كيفية كتابة خطاب النية | نموزج لطالبة مقبولة فالمنحة التركية

[0:00]السلام عليكم، ايه الاخبار؟ يا رب تكونوا بخير والف صحه وسلامه يا رب، ورجعت لكم بفيديو جديد، والفيديو النهارده فيديو منتظر. لانه هتكلم معاك عن خطاب النيه للمنحه التركيه، وفي كمان مفاجاه، حد من الطلاب اللي اتقبلوا السنه اللي فاتت في الجروب اللي انا كنت عملته بجهزهم للمقابله. تواصل معايا وبعت لي خطاب النيه بتاعه بتاعه هي واحده، وقالت لي يا احمد تقدر انك تنشر الخطاب ده للناس بحيث ان الناس تستفاد. فانا بجد فرحت، والنهارده ان شاء الله هركز معاك وخطاب النيه بتاعها، لعل وعسى ان حد يستفيد منه او ان هو ياخد افكار يعرف مثلا بيتكتب ازاي. يعني الخطاب اللي انا هعكسه لك خطاب من حد مقبول السنه اللي فاتت، تمام؟ لكن في البدايه حابب ان انا اقول لك خطاب النيه ده من ضمن الاوراق المهمه مهمه مهمه جدا اللي انت لازم تركز فيها وانت بتكتبه. هو الخطاب ده بيتكون من كذا نقطه، اول حاجه بتقول لك المنحه ان انت عايز اعرف انت عايز تيجي تدرس في تركيا ليه؟ فبيتكلم عن تركيا وعن مميزات تركيا وعن التعليم ومميزات الجامعات في تركيا وعن كل ما يميز تركيا. السؤال الثاني بتقول لك ايه هي الدوافع اللي خلتك تختار التخصص اللي انت عايزه ده؟ طبعا كل واحد بتختلف دوافعه من تخصص للثاني، انا واحد من الناس اخترت تخصص زي السياحه فكان لي اهدافي ان انا هعملها بعد ما اخلص بعد ما اخلص التخصص ده. او اللي انا هعملها من خلال التخصص ده، واحد زي مثلا هيدرس طب نفس الكلام. بعد كده بتقول لك ايه هي الحاجات اللي انت هتعملها بعد ما تخلص؟ او هي اهدافك بعد ما تخلص الدراسه؟ طبعا اهدافي عن اهدافك عن اهداف وبتختلف، فكل واحد في خطاب النيه ده بيكتب برده اهدافه، والمفروض تكون اهداف واقعيه. تقدر ان انت تختار اهداف كبيره ما فيش مشكله، اهم حاجه ان انت تكون واقعيه وان انت تقدر تحققها، تمام؟ دي النقاط الاساسيه بالنسبه لخطاب النيه، فانت ركزت على الحاجات دياتي تيقن انك ان شاء الله هتتقبل. انا كنت عملت خطاب نيه قبل كده وعكست الخطاب النيه بتاعي اللي هو في الفيديو ده. تقدر انك ترجع له بجانب ان انا هعكسه في الخطاب بتاع البنت اللي اتقبلت، برده تقدر تاخد افكار وبتاع. بعد كده اقعد كده مع نفسك وهات ورقه وقلم على ضوء هادي واكتب افكارك، واكتب الخطاب النيه بتاعك. ده بالنسبه للنقطه الاولى، قبل ما ادخل على الخطاب احب اقول لك ان المنحه التركيه بدات يوم 10 يناير وهتقفل يوم 20 فبراير، تقريبا عدى اسبوع. فابدأ جهز نفسك من دلوقتي بحيث انك ما تتركش نفسك لاخر لحظه. لو انت حابب تقدم بنفسك في فيديو انا عملته عن كيفيه التقديم بنفسك السنه اللي فاتت تقدر ترجع له. لو انت حابب تقدم من خلال شركه فانا اوصيك من خلال شركه فور ايديوكيشن. مميزات التقديم معاهم ان انت هتتابع معاهم كل شيء بنفسك، كمان ان لهم فرصه ان يوفروا لك خطاب نيه وخطابات توصيه وكمان لو انت عايز سي في هيساعدوك في السي في. وكمان انا اقدر ان انا اتابع ملفك معاهم لو قلت لهم على كود الخصم ده بحيث انك تحصل على خصم 15% وانا اعرف اتابع ملفك، ده بالنسبه للنقطه دي. وكمان احب اقول لك ان المسؤولين عن الشركه دي مسؤولين اتقبلوا في المنحه التركيه من قبل. فما تقلقش كل شيء هيتم من الالف للياء بطريقه احترافيه، بس لو حبيت تتواصل معاهم تقدر تتواصل معاهم من خلال لينك التواصل في وصف الفيديو او من خلال الرقم ده. بس ده بالنسبه للنقطه بتاعه التقديم، جهز نفسك وجهز اوراقك ويلا بينا نبدا الخطاب، نشوف هي كتبت ايه. انا اول مره اقراها فهقراها معاكم يعني، اول حاجه بتقول ايه؟ بدأ اهتمامي بتركيا وثقافتها منذ التحاقي بكليه الاداب لدراسه اللغه التركيه. كنت اطمح لدراسه مجال السياحه منذ بدايه دراستي الثانويه. ف عالم السياحه يشهد تطورا مستمرا في جميع الدول في جميع دول العالم يوما بعد يوم، كما ان قطاع السياحه يلعب دورا حاسما في الاقتصاد العالمي. ويعتبر اهم مصادر النقد الاجنبي ويساعد الدوله على الانفتاح وتعزيز التفاهم والاحترام المتبادل ويتيح فرصه او فرصا عديده للسفر والتعرف على اشخاص بثقافات مختلفه. بالاضافه الى اعتبار هذه الدراسه خطوه مهمه لتطوير شخصيتي التي اسعى دائما الى تنميتها. فقد كنت اشارك في الانشطه والمسابقات الدراسيه او المدرسيه منذ صغري، واساعد في تنظيم الرحلات المدرسيه. حيث يسعدني التعرف على اشخاص جدد لاكتساب صفات ومعارف جديده، واعزز ثقتي بنفسي ولباقه حديثي. وتوافق هذا المجال مع حبي لمادتي الجغرافيا والتاريخ اللاتيني او اليتهما اهتماما خاصا في دراستي. يعني اديتهم اولويه، تمام؟ نظرا لاعتبارهما اساسا جوهريا لفهم مجال السياحه، وادرك جيدا اهميه اتقان اللغات في هذا المجال. فاخذت الخطوه الاولى عن طريق الالتحاق بكليه الاداب لدراسه اللغه التركيه. لاعتبرها من اللغات الهامه في هذا المجال، وخاصه في منطقه الشرق الاوسط واسيا واسيا الوسطى. ومن هنا علمت من الدكتور الجامعي بوجود منحه دراسيه تقدمها الحكومه التركيه. وبعد البحث والتحري تبين لي ان هذا ان هذه المنحه تمثل فرصه ذهبيه لتحقيق اهدافي. حيث ستتيح لي اتقان اللغه التركيه في فتره زمنيه وجيزه بفضل توفير كورسات لغويه ومن ثم الالتحاق بجامعه مرموقه لدراسه السياحه في بلد السياحه. ولفت انتباهي اهتمام تركيا بالتعليم عموما والتعليم العالي العالي بصفه خاصه. مما جعلها من الدول القويه ذات المكانه المرموقه في المجتمع الدولي بالاضافه الى تميز وكفاءه جامعاتها التي تحتل مراتب عالميه وتحظى باعترافات دوليه. مما يعكس التزامها الاكاديمي وتتميز مناهجها التعليميه بالتنوع والعمق لتعد الطلاب لمستقبل مرموق. مع وجود اساتذه مؤهلين وذي خبره يشجعون طلابهم على الابتكار، كما توفر تركيا لطلابها بيئه دراسيه متكامله لتلبيه احتياجاتهم. وتمنحهم الحق في الاستمتاع بالمنشات الرياضيه والترفيهيه والسياحيه، ولا تغير ولا تغير من ثقافه الطلاب الاجانب بل تحترمها وتضيف اليها. ويجدر بالذكر ان التعايش السلمي بين شعبها المتعاون الذي يرحب بكل من اتى اليهم. كل هذه العوامل جعلتني متيقنه بانني سانعم بمستوى تعليمي افضل فلم اتردد في التقديم للمنحه. وها قد بدات اخطو ثاني خطواتي لدراسه هذا المجال بالفعل وبدات دراسه مناهج السياحه بجانب دراستي اللغه التركيه. اكتساب المعرفه والمهاره مع السعي لتطوير اللغه الانجليزيه. اعلم ان المنحه التركيه توفر برامج التبادل الثقافي وتنظم الزيارات الميدانيه وتتيح فرصا عمليه للتعلم والتطبيق. ويفد اليها ملايين السياح من مختلف الجنسيات سنويا، باعتبارها من افضل الوجهات السياحيه. وتملك بنيه تحتيه سياحيه متطوره وبهذا قد توفرت كل المقومات المطلوبه لمساعدتي على دراسه هذا المجال. بعد الانتهاء من دراسه البكالوريوس ساتجه الى اتمام درجتي الماجستير والدكتوراه والسفر الى العديد من الدول السياحيه ككندا وماليزيا للتعمق في هذا المجال. واعود الى بلدي الحبيب بكل فخر واستكمل دراسه اللغه الايطاليه قد حققت فيها درجه مرضيه في المرحله الثانويه. وتعلم اللغه الاسبانيه والتي تعتبر من اللغات المهمه في هذا المجال في مجال السياحه. والتخطيط لاقامه مشاريع سياحيه مميزه ومبتكره تعكس كل ما تعلمته. فهدفي هو ترك بصمتي واحداث فرق ملحوظ في هذا المجال وليس شخصا مر كغيره لاصبح من الشخصيات المؤثره في قطاع السياحه بمصر. ما شاء الله يعني انا لو واحد بقرا خطاب كده و لو واحد بقيم ملفات للطلاب وبشوف كده الخطاب ده. لا ممتاز، تمام؟ يعني اولا لغويا الخطاب كويس باللغه العربيه الفصحى. ثانيا النقاط اللي هي عايزاها المنحه مشموله، سواء ان هي اتكلمت في البدايه ليه هي حابه تختار التخصص ده. ليه الجامعات اللي هي مثلا عايزه تدرسها او مثلا ليه عايزه تدرس في تركيا. وليه مثلا التخصص ده بالنسبه لها كويس واهدافها بعدين برده وضحتها في الخطاب ده. فهو ده يا شباب اللي انت لازم تركز عليه، لو انت طالب بتركز في النقاط اللي انا قلت لك عليها. وكمان تاخد مثلا النموذج ده كمثال بالنسبه لك تعكسه على المجال اللي انت عايزه يبقى باذن الله تتقبل يعني ما شاء الله عليها. فشكرا ليها ان هي شيرت الخطاب معانا، وكمان اتمنى انه يكون افادكم يعني. بحيث ان انا ما اطولش كتير عليكم في الفيديو، ركزوا خطاب النيه جدا وقدمه على المنحه التركيه. ولو عندك اي اسئله تقدر تسيبها لي في الكومنتات ان شاء الله اجاوبك وكمان او ترسل لي على الانستجرام وكمان تقدر تتابعني على تيك توك انا بعمل فيديوهات كل يوم يوميا. القناه جديده على تيك توك تقدر تتابعني على تيك توك، بس بحاولوا قدر الامكان الفتره دي ان انا انزل لكم فيديوهات قصيره بحيث ان انا اغطي معظم اسئلتكم. لان احيانا ما بتجيش الفرصه ان انا اجاوب على اسئلتكم الكثير فبجاوب بشوف الحاجات اللي بتتسال كثير وبعمل فيديو عنها قصير لعل وعسى يفيدكم. بس ده كان مضمون الفيديو النهارده بالتوفيق لكم، المنحه هتقفل يوم 20 فبراير. فالحق جهز نفسك وجهز اوراقك وقدم وربنا يوفقك، لو حابب تتواصل مع الشركه الشركه رقمها في وصف الفيديو. تقدر تتواصل معاهم وما تنساش كود الخاص عشان تحصل على خاصم 15%، نشوفكم في فيديو جديد. وسلام عليكم.