[0:01]عشان اوضح الحقيقه عدد كبير جدا من الموضوعات اللي انا شايف انها تهم جدا المواطن المصري. لكن اسمحوا لي الحقيقه في البدايه طبعا ان انا انتهز الفرصه ان انا اوجه الشكر لفخامه الرئيس على تجديد الثقه في شخصي وتكليفي طبعا بتشكيل الحكومه الجديده واللي الحقيقه يعني اعدنا فتره يعني كان مهم جدا واهتمام شديد باختيار افضل الكفاءات اللي تكون قادره ان شاء الله على العمل والانجاز في ظل التحديات اللي احنا بنواجهها النهارده كدوله مصريه سواء طبعا نتيجه للازمات الخارجيه الغير مسبوقه والوضع الداخلي. وعشان كده يمكن الحقيقه كنت حريص كل الحرص في عمليه الاختيار ان احنا نكون بنختار كفاءات وطنيه لديها خبرات محليه ودوليه ايضا تكون قادره على تحقيق التوجهات والتكلفات اللي فخامه الرئيس وضعها في خطاب اللي وجهه لي في اطار تكليف الحكومه بالمهام الجديده. واهم هذه التكلفات عشان اقراها وبناء عليها اوضح كانت فلسفه شكل الحكومه جاي ازاي. يعني المحددات الرئيسيه يعني والتوجيهات والاهداف اللي وضعها فخامه الرئيس للحكومه اول شيء طبعا الحفاظ على محددات الامن القومي في ظل التحديات الكبيره اللي بتواجهها الدوله النهارده في الظروف الخارجيه اللي حضراتكم كلكم شايفينها واللي بتتغير كل يوم. وممكن يحصل فيها تطورات. وضع بناء الانسان المصري في مقدمه الاولويات وهنا يمكن ملف الصحه والتعليم على الاخص وايضا الثقافه بيشغل اهم التحديات واهم النقاط اللي لازم الحكومه ان شاء الله هتكون شغاله عليها. تطوير البنيه السياسيه والاهتمام بالتمكين السياسي من خلال تطوير اكثر لمنظومه الحوار الوطني والتفاعل مع ما بين الحكومه واليه الحوار وتنفيذ المخرجات اللي الحوار الوطني وضعها في خلال المرحله القادمه. الاهتمام بقضيه حقوق الانسان ودعم المجتمع المدني وتعظيم دوره في كل المجالات اللي بيقوم بها المجتمع المدني اليوم. الحفاظ طبعا على الامن والاستقرار وتكفف منابع التطرف والارهاب وجزء كبير من هذا الموضوع ليس فقط الشق الامني ولكن ان يكون هناك خطاب ديني معتدل يوجه لشبابنا ويجذب شبابنا علشان يعني يبعد عنهم مخاطر الدخول في منحى التطرف او الارهاب لا قدر الله. والجزء طبعا المهم جدا اللي بيشغلنا الاستمرار في اجراءات الاصلاح الاقتصادي وتحديدا العمل على تعظيم جذب الاستثمارات الاجنبيه المباشره خلال الفتره القادمه تشجيع دور القطاع الخاص اكثر واكثر وخفض الاستثمارات الحكوميه من اجمالي الاستثمارات العامه او الاستثمارات الاجماليه للدوله وبالتالي احنا حاطين هدف واضح وحضراتكم عارفينه ان نسبه مساهمه القطاع الخاص تزيد في اجمالي الاستثمارات العامه بحيث تصل الى اكثر من 65% في خلال العامين ثلاثه القادمين. العمل على الحد من التضخم وضبط الاسواق عشان السلع وتكون في متناول قدرات المواطن المصري. زياده معدلات النمو للاقتصاد المصري من خلال التركيز على القطاعات الانتاجيه وعلى راسها قطاع الصناعه. لان الحقيقه كلنا مقتنعين تمام الاقتناع ان احنا قايلين صحيح في مجموعه من القطاعات الانتاجيه اللي الدوله مركزه عليها الصناعه الزراعه الاتصالات وتكنولوجيا المعلومات السياحه ولكن كلنا مجمعين ان قطاع الصناعه لازم الفتره الجايه يشهد طفره كبيره في خلال الفتره القادمه. الوصول الى هدف 30 مليون سائح سنويا في خلال فتره الحكومه باسرع وقت ممكن العمل على زياده الصادرات المصريه. احنا يمكن اعلنا ارقام ومستهدفات الدوله تكون قادره على التحقق تحقيقها ان شاء الله لغايه 20 30 فبالتالي لازم ان احنا نشتغل على هذا المستهدف ونتحقق ونحققه ان شاء الله. تطوير الاداء الحكومي والعمل على التوسع في الميكنه وهيكله الوزارات والحد ما بين التشابكات والتدخلات ما بين الوزارات في بعض الملفات اللي بتبقى احيانا مهمه. طبعا كان توجيه سيادته ايضا سرعه استكمال مشروع حياه كريمه لانه بيمس كل ابناء الوطن في الريف. تمكين اكثر للمراه والشباب وطبعا استمرار الدور الكبير اللي الدوله المصريه في الشان الخارجي والملفات الخارجيه وبالذات في اطار حضراتكم شايفين المنطقه والاقليم دلوقتي في قمه الاضطراب يعني احنا ما شاهدناش الاقليم اللي احنا عايشين فيه واللي موجودين فيه بكل هذه الكميه من التحديات والمتغيرات اللي بتحصل لا ابالغ اذا قلت كل يوم بيبقى فيه متغير جديد في المنطقه بتاعتنا. فالحقيقه من من خلال هذا الموضوع الحقيقه كانت الفلسفه ان احنا يعني يكون هناك في شكل التشكيل الحكومي تغيير. اهم شيء كان استحداث منصب نائب رئيس الوزراء والحقيقه انا يعني حتت ملفين مهمين جدا. ملف التنميه البشريه لان هو ده اللي دايما كلنا بنقول بناء الانسان والصحه والتعليم وكان اختيار الدكتور خالد عبد الغفار بحكم ان هو طبعا لديه خبره كبيره جدا في المجالين. يعني في الاساس الصحه والتعليم لان هو كان وزير تعليم عالي سابق وكان متواصل بصوره دايمه مع التربيه والتعليم وحاليا هو وزير الصحه والسكان وبالتالي لديه من الخبرات والتنوع الوظيفي انه يقدر ان هو يبقى مسؤول عن هذه الملفات المهمه جدا وطبعا انا ببقى موجود معاه ولكن يبقى هو علشان يبقى يعني جزء مهم جدا في المتابعه اليوميه عشان احنا هنحط مستهدفات واضحه بارقام واضحه لكل هدف من الاهداف اللي سياده الرئيس كلفت بها الحكومه.
[6:36]طبعا الملف الثاني وده الملف مش عايز اقول الاهم لكن ملف من اهم الملفات اللي بتمثل قضيه حياه او موت للدوله المصريه هو التنميه الصناعيه. وعشان كده كان تكليف سياده الفريق كامل للوزير بهذا الملف ويمكن بعض تساءل على عن ان سيادته بيشغل وزارتين او حقيبتين. ودول الحقيقه كان لهم هدف مهم جدا السيد الوزير كامل الوزير الحقيقه من من نقدر نقول عليه الحقيقه بمنتهى الامانه كفاءه اداريه وتنفيذيه من الدرجه الاولى. والحقيقه الطفره الكبيره اللي حصلت في وزاره النقل يعني يعني اديتنا اطمئنان ان شاء الله ان هو مع توليه ايضا منصب حقيبه الصناعه هيكون باذن الله قادر بدعم مجلس الوزراء كله انه هو يقوم بهذا المنصب. ولكن ما زالت هناك ملفات في وزاره النقل مشروعات كبيره تستدعي استمرار اشرافه عليها فعشان كده كانت فكره ان هو حمل الحقيبتين وان هو يبقى مسؤول عن المجموعه الوزاريه للتنميه الصناعيه ويمكن انا هتكلم على موضوع المجموعات الوزاريه اللي هيتم تشكيلها في خلال الفتره الجايه ولكن يبقى ملف الصناعه كله يبقى معاه مع استكمال مشروعات النقل.
[7:53]كان هناك استحداث لوزاره الاستثمار والتجاره الخارجيه ودي كان هناك مطالب كثيره بعوده هذه الوزاره في ضوء ان احنا النهارده كلنا بنتكلم على محتاجين نجذب استثمارات خارجيه اكبر ولازم يبقى هناك شخصيه متفرغه لهذا الموضوع الحمد لله الدوله يعني حضراتكم تابعته السنه اللي فاتت اعتقد تعتبر اعلى سنه في تاريخ مصر في جذب الاستثمارات طبعا مع دخول صفقه راس الحكمه. ولكن احنا محتاجين استدامه هذا الموضوع ويبقى هناك جهد مستمر لجذب استثمارات خارجيه مباشره والتواصل مع المستثمرين في الداخل والخارج ويبقى قادر على تحقيق مستهدفاتنا في هذا الامر ومن هنا كان الرغبه في عوده هذه الوزاره ولكن ايضا دمجنا معاها قطاع التجاره الخارجيه اللي كان موجود في وزاره الصناعه. وهدف هذا الموضوع ان قطاع التجاره الخارجيه الترويج لمصر بيبدا من الخارج زي ما هو بيبدا ايضا من داخل الدوله ومش فقط انا بتكلم على استثمارات في مجالات مختلفه زي التنميه السياحيه او تنميه عقاريه لا هو في جزء من الترويج للاستثمار بيبقى علشان ملفات زي الصناعه والزراعه والاتصالات وتكنولوجيا المعلومات ايضا ولكن الاهم هو تعظيم الصادرات المصريه. احنا بنتكلم على ان احنا عايزين نعظم مواردنا من العمله الصعبه التعظيم بيجي من ان انا ازود استثمارات اجنبيه مباشره جوه البلد وازود صادراتي. بالتاكيد يعني مع طبعا موضوع تمكين وتعميق الصناعه المحليه عشان نقلل فاتوره الاستيراد لكن جناحي موضوع الاستثمار وجذب عمله اجنبيه بياتي من استثمار خارجي وايضا ان انا ازود صادراتي فعشان كده ربطنا الملفين مع بعض عشان يبقى في وزير مسؤول عن الملفين ويقدر ان هو يشتغل عليهم عشان نحقق موضوع هدف تعظيم الصادرات المصريه. كانت فكره دمج وزارتين يعني مجموعه من الوزارات مع بعضها البعض وهي بدايه موضوع التخطيط والتنميه الاقتصاديه والتعاون الدولي لان كده انا بدمج و يعني بحقق التكامل والتنسيق في اداره ملف الاقتصاد على مستوى الدوله او الاقتصاد الكلي زي ما بنقول. يبقى كل ملفات الاقتصاد موجوده تحت شخصيه واحده تتولى هذا الموضوع عشان تحقق التكامل في تحقيق فكره ازاي ان احنا هدفنا شيء واحد. كيفيه الحد من الدين سواء الخارجي او الداخلي ووضع سقف ليه واضح بنشتغل عليه كلنا كدوله كل المجموعه الاقتصاديه شغاله عليه لكن كده من خلال وجود الوزارتين تحت قياده واحده هيبقى هنا الرؤيه ان احنا ازاي نقدر نوقف نحجم موضوع الدين الخارجي بالذات وايضا نحدد الفجوات التمويليه يعني ايه الفجوات التمويليه؟
[10:44]نحددها ازاي؟ وزاره التخطيط كان بتحط ما ما يخص الاستثمارات الباب السادس بتاع الدوله في الموازنه. ولكن احيانا بيبقى جزء من الباب السادس ده مش كافي وبيبقى محتاج مكون دولاري اللي بتقوم بيه التعاون الدولي فيبقى هنا من خلال التكامل كلهم ويبقوا تحت نظر وزير واحد يقدر ان هو يحقق هذا التكامل ويبقى عندي لما بقول باب الاستثمارات بتاعه الدوله يبقى جزء منه من الموازنه المحليه والجزء الثاني اللي جاي من القروض والمنح والتيسيرات الماليه اللي بناخدها من خلال التعاون الدولي. الملف الثاني هو ملف الخارجيه والهجره والحقيقه يمكن وزاره الهجره لما انشات انشات في ظروف معينه حضراتكم كلكم تعلموها في الفتره ما بين 2011 و2012 و2013 وقامت الحقيقه بدور كبير جدا ولكن كان واضح تماما ان في النهايه العمل متداخل ما بينها وما بين وزاره الخارجيه باعتبار ان الخارجيه طبعا لديها هي يعني الاذرع الحقيقيه للدوله في الخارج من خلال السفارات والقنصليات ودول اللي هم بيتعاملوا مع المواطنين بصوره مباشره فعشان كده كانت التفكير انه يحصل عشان يبقى في تكامل وما يحصلش اي نوع من التكراريه والتداخل يتم دمج الوزارتين ويبقى في نائب لوزير الخارجيه هيبقى معني من الاثنين نواب طبعا اللي تم تعينهم امس هيبقى معني بملف الهجره ان شاء الله.
[12:13]الحقيقه الحمد لله يمكن اذا حضراتكم تابعتم الاسواق العالميه والاسواق المحليه استقبلت عمليه الاعلان عن التشكيل الجديد لان هو الحقيقه الحمد لله زي ما حضراتكم شفتوا من اكبر التغييرات اللي تمت من حيث الاعداد ومن حيث الشخصيات وكنا حريصين كل الحرص ايضا في الاختيار ان احنا نجيب زي ما قلت لحضراتكم وجوه ك طبعا الخبره شيء مهم جدا ولكن يكون هناك وجوه شابه نزلنا الحقيقه بالمتوسط العمر بتاع الحكومه كله يعني الى الخمسينات. هناك نواب للوزراء والمحافظين كميه هائله من الشباب والسيدات وده دايما توجيه سياده الرئيس لتمكين الشباب والمراه.
[13:00]وعشان كده يمكن كان هناك استقبال بصوره ايجابيه انعكس طبعا في ان سعر السندات المصريه ارتفع بصوره غير مسبوقه في الاسواق وده شيء جيد جدا. ايضا يمكن كان صدر معاها بالصدفه امس مؤشر مدير المشتريات اللي يعني وصلنا لاول مره من ثلاث سنين الى اعلى رقم اللي هو 49.9 او يعني 50. وهو معنى انك وصلت ل 50 يبقى معناها ان الدوله او الاقتصاد في اطار النمو الايجابي والمؤشر ده ليه بيهمنا؟ لان هو بيتم عباره ان بيتم استطلاع راي اكبر 400 الى 500 من رجال القطاع الخاص والمؤسسات الخاصه الاقتصاديه. دول بيتسالوا طب رايكم ايه في الاوضاع الاقتصاديه الموجوده في البلد واستشرافكم ايه للمستقبل فمعنى انك بتحقق ال 50 يبقى ان النظره ايجابيه وان هناك رغبه في التوسع وان الاقتصاد الخاص شايف ان الخطوات اللي بتقوم بها الدوله النهارده بتحقق الغرض من كل الاصلاح الهيكلي اللي موجود وهو ده اللي احنا بنحاول ان شاء الله وهنحاول نستمر عليه في خلال الفتره القادمه باذن الله.
[14:10]الحقيقه يمكن في اطار ان احنا عايزين نحقق مستهدفات سياده الرئيس باسرع وقت ممكن والاهداف اللي مكنها او وضعها للحكومه هنبدا يمكن نستحدث ان يبقى في فلسفه ان يبقى في مجموعات وزاريه متخصصه. هتبقى موجوده بتجمع عدد من الوزراء تحت هذه المجموعات وبيبقى بيرقصها يا اما رئيس الوزراء يا اما وزير معني بهذه الوزارات وطبعا اول مجموعتين اللي انا اعلنت عنهم واللي هيرقصهم الساده نواب رئيس مجلس الوزراء المجموعه الوزاريه للتنميه الصناعيه والمجموعه الوزاريه للتنميه البشريه. وتحت كل مجموعه هيكون هناك كل الوزارات والجهات المعنيه برئاسه نائب رئيس الوزراء بيجتمعوا اسبوعيا بتبقى هناك مستهدفات للمجموعه بيحلوا كل المشاكل والتدخلات العرضيه اللي ما بينهم. رئيس الوزراء بيقعد معاهم ممكن كل اسبوعين او كل شهر على الاكثر مره بتعرض قرارات المجموعه لو تطلبت اي موافقه من مجلس الوزراء بتتعرض في نفس اجتماع في نفس الاسبوع يعني المجموعه الوزاريه تجتمع لقت ان في عايزه قرارات مجلس الوزراء يعتمدها بعدها بيومين ثلاثه يبقى اجتماع مجلس الوزراء نعتمد هذه القرارات علشان العجله تمشي باسرع وقت ممكن.
[15:27]بالاضافه الى المجموعتين دول هيبقى طبعا هناك مجموعه للتنميه السياحيه بصوره كبيره مجموعه الاقتصاديه طبعا دي مجموعه قائمه وبتتحجتمع بصوره دوريه ودي بتبقى برئاسه رئيس الوزراء وايضا هتكون هناك مجموعه وزاريه للطاقه الطاقه والتركيز اكبر على مشروعات الطاقه الجديده والمتجدده والهيدروجين هناك مجالس موجوده ولكن انا بتكلم على موضوع سرعه الانعقاد واتخاذ القرارات البينيه اللي تمكن ان احنا نتحرك بسرعه علشان نحقق المستهدفات. المجموعه الاخيره ودي مجموعه مهمه جدا هتبقى المجموعه الوزاريه الخاصه بموضوع رياده الاعمال لان هذا الموضوع شديد الاهميه للدوله وللشباب وتشجيع الشباب ورياده الاعمال وهذا الملف فيه تداخل ولكن هنشتغل عليه ان يبقى هناك مجموعه وزاريه مسؤول عنها وزير وتبدا انها تحل مشاكل وتدفع العمل في هذا الموضوع ان شاء الله. هيكون هناك مستشارين متخصصين من مجلس الوزراء هيتم تعينهم جوه مجلس الوزراء كل واحد منهم هيبقى موجود ل هذه واحده من هذه المجموعات. عشان ايضا يضمن المتابعه الدوريه ويبقى هو يعني موجود جوه من مجلس الوزراء ايضا عشان لو في اي شيء يتطلب تذليل اي عقبات اخرى هيبقى هو لديه الخبره الفنيه التخصصيه في هذه المجالات وهيبقى موجود ويقدر ان هو يساعد في هذا الموضوع ويدي تقرير مباشر لرئيس الوزراء بمهام وايه اللي بيحصل بتفاصيلها في المجموعه علشان اي حاجه محتاجه دعم نقدر ان احنا نساعد في هذا الشان ان شاء الله.
[17:05]الحقيقه ان يعني كان يعني توجيه سياده الرئيس لينا امبارح في الاجتماع الموسع اللي عقده مع يعني مجلس الوزراء والمحافظين ونوابهم ان التواصل الدائم والمباشر والمستمر مع المواطنين والشفافيه في عرض كل التحديات اللي بتواجه الدوله والاستباقيه يعني ما نستناش ان الازمه تحصل وبعد كده نطلع نقول هي الازمه حصلت ليه لو في شايفين ان هيبقى ممكن من الوارد لا قدر الله في ازمه معينه لازم نبادر بالاعلان المسبق عنها وان احنا نبقى بنعرض الموضوع بمنتهى الوضوح والشفافيه علشان يبقى المواطن نفسه عارف الموضوع وايه التحديات اللي بتواجه الدوله عشان يقدر ان هو يعرف الدوله بتتحرك ازاي. ويمك عشان نحاول نضمن هذا الموضوع يمكن يعني انا بحب احيط حضراتكم ان هيبقى في مؤتمر اسبوعي ثابت ومستمر هيبقى بعد اجتماع مجلس الوزراء هيبقى بنفس هذه القاعه هبقى انا موجود فيه مع ممكن عدد من الساده الوزراء ونفتح مع حضراتكم مش فقط ان احنا نعرض ايه اللي تم مناقشته جوه المجلس لا هنعرض كل شواغل الدوله والراي العام على مدار الاسبوع ده. وهيبقى الاساس ان احنا نسمع منكم واي اسئله او استفسارات ونرد على حضراتكم كما ان احنا هنستغل ان يبقى ممكن على الاقل مره في الشهر يبقى حاضر معانا ايضا كبار المفكرين و اللي نقدر نقول مقدم البرامج والاعلاميين الكبار عشان برضه يبقوا موجودين معانا وبرضه يسالوا ويبادروا بطرح اي قضايا النهارده عايزين الدوله انها تتكلم فيها ويعرفوا استفسارات عشان ينقلوها للراي العام. هذه الاليه هتبقى ثابته بعد كل مجلس وزراء هتبقى موجوده زي ما قلت لحضراتكم مش هدفها ان انا اجي اقول لكم مجلس النهارده يناقش ايه ده هيبقى جزء لكن الاهم لو في اسئله لاي قضايا انتم حضراتكم شايفينها هنكون جاهزين ان شاء الله ان احنا نرد عليها وده يبقى منبر من المنابر اللي نقدر ننقل كل شيء للمواطن وعشان يعرف ايه اهم القضايا والمستجدات طبعا التعامل مع الملف السياسي والاحزاب واليه الحوار الوطني هتستمر بصوره كبيره جدا شغلنا الشاغل هيبقى الفتره الجايه كحكومه جزء من ملفاتنا تنفيذ كل توصيات الحوار الوطني وعشان كده يمكن كان دايما حرصي في كل المناقشات ودايما توجيه سياده الرئيس لضروره التواصل مع المواطنين. شكرا لكم جميعا وان شاء الله هيبقى هذا المؤتمر على على كل اسبوع باذن الله ويبقى كل القضايا اللي حضراتكم عايزينها انا هكون يعني على اتم استعداد للاجابه عنها انا وزملائي الوزراء ان شاء الله شكرا يا فندم
[26:08]تفضل
[26:15]احنا هبقى موجودين دايما كل اسبوع مع حضراتكم وان شاء الله يعني الفرصه تبقى موجوده للجميع يعني
[49:28]مساء الخير على حضراتكم عمرو محمد القاهره 24 سؤال بحديث عن الدعم حضرتك تحدثت مع الحكومه النهارده عن تحويل الدعم من ممكن ان يتحول من دعم عيني الى دعم نقدي هل ده نهج الفتره الجايه ان شاء الله يبقى في قرار كده والحاجه الاخيره تحريك سعر رغيف الخبز من خمس قروش ل 20 قرش طبعا ده ما حصلش من 30 سنه هل في قرار تاني ان يتم تحريك سعر الرغيف الخبز في الفتره المقبله او نهج الحكومه تتخذه لالغاء الدعم الكامل عن رغيف الخبز؟ شكرا خليني اتكلم على موضوع الدعم العيني والدعم النقدي انا لما طرحت هذا الموضوع قلت انا كل الخبراء الاقتصاديين بلا يعني انا اسف بلا استثناء ما قعدتش مع خبير اقتصادي الا وقال لي الحل الدوله على المدى المتوسط هو التحول الى الدعم النقدي وهذا هو النظام اللي يضمن كفاءه في الموضوع ده ما فيش خبير اقتصادي مش بتكلم على خالص اعضاء الحكومه انا بتكلم انا قعدت مع عشرات بلا مبالغه الخبراء الاقتصاديين كلهم قالوا لي لازم تتحرك الى الدعم النقدي لكن عشان اقدر اتحرك للدعم النقدي محتاج يعني خطوات تمهيديه كبيره اهم حاجه منها ان يكون عندي منظومه معلومات مميكنه بالكامل وعلى فكره المنظومه دي شرط للاثنين لدعم عيني او دعم نقدي.
[50:54]ويمكن انا شرحتها قبل كده ان احنا بقى عندنا منظومه متكامله لبيانات المواطنين على مستوى الجمهوريه ولكن يتبقى ايه هي المعايير اللي اطبقها اللي بناء عليها اقول ده يستحق وده لا يستحق. بمنتهى الامانه وهل هو الموضوع الدعم ممكن يبقى متدرج بمعنى شرائح يعني واحد ياخذ 100% دعم واحد ياخذ 70 واحد ياخذ 50% كل ده انا قلت الفكر والتوجه واضح ان الناس كلها الخبراء من خبراء البلد بيقولوا المفروض نروح لهذا التوجه دعم نقدي ولكن حتى لو استمرينا على دعم عيني لازم يعني يبقى هناك منظومه معلومات ومعايير للتطبيق تضمن الكفاءه وان الدعم بجد يصل الى المستحق الفعلي لان خلينا نعترف في ناس بتاخذ الدعم او في منظومات تلاعب بتؤدي الى ان جزء من الدعم ده ما بيروحش للناس المستحقين طيب الكلام ده عشان يتحقق ده اللي انا طلبته ان الحوار الوطني مع الخبراء ويدعو لهذا النقاش ويجي لنا بخطه عمل لو وطلبت ان يبقى المدى الزمني بتاعها نهايه 24 يجوا يقولوا لي لا احنا شايفين تستمر على الدعم العيني خلاص نستمر على الدعم العيني وايه هي المواصفات والمحددات اللي نضعها لك عشان ايه انا كل اللي يهمني حاجه واحده كفاءه المنظومه حرام ان يبقى بنحط هذه الكميه الكبيره جدا من الدعم وفي الاخر نجد ان على الاقل رقم مثلا 20 25% منه مش رايح للمستحقين انا كل اللي يهمني انا مش عايز اقلل الرقم انا عايز انه يوصل بجد للمستحق ده وارد وده انا قلتها ممكن نزود المقابل نفسه القيمه في سبيل ان انا نشوف ان الك كميه حجم الدعم اللي موجود ده دلوقتي مش كافي كرقم مالي مبلغ وبالتالي لو انا بقدم يعني بقدر اقول ان انا اديت لعدد محدد ممكن ارفع الرقم عشان في الاخر انا عايز ايه اخدم فئات فعلا انا عارف انها تعاني دي النقطه اللي انا حبيت اكد لحضرتك الموضوع بالتنسيق مع الحوار الوطني اللي هيصلوا اليه هنعمله بالنسبه لموضوع الخبز احنا طلعنا هذا الموضوع ولكن برضه مع الفتره القادمه ما فيش النهارده اي توجه على المدى القصير لاي حاجه تانيه انا بس باكد لحضرتك وبقولها لكن النهارده مره اخرى لو وصلنا وده جزء من الموضوع لو وصلنا ان المنظومه بقت متكامله للدعم واتعملت وتطبت لن اكون بقى في حاجه لموضوع تغيير سعر صرف عيش او كلام ده كله لان خلاص هتبقى في منظومه متكامله بتشمل كل شيء ده الحل الافضل الحل الافضل بدل ما انا كل واحد فينا متحاسب يعني اي حكومه مع حضرتك قلت اهو هم من اكثر من 34 سنه ما حدش اخذ القرار ما هو كان ممكن لسان حال معلش خلينا نتكلم بمنتهى الشفافيه كان ممكن لسان حال اي حد بيقول ايه طب ما هي ممكن في فترات متعاقبه اسف فترات سابقه ده لو كان كل سنه بيزودوا شيلن انا اسف كان كانت المشكله ما بقتش موجوده صح ما كان ممكن يتقال كده ما هو بعض الناس لما قعدت معاهم بيقولوا احنا مش فاهمين هو الحكومات السابقه هي ليه كانت ما هو ممكن ده لو كان كل سنه ده لو كل هقول لحضرتك حاجه كل سنتين يزودوا خمس قروش على الرغيف كانت المشكله ما بقتش موجوده لكن الملف ترك وكان في الاخر في مرحله معينه وصلنا ان كان لازم نعمل نوع من التحريك في اطار فقط ترشيد حجم الدعم اللي موجود فبالتالي على المدى القصير ما فيش اي توجه في هذا الشان اخر سؤال محمود مطاوع صدى البلد حضرتك تحدثت عن استحداث مجموعه وزاريه لقطاع السياحه والحكومه مستهدفه وصول 30 مليون سائح خلال عام 2028 هل نحن قادرين في لبناء فنادق وغرف فندقيه للوصول لهذا العدد في 2028؟
