بناء الفريق والعمل الجماعي

[0:11]ممكن جدا تكون بتمتلك مهارات فرديه ممتازه ولكن عملك داخل منظومه فريق ناجح ممكن يصل بيك لمستويات من النجاح هيكون من الصعب جدا توصل لها لوحدك. ازاي بيتم بناء فريق عمل ناجح وازاي بيتم اداره العمل داخل منظومه هذا الفريق؟ ده اللي هنتعلمه في الفيديو ده. هنتعلم يعني ايه فريق وايه هي المراحل المختلفه اللي بيمر بيها تكوين اي فريق. وازاي نقدر نتعامل مع المشاكل والازمات اللي بتواجهنا اثناء العمل كفريق وازاي يكون الفريق بتاعنا ده اكثر فاعليه ونوصل بيه لاعلى انتاجيه ممكنه. وايه هي الانماط المختلفه للشخصيات اللي ممكن نقابلها داخل الفريق وازاي نقدر نتعامل معاها. ودلوقتي يعني ايه فريق؟ هو عباره عن مجموعه من الافراد بمهارات مختلفه موجودين مع بعض لاداء مهام معينه. ويجب على المجموعه دي ان هي تستفيد من تنوع المهارات الموجوده ما بينهم عن طريق اداره فعاله للفريق ده. ايه هي مراحل تكوين الفريق؟ لتكوين اي فريق بنمر باربع مراحل. اول مرحله وهي مرحله التشكيل فورمنج، ودي مرحله تعارف اعضاء الفريق في بدايه تكوينه. المرحله الثانيه هي مرحله الاستورمنج او العصف وزي ما هو واضح من الاسم ومنشقه من العاصفه فالمرحله دي بيكون فيها كثير من الخلافات والمشاكل نتيجه اختلاف وجهات النظر بين اعضاء الفريق. المرحله الثالثه وهي مرحله النورمنج او الهدوء اللي بيتكون نتيجه الالفه اللي حصلت بين اعضاء الفريق.

[1:37]وفي المرحله دي بيتم حل المشكلات اللي ظهرت في مرحله العصف وفيها بيدرك اعضاء الفريق حجم التحدي والمنافسه اللي بتواجههم وان قدامهم هدف مشترك لازم يعملوا من اجله كفريق واحد. المرحله الرابعه والاخيره هي مرحله البرفورمنج او الاداء. بعد ما اعضاء الفريق بيكونوا فهموا بعض بشكل جيد وتم وضع المعايير والقواعد للعمل داخل الفريق بيكون التركيز على تحقيق الاهداف المشتركه والنجاح. ممكن جدا ان اي فريق يتراجع الى اي من المراحل السابقه اكثر من مره نتيجه ظروف معينه زي تغيير القياده او تغيير داخل اعضاء الفريق واصطدام الاشخاص الجدد بالقواعد والمعايير الحاليه ومحاولتهم للتحدي واثبات الذات. ودلوقتي بعد ما اتعرفنا على المراحل الاربعه لتكوين الفريق ايه دورك كقائد للفريق وايه المطلوب منك كاحد اعضاء الفريق في كل مرحله من المراحل دي؟

[2:22]في مرحله الفورمنج بيكون مطلوب منك كقائد للفريق توفير بيئه ومناخ ايجابي للعمل وانك تعرف اعضاء الفريق على بعض وتحاول تشيل حواجز ما بينهم. تعرفهم على اهداف الفريق وتحط قواعد مبدئيه للتعامل، تعرف كل واحد فيهم انت عايز منه ايه وايه المطلوب منه بالظبط.

[3:29]المطلوب منك كعضو في الفريق انك تكون مرن في علاقتك مع زملائك وتحاول تجنب الصدام بقدر الامكان وانك تكون مستمع جيد وتحاول تفهم وجهه نظر الطرف الثاني. في مرحله النورمنج بيكون اعضاء الفريق اندمجوا مع بعض بشكل جيد وعارفوا ازاي ينظموا خلافاتهم ويديروا العمل ما بينهم. فالمطلوب منك كقائد للفريق هو انك تشجعهم وتحفزهم وانك تسمح بانتقال القياده تدريجيا للفريق وانك بس تاخد منهم فيدباك وتبدا تخصص جزء من وقتك للتخطيط ووضع استراتيجيات للفريق. اما كعضو في الفريق بيكون مطلوب منك انك تاكد على التارجت بتاعك وتحاول تخلصه بسرعه. في مرحله البرفورمنج المطلوب منك كقائد للفريق هو استمرار تقديم الدعم والتوجيه وتوفير اي مصادر او ريسورسز ممكن يحتاجها الفريق وتساعد ان يكون في مرونه في تبديل الادوار بين اعضاء الفريق. اما كاحد اعضاء الفريق فاصبح عندك من الخبره والكفاءه اللي يمكن يمكنك من اداء دورك في اقل وقت فممكن تقبل تحديات جديده وتحقق اهداف اكبر للفريق ككل. ايه هي اهم سمات فريق العمل الناجح؟ رقم واحد توافر الثقه. لازم كل عضو في الفريق يكون عنده قدر كافي من الثقه في باقي زملائه وانه يقدر يعتمد عليهم في اي وقت وانه يكون دايما شايف نوعياهم حسنه وانه مفيش اي داعي للتحفظ والحذر في التعامل معاهم. وده ممكن يتحقق من خلال التواصل الجيد بين اعضاء الفريق ووجود علاقات على الجانب الشخصي والانساني الى جانب علاقات العمل. ثاني حاجه هي مشاركه المعرفه اي حد عنده مهاره مميزه او اكتسب معرفه جديده يشاركها مع زملائه. تجاهل المواقف السلبيه التغاضي عن اي موقف سلبي بيصدر عن احد اعضاء الفريق بشكل غير معتاد منه وبلاش نقف عنده كتير. بيئه العمل كمان بيكون ليها دور وغالبا دي بتكون مسؤوليه قائد الفريق عن طريق الدعم والتحفيز المستمر وحل سريع لاي خلاف ممكن يحصل بين اعضاء الفريق. اهم حاجه بتميز الفريق الناجح هي الالتزام التزام الفريق باداء المهام المسنده اليه وتسليم اي تاسك قبل الديدلاين بتاعه. المسائله اكوتي وجود نظام واضح للمحاسبه والمكافاه داخل الفريق. التركيز على النتائج فوكس اون ري لان النتائج هي المعيار اللي من خلاله بنقدر نقيم نجاح الفريق. اهم الانماط الشخصيه اللي ممكن تكون موجوده بين افراد الفريق ذا كونتربيوتر المساهم ده مهتم جدا بالتاك والنتيجه النهائيه. شخص استباقي ومبدع وبيميل للسيطره عند التعامل مع زملائه بدافع سرعه انجاز المهام. ذا كولابوريتور المتعاون ده شخص طموح وصاحب رؤيه بيساعد في وضع استراتيجيات الفريق لكنه لا يهتم بالتفاصيل ممكن يكون مصدر للحلول الغير تقليديه والتفكير بره الصندوق. ذا تشالنجر المتحدي وده شخص دقيق جدا وواقعي متشائم الى حد ما ودايما بيتحدى افكار زملائه وبيركز على صعوبه تطبيقها قد يكون شخص غير محبوب لكنه مركز جدا في التفاصيل. ذا كوميونيكتور المتواصل ده محبوب وعلى علاقه طيبه بالجميع بيهتم بالبروس واتباع التعليمات وماما دي جدا ومتوقع لكنه مسؤول ويعتمد عليه. ودلوقتي هنتكلم عن انواع الفرق المختلفه. الفريق مش لازم يكون بالشكل التقليدي المتعارف عليه مجموعه من الافراد مع قائد او مدير بيحدد ادوارهم وبيوزع عليهم المهام. ممكن يكون فريق الكتروني فيرتوال تيم او سايبر تيم وده بيكون عباره عن مجموعه من الافراد بيجتمعوا على فترات متباعده من خلال اي بيئه عمل افتراضيه زي زوم مثلا عشان يتناقشوا في امور العمل ويخططوا ويشوفوا ايه اللي تم انجازه. ووارد جدا انهم يكونوا من بلدان وجنسيات مختلفه وان يكون منهم افراد ما شافوش بعض قبل كده. احيانا بيكون الفريق بدون قائد ويكون كل واحد عارف دوره كويس والعمل بيدار بشكل ذاتي وده بيكون اسمه الفريق المتطور كاتنج ايدج تيم. وممكن يتم تشكيل فريق لاداره مهمه او حدث معين وبينتهي عمل الفريق بانتهاء المهمه ودي بيكون اسمها فرقه العمل تاسك فورس تيم. اداره اجتماعات الفريق. اجتماعات الفريق لمناقشه امور العمل ده شيء مهم وله تاثير كبير على انتاجيه الفريق ولازم يتم اداره الاجتماعات دي بشكل سليم للوصول الى القرارات بشكل اسرع والحفاظ على قيمه الوقت وده ممكن يتحقق من خلال خطوات بسيطه كالاتي. معرفه الهدف من الاجتماع لازم هدف الاجتماع يكون واضح ويكون من الاعضاء المشاركه ليهم دور في تحقيق الهدف ده واي عضو مالوش دور بيكون وجوده غير ضروري لتفادي اي نقاشات جانبيه والوصول الى النتيجه اسرع. عدم التاخير بيفضل الحضور قبل الاجتماع بشكل كافي وعدم التاخير. اداره النقاش بموضوعيه عدم التحيز لراي او وجهه نظر وده بيكون دور الشخص اللي بيدير الاجتماع. الاستماع الجيد حاول تنصت وتستمع كويس وبلاش تخلي حاجه تشتت تركيزك. البعد عن الاتجاهات السلبيه حاول ما تكونش سبب في نشر الطاقه السلبيه وبلاش تتاثر باي حد يحاول يعمل ده. اخر حاجه هنتكلم عليها هي ازاي نتعامل مع المشكلات داخل الفريق لما يكون عندنا مشكله يجب علينا اننا نتجنب الاتي انكار وجود مشكله لان المشكله ممكن تكبر وتتفاقم نتيجه التاخير في التعامل معاها وعدم الاعتراف بيها من البدايه. العدوانيه بلاش تظهر اي سلوك عدائي حتى لا تفقد هدوئك وتركيزك في البحث عن حل. المبالغه بلاش تبالغ في تضخيم المشكله لانك بكده بتصعبها على نفسك وحبان مستحيله. تبادل الاتهامات بلاش نتهرب من المسؤوليه ونرميها على بعض. اهم حاجه في التعامل مع المشكلات هي اننا نفهم اصل المشكله وبلاش ندور على حل مؤقت عشان ما تتكررش تاني. في طريقتين هيساعدونا في اننا نفهم اصل المشكله اول واحده هي الفايف واي وهي اننا نسال خمس اسئله بتبدا بلماذا. مثال على كده عندنا عميل رفض استلام شحنه مطبوعات فنسال ونشوف هو ليه رفضها فتكون الاجابه عشان اتاخرت عن ميعاد التسليم. فنسال مره ثانيه ليه فنلاقي ان السبب ان مخزون الاحبار عندنا خلص واحنا شغالين. فنسال مره كمان ليه فتكون الاجابه ان المورد اتاخر في التسليم. وهنا بنكون وصلنا لاصل المشكله وبيكون الحل هو التعامل مع مورد اضافي لتامين اي عجز في مخزون الاحبار. الطريقه الثانيه اسمها فيش بون انز واحيانا بيسموها كوز اند افكت داجرام وفيها بنبدا بكتابه المشكله وبيتفرع منها كل الاسباب المحتمله لحدوثها على شكل هيكل السمكه. بنتجمع كفريق وبنعمل برين ستورمنج وبنفكر في كل الاسباب اللي ليها علاقه بالمشكله بنحلل ونقيم الاسباب دي ونستبعد بعضها لحد ما نوصل لاكثر الاسباب ذات الصله بالمشكله بتاعتنا وده بيساعدنا على اننا نحدد اصل المشكله. كده احنا خلصنا وبنكون اتكلمنا على كل الموضوعات المتعلقه ببناء الفريق والعمل الجماعي. في النهايه اعمل لايك واشترك في القناه لان دعمك للقناه هيخليني اكمل ونستمر في تقديم فيديوهات اكثر وفعل الجرس عشان توصلك فيديوهاتنا اول باول شكرا على المشاهده ونتقابل في فيديوهات جايه ان شاء الله.