[0:00]Aaj kal social media pe ek naya trend aaya hai isse kehte hain internet bhakti. Radhe Radhe, toh aaj ratri jab mein Kana ko vas badal kar unko sula rahi thi toh Kana so hi nahi rahe the baar baar uthe jaa rahe the. Phir maine Kana ko bola Kana bahut ratri ho gayi hai so jaao, toh Kana phir se uth gaye. Phir maine aaram se Kana ko bithaya aur pucha ab aap mujhe batao aap baar baar kyu uth rahe ho, so kyu nahi rahe ho. Toh Kana ne mujhse kaha ki mujhe bahut garmi lag rahi hai mujhe kuch thanda khilaao. Ab apne hatho se Kana ko lassi pilaate hain, lassi peete hi Kana ki sab sharate khatam ho jaati hai ab Kana ko lad pyaar karke sula dete hain. Aastha ke naam par jiska jo mann karta hai vo karta hai.
[0:40]Ye koi aastha nahi hai, ye content creation hai. Aur aaj kal Instagram par aise bahut saare bhakt fluencers dikhayi dete hain jo apna social media chamkane ke liye bhakt bane hue phir rahe hain. Mujhe pata hai hamara Hindu dharm bahut freedom deta hai, aapko apni deity ke sath ek personal connection hota hai lekin iska matlab ye nahi hai ki aap sari limit cross kar jao. Upar se reel banake engagement farming karne lag jao. Duniya ko dikhao ki humne kaise rituals ka traditions ka mazaak banake rakh diya hai.
[1:09]Aise hi aaj kal kawad leke aane ka ek trend chal pada hai. Har saal kawad yatra hoti hai aur har saal mujhe ye dekhkar sharam aati hai ki logo ne ek tradition ko kaise ek vacation bana diya hai. Kawad lana bahut shraddha ka kaam hota hai lekin kuch strict niyam hote hain jo kawadiyo ko follow karne hote hain. Ye dekho niyamo ka kaise palan kiya jaa raha hai yaha pe. Iss mahapurush ki bhakti dekho kiske naam pe kawad laa raha hai ye. Koi neta ki kawad laa raha hai koi apni girlfriend ke naam par. Aise internet bhakt sirf aam janta nahi balki kayi neta bhi bane hue hain jo PR ke liye darshan karte hain aur alag alag angle se photo khichwate hain. Special Ops ke naye season mein villain ka ek bahut achcha dialogue hai. Shayad aapne bhi suna hoga. Aise hi bharat mein logo ko dharm ka churan khila khila ke andha bana diya gaya hai ki sab apne aapko sabse bada Hindu prove karne mein lage hue hain. Aur iss chakkar mein sari limit cross kar rahe hain. Aur agar aap apne dharm se pyar karte ho toh aise fake bhakto ko expose karna aapki naitik zimmedari ban jati hai. Aaram se poora video dekhna in sab ko expose karunga. Aaiye dekhte hain.
[2:09]Abhi sawan ka mahina gaya hai aur isme har saal kawad yatra nikalti jisme lakho shiv bhakt shamil hote hain. Inhe kawadiya bola jata hai. Ye jo yatra hoti hai iska chalan mostly North India mein rehta hai. Iss yatra mein har saal lakho kawadiye kawad laate hain, yaani Haridwar Gangotri aur Garhmukteshwar jaisi pavitra jagah se Gangajal laate hain. Paidal chalke aate hain aur phir Shivling ke upar chadhate hain. Kawadiya jo kandhe pe matke se leke chalte hain jisme gangajal bhara hota hai isi ko kawad bola jata hai. Ye yatra kayi dino tak chalti hai kyuki paidal lana hota hai. Isi liye log kayi jagah kawadiyo ke liye vishram grah bhi banwate hain jaha vo aaram karte hain. Lekin is poori yatra mein kawadiyo ko kayi strict niyamo ka palan karna hota hai. Jaise Bolbam Bhajnavali ke hisaab se kawadiyo ko Brahmacharya ka palan karna hota hai. Iske alawa unhe nange pair rehna hota hai, tel sabun ka istemal nahi kar sakte hain. Man behlane ke liye koi sadhan sath nahi rakh sakte hain aur kisi se bhi jhagda nahi kar sakte hain. Bahut saalo tak kawad yatra isi tarah se chalti thi. 90s tak mostly sadhu log hi kawad yatra karte the. Lekin aajkal ke jo naye bhakt aaye hain bhakt influencers hain ya jinhe aap simply berozgar bol sakte ho, dekho kaise kaise kawad leke aate hain. Pair mein shoes, thumke aur entertainment chal raha hai. Dekho maine toh suna tha ki daak kawad bhi nange pair layee jaati hai. Yahan toh running shoes aur camera team sath mein chalti hai. Kuch log toh bas reel banane ke liye kawad uthate hain aur phir bad mein use vahi road pe chhod ke chale jate hain. Agli video dekh ke toh shayad aapki aankho mein aansu aa jayenge. Ye dekho kitni shraddha ke sath kawad yatra nikali jaa rahi hai. Ye dekho Brahmacharya ka kitni sakti ke sath palan kiya jaa raha hai. Ye hai naye Bharat ka jaga hua naya Hindu. Inn videos ko aaye kafi time ho gaya hai lekin mein soch raha hu ki bhagwe ki ye dasha dekhkar kisi bhi Hindu hriday samrat ke aastha par thess kaise nahi pahunch rahi hai. Kyuki vaise toh inki bhavnaye badi najuk hoti hai kuch bhi satrangi dikh jaye toh man vichlit ho jata hai. Yeh kya?
[3:50]Bhagwa rang ke napkins? Agli baar se ye dikhna nahi chahiye yaha pe. Main SP ko, DSP ko sabko leke aaunga. Ye mazak nahi chal raha hai. Hindu dharm ke sath hi kyu mazak chal raha hai yaha pe? Pathan wali controversy yaad hogi aapko, ek random gaane mein orange bikini dekhkar hafto tak national news bana di gayi thi. Lekin inn videos par ek bhi statement nahi aayi, kisi bhi dal ne koi bhi ninda nahi kari hai. Matlab I'm sorry but mujhe ye kehna padega ki aaj ke time mein ye kawad yatra berozgaro ka mela ban chuki hai. Mausam achha hota hai, karne ke liye kuch nahi hai toh kawad ke naam par Bhagwa lapet lo aur ghar se nikal pado. Agar iski reel banake dal di toh lakho mein views bhi aa jate hain. Phir kya, ek mahine poori mauj masti, gundagardi, orchestra aur nashebazi. Aur aam aadmi ko sawan mein non-veg khana bhi mana hai aur mujhe ye samajh nahi aata ki ye kya competition chal raha hai ki kaun kitna bhari kawad layega. Koi 200 liter jal laa raha hai, koi 250 liter laa raha hai, kya Shivling pe chadhane ke liye itna jal chahiye? Nahi chahiye, toh phir ye wastage hua ya nahi? Jis pavitra Gangajal ko aap itni mehnat se leke aa rahe ho, baad mein baha diya jayega. Thoda toh dimag ka istemal karo. Aur ye bhai sahab toh itne mahan hain ki Jyoti ke naam ki kawad le aaye hain. Yaha ladai chal rahi bholo ki raksha ki suraksha ki bhodo kya kar rahe ek hi dekho mental. Ye kawad bhole ki nahi laa raha ye kawad Jyoti ki laa raha hai mere bhai. Kuch toh sharam karo yaar kuch toh aisa karo jo log kahin kuch theek kara mere bhaiyo kya kar rahe hai tum? Sawan ke poore ek mahine in so-called shraddhaluon ke liye Sarkar special arrangement karti hai, traffic divert kar diya jata hai, police protection di jaati hai taaki in so-called shraddhaluon ko kisi tarah ki koi takleef na ho. Aur phir bhi agar galti se kisi ki gaadi bike inse zara sa takra jaye toh inka prakop jhelna padta hai. Inn uchch koti ke sadhuo ke samne toh fauj ki vardi ki bhi koi izzat nahi hai. Ye bhi sab shraddha ke naam pe hi ho raha hoga. Ye toh chalo ek mahine ki baat ho gayi, hamare desh mein shraddha ke naam par kya kya chal raha hai, ye ab main aapko zara detail mein dikhata hu. Logo ne teerth ko bhi tourism banake rakh diya hai. Ye dekho Kedarnath Dham ke samne kya kya chal raha hai. Ye jagah koi DJ chalake reel banane ki hai, dance karne ki hai. Disco light lagake mandir ko club banake rakh diya hai. Aur ye koi ek incident nahi hai. Inn bhakto ko dekh lo mandir ke samne cricket khel rahe hain. Inse koi zara puche ki ye log waha karne kya gaye the, darshan karne gaye the ke cricket khelne gaye the. Kuch places ke ek sanctity hoti hai, kuch mahatva hota hai, koi mahol hota hai. Nachne gaane enjoy karne ke liye desh mein jagah kam pad gayi thi kya jo mandiro mein jaake ye sab karne lage ho. Ye sab hume isliye dekhna padta hai kyuki jo bheed aapko inn temples mein dekhne ko milti hai ye shraddhabhav se nahi jaa rahe hain, ye ghummi ghummi karne jaa rahe hain. Inhe apne travel ki bucket list mein ek tick lagana hai. Inn logo ko un temples ka kya importance hai usse koi lena dena nahi hai. Ye YouTube pe char vlog dekh ke aate hain aur sochte hain ki ek din ka trek hai, bahut maza aayega, tent mein rukenge, pahado ki Maggie khayenge, reel banayenge, usme views bhi chhap lenge badhiya koi dharmik sa gana lagake. Ye hai inka asli motive. Ab kuch log ho sakta hai ye bhi keh de ki isme kya galat hai toh main aapse puchta hu bhaiya mandir ke samne ye sara fun kyu karna hai? Aur jagah kya desh mein kam pad rahi hai ya phir sach ye hai ki background mein jab tak mandir nahi hoga tab tak reels pe like nahi bajenge. Kyuki iss fun ki koi limit nahi hai balki limit toh already log cross kar chuke hain. Ye dekho Tungnath Dham ke samne baith ke log daru pi rahe hain. Ab ye log ghar jaake thodi batayenge ki humne waha par daru pee thi. Namo Namo Shankara gane pe reel banayenge, hath jod ke teeka lagake khade ho jayenge aur logo ko lagega ki wah kitne sanskari bhakt log hain. Teerth karke aa gaye hain itni kam umar mein. Reel banane ka logo ko itna keeda laga hua hai ki ye dekh lo zara. Badrinath Dham ke bahar hi ladai lad rahe hain. Isliye maine kaha tha ki majority logo ke liye ye Teerth ab tourist spots ban chuke hain. Hamare desh mein civic sense ka itna bura hal hai ki aapne dekha hoga jo badi badi buildings hoti hain, parks hote hain ya main road pe kisi ki property hai toh uski boundary pe vo Bhagwan ki tasveere laga deta hai taaki koi deewar ko gandi na kare, peshab na kare, thooke na, thoda sharam lihaz kar de. Lekin kuch log itne gire hue aur ghatiya hain ki ye waha pe bhi apni harkato se baaz nahi aate hain. Aur mein itna harsh kyu ho raha hu ye aap agli clip dekh ke samajh jaoge. Agar inn logo mein kisi ka bhi religion Hinduism ke alawa kuch aur nikal jata toh uske ghar pe jaake bulldozer chal chuka hota. Khair ab inn ghatiya logo ka toh kuch nahi kar sakte lekin agar aapki diwarein hain aur aap waha pe Bhagwan ki photo lagate ho toh please aisa mat karo. Ye log nahi manenge inka ek hi ilaaj hai belt and rod initiative. Ab chalo ye toh ek extreme ho gaya, ek dusra extreme bhi hai jahan par ultra pro max bhakt aate hain. India mein dharm ke naam par views lena, follower ikhatte karna bada aasan kaam hai. Pehle jab naya naya social media aaya tha toh log kya karte the Bhagwan ki photo dal di. Post mein likh diya ki like kiye bina scroll mat karna comment mein Jai Mata Di likh do varna nahi likha toh kuch bura ho jayega. Engagement lene ka ye simple tarika hota tha. Lekin aaj kal log engagement lene ke liye apni poori personality hi bana lete hain ki dekho main kitna bada bhakt hu, main toh Krishna ki daasi hu. Aur Instagram par aapko aise bahut saare log milenge.
[8:18]Aisi reels aapne bhi chalte phirte dekhi hongi. Aur inn logo ko main kehta hu Laddu Gopal cult. Ek chota sa bachcha jo apni doll ke sath khelta ho aur inn logo ki reels mein kya aapko koi difference nazar aa raha hai? Ye dekh lo murti ko khilona banake rakh diya hai, pehle toh mujhe koi ye bataye ki Laddu Gopal ko rakhne ka tradition kisne shuru kiya? Shastro mein toh iske bare mein zyada kuch likha nahi hai, iska matlab logo ka hi banaya hua ek naya tradition hai. Dekho main aise bahut logo ko janta hu jo apne ghar mein Laddu Gopal ji ki murti rakhte hain, unki seva karte hain. Lekin maine notice kara hai ye murti ko snan karate hain, bhog lagate hain, pooja karte hain. Yahin tak inki baat limited rehti hai. Utna hi achcha bhi lagta hai, aastha dikhayi deti hai. Lekin ye jo dramebazi chal rahi hai. Ye Kanha ji kal raat mein gaye the, ye aaj subah fridge mein nariyal chutney kha rahe. Iska tradition se koi lena dena nahi hai. Ye sirf social media pe reach ke liye kiya jaa raha hai kyuki bahut saare logo ki bhavnaye isse judi hui hain isliye inhone apna poora content hi isko banake rakh diya hai. Ab har reel mein log ye bhi nahi dikha sakte ki snan kara rahe hain, bhog laga rahe hain, views aane band ho jayenge. Isliye nayi nayi kahaniya banayi jaati hain. Toh yaha pe mera Madhav itna zyada gussa ho rakha tha toh abhi mein kya karti maine na unko manane ke liye aisa bola ki aapke liye mein gulab jamun banaungi. Aisa bolne pe vo khush toh ho gaye the uss time pe. Aap dekh rahe hoge poori ki poori script taiyar ki hui hai. Are bade bade sadhu pahado pe jaate hain, Bhagwan ki khoj mein saalo tapasya karte hain. Lekin Bhagwan toh inn mohtarma ke ghar mein virajman hain, vo soch rahe hain ki gulab jamun kyu nahi ban rahe hain aaj. Bhai kya mazak chal raha hai yaar. Aur ek baat batao agar aapke ghar mein sach mein kisi murti mein Bhagwan aa jayein aur vo khud se chalne lag jayein khane peene lag jayein toh aap ye baat kisi ko nahi bataoge. Are Bhagwan Shri Krishna ne Gita ka updesh diya tha, aap unke charno mein baith ke do char baatein gyan ki khud seekhne lag jaoge unse apni ichchha purti karne lag jaoge, reel banake nahi dikhaoge. Ye dekho salon leke jaa rahe hain, Bhagwan ki murti bhai koi khilona nahi hai bachche ki tarah jo man kiya vo kar rahe ho. Aur ye karke aap apne aapko bahut bada bhakt samajh rahe ho. Ye bhai sahab Laddu Gopal ki marksheet lene chale gaye hain. Kabhi khud padhai mein dhyan lagaya hota toh ye harkate nahi karni padti. Toh ab Bhagwan ko math science padha rahe hain, jis insan ne poori duniya rachi hai usko tum usme number doge? Are bhakti aur nautanki mein koi difference bacha hai ye dono milake ek kar diye hain. Mujhe pata hai ki kuch log comment karenge are sabka apna tarika hota hai, deity ke sath ek personal connection hota hai lekin bhaiya yaha pe koi bhakti nahi chal rahi hai. Sirf reel baazi chal rahi hai yaha pe views aur followers ka chakkar hai aur kuch bhi nahi hai ye Bhagwan ka sire se apman kiya jaa raha hai. Aise logo ki wajah se Hindu dharm ka mazak banta hai. Ye content viral hoke foreigners tak pahunchega, phir saare ke saare Indians ko superstitious bola jayega, pajit pajit bola jayega, chidhaya jayega. Vo kahenge dekho ye log Bhagwan ka aise mazak banake rakhte hain ye kis tarah ke ghatiya log hain aur aise hi toh log Hindus ko andhvishvasi bolne lagte hain. Phir aise naye generation ke jo bachche hain unko lagta hai ki doosre dharm zyada cool hain, hamara dharm bekar hai. Chalo ek baar ke liye agar maan liya ki aapki sach mein aastha hai toh apne ghar pe ye sab kaam karo, social media pe dalne ki kya zaroorat hai. Aise hi aapne dekha hoga ki Christian log bhi social media pe kafi popular hain. Punjabi Christian gaane toh kafi time se viral hain lekin aapne Bhojpuri Christian gaane shayad nahi sune honge. Peeche na hatunga aaj Yeshu naam se. Har bal uthaunga mai Yeshu ji ke naam se. Iska pata hai kya reason hota hai kyuki yaha ki janta jo already Punjabi aur Bhojpuri gaane sunti hai aur unko apne bhajan yaad hain usme vo Christianity ko mix kar dete hain taaki unhe convert karna aasan ho jaye. Vo thodi na English wali inki prayer padhenge. Toh unko iss tarah se Christianity se introduce kiya jata hai. Aaj kal main dekh raha hu bahut saare pages hain jo Hindu tradition ko Christianity se link karne ki koshish karte hain. Gayatri mantra ko Yeshu Gayatri mantra bana dete hain, baptism ke liye Gangajal use karne lagte hain. Aise maine kayi Christian prayers bhi suni hai jo Hindu bhajans hi hain lekin usme kuch word ko change karke Christian bana diya jata hai. Ab ye dekhne mein toh bahut cringe lagta hai lekin iske peeche ka jo intention hai wo usko bada offensive bana deta hai. Agar baat kare kuch Muslim creators ki toh apne religion ko reels pe iss tarah se promote kar rahe hain. Aisi kayi reels aapne dekhi hongi. Inke hisaab se ladkiyo ke sath chhedchhad isliye hoti hai kyuki vo apne aap ko burke mein cover karke rakhti hain. Yaani indirectly ye kehna chah rahe hain ki agar kisi ladki ne burka nahi pehna hai toh uske sath chhedchhad toh hogi hi. Jo hijab aur burke nahi pehenti unko respect aur safe environment kaise milega. Ye toh hain inke logic aur agar iss logic se dekha jaye toh jo CCTV mein ye incident kaid hua hai isko kaise justify karoge aap. Dekho iss video ko banane ka mera purpose kisi dharm ya custom ko question karna nahi tha. Mujhe pata hai ki aise bahut saare log hain jo poore mann se bina kisi dikhave ki murti seva karte hain. Mai bas un logo ko call out karna chah raha tha jo social media pe bhakt bane hue hain. Apne follower badhane ke liye Bhagwan ka ek sachcha follower hone ka dhong kar rahe hain. Aur dharm ka istemal karke sirf aur sirf kuch likes aur views batorne ke chakkar mein pade hue hain. Jo dharm ko ek trendy content samajh ke cool dikhne ki koshish karte hain. Kabhi notice karna jitne ladke random ladkiyo ke comment mein gali likh rahe hote hain unme se aadho ne apni bio mein apne dharm se judi hui kuch na kuch baat likhi hoti hai. Inn logo ne apni poori personality yahi banayi hoti hai ki hum kitne bade bhakt hain, kitne bade believer hain. Aise logo ko sharam aani chahiye. Doosra main aaj kal dekhta hu ki Hindus bhi Bhagwan ke naam par aapas mein ladne lage hain. Ye video dekho. Jai Shri Ram! Jai Jagannath! Ek ne TMC ka jhanda liya hua hai aur ek ne BJP ka. Ek nara laga raha hai Jai Jagannath aur doosra Jai Shri Ram ka. Lekin aap ye samajhne ki galti mat karna ki ye dono Jagannath ji ya Ram ji ke bhakt hain. Ye log actual mein TMC aur BJP ke bhakt hain. Inka asli dharm inki parties hain aur inke Bhagwan un parties ke leaders hain. Iske alawa main call out karna chah raha tha aise logo ko jinka outrage kafi selective hota hai. Aise log jin chizo ko call out karna chahiye us pe ekdam chup rehte hain aur bekar ki bato pe 10-10 din tak ye log bawal karte rehte hain. Ye video kuch time pehle badi viral hui thi shayad aapne bhi dekhi hogi. In bhai sahab ne Indian tricolor jaise dikhne wale shoes pehen liye toh feelings hurt ho gayi wo bhi kahi Ireland mein baithe hue hain. Jabki wo print bhi Irish flag ka hi hai. Phir reel banake ye bhai sahab engagement le rahe hain apni ignorance ka bakhan kar rahe hain. Lekin jab desh mein sitting MLA actual tirange ke sath aisi harkate karta hai tab inki feeling hurt nahi hoti hai. Jab sanatan ke naam par ashleelta aur gundagardi ki jaati hai tab kyu outrage nahi hota hai. Ye hypocrisy kyu hai aapke andar. Aur ye jo log jinhone temples ko tourist spot bana rakha hai inko sirf call out nahi karna chahiye balki mere hisab se temple mein phone hi band kar dena chahiye. Koi pakda jaye toh us pe heavy fines lagao. Aur aise neta logo ko bhi call out karna chahiye jo mandir mein jaake VIP darshan karte hain apni poori camera crew ko le jkar jinko election ke time par hi Hindu dharm yaad aata hai. Agar inko apni bhakti live telecast karni pad rahi hai toh samajh lo ki ye Hindu nahi ek opportunist hain. Agar ye wala video aapko achha laga toh agla video aapko aur achha lagega. Screen pe laga diya hai click karo aur abhi dekho.
