[Arabic] Fundamentals Of Programming With C++ #002 - Why C++ Language

[0:11]السلام عليكم بسم الله الرحمن الرحيم والصلاه والسلام على اشرف المرسلين سيدنا محمد. النهارده يا جماعه ان شاء الله هندردش مع بعض عن ليه اخترت لغه سي بلس بلس عشان نتعلم بيها اساسيات البرمجه. في الفيديو الاول قلنا على بعض المعلومات ان لغه سي بلس بلس ممكن تعمل بيها جيم او ديسك توب ابليكيشن او اوبريتنج سيستم او براوزر والكلام ده كله، قلت لك ان ده كله مش هيفرق معاك في مسارك التعليمي لتعلم اساسات البرمجه. نفس الفكره هنا في بعض المعلومات عن اللغه او مميزات اللغه عايزك بس تعرفها للعلم بالشيء ليس الا، لكن برضه في مسارك التعليمي ده مش هياثر معاك في حاجه. اللغه بتاعتنا بتستخدم على نطاق واسع جدا، اللغه بتاعتنا سريعه، يعني في بعض الابليكيشنز لو عملتها باللغه وعملتها بلغه ثانيه هتبدا تلاقي ان اللغه سي بلس بلس ممكن تبقى اسرع من اللغه الثانيه مثلا 50 مره. فهنا برضه انت محتاج ده في اوقات معينه لو انت في يوم من الايام هتشتغل بالسي بلس بلس ولنا وقفه مع الموضوع ده. اللغه بتاعتنا فيها حاجه من الحاجات العظيمه اسمها بوينترز وهنتكلم عنها برضه زي ما اتفقنا في وقتها، اللغه بتاعتنا بورتابل كروس بلاتفورم، يعني ممكن الاب بتاعك تقدر تشغله على اكتر من بلاتفورم او اكتر من اوبريتنج سيستم. واللغه بتاعتنا كلوزر تو هاردوير في فيديو اسمه لو ليفل لانجويج في هاي ليفل لانجويج هنتكلم فيه بالتفصيل عن القصه دي علشان كده قلت لك لازم تتابع بلاي ليست ما قبل البرمجه. تعالى بقى نتكلم في الحاجات اللي خلتنا نختار لغه سي بلس بلس، كل الكلام ده زي ما اتفقنا كلام للعلم بالشيء بس عن لغه سي بلس بلس عشان تبقى عارف بعض المعلومات عن اللغه اللي انت داخل تتعلمها. اللغه بتاعتنا لغه قويه وبتكفر اللي احنا محتاجينه، يعني ايه بتكفر اللي احنا محتاجينه؟ خلينا نفترض جدلا انه مفاهيم البرمجه عباره عن 10 حاجات، مثلا وانت اخترت لغه من اللغات بتغطي اربع مفاهيم من العشره دول، يا ترى هتعمل ايه في السته الباقيين؟ هيقع منك مفاهيم كتير جدا هتصعب عليك الامور بعد كده لما تيجي تتعلم مسار برمجي او تتعلم لغه برمجيه او تختار الكارير بتاعك. هتيجي بعدين مثلا تلاقي لغه ثانيه اقوى منها شويه او بتكفر اكتر شويه هتلاقيه ان هي بتكفر ست نقط من ال 10 نقط اللي هم مفاهيم البرمجه، فهنا برضه مشكله في بعض المفاهيم واقعه منك لسه. مش عارف تربط كل حاجه ببعضها، ممكن تلاقي تول جديده او تقنيه ظهرت مش عارف تجمعها صح عشان في مفاهيم برمجيه كتير واقعه منك. اللغه بتاعتنا اللغه قويه وهتكفر كل اللي انت محتاجه باذن الله عشان تفهم يعني ايه برمجه. حلو، اللغه بتاعتنا بتسبورت البروسيجرال بروجرامنج والاوبجكت اورينتد بروجرامنج، وزي ما اتفقنا ده عباره عن بارادايم او ستايل لكتابه الكود وهنتكلم عنه طبعا في وقته بس حابب بس اقول لك ان هو موجود مش اكتر. طيب عندنا في الجامعات هنا في مصر بتكلم عن نفسي وبرضه في الجامعات العربيه بيدرسوا سي بلس بلس في الجامعات، ودي نقطه مهمه جدا ليك، يعني بعد اللي انا قلته لك ده كله ان هي لغه قويه وكل الحاجات العظيمه دي في في الجامعات دراسه اكاديميه لللغه دي. ودي ميزه او بينفت عظيمه ليك، لو انت دخلت الكليه دي تقدر ان انت تزود معلوماتك جدا بتتعلم في الكليه وبتتعلم اوف لاين فالدنيا ماشيه معاك زي الحلاوه. ممكن تكون بتتعلمها سيلف ستادي بره كده من اليوتيوب من كورس اسامه الزيرو لو تعرفه وتلاقي ان انت صاحبك بيدرس نفس الكورس ده في الكليه فدي ميزه عظيمه بعكس لو انت بتدرس لغه عجيبه غريبه ما حدش يعرف عنها حاجه وتلاقي نفسك كده معزول لوحدك وما حدش يعرفك. لا ده انا هنا ممكن اروح اذاكر مع اصحابي ونتناقش مع بعض ونحل مسائل مع بعض واخد الشيتات اللي فيها المسائل بتاعه الناس اللي في حاسبات لو انا مثلا بره الكليه، فميزه عظيمه قوي ان هي بتدرس في الجامعات. طيب، اللغه دي عشان قديمه ما شاء الله السنين طويله، يعني الناس شغاله بيها، ليها مراجع رهيبه وريسورز رهيبه وكميونتي كبيره جدا، يعني مش هتغلب. هتيجي تقول لي يعني ايه المشكله لو الحاجه ما لهاش كوميونيتي؟ هقول لك ان انت هتقابل كتير في حياتك برمجيات فريم ووركس مكتبات ما لهاش كوميونيتي ما حدش يعرف عنها فبتسقط بتقع، بتلاقي كتير نفسه يشتغل بيها بس مش لاقي كوميونيتي لو جه معاه مشكله او سؤال يساله فين؟ ما حدش بيجاوب، الكوميونيتي ميت فالحاجه بتكمل عظمتها بالكوميونتي بتاعها. طيب نيجي بقى للسؤال المهم اونلي سي بلس بلس هل انا ما اقدرش اتعلم اساسات البرمجه غير سي بلس بلس بس؟ انا يعتبر جاوبت لك على نص السؤال في قصه اللغه القويه اللي بتكفر كل حاجه، عايز اقول لك ان في لغات ثانيه كتير جدا عظيمه ممكن تتعلم بيها اساسات البرمجه حتى لو غطيت ثمان مفاهيم من العشره، انا بديك مثال مش لازم يكونوا 10 مفاهيم يعني اللي هو 80% من المفاهيم. في لغات مش بس عظيمه، في لغات اقوى من السي بلس بلس بس انا مش عايزك تدخل في مقارنه، انا اصلا انسان ضد المقارنه بس انا هنا عايزك تاخد فكره، روح ابحث عن لغه اسمها راست وشوف بتعمل ايه. وشوف التطبيقات اللي اتعملت بيها ونفس التطبيقات كانت معمولة بسي بلس بلس وابدا بس شوف الفرق بينهم. انا ليه بقول لك ما بحبش المقارنه عشان انا عايزك تختار حاجه تكمل بيها، مالكش دعوه بقصص المقارنه لانها بتشتتك بس، اخترت لك سي بلس بلس وقلت لك هشرحها. بديك فكره عن باقي العالم بيحصل فيه ايه لكن انا ماشي معاك في الطريق ده بس وده اكبر دليل على انها مش بحط لك حاجتين تختار بينهم. طيب اهم سؤال بقى قبل ما نقفل الفيديو، هل انا بعد ما اخلص اساسات البرمجه هشتغل بالسي بلس بلس؟ في الفيديو الاول قلت لك ايه؟ قلت لك ان احنا هنتعلم اساسات البرمجه بلغه سي بلس بلس، يعني انت في الاخر هتتعلم ايه؟ الاوت بوت النهائي اساسات برمجه مش سي بلس بلس عشان كده قلت لك لما تيجي تختار الكورس بتاعك تختار كورس بيعلمك اساسات البرمجه بالسي بلس بلس. لكن في كورس ثاني اسمه ليرن سي بلس بلس هنا انا بتعلم سي بلس بلس عشان هشتغل بيها هعمل بيها بقى اي حاجه، جايز في المستقبل ابقى سي بلس بلس انجنيير دي شغلتي، جايز ان انا اشتغل في الاوبريتنج سيستم في الجيمنج في الديسك توب ابلكيشن في الويب براوزر دي تبقى شغلتي. لكن انت هنا بعد ما تتعلم اساسات البرمجه ممكن تبدا تختار كارير ملوش علاقه بالسي بلس بلس خالص. طب ايه ده؟ يعني انا ضيعت الوقت ده كله؟ لا انت اتعلمت اساسات البرمجه ده اهم حاجه اللي بتاسسك كويس وتخليك تدخل على اي لغه بعد كده الدنيا بتبقى سهله جدا ورايقه معاك. تخيل تخيل معايا واحد علمك ازاي تسوق هيليكوبتر وبعد ما علمك ازاي تسوق هيليكوبتر طلب منك تسوق عربيه هتعمل ايه؟ اتس بيس اوف كيك، يعني خلاص انت علمتنا سوء طياره هيليكوبتر شفت حاجات عظيمه شفت بانل كبيره وزراير بالهبل وحاجات يعني كبيره جدا على مخي وفهمتها واتعلمت، تروح تجيب لي عربيه بعدها طبعا هتعلمها بسهوله. مش هتتعلمها في نفس اليوم، مش مش سحر هو، بس انت هتاخد وقت اقل بكتير قوي من الشخص اللي هيتعلم اللغه دي لاول مره. فممكن حضرتك بعد ما تخلص تعلم اساسات البرمجه بالسي بلس بلس تروح تختار كارير بقى فرونت اند ديفلوبر باك اند ديفلوبر موبايل ديفلوبر تدخل في مجال الداتا ساينس، تدخل في الاي اي في الماشين ليرنينج. انت متاسس برمجيا لان انت تختار كارير في وظيفه برمجيه او تختار لغه برمجيه هتلاقي الدنيا سهله معاك ومفاهيم البرمجه اللي احنا اتكلمنا عليها اللي احنا غطيناها في الكورس بقت سهله جدا عليك وتدخل حضرتك زي الباشا. والمسائل بقى اللي انت حليتها والحاجات التحديات وكل اللي عدى عليك ده طور عندك مهاره الكريتيكال سنكنج او التفكير المنطقي، طور عندك المنطق مع النج في البرمجه فانت بقيت باشا. تدخل المجال زي الباشا عرفنا يا شباب ليه اخترنا سي بلس بلس ندخل عشان نكمل باقي معلومات الكورس باذن الله يا رب يا جماعه الفيديو يكون لطيف وعجبكم ونشوفكم ان شاء الله في فيديو جديد والسلام عليكم.