ماشي ضروري تقرا تخصص “تراند”…باش تدير تأثير كبير فـ الحياة.

[0:00]واش عمرك سمعتي على واحد الشخص ما مشاش قرا على برا باش يجيب الشهاده ولكن رجع باش يخلي بلاده كامله تولي قوه نوويه. في عام 1938 تزاد واحد الطفل في بوبال في الهند. من بعد تقسيم الهند مشى مع العائله دياله لباكستان. من صغره كان متفوق في الرياضيات والعلوم ولكن عنده فضول كبير باش يفهم كيفاش خدام العالم من الداخل. قرا الهندسه المعدنيه في جامعه كراتشي من بعد مشى لالمانيا هولندا باش يكمل الدراسات العليا دياله. ما قراش كمبيوتر ساينس ما دارش بزنس ما دارش ماركتينغ ولكن تخصص في الهندسه النوويه والمعادن. وخدم في اوروبا في شركه كانت خدامه في مجال التكنولوجيا النوويه وفي ذاك الوقت كان عنده اكسس لمعلومات جد حساسه. ملي شاف بلاده باكستان ضعيفه قدام الهند من وراء التجارب النوويه ديالها قرر يرجع لبلاده. وكتب رساله مباشره للحكومه قال لهم فيها نقدر نعاون باش باكستان يكون عندها برنامج نووي قوي بزاف. ومن بعد سنوات من العمل السري باكستان ولات قوه نوويه. وسمعوا عليه مختبر كامل خان ريسيرش لابوراتوريز. البعض كيعتبره بطل قومي وبعض الناس اخرين كيعتبره شخصيه جدليه في السياسه الدوليه. ولكن الحاجه اللي ما يمكنش ننكروها هو ان طالب قرا الهندسه بتركيز عميق وامن ببلده قدر يغير التاريخ ديال دوله كامله. سميت هذا الطالب عبد القادر خان والخلاصه اللي بغيتك تجي معك من هذه القصه ان التخصص اللي كيبان صغير في عينين الناس الا تعمقتي فيه بصدق يقدر يخلق تاثير ما كان حتى شي واحد متوقع.