[0:00]الفيديو ده موجه لكل الفئات العمريه بدون اي استثناء موجه للشخص المدمن على التدخين وموجه للشخص اللي بيفكر يدخل لعالم التدخين. فيديو الغرض منه عرض تاريخ ظهور السجاير واسباب انتشارها وعرض تاثيرها على دماغك وعلى كل اعضاء جسمك. استعدوا لرحله داخل عقل المدمن ورمضان كريم وكل سنه وانتم طيبين.
[0:51]تاريخ التبغ قصه التبغ بدات في الامريكتين من اكثر من 12 الف سنه حتى قبل ما البشر يعرفوا الزراعه المنظمه. التبغ ما كانش مجرد نبت عاديه لا ده كان جزء اساسي من حياه حضارات زي المايا. كانوا بيستخدموه في طقوسهم قربانا للالهه وحتى عشان يزودوا التركيز قبل المعارك والصيد. كان نبات قوي وله احترامه ووقاره سنه 1492 كل حاجه اتغيرت. لما كريستوفر كولومبوس وطاقمه وصلوا للعالم الجديد شافوا السكان الاصليين وهم بيشربوا ورق تبغ ملفوف. في الاول ما فهموش قيمته لدرجه ان هم رموه في البحر بس بسرعه فهموا اهميته وشالوا النبته الغريبه دي معاهم لاوروبا عشان تبدا رحله تحولها. في البدايه الاوروبيين شافوا التبغ ده على انه عشبه سحريه بتعالج كل حاجه من الصداع للامراض الخطيره. وبدايات القرن ال 17 بقى سلعه تجاريه شغاله وحتى كانوا بيستخدموها كعمله بيقايضوا بيها في بعض المستعمرات الامريكيه وده عمل ازدهار اقتصادي كان مبني على استغلال الاراضي والعبوديه. لدرجه يا صديقي الغالي ان السيجاره انتشرت بين الاغنياء الاول وبعدين بين الناس العاديه والنبات المقدس ده اتحول لوقود للاقتصاد الاستعماري. بس الانفجار الحقيقي حصل في اخر القرن ال 19 سنه 1880 واحد اسمه جيمس بونساك. اخترع مكنه بتقدر تلف السجاير بشكل اوتوماتيك وبكميات ضخمه. الاختراع ده غير شكل العالم لانه خلى السيجاره رخيصه وسهله في الانتاج وموجوده في ايد اي حد. السيجاره اتحولت من منتج ثانوي لاكثر منتج تبغ بيتم استهلاكه في العالم كله. وبعدين جت الحرب العالميه عشان تزود الانشار ده اكتر. السجاير كانت في الغالب بتتوزع على الجنود كجزء من حصصهم اليوميه عشان ترتبط في دماغهم بصوره البطوله والشجاعه والهروب من ضغط المعارك. وهنا بقى يا صديقي الغالي في القرن العشرين بدات اكبر وابخث حمله تسويقيه في التاريخ. شركات التبغ ما كانتش بتبيع منتج دي كانت بتبيع وهم كامل واسلوب حياه. اول حاجه استخدموا اللي نقدر نقول عليه علم مزيف. ظهرت اعلانات في دكاتره مبتسمين بياكدوا ان ماركه السجاير بتاعتهم اخف على الحلق وحتى الدكاتره بينصحوا بها. لدرجه يا صديقي المدخن ان الحملات دي رسخت فكره ان التدخين مش مضر لا ده عاده طبيعيه بيمارسها حتى الناس اللي المفروض بنكشف عندهم. مع ان الاعلانات دي كانت مجرد تضليل تسويقي. تاني حاجه ربطوا السجاير بالرجوله الكامله. عملوا ايقونه راجل الملبورو راعي البقر القوي والحر والمغامر. السيجاره ببقه بقت رمز للقوه والاستقلال اللي كل راجل بيحلم بيها. وثالث حاجه استهدفوا الستات بعبقريه شيطانيه. في وقت الست كانت بتناضل فيه عشان حقوقها استعانوا بواحد اسمه ادوارد بيرنرز من مؤسسين العلاقات العامه الحديثه اللي نظم مسيره لستات جميلات بيدخنوا سجاير في اماكن عامه وسماها شعلات الحريه فليمز اوف فريدوم. وبكده ربطوا التدخين بالتحرر والرشاقه والتمرد عشان السجاير تتحول لرمز الست المودرن المستقله. واخيرا السجاير احتلت هوليود. البطل الوسيم والبطله الجميله صورتهم ما بتكملش غير والسيجاره في ايديهم وده خلى التدخين يبان كانه جزء اساسي من النجاح والجاذبيه. في الخمسينات والستينات الدراسات العلميه بدات تتراكم وكشفت عن علاقه مرعبه بين التدخين وسرطان الرئه وامراض القلب. شركات التبغ حاربت الحقائق دي بكل قوتها شككوا في الابحاث ومولوا دراسات عكسيه واصروا ان الادله مش قاطعه وفضلوا يبيعوا الوهم وهم عارفين كويس قوي حقيقه السم اللي بيبيعوه. وعشان نفهم حجم الكارثه لازم نبدا من الاول مش من حقل التبغ ولا من المصنع ولكن من اللحظه اللي بتولع فيها سيجاره. بمجرد ما بتستنشق الدخان انت مش بتدخل لرئتك مجرد غاز. انت بتطلق جيش من الجزيئات الكيميائيه الصغيره بقياده القائد المحنك بتاعهم النيكوتين. انا مدمن ادمانك بيعلى تحط مخدر على مخدر عشان توصل لنفس السعاده اللي انت عايزها. الرئه البشريه مش مجرد كيس هواء دي تحفه هندسيه متصممه عشان تبادل الغازات بكفاءه مذهله. تخيل يا صديقي اننا لو قدرنا نفرد مساحتها الداخليه هتغطي ملعب تنس تخيل. المساحه الواسعه دي المليانه بملايين الحويصلات الهوائيه الرقيقه هي البوابه المثاليه لدخول النيكوتين لجسمك. لما دخان التبغ بيوصل للحويصلات دي النيكوتين بينتشر من خلالها بنفس سرعه انتشار نقطه الحبر في كوبايه الميه. بيدوب بسهوله عبر جدرانها الرقيقه لشبكات الشعيرات الدمويه اللي حواليها وهنا بتبدا المرحله الثانيه من السباق. بمجرد ما يدخل الدخان مجرى الدم النيكوتين بيركب تيار الدم المليان اكسجين اللي رايح مباشره من الرئتين للقلب. وطبعا القلب بدوره بيضخ الدم اللي فيه النيكوتين ده بقوه لكل حته في الجسم بس وجهته الاهم والاسرع هي المخ. تخيل يا صديقي الغالي ان مخك قلعه محصنه بيحميها حاجز دموي دماغي. الحاجز ده عامل زي حراس امن متطورين جدا وبيمنعوا السموم توصل لمركز قيادتك. بس النيكوتين جاسوس محترف هو مش بس معاه بطاقه مزوره ده كمان عارف كلمه السر. تركيب الجزئي شبه ماده طبيعيه المخ بينتجها اسمها الاسيتايل كولين. وبسبب الشبه الخادع ده الحراس بيرحبوا بيه ويفتحوا له البوابه على الاخر عشان يعدي بسهوله كانه واحد من سكان القلعه الاصليين. الرحله دي كلها من لحظه اول شفطه مرورا بالرئه والقلب ووصولا لاختراق حاجز المخ بتاخذ من 7 ل 10 ثواني بس. السرعه العاليه دي هي واحده من اهم الاسباب اللي بتخلي النيكوتين ماده ادمانيه جدا. فالمخ بيربط فورا بين فعل التدخين والاحساس اللي بيجي بعده بالضبط زي نقطه المكافاه الفوريه في العاب الامار وده بيخلق حلقه تعزيز قويه وفوريه. ما فيش وقت للتفكير الفعل والمكافاه بيحصلوا تقريبا في نفس اللحظه وبكده يا صديقي الغزو بيكتمل. النيكوتين وصل لمركز القياده وهو دلوقتي جاهز يبدا عمليه الخطف الكيميائي من جوه. وبمجرد ما النيكوتين بيعدي الحاجز الدموي الدماغي مش بيضيع اي وقت مهمته واضحه وهي السيطره على نظام الاتصالات في المخ. وزي ما قلنا ان سر نجاحه في قدرته المذهله انه بيقلد ناقل عصبي طبيعي اسمه الاسيتيل كولين. والاستيل كولين ده عامل زي ساعي بريد بيعمل كذا مهمه في مخك بيشارك في كل حاجه تقريبا. وعشان يتواصل الاسيتيل كولين بيرتبط بمستقبلات خاصه على الخلايا العصبيه زي المفتاح اللي بيفتح القفل بتاعه. بس النيكوتين مش المفتاح الاصلي هو اشبه بحرامي محترف بيعرف يفتح الاقفال دي بالقوه ويطلق سيل من الاشارات الكيميائيه اللي ما كانش المفروض تطلع. واحد من اهم اهدافه هو سيستم المكافاه في المخ ودي شبكه عصبيه متصممه عشان تكافئك على الافعال الضروريه عشان تعيش. ولما بتعمل حاجه من دي السيستم ده بيفرز ناقل عصبي اسمه الدوبامين وطبعا يا صديقي زي ما احنا عارفين ده هرمون السعاده وده اللي بيدي لك احساس بالمتعه. النيكوتين بيخطف السيستم ده وبينشط المستقبلات لدرجه انه بيجبر الخلايا العصبيه تطلق كميات ضخمه ومش طبيعيه من الدوبامين. ودي الضربه القاضيه مخك بيغرق في فيضان من الدوبامين وده بيخلق احساس قوي بالمتعه والرضا والهدوء المصطنع. بس للاسف يا صاحبي القصه مش بتخلص عند الدوبامين وبس النيكوتين كمان بيحفز اطلاق كوكتيل كامل من كيماويات تانيه. السيروتونين اللي بيحسن المزاج والنور ادرينالين اللي بيزود اليقظه الادرينالين اللي بيرفع ضربات القلب وبيدي احساس بالنشاط. في اللحظه دي مخك بيكون تحت تاثير الكوكتيل الكيميائي القوي ده. بتحس بالمتعه والهدوء والتركيز والنشاط في نفس الوقت النيكوتين ادى لك احساس مثالي ومكافاه فوريه بس هو في الحقيقه بوظ نظام التوازن الطبيعي في مخك. وللاسف يا صديقي الغالي مخك اتعلم درس خطير جدا ان التدخين يعني احساس رائع. وهنا بذره الادمان اتزرعت مش كعاده نفسيه ولكن كارتباط كيميائي عميق في البنيه الاساسيه لمخك. كل سيجاره جايه هتبقى مجرد محاوله يائسه عشان تخلق العاصفه الكيميائيه دي من تاني. الاحساس الاولي اللي بيديه لك النيكوتين الخليط ده من المتعه والتركيز والاسترخاء هو وهم متقن. ده احساس مؤقت انت اشتريته بقرض الفائده بتاعته غاليه جدا على حساب التوازن الكيميائي الطبيعي لمخك. وهنا لازم نفرق بين مفهومين الناس بتتلخبط بينهم وهو الاعتماد الكيميائي والعاده النفسيه. الاثنين ليهم دور في ادمان النيكوتين بس جايين من اليات مختلفه تماما. اول حاجه الاعتماد الكيميائي لما المخ بيطلب جرعته وبالنسبه للاعتماد الكيميائي هو نتيجه مباشره للخطف اللي احنا وصفناه. ولما انت بتغرق المخ بالدوبامين بشكل متكرر بيبدا انه يتالم العمليه دي المعروفه باسم التحمل. هي السبب اللي بيخليك محتاج تدخن سجاير اكتر عشان تاخذ نفس التاثير والجرعه اللي كانت بتدي لك احساس بالنشوه بقى دلوقتي يا دوب بترجعك للاحساس الطبيعي. من غير النيكوتين مستويات الدوبامين بتنهار وده بيغرقك في اعراض الانسحاب زي القلق والعصبيه وصعوبه التركيز. الرغبه الشديده في سجاره ثانيه هي صرخه استغاثه من مخك اللي بيطالب باعاده تشغيل المزيكا. التدخين في المرحله دي ما بقاش عشان المتعه بقى عشان تتجنب الم السكوت المزعج. انت اتحولت من البحث عن النشوه للهروب من الكابه وبين الصراع الكيميائي اللي بيحصل جوه دماغك بيتكون عدو ثاني بره وهو العاده النفسيه. مخنا شاطر في ربط الاحداث ببعضها مع الوقت التدخين بيرتبط بانشطه يوميه مالهاش عدد. زي ما تكون بتشق طريق في غابه كل ما تمشي في نفس الطريق بيبقى اعمق واسهل لغايه ما تمشي فيه بكل تلقائيه من غير اي تفكير. السجاره مع كوبايه الشاي الصبح السيجاره بعد الاكل السيجاره لما تحس بالتوتر. كل موقف من دول بيبقى طريق محفور بعمق. مخك اتعلم ان القهوه بيجي بعدها سجاره. والفكره يا صديقي ان الارتباطات دي قويه جدا حتى بعد ما تتغلب على الاعتماد الكيميائي الطرق العقليه دي ممكن تفضل لسنين. وده يا صديقي السبب ان كتير بينتكسوا بعد شهور او حتى سنين من بعد ما يبطلوه. مجرد رؤيه مشهد في فيلم او شم ريحه دخان ممكن يرجعهم لبدايه الطريق والرغبه ترجع بكل قوتها. اذا ادمان النيكوتين هو وحش براسيل الراس الاولى هو الاعتماد الكيميائي اللي بيخلي مخك عبد. والراس الثانيه هو العاده النفسيه اللي بتخلي التدخين جزء من حياتك وعشان تتغلب على التدخين لازم تواجه الاثنين مع بعض. لو كانت المعركه الكيميائيه قصيره المدى شكلها شرس فاثار الحرب طويله المدى اللي بيشنها النيكوتين على المخ مدمره اكثر. التعرض المستمر للمركب ده مش بس بيغير كيميا المخ مؤقتا ده بيعيد تشكيل بنيته ووظيفته ويسيب علامات مش بتتمسح بسهوله. ومن اكثر النتائج اللي تقلق ان التدخين المزمن مرتبط بتقليص حجم المخ. الدراسات اظهرت ان المدخنين عندهم ترقق في القشره المخيه ودي الطبقه الخارجيه المسؤوله عن التفكير والذاكره. الترقق ده شبه ورقه شجره بتذبل وتنكمش ببطء وده بيسرع من عمليه شيخوخه المخ. المدخنين بيظهروا باداء اضعف في اختبارات الذاكره والانتباه. والاخطر من كده ان الضرر ده بيزيد بشكل خطير جدا لدرجه انه ممكن يسبب مرض الزهايمر. دخان السجاير فيه اول اكسيد الكربون وده غاز سام بيسرق مكان الاكسجين في الدم. ده معناه ان كميه اقل من الاكسجين النظيف بتوصل للمخ وده بيخنقه بالبطء ويؤدي لموت الخلايا العصبيه. بالاضافه لكده النيكوتين بيساهم في تصلب الشرايين وده بيرفع خطر الاصابه بالجلطه الدماغيه بشكل كبير. من المفارقات اللي فيها قسوه ان الماده اللي كتير بيلجوا لها عشان يخففوا التوتر هي في الواقع سبب رئيسي في زياده التوتر. اول ما يا صديقي زي ما بقول لك كده محاوله انك تهدي التوتر اللي عندك بالنيكوتين هي بالضبط زي محاوله انك تطفي حريق صغير بالبنزين. ممكن يبان تاثير النيكوتين في ثانيه واحده بس هي في الحقيقه بتزود اللهب وتخلي الحريقه اسوا على المدى الطويل. المخ ساعتها بيبقى اقل قدره على التعامل مع الضغوطات بشكل طبيعي وده بيخليك اكثر عرضه للقلق والاكتئاب. جسمي مش قابل المضر التانيه. لو كان تاثير النيكوتين على مخ الشخص البالغ مدمر فعايز اقول لك يا صديقي فتاثيره على مخ المراهق جريمه كامله الاركان. مخ المراهق مش مجرد نسخه صغيره من مخ الشخص البالغ ده اشبه بورشه بناء شغاله. انك تدخل ماده قويه زي النيكوتين للبيئه الحساسه دي زي ما تكون بترم قنبله في موقع البناء. واحده من اخر اجزاء المخ اللي بتنضج هي القشره الجبهيه المسؤوله عن اتخاذ القرارات والتحكم في الانفعالات. التعرض للنيكوتين في الفتره الحرجه دي شبه اللعب في مخططات البناء وتدمير الاساسات هو بيعطل تطور القشره الجبهيه وبيضعف الروابط العصبيه فيها. النتيجه مراهقين وشباب مندفعين اكتر واقل قدره على التحكم في رغباتهم. وبسبب مرونته العاليه مخ المراهق بيكون حساس اكتر لتاثيرات النيكوتين فيضان الدوبامين اللي بيسببه النيكوتين بيسيب بصمه اعمق واكتر استمراريه. ده معناه ان المراهقين ممكن يدمنوا النيكوتين بشكل اسرع بكتير وبجرعات اقل من البالغين. علاوه على كده التعرض للنيكوتين في سن بدري بيهيا المخ للادمان على مواد ثانيه في المستقبل. النيكوتين بيشتغل كبوابه كيميائيه بيخلي مسارات المكافاه في المخ اكثر تقبلا للمخدرات الثانيه. منطقه الحصين مركز الذاكره والتعلم بتتاثر بشده. التعرض للنيكوتين في فتره المراهقه ممكن يضعف القدره على تكوين ذكريات جديده والاحتفاظ بالمعلومات. كمان النيكوتين بيغير شبكات الانتباه في المخ وده بيخلي صعب على المراهقين يركزوا في التعليم وفي المذاكره. النيكوتين بيزود خطر الاصابه بالقلق والاكتئاب عند المراهقين. فالمخ اللي لسه بيتعلم ازاي ينظم الحاله المزاجيه بيكون اكثر عرضه للاضطرابات اللي بتسببها التقلبات الكيميائيه بتاعت النيكوتين. باختصار استهداف المراهقين بالنيكوتين هو تخريب متعمد لعمليه بناء المخ. هو بيضعف قدرتهم على اتخاذ قرارات سليمه وبيسرع من وقوعهم في فخ الادمان وبتقييد قدرتهم على التعلم. دي سرقه للمستقبل بتتم كيميائيا نفس ورا نفس. هو قال لي المكتب ده كان فيه مدمنين فانا كمحمد كان بيبقى عندي حب استطلاع لقيتهم بيلفوا في المكتب قدامي مخدرات وبتاع والكلام دوت فانا خلاص اللي هو ايه قلت اجرب انا حب الاستطلاع والفضول هو اللي وداني في ده هو اللي دخلني في المخدرات اصلا. فقلت له هات كده نفس ومش عارف ايه بدايه المشوار دي خدت النفس من هنا انا فصلت يا كريم فصلت عن الواقع انا حسيت ان انا فريش خالص الدنيا لا اللي ضربني بالمخدرات ده ما كانش بالشب الكلام ده بس اتفاجئت ان هو لي في الكيميا والكلام ده. فطلع قدامي حبايه منشط كسرها اربع ارباع وفي فتفوته صغيره كده كانت واقعه من الربع فقلت له اجرب. عايز اقول كلمه لكل واحد حاول يبطل السجاير. في لحظه حقيقيه مرعبه بيدرك فيها قد ايه السلاسل اللي مكتفاها عميقه. اللحظه دي هي بدايه ظهور اعراض الانسحاب وهي الطريقه اللي المخ المخطوف بيصرخ بيها ويطالب بعوده خاطفه. اعراض الانسحاب بتبدا تظهر بسرعه وبتوصل لذروتها خلال اول ثلاث ايام الفتره الاولانيه دي هي اكثر وحشيه. اول حاجه بتضربك هي الرغبه الشديده ودي مش مجرد رغبه عاديه دي اشبه بعطش شديد الميه نفسها مش بترويه. بالعكس بيزيد قوه جسديه طاغيه تكاد تكون مؤلمه. بيجي معاها صداع ودوخه ممكن تظهر اعراض شبه دور البرد زي الكحه ومن المفارقات ان الكحه بتزيد في الاول ودي في الواقع علامه كويسه. فالاهداب الصغيره اللي في رئتك اللي شبه فريق نظافه كان متخضر لسنين. بتبدا تصحي اخيرا وتطرد القطران اللي متراكم. لو الاعراض الجسديه وحشه فالاعراض النفسيه ممكن تكون اسوا. العصبيه والغضب هم من اكثر الاعراض الشائعه. القلق رفيق دائم الاكتئاب والمود السيء بيسيطروا على المشهد فالمخ بيلاقي صعوبه انه يحس باي متعه طبيعيه. قدرتك العقليه بتتاثر بشده صعوبه التركيز بتبقى تحدي ضخم. الارق ومشاكل النوم بتبقى القاعده وده بيزود التعب والعصبيه في اليوم اللي بعده. شده الاعراض دي هي شهاده حيه على قوه ادمان النيكوتين هي مش ضعف اراده دي معركه فسيولوجيه ونفسيه حقيقيه ضد مخ اعيدت برمجته. اننا نفهم الجحيم ده مش عشان نحبط الناس لكن عشان نسلط الضوء على شجاعه كل واحد بيخوض المعركه دي. دي معركه عشان تستعيد عقلك وهي من اصعب المعارك اللي ممكن تخوضها في حياتك. وفي وسط السيل ده من الادله على اضرار التدخين ممكن يكون صادم انك تسمع ان بعض الابحاث العلميه اشارت لجوانب ممكن تبان ايجابيه للنيكوتين في حد ذاته. لما نفصله عن دخان التبغ الكارثي. ضروري نتعامل مع المعلومه دي بحذر شديد عشان ما يتفهمش غلط وتبقى حجه للاستمرار في التدخين. بعض الدراسات بتقول ان النيكوتين كمنبه ممكن يعزز مؤقتا بعض الوظائف الادراكيه زي الانتباه واليقظه والذاكره قصيره المدى. التاثير ده هو واحد من اهم الاسباب اللي بتخلي المدخنين يحسوا انهم مركزين اكثر بعد السيجاره. الامر الاكثر اثاره للدهشه هو بعض الابحاث الاوليه اللي بتبحث في امكانيه استخدام النيكوتين في علاج امراض زي الزهايمر. وقبل ما اي حد يعتبر الكلام ده حجه انه يستمر في التدخين لازم نوضح كم نقطه مهمه. النقطه الاولى ان الضرر بيجي من الحرق مش النيكوتين لوحده الغالبيه العظمى من الدراسات بتاكد ان المصدر الرئيسي للامراض المرتبطه بالتدخين زي السرطان مش النيكوتين ولكن من الاف المواد الكيميائيه السامه اللي بينتجها حرق التبغ. وثاني امر لازم نعرفه ان الفوائد المحتمله ما تساويش مخاطر الادمان. الخطر الاكبر للنيكوتين حتى لو كان نقي بيفضل قدرته الهائله على خلق حاله من الادمان الشديد. وثالث امر ان الابحاث دي استكشافيه مش توصيات علاجيه. الابحاث حوالين فوايد النيكوتين المحتمله لسه في مراحلها الاولى الهدف هو فهم اليات عمله عشان يطوروا ادويه جديده مش تبرير استخدامه الترفيهي. رابع امر الاضرار المؤكده بغض النظر عن اي فوائد محتمله فالاضرار اللي بيعملها النيكوتين في المخ النامي للمراهقين هي حقيقه علميه ثابته وكمان تاثيره السلبي على القلب والاوعيه الدمويه هو خطر مؤكد. في النهايه المفارقه العلميه دي مش بتغير الحقيقه الاساسيه التدخين هو واحد من اكثر العادات فكانه على وجه الارض والنيكوتين هو القوه اللي بتدفع العاده دي. وجود بعض الخصائص المثيره للاهتمام في المركب ده تحت الميكروسكوب مش بيبرر باي شكل من الاشكال استخدامه في العالم الحقيقي. احنا عملنا مع بعض رحله جوه المخ وشوفنا ازاي عمليه الخطف الكيميائي بتتم خطوه بخطوه. المعرفه دي مش مجرد معلومات بقوه القوه عشان تفهم ايه اللي بيحصل جوه مخك او مخ حد يهمك امره. لو الفيديو ده نور لك جانب من الحياه ما كنتش شايفه شاركه. شاركه مع صاحبك اللي بيحاول يبطل مع فرد من عيلتك بيكافح او مع شاب ممكن يكون بيفكر يجرب اول سيجاره ليه. انك تفهم اليه الفخ هي اول خطوه عشان تتجنبه او تهرب منه. خليك انت جزء من الحل من رحله ال 10 ثواني السريعه لاعاده توصيل اسلاك سيستم المكافاه ومن وهم المتعه لكابوس الانسحاب وصولا للاضرار طويله المدى الصوره دلوقتي بقت واضحه. النيكوتين مش مجرد عاده وحشه ده خطف خطف كيميائي ونفسي لاغلى حاجه بنملكها هو بيخدع مخنا عشان يربط السم بالمتعه وبيخلينا نرجع بمزاجنا لمصدر تدميرنا مش عشان بندور على السعاده لكن عشان بنهرب من الالم اللي هو خلقه في المقام الاول. هو سيد خبيث بيخلي عبيده يفتكروا انهم بيخطروا قيودهم بحريه بس القوه الحقيقيه بتكون في المعرفه لما بنفهم ازاي العدو ده بيشتغل وازاي بيتسلل لعقولنا احنا بنبدا نستعيد السيطره احنا بنتحول من ضحايا لمحاربين انك تبطل سجاير ده مش مجرد اختبار للاراده دي عمليه تحرير تحرير للعقل من القيود الكيميائيه واستعاده السياده على قراراتنا وصحتنا ومستقبلنا. الرحله صعبه والمعركه شرسه بس مش مستحيله كل يوم الاف حوالين العالم بينجحوا في كسر السلاسل دي هم بيثبتوا ان احنا ممكن نستعيد المخ المخطوف. افتكر دايما انك اتولدت حر ومفيش اي مركب كيميائي يستاهل انك تسلموا مفاتيح عقلك القرار في النهايه بيرجع لك. كل سنه وانتم طيبين والسلام عليكم.
