[0:00]السؤال الثاني وده سهل لكن الاجابه هتحدد قوه لعنتكم. ازاي تدخلوا للبشر وتفسدوهم من غير ما يحسوا؟ قول يا تيه. انا يا مستر ابليس هدخل من باب الخير. اه هخليهم يعملوا خير لكن مش هيعملوه لله. يعني يطلع صدقه بس مش عشان الثواب هيطلعها عشان الناس تشوفه وتتكلم عنه. ويخدم غيره عشان يتمنظر ويتقال عنه راجل خدوم ويدخل الانتخابات. وقتها الخير اللي هو بيعمله هيبقى وابل وملوش اي لازمه. هو ده السم في العسل. اعظم فساد يا شياطين ان يتحول الخير اللي هما بيعملوه لسلاح يقضي على حسناتهم وتعبهم. الدور دلوقتي على بيج شيطان قول يا حيدي، قول وسمعني. انا يا مستر ابليس هدخل من باب الغيبه والنميمه والنفاق. هخلي كل حسناتهم والخير اللي بيعملوه يروح كله في الهواء وكانه ما جاش. هخليهم يتكلموا على بعض من ورا بعض وهخليهم يبقوا بيكرهوا بعض واول ما يشوفوا بعض يبوسوا بعض ويحضنوا بعض. واخليهم يتكلموا في عرض بعض ويطلعوا على بعض اشاعات وكلام مش حقيقي وهزرع في نفوسهم الكراهيه والغل والحقد من بعض. واهم حاجه اخليهم يكرهوا الخير لبعض. هي دي الذنوب اللي بجد. انت تستاهل لقب ملعون الملاعين. ايوه كده. طيب نروح بقى على الابليس ونشوف هتقول ايه. انا يا مستر ابليس هدخل من باب الوقت مش هعمل حاجه كبيره اكتر من اني اخليهم يستنوا. هديهم شعور ان العمر قدامهم طويل هخليهم ياجلوا الصلاه والتوبه وعمل الخير وهخليهم يغرقوا في المعاصي والذنوب. وهكذا ويناموا ويصحوا والسنين بتعدي عليهم وعندهم امل انهم لسه هيعيشوا لحد ما يتفاجئوا بموتهم. طول عمري بقول عليك يا ابليس بنت ابوك جدعه يا ابليس. طيب ولسع رايه ايه؟ قول يا لسع قول. انا مش زي زمايلي انا هخلي كل بني ادم يشوف نفسه الاه صغير هخليه يحط في دماغه انه اعظم من الكل ومش هخليه يسمع لحد غير نفسه. وقتها مش هيشوف الصح ومش هيعترف بغلطه لاني هحسسه انه عظيم وما بيغلطش وبكده هخليه يبقى شيطان زينا. ده غير ان انا هخليه ينقل افكاره الغلط للناس ويقنعهم بيها وهخلي الناس اللي ما بيفهموش يمشوا وراه ويقفوا له كمان وهو وقتها هيزيد في التكبر والعظمه ووقتها هيشيل ذنوبه وكمان ذنوب غيره. حلو قوي الكلام ده يا شياطين انا بجد بحييكم. طيب في حد فيكم عايز يسالني عن حاجه. كنت عايزه اعرف يا مستر ازاي ننشر افكارنا الضلاليه عن الناس بسرعه وبدون تعب او مجهود؟ ده سؤال جميل قوي يا ابليسه وعشان نعمل كده فيه اخوات لينا من البشر بيتقال عنهم شيوخ او مفكرين او حتى مثقفين. وهم لا بيبقوا شيوخ ولا مفكرين ولا مثقفين ولا حتى بيعرفوا الالف من جوز الذره. ودول بقى اهم مننا وبدل ما نروح لكل واحد من البشر ونقعد نقنع فيه وناخد وقت ومجهود. بنروح لدول وبنقول لهم على اللي احنا عايزينه وهو بدوره وبطريقته بيوصلوا للناس. وساعتها في ناس كتير بتقتنع بكلامهم عشان مسمياتهم الوهميه وطريقه كلامهم الخبيثه. انا اكثر ناس يا مستر بيضايقوني هم الشيوخ اللي بجد والناس الصالحين اللي بيدعوا الناس للتوبه والرجوع لربنا.
[4:39]دول بجد اكثر ناس بيضيعوا مجهودنا كله، نعمل معاهم ايه؟ سهله وبسيطه يا تايه. هنروح لنفس الناس اللي عاملين نفسهم شيوخ ومفكرين ومثقفين ونخليهم يضربوا في ثوابت الدين زي مثلا يقولوا للناس ان الاحاديث بتاع النبي مش حقيقيه. او مثلا نخليهم يقولوا ان الحاجه اللي جت في الاحاديث بس ما جتش في القران ما حدش ياخد بيها او مثلا يقنعوا الناس انهم ما يهتموش بالسنه بتاع الرسول وحاجات بقى كتير من دي. وقتها لما شيخ او راجل صالح يدعي الناس بحديث عن النبي ما حدش يسمعه ويقولوا بما ان الحديث ده ما جاش في القران يبقى ده تخريف وبكده ما عادش حد هيسمع للشيوخ ولا للصالحين. لعنه ربنا عليك يا مستر ابليس بجد انا حقيقي معجب بيك جدا. طيب ممكن تقول لينا نصيحه اخيره قبل ما ندخل في الدرس الثالث؟ النصيحه بتاعي انكم ما تخلوش حد يتوب لله ابدا مهما حصل. وعيشوا الناس في هم وكرب ومعاناه. وكل ما حد فيهم يفتكر ربنا والتوبه خلوه يقع في معاصي وذنوب اكتر. وخلوا الناس يحبوا كل حاجه حرام ويحللوا الحرام. واياكم تخلوهم يستغفروا ربهم مهما حصل.
