[0:02]Bill Gates, co-founder of Microsoft.
[0:07]Mark Zuckerberg, co-founder of Facebook.
[0:14]Gautam Adani, founder of Adani Group.
[0:19]Richard Branson, co-founder of Virgin Group.
[0:25]Pata hai in sab mein kya common hai? Aap soch rahe honge haan, ye sab duniya ke richest logon mein se ek hai. Aur aaj ke present world pe ye dominate kar rahe hain. billionaire Richard Branson, now the first person to reach the edge of space in his very own spacecraft. But ek aur cheez hai jo in sab mein common hai. Ye sab log apne ko ek aise trap se bachane mein successful rahe hain jis trap mein aaj har ek insaan khud ko proudly daal raha hai. to change the perception of reality to such an extent that despite of the abundance of information, no one is able to come to sensible conclusions. I don't care what I have to do, if I have to move somewhere or start something or what it may be, I'm not going to put my children into a system that doesn't understand the gifts and abilities they have, just because they don't fit on the conveyor belt. And in the US there are more than five lakh people who don't send their children to school. Ironically, mostly all teachers, because they know how screwed up the system is. Aur dusri taraf wo aap, toh shayad abhi kisi college mein padhai kar rahe hoge. Time pe assignments kar rahe hoge, 90% attendance maintain kar rahe hoge. Na chahte hue bhi books ko memorize kar rahe hoge aur har rules ko follow kar rahe hoge. Iss umeed mein ke jab aap college se nikloge toh aapke paas ek graduation degree hoga. Aapko ek acchi job mil jayegi. Uske baad aap apne parents ke liye ek bada sa ghar kharidoge, ek mehnga car kharidoge. Shadi karoge, bachon ko acche school mein bhejoge, aur khoob sare paise kamaoge. But reality kya hai aapko pata hai? Kab aapne taiyari shuru kari aap kitne saal ke the? Sir us samay hum 18 saal ke the. Aur abhi? Abhi hum 30 saal ke ho gaye. 30 saal ke? Pichle 12 saalon mein aapne apni zindagi mein kya kiya hai? Zindagi mein sir padhte gaye, padhte gaye, degree lete gaye. Main teen subject mein post graduate kiya hai, B.Ed kiya hai, CTET qualified hai, NET qualified hai sir. Aap 15 saal mehnat karne ke baad finally ek graduation degree le lete ho. But ab aapko pata chalta hai ki aapko job nahi mil raha hai. Aap na jaane kitne interviews dete ho lekin har jagah aapko kisi na kisi karan se reject kar diya jata hai. Log aapka mazak banane lagte hain. Dekhte hain hum log bahut heen bhavna se, parivar rishtedar wale utna baat nahi karte hain sir. Aur main do saal se gaon mein bhi nahi gaya abhi tak. Dukh hai sir, kya bolu? Main apne dukh aur peeda ko hum kisi paas samna nahi kar sakta hoon sir. Bahut sangharsh se padha hoon. Tuition padha-padha ke main 2012 se tuition padha-padha ke abhi tak main padhai kiya hoon. Aur main kuch bhi hasil nahi kar paya. Ulta humare par FIR ho gaya. Aap logo se milna julna band kar dete ho. Khud ko kamre mein band karke ro-ro ke bas ek hi pray karte rehte ho ke God, kisi tariqe se ek naukri dila do. Dheere-dheere aapka self-esteem, aapka self-confidence kam hone lagta hai. Aakhirkar, kisi tariqe se aapko ek job mil jata hai. Lekin uski salary bahut hi kam hoti hai. But aap majboori mein kar bhi kya sakte ho? Wo job aap karne lagte ho. Itni salary hai nahi ki aap paise kama kar, jama karkar ek ghar khareed sako. Toh aap ek home loan le lete ho. Ab apna ghar hai toh obviously ek car bhi hona chahiye toh aap ek car loan bhi le lete ho. Anjane mein hi sahi, par aapne khud ko charo taraf se baandh liya hai. Ab aapko har waqt ye darr satata rehta hai ki kahin mujhe job se nikaal na diya jaye. Kyunki fir main ghar ke kharch kaise manage karunga? Home loan ki EMI chal rahi hai, car loan ki EMI chal rahi hai, bachon ke school ka fees. Dheere-dheere aap khud ke sapne ko dabate jaate ho aur subah chup-chap uthte ho, job pe jaate ho, shaam mein ghar aate ho. Fir chahe wo kaam karna aapko pasand ho ya na ho. Aur fir ek din aata hai jab aapko ye life normal lagne lagta hai aur dheere-dheere kaam karte-karte aap boodhe ho jate ho. Aapko aisa lagega ki shayad main unlucky tha. Isi liye main life mein bada kuch kar nahi paya. Kyunki mehnat to maine khoob kiya tha. Par sach, sach kuch aur hi hai mere dost, jo aaj tak aapse chhupa kar rakha gaya hai. the Gang of Nine got together, I think it was, and decided this is what people should learn. Physics, biology, chemistry, and this, this is how they should learn. It's like the newspaper industry, right? More printing presses, more big buildings, right? Makes us look grander. The people who built the schools were consciously aiming at eradicating the will of the students who were part of the system because they wanted them to be obedient. entire purpose of a good university is to give you a foundation to fail, not a foundation to get an A. Jis education system ko aap bachpan se aankh band karke follow karte aa rahe ho, us education system ko banaya hi isi liye gaya tha taaki aap fail ho sako. Us education system ko banaya hi isi liye gaya tha taaki aap ek obedient factory worker ban sako. Aapko lag raha hoga main kuch bhi bol raha hoon. But I promise, just give me few minutes, aur uske baad aapko ye pura ka pura trap khud acche se samajh aa jayega. So, are you coming with me? Dhirubhai Ambani, Virat Kohli, Aamir Khan, Narendra Modi, ye sab hamare is current education system ke trap mein nahi fase. They had kids, just in school, kind of puzzled as to why they're there.
[5:08]Saal hota hai 1806. Napoleon ki army aur Prussia ke beech ek war hota hai. Aur is war mein Prussia, one of the best army hone ke bawajood, haar jaati hai. Prussian leaders ko ye samajh nahi aata hai ki aakhirkar wo itne acche army ke saath haar kaise sakta hai. Bahut sochne ke baad unke leaders ko ye samajh mein aata hai ki unki army mazboot toh thi, lekin war ke dauran wo apne superiors ke orders ko follow karne ke bajay apna dimag istemal kar rahe the. Jabki Napoleon ki army sirf aur sirf Napoleon ke orders ko follow kar rahe the. Aur is haar ka consequence kya hota hai? Prussia ko apna aadha territory Napoleon ke haath mein de dena padta hai. Aur saath hi, ek peace agreement sign karna padta hai. Ab Prussian leaders ke samne ek challenge hota hai ki dubara aisa kabhi bhi unke saath nahi hona chahiye. But question ye hai ki aakhirkar wo log aisa karenge kaise? Well, bahut dimag lagane ke baad unko ek idea aata hai. Aur fir wo log ek system build karne mein lag jate hain. Kaisa system? Obviously aisa system taaki soldiers bas utna hi kare jitna unko karne ke liye kaha jaye. Aur aisa karne ka best possible tarika kya ho sakta tha? Un brains ko control karna, jo brains abhi khud se sochne ke capable na ho, jinhe sahi aur galat ke bare mein pata na ho. So that unhe jo bhi samjhaya jaye wo use hi sach maan le. Aur is tarike se ek eight year's education system build hota hai, the Prussian Education System. 5 saal se lekar 13 saal ke dauran aapke liye education system compulsory kar diya jata hai jiska sole purpose kya hota hai? the Prussians produced a universal education system in the late 1800s, because they were afraid they were losing military superiority, and they wanted to produce a cadre of mindless, obedient soldiers. That was expressly the purpose. Aane wale generation ko ek aise person mein transform karna jo obedient ho, apne superiors ke har ek baat ko mane aur wahi kare jitna kaha jaye without asking a single question. Is eight year ke education ke dauran unhe bas itna hi samjhaya jata hai, itna hi padhaya jata hai jitne mein wo apne superiors ke orders ko follow kar sake. Na ke itna ki wo khud ke bare mein sochne lage. And Prussian leaders ne jaisa plan kiya tha, ye education system exactly waisa hi result unhe de raha tha. Is tarah ek aise system ka invention ho chuka tha jo aane wale future mein sab kuch badalne wala tha. Aur theek aisa hi hota hai. Uss dauran ek aur cheez tha jo is world mein bahut hi tezi se fail raha tha. Guess kijiye kya? Saal 1760 se lekar 1840 ke dauran, industrial revolution apne peak par hota hai. Global economy bahut hi tezi se dusre direction mein shift ho raha hota hai. Ab tak log agriculture karke, apne haathon se products banakar, paise earn kar rahe the. But ab world pe machines dominate karna shuru kar deta hai. Jitna products ek insaan poore mahine bhar mein nahi bana pa raha tha, ek machine usse kahin zyada product ek din mein bana de raha tha. But, there was a problem. Aur wo problem kya tha? Factories mein workers ka kami hona. Kyunki log apne field mein agriculture kar rahe the, apne haathon se products bana rahe the. Chhote mote business kar rahe the aur paise earn kar rahe the. Aise mein koi apna ye sab kuch chhodkar, kisi aur ke factory mein as a labour kyu kaam karna chahega? Is problem ka solution kaise nikala jaye? Well, Prussian Education System apne results ke karan, upar ke baithe hue logo tak already pahunch chuka tha. Aur ab, different-different countries apna education system is Prussian Education System ke model pe banana shuru kar deti hai. Aur is baar sole purpose kya hota hai? Is baar sole purpose hota hai ek aisa generation taiyar karna jinke creativity ko kill karke unke dimag mein paisa earn karne ka bas ek hi option reh jaye. Aur wo ho, work as a labor in factories. Corporate types mostly, who wanted to produce cadres of obedient workers. And that's why the desks are in rows, and that's why there's factory bells, and that's why it's top down leadership. Aur theek aisa hi hona shuru ho jata hai. Jo log ab tak farming karke, chhote mote business karke money earn kar rahe the. Unke bachchon ke brain ko is tarike se brainwash kiya jata hai ki jab wo apna education complete karke nikalte hain toh unke dimag mein paisa earn karne ka bas ek hi option reh jata hai, aur wo hota hai kisi factories mein kaam karna. Aur is tarah, laborers ki jo kami thi wo dheere-dheere pura hona shuru ho jata hai. Uss samay hamara desh Britishers ka ghulam tha. But dikkat Angrezo ke samne bhi tha. Aur wo dikkat tha ke wo the toh bas kuch hi. Aur itne bade abadi ko control mein rakhna bahut hi mushkil ho raha tha. Saal hota hai 1835. Thomas Babington Macaulay, jiske bare mein shayad aapne apne school life mein padha hoga as the Lord Macaulay ke naam se. Wo ek proposal taiyar karta hai India mein English education ko promote karne ke liye. Aur Lord William Bentick, jo ke us waqt East India Company ka Governor General hota hai, wo ise English Education Act of 1835 ke through pass kar deta hai. And again, ye jo education system hota hai, ye more or less Prussian Education System pe hi based hota hai. Aur is baar maqsad kya hota hai? Log soch rahe the ke Britishers hamara bhala hi chaah rahe hain, hum sabhi logo ko English sikhana chaah rahe hain. Par sach kya tha? Well, aap khud Macaulay se suno. Education should create a class of persons, Indian in blood and colour, but English in taste, in opinions, in morals, and in intellect. Dheere-dheere hi sahi, lekin Angrez apne is maqsad ko anjaam tak pahuncha dete hain. Office mein clerk se lekar army mein sipahi tak har jagah Indians kaam kar rahe hote hain. Ab Britishers Indians ko hi istemal karke, Indians ko hi ghulam bana kar the. Brainwash is hadd tak kiya ja chuka tha ke Indians Britishers ke rules ko follow karna apna duty manne lage the. Aap shayad soch rahe honge wah, Britishers ne kya dimag lagaya tha. Par khair ab to 76 saal ho gaye hain azadi ko. Ab to sab kuch badhiya ho gaya hai, hai na? Agar aap waisa soch rahe hain to kuch hi minutes ke baad aapko apne isi soch pe hansi aayegi.
[10:47]Aapke paida hone ke baad, ya shayad aapke paida hone se bhi pehle, aapke parents ke mind mein jo sabse pehla khayal aata hai wo kya hai aapko pata hai? Ke main apne bachche ko ek bada school mein padhne ke liye bhejunga. Aaj hamare desh mein schools and colleges education ki jagah kam aur status ka jagah zyada banta ja raha hai. Hamara ladka bada school mein padhta hai, hamara ladka uss college mein padhta hai. Aap jaise hi bolna shuru karte ho, aapke parents bade hi proudly aapko ek acche se school mein admission karwa dete hain. Aur fir relax ho jate hain ke maine to bade school mein apne bachche ka admission karwa diya. Ab mere bachche ka future wo log bana denge. Mujhe bas time pe fee pay karna hai. Aap school jate ho ek fresh, curious aur creativity se bhare hue mind ke saath. Ek aise mind ke saath jiske andar koi limitations nahi hota hai. Ek aise mind ke saath jise agar sahi se train kiya jaye toh wo bahut kuch kar sakta tha. Lekin jaise hi aap school mein jate ho, aapko kuch subjects ka combination ka ek syllabus de diya jata hai aur fir ab se wahi aapki duniya ban jati hai. Aap subah se lekar sham tak unhi ke bare mein sochte ho, unhi ko padhte ho. Aur agar aapne uske alawa kuch aur socha ya kuch aur padha toh aapka marks pe effect padta hai aur fir aapko punishment milta hai. Par kya aapke parents ek baar bhi ye question karte hain ki aakhirkar ye schools, colleges, coachings, ye hamare bachche ko aakhir kya sikha raha hai? Kya sach mein hamare bachche ka future bright ho raha hai? Kya sach mein hamare bachche ko jo padhaya ja raha hai wo use pasand bhi hai? Nahi, kyunki unhe aisa lagta hai ki hamare bachche ka future banaya ja raha hai, hamare bachche ko ek kamyab insaan banaya ja raha hai. Par agar aap thoda sa bhi dhyan se sochoge toh aapko samajh aayega ki is poore school and college ke dauran, aapko ek aisa person banane ka process chal raha hota hai. Jo person jab school and college se bahar nikle toh unke dimag mein bas ek hi goal ho: kisi tariqe se job mil jaye. Aur agar dusre shabd mein kahu, to koi mujhe apne yahan kaam par rakh le. Har bachcha yehi chahta hai ki main sarkari job mein pahunchu, apne ghar ki arthvyavastha ko sahi karu. Main maqsad toh yehi hota hai har aadmi ka kyunki sarkari job ek aisi job hai ke wo aadmi ko marte dam tak saath deti hai. Isi liye har aadmi sochta hai, chahe chaprasi ki hi mil jaye lekin sarkari mil jaye. Aapke poore schooling and college ke dauran, aapko kabhi bhi self-dependent hone ke liye sikhaya hi nahi jata. Kyun? Kyunki ye system kabhi bhi aapko fully self-independent banane ke liye banaya hi nahi gaya tha. Is system ka ultimate goal hi tha ke industry ko ek affordable aur ek badhiya worker provide kiya ja sake. Ye pura system ek aise group of people ko taiyar kar raha hai jo apne boss ke orders ko follow kar sake, jo apne superiors ka respect kar sake. Poore mahine din raat kaam kar sake is umeed mein ke at the end of the month mujhe ek pay cheque mile. Fir chahe wo kaam mujhe pasand ho ya na ho. Log apni 25% se zyada zindagi is current education system mein laga dete hain. Taaki apne se kam padhe likhe aadmi ki company mein jaake uske sapne pure kar sake. Koi nahi chahta ki aap self-dependent bano, aap millionaire bano. Koi kyu chahega ki aap millionaire bano, aap self-dependent bano? Isse unka kya fayda hoga? Kyunki agar aap self-dependent ban gaye toh fir aap orders follow nahi karoge, aap har cheez mein questions karoge. Aap galat cheezo ke khilaf awaz uthaoge. Par aap kabhi bhi is trap ko samajh hi nahi pate ho. Kyunki jab aapko is trap mein dala jata hai, us waqt aapki itni age hoti nahi hai ke aap kuch soch pao, kuch samajh pao. Aur jab tak aap us age tak pahunchte ho jahan pe aap sochne ke capable hote ho, tab tak kafi late ho chuka hota hai. Ya toh pichle 15-20 saal se is system ko follow karte-karte aap is tarike se brainwash ho jata hai ki aapko yehi cheez sahi lagne lagta hai. Ya fir aapki itni age ho jati hai ki aapke upar kafi zyada zimmedari aa jata hai aur aap chah kar bhi is trap se bahar nahi nikal pate ho. Kyunki ab aapko kisi bhi tarike se paisa earn karna hota hai. Berozgari ki hadd paar ho rahi hai. Ghar wale bhi pressure dal rahe hain ki job karo, job karo, kahin se bhi paise leke aao. Aur pichle 20 saal se jo mehnat aap kar rahe the. Lakho rupaye aapne schools ko diya, lakho rupaye aapne colleges ko diya, lakho rupaye aapne coachings ko diya. Uske badle mein bas aap kisi tariqe se ek 30 se 40 hazar ki naukri ki umeed mein aap lag jate ho. But stats kya hai aapko pata hai? The ILO says, About 65% of the youth in India are jobless, 65%. How did this happen? Aaj hamare desh mein 42% Indian graduates jinka age 25 se kam hai, wo unemployed hai. Aur agar job mil bhi jata hai to aapko jankar hairani hogi ki hamare desh mein ek engineers ki average salary jitni hai, usse 10 guna zyada America mein truck drivers earn karte hain. To dekh lo bhai, America mein ek truck driver hai na abhi slow chal raha hai, kaam mande par hai. 10 se 12 matlab India ka mota mota 10 lakh rupaye kama rahe hain. Jab kaam accha chalta hai toh 16 lakh rupaye India ke kama rahe hain. Itna to koi wahan pe doctor bhi nahi kama raha. Toh in sab ka solution kya hai? Kya hum log schools jana chhod dein? Kya hum log colleges jana chhod dein? Karodon log everyday schools ja rahe hain, colleges ja rahe hain. To main bol raha hoon ki ye saare log galat kar rahe hain. Well, aap abhi tak samjhe nahi. Let me explain.
[15:30]Kisi cheez ko itna promote karo ke wo ek new way of life ban jaye aur log bina koi question kiye usko chup chap follow karte chale jayen. Aaj hume bas simple sa ek question puchne ka zarurat hai. Who created this education system? And why? And in dono ka answers aapko ab tak mil chuka hoga. Jis waqt is system ko build kiya gaya tha us waqt is world ko billions ke taadad mein workers ki zarurat thi. But aaj, aaj ka situation kya hai? The assumption is you crack the IIT and you're set for life. A big pay package awaits you. Perhaps not any more. The news coming out of the IITs is worrying. In the Bombay campus, 36% students are yet to be placed. We are talking about the best engineering college in India. Last year was more of the same. We looked at other IITs too. In the Delhi campus, 40% students were not placed in 2023, in Kanpur 31% are yet to be placed. Kal bhi is system ko follow karke log below average life jee kar mar gaye. Na khud ke shauq pure kar paye, na hi apne bachcho ke liye kuch bada virasat chhod paye. Aur na hi aaj is system ko follow karke koi karodpati ban raha hai. Bas ek pay cheque to pay cheque life mein atkkar reh ja raha hai. Aur har waqt bas isi darr mein jee raha hai ki itne sare layoffs ho rahe hain, kahin agli bari meri toh nahi. Aur isi darr ke karan apne self-respect tak ko daav par laga kar, apne superiors ke sare orders ko follow kar raha hai aur chupchap kaam kiye ja raha hai. Fir chahe wo kaam pasand ho ya na ho. Hamare samne do options hain. Hum reality ko accept na kare aur isi trap mein fase rahe aur apne bachcho ko bhi isi trap mein dal dein. Aur dusra, hum apna rasta khud banaye. Hum khud explore kare ke hume kya-kya karna chahiye. Kya-kya possible ethical tarika hai jisse ke hum apne manchahe amounts ko earn kar sakte hain. Ab hume aise aur college graduates ki zarurat nahi jin ka end goal sirf ek job ho. And they don't have any skill. All they have is a so-called college degree. Ab time change ho chuka hai. Jin skills ko seekhne ke liye aap colleges ko kai lakh diya karte the, apne life ka keemti paanch se cheh saal diya karte the. Fir bhi kuch bhi seekhkar bahar nahi nikalte the. Ab bade se bade skills ko aap kahin kam fee mein online courses ke through seekh sakte ho. Aur wo bhi un person se jo khud us skill ko use karke kuch bada achieve kiye hain. Na ke unse jinke paas knowledge sirf aur sirf theory tak hi limited ho. Agar aap parents hain toh apne bachche ko school bheje, college bheje. But marksheet ko utna importance na de. Unhe exposure de. Unhe bataye ki is duniya mein karne ke liye bahut kuch hai. Sirf maths, chemistry, physics, sirf yehi duniya nahi hai, iske alawa bhi bahut kuch hai. Apne bachche ko alag-alag cheezo ko explore karne ke liye motivate kare. Agar marks kam aate hain, koi baat nahi, ho sakta hai wo koi skill seekh raha ho jahan pe wo isse kahin zyada accha perform kar raha ho. Aaj hum JEE ke liye, NEET ke liye, GATE ke liye, one year drop, two year drop lete hain. But kya kabhi khud ke passion ko samajhne ke liye, khud ke interest ko janne ke liye, alag-alag opportunities ko explore karne ke liye drop year liya hai? Kya aapko stable and average life chahiye ya aapko life mein kuch bada karna hai, khoob paise kamana hai, apne dreams ko pura karne ke liye jee jaan lagana hai? Decision aapko lena hai. Thank you so much aapne is documentary ko end tak dekha. Uhh, is documentary ko banane ke liye main na jane pichle kitne dino se mehnat kar raha hoon. And finally ye documentary ban ke ready hai, aap tak pahunch gaya hai aur aapne ise end tak dekh liya hai. Is support ke liye thank you so much. Uhh, aur agar aapko ye documentary bahut accha laga hai, toh aap zarur channel ko subscribe karna aur is documentary ko video ko like karna. Aur comment mein aap mujhe zarur bataye ke kahin koi kami reh gaya hai ya fir jo bhi aapka is documentary ke bare mein kehna ho, comment mein aap zarur bataye. Aur koshish kare ke isko zyada se zyada log tak share kare kyunki abhi hum log ek new new channel create kar rahe hain. Toh aap jitna logo tak isko share karenge utna zyada logo tak awareness failega. Once again thank you so much, end tak is documentary ko dekhne ke liye aur itna pyar dene ke liye. Thank you.
