[0:00]يا ويوم جيناكم بمقطع جديد وفي المقطع حق اليوم هذا حنتكلم عن قصه الرابر سنترال سي وسنترال سي يعتبر رابر مره اسطوري في السنوات الاخيره قاعد يجيب ارقام خياليه في رابر كثير ما يقدروا يوصلوا للمواصيل حقته. بس سنترال سي ما وصل المكان حقه ذا في يوم ليله فاهم كيف؟ فعشان كذا اليوم جايين نقول لكم قصه الادم هذا من يوم ما طلع من بطن امه الين ما وصل المكان اللي هو فيه اليوم. فخلوكم معنا في المقطع ولايك وسبسكرايب والشير والامور الطيبه هذه ليتس. طبعا في البدايه كالعاده نبدا نعرفكم على سنترال سي واسم الحقيقي ومن وين الادمي هذا سنترال سي اسمه الحقيقي اوكلي نيل الادم هذا مولود في سنه 1998 في منطقه معروفه في غرب لندن. اسمها سبج ولا سبج ولا شي زي كذا والله اسمها مره صعب صراحه انا حاولت انطق كثير ما قدرت فاهم كيف بس المهم انه سنترال سي المكان اللي كان ساكن فيه ده كان مكان معروف انه حق عصابات وعنف والاشياء هذه فاهم علي يعني تقدر تقول انه اوبلاك حق اليوكي فاهم كيف والشيء هذا انعكاسه واضح عليه فاهم علي يعني الادم هذا انت لو ما تعرفه وقابلته حتقول انه الادم هذا اكيد من حي حق عصابات والامور هذه. بس صراحه سنترال سي قبل لا ينشهر يا واد مره ما كان واضح عليه ذا الشيء فاهم كيف كان واضح عليه انسان طبيعي لانه حق عصابات ولا اي حاجه. المهم سنترال سي من ناحيه اجتماعيه زيه زي اي رابر ثاني تمام الادمي هذا امه وابوه ما كانوا مع بعض ابوه كان منفصل عن امه من يوم ما هو صغير والله صراحه انا السؤال هذا دائما في بالي ليش دائما لما اجي اقول قصه رابر ابوي يكون ما في يعني ليش الراب دائما ما في دائما الرابر يجيك يا ابوه راح يجيب حليب واختفى وفي رابر يسوي نفسه اذكي يقول لابوه بروح معاك بس ابوي يقول له روح جيب زنوبتك وتعال ويطلع يلقى ابوه ما في كمان ويعيش حياته بدون اب. كذا هم دائما ما ادري ايش السر يعني اذا انت شخص تبغى تصير رابر وابوك قاعد في البيت دحين كذا قاعد طالع في ابوك اعرف انك ما راح تصير رابر لانه ابوك موجود. المهم سنترال سي ابوه ما قال له وراح اجيب حليب واختفى من حياته مره واحده لا كان يروح يختفي 6 سبع شهور سنه وبعدين يرجع يشيك على بيته زي كذا بعدين مره ثانيه يختفي 6 سبع شهور كان مقضيها زي كذا.
[2:11]بس سنترال سي تعلم الراب والاغاني والاشياء هذه من ابوه يعني اخذ من ابوه شيء واحد بس يعني ما ربته غير امه بس الشيء الوحيد اللي اخذه من ابوه اللي هو الاغاني والاشياء دي فاهم كيف يعني في النهايه ابوه فاده في حاجه ما سابه كذا على اعماها لانه ابوه دائما لما كان يجي البيت في الفتره اللي يجي يشيك فيها كان دائما تلقاه مشغل الاغاني حق الهيب هوب ذاك الوقت كنت تلقاه مشغل توباك ولا مشغل بيج ولا مشغل اي احد من هذول. بس سنترال سي لما ابوه كان يجي البيت ويشغل الاغاني هذه كانت تعجبه الاغاني هذه مره فمن هنا سنترال سي بدا يحب الراب وبدا يحب الهيب هوب وبدا يخش في المجال هذا. وسنترال سي اول ما بدا يطلع الشارع ويحتك في الناس وزي كذا زي ما قلت لكم الحي اللي كان ساكن فيه كان حي مره خطير فكان دائما يشوف جرايم تصير قدامه يشوف ناس يبيعوا الممنوعات ويشوف ناس قاعدين يطلعوا فلوس مره بسرعه فاهم كيف ف سنترال سي خالط الناس هذول كلهم فدائما اي رابر خالط الناس هذول يطلع حق عصابات زيهم بالضبط فاهم كيف ويسوي اي شيء هم كانوا قاعدين يسووه بس سنترال سي ما سوى ذا الشيء خالط الناس هذولي صح بس ما كان يسوي الاشياء اللي هم كانوا قاعدين يسووها.
[3:07]وحتى كذا مره بنفسه قال انه كان مره قريب انه يضيع ويخش في الاشياء هذه بس في النهايه ما خش بس اللهم قد عارف ايش الهرج وعارف الناس هذه ايش قاعد تسوي. فالادمي هذا طلعت شخصيته قريبه من شخصيه الناس هذولي ودائما يتكلم عن الاشياء هذه في الاغاني حقته وكشخص عاش ذا الشيء وشافه بعينه. المهم بعدها سنترال سي زي ما قلت لكم الادم هذا بدا يحب الراب من ابوه الفتره اللي كان هو فيها صغير كان يحب الراب بس بس جات فتره قرر انه يغني ذا الشيء ويجربه فاهم كيف؟ فلما وصل عمره 14 سنه الادمي هذا بدا يجرب يكتب كلمات ويسوي اغاني في الاستوديوهات كذا على الرايق بس الاغاني اللي كان قاعد يسويها هذه كلها اغاني تراش فاهم كيف وغير كذا كان يقلد رابرز كثير كان يقلد الرابر اللي دائما اسمع لهم ما قاعد يسوي شيء من عنده يعني ما عنده هويه خاصه فيه كان دائما يقلد ويبغى يصير زي الرابرز هذول بالضبط وكان يسوي فيديوهات وينزل وزي كذا بس اللهم ما حد كان مديه وجه لانه الادم هذا كده واضح انه كان قاعد يقلد. وهو كان ماخذ الموضوع بجديه يعني فاهم كيف وكمل على نفس ذا النمط سنتين كامله وبرضو الناس كانوا ساحبين عليه من سنه 2014 لين سنه 2016 وبرضو الناس سحبه عليه لانه الادم هذا ما كان عنده هويه كان تلقاه فاجئ يغني نيو فاجئ يغني اولد فاجئ يغني تراب فاجئ يغني ميلوديك فاجئ يغني ما ادري ايه كل شويه يجيك بشيء جديد قاعد يحاول يشوف نفسه بس مو قادر فاهم كيف؟ فبعدها الادم هذا قاعد يطالع في ارقام وزي كذا ارقامه كلها تعبانه وهو له سنتين فاهم علي وقاعد يقول يا عمي الراب هذا يستاهل من جد ولا انا يا واد تراش ولا ايش الهرجه فبدا الادم يشك في نفسه في ذاك الوقت لانه من جد هو كان تعبان فاهم كيف؟ وبدا يشك انه فاشل ما معاه في الراب فبعدها سنترال سي نزل له كم تراك كذا وبرضو التركات هذه قاعد تجيب ارقام زي الزفت فالادم هذا وبعدها اختفى وما نزل اي حاجه. وبعد الاختفاء حقه هذا الادم هذا رجع بشخصيه ثانيه فاهم كيف الشخصيه اللي رجع بها هذه حتى الناس ما عرفوه لانه الادم هذا بدا يحكي قصص ويتكلم عن الاشياء اللي صايره معاه ما كان قاعد يقلد في الاغاني حقته وخلاص لا كان قاعد يتكلم عن الشيء اللي صاير معاه هو فاهم علي وغير كذا سنترال سيف ذاك الوقت لما رجع ما رجع بنفس التاب اللي كان قاعد يغني فيه لا رجع بالتاب حق الدرل لانه وقتها شايف انه الدرل بدا يطلع وزي كذا فقال يا ابوي خلينا اخش في المجال هذا دام هو مجال جديد يمكن انجح في المجال ومن جد الادم هذا ما طول لين ما ضرب في المجال هذا فبعدها في سنه 2017 سنترال سي بدا ينزل تراكات كثير فاهم كيف لانه الناس بدات تلاحظ انه الادم هذا جامد ومن الكلام ده الدنيا فتحت ف فاهم علي. فكمل في تنزيل التراكات وفي ذاك الوقت ما كان مره مشهور يعني الناس بدات تلاحظ دوب انه الادم هذا صار مجنون فبعدها جات سنه 2018 و2019 في السنتين هذه سنترال سي ان شهر زياده وفي ناس اكثر بدات تلاحظه. بس متى انفجر الادم هذا انفجار من جد بعدها كل الناس بدات تعرف مين سنترال سي اللي هو في سنه 2020 بعد ما نزل تراك لايف.
[6:00]والله صراحه التراك هذا مره جامد فاهم كيف وغير كذا يذكرني بالفتره ديك حقه 2020 2021 يمين بالله السنوات هذيك العت سريع 6 سنوات لين دحين والله الوقت مره داعس المهم سنترال سي انفجر في ذيك السنه تمام وكل الناس بدات تعرف الادم هذا في ذيك السنه وبعدها نزل تراك اسمه لودين التراك هذا يا واد كمان اطلق من اللي قبله فاهم كيف؟ وضرب زياده وقتها المهم بعدها الناس كلها قاعد تسال هل الرابر هذا بيكمل على نفس ذا المستوى ولا زيه زي اغلب الرابر اللي انشهروا فجاه بتراك واحد وبعدين فجاه كذا يختفوا ويرجعوا من المكان اللي جو منه. ف سنترال سي قال لهم يا ابوي اسمعوا الكلام اللي قاعد تقوله هذا كله كاب انا ماني رابر كده بطلع مره واحده واختفي لا انا اب انزل لكم بمكس تيبي يخليكم تقتنعوا مني فاهم كيف فنزل لهم بمكس تيبي اسمه وايلد وست. المكس تيبل هذا بوم اول ما نزل دخل توب 5 في اليوكي فاهم علي يعني الادم هذا ما طول ال ما يثبت الكلام اللي قاله انه يقنعهم من جد وغير كذا المكس تيبل هذا دخل توب 5 في اليوكي بدون شركه موسيقيه كذا ببه فاهم كيف ومن غير تسويق ومن غير الكلام هذا كله كذا بس سنترال سي نزل مكس تيب الشيء على طول ضرب والله صراحه انا اقدر اقول انه سنترال سي صراحه الادم هذا مكنه فاهم كيف الادم هذا مكنه ومكتوب اي حاجه كذا ببه جوت واي شيء فاهم كيف يعني في الوقت هذاك انت تروح يوكي تقول سنترال سي كده الاسم حق سنترال سي هذا اشهر من اليوكي نفسه فاهم كيف؟ المهم بعدها الادم في سنه 2022 فجر الدنيا زياده دبل المره هذه جابها. بعد ما نزل اغنيه دوجا الاغنيه هذه يا واد ضربت ضربه مره مجنونه في ذاك الوقت فبعدها سنترال سي تقدر تقول انه صار الواجهه للراب حق بريطانيا فاهم كيف وفي رابرز كثير بدا يقلدوا الادم هذا بعد ما انشهر. يعني في البدايه هو كان قاعد يقلد الرابز اللي كان قاعد اسمع لهم وزي كذا بس في النهايه حصل نفسه وشاف له ستايل خاص فيه فاهم كيف؟ فدحين الناس صارت هي اللي قاعد تحاول تقلد السواك حقه فاهم علي يعني الادمي هذا قلب الطاوله من البدايه كده قلبها اول الناس قاعد تطقطق عليه وما حد داري عنه وساحبين عليه وما ادري ايه وانت تقلد وانت وانت دحين الناس صارت تقلدوا. سنتين الادمي هذا قاعد يشوف طقطقه وفي النهايه شوف فين وصل والله صراحه كت لسنترال سي المهم هذه كانت نهايه المقطع قلنا لكم قصه الرابر سنترال سي لا تنسونا من اللايك وسبسكرايب والشير والامور الطيبه هذه بيس اوت.
