ازاي بقيت مليونير من المهارة دي

[0:00]في الفيديو ده عايزين نتكلم على ازاي مهاره واحده بس غيرت حياتي تماما وخلتني مليونير. وفي حالتي انا المهاره دي كانت الكتابه.وكمان عايزين نتكلم على ازاي انت تعرف المهاره بتاعتك وازاي تستغلها علشان انت كمان تبقى مليونير. لو انت جديد هنا عندنا على القناه فاهلا وسهلا بك انا اسمي وائل السلوكي وانا بحاول اعلم الناس ازاي يحولوا المهاره بتاعتهم لبزنس بيعمل لهم ملايين. تعالى نبدا بالصلاه على رسول الله صلى الله عليه وسلم. خلينا الاول نبدا الفيديو ده بان انا اقول لك قصتي واللي حصل معايا وبعد كده اقول لك التطبيق العملي اللي انت هتعمله علشان ان شاء الله تمشي على نفس الخطوات. اول حاجه انت لازم تدركها ان انا بدات من الصفر. انا مش هبني لك قصه وهميه ان انا كنت راجل فقير وبشحت والكلام ده كله لا احنا كنا عيله طبيعيه جدا. ولكن انا شخصيا في العيله كنت شخص مش بيعرف ياخد باله من فلوسه. وكان اللي بيحصل ان باجي على تقريبا نص الشهر وكل فلوسي بتخلص تماما فالسبب الرئيسي اللي خلاني اجري ورا اي حاجه تعملي فلوس هو ان انا كنت فعلا محتاج الفلوس دي. لان في شهور معينه كنت فعلا بنام جعان بالليل. في الفتره اللي انا كنت بدور على حلول لمشكله الفلوس دي كانت مشكلتي الاكبر ان انا بدور على اسرع او اسهل طريقه نعمل بها فلوس. بلا استثناء كلنا بنفتح الانترنت وبندور على الطرق اللي بتعمل فلوس وبندور على اسرع طريقه والسبب ان احنا دلوقتي حالا محتاجين فلوس ومش معانا فبندور على حاجه سريعه تعمل فلوس. وطول الفتره دي لما انا كنت ماشي ورا الموضوع ده عمري ما عملت فلوس تماما. كل حاجه كانت بتطلع لي كانت يا اما نصب يا اما بيتضحك عليا فيها يا اما حاجات مش حقيقيه او مش واقعيه وده دخلني في حاله نفسيه وحشه جدا ودخلت في اكتئاب عميق. انا حاسس كل اللي انا بوصفه ده حاجات في الاغلب انت ممكن تكون مريض بيها. الاكتاب هنا كان ليه سببين والسبب الرئيسي هو ان انا معيش فلوس وبجد محتاج فلوس. وطبعا في اسباب دنيويه زي ان انت شايف ناس حواليك معاهم فلوس سواء كانوا اصحابك سواء كانوا الناس على السوشيال ميديا وانت نفسك تعيش العيشه دي. مش فكره حقد او بتبص لهم في حاجتهم بس انت نفسك تعيش مرتاح عادي جدا. والسبب الثاني من الاكتئاب ان انا كنت كل ما بدور على طريقه احل بها المشكله دي ازاي اعمل فلوس اونلاين. دايما بيطلع لي فيديوهات نصابه واي كلام وده خلاني اكذب كل الناس الاونلاين ومش بس كده بخش وبشتمهم كمان. وخلي بالك انا قعدت في الموال ده سنين كتيره جدا لحد ما فهمت الحاجه اللي خلتني فعلا اعمل فلوس. فهمت بكل بساطه ان الفلوس مش بتتعمل غير لما انت بتشتغل لها. يعني بالبلدي مفيش طريقه سريعه ولا طريقه سهله ان انت تعمل فلوس تماما. كل الطرق اللي موجوده في العالم كله اللي بتعمل فلوس محتاجه شغل كبير قوي. سواء كنت انا ببص على والدي وهو شغال وبينزل شغل كل يوم وبيشتغل على الاقل ثمان ساعات في اليوم والراجل فعلا بيتعب. وده النموذج اللي كلنا بنشوفه تقريبا كل اهلنا بيشتغلوا سواء ابهات او امهات وبنشوفهم هم بيشتغلوا وفعلا بيتعبوا. سواء حتى صناع المحتوى او اليوتيوبرز اللي احنا بنشوفهم انت مش فاهم كميه التعب اللي بيتعبوه. انت فاكر ان هم بيروحوا بيتسلوا ولكن الراجل ده ممكن يكون بيصور 12 ساعه في اليوم غير بقى ان هو بيجهز الفيديوهات غير الاديتنج غير حاجات كتيره جدا. فالحاجز اللي انا شفته وقدرت اعديه اللي فعلا خلاني اعمل فلوس من بعده هي فكره ان انت لازم تتعب عشان تعمل الفلوس. ومن هنا المحتوى اللي بشوفه اون لاين اللي بيعلم ازاي اعمل فلوس بدا يتشفت لنوع محتوى تاني. نوع فيديوهات مش بتجيب مشاهدات كتيره وبتكون طويله وممله جدا. ولكن الفيديوهات دي بتكون فيديوهات حقيقيه جدا فيديوهات بتقول لك ازاي تبني بزنس او ازاي تبني سيستم او ازاي تعمل فلوس بطريقه هتحتاج منك وقت ومجهود كبير قوي. وعلى قد ما انا كنت مستعجل ومحتاج الفلوس دلوقتي على قد ما بلعت التكبر اللي فيا ده وبدات اشتغل فعلا. ومن هنا اتعرفت على حاجه اسمها الفريلانسنج. كلنا عارفين الفريلانسنج ولو ما تعرفش فكرتها ان انت بتبقى شاطر في مهاره معينه وبتبدا تقدم المهاره دي اونلاين. وبتخش المواقع معينه في ناس طالبه المهاره بتاعتك دي وانت بتروح تقدم على الشغل اللي هم منزلينه وبتاخد الشغلانه. وعلى حسب بقى الشغلانه بتاخد فلوس غالبا بالدولار. في حالتي انا المهاره اللي انا كنت شاطر فيها هي الكتابه. انا من صغري بحب اكتب سواء بكتب مقالات سواء بكتب قصص صغيره سواء بكتب اي حاجه عامه. كنت شاطر قوي فيها وبحبها جدا في نفس الوقت. وهنا خدت القرار الحاسم ان انا افتح كل مواقع الفريلانسنج دول وابدا اقدم المهاره بتاعتي. والموضوع ما كانش سهل لان انا ما كنتش فاهم المفروض اعمل ايه وما كانش في صناع محتوى في الزمن ده بيتكلموا عن الفريلانسنج عامه بطلاقه زي النهارده. ومن هنا قعدت شهرين بقدم على شغل عمال على بطال واخيرا بعد شهرين في الشهر الثالث جالي اول عميل. ومش لازم اخش في تفاصيل كتيره لان ما فيش تفاصيل كتيره. عميل اداني شغلانه كانت سهله جدا وكانت فلوسها قليله. خلصت الشغلانه واتفقت معاه على شغل اكثر واكثر واكثر وبدات اشتغل معاه كتير جدا. ومع الوقت اتعلمت ازاي اجيب عملاء بطرق مختلفه وبدات ابعت للعملاء دول كلهم والحمد لله بقى بيجي لي عملاء كتير. وقعدت اشتغل فريلانسر تقريبا من ست لسبع سنين. ركز معايا انا بقول لك ست لسبع سنين شغال ان انا كل يوم بقدم على شغل مختلف عشان اجيب عملاء او بكلم العملاء القديمه بحاول اجيب معاهم شغل جديد. وست او سبع سنين انا عمال اشتغل بنفسي. بعد ما الصبح قعدت ساعه بحاول اجيب عميل بروح بقى اعمل الشغل اللي جالي في خلال الاسبوع. واجي في نص اليوم ادور على عملاء ثاني واعمل بقيه الشغل وهكذا. وفي الست سبع سنين دول لازم تفهم حاجتين مهمين جدا. الحاجه الاولى انا كنت بشتغل ما لا يقل عن 12 ساعه في اليوم. اه طبعا ممكن اكون بشتغل من بيتي من سريري من الكافيه اللي تحت اه بشتغل براحتي يعني. ولكن بشتغل تقريبا 12 ساعه كل يوم وده وقت ومجهود كبير قوي حتى اكثر من الناس اللي بيشتغلوا ثمان ساعات في الوظيفه بتاعتهم. والحاجه الثانيه ان انا قعدت اول خمس سنين دول تقريبا اعمل في الشهر بالكثير قوي من 500 ل 1000 دولار. يعني الارقام حتى لسه ما كانتش كبيره وهي دي الحته المهمه جدا اللي واقعه من الناس كلها. الفلوس مش بتتعمل غير بوقت ومجهود كبير جدا. بعد ما عدت الفتره دي الحمد لله ربنا فتح عليا وبالخبره اللي انا الحمد لله اكتسبتها الموضوع اتغير. اسمي وسمعتي في المجال بتاعي بقى كبير قوي الحمد لله في العالم كله. كميه الشغل اللي كانت بتجي لي من غير ما انا اروح اقدم عليها عشان انا بقيت مشهور او سمعتي حلوه بقى كتير جدا انا لدرجه ان انا مش ملاحق عليه يعني. فده خلاني اغلي اسعاري جدا والحمد لله الدخل بتاعي زاد. ومن هنا والحمد لله قدرت ان انا في السنين اللي بعد كده ابدا كل سنه اعمل ملايين من نفس الحاجه اللي انا كنت بعملها في الفتره اللي فاتت. يعني نفس الحاجه اللي كانت بتدخل لي في السنه كلها على بعض 20 ولا 50000 جنيه هي هيها بالظبط اللي بقت بعد كده بتدخل لي ملايين في الشهر الواحد مش في السنه كلها. ولو انت كنت متخيل قصه قويه جدا هتغير الواقع فده مش حقيقي. ايوه هي قصه طبيعيه جدا اشتغلت وتعبت وقعدت اشتغل وتعبت عشان اعمل الملايين. بس الحاجه اللي حلوه برده ان انا الحمد لله بعد الوقت الكبير ده قدرت اعمل فلوس كتيره جدا عمري ما كنت احلم بيها. ايوه اللي بيشتغلوا فريلانسنج ينفع يبقوا مليونرات العكس ده ده اقل حاجه مطلوبه منهم. ففي المقابل لو انت شايف قصه الكفاح اللي انا شرحتها دي شبه الوظيفه بالظبط فانت عندك حق. لان الشخص اللي بيشتغل في وظيفه وبيشتغل على نفسه وبينط من شركه لشركه هيوصل للملايين في يوم من الايام. الفرق الوحيد بس ان الفريلانسر في الاغلب بيوصل اسرع بكتير لان الفلوس اون لاين اكثر بكتير.

[6:19]والحاجه الثانيه برده ان الصراحه كفري لانسر زي ما بقول لك كنت بشتغل من بيتي انا مدير نفسي يعني شويه كده حاجات بسيطه كانت لذيذه. طب يجي بقى دلوقتي السؤال المهم انت ازاي تقدر تعمل نفس الحاجه؟ خلي بالك اللي انا عملته ده مش قصه نجاح وائل دي قصه نجاح ملايين الناس اللي شغالين فريلانسرز كتار جدا. وصدقني يقينا انت تقدر تعمل نفس الحاجه بالظبط. اول خطوه او اول حاجه انت بتفكر فيها هي المهاره. عنوان الفيديو ده وفي القصه بتاعتي انا بقول لك ان انا اخدت مهاره واحده وعملت منها ملايين. وفي حالتي كانت مهاره الكتابه تيجي هنا المشكله عندك انت ايه هي المهاره بتاعتك؟ الصراحه مفيش حل سحري لموضوع المهاره ومفيش برده حاجه اسمها مهاره سريعه اتعلمها او سهله اتعلمها. كل واحد مننا ربنا خلقه عنده قيمه معينه او حاجه معينه هو شاطر فيها. فاللي مطلوب منك انت تعرف انت شاطر في ايه وتبدا تقدمه للناس اونلاين. شاطر في التصوير شاطر تعمل اديت للصور شاطر في المونتاج شاطر في الكتابه زي ايا كانت الحاجه. وخلي بالك المهارات ما بتخلصش في مئات الالاف من المهارات اللي موجوده اونلاين انت بس محتاج تعرف المهاره بتاعتك. ولو انت لسه محتار في موضوع المهاره كنت انا عملت ورشه كده من فتره مجانيه بتعلمك ازاي تطلع المهاره بتاعتك. حط لك اللينك بتاع الورشه المجانيه تحت في الفيديو لو عايز تتفرج عليه. وبرده في اخر الفيديو ده هقول لك حاجه مهمه جدا ممكن تساعدك في الموضوع ده. وقبل ما نختم فكره المهاره لازم تبقى فاهم ان في منافسه موجوده اون لاين وده في اي شغل هتعمله في حياتك. ده معناها ان انت لازم تختار مهاره انت فعلا شاطر فيها وتبقى فعلا بتشتغل على نفسك ان انت تبقى اشطر من غيرك. انا مش هضحك عليك لما بدات في الكتابه انا كنت بحبها وكنت شاطر فيها جدا. انا كنت فعلا في فتره بتصنف ان انا احسن واحد في العالم كله على موقع الفريلانسنج. فهي مش سبوبه وخلاص لا هو فعلا شغل ومجهود. تاني حاجه ودي مهمه جدا هي الخطه بتاعتك. طب لو انت معاك مهاره ومتعلمها وبتتقنها او حتى بتتعلمها دلوقتي حالا. ازاي هتخش سوق العمل وتنجح؟ طب ما هو في ناس كتير جدا بتخش برده مواقع العمل الحر وبتفشل تماما. الفرق ما بين الشخصين دول هي الخطه اللي انت لازم تحطها. الخطه دي مكونه من ان انت تفهم هل المفروض تبدا الفريلانسنج على مواقع العمل الحر ولا تبداها على السوشيال ميديا كبرسونال براند. تاني حاجه لازم تتعلم ازاي تعمل بورتفوليو اللي هو ازاي تبين شغلك للعميل. ازاي شغلك يتكلم عن نفسه العميل يشوف الشغل يقول انا عايز الراجل اللي عمل الشغلانه دي هو اللي يعمل لي شغلتي. وثالث واهم حاجه ازاي تكتب طلب او بروبوزل للعميل. العميل منزل شغلانه فانت عارف يقينا ان هو محتاجك. طب انت ازاي في مجموع الجمل كده او فقره صغيره تعرف تقنعه انه يختارك انت دونا عن ال 100 واحد اللي بينافسوك اللي بيقدموا على نفس الشغلانه بالضبط. الثلاث حاجات دول هم اساسيات اي واحد شاطر في مجال العمل الحر. لو انت متعلم الحاجات دي هتعرف تجيب عميل حق لو انت مش احسن واحد في المهاره بتاعتك. وهو ده كان الفرق ما بيني انا في بداياتي لما كنت بعمل 500 دولار مثلا في السنه كلها او بعمل مئات الالاف الدولارات في السنه. الاختلاف ان انا اتعلمت ازاي اقدم الشغل بتاعي اقدم على انهي شغلانه بالظبط واقول للعميل ايه بالظبط عشان يختارني. ونفس الاستراتيجيات دي بجربها كل سنه لحد السنه دي وبتجيب لي عميل في اقل من نص ساعه. وده مش بس انا احنا الحمد لله علمنا اكثر من 50000 طالب يعملوا نفس الحاجه بالظبط وعدد الطلاب اللي فعلا عملوا فلوس في اول اسبوع او اول شهر ليهم عالي جدا والحمد لله. نيجي عند ثالث واخر نقطه اللي كله بيقع فيها. المشكله هنا هي فكره الصبر والحماسه. انت بتتفرج على فيديوهات زي دي وبتتحمس ان انت تبدا تشتغل وتعمل فلوس ولكن مع الوقت الحماسه بتقل. بتجرب نفس الخطوات اللي احنا بنقول عليها ما بتشتغلش معاك بتشتغل اكثر والموضوع ما بيمشيش. بتبدا تحس ان انت تايه وبعد كده بتبدا تحس ان الناس اللي بتتكلم اون لاين كلهم بيضحكوا عليك. الامر الواقع ان زي ما قلت لك في الاول الموضوع محتاج وقت ومجهود كبير جدا. طول ما انت معندكش صفه الصبر عمرك ما هتوصل. وطول ما انت ما بتعرفش تحمس نفسك للاسف برده مش هتوصل لانك هتسيب الموضوع بدري بدري. انت محتاج بكل بساطه تلاقي طريقه ان انت تفضل تخلي نفسك على طول عندك حافز ان انت تشتغل. حتى لما الايام تبقى صعبه حتى لما انت تبقى لسه شايف نفسك ما بتاخدش اي خطوه لقدام تفضل مكمل لحد ما توصل. وخلينا اختم لك الفيديو ده بحاجه حلوه جدا لو ما تعرفش احنا عندنا منصه اسمها فريلانس اكس ودي الحمد لله اكبر منصه تفاعليه تعليميه في العالم كله بتعلم الفريلانسنج. المنصه دي في السنتين اللي فاتوا قدرت تساعد اكثر من 50000 طالب ان هو يبدا يعمل فلوس اونلاين. وخلي بالك هي مش من شطارتنا ولكن الطريقه اللي المنصه بتشتغل بيها فعلا بتزقك ناحيه الفلوس. وخليني لو سمحت اشرح لك سريعا الموضوع بيمشي ازاي اولا ده مش كورس دي منصه كامله. اول حاجه هي المهاره واحنا عندنا كورسات كثيره جدا بتعلمك مهارات كثير مختلفه اختار المهاره اللي تعجبك. نيجي عند ثاني شق بنعلمك الفريلانسنج بالتفاصيل سواء ازاي تستخدم مواقع العمل الحر سواء الاجنبيه او العربيه او ازاي تستخدم السوشيال ميديا عشان تبني برسونال براند تقدر من خلاله وتجيب عملاء. والحاجه اللي بعد كده بنعلمك الخطه تماما اللي انت هتستخدمها علشان تعرف تجيب عميل. ازاي تظبط شكل الحساب بتاعك ازاي تعمل بورتفوليو بتاعك ازاي تكتب بروبوزل او طلب للعميل يخلي العميل فعلا يختارك. من الاخر كده من اول يوم ليك في المشوار لحد ما تعمل فلوس هتلاقينا معاك بنقول لك تعمل ايه خطوه بخطوه. ونيجي عند ثالث حاجه ودي مهمه جدا. انت ما عندكش صبر ولا حماسه وهتحبط بسرعه قوي. وفوجهه نظري دي من احسن الحاجات اللي عندنا هنا في المنصه. المنصه مبنيه على فكره المجتمع يعني كل الشباب اللي عملوا فلوس او نفسهم يعملوا فلوس موجودين بيعرفوا يتكلموا مع بعض وفي يعني قنوات كتيره جدا. اولا ممكن تسال المجتمع كله اي سؤال عندك وعلى طول هتلاقي حد اون لاين بيرد عليك. ثانيا ممكن تسال ناس خبيره في المجال سواء الناس اللي بتديك الكورسات او فريلانسرز بقوا لهم سنين بيعملوا فلوس ممكن تسالهم على طول او حتى في قناه كامله انك تبعت لي انا اسئله شخصيا وان شاء الله احاول ارد عليك. بعد كده عندنا استشارات وعندنا ان انت مثلا ممكن تخلص البورتفوليو بتاعك وتبعته لنا وانا اقيم لك بنفسي واقول لك المشاكل اللي فيه. ممكن تخش مكالمه وهميه مع عميل وهمي علشان تجرب ازاي تتكلم مع عميل. واكيد طبعا بنخش لايف تقريبا كل شهر علشان نرد على كل اسئلتك. فمن الاخر كده الشخص اللي بيحاول فعلا يشتغل على نفسه وبيحس ان هو بقى محبط جدا بيخش في اي وقت من اليوم وهيلاقي على طول كميه حماسه مش طبيعيه ده غير طبعا قناه اسمها قصص النجاح كل ما حد بيعمل فلوس بيخش وبيكتب ان هو عمل فلوس. علشان انت تفضل متحمس ومكمل للاخر والحمد لله المنظومه دي هي اللي ساعدت ناس كتير جدا الحمد لله ان هم يعملوا فلوس اونلاين ويوصلوا للملايين ان شاء الله. ودلوقتي انت عندك اخر فرصه ان انت تقدر تشترك في المنصه من خلال اللينك اللي موجود تحت. لان سعر المنصه اللي موجود قدامك في اللينك اللي تحت للاسف هيتضرب في ثلاثه قريب جدا. والسبب الرئيسي ورا ده ان المنصه كبرت قوي فالمصاريف عليها كترت فللاسف محتاجين نغلي السعر. فلو انت جاهز تاخد خطوه جد ان انت فعلا ان شاء الله تبدا مشوارك في الفلوس وان شاء الله تبقى مليونير في يوم من الايام اشترك من اللينك اللي تحت قبل ما السعر يغلى. كالمعتاد اللهم قد بلغت اللهم فاشهد واشوفكم في الفيديو