[0:00]السلام عليكم مرحبا بكم في حلقه جديده من برنامج مختصر. اليوم ان شاء الله راح ندخل للفصل الثاني معناها الوحده التعليميه الثانيه اللي هي الثوره الجزائريه.
[0:10]وين راح نتناول الثوره الجزائريه بالدارجه وبالطريقه العاميه اللي راح تخليك تفهم وتستوعب الدروس بكل سهوله ويسر.
[0:19]اللي عليك فقط انك تجي وتجيب معك حاجه سخونه وتركيز معايا ويلا نبداو مع بعض.
[0:32]كملت الحرب العالميه الثانيه عام 1945.
[0:35]الشعوب كلها خرجوا يحتفلوا بنهايه رعب النازيه والفاشيه والقضاء على الانظمه الدكتاتوريه وانتهاء الضربات النوويه.
[0:44]هنا خرجوا الجزائريين كغيرهم من الدول يحتفلون بنهايه الحرب العالميه الثانيه ويطالبون فرنسا اللي طلبت منهم المساعده للقضاء على المانيا يعني النازيه انها تشوف في امرهم.
[0:58]وتذكير فرنسا بوعودها للجزائريين، الشعب الجزائري خرج في مظاهرات سلميه في عده ولايات الوطن ابتداء من خراطه، سطيف، قالمة وغيرها.
[1:08]خرجوا سلميين رافعين شعارات وامل في عوده الاستقلال لوطنهم.
[1:14]في وسط هذا الجموع خرج الشاب جزائري يدعى بوزيد سعال كان رافع العالم تاع الجزائر.
[1:21]هنا دخلت الشرطه الفرنسيه وطلبوا من المدعو بوزيد انه يرمي العالم الجزائري.
[1:26]لكن هذا البطل رفض الفكره ورفض انه ينزع العالم من يده.
[1:33]في هذا الاثناء خرج المفتش الفرنسي جبد المسدس تاعه واطلق على بوزيد سعال وكانت اول رصاصه اطلقتها فرنسا في حق الجزائريين.
[1:43]الاحتفال هنا تبدل ولا رعب وجنازه وين بدا الشعب يصرخ وكان هارب.
[1:49]فرنسا فقدت السيطره وبالاحرى كشفت الحقيقه تاعها وين خرجت الجيوش والسلاح نتاعها والطائرات وبدات تستعمل اسلوب القمع والتقتيل في حق الجزائريين.
[2:00]في يوم واحد فرنسا قدرت تقتل ملايين من الجزائريين اللي كانوا خرجوا فرحانين يحتفلوا غير بنهايه الحرب ويطالبوا غير حقهم اللي هو الاستقلال.
[2:10]وبهذا تحولت الاراضي الجزائريه الى دماء، هذه المجزره تاع 8 ماي 1945 راح ضحاياها اكثر من 45 الف شهيد.
[2:19]بالاضافه الى الاسلوب الوحشي الذي اعتمدته فرنسا في حق الجزائريين زادت اعتقلت زعماء الحركه الوطنيه من بينهم فرحات عباس.
[2:28]وهنا الجزائريين قنعوا بضروره الكفاح المسلح ومشينا بشعار ما اخذ بالقوه لا يسترد الا بالقوه.
[2:36]بعد الجرائم اللي استعملتها فرنسا في حق الجزائريين في يوم واحد واللي خلات الشعب الجزائري في حيره، باه تهداهم وتكاليهم راح دارت لنا دستور خاص بالجزائر يوم 20 سبتمبر 1947.
[2:50]هذا الدستور ولا القانون الخاص اللي دارته فرنسا للجزائريين عنده بزاف اهداف.
[2:56]الهدف الاول محاوله تهدئه الشعب الجزائري بعد المجازر كذلك تغطيه مجازر 8 ماي 1945 اغراء ومراوغه الشعب الجزائري بالاصلاحات.
[3:08]التمسك بالجزائر وابقائها ولايه فرنسيه. واش كان موقف الجزائريين من الدستور اللي دارته فرنسا؟
[3:15]بطبيعه الحال رفضوه رفض تام لانه ما يخدمش المصالح تاعهم اللي هو الاستقلال.
[3:20]احنا رانا حابين تمد لنا فرنسا الاستقلال تاع بلادنا ما رناش نحوسوا على اغراءات واصلاحات ومحاوله تهدئه الشعب تاعنا.
[3:29]ورفضوه ثاني لعده اسباب اخرى من بينها مساواه الجزائريين مع الفرنسيين وانه هذا الدستور يربط الجزائر بفرنسا وبالتالي لا يخدم مصالح الجزائريين.
[3:39]واش كان موقف المعمرين اللي جابتهم فرنسا على هذا الدستور؟ هو الترحيب.
[3:45]اكيد كانوا حيرحبوا به لانه يضمن لهم السيطره على الجزائر وراه يضمن المصالح تاعهم.
[3:49]يعني احنا رفضناه بصح المعمرين قبلوه باسكو يخدم المصالح تاعهم.
[3:54]الان راح نحكي على عنصر خلاف اللي هو ازمه حركه انتصار الحريات الديمقراطيه.
[3:59]وشنو هي السبب اللي خلات ازمه حركه انتصار الحريه الديمقراطيه تصرى؟
[4:04]اول سبب لهذه الازمه اكتشاف فرنسا امر المنظمه الخاصه.
[4:09]كما على بالكم باللي الجزائريين كانوا مدايرين منظمه خاصه اللي هي منظمه سريه.
[4:14]فرنسا فاقت بامر هذه المنظمه وهذا يعتبر من بين اسباب ازمه حركه انتصار الحريه الديمقراطيه.
[4:20]وكذلك من بين الاسباب حدوث خلافات داخل الحزب حول تفجير الثوره الجزائريه.
[4:26]واش كانت نتائج تاع ازمه حركه انتصار الحريه الديمقراطيه؟
[4:30]النتائج تاعها انه الحزب هذا تقسم الى ثلاثه مصاليون، مركزيون وثوريون.
[4:36]شكون هما المصاليون؟ هم اللي تابعين للمصالي الحاج واللي كانوا يايدوا القياده الفرديه.
[4:41]المركزيون كانوا يقولوا قياده جماعيه واللي كانوا متمسكين بالراي الجماعي.
[4:46]في حين هذا الصراع ظهر حزب ثالث واخير اللي هو التيار الثوريون.
[4:51]هذ الثوريون حبوا انهم يصلحوا بين المصاليون والمركزيون لكن ما قدروش لانه كل واحد فيهم كان باقي متمسك بالطرف تاعه.
[5:01]بقى متمسك بالقياده تاعه المصاليون يمشوا بالقياده الفرديه والمركزيون كانوا يمشوا بالقياده الجماعيه بينما الثوريون ما راحوا لا مع المركزيون ما راحوا لا مع المصاليون.
[5:11]اتخذوا موقف بطولي وهم نفس اعضاء المنظمه الخاصه، طالبوا بتجاوز الخلاف والتوجه للعمل المسلح.
[5:20]من هنا بدات محطات تفجير الثوره الجزائريه.
[5:25]واشنو هي المراحل اللي مرت بها الثوره الجزائريه للانفجار؟
[5:29]اول مرحله هي انشاء المنظمه الخاصه السريه اللي كانت برئاسه محمد بلوزداد يوم 15 فيفري 1947.
[5:38]وهذه المنظمه كانت تحضير لتفجير الثوره الجزائريه.
[5:42]المحطه الثانيه اجتماع اللجنه الست الاول اللي كان يوم 10 اكتوبر 1954.
[5:49]المحطه الثالثه تاسيس اللجنه الثوريه للوحده والعمل.
[5:52]واللجنه هذه هي عباره عن شباب متحمس للثوره وتاسست هذه اللجنه يوم 23 مارس 1954.
[6:00]المحطه اللي بعدها كانت يوم 23 جوان 1954 وفيها داروا اجتماع تاع مجموعه 22 وتنصيب اللجنه الست.
[6:08]المحطه ما قبل الاخيره كانت يوم 23 اكتوبر 1954 وفي هذه المحطه كان هناك اجتماع تاع اللجنه الست الثاني ووضع اللمسات الاخيره لتفجير الثوره الجزائريه.
[6:20]اخر محطه لتفجير الثوره هي اندلاع الثوره يوم 1 نوفمبر 1954 انطلقت اول رصاصه في جبال الاوراس.
[6:28]واصدار بيان اول نوفمبر اللي هو اول وثيقه قانونيه ورسميه وثوريه للشعب الجزائري.
[6:37]الجزائر مشات بشعار ما اخذ بالقوه لا يسترد الا بالقوه.
[6:42]من هنا انطلقت مسيره الثوره الجزائريه في الحصه الجايه ان شاء الله راح نتعرفوا على ظروف واستراتيجيات الثوره الجزائريه للقضاء على الاستعمار الفرنسي.
[6:51]ان شاء الله تكونوا استمتعتوا في الحلقه تاع اليوم، خليوا لي تعليقاتكم الجميله وشاركوا لافيديو مع اصحابكم.
[6:56]الى هنا ينتهي لقائي بكم استودعكم الله السلام عليكم.
