Ali ki yahi haisiyat hogi. Ali ki yahi haisiyat hogi, aur ye ke taraktu feekum saqalayn, do bhari amanatein tumhare darmiyan chod raha hu. Lan tazillu ma tamassaktum bihima. To hargiz gumrah nahi hoge, agar unko tumne mazbooti se thame rakha, Allah ki kitab aur mere Ahle Bayt. To zaahir hai ke jinhone use thame rakha, unki maafi hogi, unki gulu khalasi hogi, unki maghfirat hogi. Aur jinhone usko uda diya, usko mita diya, usko bayan bhi nahi kiya, to unki tabahi hogi, wo bada manhoos din hoga un badmashon aur mujrimon ke liye. Ke Hazrat Mehdi jo hidayat ke liye tashreef layenge, pehle unka khatma karenge, jinhone unke jadd-e-amjad aur unki saari aulaad ke sath zulm kiya, zulm kiya aur sitam kiya. Wo unka khatma karenge, asal mission Hazrat Mehdi ka ye hoga aur phir wo puri duniya Islam ki, yaani pure aalam ke imam honge, aur unki imamat mein Isa Masih iqtida karenge. Goya is tarah puri Isai duniya Musalmano ke taiht ho jayegi, aur sare ke sare Musalman man kuntum maula fa Ali-un maula bol rahe honge. Aur wo hadis bol rahe honge Kitabullahi wa itrati, kyunki jis tarah Muhammadur Rasulullah Sallallahu Alayhi Wasallam ke zariye hujjat qaaim ki gayi thi. Muhammad hi ke ek farzand Mehdi ke zariye aakhri hujjat qaim ki jayegi. Ye ek haqeeqat hai, Musalmano, tumse kehta hu ki tauba kar lo. Main zaahir hai ke baat jo karta hu, Quran aur Hadis ki buniyad par karta hu, aur jo log firqa wariyat mein mubtala hain, aur jo nasibi hain, unke seenon par saap lothte hain. Lekin unse kehta hu tauba kar lo qabl isse ke maut aaye, tauba kar lo qabl isse ke Mehdi ka zuhur ho, warna tumhara khatma pehle tayy hai. Wa akhiru da'wana anilhamdulillahi Rabbil Aalameen.