[0:13]الحياة فيها اختيارات كتير وفيها مفارق طرق كتير. وبنتوه كتير وبنتلخبط كتير. آه لو كان عندنا دليل نمشي بيه في الحياة. كتالوج للحياة يقول لي أعيش إزاي وأنا مرتاح نفسياً وروحياً. إحساس حلو قوي لما يكون عندك يقين إنه كل خطوة في حياتك في الاتجاه الصحيح. لما تطمن إنه كل كلمة في الدليل ده موجهة لك أنت القرآن دليل. كل كلمة فيها إشارة وكل آية بتفتح لك طريق أنت مش محتاج معجزة عشان تفهم ولا كورس عشان تتضبر وتفكر. أنت بس محتاج لحظة هادية تقرا فيها كل آية بإحساس يمكن ساعتها تقل الحيرة وتزيد الطمأنينة. والنهارده أول خطوة مع القرآن تتغير حياتك 180 درجة. بسم الله الرحمن الرحيم أهلاً وسهلاً بكم وكل سنة وأنتم طيبين. يا رب رمضان السنة دي يكون خير وبركة وسعادة ورحمة وفتح كبير في حياتنا كلنا. إزيكوا يا شباب؟ أهلاً يا دكتور إزيكوا يا بنات؟ جاهزين؟ جاهزين. يلا بسم الله توكلنا على الله تعالوا نقول مع بعض في بداية رمضان وفي بداية البرنامج. ربي أنزلنا منزلاً مباركاً وأنت خير المنزلين ربي أدخلنا مدخل صدق وأخرجنا مخرج صدق واجعل لنا من لدنك سلطاناً نصيراً. بسم الله توكلنا على الله حسبنا الله لا إله إلا هو عليه توكلنا عليه توكلنا عليه توكلنا وهو رب العرش العظيم. برنامج رمضان السنة دي اسمه دليل رحلة مع القرآن. هنعش مع القرآن 30 يوم. الدليل هو اللي بياخد بإيدك ويوريك الطريق ويدلك على الطريق ويوصلك بأمان وسلام لمحطة وصولك. كل حاجة في الحياة محتاجة دليل مانوال الطب دليل أو مانوال لصحة الإنسان، الهندسة دليل للمعمار الجي بي إس دليل للطريق وللسفر. كل خطوة في حياتك تحتاج دليل القرآن هو دليل البشرية. القرآن هو دليل الإنسان في الحياة. القرآن دليل لإنه جسر بينقلك من الظلمة إلى النور قد جاءكم من الله نور وكتاب مبين. يهدي به الله من اتبع رضوانه سبل السلام ويخرجهم من الظلمات إلى النور. القرآن دليل لإنه لو الدنيا داست عليك وحسيت إن في حتة جواك ماتت ما يحيي اللي مات جواك إلا القرآن. أو من كان ميتاً فأحييناه وجعلنا له نوراً يمشي به القرآن دليل لإن لو حسيت إن الدنيا داست عليك وبقيت تعبان قوي ومجروح من جوه قوي. والله ما يشفي جروحك زي القرآن وننزل من القرآن ما هو شفاء ورحمة للمؤمنين. القرآن دليل لإنه بصلة وبصيرة لقلبك وروحك وحياتك. شوفوا الآية قد جاءكم بصائر من ربكم بصائر كأن من جواك القرآن عامل زي عيون داخلية توريك الطريق قد جاءكم بصائر من ربكم فمن أبصر فلنفسه. ومن عمي فعليها القرآن دليل لإنه مش بس بيوريك الطريق لأ ده بياخد بإيدك ويوصلك لغاية باب الجنة. القرآن دليل كل سورة دليل وكل آية دليل. كل آية دليل أيوه هي ليه الآية سميت آية ما هي كان ممكن تتسمى مقطع أو جملة. سميت الآية آية لإن كل آية معجزة في إحياء روحك وإصلاح حياتك. هدف البرنامج هدف البرنامج إنك تحس وتحب وتفهم وتعيش بالقرآن أربع حاجات أيوه أيوه أنا أنا حافظهم لإن هم دول هدف البرنامج. تاني تحس وتحب وتفهم وتعيش بالقرآن. يعني في الآخر يبقى القرآن رفيقك وصاحبك ومؤنسك ودليلك ودواءك وشفاؤك وسر قوة روحك. واللي بياخد بإيدك لغاية ما يدخلك الجنة. أيوه يعني إن أنت تعيش بحديث النبي صلى الله عليه وسلم اللي كان بيدعي بيه للقرآن والله يا جماعة لازم تحفظوا الحديث ده وتكتبوه وتدعوه كل يوم في رمضان. إيه بيقول إيه النبي صلى الله عليه وسلم اللهم اجعل القرآن لنا في الدنيا رفيقا وفي القبر مؤنسا وعلى الصراط نورا ويوم القيامة شفيعا وإلى الجنة دليلا وإماما ومن النار سترا وحجابا. أما الدعاء ده في رمضان يحيي قلبك بحب القرآن. وبالتالي يا جماعة ده هدف البرنامج تحس وتحب وتفهم وتعيش بالقرآن. وبالتالي ده مش برنامج ده منهج ومرجع ودليل ترجع له طول عمرك لغاية ما تلقى الله. طريقة البرنامج طريقة البرنامج إن احنا هنعيش ال 30 يوم في رمضان مع 35 سورة من القرآن. يعني 35 سورة هو القرآن كام سورة 114 سورة يعني احنا إيه ده تلت القرآن أيوه أيوه. احنا هنعيش السنة دي مع تلت القرآن. مش تفسير ال 35 سورة لا رؤية على بعضها رؤية متكاملة كأنك شايف السورة على بعضها. كأنك شايف السورة بالكامل مش تفسير آية آية لكن لما تقرا بعد كده السورة بعد ما تعيش معانا في برنامج دليل. هي السورة دي عايزة تقول لي إيه؟ أيوه أيوه يا رب أنا فهمت السورة دي بتقول لي إيه؟ هي السورة دي بتعالج فيا إيه هو أنا لما أكون لما أكون موجوع السورة دي بتقول لي إيه؟ هو رسالة السورة دي إيه؟ كل سورة لها هدف. أيوه ما هي السورة سميت سورة لإنها عاملة زي السور كل الآيات اللي جواها بتخدم الهدف. هي يا جماعة مش آيات متناثرة وإلا ما كانتش اتسمت سورة. كل الآيات اللي جوه السورة وحدة واحدة نسيج واحد روح واحدة رسالة واحدة وبالتالي فكل الآيات بتخدم الهدف الواحد. ولو في قصة جوه السورة بتخدم الهدف حتى اسم السورة مشتق من هدف السورة. أي حد بيألف كتاب بعد ما بيألف كتاب بيختار اسم الكتاب بناء على محتوى الكتاب صح ولا لا وكذلك القرآن. اسم السورة هو مفتاح السورة اللي بيدل على المحتوى لو فهمت اسم السورة تفهم السورة. وبالتالي احنا هنعيش بهذه الطريقة مع 35 سورة الله تلت القرآن وبالتالي إن شاء الله العمل ده يكمل من سنة واحدة يكون نفسي نكمل القرآن. ادعوا معايا يا جماعة قولوا معايا اللهم اجعل هذا العمل دليلاً للأمة إلى يوم القيامة. والله يا أولادي ادعوا لي بهذه الدعوة ادعوا بهذه الدعوة اللهم اجعل هذا العمل دليلاً للأمة إلى يوم القيامة. وبالتالي ده مش برنامج ده مشروع لإحياء الإحساس بالقرآن في الأمة. وفي نفس الوقت هو جزء من مشروع الإحسان لإن مشروع الإحسان هو مشروع حياتنا وأنتم متجمعين معايا عشان مشروع الإحسان. طب هو إيه علاقة الإحسان بالقرآن أيوه ما هو الإحسان أن تعبد الله كأنك تراه ده البعد الروحي فيه. وهو في حاجة تخليك تعبد الله كأنك تراه أكثر من إنك تقرا كلام الله. هو أنت هتحس بالروحانيات قد بالقرآن والإحسان كمان معناه أنك تطلع أحسن نسخة من نفسك. إنك تكون بيست فيرجن أوف يور سيلف إنك توصل لتحسين نفسك وهو في حاجة ممكن توصلك إنك أحسن نسخة من نفسك قد القرآن. وبالتالي فالمشروع القرآن اللي احنا بنعمله مربوط جدا جدا بالإحسان. كل حلقة متكونة من ثلاث أجزاء أنتم شايفين الاستركتشر اللي أنا ماشي معاكم فيه هدف البرنامج طريقة البرنامج وبعدين مكونات كل حلقة. الحلقة بتتكون من ثلاث حاجات أول حاجة الجزء الكبير الأول هو طبعاً سورة من سور القرآن ال 35 سورة. الجزء الثاني نعيش مع آية من آيات القرآن إحساسك بيها إيه؟ حبيتها إزاي غيرت حياتك إزاي والمفاجأة إن في الفقرة دي مش أنا البطل أنا موجود فيها بس مين البطل فيها؟ الشباب اللي موجودين معايا أم هما موجودين ليه؟ هما ناس عادية شبهكم هما شباب وبنات مش متخصصين في علوم الدين. ولكنهم ناجحين في الحياة جدا بيحبوا القرآن جدا عشان كده جم معايا من سفراء الإحسان ومن أكاديمية الإحسان. فالفقرة التانية تيجوا نعيش مع آية وهم يقولوا إحساسهم بيها إيه؟ الفقرة التالتة والأخيرة دعاء من أدعية القرآن من بين ملايين الأدعية اللي دعت بيها البشرية ربنا من ساعة سيدنا آدم ليوم القيامة اختار ربنا 40 دعوة بس خلدها في القرآن حوالي 40 دعوة. أكيد ال 40 دعوة دول لهم سر ختام كل حلقة ناخد دعوة من أدعية القرآن ونقول إيه سرها؟ وتقولها إمتى لما تكون محتاج إيه تقول الدعاء ده؟ وبالتالي فالحلقة مكونة من ثلاث أجزاء سورة آية دعاء. يعني كل الليفلز بتاعة القرآن موجودة في البرنامج عايز تستفيد قوي جدا من البرنامج ده وتعيشه قوي عندي ليك نصايح سريعة جدا. أول حاجة ده كتاب اسمه دليل أيوه ده كتاب البرنامج تقدر تقتنيه وهتلاقي عليه كود بار كود عليه كل الحلقات زي ما احنا بنقولها فتبقى بتقرا وبتسمع. الحاجة التانية عايز تستفيد قوي من البرنامج دون انصحك تجيب أجندة أيوه أيوه دي دي الأجندة الخاصة بتاعتي دي أجندة الخواطر بتاعتي. وتنزل فيها الخواطر بتاعتك كل حلقة تكتب أنت طلعت بإيه بعد بعد شوية هتبقى الأجندة دي غالية عليك قوي كنز بالنسبة لك إن شاء الله يعني. اللهم اجعل هذا العمل دليلاً للأمة إلى يوم القيامة. الحاجة التالتة اللي أنصحك بيها ادخل على عمرو خالد إيه أي عمرو خالد إيه أي ده أول حاجة موجودة في العالم العربي بالذكاء الاصطناعي. حطينا عليه كل المحتوى اللي أنا قلته من ساعة ما ابتديت الدعوة 25 سنة اتغذت جوه المشين في الاي أي. فأي حد عايز يسأل عمرو خالد يدخل يسأل يرد عليه قمنا مغذينها بسكشن خاص للقرآن اللي عليه كل الحلقات دي. عايز تتضبر بقى عايز تسأل عن القرآن وأنت شاعرك إنك بتسأل بشكل آمن من غير ما يكون في معلومات مغلوطة تلخبطك فده الإي أي تالت وسيلة تساعدك. يلا ندخل في الحلقة الأولى الحلقة الأولى خلاص بقى ندخل على طول ما احنا عايزين 35 سورة لازم يعني. أول حلقة فيها أربع سور الفاتحة قل هو الله أحد سورة الإخلاص سورة العصر سورة القمر. أربع سور منهم تلاتة أساسيين اللي أنت بتصلي بيهم ليل ونهار كان لازم يبقوا في الحلقة الأولى. لكن الحقيقة هو إيه عنوان الحلقة؟ عنوان الحلقة جميل قوي. تلات طرق سهلة تخليك تحب وتفهم وتعيش بالقرآن أيوه تلات طرق ممكن لو سمحت تختار التلات طرق كلهم أو اتنين منهم وتكمل بيهم ختمتك في قرآن؟ والله هتبقى أحلى ختمة السنة دي ممكن لو سمحت تكتب التلاتة وتجربهم؟ الطريقة الأولى وجوه ما احنا بنقول التلاتة حناخد الأربع سور فاهمين هنشتغل إزاي يلا الطريقة الأولى. أسرع وأسهل طريقة تخليك تحب وتحس وتفهم وتعيش بالقرآن إقرأ القرآن إن الله يكلمك. أيوه أه ربنا بيكلمني هو القرآن كلام الله يخاطب الله به عباده. ما هو من أراد أن يكلم الله فليصلي ومن أراد أن يكلمه الله فليقرأ القرآن. فلو بتصلي وبتقرا القرآن من المصحف أو ماسك الموبايل بتاعك بتقرا منه بالليل في قيام الليل أنت بتكلم ربنا وربنا بيكلمك. هو أنت بتقرا القرآن يا رب أنا سامعك يا رب أيوه أنا سامع يا رب أيوه يا رب أنا فهمت يا رب وصلت الرسالة يا رب. عايز تحب القرآن قوي؟ عايز تحس بالقرآن قوي؟ إقرأ القرآن إن ربنا بيكلمني موضوع شخصي جدا موضوع خاص بيك جدا جدا. مش بيكلم كل الناس لأ بيكلمك أنت أيوه أيوه القرآن بيكلمني أنا أيوه أيوه الآية دي رسالة ليك أنت. أيوه يا رب أنا فهمت يا رب وصلت الرسالة يا رب مش معقولة أصل أنا فتحت الآية الآية كأنها بتتكلم على وجعي النهارده. أيوه والله العظيم لو قرأت القرآن كده مئات الحواجز والحجب ستزال بينك وبين الله وبين القرآن. كأن فجأة اتكشفت الحواجز بينك وبين القرآن أنا حاسس يا جماعة أنا بقيت بحبه قوي تعرف تقرا القرآن كده؟ تعرف تقرا القرآن إن ربنا بيكلمك أشوف ربنا هيقول لي إيه النهارده وتفتح المصحف على الورد بتاعك أنا أنا فتحت دلوقتي والله طلعت لي سورة الكهف أهو طلعت لي سورة الكهف. إنهم فتية آمنوا بربهم وزدناهم هدى أيوه يا رب زدني هدايا يا رب في رمضان الله تعرف تقرا القرآن كده؟ الصحابة كانوا بيعملوا كده الصحابي يقول لما اشوف ربنا هيقول لي إيه النهارده يوم يفتح القرآن. قصة قصة واردة في عن الصحابة فيمر على الآية وآخرون خلطوا عملاً صالحاً وآخر سيئاً. عسى الله أن يتوب عليهم فيبكي ويقول يا ترى ربنا هيتوب عليا؟ فيلاقي الآية اللي بعدها على طول بتقول ألم يعلموا أن الله هو يقبل التوبة عن عباده؟ فيضحك ويبتسم ويقول علم الله بدموعي وخوفي فطمأنني تعرف تقرا القرآن كده؟ ربنا بيكلمني ويتفتح لك القرآن بمعجزة عجيبة من الله لإن أنت بقيت بتقرا بشكل شخصي. رسالة موجهة ليك أنت بشكل مخصوص أحلى ختمة قرآن لو عملت كده النبي كان بيقراه كده. أيوه أيوه السيدة عائشة بتوصف النبي وهو بيصلي بالليل قيام الليل بتقول يقرأ يقرأ يقرأ ثم يأتي عند الآية. فقلت استغفروا ربكم إنه كان غفارا فأسمعه يسكت ويتمتم بصوت خسيف استغفر الله استغفر الله استغفر الله. ثم يمر على الآية وعلى الله فليتوكل المؤمنون فأسمعه يسكت فيقول توكلت على الله توكلت على الله. ثم يمر على الآية وقال ربكم ادعوني أستجب لكم فأسمعه يسكت ويتمتم اللهم استجب دعائي اللهم استجب دعائي. ثم يمر على الآية وقليل من عبادي الشكور فيسكت فأسمعه يتمتم الحمد لله الحمد لله. تعرف تقرا القرآن كده؟ أحلى ختمة قرآن ادي الطريقة الأولى. ننقل على الطريقة التانية. الطريقة التانية بتقول عيش المستوى اللي أنت فيه من القرآن وعلي المستوى فهمك تدريجيا. يعني إيه؟ شباب كتير وبنات كتير يقولوا لك إيه يا معاذ يقولوا لك إيه يا يقولوا إيه يا هاجر انا مش عارفة احس بالقرآن لاني مش فاهم أنا مش فاهم فانا مش عارف احس بالقرآن. عيش المستوى اللي أنت فيه من القرآن عايز تقول إيه؟ القرآن يا جماعة مستويات. القرآن ليفلز القرآن مش سقف واحد سطحي لا لا لا لا لا مش تقرا مرة واحدة تخلص. القرآن ليفلز لا تنتهي طبقات لا تنتهي أسقف لا تنتهي وإلا ما كانش عاش 1400 سنة. لو هو سطحي ليفل واحد كنا زهقنا من زمان لكن كل ما تقرا ما تخلص. في حاجات في القرآن انا مش فاهمها وفي حاجات في القرآن يمكن الشيخ الشعراوي اللي فسر القرآن مش فاهمها. وفي حاجات إن علماء الدين كلهم في الزمن ده مش فاهمينها لزمن تاني سقف تاني وفي حاجات تخيلوا الصحابة ما كانوش فاهمينها. سيدنا أبو بكر الصديق يمر يمر على الآية وفاكهة وأبا وبعدين يقول ما الأب مش فاهمة طب خلاص يعني مش معايا. تخيلوا إن سيدنا عمر بن الخطاب العبقري يقول لعبد الله بن عباس يا ابن عباس آية في كتاب الله حيرتني. يعني عايز تقول إيه القرآن أسقف القرآن ليفلز لو سمحت أنت الليفل بتاعك كام؟ والله أنا العربي بتاعي على قدي قوي قوي قوي قوي أنا الليفل بتاعي 20% حلو جميل استمتع بيه. عيش الليفل اللي أنت فيه من القرآن يعني إيه أعيش الليفل اللي أنا فيه يعني أعمل إيه فعل الإحساس. اعمل أكتيفيشن لإحساسك بالقرآن الموبايل ده حتة حديدة لو رميته في البحر ورايا ملوش قيمة لغاية ما يتعمله أكتيفيشن. اتعمله أكتيفيشن بقاله قيمة ممكن لو سمحت تفعل الإحساس ممكن تقرا بإحساس؟ ممكن مش تقرا قراءة نظرية أنا حاسس أنا حاسس باللي بقرأه. أنت بقى المستوى بتاعك كام؟ 20% إيه اللي بره المستوى بتاعك؟ 80% سيبه مش تبعك مش في الليفل بتاعك إن شاء الله تجيبه في يوم من الأيام بس مش في الليفل بتاعك دلوقتي. ليه بقول الكلام ده؟ لإن مشكلة ناس كتير إنه معصلج دماغه أنا مش فاهم عشان هو في كلمات مش فاهمها. أو مقطع اللي مش فاهمه أو سورة طب أنت فاهم إيه ممكن لو سمحت تفعل الإحساس في اللي أنت فاهمه؟ وتنبلصت فيه وتستمتع باللي أنت فاهمه من القرآن واللي أنت مش فاهمه مش بتاعك إن شاء الله يجيله الدور في يوم من الأيام. يوم ربنا سبحانه وتعالى يقول لنا آية في القرآن وعد رباني ولقد يسرنا القرآن للذكر فهل من مدكر يعني إيه؟ الله يسر لكل إنسان الليفل بتاعه يحس ويفهم ويعيش به ده وعد من الله. الآية دي جت أربع مرات في القرآن أو خمس مرات في القرآن هذا وعد من الله كل إنسان يسر الله له مستوى من القرآن يحسه. كل مسلم له مستوى من القرآن يحسه بس بقية الآية إيه فيها شرط ولقد يسرنا القرآن للذكر فهل من مدكر؟ أيوه عشان يتسر لازم يكون مدكر يعني إيه مدكر؟ ما قالش قارئ ما قالش حافظ ما قالش متذكر مدكر كلمة مكثفة قوي. متدبر بإحساس قوي مفعل الإحساس قوي مدكر يعني مستعد للاتصال النفسي والروحي مع الله وهو بيقرا القرآن. هتفهم لو لو عشت القرآن في الليفل بتاع هتفهم قوي وعلى فكرة بقى نص القرآن نص وميسر. والقرآن بيتكلم على إيه؟ نص القرآن بيتكلم على إيه؟ بيتكلم على الأخلاق بيتكلم على يوم القيامة بيتكلم على الجنة والنار بيتكلم عن أسماء الله الحسنى. بيتكلم عن قصص الأنبياء دي تلت القرآن لوحدها مين قال إن القرآن صعب؟ أنت قافل دماغك إن في حاجات مش فاهمها ممكن لو سمحت اللي أنت فاهمه تحسه فتتذوقه وتحبه. طيب ناخد سورة ميسرة لكل مسلم أول سورة بقى الفاتحة ممكن لو سمحت تعيش الفاتحة لإن ربنا يسرها لكل مسلم. لا يوجد في الفاتحة كلمة واحدة صعبة والله ميسرة تخيل أنت بتقرا الفاتحة كل يوم ومش حاسسها. طب تيجي نقراها بإحساس ادي أول سورة هنبدأها من ال 35 سورة طبعاً الفاتحة. يلا اسمع معايا كده وحاول تصلي بيها كده الحمد لله رب العالمين ممكن تفتكر نعمة ربنا إداها لك؟ الرحمن الرحيم أنا عايش برحمتك يا رب مالك يوم الدين رجاء لك يوم القيامة إياك نعبد وإياك نستعين أعني أعني عشان أعرف أعبدك في رمضان. اهدنا الصراط المستقيم وريني الطريق يا رب أتجوز فلان ولا ما اتجوزت فلان اغير الكارير ولا ما غيرش الكارير أسافر ولا ما أسافرش هو ده معنى اهدنا الصراط المستقيم وريني الطريق. مش معناها في الآخرة بس وفي الدنيا كمان اهدنا الصراط المستقيم صراط الذين أنعمت عليهم اديني صحبة حلوة اديني صحبة صالحة غير المغضوب عليهم ولا الضالين ابعد عني أصحاب السوء. الفاتحة دي إيه الكلام ده؟ إيه الطاقة دي؟ الفاتحة اللي بتديك الانرجي ده تاني تاني أقولها تاني أنا بصلي بيها كده أنا عايزك تحفظها كده الحمد لله رب العالمين افتكر نعمة ربنا إداهالك. الرحمن الرحيم أنا عايش برحمتك يا رب مالك يوم الدين رجاء لك يوم القيامة إياك نعبد وإياك نستعين أعني عشان أعرف أعبدك اهدنا الصراط المستقيم اللهم وريني الطريق. صراط الذين أنعمت عليهم اديني صحبة صالحة غير المغضوب عليهم ولا الضالين ابعد عني أصحاب السوء. فين الصعب؟ أنت ما كنتش مفعل الإحساس لكن هي ما فيش فيها كلمة صعبة ممكن تقراها كده لو سمحت ادي أول سورة خدناها. طيب أنت الليفل بتاعك 20% تيجي تيجي نعلي الليفل تيجي نطلع ل 30 و 40 و 50% في رمضان السنة دي؟ عيش معايا البرنامج 35 سورة ويلا نبدا من دلوقتي تيجي ناخد سورة تانية قل هو الله أحد. عايز تفهم سورة قل هو الله أحد سورة الإخلاص افهم أصعب كلمة فيها الكلمة الوحيدة اللي صعبة الله الصمد. اسم الله الصمد لم يرد في القرآن إلا مرة واحدة في هذه السورة وكأنه له علاقة بكلمة أحد فجاء الاسم مرة واحدة فقط. يعني إيه الصمد؟ الصمد هو الذي يلجأ له عند الشدة المقصود بقضاء حوائج العباد أيوه. تقول العرب بيت مصمود إذا كثر طرق هذا الباب يقصده الناس لقضاء الحوائج. يبقى يعني إيه الله الصمد هو الذي يقف العباد على بابه يتوسلون إليه يا صمد. أنت المقصود بقضاء الحوائج اقضي حوائجنا يا صمد يعني إيه الله الصمد؟ يعني الله بيقول كأن المعنى يا عبادي أنا الصمد لا تذهبوا لغيري لن يقضي لكم حوائجكم إلا أنا فاقصدوني فانا المقصود بقضاء حوائجكم.
[22:54]عشان كده اتسمت سورة الإخلاص اخلص قصدك لله لا تذهبوا لغيره مش معناها ما تخبطش على أبواب الناس. لازم كلنا هنخبط على أبواب الناس لكن القلب بيقول إيه؟
[23:09]أنت المقصود أنت الصمد فهمت السورة؟ قل هو الله أحد لا أحد غيره يقصد الله الصمد أنت المقصود لم يلد ولم يولد ده اعتقادك مسلم ولم يكن له كفوا أحد. لا حد بيرزق زيه ولا حد بيعطي زيه ولا حد بيرحم زيه لإن الصمد لإن الأحد ولإن السورة اسمها الإخلاص. طب يعني أعمل إيه بعد كده؟ انتم عارفين أنا بصلي بالصورة دي إزاي؟ كلنا بنصلي بيها كتير قل هو الله أحد الله الصمد على طول يقوم جاي في دماغي أنت المقصود يا رب أنا قصدك في قضاء حاجتي. وافتكر إيه الحاجة اللي نفسي من ربنا النهارده يعني قبل ما أصور النهارده الحلقة دي صليت بقل هو الله أحد الله الصمد أنت المقصود يسر البرنامج يا رب. تعرف تصلي بقل هو الله أحد كده؟ شفت الليفل علينا ليفل أهو طب ناخد سورة كمان سورة العصر. والعصر إن الإنسان لفي خسر إلا الذين آمنوا وعملوا الصالحات وتواصوا بالحق وتواصوا بالصبر. السورة دي الإمام الشافعي بيقول عنها الإمام الشافعي ده عبقري بيقول لو لم ينزل الله من القرآن إلا سورة العصر لكفت الناس كفاية عليكوا. يعني إيه سورة العصر وليه كل ده؟ العصر اللي هو الوقت اللي قبل المغرب مش كده؟ أيوه بس هو ليه اتسمى العصر؟ جذر كلمة العصر من عصر الشيء لتخرج أحسن ما فيه. أيوه منها جت كلمة عصير تعصر الفاكهة عشان تنزل أحسن ما فيها ومنها جاء قول الله وأنزلنا من المعصرات السحب عصرناها ماء فجاجا. طيب يبقى يعني إيه العصر وليه ربنا بيقسم بيه؟ العصر اللي هو قبل المغرب اعصر يومك قبل ما تغرب شمس يومك واعصر عمرك قبل ما تغرب شمس حياتك. فلما تيجي تصلي والعصر هي الساعة كام دلوقتي هو أنا عصرت النهارده عشان اطلع أحسن ما فيا ولا لا؟ والله ده أنا نايم طول النهار وكسلان طول النهار لا لا لا لا لا المغرب بيقرب والعصر. قوم اتحرك اعمل حاجة مفيدة إيه ده؟ إيه السورة دي؟ بتزقك لقدام لو أنت بتتكلم على الفاعلية في الحياة مش محتاج أكثر من سورة العصر. والعصر اعصر عمرك هتموت اعصر قبل ما تموت أنا كل ما أصلي بسورة العصر إيتوميتيكلي بيجي في دماغي. ها عصرت النهارده ولا ما عصرت؟ طلعت أحسن ما فيك ولا لا؟ والعصر إن الإنسان لفي خسر كل خسران اللي ما بيعصرش عمره خسران. إلا إلا مين؟ إلا الذين آمنوا وعملوا الصالحات وتواصوا بالحق وتواصوا بالصبر لما تواصوا بالحق والصبر تمكنوا. مش هتعرف تعصر عمرك إلا لو ليك صحبة صالحة عيش المستوى اللي أنت فيه من القرآن وعلي المستوى تدريجياً. خدنا لغاية دلوقتي سورة الفاتحة وقل هو الله أحد والعصر والقمر قلنا كام طريقة؟ تلات طرق سهلة عشان تحس وتحب القرآن واحد ربنا بيكلمني اتنين عيش المستوى اللي أنت فيه من القرآن تلاتة. عايز أسرع وأحلى طريقة تحب وتحس وتفهم وتعيش بالقرآن فعل القرآن في حياتك. إقرأ القرآن للعمل إقرأ القرآن للتنفيذ للفعل خلي القرآن يحسنك تدريجياً خلي القرآن يوصلك للإحسان. خلي القرآن يوصلك لأحسن نسخة من نفسك القرآن دوره في الحياة إنه هو يوصلك للإحسان القرآن كتاب إحسان. اتبعوا أحسن ما أنزل إليكم من ربكم الله نزل أحسن الحديث نحن نقص عليك أحسن القصص. القرآن كتاب إحسان دوره يوصلك للإحسان في حياتك أنت مصدق في ده طول ما أنت بتقرا القرآن قراءة نظرية لا هتحب ولا هتحس ولا هتفهم القرآن. ليه مش بتاعي مش بيكلمني انا بيكلم حد تاني أول ما تبدأ القرآن القرآن بيحسنني. واو الآية دي غيرتني بشكل واو الآية دي طورت حاجة في واو الآية دي قوتني نفسياً بشكل. تبدأ تحب القرآن وتقول القرآن بيغيرني أنا القرآن بيصلحني أنا أنا بقيت بحبه قوي أصل ده الكتاب اللي بيغيرني وبيصلح حياتي. الحقيقة أنت معطل القرآن أيوه أنت معطل القرآن لإنك بتقرا وعايز تخلص بسرعة عايز تخلص وخلاص. مش كده شوف الآية بتقول لك إيه لا تحرك به لسانك لتعجل به إن علينا جمعه وقرآنه فإذا قرأناه فاتبع قرآنه. نفذ اتبع الاتباع احنا حولنا القرآن من كتاب لإصلاح الحياة إلى كتاب للبركة ناخد بيه بركة وبس. ده نوع من هجر القرآن وقال الرسول يا رب إن قومي اتخذوا هذا القرآن مهجوراً الهجر في اللغة معناها ترك التنفيذ وترك الفعل وترك العمل مش ترك القراءة. النبي مش هيشتكي يوم القيامة مننا غير من حاجة واحدة بس هجروا القرآن نحن نؤمن بقداسة القرآن لكن للأسف كتير مننا لا يؤمن بفاعلية القرآن في حياتهم. احنا بنجري على كتب التنمية البشرية عشان نقراها ونهمل أعظم كتاب في إصلاح حياتنا القرآن. الفرق بيننا وبين جيل الصحابة إن الصحابة كانوا بيقروا القرآن للتنفيذ والعمل واحنا بنقروا القرآن فقط للبركة عشان نخلص ونختم في آخر الشهر. السيدة عائشة لما سألوها كيف كان الرسول مع القرآن؟ قالت كان قرآناً يمشي على الأرض. اللهم صل على سيدنا محمد قرآن بيمشي على الأرض ممكن تختار لو سمحت آية كل يوم تنفذها؟ بس كده تبقى مش معطل القرآن مش هاجر للقرآن اقرا القرآن للتنفيذ. لابد أن توقن يقيناً رهيب ان أعظم حاجة تصلحك وتحسنك وتطورك هي القرآن. أنت مع القرآن لو بتنفذ كل يوم آية واحدة ستكون انسان رائع. لازم يبقى جواك يقين رهيب أعظم كتاب في البشرية يصلح البشرية هو القرآن. يا جماعة لا يوجد كتاب عبر التاريخ كتاب واحد صنع حضارة أمة كاملة إلا القرآن الكريم. أي حضارة عشان تتبني محتاجة عشرات الكتب مئات الكتب الحضارة الغربية يو مئات الكتب الحضارة الصينية. إنما أمة بقالها 1400 سنة صنعها كتاب واحد بس هو القرآن يا نهار أبيض وأنت شاكك إنه يغيرك ده صنع حضارة أمة. اسمعوا الآية الجميلة دي ولو أن قرآناً سيرت به الجبال أو قطعت به الأرض أو كلم به الموتى بل لله الأمر جميعا. مش فاهم لو في كلام يصنع الخوارق يخلي الجبال تتحرك ويقطع الأرض جزر وقارات ويسمع الموتى ويحييهم لكان القرآن الكريم. مش فاهم معنى الآية كده ولو أن قرآناً سيرت به الجبال أو قطعت به الأرض أو كلم به الموتى يبقى القرآن بس بقية الآية بتقول إيه؟ بل لله الأمر جميعا لم يشأ الله أن يقوم القرآن بهذه الأدوار الخارقة. ولكن دور القرآن إنه يصلحك أنت ويبنيك أنت ويحركك أنت فانت اللي تسير الجبال وتقطع الأرض وتنجح الحياة. أراد الله أن تكون المعجزة الخارقة مش إن القرآن يصنع المعجزات زي الأنبياء الآخرين عملوا المعجزات. معجزة القرآن أنت إنه يحييك من الداخل يسري فيك فيصلحك فتصلح الأرض ولذلك في سورة في القرآن اسمها سورة القمر. هدف السورة لازم توقن ان أعظم معجزة تغيرك هي القرآن. سورة القمر دي السورة الأخيرة اللي هناخدها النهارده سورة القمر 55 آية خمس مقاطع. خمس أقوام أهلكوا قوم نوح وعاد وثمود وقوم لوط وفرعون خمس أنبياء أرسلوا اليهم. كل نبي جاء بمعجزة الخمس أقوام كذبوا خمس طرق إهلاك للأقوام اللي كذبوا. إيه الخمسات دي كلها؟ خمس أنبياء خمس معجزات خارقة خمس صور لإهلاك الناس اللي كذبوا كله خمسات كده بين كل مقطع والتاني مفصول عن بعضه بين كل قوم أهلكوا والقوم اللي بعديهم آية ولقد يسرنا القرآن للذكر فهل من مدكر. إيه العلاقة؟ السورة بتتكلم على إهلاك الأقوام إيه اللي يجيب الآية دي في النص؟ لم تفلح المعجزات الخارقة اللي جاء بها الأنبياء في إصلاح هؤلاء الأقوام كذبوا. ولكن الذي يصلح أن يغير الحياة هو القرآن هو القرآن فيجيب لك الأقوام أهلكوا ويجيب لك المعجزة اللي جاءت لهم ما نفعتش. ما نفعتش وفي النص يقول لك ولقد يسرنا القرآن للذكر فهل من مدكر هو ده اللي بيصلح. كأن المعنى لم تفلح المعجزات الخارقة في إصلاح البشرية ولكن هذا الكتاب هو ده اللي بيصلح. أنت مش محتاج معجزة خارقة عشان تتغير أنت محتاج القرآن. طب وليه اتسمت سورة القمر؟ اقتربت الساعة وانشق القمر انشقاق القمر كمعجزة في عهد النبي لم يفلح في هداية قريش. ولكن القمر هو القرآن عيش بالقرآن ممكن لو سمحت الطريقة التالتة خد آية تغير حياتك. احنا كده النهارده علي الليفل شوية وخدنا أربع سور الفاتحة وقل هو الله أحد والعصر والقمر. تلات طرق تخلي أحلى ختمة في حياتك ربنا بيكلمني عيش المستوى اللي أنت فيه من القرآن باحساس فعل الإحساس. اقرا القرآن للتنفيذ آية واحدة كل يوم تقرر انك تنفذها حياتك هتتغير. هنعش معاكم الفقرة الجاية وهنعش معاهم بطريقة جميلة جدا آية غيرت حياتهم آية نورت حياتهم. فقرة جميلة جدا قبل ما نطلع للفقرة التانية خليني أحكي لكم على أكاديمية الإحسان. أكاديمية الإحسان أكاديمية علمية روحية أونلاين مش لازم تحضر هي أونلاين يومين في الأسبوع تجمع علوم الإحسان والعيش بالقرآن وفهم القرآن مربوطة بعلم النفس الإيجابي عشان تطلع أحسن نسخة من نفسك. لو عايز تشترك في الأكاديمية لينك الأكاديمية موجود يلا نكمل مع بعض ونعيش مع الشباب وآية غيرت حياتنا كلها.
[34:18]يلا نكمل مع بعض وصلنا للفقرة التانية من البرنامج والفقرة التانية دايماً هتكون تأمل في آية. هنعش مع آية حاسس بيها إزاي؟ آية غيرت حياتك آية فرقت معاك في حياتك آية اديتك درس كبير في الحياة. آية شافت قلبك أو هدت قلبك بس البطل في الفقرة دي مش أنا البطل في الفقرة دي هما الشباب والبنات اللي هيعيشوا معايا البرنامج طول تسجيل البرنامج. الشباب والبنات دول هما شباب زيكم مش متخصصين في القرآن بس ناجحين في الحياة شباب عاديين. لكن أجمل ما فيهم الإحساس بالقرآن كل يوم هنعيش مع اتنين منهم بيقولوا لنا خاطرة من الخواطر في القرآن اللي أثرت في حياتهم واللي غيرت حياتهم. هي تجربة شخصية مع آية الآية دي عملت فيا نقلتني نقلات كبيرة أنا بوعدكم الفقرة دي هتكون من أحلى الفقرات لإن هتسمعوا في الآيات كلام جميل جدا. هدف الفقرة دي احنا مش بنقرا القرآن عشان نخلصه أو عشان نختم وبس لا احنا في آيات بتحيي حياتنا. في آيات احنا عايشين بيها في القرآن فانتم كمان تلاقوا ناس شبهكم لإن هما اللي بيحكوا. فانتم كمان تقولوا لا وانا لازم هقول ايه الآيات اللي أثرت فيا وغيرت حياتي هدف الفقرة دي احياء العيش بالقرآن. فتبعتوا لنا على السوشيال ميديا ونقول لكم ابعتوا لنا على اللينك ده انتم كمان خواطركم فكلنا نعيش بمعاني القرآن الجميلة. خليني أعرفكم في الفقرة النهارده على مين اللي هيكونوا مشاركين معانا في الفقرة الجميلة دي وفي البرنامج كله. هيام من مصر هيام مدربة علم نفس إيجابي معتمدة من الاتحاد الدولي للكوتشنج. هيام أم وزوجها غالي عليها عندها ثلاث أطفال ربنا يبارك لها فيهم. هاجر من المغرب بنت مغربية جدعة مكافحة صامدة بتدرس في ألمانيا علوم علم التمريض. معاذ معاذ شاب سوري جدع ما شاء الله دكتور أسنان تجميل وزراعة أسنان. ومعاذ من الشباب الرائع يعيش في ألمانيا الآن وهو من سوريا أصلا. علي عمرو خالد مش واخد بالي منه بس احنا يعني علي عمرو خالد موجود معانا في بعض الفقرات في البرنامج. بس علي عايش بالقرآن بفكره آيات ورسائل من القرآن عشان كده موجود معايا النهارده. عبد الله البطار الحبيب الغالي عبد الله البطار دكتوره أربع لغات عبد الله البطار مترجم للحكومة الإسبانية من الأردن أصلا. خمس سنين عبد الله البطار معايا في مشروع الإحسان رفيق وصديق وحبيب وغالي. حبيبة عمرو أصغر مشاركة في البرنامج حبيبة 20 سنة حبيبة بتدرس سياسة واقتصاد في جامعة السربون في فرنسا مصرية جدعة. أما خواطر حبيبة عن القرآن هتفرق مع الشباب وهتأثر فيكم بشكل قوي. عمر خالد من مصر عمر خالد دكتور في جامعة ليفربول في إنجلترا عمر خالد عنده شركة تكنولوجي. عمر بيقوم بدور كبير جدا بيحول مناهج التعليم بتاعة الجامعات البريطانية إلى أكتيفيتيز وجيمز. عمر شخص موهوب جدا في التكنولوجي وشغال معايا في الإحسان في تحويل الابليكيشن بتاع الأطفال لجيمز منهج الإحسان. يوسف نصر يوسف نصر حافظ القرآن كله 25 سنة يوسف ناصر شغال في الفاميلي بيزنس بتاع العيلة في الزراعة وهو مهندس اتصالات. محمد نجاح محمد نجاح بطل مصري رياضي محمد نجاح بطل العالم في سبييد بول سبع مرات.
[38:03]محمد نجاح هو مدرب منتخب مصر الخماسي اللي خد مداليتين في الأولمبيتين واحدة دهب وواحدة فضة. محمد نجاح هو مدرب المنتخب وعنده اون بيزنس هو اللي بيديره شانج من كردستان العراق أول مرة يكون معايا حد من العراق في البرنامج. شانج أستاذة ودكتورة الغدد الصماء في بريطانيا مجموعة رائعة جميلة من مصر ومن سوريا ومن المغرب ومن العراق ومن الأردن خمس دول موجودين مع بعض في البرنامج. أنا بوعدكم هتسمعوا خواطر رائعة بيجمعهم كلهم إنه احنا شغالين مع بعض في مشروع الإحسان. منهم سفراء الإحسان ومنهم خريجي أكاديمية الإحسان هما معايا كل يوم اتنين منهم وخواطرهم حوالين القرآن في الفقرة دي. يلا نكمل مع بعض الفقرة الجاية.
[39:16]وصلنا للفقرة الأخيرة من البرنامج أسرار أدعية القرآن البرنامج سورة آية دعاء. من بين ملايين الدعوات اللي دعت بها البشرية ربنا من آدم ليوم القيامة اختار ربنا حوالي 40 دعوة بس. هي اللي خلدها في القرآن الكريم أكيد الدعوات دول لهم سر كل يوم هناخد دعوة. دعوة النهارده مناسبة لدخول رمضان ربي أدخلني مدخل صدق وأخرجني مخرج صدق واجعل لي من لدنك سلطانا نصيرا. إمتى تقول الدعاء ده؟ وأنت بادي كل عمل جديد في حياتك نفسك تدخله صح ونفسك تخرج منه صح. أحلى بداية لرمضان يا رب دخلني حلو قوي وطلعني حلو قوي يعني إيه مدخل صدق؟ يعني إيه الصدق هنا؟ الأساسات السليمة الصحيحة دخلني بنية حلوة دخلني بنية فيها تقوى دخلني بتقوى دخلني بإحسان دخلني مدخل صدق.
[40:15]الحقيقة ومش كفاية أدخلني مدخل صدق ياما ناس بتبدأ بهمة عالية بس المهم هتخرج إزاي؟ البطولة مش تدخل إزاي البطولة وأخرجني مخرج صدق ياما ناس في بداية رمضان منتهى الهمة لكن يا ترى هتختم إزاي؟ ممكن تقول الدعاء ده كتير في رمضان؟ ده دعاء مهم قوي لرمضان ولكل حاجة هتبدأها جوازة شراكة سفر.
