أصغر مقاول يذهل المستثمرين بذكائه في عالم ريادة الأعمال

[0:00]شايف هذا الطفل؟ معلش انا ما راح اقول عنه طفل لانه في حياتي ما قد شفت نفس هذه الجراءه وثقه النفس. شخص مفاوض بشكل عبقري. وقف هذا الشخص مع ابوه قدام المستثمرين. قال لهم انا عندي هذا الاختراع، جاتني فكره هذا الاختراع لما ابويا كان يشتري البويه. يستخدم منها جزء ثم الجزء الثاني يبقى في العلبه، بعد كم يوم تجي في هذه البويه. فجاتني فكره هذا الاختراع اني احط داخلها كوره معدنيه وتحفظ البويه لمده 10 سنوات. تبقى بنفس جودتها وعلى فكره ترى عندي كمان ثلاث اختراعات في الاكل. يعني مثلا هذه حافظه خبز، لو حطيت فيها الخبز تجلس لمده ست ايام الى سبع ايام ما تتغير ولا حتى يتغير طعمها. المستثمرين في حاله ذهول لدرجه ان في واحد من المستثمرين ما قدر يمسك نفسه. قال لي ابو الولد المشاركين لما يجون مع ابنائهم دائما هو الابو اللي يتكلم واللي يسوق للمنتج. فليش انت ساكت؟ شوف رد الابو كيف قال له انا واثق بكل قرار يتخذه ولدي. وعلى فكره ترى عمره 13 سنه ايوه لكن هو الرئيس التنفيذي للشركه. رجع الولد يتكلم مره ثانيه قال لهم ترى هذا الشيء دائما يتكرر معي لما اروح مع ابويا الاجتماع يكون فيه تجار. ويقولوا لابويا ليش جايب الطفل؟ فخلاص خليه يستريح برا. فانا اجي اسحب الكرسي واجلس بينهم وانا اللي اقود هذا الاجتماع ودائما اخرج منتصر. فانا اليوم جيتكم ابغى منكم 150 الف دولار بالمقابل راح اعطيكم 10%. وعلى فكره ترى قبل ما اجيكم اتممت صفقه بقيمه 400 الف دولار. هنا المستثمرين كل واحد يعطي عرض اقوى من الثاني لين اقوى عرض كان 200 الف دولار. مقابل راح ياخذ المستثمر نسبه 17%، وافق عليها هذا الشخص. اليوم هذا الشخص منتجه موجود في كل المتاجر الكبيره اللي موجوده في امريكا ودخلوا سنويا 2 مليون دولار. وعلى فكره ترى اليوم عمره لسه 17 سنه.