[0:00]اهلا بك في حلقه جديده من كورس القواعد دي الحلقه اللي قبل الاخيره الحلقه اللي جايه هي نهايه كورس القواعد للمستوى الاول وعلى فكره كورس القواعد للمستوى الثاني في حلقات كتيره منه هتكون على التطبيق فقط لاسباب هشرحها لك بعدين. حلقه النهارده كان المفروض انها تكون رقم سبعه في الكورس مش رقم 22 ولكن انا اخرتها للنهايه لانها هتكون مخالفه تماما لكل اللي تعرفه عن القاعده دي فكان الاول لازم اخرجك بره قالب القواعد بتاع المدرسه واحده واحده في اتجاه القواعد الصحيح علشان ما تعملش زي الناس الثانيه وتقول ان الاجانب ما بيلتزموش في القواعد في كلامهم فلو انت جايب الكورس معانا بالترتيب فانت دلوقتي مؤهل انك تاخد الحلقه دي ومش هتسبب لك اي صدمات ولذلك كبر الشاشه وخليك معايا.
[0:43]السلام عليكم ورحمه الله وبركاته انا ابراهيم عادل وانت بتتفرج على كورس تعلم اللغه الانجليزيه على قناه زي امريكان انجلش الجزء الخاص بالقواعد نبدا على طول بفقره استفسار الاستفسار الاول من احمد 2050 بيقول في الحلقه السابقه قلت عندما يخطئ نحن سنكون مستعدون ولكن ارى المعنى لا يستقيم فنحن نقول عندما سوف يخطئ سنكون مستعدون فهل يصح ان يكون كلاهما مستقبل طيب لو مش فاكر هو بيتكلم عن ايه خليني افكرك هو بيتكلم عن المشهد اللي جاي ده. And when he slips up, we'll be ready. طيب درسنا المشهد ده وعلقنا عليه قبل كده هو هنا يا استاذ احمد مش اعتراضه على الكلام الانجليزي بالنسبه له ده فهمه والمعنى واضح هو اعتراضه على المعنى بالعربي هل يستقيم ولا لا يعني بيقول المفروض نقول سوف يخطئ لان الفعل سوف نكون فيكون الطرفين مستقبل مش نقول واحد مستقبل وواحد حاضر.
[1:51]طيب خليني اقول لك انه في العربي ينفع يكون الجمله فيها حين كذا ويكون قبلها زمن وبعدها زمن ثاني خالص حاضر ومستقبل مثلا زي ايه زي مثلا في القران الكريم سوره الفرقان قول الله تعالى بعد اعوذ بالله من الشيطان الرجيم وسوف يعلمون حين يرون العذاب من اضل سبيلا صدق الله العظيم هنا قبل كلمه حين موجود ايه موجود سوف يعلمون مستقبل طيب وبعدها ايه بعدها يرون ده ايه ده حاضر يعني ينفع اه ينفع. مش بس الكلام الديني فقط كلامنا احنا كمان كده مثلا ده خبر من جريده الرياض مقال لي الاستاذ فهد عامر بيقول ايه حين تعلم ابنائك التاريخ بطريقه خاطئه سيطبقونه بطريقه خاطئه طيب بعد كلمه حين جه فعل ايه فعل تعلم ده حاضر وفي النهايه في نفس الجمله جه ايه سيطبقونه مستقبل يعني ينفع اه ينفع لو تخيلنا يا استاذ فهد كان بيكتب المقاله دي باللغه الانجليزيه فهيكون شكلها كده. When you teach your children history wrong, they will apply it the wrong way. هنا جه بعد كلمه وين الفعل تيتش في الحاضر وفي النهايه جه ويل ابلاي في المستقبل كلمه ابلاي من معانيها يطبق كذا كذا يطبق اللي يتعلمه يعني خلي بالك لبعض اسباب الترجمه النص الانجليزي الافضل له انه يكون كده يعني حطينا اف بدل وين لدواعي هنشوفها لما نتكلم عن الترجمه بشكل اعمق ان شاء الله طيب عندنا كلام كثير حلو النهارده فاديني تركيزك بقى بص يا سيدي اللي هندرسه النهارده هو صفات المقارنه وده جزء من موضوع اسمه صفات المقارنه والتفضيل كومبراتيف ان سوبرلاتيف ادجيكتيفز طبعا مش شرط ابدا تحفظ اي كلمات هنا يعني ايه بقى مقارنه وتفضيل دول حاجتين غير بعض بقارن يعني بقول لك الشيء ده ايه بالنسبه لشيء ثاني مثلا ارخص من الشيء الثاني اكبر منه اسرع منه وهكذا ده المقارنه اما موضوع التفضيل هو اني اقول لك ان الشيء ده هو الارخص على الاطلاق فضلته عن كل الباقي ولذلك بنقول تفضيل ممتاز نمسك حاجه حاجه بقى الاول نقارن شيء بشيء ثاني طيب ايه بقى اللي ينفع يتقارن هل الاسماء ولا الافعال ولا الصفات الاسماء زي شجره طيب هنقول ايه اشجر من ما ينفعش اذا الاسماء لا تقارن وده بديهي طيب الافعال ياكل هنقول ايه برده ما فيش منها تفضيل الافعال لا تقارن يفضل ايه يفضل الصفات بنقول مثلا الشجره دي طويله اذا ممكن نقول اطول من يبقى اذا فقط هي الصفات اللي ممكن تتقارن ممتاز كل ده بديهي اصلا وما فيهوش جديد حلو نركز بقى في الصفات دي في حاجه هندرسها في كورس الصوتيات المستوى الثاني اسمها المقاطع سايلبلز ما تشغلش بالك بها دلوقتي المقصود منها اننا نقدر نقسم الكلمه دي كم صوت يعني مثلا اقول لك محمد دي اقدر اقسمها واقول مو ح مد ويبقى طلع منها ثلاث اصوات اذا نقول على الكلمه دي انها ثلاثيه المقاطع طبعا هندرس ازاي نعد المقاطع بعد كده بالتفصيل بس دلوقتي الفكره وصلتك مقاطع يعني كم صوت في الكلمه ممتاز الناس بقى بتقسم الكلمات لنوعين اساسيين نوع اسمه احادي المقاطع بنسميه مونوسيبل وردز مونو يعني احادي ونوع ثاني متعدد المقاطع بنسميه مالتي سيبل وردز مالتي يعني متعدد طبعا ما تحفظش الاسماء ليه بقى بنقسم الكلمات التقسيمه دي علشان بتفرق لما نيجي نقارن بها او نفاضلها ازاي القاعده بتقول اذا كانت الصفه احاديه المقطع فيها صوت واحد فانها في العاده يضاف لها اي ار او مشتقاتها يعني ايه الكلام ده وليه كلمه في العاده هتعرف في نهايه الحلقه لما اقول لك قصور الطريقه دي وانها لا تشمل القاعده كلها
[5:37]خلينا الاول نركز في اللي كتاب الوزاره بيقوله صفه زي سمول دي احاديه المقطع صوت واحد سمول كلمه صغيره يعني زي ما قلنا هنتعلم ازاي نعد المقاطع بدقه في الصوتيات المستوى الثاني طيب سمول احاديه المقطع اذا في العاده هنقول سمول ونضيف لها اي ار فتبقى سمولر سمول يعني صغير سمولر اصغر يعني لو عاوز اقول قطعه اصغر هقول ايه قطعه يعني بيس فكر كده قول لي قطعه اصغر خمس ثواني وتقدر توقف اكثر
[6:16]Smaller piece كلمه سمولر دي صفه مقارنه وبما انها صفه بتيجي قبل الاسم زي ما تعودنا فقلنا سمولر بيس مش بيس سمولر ممتاز طيب كلمه بيج يعني كبير اكبر يعني ايه يعني محتاجين نضيف اي ار فهتقول بيجر ثواني ثواني ليه ضاعفنا حرف الجيم مرتين زي ما درسناها قبل كده في حلقه المضارع المستمر قلنا لو كانت الكلمه سي في سي ساكن متحرك ساكن بنضاعف الحرف الاخير هنا بيج حرف متحرك واحد بين ساكنين لو مش فاكر ارجع لحلقه المضارع المستمر هتلاقي هناك الشرح مفصل طيب نفس القاعده بقى لما بنضيف اي ار هنضاعف الحرف الاخير فنقول بيجر طيب كلمه فات يعني بدين تعرف تقول ابدا اضخم يعني بالمصري ها هل هتكتب كده ولا كده الاجابه اثنين تي ليه لانها سي في سي ممتاز
[7:17]طبعا عدينا النقطه دي بسرعه لاننا شرحناها بالتفصيل زي ما قلت لك طيب المقطع اللي جاي ده الممثله هتقول يخوت اكبر يخوت اسرع كلمه يخت يعني يوت يوت الس اتش سايلنت في الانجليزي البريطاني بتتنطق يوت يوت مضمومه وقصيره كده يوت في الانجليزي الامريكي بننطقها مفتوحه وطويله خد راحتك فيها كانك بتنادي على ولد بالمصري وبتقول له خد يوت يوت دي كده فاقول يوت يوت طيب قول لي بقى يخوت اكبر يخوت اسرع معاك خمس ثواني او اكثر لو حابب
[8:02]Bigger yachts, faster yachts. زي ما انت شايف الصفه جت في الاول زي ما تعودنا طبعا بيجر وسمولر دول صفات زي ما قلنا ممتاز يعني اللي عرفناه لحد دلوقتي ان الصفه علشان اجيب منها المقارنه بضيف لها اي ار لو كانت من مقطع واحد ولو كانت الكلمه سي في سي ساكن متحرك ساكن بنضاعف الحرف الاخير زي ما شرحنا زمان طيب تمام عرفنا ازاي نقول اكبر واطول عاوزين بقى نقارن بشيء ثاني عاوزين بدل ما نقول اكبر وبس نقول اكبر من كذا وبدل ما نقول اسرع بس نقول اسرع من كذا كل اللي عليك تعمله هنا انك هتضيف كلمه من كذا اللي هي ايه اللي هي ذا فبدل ما اقول بيجر اكبر اقول بيجر ذا اكبر من وتحط وراها بقى اللي هتقارن بيه مثلا نقول اي ام طول انا طويل
[8:58]عاوز اقول انا اطول منك هقول ايه هقول اي ام تولر ذا يو اي ام تولر ذا يو تضيف اي ار وبعديها كلمه ذا وما تنساش ذا تمام قول لي انت بقى صديقي اسرع مني معاك خمس ثواني
[9:20]الاجابه ماي فريند از فاستر ذا مي صديقي سريع بس كنا هنقول ماي فريند از فاست اسرع مني فاستر ذا مي طيب المقطع اللي جاي ده الممثل بيقول انا اقوى منك قوي يعني سترونج ترجم انا اقوى منك معاك سبع ثواني وما توقفش الفيديو
[9:47]I'm stronger than you.
[9:52]طيب الجزء اللي جاي ده محتاج منك تفكير لو حبيت اقول هو اكبر مني سنا كبير في السن يعني اولد فهقول هي از اولدر ذا مي لحد كده تمام تمام لو عاوز بقى اقول هو اكبر مني ب 22 سنه هنقولها ازاي يعني سنه اكبر من سني ب 22 سنه في الانجليزي بنقول هو 22 سنه اكبر مني وقلنا 22 في البدايه ليه لانها رقم والارقام في الانجليزي بتعتبر صفات وزي ما قلنا الصفه بتيجي في البدايه الارقام والالوان في الانجليزي هم صفات افتكر دي وهفكرك بها ثاني في المستوى اللي بعد كده لما ندرس ترتيب الصفات يعني لو اكثر من صفه جم ورا بعض ايه اللي يجي الاول وايه اللي يتاخر تمام المهم بنقول هو 22 سنه اكبر مني تقدر تصيغها معاك 10 ثواني وتقدر توقف اكثر
[10:57]He's 22 years older than me.
[11:05]زي ما قلنا الترتيب الانجليزي بنقول هو 22 سنه اكبر مني لان الرقم صفه والصفه بتيجي في البدايه طيب سؤال لك انت بقى قول لي انا اصغر من صديقي بخمسه اشهر قلنا كبير في السن يعني اولد عكسها بقى اصغر في السن ينج ينج معاك 10 ثواني فكر فيها ويا ريت تكتب بايدك وبعدين تشغل الفيديو
[11:37]الاجابه الترتيب الانجليزي هيكون انا خمسه اشهر اصغر من صديقي فهقول اي ام فايف منس يونجر ماي فريند اي ام فايف منس يونجر ماي فريند ممتاز لو الجزء اللي فات ده كله انت ما عندكش فيه مشكله يبقى تمام تقدر تكمل
[11:57]لو في اي حاجه محتاج تاكد عليها اعمل كده دلوقتي قبل ما نكمل طيب خلصنا الصفات الاحاديه المقطع الصفات المتعدده المقاطع بقى بنقسمها هي كمان تقسيمتين ثنائيه المقطع منتهيه بواي ولا لا لو ثنائيه المقطع فيها صوتين ومنتهيه بواي زي مثلا هابي هابي دي نقدر نقسمها لصوتين ونقول ها بي هابي ثنائيه ومنتهيه بواي هنا القاعده بتقول ماشي تقدر تضيف ليها اي ار عادي جدا ولكن خد بالك ان الواي هتبدل لاي فاكر زمان لما درسنا ازاي نضيف الاس للفعل وقلنا ان الواي كانت بتقلب اي ونحط لها اي اس طيب هنعمل هنا نفس الشيء بالضبط الواي هتقلب لاي وهنزود عليها الاي ار بتاعه المقارنه فكلمه هابي يعني سعيد لو هقول اسعد هقول هابيير اي اي ار طيب عاوز بقى اقول ايام اسعد تقدر تقول لي ازاي ايام اسعد خمس ثواني
[12:59]Happier days.
[13:05]تمام ما تنساش ان الصفه بتيجي في الاول طيب كلمه زي بريتي بريتي يعني جميل تقدر برده تنطقها بريتي عادي جدا طيب كلمه بريتي برده نقدر نقسمها مقطعين بريتي بريتي ومنتهيه برده بواي تقدر تقول لي بقى اجمل يعني ايه صح هنقلبها اي ونزود اي ار فتبقى بريتيير بريتيير او بريتيير ولو بتسال دلوقتي ايه الفرق بين كلمه بريتي وكلمه بيوتفل فاعرف ان بريتي بتوصف المظهر الخارجي فقط انما بيوتفل بتستخدم لوصف المظهر الخارجي او جمال الروح نفسه يعني ساعات بنقول مثلا ان ده حد جميل جدا واخلاقه كويسه هنا بنوصف ايه بنوصف الداخل بيوتفل بتمشي هنا انما بريتي لا ما تمشيش لانها بتوصف الظاهر فقط طيب نرجع لكلامنا عرفنا ان الواي بتقلب لاي وبعد كده بنضيف اي ار خلي بالك من الحكايه دي علشان هنحل تمارين بعد شويه طيب تمام في بعد كده الصفات بقى المتعدده المقاطع التي لا تنتهي بواي الصفات دي نضيف لها اي ار ازاي يعني مثلا كلمه زي اكسبنسف يعني غالي الثمن عاوز اقول اغلى من اعمل ايه قال لك لا دي كلمه متعدده المقاطع ما نضيفش ليها اي ار انت تحط قبلها كلمه مور وتسيبها زي ما هي كده يعني كلمه اكسبنسف تصبح مور اكسبنسف كلمه مور يعني اكثر اكسبنسف غالي مور اكسبنسف ذا كذا يعني اغلى من كذا طيب ترجم انت بقى هذه السياره اغلى من تلك السياره فاكر الفرق بين هذه وتلك ممتاز ترجم بقى هذه السياره اغلى من تلك السياره معاك خمس ثواني This car is more expensive than that car. ليه قلنا مور اكسبنسف ذا لان كلمه اكسبنسف متعدده المقاطع يعني اقدر اقسمها واطلع منها اكثر من صوت اقول اكسسبنسف طيب كلمه كمان زي كلرفل كلرفل يعني متعدد الالوان ملون يعني عاوز اقول ان التيشرت بتاعي الوانه متعدده اكثر من التيشرت بتاعك في الوان اكثر هقول ازاي خمس ثواني الاجابه ماي تيشرت از مور كلرفول ذا يور تيشرت ممتاز جدا يبقى اللي عرفناه لحد دلوقتي علشان ما تتوهش مني ان الصفه احاديه المقطع ضيف ليها اي ار اي ام طول اي ام تولر ذا يو صفه احاديه المقطع وكانت متحرك بين ساكنين سي في سي ضاعف الحرف الاخير ماي دوج از بيج ماي دوج از بيجر ذا يور كات صفه ثنائيه المقطع منتهيه بواي نبدل الواي باي ونزود اي ار تيم از ناتي جاك از ناتر ذا تيم طيب الصفات اللي مقطعين او اكثر ومش منتهيه بواي دي ما بنلعبش فيها اتركها كما هي وضيف في بدايتها كلمه مور ماي هوم ورك از ديفت الواجب بتاعي صعب ديفكت متعدده المقاطع ماي هوم ورك از ديفت ماي هوم ورك از مور ديفت ذا يور هوم ورك واجبي اصعب من واجبك وخلي بالك انك لما تقارن شيء بشيء اخر اوعى تنسى كلمه ذا طيب لو كل اللي فات ده كده تمام تعال اختبرك ونشوف فاهم ولا كنت سرحان ترجم معايا الفيله اكبر من القرود معاك خمس ثواني لاني بعتمد انك هتوقف
[16:50]الاجابه ايفنتس ار بيجر ذا مونكيز ثواني ثواني كلمه مونكيز دي اخرها واي وانت لسه قايل لنا من شويه ان في الجمع بنقلب الواي دي بتبقى اي اي اس برافو عليك طب ما برده كلمه بوي جمعها بويز ما قلبناهاش ولا حاجه وده شرحته في حلقه المفرد والجمع في نفس الكورس ده تقدر ترجع له طيب تمام برده ترجم لعب كره القدم اسهل من لعب كره السله ما تتخضش هتلاقيها سهله جدا كره القدم يعني ايه يعني سوكر وكره السله يعني ايه يعني باسكت بول والصفه سهل انت عارفها ايزي انما كلمه لعب كذا دي ممكن تكون جديده عليك وممكن تكون لا لعب اللي هو الاسم من يلعب يلعب الفعل اللعب بنقول عليه بلاينج زي ما قلنا قبل كده ان بعض الافعال لما بنضيف لها اي ان جي بتحول لاسم زي سويم اي ان جي سويمينج السباحه طيب يعني لو عاوز اقول لعب الشطرنج هقول ايه هقول بلاينج تشيس از كذا كذا تمام ادي كل الكلمات وترجمتها قدامك فكر 10 ثواني وترجم لعب كره القدم اسهل من لعب كره السله
[18:10]الاجابه بلاينج سوكر از ايزيير ذا بلاينج باسكت بول ولان اخر الصفه ايزي ده واي فبدلناها لاي اي ار الاسطوره بتقول ان بعض الناس دلوقتي ضاف كلمه ذا قبل كلمه سوكر وقال بلاينج ذا سوكر وبرده قبل كلمه باسكت بول ونسبه اقل من الناس نسوا يضيفوا از قبل كلمه ايزيير لو ده حصل عندك اطمئن ده طبيعي جدا ما بنحطش ذا اداه التعريف قبل اسماء الرياضات وهتشوف ده لما نتكلم عن اداه التعريف بالتفصيل طيب قبل ما نكمل هسيبك مع الاربع اسئله دول من غير اي تعليق مني هوقف 20 ثانيه وانت توقف اكثر لو حبيت
[19:10]الاجابه 1 ذا جرل از هانجر ذا لايون واي بتقلب اي اي ار 2 جولد از مور اكسبنسف ذا سلفر اكسبنسف متعدده المقاطع 3 ماي فذر از اولدر ذا مي ضفنا اي ار 4 ايمي از بريتير ذا جين واي بنقلبها اي اي ار ممتاز جدا لو كل اللي فات ده انت ما عندكش فيه مشكله اذا هعرض لك الواجب دلوقتي تحله وتقدر توقف الفيديو بعد كده لو عاوز تستزيد بعد ما تحل الواجب هوري لك قصور القاعده اللي في الكتب ومخالفتها للواقع طبعا بكرر ثاني لو انت طالب ارجوك حل زي ما شرحت في البدايه لان ده اللي كتاب الوزاره عاوزه طيب نشوف الواجب وبعدين نكمل ده الواجب الخمس اسئله دول انا حليت لك اول واحد علشان تفهم المقصود منه ايه وقف هنا 10 ثواني وانت تقدر توقف اكثر اكتب اجابتك في التعليقات تحت
[20:14]طيب نكمل كلامنا بقى في بدايه الحلقه لو فاكر قلت لك ان لو الصفه كذا كذا اذا في العاده بنصيغ المقارنه بتاعتها بالشكل كذا وقلت كلمه في العاده وما قلتش دائما ليه بقى قلت في العاده تعالى الاول اوري لك حاجه the water is shallower than the surrounding
[20:36]هنا الست بتقول ايه شاور يعني اكثر سطحيه من مش عميق يعني الصفه شالو وضيفنا لها اي ار المياه اقل عمقا مما يحيطها طيب شوف المقطع اللي بعد كده was gonna be much more shallow than it is
[20:57]ها بتقول ايه بتقول مور شالو كانت ستكون ضحله اكثر بكثير مما هي عليه طبعا مش مطلوب منك تركز في الكلمات ركز بس في طريقه صياغه المقارنه طيب قالت مور شالو ثواني بقى هي المفروض ان الصفه شالو اللي هي ضحله او سطحي عكس عميق
[21:20]المفروض ان المقارنه بتاعتها تكون شاور زي اللي على الشمال ولا مور شالو زي اللي على اليمين لان اللي على الشمال بتقول شاور واللي على اليمين بتقول مور شالو انه فيهم صح ما تستعجلش جاي لك دلوقتي شوف المقطع اللي جاي ده كمان
[21:35]He says that we are today uh both ruder and more civil.
[21:48]طيب الصفه رود يعني وقح استعملت هنا المقارنه وقالت رودر يعني اوقع تمام بتقول ان هو بيقول اننا الان اوقع واكثر تحضرا من السامع يعني ركز ان اوقع كانت ايه كانت رودر وقارن بالفيديو ده more rude and more distant بتقول اكثر وقاحه واكثر انعزالا طيب هنا قالت ايه قالت مور رود يعني مره هنا على الشمال قلنا رودر ومره هنا على اليمين قلنا مور رود طيب خليني سريعا برده اعرض لك الباقي وبعدين اشرح لك look at the poor, they're stupider than everyone else
[22:32]بيقول انظر للفقراء انهم اغبى من كل الناس الاخرين الصفه ستوبيد وقال ستوبيدر اغبى نكمل Can you imagine anything more stupid?
[22:47]هل تتخيل اي شيء اغبى من كده ولكن قال ايه قال مور ستوبيد يعني قال مره ستوبيدر ومره قال مور ستوبيد بعد كده Now it's even wronger than that
[23:05]بيقول لك الخطا اكثر من كده حتى ركز في ان رونج بقت رونجر and it's never more wrong than when
[23:19]بيقول لك عمره ما هيكون اكثر خطا من لما كذا كذا بس اخذت بالك قال ايه قال مور رونج ايه بقى الموضوع بص يا سيدي الاول علشان نبطل حجه اي حد بيستسهل ويقول لك ايه ده علشان ده كلام عام والناس في الكلام في العاده ما بتلتزمش بالقواعد مع ان اللي انت شفتهم دول ولسه هتشوفهم ما كانوش بيتكلموا في مجلس تحشيش دي ناس متعلمه كويس جدا بس برده علشان نبطل الموضوع ده خليني استشهد لك بكتب انا اعرفها وهقول لك عليها وتقدر تشيك بنفسك في كاتب اسمه فيودور دوسويفسكي له كتاب اسمه ا رايترز دايري ده غلاف الكتاب
[23:58]والنص اللي هاقتبس منه ده تقدر تلاقيه في المقاله رقم 15 صفحه 58 بيقول ايه but only not to be stupider than anyone else. Just admit, he says, that I'm not stupider than anyone else and I'll admit that you're not stupider than anyone else. طبعا مش مطلوب منك تحليل النص ده انا عاوزك تلاحظ هنا اتكرر استعمال كلمه ستوبيدر كثير برده في كتاب ثاني اسمه ومين ار كرزي من ار ستوبيد يعني النساء مجانين والرجال اغبياء عنوانه طريف شويه لي المؤلف هاورد موريس في صفحه 115 بيقول Here's the thing about warning signs: The only thing more crazy or more stupid than not heeding a warning sign may just be heeding it. هنا بيقول مور ستوبيد الكتاب اللي فات قال ستوبيد اكثر من مره والكتاب ده بيقول مور ستوبيد طيب اذا الموضوع مش كلام بس ده كلام وكتابه طيب ايه بقى الحكايه الحكايه يا سيدي بكل بساطه بعيدا عن اي تعقيد انك عندك صيغتين للمقارنه تماما كاللغه العربيه انت بالعربي بتقول فلان اذكى من فلان او تقول فلان اكثر ذكاء من فلان بتقول كان هذا تصرف احمق من كذا او تقول كان هذا تصرف اكثر حمقا من كذا لما بتكثر الكلام بيكون عدد الكلمات اكثر ده بيعمق المعنى وبيزود التشديد يعني ايه يعني لما اقول لك كان هذا شعور اروع من كذا هنا المعنى اصبح اكثر تشديدا عليه ليه لاني كثرت الكلمات نفس الموضوع بقى لو قلنا اعنف من كذا خلاص فهمنا اعنف ولكن لو قلت اشد عنفا من كذا واضح انه تجديد نفس الحكايه بالضبط في الانجليزي لو قلت رودر ذا يعني احمق من ولكن لو قلت مور رود ذا يعني اكثر حمقا من تشديد ستوبيدر ذا اغبى من مور ستوبيد ذا اكثر غباء من تجديد تعال نكمل There's nothing dumber than a sheep.
[26:04]بيقول لا يوجد شيء اعتى من الخروف يعني من العته اللي هو الحمق والغباء لما قال دمر قلنا اعتى من ولكن لو قال مور دام ذا هنترجمها ازاي تعال نشوف more dumb than you can imagine هنا هنقول اكثر عتا او حمقا مما تستطيع تخيله لانه قال مور دام ذا way more quick than
[26:38]اكثر سرعه من بكثير من بقيه العالم
[26:48]which one is funner being a father or being a president
[26:58]كلمه ف ر من ف اللي هي المتعه فلما قال ف ر هنترجمها امتع ايهما امتع ان تكون اب او ان تكون رئيس فنر في كتاب للمؤلف ديف جيلبرت اسم الكتاب ويننج از فنر الفوز هو امتع it's more fun than the philosophy actually
[27:21]طيب هنا قال مور فن هنترجمها اكثر متعه وهنقول انه اكثر متعه من الفلسفه في الواقع اذا يتضح من كل ما سبق ان اللغه مش معادلات فاذا لم تكن طالب ومقيد بكتاب الوزاره فمفيش اي شيء يجبرك انك تمشي على قواعد غير دقيقه ولم يتم تحديثها من اكثر من 100 سنه ايه ده هو في حاجه اسمها نحدث القواعد القواعد هي القواعد ثابته الحقيقه لا القواعد هي القواعد ثابته في اللغه العربيه لان عندك مرجع ثابت تكفل الله بحفظه القران الكريم والا كان زمان القواعد العربيه ايضا بيتم الاضافه ليها او الحذف منها تماشيا مع متطلبات العصر كما هو الحال في اللغه الانجليزيه وكل لغات العالم اي واحد دارس لغويات بيشوف الكلام ده ويا ريت اي حد في وزاره التربيه والتعليم يحاول يحدث المناهج علشان ما نضطرش ان احنا نقول للناس ده غلط بس حل بيه في الامتحان علشان ترضي الوزاره الصوره اللي قدامك دي من جريده الواشنطن بوست بتقول اي بيز ابروفال اوف هوبفولي سيمبليز لارجر ديبات اوفر لانجويج يعني بيقول ان قبول وكاله اسوسيتد بريس لكلمه هوبفولي اللي معناها على امل قبول وكاله اسوسيتد بريس لهذه الكلمه في مرجعها يعني بيشير الى مناظره اضخم حول اللغه طبعا انت تعرف اسوسيتد بريس في نشرات الاخبار ولكن ليها مرجع بيحدث سنويا لضم الكلمات الجديده او المعاني الاضافيه لكلمه موجوده بالفعل زي الكلمه دي هوبفولي اذا كنا عاوزين فعلا نخرج جيل واقف على رجليه لازم نحدث مناهجنا معلش طولت عليك في النقطه دي ولكنها مهمه اسيبك هنا واشوفك الحلقه الجايه ان شاء الله شكرا للمشاهده والسلام عليكم ورحمه الله وبركاته
