[0:00]السلام عليكم ورحمه الله وبركاته، اهلا بكم في فيديو جديد على قناه سامح رمضان، ما زلنا مكملين سوا في كورس كوم تي نتورك بلس. وفي الفيديو ده هكلمكم عن او اس اي موديل بارت 2. شفنا سوا في الفيديو اللي فات الاو اس اي وكلمتكم عن الاو اس اي بالتفصيل بس بشكل نظري بحت فعرفنا مع بعض تاريخ الاو اس اي ومنين جه فكره تطبيق الموديل. وعرفنا مع بعض ان فكرته الاساسيه بتعتمد على ان عمليات النيتورك او عمليات الكوميونيكيشنز اللي هتحصل ما بين اي جهازين داخل النيتورك. العمليات ديت هتتم من خلال حاجه اسمها ليرز او طبقات وتعرفنا مع بعض على اسماء هذه اللييرز وتفاصيل العمليات اللي بتحصل في كل لير. فا ملخص اللي احنا اخدناه المره اللي فاتت ان اي كوميونيكيشن بيحصل ما بين سورس ودينيشن الكلام ده بيتم من خلال 7 ليرز وتعرفنا عليهم بالتفصيل. الهدف بقى من الفيديو ده هو التركيز على 3 ليرز بس من السبعه. الثري ليرز دولت اللي هم الترانسبورت والنيورك والداتا لينك اللي هم لير 2 و3 و4. ليه بقى؟ لان الثري ليرز دولت مسؤولين عن عمليه مهمه جدا جدا بتحصل داخل الاو اس اي موديل ومعرفتي بالعمليه دي هي الكي او مفتاح فهمي الرئيسي لل او اس اي موديل وده هيساعدني بدرجه كبيره في ان افهم اللي بيحصل وكمان اقدر اعمل ترابل شوتنج بشكل سليم. العمليات اللي بتحصل في الثري ليرز هي عمليات الادريسنج او العنوانه. عرفنا المره اللي فاتت عليهم بشكل سريع لكن في الفيديو ده هنتعرف عليهم بالتفصيل. كل لير من اللييرز ديت مسؤوله عن نوع معين من العنوانه فعندنا الترانسبورت لير مسؤول عن حاجه اسمها البورت ادريسز. بينما النيتورك لير مسؤول عن نوع من انواع العنوانه اسمه اللوجيكال او الاي بي ادريسنج بينما الداتا لينك لير مسؤول عن الفيزيكال او الماك ادريسز. وكل كمان لير من دولت مسؤوله عن 2 ادريسز او عنوانين يعني لو الترانسبورت مسؤول عن البورت ادريسز فهو في النهايه مسؤول عن حاجه اسمها سورس بورت ادريس ودستنيشن بورت ادريس. والنيتورك برضه هو اي نعم مسؤول عن اللوجيكال او الاي بي ادريسنج فهو في الاخر مسؤول عن انه يوفر نوعين من الاي بي ادريسز اللي هم السورس اي بي ادريس والدستنيشن اي بي ادريس. والداتا لينك مسؤول عن السورس ماك ادريس والدستنيشن ماك ادريس. فالخلاصه لو انا عندي جهازين عايزين يكلموا بعض داخل النيتورك وعايزين يبعتوا رساله من السورس للدينيشن. فلازم الرساله دي تحتوي على ست عناوين رئيسيه هم اللي حضراتكم شايفينهم قدامكم ما ينفعش اي رساله او اي مسدج تطلع من جهاز وتروح لجهاز اخر في النيتورك. وما فيهاش السته حتى لو في عنوان واحد ناقص ما ينفعش الرساله تطلع من سورس وتروح لدينيشن وتعالوا نتعرف سوا على اول نوع من انواع العنوانه الا وهو البورت ادريسنج. ايه بقى البورت ادريسنج؟ كلمه بورت يعني منفذ. ولو احنا هنتكلم على الكمبيوتر فاحنا عندنا نوعين من البورتس او المنافذ. في نوع ممكن يجي في ذهنكم اللي هو المنافذ اللي احنا بنشوفها في جهاز الكمبيوتر سواء ديسك توب كمبيوتر او لاب توب كمبيوتر المنافذ اللي هي بنركب فيها البريفرالز زي المنفذ بتاع اليو اس بي المنفذ بتاع الفاير واير زي منافذ الصوت وغيره. كل دي اسمها الفيزيكال بورتس. طبعا اكيد انا ما اقصدش هذه المنافذ.
[3:35]انا هنا بتكلم على نوع اخر من المنافذ الا وهي اللوجيكال بورتس او بتبقى منافذ داخل الاوبريتنج سيستم. طيب ايه الهدف من البورتس ديت؟ الهدف من البورتس او المنافذ ديت ان هي بتبقى زي منافذ او جيتس او بوابات اقدر من خلالها اوصل لسيرفيس معينه داخل الجهاز. يعني ايه؟ يعني انا هفترض مثلا ان انا عندي سيرفر والسيرفر ده بيقدم مجموعه من السيرفيسز او الخدمات المختلفه وفي مجموعه من الكلاينتس عايزين يستخدموا هذه الخدمات. فبالتالي ازاي يقدر الجهاز لما يجي يستقبل ريكويست او طلب معين ازاي يبقى عارف ان الريكويست دوت مقصود بيه سيرفيس او خدمه معينه؟
[4:15]الكلام ده بيتم عن طريق البورت ادريس. يعني ايه؟ يعني حد لكم مثال هفترض ان انا دلوقتي عندي سيرفر والسيرفر دوت بيقوم داخل النيتورك بمجموعه من السيرفيسز او الخدمات المختلفه. هنفترض ان السيرفر ده بيقدم داخل النيتورك سيرفيس اللي هي الويب يعني ده ويب سيرفر. يعني بيهوست ويب سايت. ونفس الجهاز ده بيقدم سيرفيس ثانيه اسمها الدي ان اس الدومين نيم سيستم. طب ايه الدومين نيم سيستم وبتعمل ايه؟ لا يعني دي طبعا كل التفاصيل دي هنعرفها ان شاء الله قدام في الكورس لكن مبدئيا كده تعرفوا ان في سيرفيس ممكن تتقدم داخل النيتورك اسمها الدي ان اس. ونفس الجهاز ده بيقدم خدمه الايميل. فاصبح دلوقتي ان انا عندي سيرفر واحد داخل النيتورك بيقدم 3 سيرفيسز او ثلاث خدمات اللي هم الويب والدي ان اس والايميل. وعندي 3 كلاينتس كلاينت 1 كلاينت 2 كلاينت 3. وكل كلاينت فيهم بيخاطب سيرفيس معينه داخل السيرفر. يعني مثلا اول كلاينت هو بيخاطب خدمه الويب ثاني كلاينت بيخاطب خدمه الدي ان اس ثالث كلاينت بيخاطب خدمه الايميل. السؤال بقى ازاي السيرفر ده لما يستلم الثري ريكويست او الثلاث طلبات من الثري كلاينت ازاي يبقى عارف كل ريكويست فيهم يقصد انهي سيرفيس؟ قال لك الكلام ده عن طريق حاجه اسمها البورت نمبر يعني ايه؟ قال لك ان كل سيرفيس من دي بيبقى محجوز لها بورت نمبر ثابت معروف فبالتالي لما بيجي ريكويست فيه البورت نمبر ده فخلاص بيبقى معروف ان الريكويست ده قاصد الخدمه دي. يعني مثلا معروف ان خدمه الويب البورت نمبر بتاعها 80. وخدمه الدي ان اس البورت نمبر بتاعها 53. وخدمه الايميل معروف ان البورت نمبر بتاعها 25. فبالتالي دلوقتي الكلاينت ده طالما عايز يخاطب خدمه الويب لازم لما يجي يبعت مسدج او رساله منه لازم يبقى في معلومه الدستنيشن بورت نمبر يبقى حاطط رقم 80. طالما ده عايز يخاطب الدي ان اس لازم يبقى حاطط دستنيشن بورت نمبر 53. ده عايز يخاطب خدمه الايميل لازم يبقى حاطط دستنيشن بورت نمبر 25. بصوا يا جماعه الموضوع ده بالظبط عامل زي فكره البنوك. حضراتكم اكيد او معظمكم يعني بيتعامل مع البنوك عمليات مختلفه سحب او ايداع او غيره. يعني مثلا حضرتك لو رحت لاي بنك عايز تعمل خدمه معينه فوانت داخل من على البوابه هتلاقي عاده السكيورتي بيسالك انت عايز تعمل ايه بالظبط؟ فلو جيت قلت له مثلا سحب يروح جاي مديك رقم لو قلت له ايداع ممكن يديك رقم مختلف لو قلت له خدمه عملاء يديك رقم مختلف تماما تمام؟ وبناء على الرقم بيوجهك للشباك اللي عليه الخدمه. فبناء على الخدمه اللي انت عايزها بيوجهك للشباك اللي عليه الخدمه اللي انت محتاجها فنفس الكلام بالظبط انت دلوقتي كلاينت رايح عايز خدمه معينه السيرفر بيايها. فلازم تعرف السيرفر ده هو انت عايز انهي خدمه او تقصد انهي خدمه فده اللي مفهوم من موضوع البورت نمبر. طيب تعالوا نتكلم برضه بشيء من التفصيل شويه عن موضوع البورتس دي. احنا عندنا اللوجيكال بورتس دولت عددهم 65534. الارقام بتاعتهم بتبدا من 0 لغايه 65533 هتقولوا لي طيب ازاي؟ اقول لك طالما الترقيم بدا من زيرو يبقى هو ده العدد الصحيح. ده كده اجمالي عدد البورت نمبرز اللي معروفه. عندنا بقى من 0 ل 1023 دولت ريزيرفد او محجوزين ومعروفين باسم كده اسمه ويل نون بورت نمبرز.
[7:54]حضراتكم لو دخلتوا على النت وفتحته جوجل سيرش وكتبته كده في مربع السيرش كتبته ويل نون بورت نمبرز هتبص هتلاقوا فيه لينكات لمواقع مختلفه. خشوا على اي لينك فيهم او خشوا على مجموعه لينكات هتبص هتلاقوا ان المواقع ديت بتجيب لكم تفاصيل عن موضوع الويل نون بورت نمبرز وارقام البورتس المشهوره والمتعرف عليها. طبعا احنا عندنا من 0 ل 1023 مش كلهم برضه مستخدمين ومش كلهم محجوزين لكن طبعا في كميه او في مجموعه يعني كبيره محجوزه لسيرفيسز او خدمات مختلفه. طيب في سؤال برضه مهم جدا هو انا مطالب ان انا احفظ الارقام دي كلها او الارقام بتاعت البورتس الاجابه او ينفع يبقى يا ريت. لكن في بقى اللي هم الموست كومون او الخدمات اللي هم مشهورين زي خدمه الويب دي ان اس ال الدي اتش سي بي الخدمات التنت الاف تي بي الحاجات دي مشهوره جدا. ليه بقى؟ لان كمان لما هتيجي بقى تخش في مجال السكيورتي او حتى لما تيجي تدرس سكيورتي سواء في الكورس ده او في اي كورس نيتورك وهتدرس سكيورتي. موضوع معرفتك بالارقام البورتس المشهوره مهمه جدا وودايما حتى دي بتبقى اسئله مشهوره جدا في الانترفيوهات ليه؟ لان ده هيفيدك جدا مثلا لما تيجي تتعامل مع الفاير رول. بعض انواع الفاير رولز لما بتيجي تعمل سكيورتي او حمايه عليها بيبقى مهم جدا ان انت تبقى عارف ارقام البورتس عشان خاطر مثلا ساعات بتبقى عايز تقفل كونكشن معين فممكن تقفله بالبورت نمبر. ازاي؟ انا مثلا دلوقتي عامل فاير رول وعايز امنع الناس ان هم يستخدموا خدمه الويب ما يطلعوش الانترنت ما يشوفوش الانترنت خالص. فممكن من ضمن الطرق ان انا اقفل اي ريكويست جاي فيه بورت 80. فاي كلاينت طالع ببورت 80 اعمله ديناي يبقى انا كده قفلت النت على الناس. عايز اقفل على الناس الايميل يبقى بالتالي هقفل بورت 25 وهكذا. ففكره معرفه ارقام الويل نون بورت او اللي هم كمان الموست كومون في الويل نون دي سكيل او مهاره مهمه جدا لابد ان حضراتكم تبقوا عارفينها وبتتسال دايما في الانترفيوز. اعملوا حسابكم على القصه دي فده كده خلاصه الموضوع بالنسبه لموضوع البورت ادريس. عشان نفهم الموضوع بشكل اكبر تعالوا ناخد مع بعض اكزامبل او مثال هفترض دلوقتي ان انا عندي ويب كلاينت. والويب كلاينت عايز يكلم ويب سيرفر والديتيلز او التفاصيل بتاعتهم ان الويب كلاينت الاي بي بتاعه 192.168.1.5 والماك ادريس بتاعه اي. والويب سيرفر هيبقى 192.168.1.200 والماك ادريس بتاعه بي. والجهازين مربوطين على سويتش واحد يعني موجودين في نفس اللان طبعا هتقول لي هو ده بيحصل هو ده منطقي؟ هقول لك احنا دلوقتي مش في موضوع اللوجيك او المنطق احنا يعني عايزين نفهم اهم حاجه كونسبت ولو كمان برضه يعني بصينا للوجيك او المنطق نقول اه وارد ممكن يحصل يعني طبعا لو نيتورك صغيره ولا حاجه ومطبقه مبدا الانترانت لو حضراتكم تفتكروا في البدايه كده كان في حاجه اسمها انترانت ان انا جوه اللان بتاعتي بطبق مبادئ الانترنت. فمن ناحيه اللوجيك احنا مش هنفكر في اللوجيك احنا عايزين نفكر في الكونسيبت ذات نفسه تمام. طيب الويب كلاينت دلوقتي عشان يقدر يشوف الويب سايت اللي موجود على الويب سيرفر لازم يستخدم واحد من برامج الويب براوزرز. فاي ويب براوزر هتفتحه هتلاقي فيه ادريس بار هيفتح الادريس بار وجوه الادريس بار هيكتب حاجه اسمها اليو ار ال او هيكتب كده عنوان الرابط اللي يقدر من خلاله يوصل للصفحه اللي موجوده على الويب سيرفر. فهنا عشان اليوزر يقدر يوصل للصفحه اللي موجود على الويب سيرفر هيستخدم بروتوكول مشهور جدا اسمه الاتش تي تي بي فهيكتب اتش تي تي بي نقطتين سلاش سلاش 192.168.1.200 اللي هو العنوان بتاع الويب سيرفر. فاللي بيحصل ان بيتبعت للسيرفر حاجه اسمها اتش تي تي بي ريكويست والسيرفر بيرد بحاجه اسمها اتش تي تي بي ريسبونس. اللي احنا عايزين نشوفه دلوقتي اللي هيحصل بعد ما اليوزر يدوس انتر بعد ما يكتب العنوان ده هيدوس انتر عايزين نشوف بقى دلوقتي كل البروسيسز او العمليات اللي هتحصل بمجرد ضغطه الانتر من وجهه نظر الاو اس اي موديل لغايه ما الداتا دي تمشي في الكيبل وتروح لدينيشن اللي هو الويب سيرفر. تعالوا نشوف الكلام ده من وجهه نظر الاو اس اي اتفقنا مع بعض ان الاو اس اي 7 ليرز وكل لير بيحصل فيها حاجه لكن الهدف الاساسي من الفيديو ده هو ان انا بعمل فوكس او ركز اكتر على الثري ليرز المسؤولين عن عمليات الادريسنج او العنوان. فتعالوا نبدا مع بعض باول لير عندنا هي الترانسبورت لير فاتفقنا مع بعض ان الترانسبورت لير مسؤوله عن نوعين من الادريسز اللي هم السورس بورت والدستنيشن بورت.
[13:17]طيب نفكر نفسنا كده احنا كان عندنا ويب كلاينت بيخاطب ويب سيرفر والويب كلاينت فتح فوق البراوزر وفي الادريس بار كتب اتش تي تي بي نقطتين سلاش سلاش وكتب الدستنيشن اي بي اللي هو 192.168.1.200 مش ده اللي حصل جميل. طيب تعالوا نبدا مع بعض بمعلومه الدستنيشن بورت. الدستنيشن بورت دي هنعرفها ازاي؟ قال لك هنعرفها بمعلوميه البروتوكول الذي تم استخدامه في طبقه الابلكيشن. ازاي؟ اليوزر في طبقه الابلكيشن استخدم بروتوكول مشهور جدا اسمه الهايبر تكست ترانسفير بروتوكول وده مشهور جدا وبيستخدم لمخاطبه الويب سيرفرز عشان يحصل اكس تشينج لحاجه اسمها الاتش تي ام ال دوكيومنتس. فبالتالي طالما اليوزر في طبقه الابلكيشن استخدم بروتوكول اتش تي تي بي يبقى على طول عرفنا كده معلومه مهمه جدا ان اليوزر رايح يخاطب خدمه الويب هناك عند الويب سيرفر. وبالتالي طالما رايح يخاطب خدمه الويب وبالتالي هنا معلومه الدستنيشن بورت هتبقى 80. جميل يبقى كده عرفنا معلومه السورس بورت والدستنيشن بورت. نروح بعد كده للير اللي هي النيتورك لير فاتفقنا مع بعض ان النيتورك لير مسؤوله عن السورس اي بي والدستنيشن اي بي. طيب نبدا مع بعض بمعلومه الدستنيشن اي بي الدستنيشن اي بي هعرفه ازاي؟ اه هعرفه من اليوزر نفسه ازاي؟ اليوزر نفسه فتح الويب براوزر وفي الادريس بار كتب اتش تي تي بي نقطتين سلاش سلاش وراح كاتب كده 192.168.1.200 خلاص يبقى انا هغش منه المعلومه وابقى عارف ان الدستنيشن اي بي اللي بيخاطبه هيبقى 192.168.1.200 جميل. طيب معلومه السورس اي بي؟ كده كده اليوزر باي شكل من الاشكال سواء بشكل ستاتيك او دايناميك طبعا كل التفاصيل دي هنعرفها قدام. اليوزر بي اساين اي بي ادريس للكلاينت فالاي بي زي ما انتم شايفين قدامكم هيبقى 192.168.1.5. يبقى انا كده عرفت معلومه السورس اي بي والدستنيشن اي بي. نروح بعد كده الداتا لينك لير ودي اتفقنا مع بعض ان الداتا لينك لير مسؤوله عن 2 ادريسز اللي هم السورس ماك والدستنيشن ماك ادريس جميل. طيب دلوقتي بالنسبه للسورس ماك زي ما انتم شايفين عندنا في المعلومات المعلومه بتقول ان السورس ماك هيبقى اي. طيب بالنسبه للدستنيشن ماك بتاع السيرفر امم هيبقى بي. بس في سؤال مهم جدا ايه هو؟ هو ازاي اساسا الويب كلاينت اللي الماك بتاعه ايه هيعرف معلومه اللي هي عباره عن الدستنيشن ماك؟ ومعلومه الدستنيشن ماك دي اساسا موجوده في كارتت النيتورك بتاعه الويب سيرفر اللي ممكن تكون المسافه ما بينهم مثلا 5 متر او 5000 كيلومتر. فالسؤال بقى ازاي الويب كلاينت هيعرف معلومه موجوده على كارت نيتورك في جهاز هنفترض ان هو اول مره يكلمه فالمعلومه دي هيعرفها ازاي اساسا؟ اه فده سؤال مهم جدا ومن هنا بقى بيجي دور هلبر كنترول مهم جدا دوره مهم جدا داخل الاو اس اي موديل الا وهو الادريس ريزوليوشن بروتوكول او الار بي. الار بي هنا بقى بيتدخل وبيوم بدور مهم جدا ان هو بيساعد الداتا لينك لير في الحصول على معلومه الدستنيشن ماك. تعالوا نشوف الار بي بيعمل ايه؟ الار بي دلوقتي يا جماعه مطلوب منه ان هو يعرف لنا معلومه الدستنيشن ماك بتاعه الويب سيرفر هفترض ان في اجهزه اخرى موجوده داخل النيتورك. بالاضافه للويب كلاينت والويب سيرفر. فالجهاز اللي هو الويب كلاينت في الداتا لينك لير دلوقتي الار بي هيبدا يبحث عن الماك لكن الار بي عشان يقدر يوصل للدستنيشن ماك لازم الكلام ده يكون بمعلوميه حاجه ثانيه. ازاي؟ قال لك الكلام ده هيتم بمعلومه الاي بي او الدستنيشن اي بي مش كده كده اليوزر في الويب براوزر فتح وفي الادريس بار كتب اتش تي تي بي نقطتين سلاش سلاش وكتب دستنيشن اي بي يبقى انا دلوقتي اعرف الدستنيشن اي بي وبدلاله الدستنيشن اي بي عايز اعرف معلومه الايه؟ الدستنيشن ماك فالار بي بقى بيعمل ايه يا جماعه؟ الار بي بيبدا يبعت مسدج او رساله داخل النيتورك تعالوا نشوف محتوى هذه الرساله. الرساله دي مين بتتكون من حاجتين بتتكون من الاي بي ادريس وبتتكون من الماك ادريس. وبرضه نفس الكلام الاي بي بيبقى سورس اي بي ودستنيشن اي بي والماك هيبقى سورس ماك وبرضه دستنيشن ماك جميل. طيب بالنسبه للسورس اي بي هيبقى 192.168.1.5 والدستنيشن اي بي اللي احنا هنعرفه هيبقى 192.168.1.200 حلو. طيب السورس ماك هيبقى ايه؟ طيب الدستنيشن ماك ده احنا اساسا عايزينه. فدلوقتي الار بي هو مش عارف رايح لمين وبيخاطب مين بالظبط؟ فبالتالي محتاج ان الرساله بتاعته تبقى من انواع او النوع المسدج بتاعته تبقى حاجه اسمها برودكاست مسدج. كنا اخدنا قبل كده انواع الكوميونيكيشنز اللي بتتم ما بين الاجهزه وقلنا في ثلاث انواع رئيسيين. قلنا ان في نوع اسمه اليونيكاست واليونيكاست ده لو في جهازين بيكلموا بعض بشكل دايركت وقلنا في حاجه اسمها المالتي كاست وقلنا في حاجه اسمها البرودكاست والبرودكاست يعني معناها ان جهاز بيبعت رساله والرساله دي بتوصل لكل الناس. فهنا بالنسبه للار بي فلازم تبقى الرساله بتاعته من نوع البرودكاست مسدج يعني لازم تروح للناس كلها تمام؟ ليه بقى؟ لان هو يا جماعه هو دلوقتي مش عارف الجهاز اللي بيخاطبه ده هو اساسا موجود ولا لا ولو موجود هو ما يعرفش المعلومه بتاعه الماك. فبالتالي هو بيبعت رساله والرساله دي كانه بيسال سؤال من فضلك يا فلان فلان ده اللي هو يعني 1.200. لو انت الاي بي بتاعك 1.200 ممكن من فضلك ترد علينا وتقول لنا معلومه الماك بتاعك فهو الار بيكويست بيبقى كده. فبالتالي الرساله دي بتطلع من الويب كلاينت ولازم تروح للناس كلها.
[20:44]طيب من المتعارف عليه ان بالنسبه للبرودكاست مسدج في العناوين بيتم استخدام اخر احتمال في العناوين. يعني ايه؟ يعني احنا هنا بالنسبه لنا مش محتاجين نستخدم البرودكاست اي بي ليه؟ لان احنا لازم نبقى حاطين معلومه الدستنيشن اي بي عشان خاطر يبقى الجهاز عارف نفسه تمام؟ لكن هنا لازم نستخدم البرودكاست ادريس الخاص بالماك ليه؟ لان احنا اساسا ما نعرفش الدستنيشن ماك فبالتالي هنحط البرودكاست ادريس بتاع الماك. طيب ايه البرودكاست؟ قال لك بالنسبه مثلا لو انت هتتكلم على البرودكاست الخاص بالماك ادريس احنا اتكلمنا قبل كده وقلنا ان الماك ادريس هو عباره عن او الفورمات بتاعه هيكسا ديسيمال والهيكسا ديسيمال يعني معناها بيستخدم ارقام ديسيمال من زيرو لغايه 9 ثم بعد كده بيبدا يستخدم حروف من ايه لغايه اف. فبالتالي اخر احتمال في الماك ادريس هو حرف الاف. فبالتالي اللي بيحصل دلوقتي ان الار بيكويست بيجي في معلومه الدستنيشن ماك وبيخليها كلها افات كلها افات بالمنظر ده اللي حضراتكم شايفينه تمام؟ والار بيكويست ده يتبعت لمين؟ الار بيكويست يتبعت للسويتش. السويتش جهاز سمارت او جهاز ذكي قادر على قراءه معلومه الدستنيشن ماك. فالسويتش لما هيجي يستلم رساله او الرساله من الار بي فهيلاقي ان الدستنيشن ماك كله افات فالافات دي معناها ان هي برودكاست يعني مطلوب منه ان هو يبعت الرساله دي او يطلعها من كل البورتس او المنافذ وبالفعل السويتش هياخد الرساله ويطلعها من كل البورتس او المنافذ وبالتالي كل الاجهزه اللي داخل النيتورك هتستلم الرساله. فكل جهاز هيستلم الرساله هيلاقي معلومه الدستنيشن ماك هي عباره عن اف او افات فيعرف على طول ان دي برودكاست يعني مطلوب ان هو يقراها. فكل جهاز لما هيجي يقراها هيشيل بقى المعلومه او الجزء بتاع الدستنيشن ماك ده ويبدا يطلع للطبقه اللي فوقيها بقى اللي هي معلومه الدستنيشن اي بي ويقارن الرقم اللي مكتوب في الدستنيشن اي بي بالرقم بتاعه. فطبعا الجهاز ده لما هيسال الرساله هي مجرد ما هيقرا معلومه الدستنيشن اي بي هيلاقيه مختلف هيعمل لها ديسكارد او تجاهل. ده برضه هيستلم الار بيكويست فهي يعمل لها ديسكارد او تجاهل بينما الويب سيرفر لما هيبص في الدستنيشن اي بي هيبص هيلاقي ان هو 200 وبرضه الاي بي بتاعه 200 فيعرف على طول ان الرساله دي موجهه ليه. فيعمل ايه بقى؟ يروح باعت ريسبونس او رد على الار بي ازاي بقى؟ تعالوا نشوف.
[23:41]دلوقتي بقى هنا الويب سيرفر بيحضر الرد اللي هيرد بيه على الويب كلاينت. فالسورس اي بي هنا بقى في الحاله دي هيبقى 192.168.1.200 بينما الدستنيشن اي بي هيبقى 192.168.1.5 فانا برد على خمسه اللي كان بيكلمني. حلو طيب الدستنيشن ماك بتاع خمسه هو ايه؟ حرف الاي اه طب السورس ماك بقى اللي انا طالع بيه هيبقى بي. فبالتالي دلوقتي الار ب راح جاب لي معلومه مهمه جدا انا كنت محتاجها الا وهي الماك ادريس الخاصه بمين؟ الخاصه ب 1.200 ده اللي هو البي. طيب لو بعد خمس ثواني اليوزر حب يخاطب نفس الويب سيرفر هيرجع الار بي ثاني يعمل برودكاست مسدج ويقعد يدور عليه؟ قال لك لا الار بي بيعمل حاجه جميله جدا ايه هي؟ طالما راح بدلاله الاي بي ده جاب لك الماك وعرف ان الماك ده اسوسييتد معاه اسوسييتد مع الاي بي ده فيروح جاي مخزنه داخل الكلاينت او داخل السيستم يعني في حاجه اسمها الار بي كاش. ففي الار بي كاش بيبدا يخزن المعلومه دي ان الجهاز اللي هو الاي بي بتاعه 192.168.1.200 الماك بتاعه بي. ليه؟ عشان لو اليوزر بعد كده سال عليه نعرف نجاوب ونعرف نرد عليه بدل ما نعمل برودكاست مسدج.
[25:22]والحته دي مهمه جدا وعاده بتيجي سؤال حتى في الاسئله الامتحانات الاونلاين او امتحانات الانترناشونال. عاده بيجيبوا السؤال دوت عشان بيختبروا معلومات حضراتكم في الاو اس اي موديل فمثلا يجي يقول لك ايه؟ يقول لك دلوقتي مثلا في ويب كلاينت بيشتكي ان هو مش عارف يوصل لويب سيرفر او مش عارف يوصل لسيرفر معين وانت جربت كل حاجه ولقيت كل حاجه سليمه. لكن لما انت عملت يعني التحريات بتاعتك وكده اكتشفت ان الويب سيرفر مغير له كارت نتورك جديد يعني جايبين كارت نتورك جديد. تمام؟ طيب فبالتالي ايه هي المشكله وحلها ايه؟ طبعا هنا المشكله معناها ايه؟ معناها ان الار بكاش محتفظ بالماك ادريس بتاع النتورك انترفيس القديم. جميل ومحتفظ بيه في الكاش فدلوقتي السيرفر دلوقتي غيرنا له كارت نيتورك وبالتالي بقى ليه ماك ادريس جديد. فبالتالي دلوقتي الار بفي كل مره عايز اخاطب السيرفر فالار بي بي بي مدني بمعلومه الماك ادريس القديم تمام؟ طيب هنا ايه الحل بقى؟ الحل ان انا لازم اعمل حاجه اسمها كلير للكاش يعني امسح الداتا اللي في الار بكاش واكبر ان الار بي بيبعت ريكويست او برودكاست مسدج ثاني عشان يعرف المعلومه الجديده بتاعه الماك ادريس الجديد بتاع السيرفر. فده سؤال مشهور جدا ومعروف قوي في امتحانات الاونلاين. فدلوقتي الار بي جاب لنا الدستنيشن ماك ادريس فاصبح دلوقتي بقت معلومه الدستنيشن ماك ادريس معروفه وبالتالي دلوقتي الست عناوين اتوفروا وبالتالي دلوقتي الرساله بقت جاهزه انها تطلع من الويب كلاينت تروح للويب سيرفر. تعالوا نشوف بقى برضه الكلام ده بالتفصيل من خلال اللييرز او سفن ليرز بالتفصيل الكلام ده هيتم ازاي؟ احنا عندنا دلوقتي في المثال بتاعنا السورس اللي هو الويب كلاينت بيخاطب الدستنيشن اللي هو الويب سيرفر فالوزر استخدم في الابلكيشن لير بروتوكول الاتش تي تي بي لان هو هناك بيخاطب خدمه الويب. في طبقه البريزنتيشن قلنا بيحصل عمليات فورماتنج فهنا هنفترض ان حصل حاجه اسمها السنتكس والكومبريشن وهنفترض ان ما حصلش انكريبشن لان انا بستخدم الاتش تي تي بي مش السكيور اللي هو الاتش تي تي بي اس. طيب وهنا حصل كرييشن لسيشن. واتفقنا مع بعض ان اهم حاجه بتحصل في الترانسبورت طيب اتفقنا مع بعض ان الترانسبورت بيستلم الداتا ويبدا يقسمها لتشانكس او قطع ف هنفترض دلوقتي ان الترانسبورت اخذ الداتا تمام وراح جاي مقسمها لقطع. بعد كده بيبدا ياساين ادريسز للداتا دي تمام فاتفقنا مع بعض ان في نوعين من انواع الادريسز اللي هم الايه؟ السورس بورت والدستنيشن بورت طيب دلوقتي اليوزر بيخاطب خدمه الاتش تي تي بي فبالتالي الدستنيشن بورت هيبقى 80. طيب والسورس بورت هيبقى قلنا اي حاجه فوق 1023 فقلنا هنفترض مثلا ان هو هيبقى 1027 جميل. طيب اللي هيحصل بقى دلوقتي ان الداتا دي بقى بيحصل لها انكابسوليشن وبتتحول لحاجه اسمها سيجمنت. جميل بعد كده السيجمنت ديت بتنزل لللير اللي بعدها فاللي بعدها اللي هي النيتورك لير بتستلم السيجمنت اللي هي عباره عن الداتا فيها السورس بورت والدستنيشن بورت ويبدا ياساين تو ادريسز اللي هم السورس اي بي والدستنيشن اي بي. طيب الدستنيشن اي بي بالنسبه لنا هنا اللي هو هيبقى 192.168.1.200 بينما السورس اي بي هيبقى 192.168.1.5. بعد كده الداتا دي هيحصل لها انكابسوليشن في شكل اسمه الباكت فالداتا في النيتورك لير بتبقى حاجه اسمها باكت. والباكت ديت بتنزل لير اللي بعدها اللي هي الداتا لينك لير فالداتا لينك لير بيستلم من اللير اللي فوقيه اللي هي النيتورك بيبدا يستلم الباكت وبيساين للباكت ديت حاجه اسمها سورس ماك ودستنيشن ماك فاتفقنا مع بعض ان السورس ماك هيبقى اي ودستنيشن ماك هيبقى بي. وبعدين يحصل انكابسوليشن للداتا دي في شكل حاجه اسمها الفريم جميل وبعد كده الفريم تنزل للفيزيكال فتتحول لبتس وبعد كده تمشي في الفيزيكال ميديوم لغايه ما تروح للدستنيشن تمام طيب قبل بس ما نتكلم على الدستنيشن العمليه اللي بتحصل في السورس اسمها انكابسوليشن. ليه زي ما انتم شايفين بيحصل انكابسوليشن للداتا السيجمنت تتحول لباكت الباكت تتحول لفريم تمام ف العمليه دي تسمى ايه؟ تسمى انكابسوليشن. فالداتا دلوقتي هيستلمها او هتروح هتمشي في النيتورك ميديوم لغايه ما تروح للويب سيرفر فالويب سيرفر هيبدا يستلم البيتس ويبدا يطلع لللير اللي فوقيها اللي هي الفريم. فالويب سيرفر هيبدا اول حاجه يقرا معلومه الدستنيشن ماك ادريس ويقارن الدستنيشن ماك اللي مكتوب بالدستنيشن ماك بتاعه ليه؟ لان لو لقى ان الدستنيشن ماك مش بتاعه ما يخصهوش فبالتالي هيعمل ديسكارد ومش محتاج ان هو يقرا بقيه الداتا اللي موجوده في الرساله اللي جايه له تمام؟ لكن هنا هنفترض ان الويب سيرفر لقى ان الدستنيشن ماك يخصه فبالتالي هيبدا يعمل عمليه عكسيه اسمها دي كابسوليشن دي كابسوليشن يبدا يفك بقى الداتا ويبدا يطلع للداتا اللي فوقيها اللي هي الخاصه بالنيورك لير او يصعدها يعني للنيورك لير فالنيورك لير تبدا تستلم الداتا وتقرا معلومه الدستنيشن اي بي فتلاقي ان الدستنيشن اي بي يخصها فتعمل دي كابسوليشن وتروح جايه مطلعاها للترانسبورت لير فالترانسبورت لير هتلاقي ان الداتا اللي جايه دي هي دستنيشن بورت بتاعها 80. فبالتالي الترانسبورت لير كده معناها ان هي فهمت ان هي هتتوجه الداتا دي للسيرفيس اللي موجوده داخل الجهاز اللي هي الويب سيرفس لغايه ما نطلع لطبقه الابلكيشن اللي هو بروتوكول الاتش تي تي بي وبالتالي هنا الابلكيشن هيفهم ويبدا يرد برضه برساله ويبعت الويب سايت للكلاينت وده بقى تفاصيل الكوميونيكيشن اللي بيحصل طول الوقت ما بين السورس والدينيشن داخل النيتورك. فاول فيديو انا عارف ان في ناس اتخضت وناس لقت ان الموضوع نظري ودمه ثقيل لكن الفيديو ده ارجو ان العمليه تكون وضحت وبانت قد ايه اهميه معرفه الاو اس اي موديل والالمام بالتفاصيل بتاعته. وعايز اقول لكم يا جماعه على مدار الكورس طول ما احنا شغالين هتلاقوا ما بنبطلش كلام عن الاو اس اي موديل لان الاو اس اي موديل كفرنس بيساعدنا في فهم بروسيسز وبيساعدنا في فهم حاجات كثيره جدا بتحصل داخل النيتورك فارجو ان الاو اس اي يكون واضح بالنسبه لحضراتكم. تعالوا بقى من خلال تطبيق او فيديو في تطبيق عملي اوضح لكم كده برضه بشكل عملي الموضوع دوت ويعني المثال اللي احنا شرحناه دلوقتي تعالوا نطبقه بشكل عملي ولكن من خلال فيديو مستقل هتلاقوا اللينك بتاعه في اسفل هذا الفيديو في نهايه الفيديو بشكركم على المشاهده ما تنسوش تعملوا سبسكرايب ودايما اشوفكم على خير والسلام عليكم ورحمه الله وبركاته.
