[0:44]Alhamdulillah wafa was was ala walaihi washabihi ajmain amma bad Allah tabaraka wa taala surah Azraf Bismilla Rahmanir Rahim Ha Mim Wal Kitabil Mubin Inna Al Quran
[1:38]Quran Arabi Allah tabaraka wa taala suratul Waqia Quran Quranun majeed filohim mahfuz Dr. Israr Ahmed
[2:26]Rabbi shrah li sadri wa yassir li amri wa ahlul uqda min lisani yafqahu qouli Allahumma rabbana alhimna rushdana wa a'izna min shururi anfusina Allahumma arinal haqqa haqqa warzuqnat tibaa'ah warinal batila batila warzuqnaj tinabah Allahummarhamna bil Quranil Azim waj'alhu lana imama wa nuran wa hudan wa rahmah Allahumma zakirna minhu ma nasina wa 'allimna minhu ma jahilna Warzuqna tilawatahu anaa al-layli wa anaa an-nahar waj'alhu lana hujjatan ya rabbal 'alamin. Amin.
[3:13]Aaj Shaaban Muazzam ki 28vi shab hai.
[3:20]Aur hum Ramazan Mubarak ke dauran namaz-e-taraveeh ke saath dora-e-tarjuma-e-Quran ki tamheed ke taur par aaj aur kal
[3:35]ta'aruf-e-Quran ke zimn mein baaz cheezon par ghaur karenge. Taake asna-e-dora-e-tarjuma-e-Quran yeh cheezein aapke zehan mein ek pas manzar ke taur par maujood rahein. Ramazan Mubarak mein namaz-e-taraveeh ke saath dora-e-tarjuma-e-Quran ka jo silsila humne shuru kiya ab usse 15 baras se zaaid ho chuke hain. Alhamdulillah ke iska charcha wasi-o-aree mein par ho chuka hai. Na sirf andarun-e-mulk, bairun-e-mulk bhi. Is dauran mein khud maine jahan tak mujhe yaad padta hai kam se kam cheh martaba dora-e-tarjuma-e-Quran ki takmeel ki sa'adat hasil ki hai. Do martaba isse qabl Karachi mein, teen martaba Lahore mein. Ek martaba Multan mein, ek martaba Abu Dhabi mein. Aur is saal jo main apni za'eefi aur apne aalat ke bavajood yeh himmat kar raha hoon uska ek khaas sabab hai. Aur woh yeh ke Allah ke fazal-o-karam se baaz suratein aisi paida hui ke cable TV par mere in dars-e-Quran ya dora-e-tarjuma-e-Quran ke cassettes dikhaye gaye. Bharat mein. Aur wahin se yeh darkhwast bhi mausool hui ke hum chahte hain ke isse satellite par telecast karayein. Lekin uske liye uski jo recording hai uska miyar behtar hona chahiye. Toh us zarurat ko poora karne ke liye main yeh himmat kar raha hoon. Agarche ab jo bhi umar ki sata hai.
[5:35]Meri yaadash bhi utni sharp nahi rahi hai jitni pehle thi. Istehzar jo cross references ka hai woh bhi utna nahi hai jitna ke pehle tha. Aur kabhi kabhi meri zuban ladkhadati bhi hai. In tamaam mazooriyon ke bavajood is ek aham zarurat ke teht maine yeh irada kiya. Main khud bhi Allah se dua karta hoon, aap bhi Allah se dua farmayein ke is irade ki takmeel ho jaye aur is silsile ko Allah Ta'ala apne kalaam-e-Pak ke paigham aur ilm aur hikmat ki ek bade paimane par poore alam-e-insaniyat mein phailane ka zariya bana de. Ta'aruf-e-Quran ke zimn mein sabse pehli baat jo samjhne ki hai woh yeh ke Quran Majeed ke bare mein hamara ijmaali aqeeda kya hai? Yeh teen jumlon par mushtamil ho sakta hai. Humare nazdeek Quran Allah ka kalaam hai. Jo Muhammad Rasulullah (peace be upon him) par naazil hua. Aur teesri yeh ke yeh mukammal mehfooz shakl mein maujood hai bi-no-'an. Is mein na koi tahrif hui hai na koi tabdeeli hui hai. Yeh kam se kam teen ajza hain hamare aqeede ke Quran Majeed ke bare mein. Lekin ab iski kuch ilmi tauzihat. Sabse pehle yeh ke kalaam hona iska, Allah ka kalaam hona. Isliye ke aapke ilm mein hai yeh Taurat jo Hazrat Musa Alaihis Salam ko di gayi thi woh likhi hui shakl mein patthar ki takhtiyon par likhi hui surat mein di gayi thi. Aur Quran Majeed ki tanzeel jo Muhammad Rasulullah (peace be upon him) par hui hai woh ek mukhtalif surat mein hui. Isko Quran Majeed khud Allah ka kalaam qaraar deta hai. Chunanche Surah Taubah ki aayat hai, aayat number cheh.
[7:58]Jab Hijrat ke navein saal aakhri warning di gayi thi mushrikeen-e-Arab ko ke ab sirf tumhein chand mahine ki mohlat di ja rahi hai, is dauran mein aakhri faisla kar lo Islam qubool karna hai ya nahi. Isliye ke uske baad mushrikeen-e-Arab ke liye koi riayat nahi hogi, jo log Islam qubool nahi karenge unhein teh-teh kar diya jayega.
[8:33]Is ki vazahat phir jab Surah Taubah hum padhenge toh us waqt... Us waqt yaqeenan zehen mein kuch ishkalaat aayenge. Lekin is waqt is zimn mein tafseeli bahas ka mauqa nahi hai. Ab ismein ek istsna rakha gaya ke ek mushrik hai woh chahta hai ke itna bada challenge jo hamein de diya gaya, toh hamein mauqa diya jaye ke hum aayein, aapke paas baithein, kuch din rahein, Allah ka kalaam sunein. Aap kya baat manwana chahte hain, uske liye kya dalail hain. Usko achi tarah samjhe, iska hamein mauqa hona chahiye. Iske liye yeh ayat naazil hui ke wa in mushrikeen is Ae Nabi agar in mushrikeen mein se koi shakhs aapse panah talab kare.
[9:21]Falajirhu hatta yasma'a kalam Allah summa abli'u ma'manah. Phir yeh bhi nahi ke usi waqt use kaha jaye ke tum mante ho ya nahi mante. Nahi. Phir usse uske aman ke maqam par pahuncha do. Yeh jo ayat hai ismein lafz clear aa gaya ke Quran Majeed Allah ka kalaam hai. Lekin ab isi til ke out mein pahad wala masla hai. Tip of iceberg uske neeche woh kitna bada toda hota hai. Kalaam jo hai Allah Ta'ala ki sifat hai. Aur yeh bada masla gehra hai aur ilm-e-kalaam ka ek bada pecheeda masla hai. Ke zaat-e-bari Ta'ala aur uski sifat ke mabain kya rabt-o-ta'alluq hai? Aaya sifat zaat ka juz hain, juz-e-laynfak hain, hissa hai. Ya kuch zaaid bar zaat. Jisko Allama Iqbal ne ek jagah kaha hai hain sifat-e-zaat-e-Haq, Haq se juda ya ain-e-zaat. Yeh humare ilm-e-kalaam ka ek bada pecheeda masla hai.
[10:44]Lekin yeh ke ismein mutakallimeen ka jo taqreeban ijmaai faisla hai wo do lafzon mein aata hai, la ainun wala ghairun. Allah ki sifat na toh uski zaat ka ain hai na uski zaat se ghair hai. Bahut pecheeda shakl hai. Aur yeh bhi is waqt ka mera mauzu nahi hai, main sirf kisi aur mauzu ke liye sirf hawale de raha hoon. Beharhaal Quran Majeed ka jo ta'alluq hai zaat-e-bari Ta'ala ke saath woh is masale se ba khoobi wazeh ho jata hai. Ke chunke yeh Allah Ta'ala ki sifat hai. Aur sifat ko hum yeh nahi keh sakte ke woh zaat-e-bari Ta'ala se juda hai. Yeh bhi nahi keh sakte ke uski zaat ka juz-e-laynfak hai. Kuch isi tarah ka ta'alluq hai Quran Majeed ka zaat-e-bari Ta'ala ke saath. Lekin yeh masla Quran Majeed mein khud bayan hua. Aur Surah Hashr ki ayat mein toh yeh farmaya gaya. Allah Ta'ala ne apne is kalaam ki azmat ko youn bayan kiya. Woh azmat kama hiya jaise ke woh fil waqia hai. Aur jiska ke goya ke poora idrak humare liye apni bahut si mahdoodiyat ki wajah se mumkin nahi hai. Lekin ek tamsil ke paima mein samjhaya. Law anzalna hadhal Quran 'ala jabalin Tarat hu khashiam mutasaddi'am min khashiyatillah. Wa tilkal amsalu nadribha linnasi la'allahum yatafakkaroon. Agar humne is Quran ko kisi pahad par utar diya hota. Toh tum dekhte ke woh dab jata aur phat jata Allah ke khauf se. Aur yeh misalein hain jo hum logon ke liye bayan karte hain taake woh gaur karein, tadabbur karein, samjhein. Agarche ba tamaam-o-kamal azmat-e-Quran ka fehm unke liye mumkin nahi hai. Lekin kisi darje mein toh kuch in'ikas uska ho jaye, kuch andaza ho jaye. Insan apni zehni satah ke etebaar se, uski munasibat se kisi darje mein azmat-e-Quran ka andaza kar le toh Allah Ta'ala ke in alfaz ko saamne rakhe. Khashian mutasaddiam min khashiyatillah. Wa tilkal amsalu nadribha linnasi la'allahum yatafakkaroon. Ab is ayat ko samjhne ke liye Surah A'raf ki aayat number 143 ko samjhna hoga usi usool ke teht ke Al-Quran yufassiru ba'dahu ba'da Quran ka ek hissa dusre hisse ki tashreeh karta hai. Wahan yeh waqia bayan hua hai. Ke Hazrat Musa Alaihis Salam ko jab Allah Ta'ala ne Koh-e-Tur par talab farmaya. 30 raaton ke liye jismein baad mein 10 ka izafa karke woh ek 40 raat ka ek course bana, din raat. Us mauqe par jo mukhatab-e-ilahi, mukalama-e-ilahi se musharraf hue Hazrat Musa Alaihis Salam. Toh unki aatish-e-shauq bhadki. Aur unhone badi jur'at karke yeh darkhwast kar di. Parvardigar mujhe apna deedar bhi ata farma. Mujhe mauqa inayat farma main tujhe dekh sakoon. Yeh unki aatish-e-shauq ka masla hai. Lekin jawab kya mila? Lan tarani. Tum mujhe hargiz nahi dekh sakte.
[14:18]Lekin zaahir baat hai ke Hazrat Musa Alaihis Salam ko baat samjhane ke liye kuch mushahida bhi karana tha. Farmaya tum mujhe nahi dekh sakte albatta us saamne ke pahad par nigah jamao. Hum us par apni ek tajalli dalenge. Yeh agli alfaz ke andar vazahat hai, main yahan pehle se bayan kar raha hoon samjhane ke liye. Agar woh pahad hamari us tajalli ko, tajalli kise kehte hain? Jala roshni. Toh Allah Ta'ala ki taraf se koi khaas uske noor ka jab partaw hota hai kisi shai par toh woh uski tajalli hai. Hum apni ek tajalli is pahad par dalenge. Agar woh usko jhel jaye, apni jagah khada reh jaye toh tum samjhna ke shayad tum bhi hamein dekh sako. Jab Allah ne tajalli apni pahad par dali. Ja'alahu dakan wa kharra Musa sa'iqa. Woh pahad reza reza ho gaya. Aur Hazrat Musa behosh hokar gir gaye. Ab yeh behosh hokar gir jana jabki woh tajalli barah-e-raast bhi nahi hai, bil wasta hai. Mushahida jo kar rahe hain Hazrat Musa woh bil wasta hai. Tajalli pahad par hai. Lekin yeh ke uska bhi bil wasta uska jo hua hai. Uski jo taseer hui Hazrat Musa Alaihis Salam par ke woh uski tab na la sake aur behosh hokar gir gaye. Yahan se yeh baat samajh mein aati hai ke yeh tajalli-e-zaat-e-bari Ta'ala thi. Jisne Koh-e-Tur ko jalakar bhasm kar diya ya tukde tukde kar diya, reza reza kar diya. Ab zaat-e-ilahi ke saath jo ta'alluq hai kalaam-e-ilahi ka aur yeh sifat jo ain wala ghair ke darje mein hai zaat ke saath. Toh wohi taseer is kalaam-e-ilahi ki bhi hai. Yehi hai Quran ka
[16:26]Inna anzalnahu Inna anzalnahu lahu khashian min khashiyatillah. Wa tilkal amsalu nadribha linnasi la'allahum yatafakkaroon. Is haqeeqat ko is daur mein main apne mutale ki mahdoodiyat ka aitraaf karte hue arz kar raha hoon ke mere nazdeek jis qadar pur shikoh andaz mein Allama Iqbal ne bayan kiya hai. Isi kaifiyat ko wo shayad uski koi misal na mil sake. Hashmi goyam aache dar dil muzmar ast. Yeh kitabe nahi cheeze digar ast. Main saaf hi keh deta hoon jo mere dil mein chupi hui baat hai. Hashmi goyam aache dar dil muzmar ast. Yeh kitabe nahi is Quran ko kitaab na samjhna ho. Yeh kuch aur shai hai. Cheeze digar ast. Ab woh cheez-e-digar kya hai? Wohi jo maine arz kiya zaat-e-bari Ta'ala aur kalaam ka sifat-e-bari Ta'ala hona uske bina par jo munasibat hai jo qurb hai. Jo mushabihat hai. Misal-e-Haq pinha o hum paidaast tu. Zinda o payinda o goya ast tu. Is kalaam mein Allah Ta'ala ki saari sifat ka in'ikas maujood hai. Yeh baat waise bhi samajh mein aati hai. Koi shakhs zara guftugu kare, chand jumle jab woh ada karega apni zuban se toh maloom ho jayega ke iske fehm ka iski danish ka iske mutale ka hudood-e-arba kya hai aur iske zehen ki sata kya hai, samajh mein aa jayegi yeh baat. Isliye ke kalaam jo hai woh mutakallim ki poori shakhsiyat ki akaasi kar raha hota hai. Taat wazi raag paya. Chand jumle kisi ne kahe pata chal gaya ke yeh kis sata ke aadmi hain. Ilmi etebaar se, ma'lumati etebaar se, tehzeebi etebaar se, culture hain ya nahi hain. Yeh saari baatein chand jumlon mein wazeh ho jayengi. Toh Allah Ta'ala ki bhi jumla sifat ka akas is Quran mein maujood hai. Unmein se jinmein se jin chand cheezon ka zikr Allama ne is shair mein kiya. Wo jo Surah Hadid ki aayat hai, huwa al-awwalu wal-akhiru waz-zahiru wal-batin. Allah az-zahir bhi hai al-batin bhi hai. Itna zahir ke usse ziyada zahir koi shai nahi aur itna batin ke usse ziyada chupi hui koi shai nahi. Isi liye Huzoor se jo manqool hain alfaz ke Parvardigar, antal zahiru falaysa fawqaqa shai'un, wa antal batinu falaysa dunaka shai'un. Yahi kaifiyat Quran ki hai. Misal-e-Haq pinha o hum paidaast tu. Pinha bhi hai, zahir bhi hai. Jaise zaat-e-bari Ta'ala. Aur jaise Allah Ta'ala ki shaan hai jo ayat al-Kursi ke shuru mein aayi al-Hayyul Qayyum. Misal-e-Haq pinha o hum paidaast tu. Zinda o payinda o goya ast tu. Yeh Quran jo hai Allah Ta'ala ki sifat ka ek aks apne andar rakhta hai. Isse zara aage chaliye. Kalaam ke bare mein ab kalaam-e-ilahi. Zahir baat hai ke sifat hai aur sifat qadim hai. Allah ki sifat hadis nahi hai. Allah ki zaat bhi qadim, hamesha se. Aur uska uski sifat bhi qadim, hamesha se. Aur yeh jo kalaam-e-ilahi hai zaahir baat hai ke yeh jo hamari zuban ke huroof-o-aswat hain, kalaam-e-ilahi toh in se munazzah-o-mubarra hai. Ma wara hai, aala hai, arfa hai. Hamari zubanon ke huroof-o-aswat, alphabets jagah jagah tabdeel ho jayenge. Angrezi ke kuch aur hain, Urdu ke kuch aur hain, Arabi ke kuch aur hain. Kalaam-e-ilahi in tamaam se aaga, arfa, munazzah aur mubarra hai. Isi liye Huzoor ne farmaya har Nabi ki ummat mein muhaddas hote the. Jin se Allah kalaam karta tha. Allah dil mein dal deta hai. Ilqa ho jata hai. Ilham ho jata hai. Koi farishta darmiyan mein nahi bil-wasta. Dusri shakl kalaam ki kya hai? Hijab se. Yeh hamare ilm ki had tak sirf Hazrat Musa Alaihis Salam ki istisnaai shaan hai. Aur Musa ke saath toh Allah ne kalaam farmaya jaise ke kalaam kiya jata hai. Faraq kya tha? Hijab parda tha. Dekh nahi sakte the. Tabhi toh unki woh aatish-e-shauq bhadki thi. Kya qayamat hai ke chilman se lage baithe hain. Saaf chhupte bhi nahi, saamne aate bhi nahi.
[21:44]Kalaam bhi farma rahe hain lekin yeh ke baat mujhe deedar ata karne ke liye taiyar nahi, Rabbe arani anzoor ilaika. Lekin yeh jo kalaam hai hamare ilm ki had tak barah-e-rast is duniya mein Huzoor se hua hai Me'raj ki shab. Lekin woh saatth asmaan par hua. Is duniya mein hamare ilm ki had tak yeh kalaam barah-e-rast hijab sirf Hazrat Musa Alaihis Salam ki istsnaai shaan hai.
