[0:03]معذور لك ان تدافع عن نفسك بغير عدوان، ليس هناك شيء نستحي منه في ديننا، نحن اخترنا الجهاد، احنا امه الجهاد
[0:14]دعاه الاسلام وبشكل واضح ينقسمون الى ثلاث فرق، المسالم جدا، المعتدل، والمتعصب. الغريب انهم كلهم اصحاب حجه، وكلهم قادر على الايتاء بادله من القران، والاثر الاسلامي لتبرير مواقفهم المختلفه. وتبريراتها ليست الايات نفسها مع تفسيرات مختلفه، لا ايات مختلفه لتبرير مواقفهم المختلفه. كيف ممكن هذا الشيء يصير مع انهم على اتفاق انه الاله واحد والرسول واحد والكتاب واحد؟ الاجابه اتضح ان سهله جدا، مثل ما الكتاب المقدس له العهد القديم والجديد، القران ينقسم لثلاث عهود. واختلاف الايات بين تلك العهود هو ليس فقط بالاحكام والتشريعات، لا وبل بالصياغه اللغويه لتلك الايات ايضا. الموضوع واضح جدا، لكن يحتاج بعض الترتيب. خلونا نبلش.
[1:06]في المرحله الاولى من الاسلام، دعا محمد 13 سنه بمكه ولم يجب. استجاب له عدد ضئيل جدا من الناس وهي المعلومه كانت صدمه بالنسبه لي اول مره سمعتها. لانه حسب ما علمونا بالجوامع والمدارس، انه محمد اتى اهل قريش بالمعجزات البينات، وبطريقه حسنه للدعوه. فغريب انه 13 سنه ما يستجب له غير عدد ضئيل جدا من الناس. لحتى بلشت اقرا الايات المكيه والسياق التاريخي تبعهم من المراجع الاسلاميه. واكتشفت انه اهل قريش كان عندهم سبب اكثر من كافي لعدم اتباع محمد، وحتى العدد البسيط من الناس اللي اتبعوه غريب كيف اتبعوه اصلا. الايات في تلك الفتره لا نجد فيها القتل والقتال والسبي والنكاح وملك اليمين والى اخره. الايات بتلك الفتره تتمحور على ثلاث محاور: ايات الحب والسلام، اساطير الاولين، وشتم والوعيد لمن لا يؤمن. خلونا نقرا واحده من الايات التي اعجزت اقحاح وشعراء العرب على ان ياتوا بمثلها. قل يا ايها الكافرون لا اعبد ما تعبدون ولا انتم عابدون ما اعبد، ولا انا عابد ما عبدتم ولا انتم عابدون ما اعبد لكم دينكم ولي دين. يعني انا لست بليغ باللغه العربيه ولا اي شيء، لكن اعتقد انه الصوره كلها يمكن اختصارها بايتين: قل يا ايها الكافرون، لكم دينكم وليدي. والله اعلم. وبغض النظر عن كونها تصفهم بالكفار، معنى الايات جميل جدا وبيدعو بشكل واضح لتسامح بين الاديان. بنقرا ايه اخرى اللي انا بعتبرها من اجمل ايات القران لكن للاسف تم نسخها والغائها مستقبلا. اللي بتقول: ان الذين امنوا والذين هادوا والنصارى والصابئين ومن امن بالله واليوم الاخر ومن عمل عملا صالحا فلهم اجر عند ربهم ولا خوف عليهم ولا هم يحزنون. والايه الشهيره اللي بتقول: لا اكراه في الدين، كمان واضح معناها، لا يجب علينا اكراه او اجبار اي احد على دخول الاسلام. وبهذه الايات دعا محمد لدينه في تلك المرحله. والغريب ما كان يحصل للذين يدعوهم ولا يؤمنون، كانوا يتعرضوا للشتم والاهانه والوعيد بالنار والعذاب. مره ثانيه رح نغطي على الموضوع بالتفصيل بالحلقه القادمه. واستمر محمد على هذا لمده 13 سنه. وبيوم من الايام بعد 13 سنه اجتمع اهل قريش بليله ما فيها ضوء قمر وقرروا يلاقوا حل لمحمد. وهذا الحل ما كان قتل او قتال محمد الحل كان على النحو الاتي. بيقول لنا ابن عباس بعد ما اجتمعوا قاده قريش ودعوا محمد اتى محمد فقالوا: يا محمد انا قد بعثنا اليك لنعذر فيك، وان والله ما نعلم رجل من العرب ادخل على قومه ما ادخلت على قومك. يعني يتمنى انه كان يجيب لهم شعرهم.
[3:32]لقد شتمت الاباء وعبت الدين وسفهت الاحلام وشتمت الالهه وفرقت الجماعه، فما بقي من امر قبيح الا وقد جئته فيما بيننا وبينك. وبيعرضوا عليه شو ما بده، مال وجاه واموال وسلطان وقوه، شو ما بده بيعطوه بس لحتى يوقف عن شتم الالهه والاباء والاجداد والى اخره. ومحمد كما هو معروف رفض العرض، واهل قريش هون بعد مده 13 سنه من الشتم والاهانات والمشاكل ما قدروا يتحملوا 13 سنه ثانيات. فقرروا انهم يصيروا يضطهدوا المسلمين، وحتى في اوقات معينه كانوا عم يعذبوهم بطريقه وحشيه. اهل المدينه اللي هن اليهود والنصارى كما يصفوهم، يهود ومسيحيين واديان اخرى ايضا، سمعوا بجماعه اسمهم المسلمين. وهذول جماعه اقليه وعم يتم اضطهادهم بس بسبب ايمانهم بدين مختلف بمكه. فارسلوا لمحمد ان اتي الينا يا محمد وسكون بيناتنا وعيش بيناتنا وصر من اهل المدينه انت ايضا وانشر الدين تبعك بسلام وما حدا بيحاكيك وزي العسل. فحصلت الهجره الشهيره، وهاجر محمد مع المسلمين من مكه للمدينه. فمن بعد ما استقر محمد والمسلمين في المدينه، ونعموا بالحريه والامان هناك، اصبحت الدعوه للاسلام اسهل من قبل، وازداد عدد المسلمين، وبدات الايات بالتغير. الايات القرانيه بالمرحله الثانيه تتمحور حول شيئين: التحريض والدفاع. لما محمد استقر بالمدينه وبلش ينشر دينه بنجاح، بدل ما يستمر بحياه سعيده، بلش يحرض على اهل قريش. الايه اللي بتقول: اذن للذين يقاتلون بانهم ظلموا وان الله على نصرهم لقدير. المسلمين اللي تم طردهم من مكه هلا اتى الاذن بان يقاتلوا، لاحظوا كيف اختفت الايات تبع الوعيد. اختفت الايات تبع: تبت ايديكم ونساؤكم حمالات الحطب وستصلون صقر، ما عاد في وعيد. هلا صار في عندنا قوه كافيه ان نقتل، فاتى الاذن بالقتال، وان الله على نصرنا لقدير. السبب انه الذين اخرجوا من ديارهم بغير حق الا ان يقولوا ربنا الله. فانتم طلعتونا من بيوتنا بس لانه نحن عم نقول ربنا الله، هذا هو السبب انه اتى اذن القتال. كاتب الايه نسي يشرح لنا انه 13 سنه محمد عم يشتم اباؤهم واجدادهم والهتهم واديانهم ويفرق جمعهم ويسفه احلامهم مو مشكله نسي هي القصه. وبسبب هي الايه محمد واتباعه بلشوا يقطعوا الطريق على قوافل قريش التجاريه ويسرقوها بما فيها. قبل معركه بدر، تعلمون ان ابا سفيان كان قادما بقافلته من الشام، فاخبروا النبي صلى الله عليه واله وسلم. الصحابه يا رسول الله في قافله جايه من الشام متوجهه الى مكه، فامر النبي صلى الله عليه وسلم اصحابه بالخروج اليها، قال: لعل الله ان ينفلكم اياها. قريش او اهل مكه كانوا يعتمدوا على التجاره بشكل اساسي في المدخول تبعهم، ومو بس قاده قريش او الاغنياء حتى الفقراء كانوا يحطوا بعض الاموال على ان تعود لهم بشيء ما. على كل حال محمد واتباعه قطعوا الطريق وسرقوا قوافل حسب الروايات ما يقارب ست او سبع مرات، ولا مره اهل مكه علقوا على الموضوع ابدا ولا عملوا اي شيء. ولكن المشكله حصلت باخر مره مسلمين بيقطعوا فيها الطريق على القوافل، لانه لم يكتفوا فقط بسرقه محتوى القوافل وانما قتلوا شخصا بريئا، وجن جنون الجزيره العربيه. لانه الفتره اللي عمل فيها هي الجريمه محمد واتباعه كانت تسمى بالشهر الحرام، وهذا الشهر هو نوع من انواع الاتفاقيات الدوليه بهذاك الوقت انه ما حدا بيسرق من حدا، ما حدا بيقتل حدا، ما بنعمل حروب ولا اي مشاكل. ولكن محمد صدم العرب كلهم وكسر قواعد هذا الشهر الحرام، ولما سالوه يا محمد كيف تعمل هذا الشيء؟ اجت الايه اللي بتقول: يسالونك عن الشهر الحرام قتال فيه، قل قتال فيه كبير، ولكن صد عن سبيل الله وكفر به والمسجد الحرام واخراج اهله منه اكبر عند الله والفتنه اكبر من القتل. يعني الله ما عنده مشكله بالقتل، المشكله الاكبر هي الفتنه. الى حكيم، فلما اهل قريش سمعوا هذا الكلام وشافوا انه محمد عم يبرر جرائم بشهر لا يجب ان يكون به جرائم، عرفوا انه هذا الشخص لن يتوقف عما هو عليه. فبالقافله الاتيه اخرجوا معهم حرس كامل مسلح لحتى يدافع عن اموال اهل مكه، واللي حصل انه المسلمين هجموا على القافله وقتلوا الحراس واسروا الابرياء، وسموها معركه بدر، وصارت اول انتصار باول معركه بالتاريخ الاسلامي اللي هي معركه بدر. وهي ليست معركه اصلا من الاساس، لاحظوا كيف اول معركه انتصر فيها المسلمين هي عباره عن ناس عم يحاولوا يحموا اموالهم من المسلمين اللي عم يقطعوا لهم طريقهم. وبسبب هذه الاعمال اصبح لمحمد مال وقوه، واعلن عندها محمد الاسلام على انه الان اصبح دين دفاعي. الايه اللي بتقول: وقاتلوا في سبيل الله الذين يقاتلونكم ولا تعتدوا ان الله لا يحب المعتدين. الان اصبحنا دين دفاعي، نحن ما بنعتدي على حدا لانه الله ما بحب اللي بيعتدوا، لكن اللي بيعتدوا علينا اذن لنا ان نقتلهم. هي الايه اللي بيستخدموها الدعاه بوقتنا الحالي لاثبات انه الاسلام هو دين دفاعي فقط، لانه الله امرنا ان لا نعتدي، لانه لا يحب المعتدين. وهذا ما يسمى بجهاد الدفاع، انه اذن الان للمسلمين ان يدافعوا عن انفسهم، ما عاد في داعي لايات الوعيد والعذاب الاخره، لا هلا صار في عندنا قوه وصار في عندنا سلاح وصار لازم ندافع عن انفسنا. واي حدا بحق له يدافع عن نفسه، لكن من دون تحريض ومو بهي الطريقه، وخاصه الايه لما بتقول: قاتلوا الذين يقاتلونكم ولا تعتدوا. الذين يقاتلونكم تبدو على ان تعني الناس اللي يقاتلونكم بالسيف، من اتى عليكم بحرب او بسيف. لكن محمد كان عنده استيعاب خاص لكلمه يقاتلونكم، على سبيل المثال اذا حدا كتب قصيده تنتقد محمد هذا يعتبر قتال وطعن بالدين. والناس نفسهم اهل المدينه اللي عملوا معاهده مع محمد لكن غيروا رايهم لما شافوا انه عنده قطع طريق وعنده اجرام وعنده قتل والى اخره. هذول الناس اذا قرروا يغيروا رايهم بدعم محمد هذا يعتبر ايضا قتال وطعن بالدين حتى ولو لم يهاجروا، وهذا ما حصل فعلا في تلك الفتره. محمد امر باغتيال الشعراء، اي حدا بيكتب قصيده ما بتعجبه يتم اغتياله، وحتى سمع انه في بعض القرى اليهوديه، سمع فقط انهم غير معجبين باعماله. ما في اي سبب ثاني غير هيك، بيروحوا بيعمل اباده جماعيه لاثنين بنو قينقاع وبنو النضير، اشياء اللي ما تعلمناها لا بالمدرسه ولا بالجوامع. ومن بعدهم بنو قريظه، لكن اللي بنو قريظه روايه اخرى. مهم هي الاحكام بتيجي من الايه اللي بتقول: وان نكثوا ايمانهم من بعد عهدهم وطعنوا في دينكم فقاتلوا ائمه الكفر انهم لا ايمان لهم لعلهم ينتهون. الناس اللي جابونا لعندهم على المدينه وامنا لنا وعملوا معنا معاهده سلام اذا شافونا عم نقطع طريق وعم نعمل اجرام وقتل وكذا والى اخره وغيروا رايهم هؤلاء ائمه الكفر يقتلون. والناس الذين يطعنون في دينكم، كتابه شعر انتقاد الرسول الى اخره، ايضا يقتلون، لانهم لا ايمان لهم لعلهم ينتهون. طبعا لما بيموتوا رح ينتهوا عن الكفر اكيد ماتوا، لكن في موتهم موعظه لاهل المدينه، اي حدا عم بيفكر يكتب قصيده او ينتقد محمد او يسحب الدعم عن محمد بيعرف النهايه تبعه. وفعلا دب الرعب في قلوب اهل المدينه، وبلشوا يشوفوا حرياتهم وحقوقهم عم تختفي وتتلاشى مع ازدياد قوه محمد والمسلمين. فهذه المرحله يمكن اختصارها بان الاسلام تغير والايات تغيرت مع اكتساب محمد بعض المال والسلاح.
[10:30]عندما اصبح محمد قادر ومؤهل للسيطره على المدينه، بدات الايات مره اخرى بالتغير. ولكن التغير هذه المره لم يقتصر فقط على ايات المعامله مع الغير او الجهاد والقتال وانما على الصعيد الشخصي. بدات الايات تبدو وكانها مصممه لخدمه محمد بشكل شخصي، اكثر من مسلمين ذلك الوقت او مسلمين المستقبل. على سبيل المثال، الايه اللي بتتكلم عن توزيع الغنائم بين المسلمين من بعد قطع الطريق او السرقه او الاغاره على المدن الاخرى. بتقول: ما افاء الله على رسوله من اهل القرى فلله وللرسول ولذي القربى واليتامى والمساكين وابن السبيل. فواضح التوزيع لمين؟ كل المسلمين توزع لهم حصه من الغنائم، والرسول واحد من هؤلاء المسلمين وحصته مثله مثل اي مسلم اخر. ولكن مع الوقت على ما يبدو محمد بلش بده مصاري اكثر فغير رايه، ونزلت ايه جديده بتقول: واعلموا انما غنمتم من شيء فان لله خمسه وللرسول ولذي القربى واليتامى والمساكين وابن السبيل. الشيء الوحيد اللي اختلف بهذه الايه التي اتت ناسخه للتي قبلها: لله خمسه وللرسول. صار في عندنا نسبه معينه، رقم معين من الغنائم بتروح لله وللرسول. وطبعا الله، يعني الله بهذا السياق هو الشريك الوهمي اللي ما بياخذ حصه اصلا. فمعنى الايه خمس الغنائم للرسول. الرسول كان مليونير. مليونير، الناس بتقول لك طب هو كان بيشتغل ايه؟ بياخذ الخمس في الغنائم. وفي امثله كثير عن هذا النوع من الايات وخاصه بامور النساء والنكاح والى اخره، حاتكلم عنهم بشكل مفصل اكثر بفيديوهات لاحقه. لكن خلونا نركز على الايات اللي فيها معامله الغير والقتال والجهاد، لانه هي الايات اللي تغيرت بشكل واضح بالمرحله الاخيره. هي المرحله ابتداها محمد بايه واضحه وحديث واضح. الايه اللي بتقول: فلا تهنوا وتدعوا للسلم وانتم الاعلون. يا ايها المسلمون انتم الان الاعلون، انتم اصبحتم الاقوى، ولما انتم بتكونوا الاقوى ما في وقت للهون والسلام. نحن بنعمل سلام فقط لما بنكون ضعفاء، لكن لما بنصير الاقوى او الاعلون، ما عاد في وقت للهون والسلام. والحديث الصحيح في صحيح مسلم بيقول: لاخرجن اليهود والنصارى من جزيره العرب حتى لا ادع الا مسلما. انتم تخيلوا معي اهل المدينه اللي جابوا محمد لحتى يحموه، لانه هو كان مضطهد دينيا. هو نفسه اللي عم بيقول هذا الكلام حاليا، هو نفسه اللي عم يضطهدهم دينيا للاخرين. بدي اطلعكم من الجزيره وما اخلي غير المسلمين، لانه ما عاد في وقت للهون والسلام. راح المدينه يعمل ايه بقى؟ يريح بقى. يريح بقى في المدينه بقى. نبقى ايه تعبنا كثير اه تعبنا كثير وتعذبنا كثير، احنا بقى المدينه جميله وحلوه وفيها لا ده رايح يبني دوله. وطبعا محمد سيطر على المدينه وطرد اليهود والنصارى والاديان الاخرى اللي هن جابوه لا يحموه، ونزل على مكه وفتحها وسيطر عليها. وابتدا بهذه الفتره شيء يدعى جهاد الطلب، اللي هو ان على المسلمين ان يطلبوا الكفار في ديارهم. نحن ما عاد في داعي لا انه ندعي عليهم، ولا نشتمهم، ولا نعدهم بالنار والعذاب، ولا ندافع عن نفسنا، انتهت ايام قاتلوا الذين يقاتلونكم ولا تعتدوا. هلا صار في شيء اسمه جهاد الطلب، بنروح لعندكم على دياركم وبنقتلكم وبنسب نساءكم وبنسرق اموالكم وبنجبر اهل المدينه على الاسلام. وبكل بساطه المسلمين شرع لهم ان يقاتلوا اي احد فقط لانه غير مسلم، اي دوله، اي جماعه، اي حدا ليسوا مسلمين يجب قتالهم. وهذا الشيء كله بنشوفه واضح باخر سوره او من اواخر الصور اللي نزلت في القران اللي هي سوره براءه او سوره التوبه. ناخذ بعض الامثله منها اللي بتقول: وقاتلوهم حتى لا تكون فتنه ويكون الدين كله لله. يعني يكون الدين الاسلام فقط، انتهت هي الايام تبع لكم دينكم ولي دين او اليهود والنصارى والصابئين ومن عمل عملا صالحا هي كمان انتهت. صار هلا عندنا ومن يبتغ غير الاسلام دينا فلن يقبل منه وهو في الاخره من الخاسرين. ولكن ايه لا اكراه في الدين صدقوا ولا تصدقوا بقت على حالها لواتنا الحالي، لا اكراه في الدين، ولكن هناك بعض الشروط. لا اكراه في الدين حصرا لاهل الكتاب، واهل الكتاب ايضا لهم شروط خاصه لعدم اكراههم على الاسلام. الايه اللي بتقول: قاتلوا الذين لا يؤمنون بالله ولا باليوم الاخر ولا يحرمون ما حرم الله ورسوله ولا يدينون دين الحق من الذين اوتوا الكتاب حتى يعطوا الجزيه عن يد وهم صاغرون.
[14:39]يعني اهل الكتاب لا يجب اكراههم على الدين، ولكن يعرض عليهم الاسلام. اذا اسلموا حسن اسلامهم، وان لم يسلموا سيدفعون الجزيه عن يد وهم صاغرون، يعني هم مزلولين بدهم يدفعوا لنا الجزيه. ويعطيها وهو واقف والاخذ للجزيه قاعد، اهي دي معنا ايه وهم صاغرون، احنا عملنا فيكو جميل وكنا نقدر اموتكو، عملنا فيكو جميل وكنا نقدر نكرهكو على دين، احنا خليناكو على ايه فمتا ايه؟ ايات اخرى من المرحله الثالثه او الاخيره مثل يا ايها الذين امنوا قاتلوا الذين يلونكم من الكفار وليجدوا فيكم غلظه، واعلموا ان الله مع المتقين. الذين يلونكم من الكفار يعني جيرانكم، لما انتم بتكونوا جاهزين اي حدا من جيرانكم من الكفار هذه ارض حرب، ويجب عليكم الهجوم والقتال، لانه واضح ان اله الاسلام احسن شيء بالنسبه له هو الجهاد في سبيله والموت في سبيله. نرى ايات مثل: يا ايها الذين امنوا هل ادلكم على تجاره تنجيكم من عذاب اليم؟ الله عم يسالهم عرض عليكم تجاره جيده، طبعا هي ليست العلم ولا الثقافه ولا تطوير حضارات ولا معامله حسنه ولا قنوات اليوتيوب. العمل الاحسن هو بالنسبه لله تؤمنون بالله ورسوله وتجاهدون في سبيل الله باموالكم وانفسكم، يعني بمصاريكم وببارواحكم، ذلكم خير لكم ان كنتم تعلمون. هذا احسن شيء فيكم تعملوه. وبايه اخرى الله بيوضح لنا اكثر شو هي صفات المؤمن الحقيقي بالنسبه له او بنظره. الايه بتقول: ان الله اشترى من المؤمنين انفسهم واموالهم بان لهم الجنه يقاتلون في سبيل الله فيقتلون ويقتلون. هذه هي مواصفات المؤمن الحقيقي حسب المرحله الاخيره من الاسلام وسوره براءه. واخر شيء بيزعلوا او بيستغربوا لما بيشوفوا حدا من داعش عم يفجر نفسه لحتى يقتل اخرين بناء على هي الايه فيقتلون ويقتلون. ايه اخرى، قاتلوهم يعذبهم الله بايديكم ويخزهم وينصركم عليهم ويشفي صدور قوم مؤمنين. يشفي صدور قوم مؤمنين كيف؟ بتعذيب الناس على ايديكم، قاتلوهم يعذبهم الله بايديكم. واخر شيء بيتعجبوا لما بيشوفوا داعش عم تتلذذ بقطع الرؤوس وحرق الجثث والتمثيل والتنكيل وعم تعمل فيديوهات ومونتاج بالاف الدولارات. ايه اخرى: انما جزاء الذين يحاربون الله ورسوله ويسعون في الارض فسادا ان يقتلوا او يصلبوا وتقطع ايديهم وارجلهم من خلاف او ينفوا من الارض الى اخر الايه. وطبعا هذا الحكم ينطبق على ناس مثلي، ناس بتقرا النصوص بتشوف فيها مشاكل بتطلع بتعمل حلقه على اليوتيوب بتنتقد، فانا اعتبر اني محارب لله ورسوله واني اسعب بالارض فسادا. ايه اخرى: يا ايها النبي جاهد الكفار والمنافقين واغلظ عليهم وماواهم جهنم وبئس المصير، وايضا بيتعجبوا لما الدواعش عم يقتلوا مسلمين اكثر من الكفار. لانه كلمه المنافقين هون ماذا تعني؟ المنافقين هم المسلمون الذين لا يقيمون الشريعه او المسلمين اللي عاملين كيوت، المسلمين اللي نحن ما بنفرض الجزيه على مسيحيين اللي عايشين معنا، ولا بنطبق كل احكام الشريعه او بناخذها على محمل الجديه. هؤلاء يدعوهم القران بالمنافقون، وهناك شيء ذكر في القران اكثر من 25 مره، ذكر بالمرحله، بنهايه المرحله الثانيه وبالمرحله الاخيره بشكل عام، اللي هو ملك اليمين. عبوديه بكل بساطه باختصار، رح يكون في فيديو مفصل عن الموضوع، لكن عبوديه، بيع وشراء البشر، واوسخ انواع العبوديه، العبوديه الجنسيه. وهذا النوع من الايات بالمرحله الاخيره هطل كالمطر واتى ناسخا لما قبله، كل هي الايات تبع الشتم والوعيد والتهديد او الدفاع عن نفس فقط، كله تم نسخه بالايات الاخيره، خاصه سوره براءه سوره التوبه. محمد بهذه الفتره اعلن انتصاره بقوله: بعثت بين يدي الساعه بالسيف حتى يعبد الله تعالى وحده لا شريك له، وجعل رزقي تحت ظلي رمحي والصغار على من خالف امري ومن تشبثوا بقومي منهم. حديث واضح جدا، حديث اخر بيقول: امرت ان اقاتل الناس حتى يقولوا لا اله الا الله فمن قال لا اله الا الله عصم مني ماله ونفسه الا بحقه وحسابه على الله. والايه الجميله التي ترسم الصوره بشكل واضح: اذا جاء نصر الله والفتح ورايت الناس يدخلون في دين الله افواجا، فسبح بحمد ربك واستغفره انه كان توابا. متى دخلت الناس في دين الله افواجا؟ بالحجه والدليل والبيان والمناظرات والرد على الشبهات؟ لا عندما اتى نصر الله والفتح، عندما اتى السيف، الان دخلت الناس في دين الله افواجا. 13 سنه من دعاء الناس بالحب والحنان والايات الجميله لم تفلح، ولكن عندما اتى نصر الله والفتح والسيف دخل الناس في دين الله افواجا. وهكذا انتشر الاسلام بالمرحله الثالثه والاخيره او المرحله الناجحه. وهيك بنشوف انه الاسلام او ايات القران تاريخيا تطورت على ثلاث مراحل او ثلاث عهود، عهد الدعوه وعهد الدفاع وعهد السيف. الغريب انه هي العهود موجوده لوقتنا الحالي فينا نشوفها بعيننا اذا نفكر فيها شوي بس. اذا طلع على الدول الاسلاميه مثل السعوديه او ايران او افغانستان بنشوفهم عايشين بالمرحله الثالثه بشكل تام. الشيء الوحيد اللي مختلف عدم وجود جهاد الطلب، لانه كل الدول المحيطه او الاخرى اقوى واذكى ومتطوره اكثر منها، فهم غير قادرين على غزو تلك الدول، فهذا الشيء مستاصل. والا الباقي نفسه، ما حدا بيسمح له ينشر دينه بهي الاماكن، الدين كله لله بهي الاماكن، اي حدا بينتقد الرسول او الدين يقتل فورا والى اخره. واذا طلع على دول اوروبيه مثل السويد فرنسا او بريطانيا بنشوف انه المسلمين هون بالمرحله الثانيه. غير قادرين على السيطره بعد، ولكن عندهم قوه بما فيه الكفايه لحتى يعملوا بعض الاغتيالات للناس اللي بترسم صور عن الرسول تبعهم او بتعترض على دينهم. ولكنهم بانتظار الايه اللي بتقول: لا تهنوا وتدعوا للسلم وانتم الاعلون، ولكنهم ليسوا اعلون حاليا ممكن قريبا. اما دول مثل امريكا وكندا وروسيا بنشوف انه المسلمين بشكل واضح هن بالمرحله الاولى من الاسلام. لكم دينكم ولي دين، لا خوف ولا حرج على اليهود والنصارى، لا اكراه في الدين. لذلك مثل ما قلت سابقا، المسلمين المسالمين جدا او المعتدلين او المتعصبين كلهم لهم ايات لتبرير موقفهم، ايات مختلفه لتبرير مواقف مختلفه. وكلهم يبدون على انهم اصحاب حجه من القران ومن الاحاديث، لانه الاسلام عامل زي البوفيه. بدك ايات لكم دينكم ولي دين؟ عنا، بدك ايات قاتلوا الذين يقاتلونكم ولا تعتدوا؟ عنا، بدك قاتلوهم حتى لا تكون فتنه ويكون الدين كله لله؟ عنا، كله موجود. مراحل هي مر فيها الاسلام تاريخيا، لذلك بوقتنا الحالي صعب جدا نعرف مين هو المسلم الحقيقي. وانا شخصيا ما بحب افرض انه لازم يكون المسلم الحقيقي هو المرحله الثالثه فقط. انا ما خيرت الاختيار، ومع الناس تقرر انا بدي اكون من المسلم الدرجه الاولى او الثانيه او الثالثه، وحربي الحقيقيه هي بس مع المسلمين الدرجه الثالثه. الاولى والثانيه انا كنت منهم يوما ما، ولازم نكون صريحين مع انفسنا، اغلب المسلمين بوقتنا الحالي هم بالمرحله الاولى والثانيه، لكن الخوف من انتقالهم من مرحله لاخرى هذا الشيء يحصل وممكن الحصول. الاسلام وايات القران مروا بثلاث مراحل مختلفه تماما. وتلك الاختلافات كانت تحصل حسب اختلاف احوال محمد الماديه والاجتماعيه. وان في ذلك لايات لقوم يفقهون. بالنهايه اقراوا مصادر الشاركه او ابحثوا بشكل شخصي لتتاكدوا من هي المعلومات، ومثل العاده لا تشاركوا هذا الفيديو اذا كنتم عايشين بمجتمع اسلامي لانه قد يكون له تاثيرات سلبيه على حياتكم. فيكوا تعملوا لايك للفيديو، فيكوا تكتبوا تعليق باسم وهمي، لكن المشاركه كونوا حذرين، والاهم من هيك حبوا بقلبكم بس فكروا بعقلكم. بيس.
[21:53]شكرا لداعمي القناه.
