[0:00]ناس كتير خسرت شغلها خلال الفتره الاخيره وبتفكر دلوقتي تستخدم مدخراتها في فتح مشروع تعيش منه وناس اكتر زقت من الشغل عند الناس. وعاوزه تفتح مشروع لحسابها وده طبعا غير اللي رجع من الغربه وبيفكر يحط تحويشه عمره في مشروع يغنيه عن السفر تاني. وفي الحقيقه فكره امتلاك مشروع خاص هي حلم ناس كتير لكن خلينا الاول نسال الاسئله المهمه. لو في دماغك مشروع معين فليه المشروع ده بالتحديد؟ ليه مش مشروع تاني؟ وايه اللي يضمن لك انك اول ما تفتحه الناس هتجري عليك وتشتري منك انت مش من غيرك؟ والاهم من كل ده بقى هل الحوار ده هيجيب همه في الاخر؟ ولا اللي جاي اقل من اللي رايح؟ فتخلي فلوسك في جيبك احسن طب نقدر نحدد ده ازاي بقى؟ ده اللي هنعرفه مع بعض النهارده. انا اشرف ابراهيم وده المخبر الاقتصادي بلس.
[0:50]المستثمر الامريكي الشهير وان بافت له مقوله بيقول فيها ان القاعده الاولى في عالم الاستثمار هي انك ما تخسرش فلوسك. اما القاعده الثانيه فهي انك ما تنساش القاعده الاولى واللي يقصد بافت هو انك كمستثمر ضروري جدا تكون مخاطرك محسوبه وعارف حجم العائد المتوقع من ورا الاستثمار. مهم جدا قبل ما تدخل اي مشروع تكون دارسه كويس ومش معتمد بس على احساسك زي ما ناس كتير بتعمل. لان اللي على المحك هنا مش فلوسك وشقى عمرك بس وانما كمان وقتك ومجهودك. من هنا يجي دور دراسه الجدوى اللي بنعملها عشان نعرف المشروع ده اوله ايه واخره ايه. يعني هيتكلف كام هيعمل ربحيه قد ايه وبعد كام سنه اول حاجه لازم تعرفها هو ان في طرق واساليب مختلفه لعمل دراسه الجدول. الطرق والاساليب دي بتختلف حسب طبيعه المشروع والمجال نفسه. لكن في نقاط رئيسيه تقدر تطبقها على اغلب المشاريع وهنحاول بقدر الامكان نوضحها بلغه السوق مش بلغه الاقتصاديين. لكن قبل ما نكمل كلامنا ضروري جدا تاخدوا بالكم اننا هنتكلم عن المشاريع الصغيره مش الشركات الناشئه اللي هي الستارت ابس. لان في فروق كبيره بين الاثنين. المهم ان اي مشروع في الدنيا دراسه الجدوى بتاعته بتبقى اربع اقسام رئيسيه. الاول بندرس في السوق اللي هندخله والثاني بندرس في الناحيه الفنيه للمشروع. والثالث بندرس فيه الناحيه القانونيه اما الرابع والاخير فبندرس فيه الجدول الماليه للمشروع. خلونا بقى ندخل في الموضوع على طول ونبدا بدراسه السوق ده يمكن اكتر جزء مرهق في دراسه الجدوى ولكنه ضروري جدا. لانك لو عملت زي ناس كتير ودخلت السوق وانت مش عارف عنه حاجه كانك بالظبط دخلت حقل الغام وانت مش عارف مكانها. زي مثلا اللي بيروح يفتح مطعم في اي مكان من غير دراسه جدوى. ويتوقع انه اكيد هيشتغل ومنطقه هو ان الناس مش هتبطل اكل وده صحيح فعلا الناس مش هتبطل اكل. لكن برده الناس مش بتاكل من كل المطاعم خاصه لو كانت عاديه ومكرره ومش كل الناس بتاكل في المطاعم اساسا. الواقع بيقول ان جزء كبير من المطاعم بتفشل وبتقفل من اول سنه. كتير ممكن يستغربوا ويشوفوا ان الكلام صادم ومبالغ فيه لان اغلب المطاعم اللي يعرفوها شغاله كويس ولها زباين. والتصور ده في الحقيقه هو نتاج وقوع كتير مننا في فخ مغالطه منطقيه شهيره اسمها سرفايفر شيب بايص او الانحياز الى الناجين. المغالطه دي بقى بتخلينا مش شايفين قدامنا غير المطاعم الناجحه وده لانها هي اللي كملت. اما الواقع بيقول ان المطاعم الفاشله قفلت واختفت في هدوء من غير ما ننتبه لوجودها اساسا. احنا اه ما شفناش المطاعم دي لكن ده لا ينفي وجودها. بروفيسير نسيم طالب في كتابه خدع بالعشوائيه ليه عباره بليغه جدا بتقول مقبره المطاعم الفاشله صامته جدا. يعني باختصار محدش بيعلن فشله والمطاعم الفاشله بتخرج من السوق في صمت تام. وانا بالمناسبه تعمدت اضرب المثل بالمطاعم لانها من اكتر المشاريع اللي احنا بندخلها بقلب جامد. ونحط فيها شقى عمرنا معتقدين انه سهلو ابعاده معروفه بدون ما نكلف نفسنا نعمل دراسه جدوى بمبلغ صغير حتى. وبعدين نتصدم بالحقيقه المره الا وهي معظم المطاعم بتفشل. نرجع بقى لكلامنا عند دراسه السوق اول حاجه بنبقى عايزين نعرفها هي عدد العملاء المحتملين. يعني عدد الناس اللي ممكن تخرج فلوسها من جيبها وتدفعها في المنتج او الخدمه بتاعتك. كل ما عدد الناس دي كان كبير كل ما كان افضل لان ده معناه ايرادات اكبر للمشروع تخليك قادر انك تغطي مصاريفه في وقت قصير. وتحقق هامش ربح محترم طيب تعرف عدد العملاء المحتملين او حجم السوق بتاعك ازاي؟ ببساطه تنزل المنطقه اللي بتفكر تفتح فيها مشروعك وتبص على المنافسين. وتشوف اعدادهم ومدى الاقبال عليهم وكم واحد بيدخل وفي نفس الوقت تحاول تتعرف على طبيعه الانشطه الاقتصاديه اللي موجوده في نفس المكان. واللي ممكن يكون بعضها مفيد لمشروعك وبعدين تحاول تتعرف اكتر على طبيعه سكان المنطقه ومستواهم المادي وخلفياتهم الاجتماعيه. وبالمناسبه انت مش محتاج توصل لارقام بالغه الدقه انت بس بتجس نبض السوق وبتحاول تقدر بشكل نسبي مدى احتياج او اهتمام الناس هناك للمنتج او الخدمه بتاعتك. وده ممكن تعمله باساليب كتير منها استطلاع رايهم بشكل مباشر او عن طريق الانترنت. وبما ان المنتج او الخدمه بتاعتك مش جديده فغالبا هتلاقي منافسين في السوق اللي انت داخله. واول حاجه المستهلكين هيعملوها بمجرد ما تدخل السوق هي انهم هيقارنوا بينك وبين المنافسين ويشوفوا الافضل لهم. المستهلك ما بيشتريش غير من المكان اللي بيوفر له اكبر قدر من القيمه والمزايا مقابل فلوسه. وبالتالي انت محتاج تعرف الاول هويه المنافسين ووضعهم في السوق يعني مين هم ومين فيهم اكبر من الثاني. وتعرف كمان ايه اللي بيميزهم وعلى هذا الاساس هتعرف تحدد ايه المختلف اللي هتقدمه للعميل. تخليه يتعامل معاك انت مش معاهم وايه الميزه التنافسيه بتاعتك وهنا بقى في نقطه مهمه جدا. راي العميل اهم من رايك الف مره بمعنى انك مثلا تكون مقتنع ان المطعم بتاعك بيعمل افضل برجر في البلد. في حين ان الزباين اللي جربوه بيحلفوا ان ساندوتش الفول له طعم عندهم وعلشان كده ما بيعدوش اصلا من قدام المطر. انت ممكن تكون صح وتفكيرك سابق الناس كلها لكن ده مش مهم ومش هيكسبك فلوس لو العميل شايف غير كده. باختصار مش كفايه ان مشروعك يكون له ميزه معينه الاهم ان الزبون يكون مقتنع بالميزه دي. نيجي بقى لجزء في غايه الحساسيه وهو مدير المشروع. اغلب اللي بيفتحوا مشاريع بفلوسهم بيفكروا اوتوماتيك في ادارتها بنفسهم وده في كتير من الاحيان بيكون نقطه ضعف قاتله للمشروع. المفروض ان هدفك الرئيسي من ورا اي مشروع هو انك تكسب فلوس. بالتالي مش مسموح ان اي شيء يحول دون تحقيق الهدف ده حتى لو كان انت شخصيا. المدير اللي المشروع بيحتاجه ضروري يكون بيتميز بصفات معينه زي مثلا صانع قرار حاسم قادر على تحمل المسؤوليه. صاحب خبره في المجال بيمتلك القدره على اداره طاقم العمل لو الصفات دي عندك توكل على الله ودير المشروع بنفسك. ولو مش موجوده فدور ببساطه على اللي بيمتلكها وسلمه اداره المشروع وما تعرض راس مالك للخطر لمجرد رغبتك في الالتصاق بالمشروع. ده كان ملخص سريع حاولنا من خلاله ولو بشكل بسيط نوضح اهميه دراسه الجدول. بالتوفيق للكل في مشاريعهم الحاليه والمستقبليه في النهايه يا ريت لو عجبتك الحلقه تعمل اشتراك في القناه وما تنساش تعمل اعجاب وتشاركها مع اصحابك. السلام عليكم.
