You’re Learning Communication Skills the Wrong Way

[0:00]Agar tumne is video par click kar diya hai to mai chahunga ki tum is video ko end tak dekho. Kyunki pichhle 10 din se ye video mai sirf tumhare liye bana raha hu, sirf tumhare liye. Aur agar tum abhi video par focus na karke tum comments aur niche ke recommendations wale video scroll kar rahe ho, ya shorts kholne ka man bana rahe ho, to wahan se apna focus hata kar sara focus video par karo aur video ko full screen par kar do. Kyunki abhi is video ki zaroorat tumhe sabse zyada hai. Abhi dekho tum bas youtube par video dekhte ho aur tum ye sochte ho ki koi tumhe hacks tips ya koi aisi technique bata de, jaise koi raz mil jaye, koi shortcuts, koi jadu jisse tumhari zindagi ekdum se badal jaye. Jisse tum apni communication skills ko easily master kar lo like some magical formula. One trick and boom. Okay fir tum us video ko dekh kar khud ko motivate kar lete ho. Andar ek josh uthta hai, ek farzi sa confidence, tum is video mein khud ko imagine karte ho. Khud ko hero bana lete ho apni kahani ka aur sochte ho ki haa mai bhi kabhi na kabhi aise approach karunga. One day mai bhi karunga lekin wo video end ho jati hai aur sath hi tumhara wo jazba bhi dre dre thanda pad jata hai. Aur jo tumhe us video se knowledge milne wali thi mil jati hai lekin uske baad kya ye sawal tum khud se kab puchoge? Jab video end ho jati hai tab tumhari motivation khatam ho jati hai jaise hawa nikal jati hai bas khali ehsaas reh jata hai. Aur tum dusri video dekhne lagte ho aur ek endless loop me fas jate ho aur tum koi bhi action nahi lete ho. Aur sabse dukhi karne wali baat shayad yhi hogi. Thoda kadwa hai lekin sach hai ki tum wo video kuch time ke baad bhool bhi jate ho. Ki is video mein tha kya? Ab tum imagine karo ek bande ka naam hai Tharki naam ajeeb hai lekin kahani asli hai. Jo sirf din bhar keval apne communication skills apne social skills ko improve karne wali videos dekhta rehta hai. Ki mai ise kaise fix karu, kaise improve karu, kaise logo se baat karu, wo psychological tricks kaun si hai jisse mai logo ko control kar paau. Is type ki videos dekhta rehta hai, hacks aur tips dhundhta rehta hai and wo koi bhi action nahi leta hai. Ab yehi dusra banda hai jiska naam hai Pappi sidha simple lekin asli khiladi. Jo koi podcast nahi dekhta hai koi hacks tips technique aur psychological tricks nahi dhundhta hai. Ki kaise logo se baat karu wo kuch books vagera aur koi bhi videos vagera consume nahi karta hai. Jab bhi wo apne kaam se free hota hai logo se unka haal chal puch leta hai bina kisi jijak ke bina zyada soche samjhe unki genuine tariff kar deta hai dil se. Ab mera tumse ek sawal hai aur is bar imaandari se jawab dena ki ab ek mahine baad kiski communication skills kiski social skills zyada improve hui hogi. Pahla jo sirf consume karta rehta tha content ko books ko aur notes apni diary mein note karta rehta tha. But koi bhi real life me action nahi leta tha ya fir dusra banda jo zyada consume nahi kar raha tha koi tips hacks aur psychological tricks vagera nahi dhundhta tha. But wo real life mein action le raha tha to ab tum batao kiski communication skills zyada improve hui hogi. Jawab tumhe pata hai to obviously iska answer hai dusre wale ka. Abhi yehi par bahut log bolenge ki abe kya yaar fir wahi cheez ki practice karo logo se baat karo. Mai tumhe bata du to ye wahi samay hai jab tum thoda ruko aur action lena start karo. Kyunki is time tumhe is cheez ki sabse zyada zaroorat hai ab waqt aa gaya hai badalne ka. Consume karna band karo kyunki zyada knowledge bhi ek nasha ban jata hai kyunki ye video consume karna ye sab tumhara kahi na kahi tumhara comfort zone ban chuka hai. Tum mano ya na mano jo us time tumhe motivate ya acha to feel kara deti hai like temporary sukun. But kuch time baad wo video ki knowledge bhool jate ho aur sab wapas zero. Aur maze ki baat ye hai ki in type ki video ki knowledge ek time ke baad boring lagne lagti hai tumhe. Kyunki tum koi action to lete nahi ho bas sunte zyada ho karte kam ho. Isliye tumne dekha hoga ki jo log sabse kam samjhdar hote hain unhi ke andar sabse zyada confidence hota hai. Ajeeb lagta hai lekin ye kadvi haqiqat hai aur jo actual mein intelligent aur smart hote hain wo apne hi doubts mein uljhe hote hain. Overthinking ke jaal mein fase hue dekho jab tak tumhe cheezon ke bare mein zyada details mein pata nahi hota hai, tab tak har cheez tumhare liye bahut hi normal aur simple hoti hai sidhi saf bina kisi bojh ke. Lekin agar tum kisi bhi cheez ke bare mein bahut hi zyada gehrai se janne lagte ho, chahe wo fitness, looks, maxing, porn, no fap, communication skills, politics, art, science, philosophy, ITC, tab tumhe realize hota hai ki tum kitna kam jante ho. Isliye jinhe ye sab pata hota hai aur jo thoda smart aur knowledgeable type ke log hote hain wo apne hi doubts mein uljhe hote hain. Har lafz bolne se pehle 10 bar sochte hain isliye wo bahut hi ajeeb aur doubtful way mein baat karte hain. Ab udharan ke liye tum apne hi life ka ek example dekh lo thoda piche jao apni kahani yaad karo. Jab tum chhote the tab tumhe dark psychology, looks, maxing, porn, masturbation ke bare mein nahi pata tha. Confidence, social anxiety ke bare mein nahi pata tha, communication skills, depression, overthinking in sari chizo ke bare mein kuch pata hi nahi tha. Tab tumhare andar us time ek real aur asal mein confidence tha ek masoomiyat thi ek asli himmat thi. But jaise hi tum in sari chize dekhne lage ye janne lage ki logo se baat kaise karni hai anxiety kaise dur karni hai. Top five hacks to look confident seven powerful psychological tricks to control anyone ya five dark psychological tricks to communicate someone. Jaise hi tum ye sari chize dekhne lage waise hi tumhara confidence aur gir gaya kyunki tum sikhne nahi compare karne lage. Ghar baith ke videos scroll karna logo se interact hone se bachna aur kehna ye peace hai. Nahi bhai ye sukoon nahi hai ye tumhara bahana hai. Ghar par baith baith kar log bolte hain ki bhai mai introvert hu isliye baat nahi kar pata. To bhai tum introvert nahi ho tum bas aadat ke gulam ban chuke ho. Tum bas jis situation mein ho usme tumhe comfort feel ho gaya hai tum bas especially dead ho rahe ho. Isliye ab waqt aa gaya hai uthne ka. Dhundo yaar apne ghar ke aas paas dhundo thoda room se bahar niklo gali se bahar niklo mohalle tak pahucho. Road se highway tak pahucho apne aap ko expand karo dekho aas paas kaun sa gaon ya city hai. Dekho kaun si market wahan lagti hai, dekho wahan aas paas koi pahad ya nadi to nahi hai. Dekho wahan koi more type janwar to nahi nach raha hai jao aur use dekho aur shanti se ek jagah baitho. Thoda thehro thoda saans lo mobile ko dur kar do aur sari takleef aur depression ko jane do. Khud ko halka mahsus karo aur jo wahan par chidiyo ki aawaz aur jo hawa aa rahi hai use bas mahsus karo. Live the present moment feel the zindagi bro unki bhai ye insan ki chadi bhi bahut hi kismat wale ko milti hai. Kuch waqt do akele apne aap ko khud se mulakat karo. Samajh aayega sab kitne tez bhag rahe hain kahan tak bhage ja rahe hain. Matlab insan aaj machine AI ko bhi piche chhod diya hai. Lekin khud se piche reh gaya hai wo bhi bechari machine humse piche reh jayegi. Dekho hustle aur mehnat karna mujhe bhi bahut pasand hai. Lekin yehi sabse bada sawal hai matlab kis cheez ke liye bhag rahe hain pata hi nahi hai zyada tar logo ko goal unclear hai. Lekin bhage ja rahe hain bhage ja rahe hain aur maze ki baat ye hai ki is cheez mein bhagne mein maza bhi nahi aa raha hai. But fir bhi ruk nahi pa rahe hain isliye thehraao lao apne andar. Kyunki jab tum apne aap ko shant karoge tab tum actual mein sab chize asal mein apne aankhon se dekh paoge. Ki hum kya sahi bhag rahe hain maksad samajh mein aayega clarity aayegi direction milega. Tab hum sahi se bhag payenge aur iske baad hume pata chalega ki rukna kahan hai. Aur kis jagah par rukna hai then apne aap ko jaan paoge. Abhi main shart laga kar bol sakta hu jitne bhi log ye video dekh rahe hain unhe apne bare mein pata hi nahi hoga. Aur ye sabse badi sad karne wali baat hai. Agar koi aakar inse inka favorite food poochh le ki bhai aapka favorite food kya hai? Tab bhi zyada tar log bata hi nahi payenge. Kyun? Kyunki unhone kabhi khud ko explore hi nahi kiya. Kyunki inhone hamesha wahi daal chawal roti sabzi khai hai aur apne aap ko jana hi nahi hai ki unki life mein kya kya cheeze favorite hain. Waise comment kar dena tumhara favorite food kya hai. Let's see kitne log sach mein khud ko jante hain agar tum apne aap ko jante hoge karoge warna chodo. Isliye last baat yaad rakhna. Gadhaa palo, kutta palo, saap palo, jo marzi palo lekin ye galatfahmi mat palo ki tum bina bole apni communication skills ko improve kar loge. Achcha ye batao tum din bhar mein kitne logo se baat karte ho? Like seriously bataana agar main apni batau to pehle main sirf mummy se hi baat karta tha. Woh bhi sirf khane ke liye kuch hi shabd bolta tha. Like main us time bolna bhool gaya tha pure din bas room mein pada rehta tha. Movies songs anime games khelne ke chakkar mein main bolna bhool gaya tha aur jab bhi bolta tha to zuban ladkhadane lagti thi. Like totla type ho gaya tha kyunki us time mera logo se interaction bilkul hi zero tha sirf mummy ko chhod kar. Bhai hum humans hain humein hamesha logo ke sath rehna ghumna unse baat karna hamare khun mein hai. Like purane aadimanon ke time mein log aise hi to rehte the group bana kar. So ab tum comments mein batao tum din bhar mein kitne logo se baat karte ho. Baat nahi kar pate ho samajh nahi aata hai kya bolu koi dikkat nahi hai. It's okay sab ke sath hota hai lekin subah ya sham ko room se bahar niklo. Bas itna sa kadam badhao bhai abhi kuch log bolenge ki akele raha karo zyada sukoon milta hai. Aur wo faltu Youtubers bhi bolte hain ki 6 mahine ke liye ek kamre mein khud ko band kar do kisi se baat mat karo. Mujhe na wolf law aur monk mode mein rehna pasand hai. To bhai main tumhe bata du mera ek dost hai wo jab jab apne room mein akela rehta hai tab tab wo porn dekhne lag jata hai. Aur usse mutthi lag jati hai banda sab kuch productive habit karta hai. But jab akela rehta hai tab usse kaand ho jata hai samajh rahe ho na. Zyada tanhai kabhi kabhi tumse wo ulta kaam karwa leti hai jo tum kabhi chahoge nahi ki main ye kaam karu. Isliye ab main tumhare papa ya mummy ki tarah ye nahi bolunga ki ja bahar ja kar dekh duniya kitne aage badh rahi hai. Wo dialogue sab sun chuke hain aur tu hamesha ghar par hi pada rehta hai. Ye bhi sun sun ke pak chuke ho lekin ha duniya mat dekho abhi baad mein kabhi dekh lena jab time mile. But abhi overthinking mat karo bas abhi room se bahar niklo just step out that's it. Kyunki jab tum bahar nikloge to waise to nikloge nahi jaise abhi baithe ya lette ho. Thoda to khud ko presenttable banaoge jab bahar nikloge tab tum thoda hygiene maintain karoge khud ki izzat karoge. Thoda sahi kapde wagera pehan ke nikloge hai na confidence automatically boost hota hai. Jab tum ache kapde pehnte ho ye scientifically prove ho chuka hai isliye nikalna bhi is video ko dekhne ke baad. Varna abhi pata nahi kis halat mein baithe ya lette hoge pata nahi bhai. Aur ha ghumne se na stress khatam hota hai dimag halka hota hai ruh ko sukoon milta hai mental health sahi hoti hai. You feel peace again aur insan ko chaiye kya kyun wo itni mehnat kar raha hai ki use khushi mile. Right nahi wo ladki wali khushi nahi shanti peace peace mile. Aur jab tum andar se shant aur clear hote ho na tab tum zyada khush aur attractive dikhte ho bro. Kyunki jab tum andar se khush hote ho tabhi bahar se glow aata hai wo chamak tumhare face par dikhta hai bro. Ab imagine karo tum koi girlfriend bana hi nahi sakte. Isme imagine karne wali baat kya hai reality yehi hai ki tum bana hi nahi sakte. Ab wo alag baat ho gayi ki tum meri tarah abhi banana nahi chahte. But kyunki jab tum kahin bahar jate ho market mein jate ho aur koi ladki tumhe dekhti hai to tum uski taraf dekhte hi nahi ho. Tum aisa attitude dikhate ho aisa khud ko pretend karte ho jaise tumhare piche hazar ladkiyo ki line lagi ho. Jaise tum koi high value Andrew Tate ya Thomas Shelby ki tarah Sigma male ho. But deep down tum khud jante ho ye sirf ek nakab hai ek jhoothi tasali hai. Fir kya hota hai tum dekhte nahi ho to wo bhi interest nahi dikhati hai aur wo apne ghar chali jati hai. Aur tum dono wahi bichhad jate ho aur sabse painful baat pata hai kya hai. Tum ghar aake fir sochte ho yaar shayad mujhe approach karna chaiye tha. Shayad wo interested thi shayad main try karta to but guess what shayad kabhi reality nahi banata. It only creates regret aur sach sunne ke liye taiyaar ho. Tum introvert nahi ho tum bas rejection ke khauf se bhage hue ho. Aur ye jo fake attitude tum dikhate ho na ye confidence nahi hai. Ye sirf ek defense mechanism hai jo tumhe aur akela bana raha hai. Chaho to ye video abhi band kar do kyunki iske baad jo tum sunne wale ho wo tumhari ego ko bahut chot pahunchaayega. India aaj population ke mamle mein duniya ka sabse bada desh hai aur jahan dekho log hi log. Aur sochne wali baat ye hai ki hume apni communication skills ko improve karne ke liye videos dekhni pad rahi hai ya book padhni pad rahi hai. Zara gaur karo ye kitni afsosnak aur sharmnak baat hai aaj ke daur mein. It's ironic right. Itni bhid aur population mein reh kar bhi hum baat karna bhool gaye hain hume baat karni nahi aati. Bro aaj India ke bachhe itne zyada under confident hain ki agar inse inke baap ka naam puchh lo to ye wahi baukhla jayenge. Aur agar by chance koi inse inka phone lekar history check karne lage to ye log wahi teleport ho jayenge. Instant jaise zameen nigal gayi ho ye to pura alag jonra ho gaya aur bahut hi dark chapter hai us par kabhi aur baat karenge. But dusri sabse badi baat agar ye 10th aur 12th pass kar le aur inse pucha jaye ki iske baad konsi stream choose karoge. Matlab kon si side lekar padoge to dusre ka soch kar ki log kya sochenge is waham aur khof mein aakar ye math science P.C.M. B.Tech le lete hain. Chahe inhe usme koi interest ho ya na ho nahi to inka wo mysterious aura toot nahi jayega. Kahin log inhe study mein kamzor na samajh le koi agar inse puche ki bade hokar kya banoge to ye bolenge IAS doctor engineer police. Chahe inka asli dream ya khwab Youtuber banna ho fitness businessman banna ho ya rapper banna ho. Lekin awam ke khof mein aakar ye apni haqiqat daba dete hain. They kill their own dreams just to look acceptables in front of others. To bhai jo tum logo se dar rahe ho aur apne andar under confidence ki atma apne andar dhsaaye baithe ho use hatao aur sidha kisi kachre ke dabbe mein fenk do. Tum bach nahi sakte tum chaho ya na chaho that doesn't matter. You have to face people you have to interact you have to speak kyunki is duniya mein survive karna hai na to sirf saans lena kafi nahi hota bolna bhi padta hai. Bhai agar tum introvert ho shanti se school ya college jate ho tumhari koi girlfriend nahi hai aur tumhare bahut hi kam friends hain. Aur tum apne hi close friend se hi kabhi na kabhi baat karte ho aur life simple hi chal rahi hai. To abhi na tumhe tumhare phone ko side mein rakhne ki jarurat hai sach mein jarurat hai. Tum phone chala chala kar pareshan ho gaye ho tumhare sar mein dard ho jata hai but fir bhi chalaate rehte ho. Aankho ke niche dark circles pad rahe hain chehra thaka hua lagta hai but fir bhi phone chalaate rehte ho. Tumhari abhi na aadat ho gayi hai ek ajeeb si zanjeer ek lat tumhe lag chuki hai. Ki jo cheez tumhara time barbad kar rahi hai jo cheeze tumhe andar se dukh deti hai fir bhi tum wahi cheeze bar bar karte ho. You know it's hurting you but you still go back to it that's not comfort that's addiction bro. Aur sabse khatarnak baat pata hai kya hai tumhe ab dard bhi normal lagne laga hai. Tum us cheez ke aadhi ho chuke ho isliye aaj ek kaam karo phone side mein rakho aur khud se ek sawal pucho. Main apni zindagi control kar raha hu ya ye mera phone isliye ab mai ye nahi keh raha hu ki tumhe apni communication skills ko improve karne ke liye books aur videos dekhna nahi hai. Nahi bro dekhna hai to dekho bilkul dekho lekin waqt samjh kar dekho action bhi lo. Jab tum khud ko logo ke samne interact karoge aur logo se baat karoge tab tumhari life mein ek aisa turning point aayega. Jahan tumhe lagega yaar ab utni improvement nahi ho rahi hai ya utni improvement nahi mil rahi hai. Mujhe aur apni public speaking body language ko next level par le jana hai. That's the moment tab tum pyare bhai youtube videos books courses wagera ka help lo yaani sahara le sakte ho. Lekin jab tum us level par na aa jao samajh rahe ho na main kis level ki baat kar raha hu. I hope samajh rahe hoge tab tak ke liye tumhe apna dimag khol ke in sab faltu cheezon ko side mein rakhna hai. Aur bas ghar se bahar niklo aur zyada se zyada logo se unka haal chaal pucho aur normal baat karo. That's it bhai no overthinking just take action to ye thi aaj ki video. Aur agar tumhe ye video pasand aayi ho to mai baki logo ki tarah ye nahi bolunga ki subscribe karo like karo. Nahi bhai mai tumhe majbur nahi karunga lekin agar meri videos thodi bhi tumhari life mein improvement la rahi hai ya la hai tumhari koi bhi problem solve ki hai to is channel ko kisi ek aise bande ke sath share kar sakte ho jise iski waki mein jarurat ho isme koi zabardasti nahi hai bhai sahab tumhari marzi karo ya na karo. But agar tumhe looks mixing aur height par no bakwas wali ek complete video chaiye to main link description mein de dunga ja kar dekh lena. Aur tab tak ke liye agar tumhe ye samajh nahi aata ki India mein logo se baat kaise kare kaise start kare tumhe topics nahi milta baat karne ke liye dar lagta hai thoda introvert ho to is video par click karo jo abhi tumhare screen par aa rahi hai. Click karo main tumse wahi mil raha hu tab tak ke liye bye.