[0:00]فجاه الناس تسمع صوت ارتطام قوي جدا في الشارع، ولما يجروا الناس عشان يشوفوا في ايه، يلاقوا ان في واحده ست واقعه تحت البلكونه على طول بتاعتها.
[0:10]وما كانوش عارفين هي الست دي وقعت لوحدها ولا في حد رماها، خصوصا كمان ان الكل عارف ان اللي وقعت دي ست كبيره وفي حالها كمان جدا.
[0:19]بس برده في نفس التوقيت ده الكل برده في الشارع لاحظ ان كان في شاب طالع للبيت اللي هي عايشه فيه ده، والكل شافه وهو طالع.
[0:28]ولكن على طول بعدها بثواني الكل برده يشوف نفس الشاب ده وهو نازل بيجري من السلالم بتاعه البيت، ورايح عليها وهي مرميه في الشارع وبيتكلم معاها وبعدين بيقعد يعيط.
[0:41]ما حدش خالص كان فاهم ايه الموقف العجيب اللي هم شايفينه ده، بس برده في نفس الوقت كل الناس توقعت ان الشاب ده هو اللي ممكن يكون زقها من فوق.
[0:50]وتيجي الاسعاف وتشيلها وتروح بيها المستشفى، وبعد شويه كل الناس اللي في الشارع تتاكد ان الست دي فعلا ماتت وان الشرطه كمان بتقبض على الشاب ده.
[0:59]طيب ايه بقى حكايه الست دي؟ وهل الست اللي احنا هنتكلم عن حكايتها طول الفيديو هي نسخه طبق الاصل من شخصيه نرجس اللي بتتعرض في مسلسل حكايه نرجس؟
[1:09]تعالوا مع بعض نعرف ايه كل الحكايه.
[1:29]السلام عليكم ورحمه الله وبركاته.
[1:32]جريمه النهارده عكس بقى اللي انا قلته كله في المقدمه، هي مش جريمه قتل خالص هي جريمه اخلاق وقله رحمه، وجريمه كمان بتاكد ان الانسانيه دي صفه مش بيتمتع بيها كل انسان موجود على الارض.
[1:45]وصاحبه قصه النهارده اللي هي مش بطله خالص، ست اسمها عزيز السعداوي او الاسم الحركي بقى بتاعها هو عزيزه بنت ابليس وهنعرف بقى بعد شويه على طول كمان هي اتسمت بالاسم ده بالذات كمان ليه.
[1:59]بس قبل اي حاجه بقى ما تنسوش ان انتم تعملوا لايك للفيديو واشتراك كمان في القناه ويلا بينا على طول نبتدي.
[2:08]عزيزه كانت شابه حلوه في الثمانينات عايشه في محافظه الاسكندريه في شارع كده من الشوارع اللي الكل بيبقى فيها عارف بعضه.
[2:17]كانت بنت حلوه فكان بيتقدم لها برده عرسان كتير وفي الاخر يجي لها صاحب النصيب وتتجوز عزيزه وهي عندها 17 سنه.
[2:26]بس علاقتها بجوزها ما كانتش كويسه قوي، وكان بيحصل ما بينهم دايما خلافات كتير ولكن السبب الابر بقى لكل المشاكل اللي كانت بتحصل دي وهي ان عزيزه اتاخرت جدا في الحمل.
[2:38]من وجهه نظرهم، فاهل جوزها واهلها والجيران وجيران الجيران كل عمال يسالها عن الحمل ولي تاخرتي قوي كده.
[2:46]وابتدى جوزها يلح عليها ان هم يروحوا للدكتور ويكشفوا هم الاثنين، بس المشكله ان عزيزه رفضت انها تروح للدكتور رفض تام.
[2:54]وطبعا الكل عرف برده ان هي رفضت فطبعا برده الكل ابتدى يشك ان العيب من عندها.
[3:00]وعشان اهل جوزها كانوا بيضغطوا عليه جدا في موضوع الخلفه ده ولانه برده كان راجل بسيط وما يقدرش يتجوز اكتر من واحده لانه طبعا مش هيقدر يصرف عليهم.
[3:11]فعشان كده على طول قرر ان هو يطلق عزيزه عشان طبعا بقى عايز يتجوز ثاني ويخلف اكيد ولي العهد.
[3:17]وفعلا يطلق عزيزه والكل فاهم ان عزيزه مش بتخلف وفي مكان شعبي زي المكان اللي هم كانوا عايشين فيه كل الناس عماله بتتدخل في حياه بعضه.
[3:28]بقل اللي رايح واللي جاي عمال بيضايق في عزيزه وبيعيرها كمان ده احيانا بقى كمان كلمه معلش والله عوض عليك كانت بتبقى عامله زي السكاكين اللي بتتدب في جسمها.
[3:39]خصوصا كمان ان عزيزه كانت برده لسه صغيره في السن ولسه يعتبر كمان ما ابتدتش في حياتها وطبعا بقى عزيزه كانت مصممه وبتنكر لكل الناس ان العيب او المشكله مش فيها هي خالص وان المشكله في هو.
[3:52]هو بس اللي كان مستعجل بس لما جوزها الاولاني خلف من مراته الثانيه الموضوع بقى شبه مؤكد ان عزيزه هي اللي عندها مشكله.
[4:01]حتى اهلها هي بقوا متاكدين ان هي مش بتخلف وبقوا بيعاملوها معامله سيئه جدا وكانوا متاكدين كمان تمام التاكد ان هي عمرها ما هتتجوز ثاني.
[4:12]ولكن الكل يتفاجئ لما عزيزه يتقدم لها عريس جديد ويتفاجئوا اكتر كمان لما عزيزه توافق عليه من غير اي تفكير.
[4:22]العريس ده كان اسمه سعيد وسعيد هيبتدي فصل جديد تماما من حياه عزيزه.
[4:27]عزيزه كانت بتاكد طول الوقت انها سليمه وزي الفل وما فيهاش اي عيب وكانت بتتحدى الكل انها هتخلف وهتثبت لهم وبالدليل.
[4:36]بس برده الكل كان بيقول انها كذابه لانها عايشت مع جوزها الاولاني سنه و2 و3 والراجل اول ما طلقها واتجوز تاني خلف على طول.
[4:47]فبالمنطق كده يعني بشويه حنكه اكيد العيب من عندها لكن سبحان الله فجاه ومن غير اي مقدمات الكل يتفاجئ ان عزيزه حامل.
[4:57]ويوم ورا الثاني كمان بطنها بتكبر قدامها والكل مش مصدق معقول عزيزه فعلا عندها حق يعني الناس فعلا كل ده كانت ظالماها وهم فعلا ما صبروش عليها.
[5:07]وفعلا بعد تسع شهور بالتمام والكمال وفي سنه 1983 تولد عزيزه دخلت مستشفى اسمها مستشفى الشطبي وطلبت من جوزها يستناها بره ودخلت لصديقه جوه ليها.
[5:20]اتفقت معاها يعني انها تسهل لها اجراءات الولاده وما تدفعهاش اي فلوس خالص وبعدها كمان تطلع عزيزه والمولود الجديد على ايديها.
[5:30]وكانت طبعا بقى فرحه سعيد بجوزها بالطفل ده ما تتتوصفش وعلى طول يروحوا السجل المدني ويسجلوا كمان الطفل ده اللي سموه اسلام.
[5:37]وعزيزه بقى كانت بتحب اسلام جدا وكانت بتخاف عليه من الهوا ويوم ورا الثاني بقى بيكبر اسلام قدام عينهم.
[5:45]والناس الحشريه المستفزه اللي برده بتتدخل في اللي ما لهاش فيه يدبوا مناخيرهم ثاني في حياه عزيزه ويقولوا لها ها يا عزيزه مش ناويه بقى تخوي ابنك اسلام.
[5:55]ليه يا عزيزه مش بتخلفي تاني؟ نفس الضغط من الاهل ومن كل الناس ومن الجيران كمان وقدام الضغط ده كله بقى تلاقي عزيزه نفسها رغم ان ظروفها الماديه اصلا صعبه جدا تجيب فعلا الطفل الثاني.
[6:08]وكانت تحسه كده ان هي طول الوقت بتحاول تثبت لكل الناس انها طبيعيه وسليمه وما عندهاش اي مشكله وبتخلف وزي الفل.
[6:16]وفعلا تطلع عزيزه حامل وشهر ورا الثاني وتولد عزيزه للمره الثانيه والمره دي كمان تخلف ولد وتسميه هشام.
[6:25]وتفرح برده جدا عزيزه بالمولود ده هي وجوزها ويروحوا على طول عشان يسجلوه وزي ما عملوا الاسلام سبوع كبير بيعملوا لهشام كمان.
[6:33]والشارع بقى كله يحكي ويتحكي عن عزيزه اللي ربنا اخيرا نصرها لكن بعد كام سنه عزيزه بتقرر انها خلاص ما بقتش قادره تستحمل العيشه في اسكندريه تاني.
[6:44]بتمل من المكان ومن الناس ومن حشريتهم وتدخلهم في كل حاجه وتبيع عزيزه البيت اللي هي كانت ساكنه فيه لست جارتها اسمها الست شمع.
[6:54]وتطلع عزيزه وتاخد عيالها كمان الاثنين وجوزها كمان قبلهم ويطلعوا على العريش وهناك ياخدوا بيت ويستقروا فيه.
[7:05]وتدخل طبعا عزيزه اولادها المدارس وبعد فتره تاني تطلع الست عزيزه حامل للمره الثالثه والمره دي كمان تجيب ولد برده وتسميه محمد.
[7:12]ودلوقتي عزيزه في جعبتها ثلاث اطفال اسلام وهشام ومحمد والحياه مستقره وعال العال وما فيش يعني الحمد لله احسن من كده.
[7:22]وابنها الكبير دلوقتي اسلام بقى عنده 11 سنه وهشام في المدرسه ومحمد كبر شويه كمان ودلوقتي بيمشي.
[7:29]لكن هنا بالظبط تحصل حاجه غريبه جدا تقلب حياه عزيزه كلها راسا على عقب.
[7:36]في يوم وعزيزه ماشيه في الشارع تقابل جارتها القديمه اللي هي الست شمعه اللي هي اشترت منها البيت بتاعها في اسكندريه.
[7:45]وتقول لها الست شمعه انها نقلت هنا جديد في العريش وباعت كمان البيت بتاع اسكندريه ويقفوا يعني يتكلموا هم الاثنين مع بعضه.
[7:54]والكلام يجيب بعضه وتعرف الست شمعه ان عزيزه ما شاء الله دلوقتي مخلفه لنا ثلاث اطفال بس برده المشكله بقى ان الست شمعه دي كانت برده من الناس الحشريه اللي بسببهم بقى عزيزه سابت اصلا اسكندريه كلها.
[8:06]فالست شمعه دي من الناس اللي كانت بتركز جدا في التفاصيل والست شمعه وهي عماله بتدقق اخذت بالها من حاجه غريبه قوي هو ليه عيالك يا عزيزه مش شبه بعض ولا شبهك ولا شبه جوزك.
[8:20]وتبتدي دماغ الست شمعه تشتغل هي مش كانت ما بتخلفش من جوزها الاولاني والعيال بقى اللي قدامي دول كلهم مش شبه بعض ولا شبه عزيزه حتى.
[8:30]الموضوع ده كده شكله وراه انا ومع ان شك الست شمعه دي مش مبني على اي دليل اصلا الا انها قررت انها ما تسكتش.
[8:37]وعلى طول طارت الست شمعه على اسم الشرطه وقبلت الظابط وحكت له على كل اللي بتفكر فيه وتقول له كمان ان هي شاكه ان عزيزه خطفه العيال دول.
[8:48]تصرف بصراحه غريب جدا خصوصا كمان ان الست دي خاطرت انها تلبس تهمه بلاغ كذب بس هي ما اهتمتش.
[8:56]وقالت الست شمعه ان اكيد لو العيال دول فعلا مخطوفين فاكيد بقى اهلهم دلوقتي هيموتوا ومتجننين وبيدوروا عليهم.
[9:03]وفعلا الضابط المسؤول ما ياخدش هو كمان الموضوع ببساطه بالعكس ده اخد الموضوع بجديه كبيره وطلع على طول على بيت عزيزه.
[9:12]وياخذها معاه وياخذ كمان الاطفال الثلاثه وجوزها سعيد بس طبعا بقى عزيزه كانت منهاره ومستغربه جدا من كل اللي بيحصل ده.
[9:21]يعني ايه فجاه الشرطه تخبط على بيتي وتاخذني انا وجوزي والثلاثه عيالي ويقولوا لي فجاه ان انتي خطفه عيالك دول وان انتي مش امهم.
[9:29]وتطلع عزيزه كمان شهادات الميلاد بتاعت الثلاث اطفال دول وجوزها سعيد كمان نفسه ياكد ان الثلاث اطفال دول عيال وان مراته زي كل المراات اللي في الدنيا.
[9:38]حملت وبعدين ولدت العيال دي يعني ايه يعني مش عيالهم؟ فالاثنين كانوا بيتكلموا مع الشرطه بمنتهى الثقه.
[9:44]لكن الثقه دي كلها تتهز لما الشرطه تكلم ام معينه كانت عماله تبلغ بقى لها فتره طويله ان ابنها مخطوف.
[9:54]واصلا ما كانش في اطفال كتير بيتخطفوا من العريش فالعريش كلها اصلا في الفتره دي كانت مدينه صغيره وما فيهاش سكان كتير.
[10:01]وتيجي الام دي واول ما تشوف عزيزه تمسك في رقبتها على طول وتقول ان هي دي اللي خطفت ابنها.
[10:07]وتفضل الست تسرخ وتصوت واول ما تشوف واحد من عيال عزيزه الثلاثه اللي هو محمد تقول ان ده ابني والست دي فعلا هي اللي خطفته.
[10:17]وتطلع شهاده ميلاد الولد كمان اللي معاها اللي كان طبعا باسم ثاني لكن برده رغم كل ده عزيزه كانت متمسكه جدا باقوالها.
[10:29]وكانت بتقول ان الولد ده 100% ابنها لكن بعد الموقف ده بالذات الشرطه كانت متاكده ان عزيزه بتكدب 100%.
[10:34]خصوصا ان الست اللي كانت بتقول ان عزيزه خطفت منها محمد كانت اصلا مقدمه بلاغ الخطف من فتره بمواصفات عزيزه.
[10:41]يعني هي اصلا مقدمه البلاغ من قبل ما تشوفها مش شافتها وبعدين اتهمتها زور عشان كده بقى الشرطه اول ما جاءت لها الست شمعه وقالت لهم مواصفات عزيزه وكل حاجه عنها كمان.
[10:52]ما ترددوش لحظه وراحوا على طول على بيت عزيزه وبرده عشان الشرطه تبقى عملت كل اللي عليها اتحولت عزيزه نفسها للكشف عليها.
[11:00]لان بناء بقى على كلام الست شمعه المفروض ان عزيزه دي مش بتخلف وفي ولدين دلوقتي حالا بقى معاها وبتقول عليهم ان هم عيالها.
[11:10]فلازم بقى دلوقتي حالا نشوف ونتتاكد من الطب الشرعي، هل الست دي خلفت قبل كده ولا هي مش بتخلف ولا ايه الموضوع.
[11:18]وتيجي المفاجاه اللي صدمت الكل عزيزه مش بتخلف وعمرها ما هتقدر تخلف اصلا ولا عمرها خلفت قبل كده اصلا.
[11:25]بس برده رغم كل الحاجات اللي حصلت دي، عزيزه برده كانت مصممه ان الثلاث اولاد دول ولادها وما فيش اي حد بقى قدر رغم كل التحقيقات اللي حصلت معاها.
[11:37]انه يوصل لاي جمله مفيده فعزيزه كانت استاذه في المراوغه وفي اللف والدوران عشان كده الشرطه لجات لحيله معاها.
[11:44]قرروا ان هم يطولوا فتره الاستجواب ويخلوا عدد من الظباط يتناوبوا على استجوابها وكان الهدف من ده كله ان هم يخلوها تغلط في الحكايه او حتى تنهار وتتعترف.
[11:54]وفعلا بعد يومين كاملين من الاستجوابات اخيرا الارهاق خلى عزيزه تبتدي تعترف بعد ما مخها ما بقاش مساعدها انها تحور وتالف اكتر من كده.
[12:04]واللي جاي واللي هتسمعوه ده هو مجرد نص الحكايه اكتشفت الشرطه ان عزيزه لما اتطلقت من جوزها الاول كانت عارفه انها مش بتخلف.
[12:13]لكن برده كان صعب عليها جدا انها تتقبل انها تتطلق خصوصا بقى ان الموضوع مش بايديها هو انا يعني عايزة ما اخلفش.
[12:20]ولما الضغط زاد عليها من العيله ومن الناس ومن الجيران ما قدرتش تستحمل اكتر من كده وكانت طول الوقت بتنكر انها ما بتخلفش.
[12:30]وعلشان كده عزيزه لما اتجوزت من سعيد قررت انها مش هتكرر نفس الغلطه تاني ومش هتتطلق منه ايا كان السبب وخصوصا بقى كمان لو السبب عشان موضوع الخلفه.
[12:40]ده غير بقى ان هي نفسها فعلا باي شكل من الاشكال تكون ام وهنا بقى قررت تعمل عزيزه الحاجه اللي الناس بعد كده بسببها هتسميها عزيزه بنت ابليس.
[12:50]عملت حاجه الشيطان نفسه بيسقف لها عليها فعزيزه من البدايه من اول ما قالت يا جواز تاني كانت عايزه تتجوز حد ولكن بمواصفات خاصه.
[12:59]او على الاصح يعني هي كانت عايزه تتجوز حد عشان تنتقم لها من كل الناس وبالاخص جوزها الاولاني وبمساعدته كمان تبين لكل الناس انها تقدر تحمل عادي جدا.
[13:13]وبتخلف طبيعي كمان وما عندهاش اي مشاكل طيب ازاي بقى في راجل هيقبل بده؟ ولكن الحقيقه ان عزيزه وافقت على سعيد.
[13:19]عشان كانت عارفه ان هو راجل يسهل السيطره عليه وبدهاقها باسلوبها الرهيب اللي احنا كلنا شفناه قدرت انها تقنعه ان هو اللي مش بيخلف.
[13:30]وان هو اللي عنده مشكله وان هي اللي مستحملاه وان هم ما عندهمش اي حل خالص غير ان هم يجيبوا طفل باي طريقه كانت عشان يخرسوا السنه كل الناس.
[13:40]واولهم طبعا اهله واهلها كمان اللي من اول ما الاثنين اتجوزوا بقى وهم مش مبطلين زن عليهم هتخلفوا امتى هتخلفوا امتى.
[13:48]وسعيد لانه كان بيحبها واقتنع كمان وصدق ده كان بيحبها لدرجه ان هو كتب لها العماره اللي ورثها كلها باسمها هي.
[13:58]مش هيساعدها يعني سعيد في اللي هي عايزه تعمله ده وفعلان عزيزه ما كذبتش خبر وقررت انها تقول لكل الناس وكل الشارع انها حامل.
[14:06]وبدات بكل مكر تكبر في بطنها يوم ورا الثاني عن طريق انها تحشيها قطن في نفس الوقت برده اللي هي كانت متفقه مع ممرضه بتشتغل في مستشفى الشطبي انها تخطف لها ولد من هناك.
[14:20]والمشكله بقى ان الكاميرات ما كانتش منتشره بشكل كبير في المستشفى ده غير ان المستشفى دي كمان كانت مستشفى عام والحركه فيها كانت كتير جدا طول اليوم فكان وارد فعلا ساعتها الخطف.
[14:31]وكان كمان اصلا منتشر جدا المهم ان عزيزه دلوقتي بقى قايله لكل الناس ان هي حامل وفي انتظار البيبي اللي هينور حياتها.
[14:40]ويوم ورا الثاني عزيزه فعلا بطنها بتكبر وحركتها كمان بتتقل شوفوا حتى حركتها كانت واخده بالها منها ومركزه في كل التفاصيل.
[14:50]وخلاص بقى حان الان موعد الولاده وتروح عزيزه على المستشفى عشان تقابل الممرضه اللي هي متفقه معاها انها تخطف لها الطفل.
[14:58]لكن عزيزه تتفاجئ فجاه ان الممرضه اللي هي متفقه معاها دي اتفصلت من المستشفى وهنا بقى عزيزه قررت انها تتصرف بسرعه.
[15:07]ما هي ايه يعني هتفضل طول العمر حام فقررت ان هي اللي تخطف الطفل بنفسها من المستشفى وتروح عزيزه بنفسها على مستشفى الشطبي وهي لابسه لبس ممرضه.
[15:17]وتدخل لواحده لسه والده الاوضه اللي هي كانت قاعده فيها وبما ان الامن والدنيا ساعتها ما كانوش بالكفاءه الكافيه والناس كمان نفسها ما كانتش بتخون بعضها قوي كده.
[15:28]فعزيزه اقنعت الست دي ان هي ممرضه وان هي دلوقتي جايه تاخد الطفل ده عشان تعمل له الاجراءات المطلوبه.
[15:36]والست طبعا اقتنعت ما هي الست عزيزه بقى قدامها دلوقتي لابسه لبس ممرضه وتسلمها كمان الطفل بمنتهى البساطه وفي لمح البصر.
[15:44]عزيزه كانت واخده الطفل وطالعه بره المستشفى كلها اصلا وتقول للكل انها ولدت وان الدا كمان لسه يا دوب نازله من عندها من البيت.
[15:53]وثاني يوم ياخدوا الطفل ويروحوا يسجلوه في السجل المدني باسم اسلام وتروح عزيزه بالطفل وتعمل له كمان سبوع كبير جدا.
[16:02]وطبعا الكل كان فرحان بعزيزه وهي نفسها برده الفرحه ما كانتش سايعاها ما هي دلوقتي حالا بقى اثبتت للكل ان هي ما عندهاش اي مشكله وانها بتخلف عادي.
[16:12]وبقت حاسه خلاص ان هي اخيرا عملت اللي هي عايزاه وتمشي حياه عزيزه وجوزها كويس جدا وربنا كمان يكرمهم والحاله الماديه بتاعتهم تتحسن اكتر واكتر.
[16:24]ولكن يكبر اسلام ويبتدي الذن تاني على دماغ عزيزه وبدا الكل يسالها ها يا عزيزه مش هتخوي ابنك بقى اسلام ولا ايه.
[16:34]مش هتجيبي له اخ ولا اخت كده فهنا تبتدي عزيزه تخاف ان اللي هي عملته اول مره يتكشف ما هو المفروض ان اللي خلف اولاني يعرف يخلف تاني.
[16:44]فترر عزيزه وبكل جحود انها تكرر العامله السوداء اللي هي عملتها اول مره.
[16:51]وفعلا لثاني مره تقول لكل الناس انها حامل ولثاني مره تمثل عزيزه برده قصه الحمل اللي هي عملته ده كله.
[17:00]ولثاني مره برده عزيزه تخطف طفل والمره دي بقى عزيزه تروح لواحده بسيطه بتشتغل في السوق تشوفها عزيزه انها قاعده في السوق ومعاها توام.
[17:10]وابتدت عزيزه بمنتهى الحب والحنان تقرب منها وتقول لها ان هي صعبانه عليها جدا وان هي عايزه تساعدها لانها شايفه ان طفلين كتير جدا عليها.
[17:19]وتقول لها بقى عشان تطمنها ان هي موظفه من الشؤون الاجتماعيه وان الشؤون الاجتماعيه بتدي الامهات اللي احوالهم على القد اعانه من الدوله.
[17:29]بس على شرط لازم اشوف بيتك الاول وطبعا الست تفرح جدا وتوافق وتاخدها معاها للبيت وعزيزه تشوف البيت وتطمن على الاوضاع وتتقص كده وتعرف كل حاجه.
[17:40]وتسيبها وتمشي وترجع لها بعد كام يوم والمره دي بقى رجعت لها وهي معاها فلوس وجايبه لها كمان شويه حاجات للبيت وطبعا بقى الست كانت فرحانه بيها جدا.
[17:51]واثقه فيها كمان تمام الثقه ودخلتها البيت وسابت لها ابنها كمان ودخلت عشان تعمل لها شاي وفي دقائق عزيزه كانت فصل ملح ودهان وهربت بالطفل على طول زي المره اللي قبلها.
[18:03]بس المره دي بقى عزيزه تقول لكل الناس ان هي ولدت عادي جدا في المستشفى بس المستشفى ما سلمتهاش اي ورقه للولاده.
[18:10]وده لان اللي دخلتها المستشفى هي صاحبه ليها وبرده سهلت لها الولاده وما خلتهاش تدفع اي حاجه فما اتسجلتش عزيزه على كشوفات المستشفى.
[18:20]وعادي جدا الموضوع كان بمنتهى السلاسل وثاني يوم على طول عزيزه وسعيد اخذوا البيبي وسجلوه باسم هشام ودلوقتي بقى عزيزه بقت في منتهى السعاده.
[18:30]مع طفلين وتقدر تخرص لسان اي حد وفعلا الوقت يمر وتقرر عزيزه انها خلاص ما بقتش قادره تقعد في اسكندريه تاني.
[18:39]وقررت انها تنقل حياتها كلها للعريش ما كانش فيه سبب منطقي قوي زي ما قلت لكم للنقله دي او يمكن بقى عزيزه كانت عايزه تبعد عن المكان اللي حصل فيه كل الاحداث دي.
[18:50]او برده يمكن عشان كانت عايزه ان الوشوش ما تتقابلش مع اي حد كده ولا كده لكن على كل حال عزيزه وجوزها سعيد قرروا ان هم يبيعوا البيت اللي هم كانوا عايشين فيه لست اللي اسمها الست شمعه.
[19:03]ونقلوا على العريش واستقروا هناك واحوالهم كمان كانت احسن بكتير وبدا اسلام وهشام يعيشوا كويس جدا ويخشوا كمان مدارس.
[19:12]ولكن عزيزه بقى ما تفهموش ليه قررت ان الموضوع حلو قوي ليه بقى ما بقاش عندي طفل ثالث كمان.
[19:18]وفعلا تعمل الخطه هي هي عملت نفسها حامل ركبت البطن القطن بنفس التفاصيل وقرب كمان ميعاد الولاده فتخش مستشفى عام في العريش.
[19:30]والمره دي بقى وهي لابسه لبس تمريض وتروح عزيزه لام قاعده بابنها مستنيه عشان تخش الكشف عشان تطمن عليه لانه لسه مولود.
[19:44]وعزيزه لانها ملاك الرحمه اللي لابسه دلوقتي لبس ممرضه تاخد منها الولد وتقول لها ان هي هتسهل عليها كل الاجراءات.
[19:50]وهتعمل لها كمان كل الفحوصات وتبتدي تلف بيه على كل اوضه الدكاتره بتساعد الام بقى بدل ما هي اللي تتبهدل وتفضل رايحه جايه.
[19:57]وبعدين عزيزه بقى تقول لها خليكي هنا ما تتحركيش من مكانك انا هطلع الدور اللي فوق عشان اخلي باقي الدكاتره يبصوا على الولد.
[20:05]والام توافق وطبعا عزيزه تاخد الولد وتطلع بيه على طول على البيت بتاعهم وطبق الاصل السيناريو اللي حصل مرتين قبل كده.
[20:14]تقول برده عزيزه ان هي ولدت في البيت وان الدايا مشيت على طول وتاخد جوزها سعيد على طول ويطلع على السجل ويسجلوا الولد المره دي باسم محمد.
[20:24]الفكره بقى ان عزيزه وهي عماله بتحكي كل الكلام ده ما كانش فيه ولا اي ذره ندم بالعكس بقى كانت بتاكد ان هي كانت بتعامل الاولاد دول حلو جدا.
[20:34]وبتعاملهم بالظبط زي اولادها ولولا بقى ان الست شمعه دي هي اللي راحت وبلغت عليها ما كانتش هتتكشف ولا في اي حد هيعرف عنها اي حاجه.
[20:43]هنا بقى يحضرنا سؤال مهم جدا هو ايه موقف الزوج بقى في كل اللي كان عمال بيحصل ده لو عزيزه عندها استعداد عادي جدا انها تخطف ثلاث اولاد.
[20:51]طب هو ازاي موافق؟ طب برده لو سعيد ده ما يعرفش هو فاكر يعني انها بتجيب العيال دي كلها منين؟ ما هو مش منطقي الموضوع برده.
[21:00]والناس برده اللي سمعت القضيه دي كلها كان عندها نفس التعليق بس سعيد قال ان هو فعلا ما كانش عارف حاجه وانها ضحكت عليه.
[21:09]وان صدم كمان جدا لما عرف ان هي اللي مش بتخلف وان هي كذبت عليه طول السنين دي واوهمته ان هو اللي عنده المشكله.
[21:15]لكن الحقيقه تقال بقى ان الست عزيزه كانت اصيله جدا مع سعيد جوزها لانها ما جابتش سيرته بعد كده في اي حاجه او بمعنى اصح ما اعترفتش عليه.
[21:26]وبعد ما عرفنا بقى كل القصه بتاعت عزيزه دي وخطها للثلاث اطفال دول تتحول للمحاكم ويتحكم عليها بسبع سنين سجن.
[21:33]والقصه بتاعتها تتعرض وتملا الجرايد وتنتشر في كل حته ومحمد امه اخذته وهشام كمان امه اتعرفت عليه واخذته.
[21:42]لكن اسلام اللي هو المفروض الطفل الاول لعزيزه كان الفصل الثاني من القصه الفصل اللي بيثبت وبيياكد ان عزيزه كانت ابشع انسان ممكن اي حد يتصور.
[21:54]اسلام كان الوحيد اللي ما فيش اي حد اتعرف عليه والمشكله ان عزيزه كانت رافضه رفض تام انها تقول له هو مين اهله او تقول لاي حد تاني.
[22:04]ناس كتير جدا حاولت معاها لكن هي كانت مصممه ان هو ابنها لحد ما جه واحد وقال ان اسلام ده ابنه وعزيزه فجاه اتغير رايها وتقول اه.
[22:14]هو ده فعلا ابوه وفعلا الراجل ده ياخد اسلام ويبان بقى ان الموضوع يتقفل على كده لكن المشكله والغريب اللي حصل ان بعد ما يعدي 20 سنه فجاه يتفتح الموضوع تاني.
[22:23]ويظهر اسلام مره ثانيه ويقول ان هو اكتشف ان الاسره اللي ربته وكبرته لحد ما خلص تعليمه واتجوز وخلف كمان طلعت برده الاسره دي مش اسرته.
[22:35]وقال اسلام وقتها ان هو من ساعه ما روح البيت مع الراجل ده وهو حاسس ان هو مش ابوه وان الست اللي هي المفروض انها تكون امه كانت بتعامله معامله وحشه جدا.
[22:48]وتقول الوقت بتقول ان هو مش ابنها وانه مؤخرا بعد ما اتجوز وخلف كمان سمعها بالصدفه بتطلب من الراجل اللي هو مفروض ان هو ابوه انه يطرد اسلام تماما من حياته.
[23:00]خصوصا بعد ما الراجل اللي هو المفروض ابوه ده قال الست اللي هي المفروض تكون امه ان هو عايز يكتب اسم اسلام في الورث فمراته قالت له انت عارف كويس قوي ان اسلام ده مش ابننا وكفايه قوي بقى لحد كده.
[23:10]ولما سمع اسلام كل الكلام ده وبما انه عارف بقى كل القصه من الاول ومن الاول كمان خالص طبعا كان عايش مع عزيزه وعارف كل اللي حصل.
[23:20]قرر اسلام ان هو يروح يعمل تحليل دي ان ايه عشان يتاكد بقى من كل الكلام اللي بيتقال ويطلع فعلا اسلام مش ابنهم بعد 20 سنه برده عايش في كدبه.
[23:30]اسلام انهار طبعا من اول لحظه في حياته وهو كل شويه يكتشف ان هو طول عمره عايش في كدبه وايه اسوا كدبه بقى من ان هو يكون اصلا مش عارف نسبه.
[23:41]وبسبب ايه؟ بسبب واحده ست انانيه عشان ربنا قرر ان هو يحرمها بس من نعمه واحده فقررت تسرقها من كل اللي حواليها وحرمته من اهم حاجه في الدنيا دي كلها.
[23:51]العيله والسند والظهر والنسب طبعا واسلام يطلع يدور على اسرته ويحكي تفاصيل الحكايه كلها في برامج كتير جدا.
[24:00]على امل بس ان اي حد يتعرف عليه او حتى ان عزيزه يطلع في الاخر عندها حتى نقطه دم وتقول له هو ابني مين.
[24:08]وعزيزه في الفتره دي كانت مختفيه ويروح يدور عليها في كل حته ولما يلاقيها فعلا يلاقي ان هي عايشه لوحدها ومريضه كمان بسرطان الدم.
[24:18]وقعد يحاول كتير جدا ان هو يقنعها ان هي تقول له هو ابوه مين الا ان برده الست كانت رافضه تماما ومصممه ان هو ابنها هي.
[24:27]فيحاول اسلام ان هو يوصل لبرامج اكتر ويقدر يوصل لبرنامج الاعلاميه منى عراقي ويحكي لها كل الحكايه.
[24:34]ومنى العراقي فعلا قدرت انها توصل لعزيزه وتجيبها كمان قدام كل الناس عشان تتكلم معاها وتسالها سؤال وحيد يا ست انت هو اسلام ده ابن مين.
[24:44]بس عزيزه كانت طول البرنامج لا حياه لمن تنادي كانت صعبه جدا ومراوغه بطريقه ما حدش يتصورها.
[24:52]واللي هيشوف الحلقه دي هيكتشف قد ايه الحلقه دي مرهقه عصبيا ونفسيا وجسديا وكل حاجه مش بس للمذيع دي كمان للمشاهدين.
[25:01]حلقه بجد ترفع الضغط الست مستحيل يتمسك عليها كلمه ومهما المذيعه تحاول معاها تفضل تقول اسلام ابننا.
[25:10]يا ست انت عملتي تحاليل وطلع مش ابنك فترد ردود ما لهاش اي علاقه خالص بالمنطق والحلقه تخلص وتبتدي كمان تيجي اتصالات كتير جدا للمذيعه.
[25:18]واسر كتير جدا اتصلت وقالت ان اسلام ممكن يكون ابنهم ويبتدي اسلام يروح ويلف عشان يعمل تحاليل دي ان ايه لكل الاسر اللي اتصلوا بيهم دول.
[25:30]لكن برده من غير اي نتيجه حقيقيه ما فيش اي حد خالص طلع اهله ووصل عدد التحاليل الدي ان ايه اللي هو عملها ل 50 تحليل.
[25:38]اسلام في المرحله دي ما كانش عارف يعمل ايه اكتر من كده يعمل لها ايه عشان بس يخليها تتكلم هي ليه لحد اخر لحظه بتسلبه اقل حق هي ممكن تديه له.
[25:47]فاسلام يقرر ان ما فيش اي حل غير ان هو يروح لاهل عزيزه ويتحايل عليهم ان هم يجوا يتكلموا معاها يمكن يقدروا يقنعوها ولا يعملوا اي حاجه.
[25:59]بس برده في نفس الوقت رغم كل البهدله والحاله الصعبه جدا اللي هي عايشهها له صعبه عليه برده لانها مريضه بالسرطان.
[26:06]واخذها عشان تعيش معاه في نفس البيت وفتحها اسلام في الموضوع ويقول لها ان هو خارج دلوقتي وسايب لها البيت ورايح عشان يجيب لها اهلها.
[26:15]عشان يكلموها ويضغطوا عليها عشان تقول له هو مين ابوه لكن هنا بقى عزيزه فضلت تسرخ وتصوت وتقول له اهلي فقرر اسلام ان هو ينزل ويسيبها في البيت.
[26:26]ويروح المفروض دلوقتي عشان يجيب اهلها لكن قبل ما اسلام يوصل حتى لتحت كانت عزيزه رمت نفسها من البلكونه.
[26:34]ورغم برده ان هي كانت بتموت خلاص الا ان اسلام برده فضل يحاول معاها لحد اخر نفس وفضل برده يتحايل عليها انها تقول له اي معلومه.
[26:45]اي معلومه يا ست انت قبل ما تموتي لكن برده ما فيش فايده شوفوا لحد اخر نفس برده مصممه انها تعذبه وبرده ما تريحوش وتقول له هو ابن مين.
[26:54]وتموت عزيزه والمصيبه ان يتقبض على اسلام كمتهم ان هو اللي قتلها لكن ستر ربنا ان الطب الشرعي وشهاده الناس كمان براقته.
[27:04]وناس راحت الاسم وشهدت كمان معاها ان عزيزه وهي بترمي نفسها من البلكونه قالت للعيال اللي بيلعبوا في الشارع ابعد كده على جنب يا ابني عشان انا هرمي نفسي دلوقتي وراحت راميه نفسها.
[27:14]بصراحه يعني الست دي ترفع الضغط على الاخر المهم ان فضلت رحله البحث عن اهل اسلام مكمله.
[27:21]ومن اكتر المرات اللي اتعشم فيها اسلام والمذيعه كمان منى عراقي اللي كانت متبنيه جدا قضيته دي ان هم في مره فكروا ان هم لو اهل فعلا.
[27:32]وفي المره دي اتصلت اسره من اسكندريه والام قالت انها ام ولده توام ودولها واحد في المستشفى والثاني قالوا لها ان هو مات.
[27:40]وهي برده كانت والده في نفس المستشفى في نفس الفتره برده اللي هي مستشفى الشطبي وكانت شاكه ان اسلام هو ابنها وابنها الثاني التوام ده فعلا كان نسخه من اسلام.
[27:50]ويروح اسلام ويعمل تحليل دي ان ايه وهو متعشم برده ان هو لقى عيلته لكن برده يطلعوا مش عيلته والقضيه بقى زي ما انتم شايفين كده بالظبط مش جديده خلاص.
[28:00]لكن اللي فتحها للمره الثانيه هي الدراما الرمضانيه السنه دي اللي قرروا برده زي ما قلت لكم في الفيديو اللي فات ان هم يحكوا كل الحكايات في المسلسلات من قلب الواقع.
[28:11]ومسلسل حكايه نرجس هو اللي فتح القضيه دي من تاني والحقيقه ان فعلا المسلسل جايب كتير جدا من القصه الحقيقيه ومعمول كمان حلو قوي.
[28:21]من اول جواز نرجس الاول والثاني وضحكها برده على عوني جوزها وخطفها للاطفال وكل حاجه تقريبا اما بقى بالنسبه لقضيه عزيزه فهي تعتبر اصلا خلاص خلصت.
[28:32]خصوصا كمان ان عزيزه ميته بقها سنين كتير الا ان المؤلم جدا برده لحد دلوقتي في القضيه دي اننا برده لسه لحد دلوقتي ولحد اللحظه دي ورغم السنين الكتير اللي عدت.
[28:46]لسه برده مش متاكدين هل اسلام لاهل الحقيقيين ولا برده لا ونسيت اقول لكم كمان ان المصيبه الكبيره اكتشفت الشرطه برده ان عزيزه ما خطفتش الثلاث اطفال دول.
[28:56]لا بقى الست ما شاء الله عليها كانت ست محترفه فوقت القبض على عزيزه اتقدم ضدها 22 بلاغ بخطف 22 طفل او اكثر كمان والله اعلم بقى الاطفال دي فين.
[29:07]بس من الواضح ان هي كانت بتبيعهم لاسر ثانيه وبس كده يكون خلص فيديو النهارده وتكون كمان خلصت عزيزه على كل الجهد اللي عندي.
[29:15]فما تنسوش بقى ان انتم تعملوا دلوقتي لايك للفيديو واشتراك في القناه لو لسه ما اشتركتوش واستنوني ان شاء الله في الفيديو اللي جاي.
